نقل مقر بلدية الدوحة لصالة القادمين بالمطار القديم .........

[مستثمر رشيد]

تكثف بلدية الدوحة حالياً أعمالها للانتهاء من إعداد وتجهيز المقر الجديد للبلدية حيث استقرت الوزارة بشكل نهائي على استغلال صالة القادمين بمطار الدوحة القديم ليكون مقراً مؤقتاً للبلدية.

وأكد مصدر بوزارة البلدية والبيئة لـ الراية أن الاستعدادات للانتقال للمقر الجديد تجري على قدم وساق تمهيداً لانتقال مقر البلدية بكافة مكاتبها إلى المقر الجديد في صالة القادمين بمطار الدوحة مؤكداً أنه من المقرر أن يتم الانتقال في غضون شهرين لحين انتهاء كافة أعمال التجهيزات لتحويل الصالة إلى مقر إداري للبلدية.

وكشف أن الاتفاق بين وزارة البلدية والبيئة وهيئة الطيران المدني كان على استغلال الصالة بشكل مؤقت ولم يتحدد مدى زمني لذلك مرجحاً أن يكون استغلال المبنى لمدة 4 سنوات على الأكثر حيث إنه من المرجح أن تعيد الهيئة تشغيل المطار مرة أخرى في حال الحاجة له في فترة استضافة قطر لكأس العالم 2022 وبالتالي فإن التجهيزات التي ستتم داخل الصالة ستكون محدودة دون إحداث أي تغيير في شكل المبنى من الخارج أو الداخل.

[رآعي موآجيب]

كل هالأبراج وهالبنيان ومتوهقين في مبنى مثل الناس لـ كم وزاره !!

وزارة البلديه والنيابه والعدل ويمكن فيه وزارات أو هيئات ثانيه بعد

( هذا غير سالفة المواقف )

وين رايح ؟ رايح أخطط للديره :app:

[السكين]

مشكلة دخلة محطة البترول بدون هالواسطة مسببة زحمة من خطين خارج المحطة ( بين إشارات المراسم والجسر أقصد ) وبعدها تيجي البلدية وبعدين اشارت وجسر راس بو عبود .. يا ليت الهيئات الحيوية ينقلونها بعيد عن زحمة المدينة منها نلاقي مواقف ومنها الوصول يكون أسرع .

[Riku3]

يقصدون المبنى القديم الي على دخلة اشارات المطار والا الثاني الي كان مؤقت للقادمون صوب بوعبود ؟ .. لان كاتبين يقع في المطار القديم .. والمؤقت الي صوب بوعبود اظن المفروض في نطاق ام غويلينه مب المطار القديم @_@ ..

لو كانوا يقصدون الي عند جسر بوعبود .. بالعكس المبنى دخلته مريحه وموقعه بعيد عن الزحمة .. والمكان بيكون خدمي والمواقف كثيرة جدا بعكس الابراج الي حتى الموظفين ما تكفيهم المواقف ..

بعد المحطة والشارع طويل واكثر من خط فمستحيل تتكدس السيارات لين الشارع .. يعني اللفه مابيكون عليها زحمة والمواقف متوفرة بشكل كبير ..

العتب الوحيد هو كم بيصرفون علشان يجهزون هالمبنى لثلاث او اربع سنوات فقط !! .. انا اشوف هذا هدر لموارد الدولة .. ليش ما خططوا هالموضوع من قبل وبنو المقر الجديد !! .. وليش وزاراتنا الخدمية ما تبني مقرات ملك لهم مثل الداخلية بدل التأجير في الابراج .

[مرتبش]

ليش مؤقت؟ يصبرون على السد بلازا ويستاجرون او يبنون شي دائم.
المؤقت بيصرفون عليه والاولى انهم يوفرونها.
مايصير نقص في الميزانية من صوب .. ونصرف بدون هدف من صوب ثاني

[.قطر.]

بيشغلون المطار القديم اذا احتاجوا :omg:
على مايجي كاس العالم توسعه مطار حمد بتكون جاهزه واكيد بتكفي

[معماري قطري]

كل هالأبراج وهالبنيان ومتوهقين في مبنى مثل الناس لـ كم وزاره !!

وزارة البلديه والنيابه والعدل ويمكن فيه وزارات أو هيئات ثانيه بعد

( هذا غير سالفة المواقف )

وين رايح ؟ رايح أخطط للديره :app:

الله يحفظك ويوفقك يا راعي مواجيب

[معماري قطري]

بيشغلون المطار القديم اذا احتاجوا :omg:
على مايجي كاس العالم توسعه مطار حمد بتكون جاهزه واكيد بتكفي

استر عليهم شكلهم مضيعين .. لا وبيشغلونه في سنة ههههههه ومن وين بيحصلون دبدوب يستقبل المسافرين؟

[معماري قطري]

ليش مؤقت؟ يصبرون على السد بلازا ويستاجرون او يبنون شي دائم.
المؤقت بيصرفون عليه والاولى انهم يوفرونها.
مايصير نقص في الميزانية من صوب .. ونصرف بدون هدف من صوب ثاني

مريت صوبه أمس وبكيت على الأطلال المكان مظلم واستغربت الشغل هناك .. شغل بنيان بس شبه موقف

[.قطر.]

استر عليهم شكلهم مضيعين .. لا وبيشغلونه في سنة ههههههه ومن وين بيحصلون دبدوب يستقبل المسافرين؟

مادري يصرفون نفسهم يحطون دبدوب "بوه" اصفر و يشبه مال مطار حمد هههههه
بس غريبه انه يشغلون المطار احنا مب يايبين السبعة مليار اللي ف العالم كلهم بس بنييب المشجعين

[ALJokar]

اهم شي ماياجرون ينقلون ف اي مبنى مؤجر ولا ياجر اي برج لاي وزاره كانت
واتمنى باقي الوزرات تسوي نفس الشي حفاظ ع المال العام

[بانغ بانغ]

ياحبهم للضيق والتدعس في الاماكن المزدحمة