نصنيع اول جهاز رادار قطري

[الحاقول]

العميد الخرجي: تصنيع أول جهاز رادار قطري

العميد محمد سعد الخرجي - مدير الإدارة العامة للمرور



كشف العميد محمد سعد الخرجي مدير الإدارة العامة للمرور النقاب عن قيام الادارة بتصنيع أول جهاز رادار قطري بالتعاون مع الشركات الخاصة، مشيراً الى انه سيتم اخضاع الجهاز للتجربة على ارض الواقع لمدة عام لتقييم قدراته بشكل دقيق في التعامل مع مختلف الظروف الجوية.

وأوضح في تصريحات للصحفيين أن الرادار تم تصنيعه داخل قطر بمواصفات عالمية تفوق نظيرتها الموجودة في أجهزة الرادار المستخدمة داخل الدولة.

كما اعلن العميد الخرجي عن إطلاق مشروع جديد لإجراء اختبارات القيادة بشكل الكتروني من خلال ما يعرف بسيارة الاختبار الذكية، مشيراً الى ان السيارة مزودة بحساسات الكترونية ترصد جميع تعاملات المتدرب مع عملية القيادة

http://www.al-sharq.com/news/details/476425

[ساراام]

على كثر الرادارات اخرتها حتى السايق الملتزم بينصك بمخالفه

والمتجاوزين من اليمين هذول يبيلهم رادار خاص فيهم

[khalid525]

دام ادارة المرور قامت تصنع رادار انشهد انه يكد خير ههههه

[مشاكل]

امر ممتاز يشكرون عليه وزارة الداخلية
واتمنى بالمقابل من مهندسي الطرق اختراع تصاميم للشوارع تمنع الاختناقات المرورية وتحقق الانسيابية

[معماري قطري]

امر ممتاز يشكرون عليه وزارة الداخلية
واتمنى بالمقابل من مهندسي الطرق اختراع تصاميم للشوارع تمنع الاختناقات المرورية وتحقق الانسيابية

هذا اللي ما يقدرون عليه

من قريت العنوان قلت رادار دفاعي للطيران أو لكشف الغواصات أو الصواريخ واتجاهها بس طلع على المساكين

[بوخالد911]

بالتوفيق
بس من هو المخترع؟؟؟

[معماري قطري]

بالتوفيق
بس من هو المخترع؟؟؟

يقولون يا بوخالد تخرع واحد من الرادار ما اخترع

[.قطر.]

يحبون الرادارات قاموا يصنعونهم محلياً بعد :(

[معماري قطري]

يحبون الرادارات قاموا يصنعونهم محلياً بعد :(

في أمريكا صنعوا رادارات مثبتة في السيارات وتحصل الشرطي منخش ورا جسر ومشغل الرادار واللي يمر مسرع يصيد سرعته ويلحقه ويوقفه .. صنعوا جهاز يعلم السائق إنه جدامك رادار .. قاموا الشرطة سووا رادار مثل المسدس يصوبه ناحية السيارة ويشغله فجأة قبل لحد يكشفه ويصيد المسرع

الجهاز اللي يصيد رادار الشرطة يعتبر قانوني وينباع ويتركب على جامة السيارة الجدامية

[احب قطر]

انا عن نفسي استغرب من بعض ادارات وزارة الداخلية ، اللي ابتعدت عن تطوير والتركيز في صميم عملها الى مجالات اخرى ليس لها داعي مطلقا ، يعني في شركات تصنع رادارات ليش يا ادارة المرور تحطون ميزانية وناس تشتغل ووقت المدير في شي كلش ماله داعي ، بينما هناك بلاوي في شوارعنا محتاجين ادارة المرور تركز عليها وتطورها ، كذلك مع ادارة امن السواحل والحدود ، هدو شغلهم وقاعدين يصنعون طراريد ، طيب اول انت طور من تعاملاتك وخدماتك مع الجمهور وركز عليها وهذا ياتي في صميم عملكم.

[بوسعود1122]

نبي اختراع حق شارع فبراير يخلي المشوار مايقعد ساعتين

[بانغ بانغ]

مبروك على الإنجاز القطري الكبير والفأل للوصول لعطارد قريبا .

فلوس قطرية
مكونات قطرية
دعم قطري

المخترع اجنبي

كان زين في اختراع ايخلي ربعنا يسكتون وما يبربرون وايد*

تونا مصلين الفجر وما نبي ناخذ سيئات

[بن مسلم]

اذا الكرك يسونه اجانب.
لاتعليق

[وحيد-الشوق]

ههههههههههههه الموضوع ضحكني صراحه

[وحيد-الشوق]

نبي اختراع حق شارع فبراير يخلي المشوار مايقعد ساعتين

اي والله كان الاولى يخترعون شيء لفبراير وطريق الكورنيش لاعت جبدونا من الزحمه

[مستـريــح البـــال]

الحمد لله على كل حال ، ، وأتمنى نسمع ونشوف جهود متوجهه لاختراع أو تصنيع شي يخفف الزحمه ، ويزيد من الانسيابيه ، ويكسب مستخدمين الشوارع ويجعلهم في صف المرور قلبا وقالبا ، ،

والله لا يواجهنا ( أنا والرادار) في أي درب ، ، البعد عنه غنيمه ،، وشوفته تجيب الغثا ،،

صـــراحه لا أثق فيه نهائياً ولا أبي أعرف شكله ،، اخاف من زهايمر مبكر للرادار ويبدأ في التقاط سيلفي مع الجميع ، ،

لا هنت ياخوي الحـــاقول . .

[Riku3]

استغفر الله العظيم .

[ya3coub]

في أمريكا صنعوا رادارات مثبتة في السيارات وتحصل الشرطي منخش ورا جسر ومشغل الرادار واللي يمر مسرع يصيد سرعته ويلحقه ويوقفه .. صنعوا جهاز يعلم السائق إنه جدامك رادار .. قاموا الشرطة سووا رادار مثل المسدس يصوبه ناحية السيارة ويشغله فجأة قبل لحد يكشفه ويصيد المسرع

الجهاز اللي يصيد رادار الشرطة يعتبر قانوني وينباع ويتركب على جامة السيارة الجدامية

اخوي معماري هاي امريكا مو اهني و للعلم الوالد كان جايبه معاه انا اتكلم على مال ايام التسعينات و الثمانينات اشرايك انه لين سنة 2006 يشتغل فالسعوديه و ينفعنا قبل ما يسوون ساهر و القورشنر مالتهم


و بخصوص الطرق موجودين من شبابنا الي فيهم الخير و البركه بس للأسف موب محصلين فرصه و الي موب مواطنين بس مواليد الدوحة ادرسو ماستر فالطرق ولا احد عبرهم شغالين بشي ماله خص بمجالهم.




شي طيب بس مثل هالأختراعات نبي انشوفها اكثر
عسكريا مدنيا اي شي ممكن يحسن مو بس ياخذ من جيوبنا هالشي ممكن يكون رادع بس معاه اتمنى يسمحون بالتعديلات طالما الدوله ملغمه رادارات و كيمرات مراقبه و هذا شي طيب للحماية بس بعد اتمنى اشوف هالشي بنطاق اوسع بإذن الله عندنا شباب مخترعين النادي العلمي و ايضا مع المرور في اشياء حلوة و في اشياء ما تدخل العقل

[jajassim]

بعد ما تسرنا الدوحة باكملها بالرادارات الحين نجي نصنع ،

المشكلة الشو في دمنا ــ

الله يرحم برحمته ،،

[Dana’1]

في أمريكا صنعوا رادارات مثبتة في السيارات وتحصل الشرطي منخش ورا جسر ومشغل الرادار واللي يمر مسرع يصيد سرعته ويلحقه ويوقفه .. صنعوا جهاز يعلم السائق إنه جدامك رادار .. قاموا الشرطة سووا رادار مثل المسدس يصوبه ناحية السيارة ويشغله فجأة قبل لحد يكشفه ويصيد المسرع

الجهاز اللي يصيد رادار الشرطة يعتبر قانوني وينباع ويتركب على جامة السيارة الجدامية

موجود بالسعوديه بس مو الي مثل المسدس !
اذكر زماان اخوي يستخدمه بالخطوط الطويله لان وفعلا الشرطه منخشه تتصيد للعالم* وبعد الشرطه تلاقي نقطة تفتيش هي الي عاد تتفاهم معك

والجميل إن الشعب يعلم بعض إن فيه رادار .. كلن يكبس للثاني هههههه

[شبح الصمت]

انا حاس اول واحد بيصيده هالرادار انا

:(

[الحياة الخالدة]

بالمبارك
بس بدال ما يتفننون في اختراع الشداخات للسائقين .. كان الأولى يبتكرون ويبدعون في إيجاد حلول لتخفيف الزحمة والمعاناة اليومية لمرتادي الطرق

[naklan]

بالمبارك
بس بدال ما يتفننون في اختراع الشداخات للسائقين .. كان الأولى يبتكرون ويبدعون في إيجاد حلول لتخفيف الزحمة والمعاناة اليومية لمرتادي الطرق

الزحمة ما تجيب فلوس. لهم لذالك تركها ابرك
اما الرادار الحبيب فقد ملئ خزائنهم بالعملات الصعبة
والمواطن المغلوب على امره واقف على الشبابيك يدفع
بكل حب ويرد جزء من راتبه لتدور العجلة
الاقتصادية

[naklan]

بعد ما تسرنا الدوحة باكملها بالرادارات الحين نجي نصنع ،

المشكلة الشو في دمنا ــ

الله يرحم برحمته ،،


لو كان لي سلطة كنت علقت رادار في سيارة الخرجي
يتصيد له في كل مكان علشان يحس في الناس الي صارو
دافع بلاء ورواتبهم راحت في شروط ما انزل الله بها
من سلطان تطوف السرعة ب 1 تدفع 500 بس
في الدوحة وجمهورية سكسونيا الدمقراطية
الشعبية

[الحياة الخالدة]

الزحمة ما تجيب فلوس. لهم لذالك تركها ابرك
اما الرادار الحبيب فقد ملئ خزائنهم بالعملات الصعبة
والمواطن المغلوب على امره واقف على الشبابيك يدفع
بكل حب ويرد جزء من راتبه لتدور العجلة
الاقتصادية
هههههههههه أخيراً حسيت في المواطن المغلوب على أمره أخوي نكلان
ترا والله بعض المواطنين يكسرون الخاطر

[naklan]

هههههههههه أخيراً حسيت في المواطن المغلوب على أمره أخوي نكلان
ترا والله بعض المواطنين يكسرون الخاطر

ههههههههههه انا من الشعب واليه اعود
والله يكسرون الخاطر من قلب مخالفات واهية سووها
قانون والمشكله على الفقارى والقادرين يشربونم قهوه بالزعفران
لين يسقطون مخالفاتهم مشكله عندنا في خنتريس
سوسنيق قانون مرورهم اهون شوي

[naklan]

العميد الخرجي: تصنيع أول جهاز رادار قطري

العميد محمد سعد الخرجي - مدير الإدارة العامة للمرور



كشف العميد محمد سعد الخرجي مدير الإدارة العامة للمرور النقاب عن قيام الادارة بتصنيع أول جهاز رادار قطري بالتعاون مع الشركات الخاصة، مشيراً الى انه سيتم اخضاع الجهاز للتجربة على ارض الواقع لمدة عام لتقييم قدراته بشكل دقيق في التعامل مع مختلف الظروف الجوية.

وأوضح في تصريحات للصحفيين أن الرادار تم تصنيعه داخل قطر بمواصفات عالمية تفوق نظيرتها الموجودة في أجهزة الرادار المستخدمة داخل الدولة.

كما اعلن العميد الخرجي عن إطلاق مشروع جديد لإجراء اختبارات القيادة بشكل الكتروني من خلال ما يعرف بسيارة الاختبار الذكية، مشيراً الى ان السيارة مزودة بحساسات الكترونية ترصد جميع تعاملات المتدرب مع عملية القيادة

http://www.al-sharq.com/news/details/476425


انا اتحداهم ان فيه قطعة من صناعتهم ربعنا ما صنعوو زنوبة
علشان يسوون رادار أكيد هذا مثل طيارات الحوثي قاصف 1 وهدهد 1
لوكنت صحفي اروح وأشوف رادارهم وافضحهم صندوق الرادار هندي والكيمرة
يابانية والحساسيات يونانية والكوارع مصرية. هههههههههه

[alshammari]

الحقيقة ان الرادار والمخالفات وجدت للعقوبة واللي يبي يتجنب العقوبة سهلة لايخالف

لكن المشكلة مع الزحمة وبلاويها غصب تخالف احياناّ

عموماّ

كان الاجدر اختراع حلول للاختناقات المرورية بدل اختراع رادار لان الرادارات واجد متوفرة ولا هي مكلفة وتدر فلوس

لكن ربعنا يموتون بسالفة صنعوه قطر

[eXpert*]

أن كان المنتج المحلي أفضل و (أرخص) من المستورد فالفكرة ممتازه ..

لكن إذا كان أغلى فماله داعي الإ علشان رفع هامش الربح ..

[eXpert*]

بعد ما تسرنا الدوحة باكملها بالرادارات الحين نجي نصنع ،

المشكلة الشو في دمنا ــ

الله يرحم برحمته ،،

وعقب التصنيع بيتم إستبدال جميع الموجود بالرادار المحلي :)

[ya3coub]

بريك الغدا اليوم رحت اسبوع المرور الي فدرب الساعه عندهم 3 انواع للرادارات الي بكشل بزاله تكرمون الي فالمدينه التعليمية يعتبر اقدمهم

و في الي نعرفه كأنه مدفع رشاش يحطونه جدام السيارات و قديم بس لأنه بالملاين الواحد حسب كلام الموظف و غالي ليلحين يستخدمونه

و الثالث الجديد نسيت اسئله اذا اهو القطري او لا صغير جدا و الفلاش بقاعده ثانية

[jajassim]

تكفة عامود وجهاز الرادار مثل في الصورة 400 الف ريال تقريبا

http://www13.0zz0.com/2017/03/15/15/231121014.jpg (https://www.0zz0.com)

[الحاقول]

يقولون الرادار يقول حق السائق


ماكو فكَّه .. مِنَّك إنتَ ماكو فكَّه*
لو تلفِّ الدَّنيا تِلقاني وراك*
*
أنا تِلقاني في كل شارع وسِكَّه*
أمشي في ظلِّك وإحساسي معاك*

[معماري قطري]

اخوي معماري هاي امريكا مو اهني و للعلم الوالد كان جايبه معاه انا اتكلم على مال ايام التسعينات و الثمانينات اشرايك انه لين سنة 2006 يشتغل فالسعوديه و ينفعنا قبل ما يسوون ساهر و القورشنر مالتهم


و بخصوص الطرق موجودين من شبابنا الي فيهم الخير و البركه بس للأسف موب محصلين فرصه و الي موب مواطنين بس مواليد الدوحة ادرسو ماستر فالطرق ولا احد عبرهم شغالين بشي ماله خص بمجالهم.




شي طيب بس مثل هالأختراعات نبي انشوفها اكثر
عسكريا مدنيا اي شي ممكن يحسن مو بس ياخذ من جيوبنا هالشي ممكن يكون رادع بس معاه اتمنى يسمحون بالتعديلات طالما الدوله ملغمه رادارات و كيمرات مراقبه و هذا شي طيب للحماية بس بعد اتمنى اشوف هالشي بنطاق اوسع بإذن الله عندنا شباب مخترعين النادي العلمي و ايضا مع المرور في اشياء حلوة و في اشياء ما تدخل العقل

الله يحفظ ولدينا ووالديك ويرزقنا برهم ومن يقرأ

كان إذا مريت عند باب يفتح تماتيك يرسل ذبذبات يصيده الجهاز اللي في السيارة ذكريات والله .. انا ما استعملته بس اشوفه عند الربع وصادوني كم مرة ومرة كنت مسافر بالسيارة من أقصى الشمال الغربي لأقصى الجنوب الشرقي .. كنت طالع من تل وقبله نزلة ودايس قريب ال 100 ميل في الساعة والسرعة هناك 55 الا الشرطي موقف واحد على الشارع الثاني ومخلص منه وبالمسدس يصوبه صوبي وصادني امشي 91 .. على قانون بعض الولايات يحق له يسجنني بس طلع طيب قال حط المخالفة في الظرف وسكره عدل وقعد يشرح لي إن الظرف للدولة ومحسوب عليه ودفعني 100 دولار وشوي .. كانت سيارتي مليانة أغراض البيت كأني مهاجر

[معماري قطري]

موجود بالسعوديه بس مو الي مثل المسدس !
اذكر زماان اخوي يستخدمه بالخطوط الطويله لان وفعلا الشرطه منخشه تتصيد للعالم* وبعد الشرطه تلاقي نقطة تفتيش هي الي عاد تتفاهم معك

والجميل إن الشعب يعلم بعض إن فيه رادار .. كلن يكبس للثاني هههههه

الجهاز يكشف ذبذبات الرادار اللي على شكل مسدس والرادار اللي شغال على طول .. وإن شاء الله ينتجون أجهزة جديدة للرادارات

انا مسوي طريقة متخرش الميه للرادارات بس صعبة أقولها هنا بيخربون علي .. تصدقون يصيدني ضيق تنفس لو مشيت شوي شوي

[معماري قطري]

انا شاك في المخترع إنه واحد من أعضاء المنتدى ولازم يخترع لنا جهاز يكشف الرادار ويحذر السائقين

[PathFinder]

الأن على الاشارات رادار وكل كيلو متر رادار وعلى اليمين رادار وعلى اليسار رادار ومن فوق الجسر رادار ومن تحت الجسر رادار وفي النفق رادار ورادار متحرك ورادار في التحويلات وبعد شوي ممكن يصير رادار في الدار...

[Alm@n$ei]

خطوة جميلة وان شاء الله نصل الى مستوى الاختراعات والابتكارات الجديدة
بس ابي اعرف شالميزة في هالرادار ليكون يلحقك لين البيت 😆

[أبو راكان]

ليتهم يخترعون رادار للي يمشون على بيض ومعطلين السير

[jajassim]

ادارة المرور تصنع رادار ، استغفر الله العظيم

اذا طلبت مطبة من المرور تاخذ اجراءات لاتقل عن شهر واحالة الموضوع للبلدية لتركيب المطبة وهذا بعد موافقة المرور - سابقا

الحين الاشغال سحبت الموضوع بالكامل من المرور والبلدية

اذا بغيت تركب مطبة امام بيتك او اى مكان آخر عن طريق الاشغال فقط فقط فقط

[captin]

جان اخترعوا شي ينفع البشرية مثل دواء لعلاج الأمراض عافانا الله واياكم
او اجهزة تعلم للاطفال او اختراعات لتوفير الطاقة او حلول لتخفيف الزحام المروري الخ

دوروا الشي اللي يجيب لهم فلوس واخترعوه !!!

[وافي قطر]

بالنسية للرادارات الثابته حلها بسيط
في متجر ابل ستور
تشتري برنامج نسيت بكم دولار
ويطلع لك كل رادارات الدوحه
وينبهك قبله اعتقد ب 500 متر
اما بالنسبة للمتحركه الله يعينكم
عليها مالكم الا الصبر
وبشكل عام اللي عنده خلفية عن اجهزه
اللاسلكي وفنان راح يعرف الطريقة اللي براسي
ومجربه لتفادي اي رادار تطوفه وانت مسرع

وشكراً

[Abdulraman]

مانبي رادارات نبيهم يخالفون المتجاوزين من اليمين وبس

[وافي قطر]

انا معاكم في نقطة انهم يخالفون اللي يتجاوزون من يمين
بس هنا صبر في سؤال اسألوه حق نفسكم
في حال كان المتجاوز من يمين عند دوار او اشاره
انا معاكم يجب مخالفتهم
اما بالنسبة للي يتجاوزون من يمين في الطريق وانت ماشي
اعتقد ماله داعي يتم مخالفتهم تدرون ليش لان اكيد فيه سبب
يخليه يتجاوز اللي هو تحصل الحبيب ماسك يسار والسرعه المحددة 80 او 100
وتحصله ماشي اقل من السرعه المحدده بالتالي شي طبيعي ماراح اتم وراه لين حضرته
يحس على دمه ويطلع من طريقي ف اكيد راح اضطر اتجاوز من يمين هنيه يجيك المرور
مخالفه وحجز طيب ليش ي الذيب حرام عليك

شفتوا الحين وين الخطأ

تحياتي لكم

[عايش فرحان]

ياريت يسوون رادار لمحاسبة مقاولين الطرق و اشغال و التخطيط العمراني

[معماري قطري]

انا معاكم في نقطة انهم يخالفون اللي يتجاوزون من يمين
بس هنا صبر في سؤال اسألوه حق نفسكم
في حال كان المتجاوز من يمين عند دوار او اشاره
انا معاكم يجب مخالفتهم
اما بالنسبة للي يتجاوزون من يمين في الطريق وانت ماشي
اعتقد ماله داعي يتم مخالفتهم تدرون ليش لان اكيد فيه سبب
يخليه يتجاوز اللي هو تحصل الحبيب ماسك يسار والسرعه المحددة 80 او 100
وتحصله ماشي اقل من السرعه المحدده بالتالي شي طبيعي ماراح اتم وراه لين حضرته
يحس على دمه ويطلع من طريقي ف اكيد راح اضطر اتجاوز من يمين هنيه يجيك المرور
مخالفه وحجز طيب ليش ي الذيب حرام عليك

شفتوا الحين وين الخطأ

تحياتي لكم

وز يو ان يور اوبنيون

[معماري قطري]

جان اخترعوا شي ينفع البشرية مثل دواء لعلاج الأمراض عافانا الله واياكم
او اجهزة تعلم للاطفال او اختراعات لتوفير الطاقة او حلول لتخفيف الزحام المروري الخ

دوروا الشي اللي يجيب لهم فلوس واخترعوه !!!

عاد خبر من غير صور يتراوى لي رادارهم يبي له رادار وبيجربونه سنة لين يثبت حسن سيرته وسلوكه لو مستورد جربوه هناك وراح فريق كبير يشوفه وشروه بغالي وجابوه

[معماري قطري]

ادارة المرور تصنع رادار ، استغفر الله العظيم

اذا طلبت مطبة من المرور تاخذ اجراءات لاتقل عن شهر واحالة الموضوع للبلدية لتركيب المطبة وهذا بعد موافقة المرور - سابقا

الحين الاشغال سحبت الموضوع بالكامل من المرور والبلدية

اذا بغيت تركب مطبة امام بيتك او اى مكان آخر عن طريق الاشغال فقط فقط فقط

بيتي على لفة والناس يجون نفخ من اللفة أوقات واحد يتجاوز يمشي في مسارك .. وطلبنا مطبات انا واخوي لأن بيته جنبي وعطونا اثنين بلجنة المرور وشلوها أشغال وخلوا الباقيين شكلهم كرهوني بعد مواضيعي عنهم .. لو عندك واسطة اخوي جاسم ساعدني

[.قطر.]

تكفة عامود وجهاز الرادار مثل في الصورة 400 الف ريال تقريبا

http://www13.0zz0.com/2017/03/15/15/231121014.jpg (https://www.0zz0.com)

يطلعون قيمته في اقل من شهر :funny:

[معماري قطري]

يطلعون قيمته في اقل من شهر :funny:

كله كيمرة وكمبيوتر ولو فيهم خير برمجوه على النت ينقل المخالفة مباشرة ما تجيك بعد يومين .. بس من الوكيل حتى نبارك له الربح الوفير