شركات تامين السيارات انقذونا من سائقين سيارات الشركات..

[qatarman8008]

السلام عليكم..
الاحظ في الايام الاخيرة ظاهرة منتشرة وبكثرة بين سائقين سيارات الشركات..
الظاهرة هي انه لما يسوق سيارة تابعه للشركة يكون مستهتر الى ابعد الحدود..
يطلع من اللفات بدون الانتباه ويغيرمساره فجاة في الشارع ويتعمد في كثير من الحالات انه يناحس السيارات الثانية في الطوابير عشان يدخل قدامهم..
امس توه صاير لي موقف مشابه ..
لف علي واحد عند الاشارة وكان ماسك اخر اليمين ويبي يسوي يو تيرن بغى يدعمني..
ولما طالعته باسغراب شفت على وجهه علامات اللامبالاه..
بيدعمني وبيدعم اربع سيارات بعد وخذ الرقم وروح بلغ..
المطلوب من شركات التامين انها تخلي التامين على الشخص وليس على المركبة..
عشان لو صار اي حادث او اي خطا يتحمل السائق كافة المصاريف والمسؤوليات..
واذا صار عليه سجل حوادث كثيره ف تامينه يصير غالي اغلى من السائق المعتدل..
هذا النداء منا الى شركات تامين السيارات..
والله من وراء القصد..

[naklan]

فكره جميلة ان التامين يكون على السائق
والأفضل يكون مع رخصة القيادة صراحة إخس السواقين
مال كروة الباصات وخاصة الاسيويين والافريقي العن
منهم ممكن يعدمك وما يدوس بريك ابد

[بانغ بانغ]

من فترة لف علي موتر مال جامعة قطر عرفته من الرموز ... والله واشرشحهم في قسم النقليات وبهدلتهم بس في الاخير بكلمتين ايهدونك وماتدري هل العقاب فعلي او وهمي

المفروض الجهة نفسها تخصم من السواق لو تسبب في حادث مب التأمين وايضا يمنع من السواقة

وصحيح يا نكلان الافريقي ألعن منه مافي ... في بلاده ايسوق حنطور وهني سيارة

لازم ايشددون على هالامور

[بوخالد911]

مال عمك ما يهمك.

[shadad]

انقذونا احنا من شركات التامين !

اكع 800 ريال وخرده على موتري الاسبورت ليش وانا ما اسوي حوادث ؟ ردوا الفلوس لي دام ما حصل شي. والا يهفونها اوالسلام ؟ لا ومكنسلين التامين الشامل الا يكون موديل السنه وعقبها دور ربعك.

[Riku3]

كم واحد ياخذ موترك من اخوانك او هلك .. او حتى ربعك ..

بالعكس التأمين المفروض يكون على السيارة ..

اما الشركات فأكثرها لو الغلط من السائق تحمله مسئولية التصليح ..

المشكلة في اخلاق وتصرفات الاجانب الي جو قطر الكم سنة الي فاتوا .. طلعولنا نوعية جديدة عرب واجانب مستهترين وغير مبالين بارواح الناس .

[راعي الكورفت]

مكتوب ورى سيارات الشركات

How is my driving ? Please call us

وتحته رقم التلفون .

تقدر تشتكي على السواق بالشركة :secret:

[@north_star@]

من أمن العقوبة أساء الأدب

[qatarman8008]

كم واحد ياخذ موترك من اخوانك او هلك .. او حتى ربعك ..

بالعكس التأمين المفروض يكون على السيارة ..

اما الشركات فأكثرها لو الغلط من السائق تحمله مسئولية التصليح ..

المشكلة في اخلاق وتصرفات الاجانب الي جو قطر الكم سنة الي فاتوا .. طلعولنا نوعية جديدة عرب واجانب مستهترين وغير مبالين بارواح الناس .

المعادلة مختلفة مع سواقين سيارات الشركات..
لانه مو سيارته ولا خايف من اي تكاليف يتحملها..
بيدعمك وبكل استهتار وهو يضحك وبيقول لك روح صلح سيارتك عالتامين..
في هالحالة هو ماتضرر ابدا ابدا..
لكن لو حطوا التامين عليه راح تتراكم الحوادث المرورية باسمه ويصير تامينه غالي..
ايضا راح ياثر على سمعته وحتى الشركات بترفض تعطيه يسوق سيارة..

[qatarman8008]

مكتوب ورى سيارات الشركات

How is my driving ? Please call us

وتحته رقم التلفون .

تقدر تشتكي على السواق بالشركة :secret:

المشكلة ان مب كل الشركات يجطون عاللزقة ورى السيارة..
انا اتكلم عن سيارات البيك اب والنقل وسيارات المندوبين الصغيرة..

[qatarman8008]

حبيت اوضح شغله وهي ان سواقين سيارات الشركات يتعمدون فعل الحوادث ..
يعني يلف عليك فجاة او يطلع عليك فجاة من اللفة ويقول لك انت كنت مسرع..!!
وفي الاخير انت سيارتك جديدة وشاريها بثلاثمية الف وهو سيارته مالت شركة ولا خسران اي شي..

تفسيري لهذا التصرف هو الحسد.. نعم الحسد..
لانه لما يشوف واحد يسوق سيارة غالية يستشيط غضبا وحسدا وحقدا على هالنعمة اللي الله عطانا اياها..
فيحاول انه يسوي اي شي يضايقك فيه ويسبب لك اضرار وتلف يخرب عليك النعمة هذي..

[ya3coub]

الي اتعس من هذوله كلهم في شركه لموزين جديده سياراتها قواطي بيضا و شعارها ورده او الأسم بالوردي

ابي اعرف ولا واحد شفته يعرف يسوق و منتشفره هالشركه فشوارع الدوحة بقوة

الله يحفظنا ولا نجابلهم يا رب

[هيليوم]

غالبا ما يكون الشخص هذا متعود على السواقة بالطريقة هذي والشركات غالبا ما تحمل السايق تكلفة التصليح لو كان غلطان وتخصمها من راتبه
الناس هذي مالها حل الا الواحد يوخر عنهم ويبلغ عليهم شركاتهم وقبل هذا يتحصن باذكار الصباح والمساء

[هيليوم]

انقذونا احنا من شركات التامين !

اكع 800 ريال وخرده على موتري الاسبورت ليش وانا ما اسوي حوادث ؟ ردوا الفلوس لي دام ما حصل شي. والا يهفونها اوالسلام ؟ لا ومكنسلين التامين الشامل الا يكون موديل السنه وعقبها دور ربعك.

جرب شركة التأمين الإسلامية عند إشارات السينما اذا ما سويت حوادث يعطونك خصم 10 في المية كل سنة لحد ما توصل 50 في المية على ما اذكر

[معماري قطري]

فكره جميلة ان التامين يكون على السائق
والأفضل يكون مع رخصة القيادة صراحة إخس السواقين
مال كروة الباصات وخاصة الاسيويين والافريقي العن
منهم ممكن يعدمك وما يدوس بريك ابد

هذي مطبقة في أمريكا ويزيد التأمين لو عليك نقاط واعتقد فيه تأمين مستقل للسيارة بس تأمينهم هناك غالي ومحدد حسب حاجتك والشركات ما تلف وتدور لو لك الحق .. واحد أمن بالتلفون بعد ما سوى حادث في الثلج وبعدين بلغ وطالب بسيارة جديدة ودفعوا له .. أكيد غلط اللي سواه وحرام بس شغلهم ثقة وقت التأمين من نص ساعة أو ربع ساعة والحادث على الورق صاير الحين ما يسائلونك

[معماري قطري]

جرب شركة التأمين الإسلامية عند إشارات السينما اذا ما سويت حوادث يعطونك خصم 10 في المية كل سنة لحد ما توصل 50 في المية على ما اذكر

شركة جيدة ومديرها من الربع القدامى .. دخلت الا مغيرين الديكور والجبس مغربي حركات حلوة .. صورته .. صج دفعوني حول 400 أغلى من شركة ثانية بس احتمال استرد أكثر آخر السنة

[وحيد-الشوق]

مال عمك مايهمك وحالهم من حال سواقين كروه مايفتكرون وللأسف وايد سواقين عينهم صارت قوية ومايستحون اليوم واحد مب راضي يفتح لي وانا مأشر صارلي دقيقه بس منحاسني موتره صالون صغير وواضح السيارة من شركة هههههه بطلت الدريشه قلت له شبالك انت يقولي you didn't see me قلت له انت شكلك مجنون يقولي يس ايم كريزي ههههههه*

[معماري قطري]

غالبا ما يكون الشخص هذا متعود على السواقة بالطريقة هذي والشركات غالبا ما تحمل السايق تكلفة التصليح لو كان غلطان وتخصمها من راتبه
الناس هذي مالها حل الا الواحد يوخر عنهم ويبلغ عليهم شركاتهم وقبل هذا يتحصن باذكار الصباح والمساء

انا بلغت على واحد عنده هوندا بدال ما يصف وراي وانا جدامي بس سيارة وحدة لف يمين ونزل حصى وغبر علي وعلى اللي جدامي .. كنت لابس رياضة وحسبني سهل المراس وسيارتي صالون عادية .. واشوفه جدامي شيسوي الا معصب على اللي واقف جدامي وكأنه أخره ثواني ثمينة وكان يهرن معصب وهو وراي على اللي جدامي

المهم شفته يلف على ذاك ويتلاغى معاه وعصب بي تصرفه ومريت يمينه عند دوار وهو يساري ولف علي يبي السيد اللي يمشي سرعة وعلقت على الهرن وزدته عصبية وتم بعد يأشر قمت ااشر قصدي انت مجنون له فهمها بشكل ثاني ولحقني ووقف جنبي وقال إنه بيشتكي علي ورقمي مسجل .. لحقته ابي افهمه شالقصة ما رضى يوقف خذت رقم سيارته وبلغت عليه .. جابوه بعد شهر وشوي وطلع مدير شركة تأجير سيارات ( شامي ) ( حتى محد يزعل بين 3 دول الأُردن والا سوريا والا لبنان ) وكلموني قالوا هو جاي رحت وانتظرت ولا شرف .. قلت انا مستعجل وخالفوه باللي سواه أو إنذروه حسب اللي يستاهله وتشوفونه وتبوني احضر حتى للمحكمة حاضر .. عني انا ما اطالب بشيء منه لكن عن تصرفاته وخصوصاً مدير شركة كفيلها قطري وهو يلعب بسيارات الشركة

[qatarman8008]

للاسف غالبية هؤلاء المتسببين يكونون من جنسيات عربية..
يكفيه لان يقوم بمثل هذه التصرفات ان يكون فض في التعامل ومضبط مع اللي فوقه حتى مايعاقبونه على اخطائه..
لكن لو صار موقف لاحدنا وتصرف مثل اخونا معماري لوجد المعادلة تتغير بسرعه..
سرعان ما ينقلب حال هذا العصبي الفض الى حال مسكين وغلبان ومش فاهم وسامحوني ارجوكم..