مطاعم الاسغرام والاسعار الفلكية !!!!!!!!

[فريج النجادة]

أخواني واخواتي منتدى أسرتي واحبتي

السلام عليكم ورحمة الله وبركاتة

الموضوع ( مطاعم الاسغرام والاسعار الفلكية !!!!!!!!)

مطاعم الاستغرام هم مجموعة من الشباب والبنات يعملمون من خلال منازلهم

متميزين في عرض اطباقهم من خلال الصور

وفي نفس الوقت ليس لديهم مصاريف مثل باقي المطاعم

ايجار محل فواتير كهرب وماء ورواتب عمال وغيرة من المصاريف

والغريب والعجيب في اسعارهم الفلكية التي تفوق فنادق الخمس نجوم !!!

من غير ما نعرف المبررات والاسباب

ولا نتهم الجميع بل فيهم اسعار جدآ رائعة ومعقولة بل رخيصة

وذات جودة عالية

ممكن نعرف لماذا رفعتم الاسعار الى هذة الدرجة ؟!!!

يمكن عندهم مبررات لا نعرفها

والان عنكم الميكرفون تفضلو :thumbup1:

[(عبدالله)]

أحد أو بعض الأسباب التالية ومب شرط الكل

(1) جودة المواد المستخدمة:
أعرف عن تاجر انستقرام يستخدم مثلاً زعفران من النوع الغالي في طباخه هو أساس نجاح شغله
كذلك بهارات لإحدى التاجرات تجيبهم خلطات خاصة من البحرين


(2) هامش الربح مقارنة بكثرة الانشغال وطول الوقت
صحيح ان تاجر الانستقرام ماعنده تكاليف وعمالة مثل المطعم،
لكن تلقاه يشتغل 4-6 ساعات في اليوم عشان هامش ربح معين ما يقدر ينزل عنه وما يسوى عليه الشغل
مثال: التاجر بيقول أقل شي لازم احط في جيبي 10 الاف ريال في الشهر كصافي ربح تجارته اللي تشغل 6 ساعات يومياً
ما بين توريد المواد والتنسيق والمتابعة والتنفيذ والتوصيل ، وبالتالي يحتاج يرفع من اسعاره

(3) الطمع
ممكن يكون سبب حتى لو ماكانت في تكاليف كبيرة، بيقول لك بسعر السوق!!

والله أعلم

[fhd4]

السبب بسيط … الطلب

حط السعر اللي يعجبك … دام عندك اللي بيشتري …

طبعاً هذا لا يعتبر استغلال لأنها مب سلع أساسية

[شيخ الديرة]

ما يلحقون على الطلبات من كثرها ، واسهل طريقة للسيطرة عالوضع هو رفع الاسعار عسى الناس تروح مكان آخر

[حمد بن سعد]

جات عليهم يعني الحين كل شي غلا عندنا

الله المستعان

[عنيــــد]

محد جابر الناس تدفع ،،

كل واحد عقله في راسه

[Dexter]

عادي، من حقهم يرفعون السعر على مزاجهم ومن حقك تدور مكان ثاني تشتري منه

[Q-tr]

عادي، من حقهم يرفعون السعر على مزاجهم ومن حقك تدور مكان ثاني تشتري منه

لازم تكون في جهة رقابيه علشان يوقفون عند حدهم

[مهرة]

عادي، من حقهم يرفعون السعر على مزاجهم ومن حقك تدور مكان ثاني تشتري منه


صادق اخوي من حقهم يرفعون السعر لأنه مافيه قوانيين تردعهم.! وتصنفهم تحت مسميات يستحقونها على حسب الجودة والمكونات الخيالية التي لا عين رأت مثلها ولا أذن سمعت بها ولا تخطر على قلب بشر .!

[qatari 111]

الله يرزقهم بالربح الوفير
هذا سوق مفتوح لك اخوي عرض وطلب واسعار متفاوته وانت لك الاختيار بالشي اللي يعجبك بالسعر وجودة السلعه والاكل .
كل واحد له سعره حسب المواد اللي يستخدمه
مثال الخروف السوري مب مثل الخروف الاسترالي كسعر وطعم فاكيد راح تشوف فارق السعر
انت يوم تروح الجمعيه تحصل جميع الاصناف والشركات ولكن باسعار متفاوته حسب جودة السلعه

[ساراام]

انا بطلت اطلب منهم خلاص

اشوف الصور اقول ياسلام شكله خوش اكل ،،اخر شي محد ياكله

يعني شالفايده اذا السعر مرتفع نوعا ما وفي نفس الوقت مافي جوده فالاكل

وفوق هذا سعر التوصيل احيانا يوصل 40 او 50 مع انه المكان قريب

[مهرة]

السبب بسيط … الطلب

حط السعر اللي يعجبك … دام عندك اللي بيشتري …

طبعاً هذا لا يعتبر استغلال لأنها مب سلع أساسية




السبب مب في الطلب المتزايد الغير مبرر ومب بحاجة (الميني برغر) ومن غيره ماراح أعيش
السبب في فضاوة الحريم وتبلد الحركة الجسدية والفكرية تبي شي جاهز وسهل وبسرعة يجيها ومافيه أي خلاف ع السعر.!
وبعد التنافس السخيف في سناباتهم وكلها تدور على الكندر ومشتقاته واللوتس وخرابيطه وأهم شي ان طعمه خياااااالي فوق الوصف,, خير .!!

عيب والله عيب ماتشوفينها سخافه وقلة سنع وتنزلين من قدرج يوم ترتزين بكرتونة كوكيز وتدروين بها القسم كله ماتعرفين تاكلينهم لو توزعينهم وهم 6 حبات ب150 وطبعا تسوي دعاية لرفيجتها مدري قريبتها.!!

وطبعاً لا تنسون أكبر نسبة أرباحهم جاية من (البنات الشمحوطات) وحفلاتهم الي ماتخلص>>>> آخر حفلة انعزمت بها (بنكي داش) ربت وجابت 4 توائم سوو
كيوووت:o

[بوخالد911]

غياب الرقابة
هو السبب الحقيقي.

[ذكي جدااا]

الناس تشتري منهم وبالاخير تقولون غالي. الواحد بكيفه ان شاء الله يحط قيمة سندويشهً بألف ريال. بس اذا في مشترين مشكلتهم اللي يشجعون هالفئة وبهذه الاسعار.

[aloosh]

هولاء ناس يمكن ليس لديهم دخل او الراتب ما يغطي القطري والقطريه محاربين حتى في العمل الشريف

ليش ما تكلمت عن الاجانب اللي يشتغل وظيفتين هو وزوجته محتكرين كل الاماكن ليش لما تجي على القطريه او القطري او اي خليجي ننتقدهم ونحاول نطلع فيهم عذاريب

فيه ناس من الصبح حتى يمسي يشتغل على طلبات زباين

خلكم من الحسد وتدخل في ارزاق الناس

[كيلو حديد]

السؤال : ليش الواحد يشتكي من غلاء شيء مب مجبر يشتريه ؟

[aloosh]

السؤال : ليش الواحد يشتكي من غلاء شيء مب مجبر يشتريه ؟

حسد بعيد عنك

[eXpert*]

العادة أشتري كيك معين من أحد المحلات الراقية مرة قررت أطلب نفس كيكة من الانستجرام ،، طلعت علي أغلى ب 30 ريال + 50 ريال رسوم توصيل !! والطعم ما يسوى بس دعاية على الفاضي .

من يومها حرمت أشتري من الإستغرام بسبب الجشع وبالأخير يلزمك برسوم توصيل حتى لو قلت له بجي باخذ الطلب بنفسي يقولك لا ما يصير !!!

[غايه الطواش]

السالفه مب سالفه سعر
ياناس نبي رقابه ع المطابخ
مع اني اثق في هل قطر نظاف بس بعد

[فريج النجادة]

حسد بعيد عنك

هناك فرق بين الحسد وبين المواصفات التي يشترط على كل مطعم ان يلتزم فيها

1- النظافة

2- وين شهادة العمال من الامراض

3- على اي اساس اسعارك تفوق فنادق الخمس نجوم!!!

[Qtr37]

وجهة نظري الشخصية:
الغلا في كل مكان حتى الاجارات وايد غالية ، تقدر اشتر ما تقدر اصلا السوق هالايام العرض فيه أكثر من الطلب، وهذي أغلبها اشيا مب أساسية.
تتفاوت الأسعار، كل شخص عنده تكاليف تختلف عن الشخص او الجهة الأخرى، تجار الانستغرام صح ما عندهم اجار محل، لكن المواد اللي يشترونها تكون بسعر المستهلك يعني مب سعر الجملة,, والوقت المستهلك مب بسيط، وبصراحة لو كنت تاجرة انستغرام وببيع علشان فايدة عشر ريالات على الطلب اسكر التجارة احسن ، خاصة تعب التعامل مع النساء اللي تطلب وماتعرف شتبي وعقب ما تستلم الطلب وووو غيرها من حركات الحريم
واللي مب عاجبه سعر التوصيل المفروض التجار يخلون مندوبين واقفين مكان معين يستلمون الناس الطلب منهم وبسعر اقل اذا مب حابين حد يعرف بيتهم من حقهم.
مب كل شي نطلبه مب حلو ولا كل شي واااو، ولا كل شي سبب لنا امراض لا سمح الله.

وفي ناس فعلا ما عندهم مصدر دخل ثاني، لازم نسكر عليهم هالباب بعد :)