الخطابة الوهمية خدعتني .. وخطيبي الثري نصاب.................

[مستثمر رشيد]

الدوحة- الراية : انتهت رحلة البحث عن شريك العمر كان قد بدأها شاب وفتاة لدى إحدى "الخطابات" على غير المتوقع لديهما وهو (القفص الذهبي) الذي كان يحلم الطرفان الدخول فيه بعد رحلة البحث الطويلة عن شريك العمر.

فقد انتهت تلك الرحلة بالدخول في منازعات في ساحات القضاء بعد أن اكتشف كل طرف من الطرفين أنه تعرض لعملية احتيال فقدم كل منهما بلاغ ضد الآخر يتهمه بالنصب وانتحال صفة للاستيلاء على أمواله .. وذلك حسب الدعوى التي تقدم بها كل منهما ضد الآخر حيث لاتزال القضية في أروقة المحاكم.

وحسب تفاصيل القضية التي حصلت عليها الراية فقد ترك كل من الفتاة والشاب طلباً لدى "خطابة" لتبحث لهما عن شريك العمر وبعد فترة قامت "الخطابة" بالاتصال بالطرفين تخبرهما أنها قد وجدت لكل منهما الشريك الذي يبحث عنه وتركت لهما بعد ذلك إكمال مشوار الزواج عبر الطرق المتعارف عليها.

وتم الاتفاق على أن يتقدم الشاب للفتاة ليخطبها بعد أن قدم نفسه على أنه شخصية مرموقة في المجتمع فيما قدمت الفتاة نفسها كذلك على أنها من أسرة ثرية وخلال فترة انتظار الفتاة للشاب ليتقدم لخطبتها طلب منها تأجيل الخطوبة حتى ينتهي من بعض الأعمال الخاصة به. وبعد أن طال انتظار الفتاة لعريس المستقبل وتكرار تقديمه للأعذار طلبت منه أن ينهي الموضوع ويتقدم لخطبتها وبعد إصرارها أخبرها بأنه تعرض لظروف طارئة ويحتاج مبلغاً من المال ليقوم بتسديد بعض الالتزامات المترتبة عليه حيث لم تكن تتوفر لديه السيولة المطلوبة حينها، فقامت بتسليمه 300 ألف ريال وأخبرها أنه سيقوم بإرجاع كامل المبلغ خلال أيام فقط ثم سيتقدم لخطبتها.

إلا أنه اختفى بعد ذلك حيث قام بإغلاق جواله وكل سبل التواصل الممكنة، فقامت بالتواصل مع الخطابة لتستوضح منها الأمر إلا أن الخطابة بدورها رفضت التدخل في الخلاف وأنكرت معرفتها بالطرفين وأنها لم تقم بالتواصل معهما أو محاولة التوفيق بينهما للزواج فتبين للفتاة أنها "خطابة" وهمية، وهو ما دفعها إلى تقديم شكوى جنائية ضد الشاب ليعيد لها الأموال التي سلمتها له حسب دعواها والتي أنكرها الشاب، الذي بدوره قدم شكوى ضد الفتاة اتهمها بمحاولة ابتزازه حيث أشار إلى أنه أراد الزواج منها ثم عدل عن الفكرة فلجأت إلى تهديده بمختلف الوسائل وفي نهاية المطاف اتهمته باستلام مبلغ مالي منها بهدف الضغط عليه.

وبعد تسجيل شكوى الجانبين والتحقيق معهما حول الواقعة أحيل ملف القضية لمحكمة الجنايات للفصل في القضية التي لاتزال منظورة أمام هيئة المحكمة المختصة.

[بانغ بانغ]

جنت على نفسها براقش

[شيخ الديرة]

الحب أعمى، وقشمر بعد

[شبح الصمت]

الموضوع غريب اشدعوووه اهلها ما أسالوا عنه اهو منه وش موضوعه ..

في حلقه مفقوده سوري على الكلمة بس شكلهم كانوا يتواصلون بدون معرفة الاهل عشان يعرفون بعض اكثر واكثر


وعقب طاح الفاس في الراس .

[شيخ الديرة]

الموضوع غريب اشدعوووه اهلها ما أسالوا عنه اهو منه وش موضوعه ..

في حلقه مفقوده سوري على الكلمة بس شكلهم كانوا يتواصلون بدون معرفة الاهل عشان يعرفون بعض اكثر واكثر


وعقب طاح الفاس في الراس .

اتفق معك، اذا عندها صلاحية تعطي 300 الف لواحد ما تعرفه وبدون اوراق، اكيد تفكر اشدخل اهلي

[شبح الصمت]

سؤال حد يجاوبني الخطابه الالكترونية في ذمتكم اش عرفكم انها وحده


يمكن يكون واحد منتحل شخصية وحده

[عاشق العديد]

معقوله في حد يأخذ من بنت فلوس ,.؟

والي مب معقول اكثر .؟

في حد يسلم مبلغ مالي لشخص مايعرفه .؟

يلعوزون الي فالمحاكم ع الفاضي .. كل واحد يروح ينام في بيتهم احسن له

[بالول]

لا تستغربون ترى حتى الوسيط فيه كثير من اعلانات الخطابات
ولا حد يدري عنهم وعن شغلهم

لابد من اصدار قرار بالمنع

[eXpert*]

مستعجلين على رزقهم .

[nooora]

الخطابة الكترونيه او الوهمية نصابين ما قلنا شي . الحين باختصار قولوا شغل الخطابات ممنوع . مثل قصص الشحاتين انهم نصابين وووووووو لدرجه ان الكل يتبرع للجمعيات والفقير قدامه ما يصدقه ... اكيد اي شي بالنت لا يصدق خاصة موضوع مثل زواج . لا اصدق هذه القصص . قريبا بيطلعون سجل تجاري للخطابه :thumbup1:

[@north_star@]

حسيت انه فلم هندي من جميع النواحي

[qatarman8008]

انا اشوف الخطابة ماعليها شي ..
هي عرفت اثنين على بعض بالمواصفات اللي يبونها وخلاص انتهى دورها..
الحين يتزوجها او مايتزوجها تعطيه فلوس ماتعطيه فلوس كيفهم الاثنين مع بعض يصطفلو..


هالبنات اللي يوزعون 300 الف ونص مليون.. طيبين الله يكثر من امثالهم..omen

[راجي الْعفو]

الله لا يبلانا

ما قريت التفاصيل

ولكن سمعنا التلاعب من خطابات النت

انا اعتبره شي مب مضمون

وان كان فتح باب لفئة من الناس

[شيخ الديرة]

انا اشوف الخطابة ماعليها شي ..
هي عرفت اثنين على بعض بالمواصفات اللي يبونها وخلاص انتهى دورها..
الحين يتزوجها او مايتزوجها تعطيه فلوس ماتعطيه فلوس كيفهم الاثنين مع بعض يصطفلو..


هالبنات اللي يوزعون 300 الف ونص مليون.. طيبين الله يكثر من امثالهم..omen

فعلاً هذي الخطابة تستحق واحد يسمعها كلمتين حتى تنصلح، ممكن تتكرمون برقمها عالخاص :thumbup1:

والبنت ليش ما اشتكت على اوريدو لان الثري جي اللي عندهم يشجع اولاد الحرام على النصب، كلها مذنبة ما عدا اللي عطى 300 الف

[Qtr37]

من عدة سنوات قالت لي صديقتي المسكينة الغلطانة، انها دخلت موقع من مواقع الزواج
وكلمها الشخص اللي اخبرها انه من العائلة الفلانية المرموقه في قطر وانه ثري ودخله الشهري مادري كم مليون ووووو
وانه مدة التعارف بتكون بسيطة وعقب بيكلم اهله ويخطبونها!! بعد كم يوم اخبرها انه محتاج مبلغ بسيط وانه يبي يشوف الحين اذا فيها الخير تساعده او لا،، والمسكينه الغلطانه حولت له المبلغ والحمد لله ان المبلغ مب خيالي
وبعدها اختفى ......................

الحمدلله ان انتهى الموضوع على كذا وما كبر أكثر

هذي قصة واقعية مب تأليف ، يا ليت البنات يكبرون عقولهم اكثر ترى الزواج اسهل من انج تكلمين خطابة تبحث لج،، حافظي على اخلاقج وسمعتج وبيخطبج الشخص المناسب ولا تتشرطين وايد

[شبح الصمت]

من عدة سنوات قالت لي صديقتي المسكينة الغلطانة، انها دخلت موقع من مواقع الزواج
وكلمها الشخص اللي اخبرها انه من العائلة الفلانية المرموقه في قطر وانه ثري ودخله الشهري مادري كم مليون ووووو
وانه مدة التعارف بتكون بسيطة وعقب بيكلم اهله ويخطبونها!! بعد كم يوم اخبرها انه محتاج مبلغ بسيط وانه يبي يشوف الحين اذا فيها الخير تساعده او لا،، والمسكينه الغلطانه حولت له المبلغ والحمد لله ان المبلغ مب خيالي
وبعدها اختفى ......................

الحمدلله ان انتهى الموضوع على كذا وما كبر أكثر

هذي قصة واقعية مب تأليف ، يا ليت البنات يكبرون عقولهم اكثر ترى الزواج اسهل من انج تكلمين خطابة تبحث لج،، حافظي على اخلاقج وسمعتج وبيخطبج الشخص المناسب ولا تتشرطين وايد



بيض الله ويهج

[ya3coub]

اتاري وايد ناس طاحو بمثل هالفخوخ و كل مره القصه و الحيله غير

[العقل المدمر]

المشكلة مب فالخطابة لان اللي فالموضوع اصلا وهمية
المشكلة فالغبية اللي تحول فلوس حق واحد المفروض هو اللي يدفع لها المهر
يعني سلوك اغبى من اني اسميه ثقة عميا حتى .. لو بزر ماينقص عليه بهالطريقة
بس تستاهل عشان تعرف تستخدم نعمة العقل مرة ثانية :thumbdown:

[راجي الْعفو]

من عدة سنوات قالت لي صديقتي المسكينة الغلطانة، انها دخلت موقع من مواقع الزواج
وكلمها الشخص اللي اخبرها انه من العائلة الفلانية المرموقه في قطر وانه ثري ودخله الشهري مادري كم مليون ووووو
وانه مدة التعارف بتكون بسيطة وعقب بيكلم اهله ويخطبونها!! بعد كم يوم اخبرها انه محتاج مبلغ بسيط وانه يبي يشوف الحين اذا فيها الخير تساعده او لا،، والمسكينه الغلطانه حولت له المبلغ والحمد لله ان المبلغ مب خيالي
وبعدها اختفى ......................

الحمدلله ان انتهى الموضوع على كذا وما كبر أكثر

هذي قصة واقعية مب تأليف ، يا ليت البنات يكبرون عقولهم اكثر ترى الزواج اسهل من انج تكلمين خطابة تبحث لج،، حافظي على اخلاقج وسمعتج وبيخطبج الشخص المناسب ولا تتشرطين وايد

حوادث مؤلمة


البنت خل تبتعد عن موضوع الزواج من النت عشان ما اطيح في مثل هالمواقف

الرجل لو طاح يبقى رجل يدبر

بس وضع المرأة يختلف والاحتياط لها يكون زايد اكثر

[شيخ الديرة]

سؤال حد يجاوبني الخطابه الالكترونية في ذمتكم اش عرفكم انها وحده


يمكن يكون واحد منتحل شخصية وحده



هو نفسه المعرس خطابة

[الحاقول]

حدث هذا عندنا في العمل من زمان
وحده قامت بتسليم خطيبها مبلغ 100 ألف ريال
وبعدها رفض ان يتزوجها او يرجع عليها 100 ألف ريال
وقال لها روحي اشتكي في مركز الشرطه
طبعا البنت خافت تقول حق أهلها هالموضوع
وطار الخطيب مع 100 ألف ريال وحسبي الله عليه

[رجل تعليم]

الله يجعلها نارا حارقة في امعائه وفي كل البطون التي لا تستحيي ان تأكل الحرام وتسعد به .
ربي كريم وسيعوضها خيرا منه

[هيليوم]

لا حول ولا قوة الا بالله

سمعت عن سالفة وحدة تزوجت واحد من غير جنسيتها ، شكله كان مخطط عليها وعرف يوصل لها وتحدت أهلها عشانه واخرتها مشاكل ومحاكم

[BoFahed]

حدث هذا عندنا في العمل من زمان
وحده قامت بتسليم خطيبها مبلغ 100 ألف ريال
وبعدها رفض ان يتزوجها او يرجع عليها 100 ألف ريال
وقال لها روحي اشتكي في مركز الشرطه
طبعا البنت خافت تقول حق أهلها هالموضوع
وطار الخطيب مع 100 ألف ريال وحسبي الله عليه

اخوي مب اول مرة مثل هذي السالفه تعلن بالجرايد وياما سمعنا عن شباب طلعو مواتر وخذو سلفيات وفلوس على قفى هالبنات المخبل اللي يعشمونهم بالزواج ويدغدغون مشاعرهم والاختلاط الزايد في العمل ووسايل التواصل الاجتماعاعي مع تاثير المسلسلات التركيه زود هذي الحالات

عيال الحرام يعرفون شلون يعلقون البنت وينصب عليها ويسحب عليها وهي تخاف من الفضيحه والفشله من اهلها والناس

عسى الله يستر على شوفاتنا وبنات المسلمين

[معماري قطري]

معقوله في حد يأخذ من بنت فلوس ,.؟

والي مب معقول اكثر .؟

في حد يسلم مبلغ مالي لشخص مايعرفه .؟

يلعوزون الي فالمحاكم ع الفاضي .. كل واحد يروح ينام في بيتهم احسن له

للأسف سذاجة قوية والمفروض من التحقيقات ينتبهون لمثل هذي الحركات ويحاولون يسوون كمين للشخص .. مثلاً بمعرفة تلفون آخر يتواصل عليه ويخلون البنت توقع به بتسجيل ادعاءاتها .. فيه طرق كثيرة بس للأسف تحقيقنا ضعيف وما يواكب التطور في عالم الجريمة

[معماري قطري]

اتاري وايد ناس طاحو بمثل هالفخوخ و كل مره القصه و الحيله غير

انا خطبت وحدة قالت انها ثرية وطلبتني كرت هلا وبعدين 100 ريال حق البترول وبعدين 20 ريال للسينما وشردت

يصير اقدم بلاغ

[MirusS]

انا قبل كنت اشوف زواج النت شي عادي
بس مع الوقت غيرت رايي
احسه زواج اي شي ومافيه جديه كلش خاصه من صوب الريال
بعض البنات الي تاخر عليهم النصيب يصدقون وتكون البنت جاده والريال غالبا يلعب .
مثل القصه الي فهالموضوع الريال كان يأجل الزواج كل شوي وكملها بالفلوس :)

الله يعوضها المبلغ مب شوي هههههه

[راجي الْعفو]

انا خطبت وحدة قالت انها ثرية وطلبتني كرت هلا وبعدين 100 ريال حق البترول وبعدين 20 ريال للسينما وشردت

يصير اقدم بلاغ

قدم قدم يا بوعبدالله وش وراك
ما هي السالفه خربانه خربانه
حتى كرت هلا اللي خذته لها ما رجعت عشانه وتكلمك به ^_^

[راجي الْعفو]

بس في نقطة ذكرتها قبل:

الشخص في مثل هالعلاقات يتنازل عن اشيا لا يمكن يتنازل عنها قبلها

العقل يضيع

اطرق البيت من بابه المضمون و لا تدخل نفسك في امور مثل هذي

[طلعة الروح]

العيب ليس من الخطابه لانها ماتعلم الغيب ولا النوايا في نظري العيب من الطرفين اللي يحطون مواصفات غير صحيحه ولذلك الاختبار والسؤال وعدم الثقه الا بعد التاكد هو الحل الوحيد لان الخطابه مجرد وسيلة حالها حال اي وسيله عاديه او تقليديه اما الباقي يعتمد على ذكاء كل طرف من الاطراف في التمعن والتمحيص والقدره على فهم نوايا واخلاق الطرف الاخر ، القصة فيها امور كثير غامضه واكثر شي نقدر نستخلصه ان صحت القصه بان القانون لا يحمي المغفلين.

[وحيد-الشوق]

معقوله في حد يأخذ من بنت فلوس ,.؟

والي مب معقول اكثر .؟

في حد يسلم مبلغ مالي لشخص مايعرفه .؟

يلعوزون الي فالمحاكم ع الفاضي .. كل واحد يروح ينام في بيتهم احسن له

للأسف في وفي شباب كلمة خمه شوي عليهم يتصيدون للبنات ويقصون عليهم بكلامهم المعسول وخرابيطهم ويخلونهم يسحبون لهم سلفيات ويشترون لهم سيارات ويوعدونهم بالزواج وفي الاخير يسحبون عليهم نعم الطرفين على خطأ لكن شنو بعض الشباب لهم قلب ياخذون مال وحده مسكينه بدون حق ونسوا ان الدنيا حياة وموت وفي عقاب حسبي الله ونعم الوكيل بس الدنيا دواره تلقى اخته يسوون معاها نفس الشيء

[رجل تعليم]

أبشع الجرائم ان تتلاعب بمشاعر الناس وتستغل ضعفهم وقلة حيلتهم
لاحول ولا قوة إلا بالله

[بوعلاوي]

انا من سنه كلمت خطابه تبحث لي زوجه ثانيه هههههههه للحين ما حصلت ما ادري ايش تسوي
شكلها راحت كوكب المريخ تدور لي هناك

[راجي الْعفو]

انا من سنه كلمت خطابه تبحث لي زوجه ثانيه هههههههه للحين ما حصلت ما ادري ايش تسوي
شكلها راحت كوكب المريخ تدور لي هناك

ياخوي مواصفاتك تعجيزية
لدرجة إنها عجزت منها ^_^

[معماري قطري]

قدم قدم يا بوعبدالله وش وراك
ما هي السالفه خربانه خربانه
حتى كرت هلا اللي خذته لها ما رجعت عشانه وتكلمك به ^_^

هههههه صدق مطوعنا انا رجل تقليدي في كل شيء

وبعد ما شفت الخاطبة في عيادة العمل تكلم وحدة ومندمجة ومطنشة لي الظاهر تبي تسوي دعاية حق نفسها كرهت الخطابات .. الا واحد قال لي مغامرته وتراجع مسكين .. يقول من خطابة لخطابة لين وصلت لمراسلات وصور ومن إحدى الدول الخليجية والوضع طيب والمرشحات دين ومال وجمال .. يقول أغواني الشيطان ورحت وفي الفندق كل يوم يجيبون مرشحة معاها مرافقة وطلع الوضع محرج وكنت متردد .. يقول وحدة قالت كل اللي ابيه زواج وعيال وتبيني اجيك قطر وقت ما تبي اجي ووقت ما تبي اروح وزواجنا سري لا تهتم .. يقول خفت وطردت الشيطان ورجعت قطر

شباب اليوم يا راجي مب مقدامين واللي مثلي خلاص يفكر في الآخرة

[معماري قطري]

انا من سنه كلمت خطابه تبحث لي زوجه ثانيه هههههههه للحين ما حصلت ما ادري ايش تسوي
شكلها راحت كوكب المريخ تدور لي هناك

مواصفاتك صعبة أكيد

[راجي الْعفو]

هههههه صدق مطوعنا انا رجل تقليدي في كل شيء

وبعد ما شفت الخاطبة في عيادة العمل تكلم وحدة ومندمجة ومطنشة لي الظاهر تبي تسوي دعاية حق نفسها كرهت الخطابات .. الا واحد قال لي مغامرته وتراجع مسكين .. يقول من خطابة لخطابة لين وصلت لمراسلات وصور ومن إحدى الدول الخليجية والوضع طيب والمرشحات دين ومال وجمال .. يقول أغواني الشيطان ورحت وفي الفندق كل يوم يجيبون مرشحة معاها مرافقة وطلع الوضع محرج وكنت متردد .. يقول وحدة قالت كل اللي ابيه زواج وعيال وتبيني اجيك قطر وقت ما تبي اجي ووقت ما تبي اروح وزواجنا سري لا تهتم .. يقول خفت وطردت الشيطان ورجعت قطر

شباب اليوم يا راجي مب مقدامين واللي مثلي خلاص يفكر في الآخرة
الله يعطيك طولة العمر في طاعته

صدقت..

والحريم اكثروا ، فموضوع انها تعرض نفسها امر متوقع

-ولا يفهم اني أدعو له أو أحبذه-

[بوعلاوي]

ياخوي مواصفاتك تعجيزية
لدرجة إنها عجزت منها ^_^

ههههههههههههههههه لازم احط الشروط والمواصفات اللي ابيه
اتوقع الخطابه تعتزل خلاص عجزت وهي تدور هههههههه