بغيت حل نهائي لموضوع الصبغ الخارجي والسقف

[بنت شرق]

السلام عليكم ورحمة الله
بغينا حل لموضوع الصبغ الخارجي لبيت الأهل ، كل سنتين نصبغه ويرجع يتقشر
والسقف كل سنتين نضربه اسمنت وقار ويرجع يخر ، البيت بناءه تركيب
فأيش الحل النهائي لهالموضعين لأنه المصاريف السنوية مالها داعي
يعني مطلوب رأي خبير أو مهندس أو شخص مرت عليه سوالف الصيانة للبيوت القديمة التركيب
وجزاكم الله خير

[معماري قطري]

عليكم السلام ورحمة الله وبركاته

الصبغ الخارجي شوفي موضوع مشاكل الصبغ أو أخطاء الصبغ للاخت سويت قطر وحطيت فيه طريقة صبغ جوتاشيلد .. أهم شيء ما تشوفون حد يلعب وابعدوا عن العرب أقولها صريحة خصوصاً جنسيتين منهم .. المغاربة غير يشتغلون بفن

السقف حله عند شركة المسند أو تدمر أو نهاريا يمدحون فيها بعض الأشخاص .. المسند وتدمر جربتهم مرات وشغلهم ممتاز

كله على بعض بيكلف بحدود الخمسين ألف والصبغ لا تاخذونه صبغ وبس .. إطلبوا تقشير وازالة القديم + إصلاح البلاستر والشلوخ + البرايمر الجديد والمعجون + طبقة الرش اللي تعطيه طبقة حماية وعازل التابعة لجوتاشيلد + طبقة الصبغ المطفي + طبقة الصبغ اللامع وهي الطبقة الأخيرة

لازم البداية تكون بالعازل وتنتهون بالصبغ ولازم أثناء التقشير تشوفون أي بايب كهرباء ناويين تخفونه في الحائط أو ليتات اضافية خلو الشغل متكامل

تبين أرقام مقاولين جيدين عندي السوبر جيد والمتوسط والرخيص وكلهم بإذن الله جودتهم عالية .. مب عندي يعني مسؤول عنهم لا مجربين وبيني وبينهم علاقة عمل دائم

[معماري قطري]

لو بيتكم تركيب من النوع القديم مشكلته ما فيه عازل حراري للجدران وهذا يحتر في الصيف ويبرد في الشتاء لكن النوع المحدث فيه ومسكت .. اللي آذكره تشطيبه الخارجي كنكري بدون صبغ

ولو تدمجون الصبغ مع العزل الحراري كذلك الحلول موجودة .. أما تركيب سيبوريكس بالبراغي والصبغ عليه أو تركيب ألواح فوم وشبك بلاستيك وبلاستر خاص وصبغ وفي النوعين تقدرون تسوون تشكيلات وكسرات معمارية

كذلك شفت بيت ينبني مصبوغ بالكامل بيتومين بدون بلاستر والظاهر بيركب عليه واجهات معدنية وهذي ما تتغير كلش وعازلة سوبر جيدة ( بعضها )

[بوخالد911]

عانكم الله.

[بنت شرق]

هلا والله بالمعماري صراحة كنت انتظر إجابتك لما تملكه من خبرة ، صج بالصيف يكون الجو حار جدا بالبيوت التركيب كأنها فرن بس المكيفات تقلل الحرارة ، شورتك وهداية الله
وإذا ماعليك أمر عطنا ارقام الشركات السوبر جيد والجيد للسقف ، والجيد والرخيص للصبغ
بس الي فهمته العزل للسقف بتتولاه الشركة ، الصبغ من رأيك عازل وصبغ وازالة القديم وإلا بدون عازل يعني بتزيد التكلفة والا لا

[بنت شرق]

عانكم الله.
تسلم ، وجزاك الله خير

[معماري قطري]

هلا والله بالمعماري صراحة كنت انتظر إجابتك لما تملكه من خبرة ، صج بالصيف يكون الجو حار جدا بالبيوت التركيب كأنها فرن بس المكيفات تقلل الحرارة ، شورتك وهداية الله
وإذا ماعليك أمر عطنا ارقام الشركات السوبر جيد والجيد للسقف ، والجيد والرخيص للصبغ
بس الي فهمته العزل للسقف بتتولاه الشركة ، الصبغ من رأيك عازل وصبغ وازالة القديم وإلا بدون عازل يعني بتزيد التكلفة والا لا

للسقف الله يرحم والديج ممكن تحتاجين صبية اسمنت لتعديل الميلان وممكن ما تحتاجين وانا عطتج الثلاث شركات جربي اسئلي شركتين شبيسوون وشتفاصيل عزلهم وكم يعطونكم ضمان .. أرشح المسند ونهاريا ونهاريا مجربهم عزيز يو كي ويمدح في شغلهم وقال لي عن تفصيل ما يسوونه الباقيين وهو تثبيت أطراف العازل فوق جدار السوق بحديد أو ألمنيوم وببراغي .. يشوفون قبل ويعطونكم الحل ولو تحبين بنناقشه هنا .. البعض المسند سووها معنا في بيت قديم مرة وتدمر سووها في بيتي الحالي بعد ركبوا العازل الخارجي واللي ما يحتاج شيء واللي عليه حماية من الحجارة الصغيرة عن الشمس .. ينفع هذا بس يعطون عليه ضمان خمس سنين

قبل حول 20 سنة سوينا نفس الشيء سعودي مع شركة المسند وللحين العزل ما فيه أي مشكلة

بالنسبة للشركات الباقية بارسلها خاص إن شاء الله وأكيد فيه من بيعتذر عن شغلة الصبغ بس الباكستاني أشوفه أفضلهم من حيث السعر والجودة

[Azizuk]

انا ارشح شركة نهاريا بقوة من باب تجربة مع كذا مشروع بالنسبة للعازل

واذا على عزل حوائط البيت شركة هالكو تعزل الحوائط بفلين على حسب السماكة المطلوبة من 3 سنتيمتر الى 20 سنتيمتر سماكة ويجي فوقه بلاستر وبعدها الطبقة الاخيرة الصبغ

بس عااااد سعرهم غالي

الصبغ جوتوشيلد المتوسط ويعتبر الكل يستخدمة ب 30 ريال للمتر

واذا عليه طبقة الابوكسي الامعه يوصل 60 ريال للمتر

العضو سعود عندة خبرة احسن مني في هذا المجال

[سعود.]

ابا سعود

لم تدع لي مجال لتعليق كفيت ووفيت

[سعود.]

على طارى هالكو

حصلت محلين عندهم نفس النظام .
محل ديكورات بخريطيات ناسي اسمة صوب محلات الديكورات .
ومحل في طريق سلوى ( التركية الامانية ) لنوافذ .

[Azizuk]

ابا سعود

لم تدع لي مجال لتعليق كفيت ووفيت

لا ماشالله عليك انت مع هالشركة ونظامهم تعرف احسن مني

يكفي ان دايمن اغلط في اسم الشركة وانت تصحح لي :thumbup1:

[Azizuk]

عااااد تصدق لو اني بس فاضي كان انا بنفسي قمت بعمل العزل بمجهود شخصيى مني

والا بعد اركب عازل الفلين الحراري الأزرق اللي يستخدم في عزل الاسطح

بس تنقصني مواد تثبيت الفلين في الحائط

وعشرين الف يضرب لك العامل بلاستر مع الشبك البلاستيك الرول الواحد 100 ريال

واخر مرحله الصبغ

بس متكيسل اسويها

والا تدفع لهم 300 الف على فلين وبلاستر وشوية ديكور

اصلا بيتي تصميمه كاديكور خارجي مايحتاج

لان الديكور من البيت نفسه

[سعود.]

لا ماشالله عليك انت مع هالشركة ونظامهم تعرف احسن مني

يكفي ان دايمن اغلط في اسم الشركة وانت تصحح لي :thumbup1:

ههههههههههه

[سعود.]

سعرهم مبالغ فية وانا للحين ماقررت اسويه ولا
ولو تقارن سعره مع الشركات السعودية كان تنصدم

كلها فلين مزخرف 5 سم وشبك فابير غلاس وبلاستر وصبغ
كل شي غالي عندنا

[Azizuk]

كل شي غالي عندنا

في بضاعة في السوق الصيني في دبي ب 50 ريال

في السوق الصيني في قطر ب 80 ريال

تنباع في كتارا نفس البضاعة ب 150 ريال :anger2:

[Azizuk]

يوجد نوع من انواع الصبغ أو على شكل صبغ زي كسر الرخام بس ناعم

متوفر عند محل العامودي عند دوار الساعة الناطقة قريب إستاد الدوحة ومكتبة حسونة

المحل بعد سوق الذهب وانت جاي من سوق واقف متجه نحو الدوار على يدك اليمين في الزاوية المحل مايبين عدل وجنية محل أصباغ

وانت جاي من الكورنيش وعلى يمينك سوق الجبر وقدامك الدوار المحل يصير في وجهك

وإذا انت جاي من دوار الكتب تخلي محل شبيب العطية على يدك اليمين محل العامودي يصير عند الدوار على يدك اليسار

ما أتوقع بعد هالشرح حد يضيع المحل الا الغشيم

نوع الصبغ الموجود عنده يجي زي العجينة أو زي البلاستر

تجي على ألوان ويجي منها في كسر قزاز يلمع بالليل مع الإضاءة

ويعتبر نوع من انواع العزل الحراري

كسر الرخام منتشر بالسعودية الحلو في كسر الرخام مع حجر مخلوط بعد يعطيك طبقة من العزل الحراري بس مايعجبني شكله للمنازل

يصلح للعمارات والمحلات التجارية

اللي عند محل العامودي يجي انعم وألوان متعددة وارقى

https://ar-ar.facebook.com/Ksr.Ro5am/

[سعود.]

خوش شور ابا سعود

عندك بعد البروفايل بعد خيار جيد ومنتشر في السعودية يجيك صبغ نفس العجينة ويتشكل على حسب ذوقك وسميك يعطيك شوية عزل .

كسر الرخام والبروفايل منتشرين في دول الخليج بقوه عندنا ماله سوق .

[Azizuk]

البروفايل هذا هو موجود عند العامودي

توني اعرف ان هذا اسمه بروفايل

قايل لك انت في امور اخبر مني فيها

الا ماقلت لي ايش صار مع التشققات والشلوخ اللي عندك اللي قال لك المهندس راح يعالجها بمادة خاصة بيجيبها من سدامكو اللي مادانيهم والا صرت احب اسمع عن منتجهم

بسبب تعاملهم السيء

عطني النتائج

[معماري قطري]

على طارى هالكو

حصلت محلين عندهم نفس النظام .
محل ديكورات بخريطيات ناسي اسمة صوب محلات الديكورات .
ومحل في طريق سلوى ( التركية الامانية ) لنوافذ .

يخوف شوي هالنظام لضعف الفوم في مقاومة أي رطوبة حمضية .. ومطرنا مع تلوث الجو بعوادم السيارات فيه كل أنواع الأحماض ينزل ويتغلغل في البلاستر الضعيف وينهي الفوم داخل

اللي يبي يجرب عملي ياخذ لوح فوم ويرشه بماء فيه حامض .. حامض الليمون أبسط الأنوع عندنا الكبريتات تاكل كل شيء من تجرب بقطرة ليمون على الفوم تحصل الفوم يتلاشى وكأنه سحر .. اللي يخوف بس مع مرور الوقت شيصير؟

هذا للبنزين وباشوف أحماض ثانية


https://www.youtube.com/watch?v=4CsTC_jGU-Q

[معماري قطري]

وهذا للأسيتون


https://www.youtube.com/watch?v=PoYYJoZP1nY

[معماري قطري]

وهذا لنقطة الليمون وباشوف للأحماض الكبريتية المنتشرة في الجو


https://www.youtube.com/watch?v=IgaA8j786m8

[معماري قطري]

وهذا للحمض الكبريتي مع الاسفنج وهو نوع طري من الفوم


https://www.youtube.com/watch?v=QciCaa0l6TE

صحيح الكمية كبيرة بس نسبة بسيطة من الرطوبة المحملة بنسبة بسيطة من أي حمض تأثيرها على مدى طويل يكون مدمر .. شفت مجلس له حول 10 سنين معمول بالفوم وعليه بلاستر بدأ يتفقع من فوق بسبب هذي الأحماض مع الوقت .. لذلك الحماية لو نقدر نخلي الألواح مغطاة ببلاستيك ونحميها بطبقة بلاستر عازلة للرطوبة أو نستخدم النوع الأقوى اللي هو السيبوريكس اللي يعتبر نوع مقاوم للعوامل الجوية وللحريق وفيه فراغات هوائية عازلة

باحط تجربة للحريق لبعض مواد العزل واللي عندنا غالبيتها تحترق من نوع Extrudued Polystrene Foam وفيه الاكسباندد هذي أسوأ وأسرع احتراق وأسرع تآكل من الحمضيات

لو بنجرب نحط قطرات ليمون مع ماي حتى نكون عادلين أو قطرات حمض كبريتي مع ماء ونرش البوليسترين ونشوف شيصير .. حاولت احصل هالتجربة في اليوتيوب ما حصلتها كله كميات كبيرة والكميات الكبيرة أكيد تأثيرها سريع

[معماري قطري]

هذا يسهل علينا اختيار مادة العزل وهو وضح قبل الأخير وقال aired concrete وهذا هو الإسم العام لنوع السيبوريكس والسيبوريكس ماركة من الخرسانة الخفيفة والمهواة .. بعضهم يسمونها الاسفنجية

أمس في البر على شبة الضو نتناقش عن هذي المواد ولي ولد عم مقاول يبني بالطابوق الأبيض وفيه منه قطع كبيرة مثل الألواح .. أعتقد يصنعها أو يوردها شركة ناصر بن خالد .. هو زادت عنده كمية وحطها حق غرفة في الملحق من داخل يقول ركبت بسهولة

ميزتها ممكن تنحك بورق خشن أو بروش حديد وتستوي ناعمة وسطحها سيدة مثل البلاستر وتقدرون تحطون عليها برايمر ومعجون واللي محتاج ممكن يركبها للحوائط الخارجية من داخل لو ما عمل حساب العزل .. بس تبقى عندنا الجسور بدون عزل والحرارة تسري في الأرضيات والأسقف لذلك لا بد من عزلها من الخارج أما بفوم وبلاستر أو بالسيبوريكس وبتثبيت ببراغي

وأستنتج لو سويناها خارجية وايد أفضل وبتثبيت ميكانيكل أو نص ميكانيكل ببراغي وحديد ومونة وبتضمن لنا عزل الحوائط الخارجية بالكامل من تحت لفوق مب عزل جزء وترك جزء مهم


https://www.youtube.com/watch?v=8NC79e0oztM

https://www.youtube.com/watch?v=8NC79e0oztM

[معماري قطري]

خوش شور ابا سعود

عندك بعد البروفايل بعد خيار جيد ومنتشر في السعودية يجيك صبغ نفس العجينة ويتشكل على حسب ذوقك وسميك يعطيك شوية عزل .

كسر الرخام والبروفايل منتشرين في دول الخليج بقوه عندنا ماله سوق .

أي عامل بلاستر شاطر يسويه بس يتعلم الخلطة من الموزع وكيف الشغل فيه

[سعود.]

كلام جميل ابا عبدالله

فعلا النوع هذا من الفوم الحبيبي يجي مدور ومضغوط موب افضل النوع الاخر الفلين المبثوق .

[معماري قطري]

البروفايل هذا هو موجود عند العامودي

توني اعرف ان هذا اسمه بروفايل

قايل لك انت في امور اخبر مني فيها

الا ماقلت لي ايش صار مع التشققات والشلوخ اللي عندك اللي قال لك المهندس راح يعالجها بمادة خاصة بيجيبها من سدامكو اللي مادانيهم والا صرت احب اسمع عن منتجهم

بسبب تعاملهم السيء

عطني النتائج

عيب شركاتنا بو سعود البوعراب أو الآسيويين تجيهم يحسسونك إنك تطر من عندهم .. الآسيويين لازم تعوي لسانك مثلهم والا ما تفهم والعرب مب قد الشغلة الا قليل منهم اللي خبرة ويشرحون شرح وافي

[معماري قطري]

كلام جميل ابا عبدالله

فعلا النوع هذا من الفوم الحبيبي يجي مدور ومضغوط موب افضل النوع الاخر الفلين المبثوق .

الشيخ عندهم كل نوع له تصنيف ومعالج بمواد غير عن اللي عندنا ومن هشكل تشوف أنواع عدة .. والحريق شيء والأحماض شيء ثاني .. فوق الأسطح في الغالب يحطون العازل المائي قبل وفوقه الحراري يعني أي مطر يمر على العازل الحراري ويتصرف حوله وتحته لذلك يتآكل مع الوقت .. الأفضل نحط العازل اللي ما ينضغط بسهولة ونسوي بلاستر سلوب فوقه وبعدين عازل المياه وبعدين بلاستر حماية بس هل هذا يستوي أو سهل الله أعلم

[سعود.]

أي عامل بلاستر شاطر يسويه بس يتعلم الخلطة من الموزع وكيف الشغل فيه

يعني اخليه يجرب علي !!!!

مااثق فيهم هههههههه
اقدر من الموزع نفسة هو الي يسويه او يجيب لي عمال من طرفه وعلى ضمانته . عندك اصباغ الجزيرة وجوتن وووالخ
وعندك هذي الشركة عندهم صبغ عازل شوف المواصفات
99662
99663

[معماري قطري]

يوجد نوع من انواع الصبغ أو على شكل صبغ زي كسر الرخام بس ناعم

متوفر عند محل العامودي عند دوار الساعة الناطقة قريب إستاد الدوحة ومكتبة حسونة

المحل بعد سوق الذهب وانت جاي من سوق واقف متجه نحو الدوار على يدك اليمين في الزاوية المحل مايبين عدل وجنية محل أصباغ

وانت جاي من الكورنيش وعلى يمينك سوق الجبر وقدامك الدوار المحل يصير في وجهك

وإذا انت جاي من دوار الكتب تخلي محل شبيب العطية على يدك اليمين محل العامودي يصير عند الدوار على يدك اليسار

ما أتوقع بعد هالشرح حد يضيع المحل الا الغشيم

نوع الصبغ الموجود عنده يجي زي العجينة أو زي البلاستر

تجي على ألوان ويجي منها في كسر قزاز يلمع بالليل مع الإضاءة

ويعتبر نوع من انواع العزل الحراري

كسر الرخام منتشر بالسعودية الحلو في كسر الرخام مع حجر مخلوط بعد يعطيك طبقة من العزل الحراري بس مايعجبني شكله للمنازل

يصلح للعمارات والمحلات التجارية

اللي عند محل العامودي يجي انعم وألوان متعددة وارقى

https://ar-ar.facebook.com/Ksr.Ro5am/

العمودي عندهم مواد جيدة بس عيبهم التسويق للعامة وللمشاريع أعتقد ماشيين صح

تدرون إن غالبية هذي المواد ما لها وكالة استورد وبيع ولتصدقون من يقول الوكيل الفلاني هو انشهر بس إن عنده المادة .. مصانع مواد البناء تبيع للكل وواحد من الأقارب صارت له هذي السالفة وكلمه واحد من الكبار قال له ليش تبيع الماركة الفلانية واحنا وكلاؤها وبنشتكي عليك .. يقول هزأته وقلت له سو اللي يعجبك نعرف القانون وكل شيء واضح ويقول ولا سوى شيء

بس كبار المحلات مشهورين بوجود هذي المواد عندهم وسهولة الحصول عليها منهم وبسعر أوقات أرخص من صغار المحلات

[سعود.]

الشيخ عندهم كل نوع له تصنيف ومعالج بمواد غير عن اللي عندنا ومن هشكل تشوف أنواع عدة .. والحريق شيء والأحماض شيء ثاني .. فوق الأسطح في الغالب يحطون العازل المائي قبل وفوقه الحراري يعني أي مطر يمر على العازل الحراري ويتصرف حوله وتحته لذلك يتآكل مع الوقت .. الأفضل نحط العازل اللي ما ينضغط بسهولة ونسوي بلاستر سلوب فوقه وبعدين عازل المياه وبعدين بلاستر حماية بس هل هذا يستوي أو سهل الله أعلم

هالكو كذا شغلهم

بعد الفوم طبقتين شبك فايبر غلاس وبعده بلاستر مع كميكل حماية وصبغ نهائي عازل وضمان 20 سنة
شغالين حاليا في فندق ( الشمال ) الي بعد الاندمارك وانت متجة شمال مقابل اللولو .

[سعود.]

[b]هذا يسهل علينا اختيار مادة العزل وهو وضح قبل الأخير وقال aired concrete وهذا هو الإسم العام لنوع السيبوريكس والسيبوريكس ماركة من الخرسانة الخفيفة والمهواة .. بعضهم يسمونها الاسفنجية

أمس في البر على شبة الضو نتناقش عن هذي المواد ولي ولد عم مقاول يبني بالطابوق الأبيض وفيه منه قطع كبيرة مثل الألواح .. أعتقد يصنعها أو يوردها شركة ناصر بن خالد .. هو زادت عنده كمية وحطها حق غرفة في الملحق من داخل يقول ركبت بسهولة

ميزتها ممكن تنحك بورق خشن أو بروش حديد وتستوي ناعمة وسطحها سيدة مثل البلاستر وتقدرون تحطون عليها برايمر ومعجون واللي محتاج ممكن يركبها للحوائط الخارجية من داخل لو ما عمل حساب العزل .. بس تبقى عندنا الجسور بدون عزل والحرارة تسري في الأرضيات والأسقف لذلك لا بد من عزلها من الخارج أما بفوم وبلاستر أو بالسيبوريكس وبتثبيت ببراغي

وأستنتج لو سويناها خارجية وايد أفضل وبتثبيت ميكانيكل أو نص ميكانيكل ببراغي وحديد ومونة وبتضمن لنا عزل الحوائط الخارجية بالكامل من تحت لفوق مب عزل جزء وترك جزء مهم


https://www.youtube.com/watch?v=8nc79e0oztm

https://www.youtube.com/watch?v=8nc79e0oztm


ابا عبدالله
لان الشركات الي عندنا اغلبهم ( غشمان ) والمالك في سبات عميق في السعودية اذا عندهم جدار نظام جدارين بعازل او فقط جدار 20 معزول بفوم يعزلون الاعمدة والجسور !!!!!
الاعمدة والجسور يسون لها بروز يسمونها ( شفه ) من الخارج 15 سم يركب عليها الطابوق ( لعزل ) الاعمدة والجسور والدرج والميدة الارضيه من الخارج . كذا انت عزلت الجدران والاعمدة والجسور 100‎%‎
ويبقى عليك عزل النوافذ والمداخل والسقف فقط مقط

[معماري قطري]

يعني اخليه يجرب علي !!!!

مااثق فيهم هههههههه
اقدر من الموزع نفسة هو الي يسويه او يجيب لي عمال من طرفه وعلى ضمانته . عندك اصباغ الجزيرة وجوتن وووالخ
وعندك هذي الشركة عندهم صبغ عازل شوف المواصفات
99662
99663

لا الله يسلمك لو موجود اللي عارف شيسوي خلك مع العارف أفضل

بس يا اخوي بائعين المواد استووا يركزون على وعي الناس بأهمية العزل الحراري والمائي ويكتبون أوقات مواضيع انشائية ما لها سند من الصحة ومبهمة والحقيقة غير .. شوف بالنسبة للعزل الحراري كل مادة أو حتى وسط يعتبر عازل بدرجة معينة .. لحسابات العزل غشاء الهواء الشبه ثابت والملاصق للحائط الخارجي يعطي جزء + طبقة الصبغ أياً كان نوعه + الطابوق وفجواته + طبقات الحائط كلها حتى البلاستر وحطيت مرة مثال بالأرقام

عزل السيستم كله مثلاً يعطيك 1 وعزل الفوم بنفسه يعطيك 6 .. الفرق كبير وشاسع .. ممكن هذا الصبغ مع البلاستر يعطيك 0.5 بالإضافة لباقي مواد الحائط لكن مستحيل يعطيك 6 .. السيبوريكس ما ادري كم رقمه بس اتوقع 10 سم سمك يعطينا حول 10 وممكن أكثر باشوف مثال بإذن الله وفيه آلة حاسبة لحساب عزل الحائط كنظام

بعدين إخوي سعود إنت عندك حائط معزول عزل جيد لكن عندك نوافذ عزلها 1 والحائط 6 وعندك جسور عزلها 2 .. مساحة الجسور في الحائط والأعمدة كبيرة وتدخل حرارة أو برودة أكبر لذلك تعزلها لحد 6 أفضل والنوافذ تركب معزولة لحد 2 مثلاً وتزيد عليها ستائر سميكة أو شتر خارجي بيستوي عزلها لحد 6 وبهالطريقة بتكون ضمنت 6 أقل شيء .. انا اقول أرقام كمثال سريع بدون وحدات لكن لو بنشوف كل شيء بدراسة صحيحة بنحصل الحجر واللي الغالبية يقولون يعزل عزله يمكن 0.4 أو أقل بينما الفلين عزله رقم فلكي بالنسبة لهذا الرقم المتواضع

عيب الفلين لو مب محمي كفاية يتآكل مع الوقت واحتراقه سريع لو داخلي لذلك حمايته وسط الطابوق ضرورية .. دخلنا في وضع انشائي خاص وبنيان وقصة .. لكن بالطابوق الأبيض الخفيف حلينا كل هالمشاكل برخيص .. عزلنا الحوائط من برا ووفرنا عزل للجسور والأعمدة من الارض للسقف .. عندنا سطح مستوي وتسويته سهلة للصبغ المباشر بدون بلاستر .. وابتعدنا عن الدعايات المغرضة واللي صحيحة جزئياً

تعبنا بنت شرق الله يعينها الإختيارات تعددت هشكل واستوينا مثل لجنة المحلفين

[معماري قطري]

[b]


ابا عبدالله
لان الشركات الي عندنا اغلبهم ( غشمان ) والمالك في سبات عميق في السعودية اذا عندهم جدار نظام جدارين بعازل او فقط جدار 20 معزول بفوم يعزلون الاعمدة والجسور !!!!!
الاعمدة والجسور يسون لها بروز يسمونها ( شفه ) من الخارج 15 سم يركب عليها الطابوق ( لعزل ) الاعمدة والجسور والدرج والميدة الارضيه من الخارج . كذا انت عزلت الجدران والاعمدة والجسور 100‎%‎
ويبقى عليك عزل النوافذ والمداخل والسقف فقط مقط

يسوون الشغل صح وزين تنقل الصورة للي يبي يسوي شغل صحيح

[سعود.]

تعبنا بنت شرق الله يعينها الإختيارات تعددت هشكل واستوينا مثل لجنة المحلفين

ههههههههههههههه
انا لو مكانها اكتب ( اطالب الادارة بأغلاق الموضوع )

الفجوات بين الطابوق الي تجي جنب الاعمدة لربط التخشيبة للعمدان او الفجوات الطابوف قبل الجسور هذا حلها
نقدر نسكرها بقطع فلين بعدة بلاستر

https://youtu.be/Q33TEwlOs4k

[سعود.]

يسوون الشغل صح وزين تنقل الصورة للي يبي يسوي شغل صحيح

وينهم يطلعون ويبانون عليهم الامان هههههههههه

[معماري قطري]

ههههههههههههههه
انا لو مكانها اكتب ( اطالب الادارة بأغلاق الموضوع )

الفجوات بين الطابوق الي تجي جنب الاعمدة لربط التخشيبة للعمدان او الفجوات الطابوف قبل الجسور هذا حلها
نقدر نسكرها بقطع فلين بعدة بلاستر

https://youtu.be/Q33TEwlOs4k

إجراء صحيح

[سعود.]

ايهم اغلاق الموضوع
ولا اغلاق الفجوات :happy:

[معماري قطري]

وينهم يطلعون ويبانون عليهم الامان هههههههههه

قصدي في السعودية يوم ذكرت الشفة والبروز اللي يغطي الجسور والأعمدة

هذا جدول للإنتقالية الحرارية في المواد .. كلما قلت كثافتها قلت الإنتقالية الحرارية .. شوف مثلاً الألمنيوم في درجة حرارة 25 تنتقل في سمك متر منه 205 وات لأنه معدن في سمك 4 سم تزيد نحول ال 4 سم لين متر تطلع لنا الحسبة 205/ 0.04 = 5125 وات في درجة حرارة 25 لو تغيرت الحرارة نستعمل نفس المعادلة بس نحول الحرارة للدرجة المطلقة .. الحسابات شوي معقدة بس يعطينا مثال كأنك تنفخ بسشوار داخل الغرفة .. الليت بعضهم 25 وات ويعطي حرارة جسم الإنسان يعطي حرارة بس هذي كمية كبيرة

طبعاً حساب كمية الحرارة المنتقلة في الفريم يدخل فيه الفراغات وأشياء كثيرة .. بس الجدول يعطينا فكرة كأشخاص مب متعمقين في المواد .. نشوف المعادن فوق 100 يعني تنقل الحرارة سرعة .. الطابوق 1 و 2 والرمل كذلك والحجر .. غاز الأرغون اللي بعض الشركات تعبي به فراغات النوافذ 0.016 والهواء 0.024 فرق حول الضعف .. بعض الغازات تعطيك أقل والحسابات كلها على سمك متر

هذي تاخذها كلها كمهندس عزل وتجمعها كطبقات مواد بسمك مختلف وتطلع الانتقالية الحرارية لها .. بعدين تطلع الرمز R واللي هي المقاومة لإنتقال الحرارة بجمع هذي الأرقام ووضعها في البسط وقمسة 1 عليها وتعطينا الرقم المهم واللي يعتبر رقم العزل الحراري


خلنا على لستة المواد ذي وقول استبدلنا الألمنيوم بفريم يو بي في سي ونشوف الانتقالية الحرارية له .. بتكون قريبة من البولي بروبيلين

Polypropylene, PP 0.1 - 0.22

وفرق كبير بين رقم صغير ورقم الألمنيوم اللي يساوي

Aluminum 205

وكلها منقولة من جدول معمول بتجارب وحسابات دقيقة مب كلام انشائي

زين بو الحجر اللي يقول الحجر عازل مسكت هالكلام ما يسكته .. شوف انتقال الحرارة في الحجر

هذا شيخ الحجر الغرانيت وحسب كثافته Granite 1.7 - 4.0 والكلام هنا عن سمك متر سمك 3 سم يعطينا انتقال 56.66 وات للقيمة الاقل يعني ما يسوي شيء

وخلنا نشوف الحجر السوري اللي يعتبر بين الصخور البركانية وبين الحجر الرملي وأقرب للرملي .. من الجدول بعد هذا الحجر المصمت

Rock, solid 2 - 7

وهذا اللي فيه فجوات Rock, porous volcanic (Tuff) 0.5 - 2.5 وهذا الحجر الرملي وكلها متقاربة Sandstone 1.7

ناخذ 2 كرقم للسوري ونلاقي الطابوق وبتكون درجة الانتقال الحراري بين ذيه والثاني ( إختربت روحة البر )

Brickwork, common (Building Brick) 0.6 -1.0
Brickwork, dense 1.6

نحصل الطابوق قريب من الحجر بل أقل ناقل للحرارة بس بدرجة بسيطة .. لكن الحجر لو اعتبرناه 2 على سمك 5 سم بيعطينا انتقال = 40 والطابوق 1.6 على سمك 20 سم بيعطينا انتقال = 8 .. لاحظ كم مرة الحجر نقله أكبر

زين نروح للبوليستيرين ونشوف نقله للحرارة كم Polystyrene, expanded styrofoam 0.03 ونوع ثاني Polyurethane foam 0.03 وخلنا نشوف الانتقالية الحرارية في 5 سم سمك من البوليستيرين ونقارنها بالطابوق والحجر .. تعطينا 0.6 والطابوق عطانا 8 على سمك 20 سم يعني الطابوق مرر 8 وات والبولستيرين مرر 0.6 وات والحجر مرر 40 وات .. من اللي عزل ومن اللي سرب حرارة؟ اللي مرر أقل هو اللي عزل

هذا الجدول فيه كل شيء واللي حاب يتعمق في الحسابات فيه شرح طويل عريض وفيه حاسبة للعزل للحوائط يقدر يدخل عليها ويحسب

http://www.engineeringtoolbox.com/thermal-conductivity-d_429.html

نقطة أخيرة نناقشها هي البلاستر مع الصبغ ومواده الخفيفة واللي يقولون عازلة ليش ما نشوف درجة عزل 1 سم منها أو خلنا نفترض بلاستر راهي بسمك 3 سم والمادة عازلة ما كذبوا بس عزلها ولا شيء يذكر مقارنة بالسيبوريكس أو البوليسترين

بتكون الانتقالية رقم قريب من ذيلا ولنفترض حاطين مواد خارقة وحصلنا 0.1 وهذا مستحيل


Plaster light 0.2
Plaster, metal lath 0.47
Plaster, sand 0.71
Plaster, wood lath 0.28


للأسف الأرقام ما بينت كلها بس أقل رقم 0.2 وممكن تتأكدون من الجدول و0.1 على سمك 3 سم تعطينا انتقالية = 3.33 وعلى 2 الضعف وعلى 1 سم قريب ال 10 والخمسة سم بوليسترين عطتنا 0.6 يعني على فرضية ال3 سم البوليسترين أفضل بما يزيد على 5 أضعاف

Talk Is Cheap يا سعود وتوقع البلاستر 0.2 في أفضل الأحوال

[سعود.]

ابا عبدالله

البروز يركب مكانها طابوق معزول

[معماري قطري]

الانتقالية الحرارية للسيبوريكس أقل عشر مرات عن الطابوق العادي

Thermal Conductivity: The thermal conductivity (“k” value) for completely dry Siporex of density 550kg/m3 is 0.144 W/mآ؛C. The air bubbles trapped in Siporex are giving10 times better insulation properties compared with conventional dense concrete. This is reflected in considerable savings of electricity consumption and improved indoor comfort.

بس نفكر فيها ال 0.144 أعلى بكثير من الفوم اللي شفناها 0.03 حول 4.8 أعلى يعني 5 سم فوم تعادلها حول 25 سم سيبوريكس

كنت مفكر في سيستم 20 سم طابوق داخلي عادي + 10 سم سيبوريكس لكن هالأرقام تخليني احط بعد عازل فوم بين العادي والسيبوريكس وأحصل على عزل أقصى

[معماري قطري]

ابا عبدالله

البروز يركب مكانها طابوق معزول

فاهم ومن هشكل اقول شغلهم صحيح لأنهم يعزلون صح

ربعنا يعزلون السقف ويخلون الباقي ولو عزلوا الحوائط خلوا الجسور

في النهاية العزل الحراري انك تحط مواد قليلة نقل الحرارة أو الطاقة الحرارية وتحطها بطبقات حتى تعزل هيكل المبنى الداخلي ما يتعرض لحرارة قوية وبنفس الوقت لبرودة قوية من الداخل .. وتقضي على أي فجوات تدخل منها الحرارة بسهولة مثل فريمات النوافذ وقزاز النوافذ والأبواب والفجوات المفتوحة اللي تسرب الهواء وانا هنا بإذن الله أكون وضحت بدراسات علمية شيعني الانتقال الحراري وشتعني طبقات الحوائط

[سعود.]

ابا عبدالله
اشكرك

وين راحت صاحبة الموضوع ههههههههه

[معماري قطري]

صاحبة الموضوع مشكلتها من ثلاث أجزاء وانحلوا جزئين العازل المائي والصبغ والعازل الحراري لو تعايشت بدونه الوضع عادي

في المجالس تقول بسم الله الرحمن الرحيم واحد ينقز يقول صدق الله العظيم وهنا أقول كل اللي عندي يمكن يقراه واحد ويستفيد استفادة كاملة

[Azizuk]

ماشالله الموضوع خذ حقه وزيادة من قبل عمالقة قسم اعمال البناء والديكور

معماري قطري و سعود ماقصرتو في الشرح والوافي مع الأرقام والمواد المستخدمة بخصوص العزل

أتمنى صاحبة الموضوع مايتشتت فكرها :discuss:

عطوها الزبدة :ok:

[سعود.]

بعد عندها 3 خيارات ماذكرناها .

1- الواح الاسمنت بورد عزل داخلي .
2- الواح جبس يجي طبقتين بينهم عازل يركب من الداخل .
3- تطالب بأغلاق الموضوع . omen

الله يوفقها الموضوع ( عام ) للجميع في دوحة الجميع .

[معماري قطري]

ماشالله الموضوع خذ حقه وزيادة من قبل عمالقة قسم اعمال البناء والديكور

معماري قطري و سعود ماقصرتو في الشرح والوافي مع الأرقام والمواد المستخدمة بخصوص العزل

أتمنى صاحبة الموضوع مايتشتت فكرها :discuss:

عطوها الزبدة :ok:

هلا شيخنا .. مثل ما قال ولدك سعود يا بو سعود

فكرة العزل إنت كم واط طاقة حرارية تدخل عندك في الساعة وكم طاقة تبريد تحتاج حتى تعادل هذي الطاقة الحرارية .. لو برا 50 وتبي داخل 20 ممكن تضغط ضغط رهيب على المكيفات والحوائط العادية تدخل حول 2 واط لعمق متر من الطابوق و 10 واط لعمق 20 سم .. العازل بعمق 5 سم اللي هو الفوم بيدخل بس 0.6 وهو شوي مقارنة بالطابوق

في الخرسانة دخول الحرارة أكبر وفي الحديد أكبر بحول 100 مرة والفرق هذا فوق تدخيله الحرارة بسرعة من خلال الأرضيات والأسقف يسبب لك تعب حراري للهيكل الخرساني .. تعب من كلمة fatigue بالضبط ما تعني تعب .. إنهاك وتأثيرات ما تبين مباشرة .. بالاضافة إلى عدم توزيع متجانس للحرارة المريحة .. تحصل الأطراف حارة وايد والأرضيات حرارتها أكثر من حرارة الهواء وتصخن المكان مثل الفرن وتحتاج لطاقة وضغط قوي على التكييف .. يخترب التكييف ويزيد استهلاك الكهرباء كثير .. طبعاً الفوم وقطع الجرايد أو الخشب المعالجة بموانع للحريق هي الأعلى في العزل من المواد الصلبة .. وتجينا الغازات الخاملة .. الهواء عزله بسيط وتشوفه في الجدول لكن بعض الغازات عزلها خيالي هذا لو قدرنا نسوي تجويف ويكون فيه الغازل الخامل لكن المسئلة شبه مستحيلة الا في النوافذ ويفقد الغاز العازل على فترات طويلة بالتدريج

في الدول الآسيوية يستخدمون خشب البامبو في العزل والبناء كذلك وعندنا الكثير من بقايا الأخشاب والورق كورق الشجر وورق الجرائد والكتب هذا ممكن ينعمل له اعادة تدوير وتصنيع ليكون ألواح عزل أو حبيبات عزل تملأبها تجويفات بين جدارين للحصول على عزل جيد بطريقة رخيصة ومراعية للبيئة

[معماري قطري]

فيه ميزان حرارة في باو هاوس للي بيروح ألمانيا يقدر يشتريه بس يشوف له مترجم .. هذا الميزان تأشر به من بعيد مثل الريموت على القزاز يعطيك كم حرارته وعلى زوايا البيت يعطيك كم الحرارة وتقدر تشوف بسهولة مداخل الحرارة من وين

[معماري قطري]

الطاقة المنتقلة في الجداول حسب درجة الحرارة المطلقة بالكيلفن وكل ما زادت الحرارة زاد الانتقال .. المذكور على 25 درجة لكن على 30 ممكن تزيد الضعف وما تزيد الضعف على 50 الزيادة تكون أكبر بمراحل

[سعود.]

فيه ميزان حرارة في باو هاوس للي بيروح ألمانيا يقدر يشتريه بس يشوف له مترجم .. هذا الميزان تأشر به من بعيد مثل الريموت على القزاز يعطيك كم حرارته وعلى زوايا البيت يعطيك كم الحرارة وتقدر تشوف بسهولة مداخل الحرارة من وين

طرى على اول ايام البرد تكلم عنه ( ماجد المحيميد )
اتوقع نحصله في الشملان او الفيروز هذا الجهاز ؟؟؟؟؟

https://twitter.com/majedmohaimeed/status/827295032378028032

[معماري قطري]

طرى على اول ايام البرد تكلم عنه ( ماجد المحيميد )
اتوقع نحصله في الشملان او الفيروز هذا الجهاز ؟؟؟؟؟

https://twitter.com/majedmohaimeed/status/827295032378028032

انت يا سعود قنبلة هندسية انفجرت في المنتدى ما قصرت بالتوضيح

كنت اتمنى ماجد المحيميد يوجه الجهاز لعدة جهات ونشوف قراءاته لأنها لازم تختلف

هذا توضيح للي نقدر نسويه بالتصوير الحراري لفحص المباني .. حتى تسريب المياه سهل معرفته للي يحب يتابع


https://www.youtube.com/watch?v=rDE15cKeMR0

[سعود.]

وانت يا ابا عبدالله ( مفاعل نووي )

معد للأغراض السلمية :)

[Abu-hmood]

طرى على اول ايام البرد تكلم عنه ( ماجد المحيميد )
اتوقع نحصله في الشملان او الفيروز هذا الجهاز ؟؟؟؟؟

https://twitter.com/majedmohaimeed/status/827295032378028032

وهذا رابط الجهاز للي حاب يطلبه من امازون

http://cutt.us/v1jd

[سعود.]

كفو والله

بو حمود

[Azizuk]

ابيه الشباب صاور مفاعلات نووية

تفجير في مشاريع البناء للاغراض السلمية :thumbup:

[معماري قطري]

استويتوا تخوفون وشكلنا بننطلب للتحقيق

[سعود.]

انا قلت ( معد لأغراض ) سلمية لحد يوهقنا omen
باقي لي كمن دفعة من بنك التنمية تنزل عقب كيفكم :thumbup:

[سعود.]

ابو عبدالله انا وانت راحت علينا خلاص
لازم ندور نكبة لبو سعود !!!!!

انا اشوفه قنبلة ( انشطارية ) في عالم البناء .
لم يترك كبيرة ولا صغيرة الا عرفها :app:

[سعود.]

https://twitter.com/F_Al_Harthi/status/764874791648104448

[معماري قطري]

ابو عبدالله انا وانت راحت علينا خلاص
لازم ندور نكبة لبو سعود !!!!!

انا اشوفه قنبلة ( انشطارية ) في عالم البناء .
لم يترك كبيرة ولا صغيرة الا عرفها :app:

ما شاء الله عليه صحيح متعمق في التكييف والمضخات

[معماري قطري]

https://twitter.com/F_Al_Harthi/status/764874791648104448

حي الله صاحب أخبار العزل الحراري

إخوي للمباني القائمة أفضل بكثير من إن تعزل المبنى كاملاً ولا تعزله غرفة غرفة .. ليش أو ليشٌ بالفصحى؟ لأن ضغط الحرارة أو البرودة على المبنى كله وعلى الهيكل الخرساني .. لو عزلته من داخل بتعزل الجدران والسقف فرضاً بجبس نازل لكن الأرضية لو كانت سيراميك بتتسرب لها البرودة والحرارة بقوة من الجوانب وحتى من الدور اللي تحتها أو الأرض لو تحتها الأرض مباشرة .. ولو ركبت سجاد بتكون وطأة الحرارة قلت لكن الكمية اللي تدخل وحدة وتتسرب بدون ما تحس .. يعني إحساس كاذب بالعزل

داخل العزل الحراري في غالبيته كارثي والسبب إن الصوف الصخري مسبب لغبار رفيع واستنشاقه يسبب حساسية وأمراض ولو غطيته لازم تغطيه عدل لكن وقت الحريق مشكلته سام وغازه خانق .. كذلك البوليسترين سريع الاحتراق ويطلع غاز أسود سام .. إلا لو كان معالج وغير قابل للاحتراق .. وقابلية الاحتراق مصطلح فيه خدعة بعد .. تحصل مواد ما تساعد على الاحتراق لأنها تطفى لو أبعدت مصدر النار .. لكن لو مصدر النار موجود تحترق وتطلع دخان أسود قاتل .. الجبس مثلاً ما يحترق بسهولة لكن لو حوله حريق يضعف ويخترقه ولا يساعد على الاحتراق ومن أجود المواد لكن ما يعطينا حماية 100% للعازل خلفه

أفضل بكثير إنك تحطه خارجي وتلبسه من الخارج حماية مثل السمنت بورد أو الألواح الصناعية وهي كثيرة أو الحجر صناعي أو طبيعي بالتركيب الميكانيكي أو تركب لوح عازل عليه لوح سيبوريكس بتكون سويت عزل مزدوج .. لو كنت طماع لحالة عزل قصوى بتركب العازل وبتثبته بين معدن على شكل C channel فيه خاص للتثبيت الميكانيكي وما يصدي يجي يعطيك فجوة بحدود 10 أو 7 سم تخلي نصها فلين ووراه قصدير عاكس ووراه فراغ حول 4 سم لتسريب الحرارة عمودياً من تحت لفوق من خلال الهواء مع تهوئة عن طريق فتحات بسيطة .. آخر شيء تجيك ألواح السيبوريكس أو السمنت بورد أو الحجر أو أي تكسية صناعية

بعض المواد هذي تقدر تسوي فيها تجويفات وتشكيلات عمرانية حلوة وبإضاءَة لو تحب وبعضها ما تحتاج صبغ وبعضها تجي عازلة للرطوبة 100% وبتضمن تغطية للبايبات أو عمل فتحات صيانة وفحص بسيطة ما تبين في الجدار ولا شاذة عن المنظر الناعم لمادة التكسية مثل الجي ار سي البارز

حتى الخشب ممكن تستخدمه بدال قواطع الحديد وبتحصل خشب بناء مربع أبيض 10 سم في 10 أو 7 في 7 وحتى المستعمل والرخيص ينفع والتثبيت عليه سهل وبيكون معزول ومسكر عليه بالتكسية الخارجية .. مثله مثل خشب الأسقف اللي نحطه تحت القرميد يعيش طول العمر

[سعود.]

ما شاء الله عليه صحيح متعمق في التكييف والمضخات

صادق ابا عبدالله

مرة كانت عندي مشكلة في بيبات الغاز للسبيلت ( القبو ) وحلها لي عن طريق اتصال ( فيس تايم )
ومن هذا المنبر اقدم الشكر له .

[معماري قطري]

صادق ابا عبدالله

مرة كانت عندي مشكلة في بيبات الغاز للسبيلت ( القبو ) وحلها لي عن طريق اتصال ( فيس تايم )
ومن هذا المنبر اقدم الشكر له .

كان معانا مسؤول حق ورشة التكييف وكبر وتقاعد وتغير الوضع واستووا يعتمدون على عقود خارجية ما حصلوا منها الا الخساير ووجع الراس .. رجعوا فتحوا الورشة على مستوى أعلى وما حصلوا حد يسد المكان ويدير الورشة .. كلموه وجابوه برتبة خبير تكييف غير عن تقاعده ويستاهل لأنه قطري

بو سعود مشكوك في موضوعه والله أعلم إنه مهندس تكييف بس ما يبي يعلمنا

[معماري قطري]

هندسة التكييف مب معقدة بس تحتاج دراسة وخبرة تعليمية وحسابات وتحتاج معرفة كل جديد .. وممكن أي حد يتثقف فيها

في بدايات شغلي انطلب مني تصميم قاعة دراسية وعمل تغييرات على صالة رياضية بحدود 20 في 8 متر تقريباً .. وكان شبه عمل صيانة لعمل مدرج للكراسي وتسكير بعض النوافذ وكان فيه خط نوافذ فوق عبارة عن طوب زجاجي سكرناه بالجبس وعملنا المدرج خرسانة ودفان على الأرضية بدون تغيير .. كانت فيه مغامرات هندسية كلها تمت صح الا مغامرة التكييف ركبنا سبلت .. وانا بروحي بدون ما ارجع لرأي مهندس تكييف عندنا .. والقاعة بيكونون فيها حوالي 40 شخص

بعدها بفترة رحت اشوف شلون القاعة .. الطلاب اشتكوا من الحكرة وقلة النفس والروائح وطلع الخطأ الكارثي إني ما حسبت حساب نسبة هواء خارجي لتغيير الهواء وما ينفع معاها الا تكييف مركزي .. كلمت المهندس وقال لي كان المفروض تحول الشغلة علي من قبل .. صج الاضاءة اشتغلها مهندس كهرباء مع الداتا شو لكن غلطتي كانت كبيرة وتعلمت منها وقتها كانت خبرتي أقل من خمس سنين والغلط جاء من عدم التركيز والاستعجال والاستهانة بالتكييف

[معماري قطري]

وللأسف ألحين نحصل مهندسين طرق في أشغال يسوون مشاريع كبيرة بدون ما بمارسون هندسة الطرق سابقاً وبدون تدرج في اكتساب الخبرات لذلك نشوف أخطاء دائمة

[سعود.]

فيه ميزان حرارة في باو هاوس للي بيروح ألمانيا يقدر يشتريه بس يشوف له مترجم .. هذا الميزان تأشر به من بعيد مثل الريموت على القزاز يعطيك كم حرارته وعلى زوايا البيت يعطيك كم الحرارة وتقدر تشوف بسهولة مداخل الحرارة من وين




طرى على اول ايام البرد تكلم عنه ( ماجد المحيميد )
اتوقع نحصله في الشملان او الفيروز هذا الجهاز ؟؟؟؟؟

https://twitter.com/majedmohaimeed/status/827295032378028032


وهذا رابط الجهاز للي حاب يطلبه من امازون

http://cutt.us/v1jd

توني طالع من مجموعة الشملان الصناعية شارع 11 عندهم 3 انواع للجهاز
الاسعار 250 / 500 / 3000
اسعار غير نهائية .

99677

[معماري قطري]

توني طالع من مجموعة الشملان الصناعية شارع 11 عندهم 3 انواع للجهاز
الاسعار 250 / 500 / 3000
اسعار غير نهائية .

99677

الله يعطيك العافية .. تدري أمس فكرت اطلب من اللي بيطلب يطلب لي معاه لأني ما اعرف لطلبات الانترنت بس هشكل باروح باخذ من عندهم واتوقع مبالغين في السعر بس اللي ب 500 سعره متوسط أهم شيء يكون دقيق وقراءاته صحيحة وينفع للمباني العادية

والكاميرات ضرورية خاطري في وحدة متطورة مثل اللي صورها توضح تسربات المياه

هذي المعدات ضرورية لشركات الصيانة حتى يسوون للعميل دراسة شاملة

[سعود.]

الي ب 500 شركة بوش
لعبتك الاماني .

طرى علي جهاز كشف حرارة الانسان ينباع بصيدليات احس ينفع بعد ؟؟؟؟
نفس استخدامه تسلطه على المكان المطلوب مسافه 10 سم .

[معماري قطري]

اللي بيجرب يشوف الزوايا والدرايش وأطرافها والأرضية كلما ابتعد عن الطرف شلون

انا في مكتبي الارضية بدون عازل وبسجاد وصج عندي جسور حرارية شكثر .. وقت البرد أحتاج دفاية لأن أرضية المكتب مرتفعة على أعمدة ولا بمعزولة بس مستغرب وقت الحر والحوائط مب معزولة ودرايش كبار من ثلاث جهات بس معزولين ما يحتر المكتب وايد والمكيف حدي اخليه على 23 وبارد .. حتى الستاير خشبية وخفيفة

ألحين المكيف على 25 وعلى التماتيك يبند ويشتغل والشمس ضاربة في الجهة اليمنى وفيها دريشة .. صراحة ما حصلت تفسير علمي للحرارة المعتدلة في الصيف يمكن لأن السقف مايل ومرتفع وعليه قرميد وتحت القرميد عازل حراري وفراغ تهوئة .. والجدار الجانبي ارتفاعه بسيط حول مترين ونص

البرد السبب أكيد الهواء الشمالي يضرب الواجهة الزجاجية والأرضية والحوائط من كل جهة ويبردها سرعة

باقي البيت سويت له عزل في الجدران طبقتين وغطيت الجسور كذلك وعزله ممتاز لا حرارة ولا برودة

[Azizuk]

لا تنسون حفل تدشين مكيف هايسنس من قبل شركة الدرويش

اهم شي في سحب على مكيفات للضيوف الكرام والعشاء الفاخر :thumbup:

[Azizuk]

الي ب 500 شركة بوش
لعبتك الاماني .

طرى علي جهاز كشف حرارة الانسان ينباع بصيدليات احس ينفع بعد ؟؟؟؟
نفس استخدامه تسلطه على المكان المطلوب مسافه 10 سم .

في مجال الطيران وفحص هيكل الطيارة من وجود صداء يستخدمون نص ريال يطقون في هيكل الطائرة لمعرفة الخلل

وهذا سؤال مهم يجي في الاختبار :app2:

[Azizuk]

كان معانا مسؤول حق ورشة التكييف وكبر وتقاعد وتغير الوضع واستووا يعتمدون على عقود خارجية ما حصلوا منها الا الخساير ووجع الراس .. رجعوا فتحوا الورشة على مستوى أعلى وما حصلوا حد يسد المكان ويدير الورشة .. كلموه وجابوه برتبة خبير تكييف غير عن تقاعده ويستاهل لأنه قطري

بو سعود مشكوك في موضوعه والله أعلم إنه مهندس تكييف بس ما يبي يعلمنا

حاضرين يابوعبدالله انت بس خلص تخطيط البيت واحنا بنساعدك في عملية الاخيار

وانا أقول لك من الحين غير ترين الامريكي الأصلي لا تركب مكيف جبار وخاصه اذا جه الكمبرسر احمر يخرع :anger3:

[Azizuk]

صادق ابا عبدالله

مرة كانت عندي مشكلة في بيبات الغاز للسبيلت ( القبو ) وحلها لي عن طريق اتصال ( فيس تايم )
ومن هذا المنبر اقدم الشكر له .


تبيني سناب فيس تايم فيس بوك اَي برنامج احنا حاضرين للطيبين لايف متواجدين :yu:

[معماري قطري]

ما تقصر يا بو سعود وزين عرفتك عدل وعرفت كل الدهاليز اللي ممكن تنخش فيها يعني انت مستشار التكييف لي

[معماري قطري]

لا تنسون حفل تدشين مكيف هايسنس من قبل شركة الدرويش

اهم شي في سحب على مكيفات للضيوف الكرام والعشاء الفاخر :thumbup:

هايسنس الإسم شكله ألماني صح؟

[سعود.]

تبيني سناب فيس تايم فيس بوك اَي برنامج احنا حاضرين للطيبين لايف متواجدين :yu:

ماتقصر يابو سعود

[Azizuk]

هايسنس الإسم شكله ألماني صح؟

صيني يتبع شركة هيتاشي لتقليل قيمة التكلفة

ومكيفات غري يتبع شركة دايكن

وميديا يتبع شركة كرير

شركة ميديا متوسعا اكثر لان كثير من الشركات تأخذ من عنده

مثل سامسونغ ومتشوبيشي وجنرال وترين ويورك و توشيبا والكثير من الشركات

وانت تختار نوع وجزاء المكيف على حسب رغبتك

من كمبروسير وباقي الأجزاء

يعني اذا تبي كمبرويسر كوبلاند يركبون لك

أو

سانيو

تبي كمبروسير روتري أو سكرول متوفر

كل شي بسعره

ومن فترة توشيبا باعت معظم شركاتها أو تصنيعها الى شركة ميديا

[Azizuk]

أمس في الجريدة حاطين نوع من انواع الصبغ

أسمة روبسون


صنع في قطر

شكل ألوانه حلوه


موقع الشركة الإلكتروني

http://robsonpaints.com


بس انا اشوف جوتن من اجود الأنواع حتى لو صناعة اماراتية أو صناعة سعودية

عندهم ألوان حلوه لدرجة ان تضيع ماتقدر تختار من كثر ألوان

[سعود.]

ميديا وكرير

سوقهم قايم في السعودية دوم يمدحونهم

[معماري قطري]

مشكورين على هالأخبار الطيبة والجديدة علي

[سعود.]

ابا عبدالله

فية محل مقياس الحرارة حصلته في ( برورة التجاري )
مبني 18 رقم المحل 26
شركة الطريق المنير الدولية ( الله ينور طريقكم جميعا )

مكتب : 44324800
جوال : 66279685
//////// : 33808332

[معماري قطري]

ابا عبدالله

فية محل مقياس الحرارة حصلته في ( برورة التجاري )
مبني 18 رقم المحل 26
شركة الطريق المنير الدولية ( الله ينور طريقكم جميعا )

مكتب : 44324800
جوال : 66279685
//////// : 33808332

والله ينور حياتك بالايمان

بكم حصلته وشنوعه وصناعته

[سعود.]

من قال لاأعلم فقد افتى :shy:

مدري والله بس شفتة عندهم ولا سألت عنه .
تقدر تتواصل معهم بالارقام المذكورة اعلاه .

[معماري قطري]

من قال لاأعلم فقد افتى :shy:

مدري والله بس شفتة عندهم ولا سألت عنه .
تقدر تتواصل معهم بالارقام المذكورة اعلاه .

صحيح راح عن بالي وتوقعتك تدري

[السيف5]

عندي نفس المشكلة مع الصبغ الخارجي
كل ماينصبغ حد سنتين وخصوصا مع المطر يتقشر

مش عارف شاسوي ؟

الاخ معماري لو تعطيني رقم الصباغ على الخاص اكون شاكر لك

[معماري قطري]

عندي نفس المشكلة مع الصبغ الخارجي
كل ماينصبغ حد سنتين وخصوصا مع المطر يتقشر

مش عارف شاسوي ؟

الاخ معماري لو تعطيني رقم الصباغ على الخاص اكون شاكر لك

الصباغ يا اخوي الأهم إنت تحدد شيسوي لكن تطلبه شغلة وتركز على السعر هو ممكن ياخذ فلوسه ويخلص شغلة ترقيعية ويروح لكن للخارج لازم الصبغ مناسب وقوي ومقاوم للرطوبة ولازم معالجة البلاستر والبرايمر الأساسي والمعجون

ألحين الوقت زين والتقشير لو جاء بالرمل يكون أفضل لأن بالماي المشكلة الماي يدخل في الطابوق مع البرشر .. انا سووا لي بالماي ونطرت لين جف بعد الصبغ كان جوتاشيلد مع برايمر جوتاشيلد ومع طبقة حماية حول 3 - 5 ملم رش متدرج في السمك على شكل كرات مضغوطة بالرولر .. بعد سنة وشوي طلعت رطوبة بسيطة من تحت قرب أرضية البيت وهذي حلها بصبغ قوي ( ايبوكسي ) أو بنعلات حماية وتأثيرها بسيط إن شاء الله

الشركات المختصة مثل بن جاسم للديكور وكم شركة في طريق سلوى تسوي لك الشغل بمعدات قوية وصالحة للاستعمال وبسرعة .. صحيح شوي غالي بس شغل مضمون وزين حق فترة طويلة .. الباكستاني اللي اشتغل لي بجودة وبسعر حول ثلث سعر الشركات هذي المختصة وخذ حول شهر .. بارسل لك رقمه بس حاول يكون اتفاقك معاه على مراحل ما يسوي لك واجهة وينقز لواجهة ثانية أو جزء وينقز لجزء غير يعني يخلص المرحلة وبعدين يكمل اللي بعدها

تقدر تشتغل على واجهة تقشير وازالة للقديم وبعدها اصلاح للبلاستر وبرايمر ومعجون وتخليها وتتجه لواجهة ثانية بس خله يخلص الواجهة كاملة لكل مرحلة وانتبه شوف شسوى وتابعه .. لا تنسى تركيب أي ديكور أو جي ار سي أو انارة اضافية أو اخفاء بايبات في الحائط قبل المعجون والبرايمر

[Abu-hmood]

الله يعطيك العافية .. تدري أمس فكرت اطلب من اللي بيطلب يطلب لي معاه لأني ما اعرف لطلبات الانترنت بس هشكل باروح باخذ من عندهم واتوقع مبالغين في السعر بس اللي ب 500 سعره متوسط أهم شيء يكون دقيق وقراءاته صحيحة وينفع للمباني العادية

والكاميرات ضرورية خاطري في وحدة متطورة مثل اللي صورها توضح تسربات المياه

هذي المعدات ضرورية لشركات الصيانة حتى يسوون للعميل دراسة شاملة

تامر يابو عبدالله لو تبي اي شي عن طريق النت انا حاضر وصارلي 11 سنه اشتري عن طريق النت اوفر بمراحل عن اسعارنا الخياليه

ساعات اطلب من فرنسا او المانيا او بريطانيا لو شي كهربائي عشان 220 فولت

اما الشغلات الثانية اطلبها من امريكا

[معماري قطري]

تامر يابو عبدالله لو تبي اي شي عن طريق النت انا حاضر وصارلي 11 سنه اشتري عن طريق النت اوفر بمراحل عن اسعارنا الخياليه

ساعات اطلب من فرنسا او المانيا او بريطانيا لو شي كهربائي عشان 220 فولت

اما الشغلات الثانية اطلبها من امريكا

ما تقصر الله يحفظك بو حمود

حصلناه موجود في قطر ولا يحتاج الطلب من برا

[السيف5]

الأخ معماري قطري ماقصرت وسيتم العمل بنصائحك

ويعطيك العافية وصلني الرقم

[معماري قطري]

الأخ معماري قطري ماقصرت وسيتم العمل بنصائحك

ويعطيك العافية وصلني الرقم

الله يعافيك إخوي ولازم تنتبه انا مجرب هذا المقاول بس ما يعني إنه ما يلف ويدور خصوصاً التقشير هم يتعبون فيه ويخلون أماكن بدون تقشير كامل بس للأمانة شغلهم فرق كبير عن شغل مصري غشنا أثناء سفري وعدم تواجدي لمتابعته .. لهف الرز وراح وقام يبرر بعدين أصل الرطوبة عندك في كل الحيطان وأصل ما ادري وشو وشوي يقول لي بيتك لازم تهدمه