هذا شافوه علي .. ماقدر ألبسه مرة ثانية

[الحياة الخالدة]

السلام عليكم ورحمة الله وبركاته
صبحكم الله بالخير

معليش يسمحون لي خواتي هالمرة .. لكنه الواقع

نشتري البدلة أو الفستان أو غيرهم من الملابس بأغلى الأثمان .. ونلبسهم عقب نعلقهم في الخزانة ( الكبت )
ونشتري غيرهم وغيرهم وغيرهم ..
لكل مناسبة لبسة مختلفة .. وستايل مختلف
هذا عشا .. وهاذي حفلة تخرج .. هذا عرس .. وهاذي ليلة حنة
هاذي يمعة بنات عادية .. وهذا للشوفة الشرعية
والكثير الكثير من المناسبات .. الله يكثر أفراحنا ومناسباتنا السعيدة

لكن

تتجمع الملابس .. ويبتدي الكبت يشتكي من اللي فيه .. ويصير على وشك الانفجار
وحزة الحزة .. نيي ندور حق المناسبة الفلانية
ويجينا الجواب التلقائي : هذا شافوه علي .. شلون ألبسه ؟؟!!

يعني بعض الملابس لبسة مرة وحدة بس .. وما تتكرر مع أنها كانت غالية ( بالآلاف )

مادري .. كلامي صح .. والا أنا قاعدة أبالغ ؟؟

[معماري قطري]

يا حي الأجانب وبعض الحريم الفاهمات واللي تزين الفستان

أما اللي حاطه نفسها تتابع الكل الا هذي شايفة عليها الفستان من 10 سنين أو هذا كان عندي تكون مشكلة ثانية

[JN000N]

اي عادي كيفها خل تتدلع :shy:

[بومحمد المطاوعه]

اي عادي كيفها خل تتدلع :shy:

فلووووووووووووووس

ماشاءالله

[الحياة الخالدة]

يا حي الأجانب وبعض الحريم الفاهمات واللي تزين الفستان

أما اللي حاطه نفسها تتابع الكل الا هذي شايفة عليها الفستان من 10 سنين أو هذا كان عندي تكون مشكلة ثانية
والله شقول لك يا بوعبدالله
بعض الاجنبيات تيود ثيابها من يوم كانت تحبي
لو عليها چان لبستهم في عرسها
والمشكلة مب في اللي شايفينه عليها من 10 سنين .. قول هذا تغير مقاسه ومتنت عليه .. والا راحت موضته والا كشف لونه
المشكلة في اللي توه ما صار له شهر ولا حتى اسبوع
لابسته وشافوه علي .. شلون بلبسه ويشوفونه نفس الاشخاص لأنهم نفس المعازيم

[JN000N]

فلووووووووووووووس

ماشاءالله

قل اعوذ برب الفلق

مب انا
هذي الي مؤخرها عشر ملايين ههههه

[الحياة الخالدة]

اي عادي كيفها خل تتدلع :shy:

يعني ما يصير تتدلع بنفس الملابس
خافو ربكم .. ترا النعمة زوالة

[JN000N]

يعني ما يصير تتدلع بنفس الملابس
خافو ربكم .. ترا النعمة زوالة

زين عادي بتتبرع حق حد يبي ثياب كشخه

[بانغ بانغ]

متفرج من فوق البلكونة + تركش كوفي + بسكوت مالح + بيض مفيوح

وقت الضرب بدرعم

موضوع حساس ولكم في الصحابيات عليهن الرضوان خير مثال

[ضوى]

عسى ماشر الحياةالخالدة ؟

يعني شنو نلبس نفس اللبسة حق كذا عرس ؟ ونفس المعازيم ونفس الاهل ؟؟ اشدعوة ؟

معليه لو ناس غرب ماشافوه معليه بس ناس شايفين احس مب شي كلش

وبعدين ماشي ينقط يتوزع نتبرع فيه في ناس تستفيد منه يعني اهم شي مايتكدس في الكبت

[الحياة الخالدة]

زين عادي بتتبرع حق حد يبي ثياب كشخه

اهاااااا .. يزاج الله خير

[الحياة الخالدة]

متفرج من فوق البلكونة + تركش كوفي + بسكوت مالح + بيض مفيوح

وقت الضرب بدرعم

موضوع حساس ولكم في الصحابيات عليهن الرضوان خير مثال

لا تخاف .. دش عادي .. مافي ضرب
يا ليت عقب ما تخلص وجبتك العجيبة تسرد لنا بعض من نهج الصحابيات رضوان الله عليهن بهذا الخصوص

[الحياة الخالدة]

عسى ماشر الحياةالخالدة ؟

يعني شنو نلبس نفس اللبسة حق كذا عرس ؟ ونفس المعازيم ونفس الاهل ؟؟ اشدعوة ؟

معليه لو ناس غرب ماشافوه معليه بس ناس شايفين احس مب شي كلش

وبعدين ماشي ينقط يتوزع نتبرع فيه في ناس تستفيد منه يعني اهم شي مايتكدس في الكبت

يا ضوى .. أعراس الأهل ومناسباتهم ما شاء الله وايد ( الله يزيد ويبارك ) .. على عدد الأولاد والبنات الله يحفظهم
معقولة حق كل عرس لبسة غير ؟؟!! الله يعين اللي يصرف بس
بس اذا تتوزع أول بأول .. وما تتخزن ولا تروح خسارة .. أهون

[معماري قطري]

متفرج من فوق البلكونة + تركش كوفي + بسكوت مالح + بيض مفيوح

وقت الضرب بدرعم

موضوع حساس ولكم في الصحابيات عليهن الرضوان خير مثال

ما يفيد يا بانغ بعضهم يبون غرف كاملة حق ملابسهم وانا الفقير المسكين افتخر ببعض القطع اللي عندي من أيام الدراسة 27 سنة تقريباً

[معماري قطري]

لا تخاف .. دش عادي .. مافي ضرب
يا ليت عقب ما تخلص وجبتك العجيبة تسرد لنا بعض من نهج الصحابيات رضوان الله عليهن بهذا الخصوص

توني انتبه حق الخلطة العجيبة لا شعورياً ضحكت قوة

ما ادري ليش احس إن بانغ مسوي دايت

[JN000N]

شدعوه معماري ماتغير مقاسك

[بانغ بانغ]

شدعوه معماري ماتغير مقاسك

هههههههههههههههههههههههههههه راحت عليك بوعبدالله

[عاشق العديد]

الكبت الي فغرفتي ع وشك الانفجار معنه عندي قسم واحد لي بس والباقي ماعرف لمن . :)

[aloosh]

هذا ياتي في الاسراف والمشكله بعض الناس قامت تخاف من البشر اكثر من خلقهم
والله سبحانه وتعالى نهنا عن الاسراف وانقاق المال الذي ليس في محله

اذا بتبع الناس مصيري لتهلكه

وحتى لو عندها مال قارون الاسراف منهي عنه

[مستـريــح البـــال]

متفرج من فوق البلكونة + تركش كوفي + بسكوت مالح + بيض مفيوح

وقت الضرب بدرعم

موضوع حساس ولكم في الصحابيات عليهن الرضوان خير مثال

ازحم لي يالذيب ، كرسيي معاي ،، وكوبي بعد معاي ،، والسعه في القلوب . .

بس عندي تعقيب بسيط ،، من عنده الله يزيده ، ومن ما عنده الله يرزقه ، وما انكر ان احنا نالنا من الراش جانب . .

ولكن لو بحسبه بسيطه بس ،، إذا كانت المناسبات مثل ما ذكرتي اختي الحياة :

(عشا .. وهاذي حفلة تخرج .. هذا عرس .. وهاذي ليلة حنة .. هاذي يمعة بنات عادية .. وهذا للشوفة الشرعية .. والكثير الكثير من المناسبات .. )

يعني بمعدل مناسبتين في الشهر : 2 في 12 = 24

نقول الفستان او اللبسه بمعدل (5000 ريال) ،، تطلع الحسبة في السنه : 5000 في 24 = 120,000 الف ريال قطري ..

غير الملحقات للتعديلات للمناسبه ( جوتي عز الله القاري ، والباقي من التعديلات ....)

الهدف من ردي وضع ارقام لا غير ،، قد تكون قليله عند البعض ، والبعض قد تكون عندهم كثيره ..

ولكن السؤال المهم : الضمير وضعه !! إذا مرتاح ، وهالصرفيه ما تأثر على الحياة العامه ،، فملبوس العافيه ..

واذا تسلف ودين ،، وكرف طول السنه علشان هالمناسبات فـ السالفه يبيلها كنترول . .

وفي النهايه ،، اللهم إنا نسألك دوام النعم ،، وياكثر من تغير بهم الحال ، من بذخ فأصبحوا يتمنون اللقمه . .

[بانغ بانغ]

تذكرت موقف مادري نكتة

وحدة مغرورة كانت لابسة فستان خطير ... اثناء لحظة المناسبة في الفرح او الحفلة شافوها صديقاتها ميتة قهر ومنخشة

لانها شافت ام المعرس لابسة نفس الشي


سبحان الله الغرور والبذخ والحسد هم من ضيع الأمة

[معماري قطري]

شدعوه معماري ماتغير مقاسك

شوفي اختي بعض الملابس وسعتها وأكثرها بنطلونات جنز أما الفانيلات وسيعة من الأساس .. عندي فانيلة هههههه طاير اللون

[معماري قطري]

هههههههههههههههههههههههههههه راحت عليك بوعبدالله

يمكن بعضكم يذكر رحلتي حق ميامي وجامعة ميامي وحطيت صور وذكرت اني بالصدفة كنت لابس ملابس قديمة أيام ما كنت طالب هناك .. صورت صورة شخصية لي هناك بس ما تجرأت احطها

[بانغ بانغ]

بوعبدالله التواضع زين

اتذكر قبل فانيلة ام بقر ( الدرزن بريالين ) ... اتم سنة .. بس بعض اطرافها تنشق وتبدأ مرحلة جديدة في المطبخ وعقب لغسيل السيارة

يعني عادي اتم عشر سنوات

[الحياة الخالدة]

الكبت الي فغرفتي ع وشك الانفجار معنه عندي قسم واحد لي بس والباقي ماعرف لمن . :)

اذا كان وضعك مثل وضع أخوي معاي في البيت .. فأتوقع إنه حصل عندك غزو استعماري حميد
وحاسب على نفسك .. لا تصحى في يوم وتلقى حتى القسم اليتيم اللي يخصك تم الاستيلاء عليه

[ولد العرب]

عسى ماشر الحياةالخالدة ؟

يعني شنو نلبس نفس اللبسة حق كذا عرس ؟ ونفس المعازيم ونفس الاهل ؟؟ اشدعوة ؟

معليه لو ناس غرب ماشافوه معليه بس ناس شايفين احس مب شي كلش

وبعدين ماشي ينقط يتوزع نتبرع فيه في ناس تستفيد منه يعني اهم شي مايتكدس في الكبت
كلام ضوى نفس كلام ام عيالي :) يعني تلبسه في عرس كويت وعادي عرس السعوديه وقطر وعرس ناس ماتعرفهم معزومه يا مع امي ولا اختي

[الحياة الخالدة]

هذا ياتي في الاسراف والمشكله بعض الناس قامت تخاف من البشر اكثر من خلقهم
والله سبحانه وتعالى نهنا عن الاسراف وانقاق المال الذي ليس في محله

اذا بتبع الناس مصيري لتهلكه

وحتى لو عندها مال قارون الاسراف منهي عنه

صحيح .. هذا يعتبر إسراف .. الله يغفر لنا ولكم
جزاك الله خير

[ولد العرب]

اذا كان وضعك مثل وضع أخوي معاي في البيت .. فأتوقع إنه حصل عندك غزو استعماري حميد
وحاسب على نفسك .. لا تصحى في يوم وتلقى حتى القسم اليتيم اللي يخصك تم الاستيلاء عليه

هههههههههههههههههههههههههههههههههههههههههههههههههه

اللي يرحم ايام زمان قد صارت ثيابي كلها بالمجلس ومقلط :(

[عاشق العديد]

اذا كان وضعك مثل وضع أخوي معاي في البيت .. فأتوقع إنه حصل عندك غزو استعماري حميد
وحاسب على نفسك .. لا تصحى في يوم وتلقى حتى القسم اليتيم اللي يخصك تم الاستيلاء عليه

نفسسسس حالتهههه لازم نلاقي حلول انا وياه

[naklan]

كلام اختي الحياة الخالدة صحيح وواقعي والاسراف
غير صحي حتى للمقتدرين ( ولتسالن يوم إذن عن النعيم ) قبل كم
سنة كنت في الفلبين راد من استراليا وعزمني احدهم لي معرفة
معه على عرسه في احد الفنادق سالته عن الملابس قال احنا ما نشتري
ملابس للعرس كلها اجار من محلات متخصصة وحتى الحضور من رجال
ونساء ملابسهم ماجرينها ليوم واحد وانتهى يقول تخلص مناسبتك
وما تزحم عليك اغراض لن تستعملها لاحقا لذالك فكرة محلات
تعمل ملابس للاجار لمناسبات الزفاف بتكون حلوه
500 تاجرينه ليوم وتحذفينه وبلا اسراف

تحياتي للجميع
ولاختي الحياة الخالدة صاحبت الموظوع
الجريئ والجديد :eek5:

[بومحمد المطاوعه]

وعليكم السلام ورحمه الله وبركاته ,,

صبحج الله بالنور اختي

والله يا اختي الحياة الي قلتيه صحيح ,,

ليش الواحد يقول مافي هالشي
الا موجود هالشي للاسف ,,

وفي ناس تحاول تلبسه مرتين ثلاث بس في عزائم اخرى
يعني ماتلبس الفستان او الملابس للمكان مره ثانيه
سواء عرس ولا عزيمه ولا اي مناسبه

بتقول خلاص شافوووه


يازين ثيابنا ههههههههه
نلبسه مليون مره ولا حد يدري :ok:

قواج الله على الموضوع الطيب
واتمنى محد يخمر الملابس فالكبت
يتبرعون فيه ابرك
سواء للفقراء خارج الدوله او للناس الي على قد حالهم هني في قطر

والله يكتب لنا ولكم الخير ويبعد عنا وعنكم الفسق

[بومحمد المطاوعه]

قل اعوذ برب الفلق

مب انا
هذي الي مؤخرها عشر ملايين ههههه

ههههههههه
ماشاءالله

حنينا من حناج
تبارك الله فلوولولولولولوس:secret:

[النهار]

شدعوه معماري ماتغير مقاسك

ههههههههههههههههههه

انا مفصل ثوب من 10 سنوات كان منخش بين ثايب الحرمه لان المنطقه كانت لي جاها زحف واندفن الثوب
اغسلوه وانظرب اوتي القياس مضبووووط هههههههههههههههههه

[naklan]

ياويل الحريم مني لو عندي سلطة كنت
بالبسهم لَبْس موحد مثل الجيش لَبْس واحد للمناسبات
وبافكهم من الاحراج والاموال الطائلة الي ترمى
بتروح للمحتاجين من إخوانا ضحايا
الحروب والكوارث

[بومحمد المطاوعه]

ههههههههههههههههههه

انا مفصل ثوب من 10 سنوات كان منخش بين ثايب الحرمه لان المنطقه كانت لي جاها زحف واندفن الثوب
اغسلوه وانظرب اوتي القياس مضبووووط هههههههههههههههههه

ههههههههههههههههههههههههههه

شيسوي في كبت الحرمه
ههههههههههه

لزوم نبلغ الشيخ بالسالفه

[JN000N]

ههههههههههههههههههه

انا مفصل ثوب من 10 سنوات كان منخش بين ثايب الحرمه لان المنطقه كانت لي جاها زحف واندفن الثوب
اغسلوه وانظرب اوتي القياس مضبووووط هههههههههههههههههه

انت ما تستوي
معصقل جنك عود جبريت
بس معماري متن
هههههههههه

[معماري قطري]

انت ما تستوي
معصقل جنك عود جبريت
بس معماري متن
هههههههههه

كاشفتني صج أولت العام في ألمانيا وايد ثياب طلعوا ضيقين علي وبديت أغير بس التراثي باخليه باسوي دايت وبارجع البسه مرة ثانية

[Rider]

السلام عليكم ورحمة الله وبركاته
صبحكم الله بالخير

معليش يسمحون لي خواتي هالمرة .. لكنه الواقع

نشتري البدلة أو الفستان أو غيرهم من الملابس بأغلى الأثمان .. ونلبسهم عقب نعلقهم في الخزانة ( الكبت )
ونشتري غيرهم وغيرهم وغيرهم ..
لكل مناسبة لبسة مختلفة .. وستايل مختلف
هذا عشا .. وهاذي حفلة تخرج .. هذا عرس .. وهاذي ليلة حنة
هاذي يمعة بنات عادية .. وهذا للشوفة الشرعية
والكثير الكثير من المناسبات .. الله يكثر أفراحنا ومناسباتنا السعيدة

لكن

تتجمع الملابس .. ويبتدي الكبت يشتكي من اللي فيه .. ويصير على وشك الانفجار
وحزة الحزة .. نيي ندور حق المناسبة الفلانية
ويجينا الجواب التلقائي : هذا شافوه علي .. شلون ألبسه ؟؟!!

يعني بعض الملابس لبسة مرة وحدة بس .. وما تتكرر مع أنها كانت غالية ( بالآلاف )

مادري .. كلامي صح .. والا أنا قاعدة أبالغ ؟؟

بصراحة موضوع مميز من إنسانه مميزه في الطرح وكلامك واقعي 100% ومابي ازيد التعليق علشان لحد يزعل يكفي الموضوع طرحته اخت يعني لو واحد كان راحت عليه

[هيليوم]

موضوع طريف ;)

في الأخير الحريم لازم بيعقرون في بعضهم فالوحدة تشتري راحة بالها وتخلي فلوسها جيبها ابرك لها وتلبس اللي يعجبها وبينتهي الموضوع على كذا ، هي صعبة في البداية بس بعدين خلاص الموضوع بيصير عادي


https://www.youtube.com/watch?v=uOCh0_LTHqI

[بوخالد911]

عقول البعض في ( إجازة ) !!

والواجب يحتم عليهن أن يكن معتدلات ، لا إسراف ولا تبذير

والبعض - القلة القليلة - يتبرعن بالملابس للمحتاجين من باب الصدقة.
بورك فيهن.

[الحياة الخالدة]

ازحم لي يالذيب ، كرسيي معاي ،، وكوبي بعد معاي ،، والسعه في القلوب . .

بس عندي تعقيب بسيط ،، من عنده الله يزيده ، ومن ما عنده الله يرزقه ، وما انكر ان احنا نالنا من الراش جانب . .

ولكن لو بحسبه بسيطه بس ،، إذا كانت المناسبات مثل ما ذكرتي اختي الحياة :

(عشا .. وهاذي حفلة تخرج .. هذا عرس .. وهاذي ليلة حنة .. هاذي يمعة بنات عادية .. وهذا للشوفة الشرعية .. والكثير الكثير من المناسبات .. )

يعني بمعدل مناسبتين في الشهر : 2 في 12 = 24

نقول الفستان او اللبسه بمعدل (5000 ريال) ،، تطلع الحسبة في السنه : 5000 في 24 = 120,000 الف ريال قطري ..

غير الملحقات للتعديلات للمناسبه ( جوتي عز الله القاري ، والباقي من التعديلات ....)

الهدف من ردي وضع ارقام لا غير ،، قد تكون قليله عند البعض ، والبعض قد تكون عندهم كثيره ..

ولكن السؤال المهم : الضمير وضعه !! إذا مرتاح ، وهالصرفيه ما تأثر على الحياة العامه ،، فملبوس العافيه ..

واذا تسلف ودين ،، وكرف طول السنه علشان هالمناسبات فـ السالفه يبيلها كنترول . .

وفي النهايه ،، اللهم إنا نسألك دوام النعم ،، وياكثر من تغير بهم الحال ، من بذخ فأصبحوا يتمنون اللقمه . .

صحيح أخوي مستريح البال
ونفس ما قلت .. الملابس وتوابعها .. وحتى الاكسسوارات أو المجوهرات اللي تنلبس .. البعض ما يحب تكرارها
أغلبنا ابتلي بهالنوع من الإسراف ( ولا ننزه أنفسنا )
اللهم إنا نعوذ بك من زوال نعمتك

[الحياة الخالدة]

تذكرت موقف مادري نكتة

وحدة مغرورة كانت لابسة فستان خطير ... اثناء لحظة المناسبة في الفرح او الحفلة شافوها صديقاتها ميتة قهر ومنخشة

لانها شافت ام المعرس لابسة نفس الشي


سبحان الله الغرور والبذخ والحسد هم من ضيع الأمة

هالموقف قريته في أحد المواقع الالكترونية
الله لا يبلانا

[معماري قطري]

انا لو ثوبي تعفس البس جديد

أشكرة صبغ رخيص مب صح؟

[يمامـة]

ضد هالتصرف.. وخاااصة لو المناسبات تتكرر..

احنا بشكل عام في دولة صغيرة.. بمعنى اليوم اعزمتني جارتنا على عرس بنتهم
وعقب أسبوع اعزمتني جارة اختي في الشمال على عرس ولدها..

مستحيل ادخل العرس ما احصل بعض من المعازيم متكررين في العرسين..
فمن جذيه ما يصير نسوي حساب للناس في ملابسنا..

الملابس اليديدة او الفساتين اليديدة لو ابتعدت المناسبات.... لكن اللهم زد وبارك
عرس ورى عرس وحفلة ورى حفلة.. التنويع وإعادة جدولة تبديل الملابس وعدم تكرارها ورى بعض
امر مهم للوحدة نفسها ولمظهرها في أي مناسبة تحضرها..

والبنات حولنا يتبادلون الملابس والاكسسوارات وشخصيا اشجعهم على هالشي والكل يشجعهم من حولي..

[حمد 2002]

عادي وش المشكله فلوسها وكيفها !! ، مدام عندها فلوس وتلبس ملابس ذات مستوى مادي غير مبالغ فيه خلها تلبس الي تبي وبكل مناسبه فستان ولباس غير عن المناسبه الي غيرها ،

ان شاء الله عندها 20 مناسبه بالسنه هي حره بفلوسها !! ، وترى مب كل الفساتين ب الاف وغاليه فيه فساتين ب 400 ريال و 500 ريال !! ، وهالسعر الحين فيه شباب = رجال ايفصلون ثوب واحد بهالمبلغ !! ،،

الخلاصه كلن حرن بماله واذا ناس تبالغ وتصرف مبالغ ذات طائل مادي على فستان واحد ماله داعي التعميم ونعتبرها ظاهره !! .


تــحياتي ..

[الحياة الخالدة]

هههههههههههههههههههههههههههههههههههههههههههههههههه

اللي يرحم ايام زمان قد صارت ثيابي كلها بالمجلس ومقلط :(
هو الغزو والإزاحة يصيرون تدريجياً من غير إشعار الطرف الآخر

[الدوحه1]

اليوم في برنامج "وطني الحبيب" واحد متصل ويشتكي من انتشار ظاهرة الديون الكبيره على الشباب/الشابات واللي أعمارهم ماتجاوزت ال 25 سنه؟؟

يقول انه يعرف شباب أعمارهم تحت ال 25 سنه وعليهم ديون فوق ال 800 الف ريال؟؟؟؟

وعلى كلامه ان الديون انصرفت على "الكماليات"!!!!!

[الحياة الخالدة]

كلام اختي الحياة الخالدة صحيح وواقعي والاسراف
غير صحي حتى للمقتدرين ( ولتسالن يوم إذن عن النعيم ) قبل كم
سنة كنت في الفلبين راد من استراليا وعزمني احدهم لي معرفة
معه على عرسه في احد الفنادق سالته عن الملابس قال احنا ما نشتري
ملابس للعرس كلها اجار من محلات متخصصة وحتى الحضور من رجال
ونساء ملابسهم ماجرينها ليوم واحد وانتهى يقول تخلص مناسبتك
وما تزحم عليك اغراض لن تستعملها لاحقا لذالك فكرة محلات
تعمل ملابس للاجار لمناسبات الزفاف بتكون حلوه
500 تاجرينه ليوم وتحذفينه وبلا اسراف

تحياتي للجميع
ولاختي الحياة الخالدة صاحبت الموظوع
الجريئ والجديد :eek5:

جزاك الله خير أخوي نكلان
بس تصحيح للآية الكريمة : ( ثم لتسألن يومئذٍ عن النعيم )
فكرة الإيجار حلوة خصوصاً للمناسبات اللي ما راح تتكرر وفي نفس الوقت تستدعي ان اللبس يكون غالي
لكن كم نسبة اللي يطبق فينا هالشي ؟؟
أنا عن نفسي ما قط سويتها .. لكن من يدري مع تغير الظروف كل شي ممكن يصير

[بومحمد المطاوعه]

انت ما تستوي
معصقل جنك عود جبريت
بس معماري متن
هههههههههه

خخخخخخخ

يحليله معماري
عوافي ان شاءالله

[Abdulraman]

فعلا احراج اذا حضرت عرس وشفت شخص لابس ثوب وغتره مثلي :)

[معماري قطري]

جزاك الله خير أخوي نكلان
بس تصحيح للآية الكريمة : ( ثم لتسألن يومئذٍ عن النعيم )
فكرة الإيجار حلوة خصوصاً للمناسبات اللي ما راح تتكرر وفي نفس الوقت تستدعي ان اللبس يكون غالي
لكن كم نسبة اللي يطبق فينا هالشي ؟؟
أنا عن نفسي ما قط سويتها .. لكن من يدري مع تغير الظروف كل شي ممكن يصير

كانوا الشباب في أمريكا يأجرون بدل حق التخرج وفيه محلات منتشرة خاصة بها .. اللي يسمونها تآكسيدوا وبعض الأمريكان يأجرونها للمناسبات حتى للزواج والكل يدري ومستوية عادة متعارف عليها لأن لبسه لها بيكون قليل جداً

انا صورت صورة عادية بدون بدلة وبدون تكلف وبدون حتى أجار ورفضت لبس الروب مالهم لأنه حق أحبار اليهود وكان تقليد عالمي تتبعه حتى دولنا الاسلامية وقطر قبل تتبعه وتغير للبشت والغترة والعقال

[معماري قطري]

خخخخخخخ

يحليله معماري
عوافي ان شاءالله

ما تغير وزني صج الا من سنتين والا قبل شبه ثابت .. ألحين بدأ ينزل بس جدامي 10 كيلو نزول بعد واتمنى حتى 15

[معماري قطري]

اليوم في برنامج "وطني الحبيب" واحد متصل ويشتكي من انتشار ظاهرة الديون الكبيره على الشباب/الشابات واللي أعمارهم ماتجاوزت ال 25 سنه؟؟

يقول انه يعرف شباب أعمارهم تحت ال 25 سنه وعليهم ديون فوق ال 800 الف ريال؟؟؟؟

وعلى كلامه ان الديون انصرفت على "الكماليات"!!!!!





ما حصلوا توجيه جيد وللأسف بعضهم يحسبون قطعة ملابس بتزيدهم كثير

مرة شفت ممرض لابس أبيض ورش رذاذ البنسلين اللي أصلاً أبيض على ملابسه بالغلط ومتضايق يراوي رفيجه يقول له شوف يبين؟ منحرج استغربت منه لهالدرجة يدقق

[التاجرالصغير]

هذي الجملة اللي فقرت بعض العوايل..

[بومحمد المطاوعه]

ما تغير وزني صج الا من سنتين والا قبل شبه ثابت .. ألحين بدأ ينزل بس جدامي 10 كيلو نزول بعد واتمنى حتى 15

الله يرزقك على قد نيتك يارب
وتنزل في الوزن

[أم محمد 90]

البنت الذكية اللي تشتري القطعة وتنسقها بحيث تلبسها اكثر من 5 مرات (بخمس ستايلات مختلفة)

المسألة مساله ستايل وذوق لا اكثر

[نعيمه علي]

شافوه ولا ما شافوه
انا احب احلل اللبس اللي اشتريه
وطالما مقاسه للحين تمام ولو صار ضيق (طبعا ما بيصير وسيع) اوسعه عند الخياط وارجع البسه
عادي

.

[ولد العرب]

شافوه ولا ما شافوه
انا احب احلل اللبس اللي اشتريه
وطالما مقاسه للحين تمام ولو صار ضيق (طبعا ما بيصير وسيع) اوسعه عند الخياط وارجع البسه
عادي

.

:thumbup: كفوووووووووووووووووووووووووووووووووووووووو

[معماري قطري]

شافوه ولا ما شافوه
انا احب احلل اللبس اللي اشتريه
وطالما مقاسه للحين تمام ولو صار ضيق (طبعا ما بيصير وسيع) اوسعه عند الخياط وارجع البسه
عادي

.

وبعد انا كفوووو :app2:

[معماري قطري]

البنت الذكية اللي تشتري القطعة وتنسقها بحيث تلبسها اكثر من 5 مرات (بخمس ستايلات مختلفة)

المسألة مساله ستايل وذوق لا اكثر

بعد إنتي كفوو

:thumbup:

[شيخ الديرة]

فكرت افتح بزنس لتجارة ملابس نسائية ملبوسة مرة واحدة فقط

[شهاب5]

اتمنى الملابس اللي بالالاااف او مالبسو الا مره وحده على الاقل ماتنقط في زبال الله يكرمكم تتوزع للاسر المجتاجه او يرسلونها للفقراء في الخارج

[معماري قطري]

فكرت افتح بزنس لتجارة ملابس نسائية ملبوسة مرة واحدة فقط

مرة اقترحت ينحط محل في كل مول تابع لجهة خيرية يوزع الأشياء اللي الناس مب بحاجتها لأي محتاج .. مثل الألعاب والثياب والالكترونيات

[معماري قطري]

الواحد يروح يتسوق عادي ياخذ معاه فائض حاجته ويسلمه لهم وهم يرتبونه ويعرضونه حتى لو للبيع بسعر رمزي وبضوابط مثلاً اللي للعائلات يكون للعائلات واللي للأطفال لازم أطفاله معاه وصدقوني كثير محتاجين لهذي الخدمة

[الحياة الخالدة]

وعليكم السلام ورحمه الله وبركاته ,,
صبحج الله بالنور اختي
والله يا اختي الحياة الي قلتيه صحيح ,,
ليش الواحد يقول مافي هالشي
الا موجود هالشي للاسف ,,
وفي ناس تحاول تلبسه مرتين ثلاث بس في عزائم اخرى
يعني ماتلبس الفستان او الملابس للمكان مره ثانيه
سواء عرس ولا عزيمه ولا اي مناسبه
بتقول خلاص شافوووه
يازين ثيابنا ههههههههه
نلبسه مليون مره ولا حد يدري :ok:
قواج الله على الموضوع الطيب
واتمنى محد يخمر الملابس فالكبت
يتبرعون فيه ابرك
سواء للفقراء خارج الدوله او للناس الي على قد حالهم هني في قطر
والله يكتب لنا ولكم الخير ويبعد عنا وعنكم الفسق
هلا فيك أخوي بومحمد .. الله يصبحك بالخير
أعترف أن وضعكم أحسن منا احنا الحريم/النساء بوايد .. لكن لا تنسى أن انتو لو تلبسون الثوب أكثر من مرة محد بيلاحظ لو كان جديد أو قديم ( إلا لو كان لونه مصوفر من كثر اللبس والغسيل ههههههههه )
وطبعاً هذا مب عذر لنا .. لكني فقط أوضح الفرق بيننا وبينكم من هالناحية
وأنا كذلك أضم صوتي لصوتك .. وصوت كثير من الأعضاء/ العضوات اللي ضد تخزين الملابس .. ومع التبرع بها للمحتاجين
الله يبعد عنا صفة التبذير والإسراف .. اللهم آمين

[الحياة الخالدة]

ياويل الحريم مني لو عندي سلطة كنت
بالبسهم لَبْس موحد مثل الجيش لَبْس واحد للمناسبات
وبافكهم من الاحراج والاموال الطائلة الي ترمى
بتروح للمحتاجين من إخوانا ضحايا
الحروب والكوارث

عاد لبس موحد .. صعبة .. تبي تجلط نص الحريم هههههههههه
كفاية متحملين اللبس الموحد في المدارس وبعض جهات العمل
الأموال الطائلة التي تُرمى تراها مب كلها بسبة الحريم :anger3:

تحياتي لك أخوي نكلان

[الحياة الخالدة]

بصراحة موضوع مميز من إنسانه مميزه في الطرح وكلامك واقعي 100% ومابي ازيد التعليق علشان لحد يزعل يكفي الموضوع طرحته اخت يعني لو واحد كان راحت عليه

الله يجزاك خير أخوي رايدر .. ماعليك زود .. ولا يهونون بقية الأعضاء/العضوات
لا عادي علق .. لك الأمان ههههههههههههه
في بعض الأمور .. احنا معاكم قلباً وقالباً :secret:

[الحياة الخالدة]

موضوع طريف ;)

في الأخير الحريم لازم بيعقرون في بعضهم فالوحدة تشتري راحة بالها وتخلي فلوسها جيبها ابرك لها وتلبس اللي يعجبها وبينتهي الموضوع على كذا ، هي صعبة في البداية بس بعدين خلاص الموضوع بيصير عادي


https://www.youtube.com/watch?v=uOCh0_LTHqI

أشكرك أخوي هيليوم .. أنا حبيت أضفي على القسم بعضاً من روح الفكاهة ( مادري إذا هاذي اللي يسمونها الكوميديا السوداء ) من باب شر البلية ما يضحك :nice:
الحريم بيعلقون بيعلقون في كل الحالات .. سواء اللبس مكرر أو يلبس لأول مرة
بس نفس ما قلت .. كل وحدة تسوي اللي هي مقتنعة فيه .. ويرضي ضميرها

[م. عبدالعزيز]

وينكم عن حريم اول عيل

[نعيمه علي]

:thumbup: كفوووووووووووووووووووووووووووووووووووووووو

كفوك الطيب

[نعيمه علي]

وبعد انا كفوووو :app2:


شنو بناخذ من كلام الناس غير الخساير

[شيخ الديرة]

مرة اقترحت ينحط محل في كل مول تابع لجهة خيرية يوزع الأشياء اللي الناس مب بحاجتها لأي محتاج .. مثل الألعاب والثياب والالكترونيات

الجمعيات الخيرية تروح بنفسها وتاخذ اللي بعد ما ينلبس

محل بالمول ميفيد

[شبح الصمت]

يا زين قناعة النفس ...

[معماري قطري]

الجمعيات الخيرية تروح بنفسها وتاخذ اللي بعد ما ينلبس

محل بالمول ميفيد

الكلام عن الملابس الصالحة وبعضها اللي تسوى وجيدة والحاجات العينية الثانية مثل لعب الأطفال وعدة الطبخ والالكترونيات والكتب وحتى نقدر نقول الأثاث

كل هذي ينعمل لها ترتيب وتنظيف أو غسيل حتى تكون للبيع بسعر رمزي يناسب الكثيرين حولنا .. مب كل شيء يكدسونه الجمعيات الخيرية ويشيلونه برا