أشغال صح النوم مرة ثانية .. Wake up ashgaal

[معماري قطري]

صيانة الطرق شكلهم خذوا اجازتهم بدري هالسنة أو ينطرون حد يتصل ويصور ويرسل لهم الموقع حتى يصلحون حفر المطر

الحفر شكثر استوت على طريق الوعب .. وطريق الرفاع الجديد المار شرق حديقة الحيوانات في الغانم الجديد فيه حفرة تهز السيارة هز وهذا مسار لكل اتجاه والسيارات تضطر تدخل وجه لوجه في المسار الثاني

الا تنطرون المطر يخلص شغله زين لين تغلغل المطر في الفتحات تحت بيخرب بنيتكم التحتية اللي تحتحتونا معاها من كثر ما تكلمتوا عنها وبتحتدون تعلنون نهاية صلاحية مبكرة واعادة رصف على بنية تحتية تحتاج بنية تحتية بسبب تخريب الماء لها

من صجي هالمرة أرجوكم تعالوا وخلاص انتوا زينين وطيبين ونحبكم

[النهار]

المصيبه ياخوي كل سنه وفي نفس المكان تصير الحفر بعد المطر انزين ليش مايكون حل جذري للمكان الي كل سنه يتم الترقيع اكثر من مره
ونفس الشي اماكن تجمع مياه الامطار في الشوارع الرئيسيه تناكر البلديه مهب محتاجين قارمن او صور بالاقمار الصناعيه او حد يبلغ عنها هم عارفين من سنين ان الشوارع
المعينه ومناطق معينه تغرق و
تتجمع مياه الامطار تحصلهم على طول رايحين لها

[@north_star@]

كلامك صحيح اخوي معماري كثير من الحفر لا زالت موجودة من بعد الأمطار وصارت تسبب مشاكل كبيرة لانك مرات لازم تنزل بالحفرة اذا الشارع باتجاهين

[الدوحه1]

اللي يبي يشوف فضايح وبلاوي الشوارع يروح الصناعيه!!!!!

[ابوعلي]

اليوم الظهر كانوا شغالي بطريق الوعب يرقعون في الحفر

[الرايــق]

السلام عليكم

اخوي معماري انا معاك الحفر كثيرة نسبيا
لكن بصراحة عن تجربة لاكثر من مرة مثلا اتصلت عليهم اليوم وبلغت عن حفرة معينه في مكان فلاني يومين بالكثير والمكان تصلح

يعطيكم العافية

[معماري قطري]

المصيبه ياخوي كل سنه وفي نفس المكان تصير الحفر بعد المطر انزين ليش مايكون حل جذري للمكان الي كل سنه يتم الترقيع اكثر من مره
ونفس الشي اماكن تجمع مياه الامطار في الشوارع الرئيسيه تناكر البلديه مهب محتاجين قارمن او صور بالاقمار الصناعيه او حد يبلغ عنها هم عارفين من سنين ان الشوارع
المعينه ومناطق معينه تغرق و
تتجمع مياه الامطار تحصلهم على طول رايحين لها

المناطق الكبيرة اللي يتجمع فيها الماي صحيح معروفة بس فوق مستواهم دامهم من البداية يشوفون وضعها ويعرفونها أثناء التصميم وسكتوا عنها .. تحتاج حلول جذرية مثل عمل تصريف محلي لها على شبكة الصرف الصحي بس مب حابين الحل ذيه لأن شبكة الصرف الصحي ضعيفة وهم عارفين

ألحين مخرب أماكن ثانية وجديدة وخراب بسيط سهل تعديله في ساعات بسيطة بس تركه بدون تعديل يعني اضعاف أكثر لتحت الشارع وحفر أكبر في المستقبل وهبوطات

[بوخالد911]

وفي المعمورة بشارع المعاضيد. اشكثر احفر اطلعت.
ووللحين الوضع كما هو عليه.

[معماري قطري]

كلامك صحيح اخوي معماري كثير من الحفر لا زالت موجودة من بعد الأمطار وصارت تسبب مشاكل كبيرة لانك مرات لازم تنزل بالحفرة اذا الشارع باتجاهين

هذي اللي تضرب فيها سيارته مرة يتذكرها دوم .. سيارتي فورويل لكن تهتز عن بكرة ابيها ( الكلمتين الأخيرتين من دروس القواعد في الابتدائي ) اللي سيارته صغيرة احتمال تنشل من أول مرة والحفرة صغيرة بس غزيرة

[معماري قطري]

اليوم الظهر كانوا شغالي بطريق الوعب يرقعون في الحفر

زين بشرك الله بالخير ما مريت مناك بس الحفر في الفرجان من متفرغ يبلغ عنها هذا شغلهم والمفروض يسوونه صح أو يرجعون يصححون شغلهم الناقص ما يحتاجون عزيمة

[معماري قطري]

السلام عليكم

اخوي معماري انا معاك الحفر كثيرة نسبيا
لكن بصراحة عن تجربة لاكثر من مرة مثلا اتصلت عليهم اليوم وبلغت عن حفرة معينه في مكان فلاني يومين بالكثير والمكان تصلح

يعطيكم العافية

عليكم السلام ورحمة الله وبركاته

يفترض مفتشينهم يلفون شوارع قطر كلها قبل وبعد المطر ويفترض يسوون دراسات لمشاكل الطرق ويصححون أي خطأ سابق .. الوقت يمر والشغل بطيء مع إن هذي شغلات بسيطة ولازم عندهم قسم صيانة متطور يرتب هذي الطرق

صعب انا مواطن استحق الأفضل من شغل أشغال ادليهم كل حفرة تصادفني .. طريق الفروسية كذلك تحفر وطريق سلوى المسار الأيمن فيه هبوطات خطيرة خصوصاً للمسرع بين 120 و 140 .. وهذا اللي شفته في طرق اسلكها وهم عندهم حتى سيارات تفحص الطريق وهي تمشي

[معماري قطري]

اللي يبي يشوف فضايح وبلاوي الشوارع يروح الصناعيه!!!!!

خارج التغطية أكيد هذي المنطقة

[معماري قطري]

وفي المعمورة بشارع المعاضيد. اشكثر احفر اطلعت.
ووللحين الوضع كما هو عليه.

هو شارع من صجك؟ انا كله احسبه داعوس شوارعنا كثير منها يفتقر ملامح ومواصفات الشارع

[معماري قطري]

بانغ بانغ كتب رد ومسحه .. يقول انا امدح شغل أشغال .. يمكن اغتريت بشارع معين لكن حقيقة الله يعينهم ويشتغلون بمنهجية وعقلية لخدمة قطر ومن يقود على شوارعها

[khalid525]

صدقت والله مدري شينطرون ومادري ليش خطواتهم بطيئة مع انهم ينفذون مشاريعهم عن طريق الشركات

[معماري قطري]

صدقت والله مدري شينطرون ومادري ليش خطواتهم بطيئة مع انهم ينفذون مشاريعهم عن طريق الشركات

عقد الصيانة ومواصفاتها واضحة والمهم الضمان ولو مروا وشافوا خلل يجيبون الشركة اللي صانت .. أشغال شغلها ادارة مشاريع والمفروض عندهم فريق صيانة للطواريء

[الرايــق]

عليكم السلام ورحمة الله وبركاته

يفترض مفتشينهم يلفون شوارع قطر كلها قبل وبعد المطر ويفترض يسوون دراسات لمشاكل الطرق ويصححون أي خطأ سابق .. الوقت يمر والشغل بطيء مع إن هذي شغلات بسيطة ولازم عندهم قسم صيانة متطور يرتب هذي الطرق

صعب انا مواطن استحق الأفضل من شغل أشغال ادليهم كل حفرة تصادفني .. طريق الفروسية كذلك تحفر وطريق سلوى المسار الأيمن فيه هبوطات خطيرة خصوصاً للمسرع بين 120 و 140 .. وهذا اللي شفته في طرق اسلكها وهم عندهم حتى سيارات تفحص الطريق وهي تمشي


كلام سليم ..

[النهار]

زين بشرك الله بالخير ما مريت مناك بس الحفر في الفرجان من متفرغ يبلغ عنها هذا شغلهم والمفروض يسوونه صح أو يرجعون يصححون شغلهم الناقص ما يحتاجون عزيمة

سلمك الله في سيارات تابعه لهم او البلديه تفتر ليل نهار من داعوس لداعوس بياكم
لو شافوا شي من الي مذكور ليش مايبلغون الجهات المعينه ان كانت حفره اوتعدي او رمي مخلفات صلبه بكميات كبيره في الشارع
انت لو تبي توصل للجهه الصحيحه عليك تتصل بأكثر من مكان كل واحد يحولك على الثاني
ليش اشغال ماتتفق مع سيارات النظافه ( جمع القمامه ) هذول يدشون كل الشوارع والدواعيس بشكل يومي مرتين في اليوم
يبلغون عن الحفر او اي تعدي من قبل الاشخاص الي تخص اشغال

[معماري قطري]

الله يسلمك اجراءاتهم خاطئة في كل شيء وكأنهم مب معانا وهذي الحفرة اللي ذكرتها بتبقى فترات طويلة الكل يعرفها ويحاول يتفاداها ولو يبون اللوكيشن مالها باحدده على قوقل ايرث هنا لكن اروح واقدم شكوى أو ارسله على موقع انا بروحي ما اعرفه وين ما همني وهذي حدودي .. بكرة تطلع حفر غير وهم عارفين سوء الشغل اللي يستوي والمفروض يصلحونه

[معماري قطري]

ليش ما يسوون إدارة لدراسة الطرق وصلاحيتها وتكون متطورة بمعدات ومختبر خاص بها وبتكنولوجيا حديثة وحتى مستقلة عن أشغال وتابعة لمجلس الوزراء تكتب المساويء والتوجيهات وترفعها لهم؟

[بوخالد911]

هو شارع من صجك؟ انا كله احسبه داعوس شوارعنا كثير منها يفتقر ملامح ومواصفات الشارع

هو شارع حيوي يا بش مهندس
واليوم مريت
شفت عالجوا بعض الحفر.

بس مدري هل سووا صيانة للحفر اللي قريبة من فيلا علي بن سلطان ولا لا.

[معماري قطري]

هو شارع حيوي يا بش مهندس
واليوم مريت
شفت عالجوا بعض الحفر.

بس مدري هل سووا صيانة للحفر اللي قريبة من فيلا علي بن سلطان ولا لا.

إسم شارع عندنا يطلق على كل طريق بسيط ما فيه مقومات الشارع من لفات مدروسة ومساحة مزروعة وانارة وطبقة اسفلتية ما فيها حفر ولا رقيقة ولا فيها منهولات مرتفعة .. بعينك تشوف بيوت فخمة ومجالس شرحة لكن تشوف طرق بدائية والطرق تحتاج تطوير دائم وتحتاج أما شغل من البداية متقن وبجودة عالية أو صيانة دورية وتطوير مرهق للموازنة وللمجهود

الله يعين الناس اللي يتعبون ويبنون وحتى يبنون محلات راقية مثل مول المرقاب في منطقة النصر وشارع المرقاب بدوا أشغال حفرياتهم حوله ألحين وبطريقة ترقيعية أي كلام حتى في الطرف أرضية للمول مرصوفة كسروا رصيفها حتى يمددون .. المفروض الشغل له وقته مع الانشاءات أو بعدها بشوي وقت التشطيبات مب بعد انتهائها وقرب افتتاح المول

[معماري قطري]

بعدين اخوي بو خالد ما قصدت التقليل من الشارع أو استصغاره خصوصاً يحمل اسمنا لكن قصدي عن تسمية شارع المفروض لها تبعات تنفذ حتى يعتبر شارع وغالبية المسماة شوارع في مناطقنا هي من فئة المؤقت ونتعايش معاها عشرات السنين