2015,,2016,,2017 سوزوكي جيمني

[style]

السلام عليكم
ماخاب من استشار،،شورو علي ابي اخذ هالسزوكي بس طبعا عندي بعض الاسئله:
ايش الافضل قير عادي ولا تماتيك
شلون الموتر هل وعر ولا معقول
شلون صرفيه البترول ادري انه 4 سلندر
ايش افضل الالوان
كم اسعار 2015 ماشي 20,000 كيلو
وكم اسعار 2015 ماشي 4000 كيلو اربعه الاف كيلو مش اربعين الف
هل فيه خرابات ولا الموتر اعتمادي
شلون الوكاله هههههه
نسيت شي مهم شلون المكيف فالصيف ؟؟؟؟؟؟؟؟؟
اتمنى اللي عنده هالموتر يعطينا راييه وكم الان من امتلك هالموتر؟

شكرا

[qtr qtr]

وعليكم السلام
المكيف تعبااان وسياره يلعب فيها الهوى واذا عديت سرعتك عن 90 انسى السيفتي لان هي من الاساس مافيها سيفتي
اما بخصوص الافضليه جير عادي او توماتك حسب استخدامك تبيها حق مشاوير جير توماتك تبيها رمله جير عادي
قطع الغيار غاليه تخيل مبدل ايل المكينه فالوكاله ب400 ريال انصدمت توقعت بقول لي ب100 ريال بالكثير على مكينة 1300 سي سي .
مب وعر عادي صرفيته زينه افضل الاوان الابيض الرصاصي الاسود العنابي على احمر .
الاسعار متفاوته حسب النظافه والممشى من 35 الف الى 50 الف

[style]

مشكور الشيخ,,,ماينفع

[اللوز]

وعليكم السلام
المكيف تعبااان وسياره يلعب فيها الهوى واذا عديت سرعتك عن 90 انسى السيفتي لان هي من الاساس مافيها سيفتي
اما بخصوص الافضليه جير عادي او توماتك حسب استخدامك تبيها حق مشاوير جير توماتك تبيها رمله جير عادي
قطع الغيار غاليه تخيل مبدل ايل المكينه فالوكاله ب400 ريال انصدمت توقعت بقول لي ب100 ريال بالكثير على مكينة 1300 سي سي .
مب وعر عادي صرفيته زينه افضل الاوان الابيض الرصاصي الاسود العنابي على احمر .
الاسعار متفاوته حسب النظافه والممشى من 35 الف الى 50 الف

اولا موتر ما عليه كلام موديل 2017
مكيف بارد جدا لدرجة ان بس تحطه على رقم 1
والسيارة ما تلعب فيها الهوى حتى وانت سايق 120 كم
سيفيتي فيها فيها 2 ايرباج وفيها مانع للانزلاق ABS
الجير العادي مطلوب وقت البيعة
يعني 400 ريال سعر معقول لانك تبدل زيت وفتر من الوكالة وسيارة 4 سلندر كيف 100 ريال زيت + فلتر + أجور يد عاملة ؟؟
أفضل لون اللون الاسمنتي الفل اوبشن الرنقات المنيوم مش حديد الابيض آخر لون لان لون للشركات التي تستخدم السيارة لمهندسي المشاريع للطرق .
وأفضل لك تأخذ لك جديد من الوكالة بقراطيسه
لدرجة لو انك مشغل الراديو وجات سيارة اسعاف خلفك ينطفي صوت الراديو ويطلع لك صوت ان خلفك سيارة اسعاف يرجى ازاحة السيارة لليمين !! وهاذي لا شفتها في البنتلي ولا المايباخ
وبتروله 55 ريال سوبر وصرفيته ممتازة بناء على هيئة التقييس لدول مجلس التعاون لدول الخليج العربية
وهذا مقطع للجمي على اليوتيوب يسحب نيسان بترول 2016 !!
https://www.youtube.com/watch?v=G4nEgzYP1Ic
وعندك للاستشارة في الانستغرام فيه مواقع بامكانك الاستفادة منها
jimny_arab
jimny_dxb
_jimny_


وبالمبارك مقدما

[معماري قطري]

عجيب شفت له مقاطع ثانية .. حلو للعبة ولكل استعمال


https://www.youtube.com/watch?v=pdzHtjYzBBE

[style]

صراحه رايين مختلفين جدا جدا.محتار

[style]

طيب شلون القير التماتيك،،فيه عزم ولا ضعيف،،انا ابيه حق دوام ومشاوير

[7llo]

الشيخ السياره كانت عندنا في 2009 او 2010 السياره حق مشاوير صغيره او سوق ممتازه صغيره وتدخل كل مكان وماتصرف بترول يعني تفولها مره كل8 ايام بس مافيها عزم كلش يعني با يلا كانت توصل140 , السياره زينه لو عندك موتر اساسي ويكون هاي موتر ثاني , بس الصراحه حق سيلين ماعرف شلون عزمه بس اشوف وايد شباب يدخلونه العديد.

[اللوز]

طيب شلون القير التماتيك،،فيه عزم ولا ضعيف،،انا ابيه حق دوام ومشاوير

هذا فيديو على اليوتيوب
تجربة سوزوكي جمني 2015
https://www.youtube.com/watch?v=LWshHAETshc&t=29s

العزم اخوي للاوتوماتيك زين لكن لا يقارن مع سيارة ثانية بحكم حجم السيارة
وهي حجم 1300 سي سي
وحق دوام ومشاوير السيارة اقتصادية جدا

[اللوز]

http://store6.up-00.com/2017-03/148939827557731.jpg (http://www.up-00.com/)

وهذه صورة للمطابقات والمقاييس الخليجية
نسبة استهلاك الوقود جاءت في المركز الاول

[qtr qtr]

مشكور الشيخ,,,ماينفع

الشيخ ابوك وانت ولده
العفو

[qtr qtr]

اولا موتر ما عليه كلام موديل 2017
مكيف بارد جدا لدرجة ان بس تحطه على رقم 1
والسيارة ما تلعب فيها الهوى حتى وانت سايق 120 كم
سيفيتي فيها فيها 2 ايرباج وفيها مانع للانزلاق ABS
الجير العادي مطلوب وقت البيعة
يعني 400 ريال سعر معقول لانك تبدل زيت وفتر من الوكالة وسيارة 4 سلندر كيف 100 ريال زيت + فلتر + أجور يد عاملة ؟؟
أفضل لون اللون الاسمنتي الفل اوبشن الرنقات المنيوم مش حديد الابيض آخر لون لان لون للشركات التي تستخدم السيارة لمهندسي المشاريع للطرق .
وأفضل لك تأخذ لك جديد من الوكالة بقراطيسه
لدرجة لو انك مشغل الراديو وجات سيارة اسعاف خلفك ينطفي صوت الراديو ويطلع لك صوت ان خلفك سيارة اسعاف يرجى ازاحة السيارة لليمين !! وهاذي لا شفتها في البنتلي ولا المايباخ
وبتروله 55 ريال سوبر وصرفيته ممتازة بناء على هيئة التقييس لدول مجلس التعاون لدول الخليج العربية
وهذا مقطع للجمي على اليوتيوب يسحب نيسان بترول 2016 !!
https://www.youtube.com/watch?v=G4nEgzYP1Ic
وعندك للاستشارة في الانستغرام فيه مواقع بامكانك الاستفادة منها
jimny_arab
jimny_dxb
_jimny_


وبالمبارك مقدما

انت تتكلم عن 2017 ماجربت مكيفه
الشي الثاني اتكلم عن السيفتي مب البريك والارباجات انا اتكلم عن ثباته بالشارع بحكم تجربتي كنت ماشي 120 ويجيني الهوى والله اني كنت بنقلب لولا عناية الله .
اما موضوع تغيير الايال 400 ريال تشوفه عادي انا اقارن مع النيسان 400 حصان 5600 سي سي 8 سلندرابدله فالوكاله ب160 ريال وانت تقول عادي مافي وجه للمقارنه بالسعر .
السياره ماقلنا شي عنها الا انها حق مشاوير بسيطه وحق رمله اما حق خطوط ماتنفع ابد

نصيحه جرب قبل لا تشتري يمكن تقتنع او ماتقتنع فيها .

[اللوز]

انت تتكلم عن 2017 ماجربت مكيفه
الشي الثاني اتكلم عن السيفتي مب البريك والارباجات انا اتكلم عن ثباته بالشارع بحكم تجربتي كنت ماشي 120 ويجيني الهوى والله اني كنت بنقلب لولا عناية الله .
اما موضوع تغيير الايال 400 ريال تشوفه عادي انا اقارن مع النيسان 400 حصان 5600 سي سي 8 سلندرابدله فالوكاله ب160 ريال وانت تقول عادي مافي وجه للمقارنه بالسعر .
السياره ماقلنا شي عنها الا انها حق مشاوير بسيطه وحق رمله اما حق خطوط ماتنفع ابد

نصيحه جرب قبل لا تشتري يمكن تقتنع او ماتقتنع فيها .

انا جربت مكيفه موديل 2017 مكيف بارد جدا
السيارة اللي في الوكيل عندنا في قطر صناعة يابانية تجميع ياباني
موديل 2017 فيها ثبات على سرعة 120 اما عن بقية الموديلات ما جربتها لان فيها نظام abs
اما موضوع الايال فقيمته في الوكالة كالتالي فيميشيك 10 الآف كم
زيت موبيل 1 = 180 ريال قطري
فلتر 35 ريال
بقية المبلغ لعمل سيرفيس
يعني هم يشيكون على بقية السيارة مب بس تغير أويل + فلتر
اذا تبي أويل ب 5000 كم
أويل = 70- 80 ريال
فلتر 35 ريال
المجموع 105 يعني اقل من سعر النيسان اللي تتكلم عنه
وطبعا السيارة صغيرة يعني حق خطوط خفيفة مش مثل الجمس ثبات
والحمد لله على سلامتك

[عاشق الدمعة]

صبحكم الله بالخير
نصيحة أخوي أجّر سوزوكي وجربه يوم قبل ما تشتري، التجربة خير برهان، وأنا من وجهة نظري اتفق مع البعض إنه موتر عملي للمشاوير وخاصة داخل المدن والزحمة ومن الأفضل يكون أوتوماتيك، ويصلح للوناسة والرمل والبر وخاصة اذا كان قير عادي على حسب رغبتك، اما الخطوط السريعة وعلى سرعات عالية مش ثابت وهذا شي طبيعي لانه خفيف الوزن وعزمه خفيف، ويصلح يكون سيارة ثانية Second Car وما يكون أساسي، وبخصوص تبديل الزيت والفلتر أنا أشوفه غالي مقارنة مع باقي السيارات مع ملاحظة إذا كان التغيير للـ 5 آلاف كيلو كثير، وإذا كان للـ 10 آلاف كيلو زين، ومن الأفضل إنك تبدل عند محطة التيسير لأن معظم الوكالات غالية بسبب ارتفاع أجرة الأيدي العاملة وإنت مش مجبور تتعامل مع الوكالة، والموتر جربناه في سيلين والعديد بدون دبل ومنسمين ع التواير وما شاء الله يمشي وشايل عمره، بس غرزنا في ربّاضة وطلعنا جيب رانجلر بالونش وفي نفس الوقت كان فيه رابتر مغرز، وسؤالي لك أخوي ... إيش الغرض إنك تشتري سوزوكي بالذات؟ هل فيه أسباب أو مميزات إنت تشوفها؟
مع تحياتي

[qtr91133]

مووفق