أريد أن أعمل ! ! !

[أبو سعود]

مواقف كثيره حدثت لي ما أن أخرج من المسجد

الأ و ألتقي بأشخاص أسيويون أو عرب أو أفارقه

يزعمون أنهم ما عندهم وظيفه ويطلبون مني

أن أبحث لهم عن عمل


ولما أعتذر منهم يقولون نحن علينا ديون ونحتاج

إلى مال


السؤال : من الذي يدخل هؤلاء إلى البلاد

ويتركهم بدون عمل


بعض هؤلاء أتوقع أنهم حضروا إلى البلاد

عن طريق تأشيره السياحه أو الزياره


ويحاولوا أن يجمعوا من الأموال قدر المستطاع

وبأي طريقه


وهل قسم التوظيف والتعين أنتقل عندي

حتى أقوم بتوظيفهم


أذكر في موقف جاء لي شخص أسيوي عند أحد

المساجد وقال أنا جئت من عمان من أسبوعين

وأبحث عن وظيفه وما حصلت عليها وعلي

ألتزامات ماليه


وبعد حوالي ثلاثه أشهر قابلت نفس الشخص

وعند نفس المسجد وقال لي نفس الكلام أنا جئت

من عمان من ( أسبوعين ) وأبحث عن عمل

وعلي ألتزامات ماليه

فهذه الجمله أصبحت شعار له ولأمثاله وسيله

ليحصلوا على المساعدات



لكن من كل هذه المواقف لم ألتقي أبدآ

بالشوارع أو بالأسواق بأي شخص

( أوروبي أو أمريكي ) ليطلبوا الوظيفه

أو يشتكون من الصعوبات الماليه


والسبب أنهم معززيين و مكرمين بأحسن الوظائف

ويحصلون على رواتب خياليه لا يحصلوا

عليها بدولهم


ويسكنون في أفخم المجمعات السكنيه على حساب

جهات عملهم


ولا يعانون من قله العمل ولا عليهم ديون


بل وتقدم لهم الخمور عبر قسائم من الكوبونات


ومن كثر ما نسمع عن هذه الأمتيازات التي

تقدم لهم

أشعر بأن مستواهم المادي هم أفضل كثيرآ

من أهل البلد ومن المقيمين البسطاء


وسلامتكم

[JN000N]

لان الامريكي والاجنبي ما بيي قبل يضمن وظيفته
ف طبيعي مابتلاقيه يسال عن شغل
اما البقيه ايون وعقب يقعدون يدورون لهم شغل
خل نلقى احنا اول عيال البلد شغل

[بانغ بانغ]

الشركات الوهمية اللي نشاطها بيع تأشيرات ايجيبونهم ويرموهم في بحر الحياة الصعبة تاركين اهاليهم

المفروض ضربهم بيد من حديد بعد ما صوروا لهم ان الحياة هني مليئة بالكنوز

[Gentleman]

شوف من اللي يطلّع لهم التأشيرة واشلون يستفيد من هالموضوع

[qatarman8008]

ايضا انا التقيت بشخص من دولة عربية..
قال تسلف واشتريت الفيزة لقطر على اساس انه باوصل على شغل براتب ثابت..
ولما وصلت الدوحة تم مندوب الكفيل يماطل معانا بالشهور وبعدها قال روحوا دوروا شغل اوارجعوا لبلادكم..
يقول والحين انا هنا بدون شغل ومتسلف في بلادي ما اقدر ارجع..

[aloosh]

الشركات الوهمية اللي نشاطها بيع تأشيرات ايجيبونهم ويرموهم في بحر الحياة الصعبة تاركين اهاليهم

المفروض ضربهم بيد من حديد بعد ما صوروا لهم ان الحياة هني مليئة بالكنوز

وازيد على كلامك من ها الشركات يجيب من 50 الى 100 ويقولون لهم دور عن عمل بس كل شهر تدفع لي مثلا 500 ريال هذا شرط انه يطلق سراحه في مشوار البحث عن عمل

لو قلنا 500 نضربها في 50 = 25000 ريال بالشهر قي 100 =50000 ريال بالشهر وهو جالس صاحب ها الشركه الوهميه
شي مربح لهولاء اللي خربو حتى اقتصاد البلد

[ولد العرب]

جاني شخص عربي وقال ارجوك ابي ارجع بلادي الكفيل يماطل
قلت له ابشر على خشمي ماطلبت شي
فرح الاخ وقال شلون قلت مالك شغل فقط عطني جوازك وارتب تذكرتك تغير وجهه

لاني كلمت واحد اعرفه بالابعاد يابو فلان عندي صديق لي يبي يرجع لاهله باسرع وقت ماعنده تذكره
قال الدوله بتدفعها له وتسفره وتجبر الكفيل عن طريق بلوك بالسستم انه يرجع المبلغ التذكره للدوله
عاد الاخ حط رجاله ههههههههههههههههه

اي واحد يجيكم قول له الدوله متكلفه بتسفيركم روح مكتب الابعاد

[راجي الْعفو]

اتمنى يفرضون اشد العقوبات على كل من يجيب هالعمالة السايبه و ينثرهم في البلد

و يتسبب بأضرار حسية و معنوية

يربح من ورا الفيزا و عقب احنا اللي نتوهق فيهم

[راجي الْعفو]

انا قبل اسبوع جاوني اثنين مصريين

يقولون لي عندك شغل واحنا من امس ما كلنا شي - بغض النظر عن صدقهم من كذبهم -

ولكن فقط للتوثيق

[راجي الْعفو]

وقبلهم جاني بنغالي كاشخ بجينز و حاط جل ع شعره وقاعد يبيع عطور

يقول لي انا جيت و ما عندي شغل يا ريت تشتري مني

قلت له ليش جيت و انت مب ضامن شغل

قال : الله كريم !!

[Abdulraman]

هل يعاقب اللي يبيع فيز ولا بس قانون على الورق

[الكبير]

هل يعاقب اللي يبيع فيز ولا بس قانون على الورق

شركات صكرت لهالسبب بس المشكلة وايدين ... وناس كبار ايضا

[معماري قطري]

أول ما بديت اشتغل كان معاي واحد بعد توه يشتغل وعنده شركة ويتابع شركة ابوه وعلى كلامه عنده 400 عامل على كفالته وياخذ من كل واحد 100 ريال شهرياً لضمان حقوقه هو ككفيل وهادهم يدورون شغل ومتى ما بغاهم شغلهم .. الوقت في بداية التسعينات يعني ضامن 40000 ريال فوق راتبه اللي كان متواضع ذاك الوقت

[أم هشام]

وازيد على كلامك من ها الشركات يجيب من 50 الى 100 ويقولون لهم دور عن عمل بس كل شهر تدفع لي مثلا 500 ريال هذا شرط انه يطلق سراحه في مشوار البحث عن عمل

لو قلنا 500 نضربها في 50 = 25000 ريال بالشهر قي 100 =50000 ريال بالشهر وهو جالس صاحب ها الشركه الوهميه
شي مربح لهولاء اللي خربو حتى اقتصاد البلد

هالشركات الله لا يبارك فيهم .. و هم المتسبين بزيادة الزحمة في كل مكان و زمان .
مرة سمعت انهم ياخذون من هالمساكين في مصر تحديدا 25000 ريال عالشخص عشان يقدر ييجي قطر .!!

[معماري قطري]

من أيام جانا عامل عربي يبين عليه التعب وشايل شنطة .. هو مب عامل بالضبط رياضي ومختص وسئل عن شخص ما كان موجود في مجلس الفريج .. دعيناه يدخل وواحد خذ وعطى معاه قال ماخذين منه ست آلاف ريال ولا شغلوه وله فترة ينام في سوق واقف .. الرجال ما قصر معاه سكنه مع عماله وشكله بيرتب له شغلة أو بيشوف شيصير معاه

يكسرون الخاطر ويوم سووا لجنة لتظلماتهم حكومتنا عملت الصح والله يجزيهم خير اللي يتابعون هالفئة المظلومة

[معماري قطري]

بعدين مسئلة الفيزة 3 ما ادري 4 أيام هذي مشكلة ومساؤئها بتكون كثيرة لأن من يبحث عن شغل بيقدر يجي ويشيل شنطة على ظهرة كأنه سائح وبيبدأ يشتكي للناس ويسوي فلم محد يقدر يحكم على حقيقته

[بوخميس]

انا مرت علي عشرات من هذيلا، خاصة المغاربة والتوانسة

تجاز الفيز يجيبونهم بدون شغل، لجنة حقوق الانسان ما تسو لهم شيء، تقولهم روحوا ارفعوا دعاوى قضائية. عاد تعال لين ما ينعرض على المحكمة، الريال تحصله ينام في المسجد ويطر عشان ياكل.

هذا اتجار بالبشر ويا ليت تطبق اشد العقوبات بحق الشركات اللي تجيبهم

[ساراام]

الحق مب عليهم

الحق على اللي يجيبهم ومايضمن لهم شغل

انا جاني واحد يقول انه زراع وانا ادري انه ماله شغل بالزراعه اصلا

اخر شي طلع بتاع كلوو هههههه

[معماري قطري]

انا مرت علي عشرات من هذيلا، خاصة المغاربة والتوانسة

تجاز الفيز يجيبونهم بدون شغل، لجنة حقوق الانسان ما تسو لهم شيء، تقولهم روحوا ارفعوا دعاوى قضائية. عاد تعال لين ما ينعرض على المحكمة، الريال تحصله ينام في المسجد ويطر عشان ياكل.

هذا اتجار بالبشر ويا ليت تطبق اشد العقوبات بحق الشركات اللي تجيبهم

كان مغربي هذا ولو آسيوي ووراه سفارة تتابع كان حصلت حقه طلع بالكامل

بعد حتى ما نظلم أصحاب العمل بعضهم يجون سياحة ويدورون شغل خلال أيام السياحة القليلة أو الترانزيت

[معماري قطري]

الحق مب عليهم

الحق على اللي يجيبهم ومايضمن لهم شغل

انا جاني واحد يقول انه زراع وانا ادري انه ماله شغل بالزراعه اصلا

اخر شي طلع بتاع كلوو هههههه

لو سووا ترخيص لكل مهنة وقوانين صعب تجاوزها ووعي عند المواطن بحيث يدقق في ترخيصه محد بيجي يدور شغل الا ضامن إنه قادر يسوي الشغل صح ووضعه قانوني

[بوخالد911]

معظمهم انضحك عليهم !!!

ونأمل من الجهة المعنية التصدي لهم بكل حزم

وكذلك التصدي ( لتجار التأشيرات )

[راعي ال VXR]

لو مب محتاج ما جا وطلب
انا اقووله تبشر بطلبك وبين اخوانك باخذ اوراقه وعندي ربع عندهم شركات وبعطيهم اوراقك يشغلونك سايق مندوب مراسل زرراع او اي شي ..
وصارت معي كثير وتم توظيفهم برواتب بسيطه 2000 الى 3000 ريال وتعدلت اوضاعهم
ونفس الوقت اخذت اجر تفريج كربة اخووك المسلم ما نعلم وش ظررووووفه
بدل ما تروووح هالميزانيات الضخمه للكافر اللي يصرفه على الزنا والمحرمات والخمر وتاخذ لك سيئات وذنوب
ليش ما تروووح لاخووك المسلم يصرف يمكن ورراه اب او ام مريضه كبير في السن ... وتاخذ لك صدقه واجر من الله ...

[mr. abdulla]

اخوي بوسعود تلخبطت .. الموضوع عن العمالة السائبة او الأجانب و رواتبهم العالية... ؟

اذا عن العمالة .. بعضهم فعلا مساكين ... تحصله راهن بيته او املاكة عشان يحصل فرصة للعمل في قطر ... كثير منهم جاين على وعود و لكن للأسف ينصدم ان لا في شغل له و لا عنده فلوس يرد بلادة..

[<اضرب واشرد>]

3 من تونس، شباب يدورون شغل، اللي كلمني منهم كان متردد وخايف أني أبلّغ، .. ما فهمت على لهجته، بس اللي استوعبته أن كفيلهم هادهم .. ومخططين يقدمون على الدفاع المدني / لخويا ..
وأنّ وقتهم ضيق كذا أسبوع وتنتهي الفيزا .. لازم يتوظفون وينقلون الكفالة، وأنّ كل واحد منهم بايع غنمه / متسلف في بلاده ما يعادل 10 آلاف ريال

عطيت كل واحد 2000 وقلت لهم هذي من الزكاة، أول ما تتوظفون ردوها، وإن ما توظفتوا وسافرتوا حلالكم.
حاول يطلع منّي أكثر (أمي مريضة ..إلخ)
حسيت أنه يائس من التوظيف ويبي يجمّع فلوس بأسرع وقت، كل ما أقترح عليه شيء يغير الموضوع إلى: أمي مريضة تكفى زيدني ..
مثل هالناس ممكن يرتكبون جرائم سرقة. مغبون من كفيلة، خسران ومديون، مضغوط نفسيا، أيام قليلة ويسافر ............ خطر على الجميع!

بعد أسبوعين تقريبا رجعوا تونس .. يتصل لي من هناك ويتصل .. ما رديت

الله يعينهم، ولا يعين المتسبب في هذي الفوضى

[يمامـة]

المصيبة وام المصايب في أصحاب الكروش الكبيرة اللي بتنفجر من الفلوس
ومع هذا يستغلون تهاون القانون معاهم ويشحنون هالمساكين للبلاد بحجة فرض عمل خرافية..
ويستدين الواحد منهم ويرهن بيته او يبيع ارضه.. واخرتها اييبونه عامل نظافة او من غير عمل لجهات
عمل مب محتاجينه او بهدف تسريحه في البلاد يترزق ويكد عليهم نظير تواجده فيها..

حسبنا الله ونعم الوكيل فيهم وفي كروشهم..

[nooora]

لو مب محتاج ما جا وطلب
انا اقووله تبشر بطلبك وبين اخوانك باخذ اوراقه وعندي ربع عندهم شركات وبعطيهم اوراقك يشغلونك سايق مندوب مراسل زرراع او اي شي ..
وصارت معي كثير وتم توظيفهم برواتب بسيطه 2000 الى 3000 ريال وتعدلت اوضاعهم
ونفس الوقت اخذت اجر تفريج كربة اخووك المسلم ما نعلم وش ظررووووفه
بدل ما تروووح هالميزانيات الضخمه للكافر اللي يصرفه على الزنا والمحرمات والخمر وتاخذ لك سيئات وذنوب
ليش ما تروووح لاخووك المسلم يصرف يمكن ورراه اب او ام مريضه كبير في السن ... وتاخذ لك صدقه واجر من الله ...

يزاك الله خير .. تصرف نبيل .. بعض الناس تنظر لهؤلاء نظرة انهم نصابين كذابين ... اذا الواحد ما يبي يخدم يقول كلمة طيبة على الاقل الله يهدينا جميعا

[معماري قطري]

3 من تونس، شباب يدورون شغل، اللي كلمني منهم كان متردد وخايف أني أبلّغ، .. ما فهمت على لهجته، بس اللي استوعبته أن كفيلهم هادهم .. ومخططين يقدمون على الدفاع المدني / لخويا ..
وأنّ وقتهم ضيق كذا أسبوع وتنتهي الفيزا .. لازم يتوظفون وينقلون الكفالة، وأنّ كل واحد منهم بايع غنمه / متسلف في بلاده ما يعادل 10 آلاف ريال

عطيت كل واحد 2000 وقلت لهم هذي من الزكاة، أول ما تتوظفون ردوها، وإن ما توظفتوا وسافرتوا حلالكم.
حاول يطلع منّي أكثر (أمي مريضة ..إلخ)
حسيت أنه يائس من التوظيف ويبي يجمّع فلوس بأسرع وقت، كل ما أقترح عليه شيء يغير الموضوع إلى: أمي مريضة تكفى زيدني ..
مثل هالناس ممكن يرتكبون جرائم سرقة. مغبون من كفيلة، خسران ومديون، مضغوط نفسيا، أيام قليلة ويسافر ............ خطر على الجميع!

بعد أسبوعين تقريبا رجعوا تونس .. يتصل لي من هناك ويتصل .. ما رديت

الله يعينهم، ولا يعين المتسبب في هذي الفوضى

أكيد يبغي يشكرك

بس القانون المفروض يتعدل قصدي قانون الفيزة كم يوم وفيزة الزيارة .. كثيرين يحصلون ثغرات وبعضهم يجون زيارة لربعهم في قطر ويتسولون .. بعضهم ممثلين بارعين ويقدرون يستعطفون الناس

ما دام زادت هذي المشاكل المفروض يتحركون الجهات المختصة لوضع حلول لها والا المشاكل الأمنية حتى بتزيد .. إستوت الهجرة لقطر أسهل من الهجرة لأُوروبا للكثيرين منهم

اللي يجي بكفالة قانونية الجهات المختصة تطلع حقه غصب من عيون كفيله وما قصرت الحكومة بمكتب شكاوي العمال .. هذيلا اسلوبهم غير قانوني وغلط صحيح توفرت أشغال بالقانون لبعض أقرباؤهم وأهلهم لكن اسلوبهم خطأ

[معماري قطري]

كم مرة يكلموني في العمل حتى اتوسط لتمديد زيارة شخص فوق ال 3 شهور .. كفاية قطر خلوها لأهلها واللي وضعه قانوني يراعي الخدمات الرخيصة وبيعالج حد من هله يعالجه في بلاده والزيارة احترموا ضوابطها

[معماري قطري]

المصيبة وام المصايب في أصحاب الكروش الكبيرة اللي بتنفجر من الفلوس
ومع هذا يستغلون تهاون القانون معاهم ويشحنون هالمساكين للبلاد بحجة فرض عمل خرافية..
ويستدين الواحد منهم ويرهن بيته او يبيع ارضه.. واخرتها اييبونه عامل نظافة او من غير عمل لجهات
عمل مب محتاجينه او بهدف تسريحه في البلاد يترزق ويكد عليهم نظير تواجده فيها..

حسبنا الله ونعم الوكيل فيهم وفي كروشهم..

هذا قبل ألحين القوانين صعبة وكثير أعاروا عمالهم أو سفروهم أو نقلوا كفالتهم

[مضارب دوسري]

الشركات الوهمية اللي نشاطها بيع تأشيرات ايجيبونهم ويرموهم في بحر الحياة الصعبة تاركين اهاليهم

المفروض ضربهم بيد من حديد بعد ما صوروا لهم ان الحياة هني مليئة بالكنوز

بيض الله وجهك

والكفيل اللي يجيب تاشيرات عن طريق بيع الفيز
يجب ان يعرف انهم الفلوس اللي قبضها منهم حرام
وان يأكل عياله حرام في حرام

[بوعلاوي]

اذكر في واحد مصري كلمني جا عن طريق شركه اشترى عن طريقهم التاشيره وقالوا دور شغل
لما حصل لازم ينقل كفالته ، تفاجا مشتكين عليه هروب ، قالوا له اذا تبي تنقل كفالتك ادفع 10000 ريال مقابل نتنازل عن الشكوى

[fmmja]

افتحوا مزاد قطر وشوفوا تجارة الفيز
عرض وطلب عيني عينك
ولاحد قالهم شي*
وغير البلاوي وصور الحريم بلباس خادش للحيا كاتبه ابحث عن عمل
وبلغت عن الاعلان وهددتهم اني راح اشتكي عند ال ict ولاحد عبرني

[وسمي2016]

وازيد على كلامك من ها الشركات يجيب من 50 الى 100 ويقولون لهم دور عن عمل بس كل شهر تدفع لي مثلا 500 ريال هذا شرط انه يطلق سراحه في مشوار البحث عن عمل

لو قلنا 500 نضربها في 50 = 25000 ريال بالشهر قي 100 =50000 ريال بالشهر وهو جالس صاحب ها الشركه الوهميه
شي مربح لهولاء اللي خربو حتى اقتصاد البلد

ا
المتاجره برؤوس البشر حرام قبل القانون من الشرع

لا يجوز,,,,, ومع الاسف اصبحت ظاهره مانتمنى نشوفها
لا في بلادنا ولا عند غيرنا,,,,,,,,اللهم سترك والعافيه