وين يبيعون بطابط

[آخر حبه]

السلام عليكم

وين يبيعون بطابط لليهال ؟ وهل ال 50 سي سي تنفع لليهال 6 سنوات ؟

[@north_star@]

50 زينة حق اليهال وتقدر تشوف عند التيسير أو سبيد مارين

[Bo jassim 33]

الارض السعيده - طريق سلوى - على 1300 ريال تقريبا

[النهار]

الارض السعيده
عندهم فرع في نجمه اول دخلة وانت جاي من عند دوار شرطة العاصمه ومتجه للمطار نجمه خلف محلات الشاهين

[الدوحه1]

نصيحه ابتعد عن الصيني..
انصحك بالسوزوكي 50 سي سي..

[سعود.]

نصيحة ابتعد عن البطابط
اليوم في حالة وفاة بسيلين بسبب البطابط
بنت عمرها 6 سنوات .

[ساراام]

ياما لعبنا بالسياكل منها لعب ومنها رياضه

وابعد عن البطابط دام اليهال صغار

[حليتان*]

دام 6 سنين انصحك تاخذ له سيكل وله بطبطه جرج ابرك له

[qatarman8008]

السؤال لك اخوي هل هم يعرفون يسوقون بطابط والا توهم بيتعلمون..؟؟
اذا يعرفون خذ لهم وخل يسوقون قدامك بس مايروحون بعيد لانه يمكن يندعمون من بطبطة ثانية او سيارة ثانية..
واذا عزمت خذ سوزوكي 50 حلوة ومجربة..