تغريم متهمة صفعت ابن جارتها

[nooora]

بسم الله الرحمن الرحيم


تغريم متهمة صفعت ابن جارتها


غرّمت محكمة الجنايات الدائرة الثالثة متهمة 2000 ريال، بعد إدانتها بصفع ابن جارتها القاصر، ما يُعد اعتداءً متعمداً على سلامة جسمه.

جاء ذلك في جلسة هيئة المحكمة الموقرة برئاسة القاضي الأستاذ مصطفى عبدالمجيد البدويهي، وعضوية القاضي الأستاذ سعود البوعينين، والقاضي الأستاذ علي المري، وحضور وكيل النيابة العامة، وكاتب الجلسة السيد طارق شاهين.

بدأت الواقعة عندما كان يلعب المجني عليه مع ابن المتهمة، ويوم الواقعة حدث شجار بينهما، فقام الأخير بإخبار المتهمة، فقامت بصفعه على وجهه فأبلغ الابن المعتدى عليه والدته، فقامت بتحرير محضر بالواقعة.

وقالت المحكمة: إن الواقعة استقام الدليل على صحتها وثبوتها في حق المتهمة استناداً إلى إقرار المتهمة بمحضر الضبط بصفعها للمجني عليه، وما قرره كل من والدة المجني عليه وابنها.

وبسؤال المتهمة بمحضر الضبط أقرّت بصفعها للمجني عليه وأنها اعتذرت لأمه وتم حل الموضوع ودياً.

وأضافت المحكمة: هدياً على ما تقدم وإذ كانت المحكمة قد أحاطت بالأوراق عن بصر وبصيرة واطمأنت إلى إقرار المتهمة بمحضر الضبط بصفعها للمجني عليه، ما يكون معه قد ثبت في يقين المحكمة أن المتهمة اعتدت عمداً على سلامة جسم المجني عليه ما يتعين معه معاقبتها عملاً بمواد قانون الإجراءات الجنائية، وقانون العقوبات.

وكانت النيابة العامة قدمت المتهمة للمحاكمة الجنائية بوصف أنها اعتدت عمداً على سلامة جسم المجني عليه وأفضى الاعتداء إلى عجزه عن الأشغال الشخصية مدة لا تزيد على 20 يوماً، وذلك على النحو المبين بالأوراق، وطلبت معاقبته بالمادتين 1/2، 309 من قانون العقوبات.

[بانغ بانغ]

ايش سالفة هال2000 ريال مع محاكمنا

[حمد بن سعد]

شسالفة 2000 هههههههههههههههههه

الله المستعان

[nooora]

هههههههههههه اي والله

[بانغ بانغ]

الأردني اللي طق الولد ومادري من ذابح واحد دهسا

والله زين حتى اسعارهم متطابقة مع الوضع ، الفأل للمخالفات

عودة للموضوع ، دام انها اعترفت وسامحته ، ليش تشتكي عيل ، المسامح كريم لكن في حدود .

[الماريّة]

مشتكيه على جارتها عشان هواش اطفال

وبكره بيلعبون مع بعض

الله يرحم يوم كان الجار يضرب عياله وعيال جيرانه سوا

[nooora]

مشتكيه على جارتها عشان هواش اطفال

وبكره بيلعبون مع بعض

الله يرحم يوم كان الجار يضرب عياله وعيال جيرانه سوا

فيلم اكشن . الولد اشتكى لامها واكيد هي اشتكت لزوجها .... يعني ما انحلت بين حريم عاد ولا حتى بين رياييل وتوصل للنيابه ههههههه

[mr. abdulla]

مشتكيه على جارتها عشان هواش اطفال

وبكره بيلعبون مع بعض

الله يرحم يوم كان الجار يضرب عياله وعيال جيرانه سوا


اختي تخيلي احنا جيران ... و عيالك يلعبون مع عيالي.. و بسبب خلاف بسيط بين اليهال جيت و ضربت واحد من اولادك ؟ بترضين؟

عن نفسي ما ارضى حد يمد يده على عيالي غير هله.. مهما كان الغلط انا موجود و اللي يبي يشتكي عليه يجيني و انا اللي أقرر بضربة..

[ضوى]

مالها حق تمد ايدها عليه تشتطي لامه وابوه وهم يتصرفون

[Riku3]

شالسالفة واحد يضرب معاق ذهني يصكونه 2000 .. والحين وحدة صافقه ياهل طراق وبعد 2000 ..

وايد متساهلين ! .

[MAZEN37]

في ناس عندهم امراض نفسيه ويعلم اولادة الشر
مافي حكمه ولا ادب عند الاباء والامهات
غابت ثقافة الاحترام وتعليم الاطفال الادب
صار البعض يبي ياخذ حقه بيدة
هذه الحادثه بين جيران
لكن
نفس الموقف يصير بين الاقارب
وردة الفعل نفسها

[بصمة قطرية]

بس 2000 !!

[وحيد-الشوق]

ايش سالفة هال2000 ريال مع محاكمنا

ههههههههههههه الظاهر التقشف وصل للمحاكم

افكر اروح اضرب جارنا بطراق عشان كان يصف جنب بيتنا وبدفع 2000 ريال :)

[بانغ بانغ]

ههههههههههههه الظاهر التقشف وصل للمحاكم

افكر اروح اضرب جارنا بطراق عشان كان يصف جنب بيتنا وبدفع 2000 ريال :)

لا يبا انت فاهم غلط

كونك قطري وطقيت حد

تجرجر في المحاكم وسجن وتنكيل وإعدام مؤبد كم سنة

اما الاجانب معصومين

قالي 2000

ذكروني بالخروف السوري قبل

[العقل المدمر]

مشتكيه على جارتها عشان هواش اطفال

وبكره بيلعبون مع بعض

الله يرحم يوم كان الجار يضرب عياله وعيال جيرانه سوا


لا ويقول لج اعتداء على سلامة جسمه
يمكن صاده ارتجاج ودش فغيبوبة :omen2:

[ساراام]

اكيد هالالفين بعد طلعه الروح

وبعد الروحه والجيه ع المحاكم

[مضارب دوسري]

لا ويقول لج اعتداء على سلامة جسمه
يمكن صاده ارتجاج ودش فغيبوبة :omen2:

لا وفوق هذا عشان كف
ماقدر يقوم بالاعمال 20 يوم

هذا شكله راااشدي مال لول

[الماريّة]

اختي تخيلي احنا جيران ... و عيالك يلعبون مع عيالي.. و بسبب خلاف بسيط بين اليهال جيت و ضربت واحد من اولادك ؟ بترضين؟

عن نفسي ما ارضى حد يمد يده على عيالي غير هله.. مهما كان الغلط انا موجود و اللي يبي يشتكي عليه يجيني و انا اللي أقرر بضربة..


القضيه اخوي في كونها. راحت واشتكت واسمها في المحاكم وعشان قضيه بسيطه

كان الاولى تروح لام الولد وتهاوشها تقول مالج حق تضربين ولدي. اما محاكم


محد معطي هالناس وجه يشتكون على الصغيره والكبيره الا المحاكم الي يستقبلون اتفه الشكاوي

سالفه ومحكمه عشان طراق والله هالشي عيب عندنا اشتكي على جاري اذا في اكبر المشاكل عيب
وشلون في شي بسيط. تافه

الله لاتبلانا بس

[بوخالد911]

وال 2000 ريال بتندفع كاش ولا أقسااااااط !؟!؟

[وليف الشوق]

والله يوم كنا صغار حتى جارنا كان يضربنا لما يشوف مننا اي تقصير وكانت الوالدة تهددنا بجارنا وكنا نخاف نسوي شي عشان مايقطعنا بالخيزران والحين يوصل الموضوع نيابة ومحاكم والتفاهم يكون ودي بين الجيران ويشهد الله عندي جار مسبب لي زحمة كبيره في كل شي ومضيق علي في اكثر اموري ومع هذا عشان الدين الحنيف وااتوصيه بالجار قاعد استحمل بس عشان مااغثه بأي كلمة عَنِ الْحَسَنِ ، عَنْ أَبِي هُرَيْرَةَ ، قَالَ : قَالَ رَسُولُ اللهِ صلى الله عليه وسلم:مَنْ يَأْخُذُ مِنْ أُمَّتِي خَمْسَ خِصَالٍ ، فَيَعْمَلُ بِهِنَّ ، أَوْ يُعَلِّمُهُنَّ مَنْ يَعْمَلُ بِهِنَّ ؟ قَالَ : قُلْتُ : أَنَا يَا رَسُولَ اللهِ ، قَالَ : فَأَخَذَ بِيَدِي فَعَدَّهُنَّ فِيهَا ، ثُمَّ قَالَ : اتَّقِ الْمَحَارِمَ تَكُنْ أَعْبَدَ النَّاسِ ، وَارْضَ بِمَا قَسَمَ اللهُ لَكَ تَكُنْ أَغْنَى النَّاسِ ، وَأَحْسِنْ إِلَى جَارِكَ تَكُنْ مُؤْمِنًا،وَأَحِبَّ لِلنَّاسِ مَا تُحِبُّ لِنَفْسِكَ تَكُنْ مُسْلِمًا ، وَلاَ تُكْثِرِ الضَّحِكَ ، فَإِنَّ كَثْرَةَ الضَّحِكِ تُمِيتُ الْقَلْبَ.
يقول رسول الله صلى الله عليه وسلم: (ومن كان يؤمن بالله واليوم الآخر فليكرم جاره)، وقد وصى النبي صلى الله عليه وسلم بالجار وهو المجاور لك في بيتك ودارك.

لكن بأعتقادي اذا كان الضرب من ناحية تأديب ماعتقد يكون مانع لكن اذا ضفعته في وجهه لقصد الضرر فهالشي مانرضى فيه لا من جار ولا من عم او خال

[khaldoon]

2000 ريال قليلة جدا ممكن اللي حطها يعطينا التقسيمة breakdown و علشان ايش فرض 2000 ريال؟ ....عن ايش بالزبط؟.... الضرر النفسي و الا الجسدي

هو الفكرة انه الولد لما يكون في بيت الجيران يفترض فيه انه في بيئه امنه و ما عليه خوف ...و الظاهر انه الجيران علشان يأكدون انهم بيعاملونه مثل ولدهم ضربوه كف هههههههه

و بعدين هالنوع من المشاكل ما يعتبر ازعاج للسلطات طالما الموضوع بس كف مب شي اكبر مثل تحرش لا سمح الله

[بوسيف الهاجري]

المفروض تنحل المشكله في مركز الشرطه
ومالها داعي للمحاكم
بس الظاهر مابه رجايل ورا ها النسوان الي يخلي المره اتخيط واتبيط
وانضرب الولد خير ياطير ياما انضربنا اكفوف وبكوس محد اشتكي
انا والله لو ولدي غلطان وانضرب من جاري والله اجي احب خشمه

[بوسيف الهاجري]

والله انضربنا ضرب اليهد
والحمدالله لا صادنا اترتجاج ولا لوف
حد عنده عسو

[وحيد-الشوق]

لا يبا انت فاهم غلط

كونك قطري وطقيت حد

تجرجر في المحاكم وسجن وتنكيل وإعدام مؤبد كم سنة

اما الاجانب معصومين

قالي 2000

ذكروني بالخروف السوري قبل

مساكين احنا :(

[مضارب دوسري]

ههههههههههههه الظاهر التقشف وصل للمحاكم

افكر اروح اضرب جارنا بطراق عشان كان يصف جنب بيتنا وبدفع 2000 ريال :)

ياخي انا جاهز تعال طقني ومابي ال2000

ابي ال20 يوم اجازه خخخخ


وأفضى الاعتداء إلى عجزه عن الأشغال الشخصية مدة لا تزيد على 20 يوم

[وحيد-الشوق]

ياخي انا جاهز تعال طقني ومابي ال2000

ابي ال20 يوم اجازه خخخخ


وأفضى الاعتداء إلى عجزه عن الأشغال الشخصية مدة لا تزيد على 20 يوم



هههههههههههه 20 يوم اجازة حلوين صراحه :)

[مضارب دوسري]

هههههههههههه 20 يوم اجازة حلوين صراحه :)

لما يحكم عليك ب 2000

ولا يهمك بتنازل انا

وعقب بعطيك واحد
وانت تاخذ 20 يوم اجازه وتنازل عقب عن ال2000 اللي عندي

[وحيد-الشوق]

لما يحكم عليك ب 2000

ولا يهمك بتنازل انا

وعقب بعطيك واحد
وانت تاخذ 20 يوم اجازه وتنازل عقب عن ال2000 اللي عندي

هههههههههههههههه

[khalid Qtr]

المفروض ما يشغلون المحاكم بمثل هالأمور البسيطة!

[shadad]

المفروض ما يشغلون المحاكم بمثل هالأمور البسيطة!

كلام سليم .. العادة الموضوع يوصل للرجال وينتهي الموضوع.

توهم امس الجيران متهوشين مع بعض وكانوا يبوني فزعه لاني العب حديد. بس ما تدخلت. تهاوشوا عدل ووقت الصلاه توضا وراحوا. الامور طيبه. سالفه المحكمه مالها اي داعي.

[هيليوم]

الالفين ريال هذي غرامة يعني تدخل في حساب الحكومة مش تعويض للمجني عليه حسب ما اعرف ، بعد الحكم مب سهل اظنه بيتسجل عليها ولو طلبت شهادة حسن سيرة وسلوك ما يعطونها

الناس صارت نفوسها ضيقة ، وحدة تصك ياهل سطار والثانية توصل السالفة للمحاكم حتى بعد الاعتذار

[مهرة]

..

طيب وشسالفة الكف الي ماخلته يتحرك لمدة 20 يوم؟؟

وبعدين غريزة الأمومة تسحق كل القيود والقوانين يعتدون على عيالي واصفق لهم .!!

وخاصة لا جت من وحدة مليغة وعيالها جكر وين تروح بحرتها المسكينة يمكن ماتصبح اليوم الثاني

وبنعطيهم الفين عادي:tooth:

[nooora]

ياخي انا جاهز تعال طقني ومابي ال2000

ابي ال20 يوم اجازه خخخخ


وأفضى الاعتداء إلى عجزه عن الأشغال الشخصية مدة لا تزيد على 20 يوم



اخوس الظاهر رصيد الاجازات خلصت عندك هههههه

[nooora]

كلام سليم .. العادة الموضوع يوصل للرجال وينتهي الموضوع.

توهم امس الجيران متهوشين مع بعض وكانوا يبوني فزعه لاني العب حديد. بس ما تدخلت. تهاوشوا عدل ووقت الصلاه توضا وراحوا. الامور طيبه. سالفه المحكمه مالها اي داعي.

ليش ما تدخلت وانت تلعب حديد .. الله يسامحك خربت عليهم الاجازة 20 يوم عاد لو تبتدي من يوم الاحد في يومين قبله السبت واليمعه ههههههه

[مرتبش]

اللي فهمته ان الضرب اذا ما رقدك في المستشفى اكثر من 20 يوم لاتشتكي ولاتعور راسك على 2000 ريال

[shadad]

ليش ما تدخلت وانت تلعب حديد .. الله يسامحك خربت عليهم الاجازة 20 يوم عاد لو تبتدي من يوم الاحد في يومين قبله السبت واليمعه ههههههه

والله خفت يقلبون علي كلهم وانا اخذا الـ 20 يوم. الكثرة تغلب الشجاعه يا نورة هههه. لا بس ابشرك بس اسمعوا الاذان خلصت السالفه وراحوا صلوا واخلصوا. سوا لقطو بيتنا رعب وهو بالمجلس. تم مبطل عيونه ساعة وهو يطالع من الدريشه الله يسامحهم.

[khaldoon]

هي ال 2000 ريال قرصة اذن لها مثل طقها للولد يعتبر قرصة اذن له

[khaldoon]

سؤال فني ....طالما العين بالعين و السن بالسن....ليش ما حكموا لوالدة الطفل و ولية امره انها تضرب المعتدية كف

ليش ما خيروا المعتدية بين انها تاكل كف او تدفع الفين ريال؟

[Alm@n$ei]

الله يرحم ايام اول لما كان الجار يشتكي من ولد جاره يرد عليه الثاني هذا حسبة ولدك وربه مثل ماتربي عيالك

[شبح الصمت]

الله يرحم ايام اول لما كان الجار يشتكي من ولد جاره يرد عليه الثاني هذا حسبة ولدك وربه مثل ماتربي عيالك



أول غير والحين غير ..

قبل يقولك الجار للجار

الحين الجار ما يدري عن جاره ..

الله يرحم ايام اول