+ فكونا من عقدكم +

[شبح الصمت]

السلام عليكم ورحمة الله وبركاته ،،،

الموضوع باختصار الناس المزاجيين أو بمسمى ثاني فيهم مرض نفسي ..

ترى مب عيب انك تتوجه لدكتور نفسي يعالج حالتك ..
يشوف اش فيك او فيج ..



ناس نواجهها في حياتنا من كثر صداماتها تحس ما صار عندها ثقة

تناقض في شخصيتها

مره شفت لقاء لواحد مشهور يقول انا ما عندي اصدقاء ..
وكل يوم طالع لي مع واحد وهذا اخوي وهذا صديقي وهذا حبيب قلبي !!!

شيء غريب عجيب تناقض لابعد حدود ..

فأعضاء منتدى الاسهم القطري

هل تروون انه مثل هالحالات تآثر فينا مستقبلا



وشكراً ..

[مخطط قطري]

اتفق وياك تماما وياكثرهم وفي شي مرتبط مع مووضوعك بس بشكل غير مباشر دامك ذكرت شخصيه المشهور اغلب مشاهير السناب شات ( القطريين خصوصا) والخليجين عموما متناقضين لابعد الحدود وهذا من عقد نفسيه في وجهه نظري يعني تحصله يتكلم عن قوانين السلامه المرويه واربط الحزام والحبيب يسوق ويبث لايف وماسك الجوال بيده ومسوي شي اخطر من ربط الحزام وتحصله مشتط وهو يتكلم عن القوانين وعن السلامه ونسى نفسه وغيرها من الاحداث اليوميه والتناقضات الي تصير

[eXpert*]

أنا أسميها ( عقدة النقص ) .. لدرجة البعض يتبع أسلوب الشحاته لطلب المتابعين ..

العبرة ليس بعدد متابعينك بقدر من هم متابعينك ..

[مخطط قطري]

أنا أسميها ( عقدة النقص ) .. لدرجة البعض يتبع أسلوب الشحاته لطلب المتابعين ..

العبرة ليس بعدد متابعينك بقدر من هم متابعينك ..

عشان الدعايات

[khalid Qtr]

التوجه للطبيب النفسي يتطلب أولًا الاعتراف بوجود المرض، وهو أمر لا يعترف به هؤلاء (:

[Dana’1]

للأمانه بغض النظر عن المثال الي ضربته عن المشهور
المجتمع كله متناقض والانسان احيان يكون متناقض مع نفسه ببعض الامور بختلاف درجات التناقض او مواضيعه!!
هذا الشي اذا بيضر بيضر الشخص نفسه اكثر من اي احد غيرره!

[طلعة الروح]

اذا مزاجي ومزاجيته تضره بنفسه وهو معترف انها غلط يقدر يحسن من نفسه ويعدلها لكن المشكله اذا كان شي متجذر منذ الطفوله بحيث لايستطيع ان يعترف به ومثل ماذكرتوا اذا لم يتم الاعتراف بالمشكله من قبل المبتلي بها لن تنفع معه النصيحه لكن اجبره في نفس الوقت انه يحترمني ويحترم الاخرين واوقفه عند حده لان مزاجيته تضر غيره من البشر ...

مثال واقعي: اذا شفت وحده تضرب الخدامات وتصارخ عليهم قدام الناس بحجة كيفها ومزاجها وتربية اهلها كذا هني تنتهي الحرية الشخصية ويصير فيها شكوى واستدعاء وقرع وتأديب طبعا خل المزاجيه تنفعهم في هالحالة...

[الماريّة]

مافهمت شي

لاتزعل شبح مادري من فهمي والا الموضوع مبهم

[Charisma]

مره شفت لقاء لواحد مشهور يقول انا ما عندي اصدقاء ..
وكل يوم طالع لي مع واحد وهذا اخوي وهذا صديقي وهذا حبيب قلبي !!!

شيء غريب عجيب تناقض لابعد حدود ..

فأعضاء منتدى الاسهم القطري

هل تروون انه مثل هالحالات تآثر فينا مستقبلا

خله يتناقض وش بيضرك فيه؟

والجواب على السؤال لايأثر ولا يقدم ولا يأخر .

[يمامـة]

خله يتناقض وش بيضرك فيه؟

والجواب على السؤال لايأثر ولا يقدم ولا يأخر .

عذرا..

قد لا يكون الشخص المعني في كلام اخونا شبح هو محور حديثنا ..

ولكن الهدف من الموضوع ان الواحد مننا لا يجب عليه انه يكون نسخة من النموذج
المذكور في الموضوع..

الشخص المتناقض خطر على من هم حوله.. وخاصة لو كان مشهور .. لانه له معجبين
وهالمعجبين ملحوسة عقولهم.. و ممكن يكون قدوة لهم..

اما على الصعيد الشخصي.. قد نناقض انفسنا في مواقف عديدة.. لكن لابد ان نتراجع
ونصحح من اوضاعنا حتى ما نزلزل الثوابت والاسس اللي نطالب الناس انهم يأسسون حياتهم عليها..

[حمد 2002]

السلام عليكم ورحمة الله وبركاته ،،،

الموضوع باختصار الناس المزاجيين أو بمسمى ثاني فيهم مرض نفسي ..

ترى مب عيب انك تتوجه لدكتور نفسي يعالج حالتك ..
يشوف اش فيك او فيج ..



ناس نواجهها في حياتنا من كثر صداماتها تحس ما صار عندها ثقة

تناقض في شخصيتها

مره شفت لقاء لواحد مشهور يقول انا ما عندي اصدقاء ..
وكل يوم طالع لي مع واحد وهذا اخوي وهذا صديقي وهذا حبيب قلبي !!!
شيء غريب عجيب تناقض لابعد حدود ..

فأعضاء منتدى الاسهم القطري

هل تروون انه مثل هالحالات تآثر فينا مستقبلا



وشكراً ..

سؤال اخوي شبح بما انك تطرقت لمثال الصداقه بمووضعك هذا ؟

ماهو تعريف الصداقه او الصديق حسب نظرك ؟

تـــحياتي .

[Charisma]

عذرا..

قد لا يكون الشخص المعني في كلام اخونا شبح هو محور حديثنا ..

ولكن الهدف من الموضوع ان الواحد مننا لا يجب عليه انه يكون نسخة من النموذج
المذكور في الموضوع..

الشخص المتناقض خطر على من هم حوله.. وخاصة لو كان مشهور .. لانه له معجبين
وهالمعجبين ملحوسة عقولهم.. و ممكن يكون قدوة لهم..

اما على الصعيد الشخصي.. قد نناقض انفسنا في مواقف عديدة.. لكن لابد ان نتراجع
ونصحح من اوضاعنا حتى ما نزلزل الثوابت والاسس اللي نطالب الناس انهم يأسسون حياتهم عليها..

المتناقض مايضر الا نفسه ، لكن بنفس الوقت انا ضد التركيز على تصرفات وأفعال الأخرين وربطها لأيجاد التناقض ، مثال على ذلك ماذكر في الموضوع من مشهور لايملك اصدقاء ، ماشوف ان الموضوع يستدعي الضيقة او الأستياء لان هالشيء لايخص احد ، لكن ان قام هالمشهور وسوا شي غلط وواضح ولاشك فيه او روج لافكار مغلوطه هنا نقول ستوب .


https://www.youtube.com/watch?v=hsvUMCwhD_U

[يمامـة]

المتناقض مايضر الا نفسه ، لكن بنفس الوقت انا ضد التركيز على تصرفات وأفعال الأخرين وربطها لأيجاد التناقض ، مثال على ذلك ماذكر في الموضوع من مشهور لايملك اصدقاء ، ماشوف ان الموضوع يستدعي الضيقة او الأستياء لان هالشيء لايخص احد ، لكن ان قام هالمشهور وسوا شي غلط وواضح ولاشك فيه او روج لافكار مغلوطه هنا نقول ستوب .


https://www.youtube.com/watch?v=hsvUMCwhD_U

مساء الانوار..

قد.. أقول قد.. يكون صاحب الموضوع متابع جيد للمشهور هذا.. وقدر من خلال متابعته رصد كمية التناقض الموجودة فيه..
بما انه ما تطرق الى اسمه فهو بالشكل هذا يتكلم عن التصرف نفسه مب عن الشخص.. وان كان في داخله مركز على الشخص..

فالتناقض الواضح للي يتابعه ويركز معاه.. امر يستحق نقول عنده ستوب اخوي كريزما..

مثل ما احنا نشوف أمور غلط نقول عندها ستوب..

لذلك اميل الى بغض و رفض التناقض الواضح للعيان .. دون البحث عن خفايا الأشخاص
لاظهار ما يحملونه من تناقض لا يبدونه امام الناس.. ( لأن دام الله ساتر عليه.. مالي شغل انبش وراه)

ولكن دامه يناقض نفسه ويقول شي ويفعل شي ثاني امام الناس "عيني عينك" أكيد الواحد بيتضايق من تناقضه..
وان كان تناقضه هذا ما يضر الا نفسه.. في حين اشوفه لو كان مشهور ممكن يسحب معاه جيل المتابعين اللي
مب عارفين يأسسون قواعدهم بشكل صحيح وسليم..