نتمنى الإقتداء ب وذنان مول

[نايم سهران]

السلام عليكم ورحمة الله وبركاته ،،

عندي إقتراح لوزارة الاقتصاد والتجاره ، وهو الإقتداء بمول وذنان من ناحية محلات الحريم الي ينباع فيها العبي والملابس والشنط النسائية والمستلزمات الأخرى من مكياج ..... الخ


انه هالمحلات يشتغلون فيها فقط (حريم ) 100% ومايكون فيه أي رجل بنغالي ولا هندي ولا نيبالي ولا عربي أي ذكر كان من أي جنسيه .

علشان يوم الواحد يدخل مع أهله أو زوجته ياخذ راحته يخليهم في المحل وهو يقدر ينتظر برع المحل وهو مرتاح ..

اتمنى تطبيق هالاقتراح على جميع المولات والمحلات التجاريه في قطر .

وشكرا

[راجي الْعفو]

وعليكم السلام و رحمة الله و بركاته

كلام رجل غيور

اوافقك مليون ٪‏

[.قطر.]

وعليكم السلام والرحمه
ياليت والله
اصلا المفروض جي

[MAZEN37]

طبعا حتى امان على المجتمع من مريضين القلوب
للاسف العرب يهذرون ويفتح قصص مع الحريم وكلام ماله لزوم

[بانغ بانغ]

اتوقع هالمول بالذات بعد المساء يقلب للعوائل

يشكرون عليه صراحة بس للاسف في ناس ماتبي الا الفساد والخلوة

[سعود.]

للعوائل فقط من بعد العصر تقريبآ ودايمآ مشغلين قرآن .
اغلب المطاعم فيها جلسات عوائل مغلقة ( لستر ) .
ولا هي غريبة على صاحبة بارك الله فيه دنيا واخرة .
ناس تفكر في ارضاء الخالق قبل الخلق .

[بوخالد911]

فكرة ممتازة.
أتمنى تعميمها على باقي المولات.

[وحيد-الشوق]

وعليكم السلام ورحمة الله وبركاته

اتفق معاك

[معماري قطري]

مرة حاولت ادخله باشتري غرض مع واحد واثنينا كبار بعد مسائلة واذن من مسؤولهم دخلونا للمحل بس واتبعنا تعليماتهم واحترمت ادارتهم الواعية

[معماري قطري]

قبل السلام كان كذا أيام الخميس والجمع أو بس الخميس وكذلك السنتر

ايلي فرانس اللي في الستي سنتر كان فيه قسم للعوائل ألحين مخلوط

[سعود.]

على طاري الخلط والاختلاط

توه من كمن يوم قامت الدنيا وقعدت على بنت في الجامعه طالبت بفصل الرجال عن النساء
بمجلس الطلبة .
صدق بنت ( رجال )

[الحياة الخالدة]

ونحن أيضاً نتمنــــــى ذلك .. وبقوة
وجود البائعين الرجال في مثل هذه المحلات ماله داعي أبداً

[Riku3]

كثير سمعنا هالطلب وللاسف مافي مجيب :( .. ما ادري شنو الصعب في الموضوع وليش ما ينزلون قانون يخص محلات النساء ! ..

وفي شي ثاني لاحظته الكم سنه الي فاتت زاد في محلات تفصيل العبايات ... تلاقي المحل من برع ما يبين فيه شي من كثر العبي المعروضة على ارضية المحل .. اتمنى يتم منع العرض في وسط المحل علشان يبين الي داخل المحل من الشارع !! .

[مشاكل]

اللوم يقع على اصحاب المحلات بالدرجة الأولى
بعض محلات النساء يوظفون شاب وسيم ومسوي جل وفاتح القميص مطلع شعر صدره
وبعض محلات الرجال يوظف بنت جميلة بلبس غير محتشم

وطبعاً الغرض من ذلك الربح وجذب الزباين من الجنسين
وطبعاً اللي يدير المحل يخيط ويبيط على كيفه وراعي المحل مسوي نفسه مايدري
والخلاصة مال حرام سحت

[سعود.]

اللوم يقع على اصحاب المحلات بالدرجة الأولى
بعض محلات النساء يوظفون شاب وسيم ومسوي جل وفاتح القميص مطلع شعر صدره
وبعض محلات الرجال يوظف بنت جميلة بلبس غير محتشم

وطبعاً الغرض من ذلك الربح وجذب الزباين من الجنسين
وطبعاً اللي يدير المحل يخيط ويبيط على كيفه وراعي المحل مسوي نفسه مايدري
والخلاصة مال حرام سحت

صدقت

ونفس الكلام ينطبق على بعض مندوبين الشركات
يحطون نساء ؟؟؟

[بوعلاوي]

وفي محلات الرياضه اشوف حاطين بنات يبيعون صعب اتفاهم معاهم ،، الله يهدي صاحب المحل ليش حاط بنت تبيع ، واغلب الزباين اللي يجون رجال