مخالفة ساهر ، هل يتم ارسالها الى مرور قطر؟

[سعادة الوزير]

السلام عليكم ورحمة الله ، اخواني انا حاليا موجود في السعودية وراجع بكره باذن الله ، لكن الليله صورني رادار ساهر على طريق سرعته ٨٠ وانا سرعتي كانت ٩٠ ، هل راح تتحول الى مرور قطر للدفع ولا لازم ادفعها قبل لا اخرج من مركز سلوى؟ اتمنى انها تتحول لاني ناوي احرك الصبح باذن الله ولاني عارف وين لازم اسددها!

الي عنده الخبره في هالمواضيع ياريت يفيدني الله يبارك فيكم.

[ذيب ازغوى]

لا ردارات السعوديه ماتنزل عندنا قطر

[Rider]

ياخوي علشان تقطع الشك باليقين شوف لك اقرب دورية مرور وسالهم لانه فيه ناس يقولون يصير تدفعها في قطر وناس لا

[why me]

لو تنزل فالدوحه كان انا معلن افلاسي من زمان.

ماتنزل ومايوقفونك على الحدود.

ترجع بالسلامه

[مدور عقلي]

على كثر ماصورني ساهر ماقد دفعت ريال لهم .. توني راجع ومحد كلمني

[بصمة قطرية]

لا ردارات السعوديه ماتنزل عندنا قطر

تنزل ..
من أسبوع وصلت مخالفة لبوالعيال 500 ريال ..

[الشمالي111]

اللي توصل للدوحة اذا عطوك مخالفة الورقة الصفراء لانه يتم تسجيل البيانات فيها وترسل للدوحة وهذا اكيد توها واصلتني قبل اسبوع وهم مخالفيني قبل اربع او خمس شهور قبل الاحساء بس ساهر للحين ما يوصل منهم شي

[سالم الزهران]

اظن يا اخت بصمة ان ابو العيال متوهم ، شاف الفلاش بالحسا و لكن مستحيل تكون المخالفة ارتكبت خارج قطر

( اذا متأكدين ان المخالفة سعودية ، فرجاءً نزلي تحذير لاهنت يا ام جاسم)

[ya3coub]

تنزل ..
من أسبوع وصلت مخالفة لبوالعيال 500 ريال ..

الرجاء تأكيد نوع المخالفه

علشان اعرف بأي سياره اسافر مو ناقص نحجزوني لأن صارت انه صورني كم مرة فالسابق على سرعه عالية جدا

و اتمنى انه موب مسجل عمدهم

غيرها الي يسافر دايما يعرف اماكن ساهر غير أخواننا السعوديين يحذرون فالشارع وينه و اصلن سياراتهم فورشونر حتى فالليل مشغلين اسطباتهم الأمور طيبه الواحد بس ينتبه مو نفسنا ورى تكرمون زباله او جسر و يصور فالعالم

[A-Alansari]

والله على كثر ماصورني ماعمره نزلت لي مخالفة من السعوديه

لكن في ناس يقولون تنزل لهم

[مخطط قطري]

شلون الواحد يعرف اذا عليه مخالفات هناك؟ ف قطر ماوصلني شي

[سالم الزهران]

يا الربع ما تسجل ومرّة جبت سيارة من الامارات وتمت لوحاتها معي فترة , احياناً يصوّر واحياناً ما يصور لانه ما يتعرف على اللوحة .

النصيحة لكم انكم تحاسبون خاصة الشباب اللي يسوقون بسرعات عاليه من الدوريات السرية لانها بيلحقك وبيوقفك و يمكن يعطلك ( ساهر ما منه خوف ولا يلقط اللوحات الخليجية حتى لو صورك ) لا بارك الله في اللي جابه والله لو نزلنا سرعتنا خمسين ليقومون يحطون السرعة خمس وخمسين ( قال سلامتك قال)

[حليتان*]

ماتنزل يا اخوي

بس حاسب من هالمروو السري

انا ماكنت مسوي شي وفحالي قاعد اتعشى فالسياره
تسبب علي ومعاي هلي وسحب ليسني والاستماره
ونزل علي تعميم
زين اني قدرت اطلع من الحدود قبل لا يوصلهم

ومن يومها ما سافرت بر

[كلاسيك قطر]

انا الحمد الله من اول ماروح السعوديه وله كم مره الرادار يصيدني ومايوصل في الدوحه

ترجع بالسلامه