((أول بلد سافرت له ؟؟ ))وسنة كم ؟؟

[نفسي عزيزه]

السلام عليكم ورحمة الله وبركاته


https://d.top4top.net/p_441cpvlx1.jpg (https://up.top4top.net/)

أول بلد سافرتوا لها وسنة كم ؟

ومع الاهل ام الاصحاب؟

وشنو البلد الي خاطركم تسافرون لها وماسمحت الظروف وتنتظرون الفرصه وترحون لها ؟

وبأي سفره استانستو العائليه او مع الصحبه ؟ وايهما تفضل؟

ونتمنى لكم صيفا جميلا ---> حرق لكم الشتا من الحين يسولف عن الصيف والحر :shy:

[ya3coub]

أول سفره خارج الدوله كانت على الكونكورد من امريكا لفرنسا

كنت صغير مع الوالد و الوالده

بلد خاطري اروحلها واااايد, الهند من جديد النيبال كمبوديا اليابان الصين تايلاد بين و بين, سيرلانكا, النرويج جورجيا خاطري اروحلها من الدوحة سواقه القطب الشمالي و الجنوبي فنزويلا كوبا جنوب افريقا سفاري فأفريقيا و جوله عالدراجه بأوروبا

واااااايد اماكن بخاطري

مع الأهل استانس و يستانسون و نادر اني اسافر مع ربعي عالأغلب مؤتمر او شغل. إلا انه راس السنه كنت فالهند مع ربعي متزوجين هناك و استانس بشكل غير طبيعي

ماعندي افضليه لأي منهم الإثنين مهمين و الأهم منهم الواحد يختلي بنفسه شوي من ضغوطات الحياه و يسافر بروحه يستجمم و يرجع الثلاث انواع مهمين خلال سنه وحدة.


حاب اضيف سؤال بعد

وين و شنو بخاطركم تسافرون هالصيف؟؟

عن نفسي كنت ناوي على اليابان و ليلحين بخاطري بس يمكن أئجل هالسفره للسنه الجاية لأن جبل فوجي يفتح ثلاث اشهر فالسنة فقط و بنفس الوقت ناوي اسوي رحله جماعيه للمغرب و قاعد اخطط خلال فتره الصيف

و بإنتظار اجوبتك أخوي نفسي عزيزة

[الماريّة]

خليجي / السعوديه مع هلي

عربي لبنان / مع هلي

اجنبي / المانيا مع. هلي

واتمنى اسافر لكل دول العرب واستراليا

وشكرا لك :)

[بانغ بانغ]

محلي / الدوحة من الوكرة
خليجي / ابوظبي مع الاهل
عربي / سوريا
دولي / إنجلترا

الحب / استراليا وفرنسا

الأمنية / أنتارتيكا وهاواي

[الماريّة]

محلي / الدوحة من الوكرة
خليجي / ابوظبي مع الاهل
عربي / سوريا
دولي / إنجلترا

الحب / استراليا وفرنسا

الأمنية / أنتارتيكا وهاواي

بعد فيها محلي ^_^

عجل من الريان لدخان
والعريق ههههههه

[naklan]

ماحد كتب سنة كم هههههههههه
فهمتكم فهمتكم

:looking:

[نفسي عزيزه]

بصراحه انتو زقرت طلعتوا اروبا وحركات وانا اول بلد السعوديه وعقبها البحرين وعبها الامارات وعبها ماليزيا وعقبها بولندا وكيرلا ولندن

محلي الرويس الغاريه دخان الوكره الريان حبي خصوصا المغسله بشارع ال شافي هههه وكل مناطق قطر :sneaky:

خاطري اروح امريكا اشتري جمس 2006 :weeping:

واستراليا وخاطري سكوتلاندا والنرويج والقادم افضل بأذن الله


يعقوب تدري انك عجيب حتى نوع الطياره الي ركبتها خطيره كونكورد ههههههههههههه

مادري ليش احب بانغ بانغ تسافر معاي ؟ ووين وعلى حسابك هههههه :vampire::shy::shy::o:o

[نفسي عزيزه]

ماحد كتب سنة كم هههههههههه
فهمتكم فهمتكم

:looking:

اي طلعو شيبان تحصلهم مسافرين فالثمانينات والسبعينات ههههههههههه

اول سفره لي سنة 1983 كنت ياهل ماعرف شي :sneaky:

[نفسي عزيزه]

معليش الحروف غلط وبعض الكلمات اسوق وانا اكتب يعني اللغه من البلد الاصل الهند :shy:

[بانغ بانغ]

بصراحه انتو زقرت طلعتوا اروبا وحركات وانا اول بلد السعوديه وعقبها البحرين وعبها الامارات وعبها ماليزيا وعقبها بولندا وكيرلا ولندن

محلي الرويس الغاريه دخان الوكره الريان حبي خصوصا المغسله بشارع ال شافي هههه وكل مناطق قطر :sneaky:

خاطري اروح امريكا اشتري جمس 2006 :weeping:

واستراليا وخاطري سكوتلاندا والنرويج والقادم افضل بأذن الله


يعقوب تدري انك عجيب حتى نوع الطياره الي ركبتها خطيره كونكورد ههههههههههههه

مادري ليش احب بانغ بانغ تسافر معاي ؟ ووين وعلى حسابك هههههه :vampire::shy::shy::o:o

بو نفس جهز الشنطة والاغراض ومعدات الاكتشاف والمغامرة

وبوديك الحسا

افا عليك اتشرف اسافر معك وكل شي علي انت ضيف وراجي ومعماري ويعقوب وكريزما والربع اجمعين

[بانغ بانغ]

تدرون يالربع من انظف واحلى المدن في بعض أزقتها اللي رحت لها ، القدس

ولله الحمد صليت في المسجد الأقصى وقبة الصخرة وكان لي شرف عظيم ان أزورها

[توشيبا]

على كثر الدول اللي سافرتها صرت ماعرف هالدوله سافرت لها او لا هههههه


خاطري اروح القدس واصلي فيه

[نفسي عزيزه]

بو نفس جهز الشنطة والاغراض ومعدات الاكتشاف والمغامرة

وبوديك الحساب

افا عليك اتشرف اسافر معك وكل شي علي انت ضيف وراجي ومعماري ويعقوب وكريزما والربع اجمعين

فديت قلبك ياخي ماقدر على كلامك على راسي والله وانا اتشرف بك (ورده كبر قطر لك )

تدري عيل خل نسافر على حساب قطر سمعت انه بيبيع الكزس مالته وبيودينا المالديف

:shy:

[نفسي عزيزه]

تدرون يالربع من انظف واحلى المدن في بعض أزقتها اللي رحت لها ، القدس

ولله الحمد صليت في المسجد الأقصى وقبة الصخرة وكان لي شرف عظيم ان أزورها

الله يتقبل منك والفال لنا جميعا وشرف عظيم لنا

[Dana’1]

السلام عليكم ورحمة الله وبركاته


https://d.top4top.net/p_441cpvlx1.jpg (https://up.top4top.net/)

أول بلد سافرتوا لها وسنة كم ؟

ومع الاهل ام الاصحاب؟

وشنو البلد الي خاطركم تسافرون لها وماسمحت الظروف وتنتظرون الفرصه وترحون لها ؟

وبأي سفره استانستو العائليه او مع الصحبه ؟ وايهما تفضل؟

ونتمنى لكم صيفا جميلا ---> حرق لكم الشتا من الحين يسولف عن الصيف والحر :shy:



ماراح احسب قطر او السعوديه كأول سفره او تنقل بينهم لان مالها عدد وهي واحد

فكانت أول سفره هي مع الاهل هي اسبانيا بس كنت صغيره ما اتذكر شي للأمانه
ومصر أول سفره لي وانا طفله بس عالاقل اذكرها كانت بالثمانينات طبعا مع هلي وكانت وناسه الحمدلله

والبلدان الي خاطري اروح لها
خليجي عُمان
عربي بالترتيب فلسطين اليمن العراق سوريا ليبيا عشان صديقتي تسوي دعايه لها :) الله يردهم جميع ويعم الامن والامان فيها
أجنبي كوريا اليابان - الهند- اذربيجان وخواتها وازبك وكازاخ - استراليا والقائمه تطول بس يمكن هذي ابرزها

طبعا سفراتي اغلبها كانت مع العايله سواء قبل او بعد الزواج

وبأي سفره استمتعنا اكثر
الحمدلله كلها ممتعه وكل ديره لها جوها مصر مثلا رحنا لها كثير وحلاتها جمعه لان جربتها مره مع اهلي و خالتي وعمي وعيالهم كنا صغار تقريبا كنت بال12 -13 سنه كانت فله عالاخر للحين اذكرها(قلب)
طبعا ضربت مثال مصر بس .. والا فيه غيرها حلوه تكون عايله كبيره والاهم منسجمين ووسيعين صدر

وبعض السفرات حلاتها زوجين او عايلتك الصغننه مثل الجزر وغيرها

[نفسي عزيزه]

على كثر الدول اللي سافرتها صرت ماعرف هالدوله سافرت لها او لا هههههه


خاطري اروح القدس واصلي فيه

الله يستحيب لك وتصلي فيه ياوردة المنتدى توشيبا

[نفسي عزيزه]

ماراح احسب قطر او السعوديه كأول سفره او تنقل بينهم لان مالها عدد وهي واحد

فكانت أول سفره هي مع الاهل هي اسبانيا بس كنت صغيره ما اتذكر شي للأمانه
ومصر أول سفره لي وانا طفله بس عالاقل اذكرها كانت بالثمانينات طبعا مع هلي وكانت وناسه الحمدلله

والبلدان الي خاطري اروح لها
خليجي عُمان
عربي بالترتيب فلسطين اليمن العراق سوريا ليبيا عشان صديقتي تسوي دعايه لها :) الله يردهم جميع ويعم الامن والامان فيها
أجنبي كوريا اليابان - الهند- اذربيجان وخواتها وازبك وكازاخ - استراليا والقائمه تطول بس يمكن هذي ابرزها

طبعا سفراتي اغلبها كانت مع العايله سواء قبل او بعد الزواج

وبأي سفره استمتعنا اكثر
الحمدلله كلها ممتعه وكل ديره لها جوها مصر مثلا رحنا لها كثير وحلاتها جمعه لان جربتها مره مع اهلي و خالتي وعمي وعيالهم كنا صغار تقريبا كنت بال12 -13 سنه كانت فله عالاخر للحين اذكرها(قلب)
طبعا ضربت مثال مصر بس .. والا فيه غيرها حلوه تكون عايله كبيره والاهم منسجمين ووسيعين صدر

وبعض السفرات حلاتها زوجين او عايلتك الصغننه مثل الجزر وغيرها

انتي ياديور سفيرة وخبيره البلدان الجميله الي امتعتينا بصورها ماشاء الله تبارك الرحمن لاقوة الا بالله صور ولا اروع الله يهنيج

عفستي مخي ياديور من امس وانا ادخل على البي ام دخلت راسي هي والاودي a6 بس هي احلى هههههه


الله يحقق امانيج وتزورين البلدان الي ذكرتيها ويعم الامن والامان على الوطن العربي والمسلمين جميعا

[رحال]

1968م - اول سفرة - كان عمري سنة
لبناااان

بالنسبة للبلد اللي اتمنى اسافر لها
اليمن

البلد اللي لي فيها ذكريات ومازالت عالقة في ذهني

مصر في السبعينات والثمانينات

[Dana’1]

انتي ياديور سفيرة وخبيره البلدان الجميله الي امتعتينا بصورها ماشاء الله تبارك الرحمن لاقوة الا بالله صور ولا اروع الله يهنيج

عفستي مخي ياديور من امس وانا ادخل على البي ام دخلت راسي هي والاودي a6 بس هي احلى هههههه


الله يحقق امانيج وتزورين البلدان الي ذكرتيها ويعم الامن والامان على الوطن العربي والمسلمين جميعا

آمين ويحقق امانيك واماني كل شخص


تصدق الاودي بعد حلوه بكتب تجربتي بموضوع السيارت :)

[مستـريــح البـــال]

اول وجهه كانت لندن ، كنت رضيع ،، أيام موضة الشعر الطويل والزلف العريض والأزره المفتوحه والصور تشهد :pic: ..

[نفسي عزيزه]

آمين ويحقق امانيك واماني كل شخص


تصدق الاودي بعد حلوه بكتب تجربتي بموضوع السيارت :)

سعر الاودي 128 الف وسيعه وطويله

[نفسي عزيزه]

1968م - اول سفرة - كان عمري سنة
لبناااان

بالنسبة للبلد اللي اتمنى اسافر لها
اليمن

البلد اللي لي فيها ذكريات ومازالت عالقة في ذهني

مصر في السبعينات والثمانينات

الله يطول بعمرك

يازين مصر بالزمن الي ذكرته كانت غيررررررر

يامرحبا فيك يالغالي

[نفسي عزيزه]

اول وجهه كانت لندن ، كنت رضيع ،، أيام موضة الشعر الطويل والزلف العريض والأزره المفتوحه والصور تشهد :pic: ..

سلامي عليك :pic:

ايام قبل زلوف وبوامطلين عراض من تحت والصدر مفتوح وعطر كارتير باشا ممزوج بزقاره ههه

[الماريّة]

ماحد كتب سنة كم هههههههههه
فهمتكم فهمتكم

:looking:

هههههه والله انك فطين ^_^

[الماريّة]

اول وجهه كانت لندن ، كنت رضيع ،، أيام موضة الشعر الطويل والزلف العريض والأزره المفتوحه والصور تشهد :pic: ..

الشعر الطويل والزلف يسمونه قبل خنافس مخنفس ^_^
والكشه العوده مثل منصور مفتاح يسمونها الكدش

[أبورودي]

هونج كونج + الصين
2008

[Dana’1]

طيب وانت يا نفسي عزيزه خبرنا عن اول سفره واكثرها متعه

[معماري قطري]

بو نفس جهز الشنطة والاغراض ومعدات الاكتشاف والمغامرة

وبوديك الحسا

افا عليك اتشرف اسافر معك وكل شي علي انت ضيف وراجي ومعماري ويعقوب وكريزما والربع اجمعين

مشكور يا بانغ والله يعينك علينا عاد طلباتنا وايد

اللي يبي ساعة رولكس واللي يبي فندق جورج السابع عشر حتى لو ما فيه

انا أول سفرة لي كنت في أول ثانوي تقريباً سنة 1980 ومع المدرسة مع شلة شباب كلهم حلوين وكنا 40 طالب .. رحنا لندن وسوينا زيارات لمتاحف وحدائق وذكريات حلوة .. وكانت وقت عطلة الربيع

ربعنا اللي اذكرهم فهد المانع ولا شفته بعدها وراشد المنصوري تلاقيت معاه مرات من عيال الوكرة وكنا ندرس فوق جبل الوكرة أيام أحمد بن حنبل.. وجاسم الملا وعدني بصور للرحلة وقاهرني ولا عطاني كم مرة اذكره ولا يعطيني

[معماري قطري]

أكثر سفرة حبيتها مع الوالدة رحلة علاج 2015 كانت على طولها وتعبها أوقات رحلة طيبة ما حسيت بها .. وأكثر شيء حبيته إنها الله يحفظها كانت تعاملني كأني طفل وتستغرب شلون اوصل ولا اضيع الطريق .. وانا عيار أوقات اقول لها بعيد وضيعت وانا عند باب الغرفة جايها

كانت الرحلة لألمانيا ( ميونخ ومصحات تبعد عنها 90 كيلو )

[معماري قطري]

الدول اللي خاطري ازورها ألمانيا مرة ثانية وهولندا ومنطقة دوسلدورف

كذلك باكو ومن الدول العربية المغرب والخليجية حبيت الكويت ودبي والسعودية لها نكهة خاصة خصوصاً مكة المكرمة

رحت البحرين مرة وخاطري اكرر الزيارة لي ربع هناك من أيام الدراسة وعلى تواصل معهم

دولة ما حبيتها ولا لي خاطر اروحها لكن اتمنى ترجع مثل قبل وأحسن مصر .. كانت رحلتي لها سنة 1983 اعتقد ومع شباب بس البلاد متعبة من وقتها شلون ألحين

كل مدن أمريكا لها ميزة عن الثانية وبلاد تستاهل الواحد يروحها

[توشيبا]

الله يستحيب لك وتصلي فيه ياوردة المنتدى توشيبا

اما انا ورده المنتدى

اصير لك شعير في ذنب بعير

[بوخالد911]

دبي - مع الأهل

خاطري أروح سويسرا وأزور جبالها.

[معماري قطري]

الشعر الطويل والزلف يسمونه قبل خنافس مخنفس ^_^
والكشه العوده مثل منصور مفتاح يسمونها الكدش

منصور مفتاح حتى راسه ما يعوره من الكورة

[معماري قطري]

1968م - اول سفرة - كان عمري سنة
لبناااان

بالنسبة للبلد اللي اتمنى اسافر لها
اليمن

البلد اللي لي فيها ذكريات ومازالت عالقة في ذهني

مصر في السبعينات والثمانينات

لبنان رحتها وقت البرد وكانت ثلوج على الجبال وصج حلوة ذاك الوقت لمدة اسبوع بس مع أُم العيال كان عندها مؤتمر وانا مرافق .. إستانسنا ما معانا حشرة

[حليتان*]

فالتسعينات كنت صغير

اول دوله عربيه مصر
واول سفره اوربيه لندن
واول سفره خليجيه دبي

[qatarman8008]

الحسا..
وكان عمري شهرين على حسب رواية الوالد الله يحفظه..
وكان على بيجو قيره على السكان..

[qatarman8008]

انا تمنيت اني اسافر مصر لكن ماصار..
والحين بعد الاحداث الاخيرة انتهى الامل بالسفر لمصر..
ايضا كنت اتمنى اسافر للعراق..
ولكن ايضا وبعد الاحداث الاخيرة انتهى الاهل بالسفر للعراق..
اكثر بلد زاروه العالم ومدحوه هو لبنان والله اعلم..

[معماري قطري]

أما رحلتي الثانية للبنان كانت مأساة بكل ما تعنيه الكلمة

كانت عندي دراسة في الأُردن ومنها طلعت مع الأهل في صيف 2006 وفي سيارتي في اكس ار 1995 واتجهنا صوب لبنان .. وانا دايس ومستانس بعد ما خلصنا من حدود سوريا ومعاناتها .. المهم أشوف أُم العيال توصلها رسائل وقالت لي يقولون رجعوا بتستوي حرب بسبب أسر حزب حسن نصر الله جنود يهود يا علهم النار قبل الآخرة جميع الآسر والمأسور .. بعد المهم قلت هذي مناوشات بسيطة ووصلنا الشقة وكانت شقة فندقية .. كان يوم الأربعاء وليلتها سيطروا على المطار وأعاقوه في ثواني .. ثاني ليلة يوم الخميس بدوا يضربون بيت حسون وقت الفجر .. والله القنبلة تهز الأرض اللي احنا عليها نايمين واسمع صوتهم قنبلتين ورا بعض وبعدين صوت خشخشة ( تخشخش يعني ) وشوي بندت الكهربة وشغلوا المولد وقاموا اليهال مذعورين وهذا اللي كسر خاطري

طلعنا نتمشى على الكورنيش الا ولا سيارة هناك والبلاد شبه خالية .. رجعت الفندق الا اشوف في الأخبار قنص للسيارات من البحر من قبل الصهاينة قلت ما فيه الا السفر بكرة وكنا حاجزين حق اسبوع ودافعين كاش .. رحت كلمت الرسبشن قالوا تطلع فلوسك تروح قلت تروح ولا تروح الروح .. وكانوا عوائل لبنانية يدخلون مباشرة من يطلع حد

رحنا السفارة ودخلنا الا كهربة ما عندهم ومليانة لبنانيين وأجانب ينتظرون الباص بيروحون سوريا وقالوا لنا الحقوا الباص .. السواق سوري خبيث .. قال لنا خلكم وراي وكله دُغري .. وأشوفه متجه شمال توقعت في أي لحظة يتجه شرق ويسرع يحاول يضيعني والناس سواقتهم كل واحد يحاول يدخل بيني وبين الباص وما خليته لصقت الصدام في صدامه ووراه شبر شبر .. وقفنا ريحنا شوي في منطقة كلها مسيحيين وآمنة وكملنا طريقنا للحدود وكان فيه تهديد بضرب الحدود .. ولقينا سيارة من السفارة تخلصنا بس خذنا وقت حول 4 ساعات من الزحمة ودفاشة اللبنانيين

حدود سوريا توقعت تأخير أكبر لكن طلعوا أهل نخوة وطيبة ومشونا في دقايق .. أول مرة اشوف ختم الجوازات سرعة هشكل ومرينا دمشق وأُم العيال تطالع أطرافها وعيونها تدمع تبي كم يوم هناك للتسوق وانا صاد بويهي اطالع يمين ابي الأُردن وزين سويت لأن ناس من قطر ناموا في المطار وقتها وكل الفنادق مشغولة

وصلنا حدود الأشاوس وهنا صاروا قانونيين أكثر من القانون ونقعة حول 3 ساعات .. السفرة كلها المفروض ما تاخذ 3 ساعات .. وصلنا شقتنا بعد حول 11 ساعة من تحركنا من الفندق يوم الجمعة .. ألحين عيالي من يسمعون طاري لبنان يكرهونها

[bohilal191]

الامارات سنة 1986

[naklan]

هههههه والله انك فطين ^_^


هههههههههه فطين اخوي
انا naklan :tease:

امزح امزح

[naklan]

مرتين اكتب رد وينمسح لعيونكم الثالث

بداية حياتي كنت اكره السفر واعشق الدوحة وأحس
وانا فيها أني مسافر القمر هههههههه وبعد اول سفرة لفينا عشقت
البلد والطبيعة ومنها كل سنة مكان والآن مع زيادة الخردة من 3 الى 5 سفرات كل سنة
رحت اغلب دول اوربا واسيا والصين ولندن وامريكا واستراليا والهند بس
ماجبت عود للبيع لأحد يسالني ها
دول أحب ازورها مستقبلا مدغشقر وافريقيا والمغرب
دول انوي العودة لها معشوقتي استراليا وجزر هاوي شاطي واكيكي
وماوي لون البحر خيالي وما شفت مثله في اي بلد وخاصة للغوص
وروية الطبيعة الخلابة

تحياتي
ومب قايل لكم اي سنة لأسباب انقطاع
التيار الكهربائي

escapeescape

[نفسي عزيزه]

طيب وانت يا نفسي عزيزه خبرنا عن اول سفره واكثرها متعه

ماعرف اسوي اقتباس مادري ظبط او لا هههههههههههههههه


هاي كانت مشاركتي احلى سفره جزيرة بينانج لان احب البحر والاكتشافات فالجزيره كان عندي سيكل ادور بالجزيره مع الربع ههههههههههه

ياليت الزمن يرجع لان الشله كانت قويه الزمن فرقنا

اااااااه


الظاهر ماصار اقتابس مشاركتي ههههههه بالصفحه الثانيه جاوبت ماعرف اسوي اقتباسين :unsure::eek3: