عندي مشكله في حمام الدور الثاني

[سهم صعب]

السلام عليكم
عندي مشكله في حمام الدور الثاني وقاعد اشتغل فيه
اللحين الحمام ثاني مره اكسر فيه يبقع سقف الصاله والبيبات ترطب الطوفه ويطيح الصبغ موب عارف وين المشكله
انا اللحين في مرحله العازل وباخذه من شركه نهاريا ان شاء الله
ابي نصايحكم بالاخطاء الي لازم اتجنبها وممكن رقم عامل شاطر يسوي تمديدات الحمام بشكل سليم اذا عندكم حد مشتغل تمديدات


ودمتم سالمين

[معماري قطري]

أكيد فيه تسريب في بايبات الماي .. بس حتى تتأكد خل يسوي لك برشر للماء اللي في البايب من فوق وشوف لو ينزل البرشر سرعة معناها تحتاج تغير البايبات

[سهم صعب]

المشكله يا معماري كل عامل يجيك يقولك انا حليت المشكله وتكلف وتعدل وترجع المشكله بعد سنه

[Fahad Alqahtani]

مثل ما قال لك معماري قطر بيبات الما.. وعندك بيبات المكيفات بعد تآكد منها.

[معماري قطري]

المشكله يا معماري كل عامل يجيك يقولك انا حليت المشكله وتكلف وتعدل وترجع المشكله بعد سنه

بعضهم فيهم خبث وبعضهم ما يعرفون يسوون الشغل صح وعيبنا قوانينا التنظيمية لهذي الشغلات ركيكة والا المفروض ترخيص ومحاسبة لو حد سوى شغله غلط أو حد سوى شغل مب مختص فيه .. المفروض يسوي شغله عن طريق شركة ووضع قانوني وبفاتورة ضمان تنحفظ ولو رجعت المشكلة مجال طلبه وحل المشكلة يكون سهل أو الشكوى عليه وتوثيقها يكون سهل وتكون فيه آلية لو ثبتت المشكلة عليه تنخصم فلوس تأمين يكون حاطها للترخيص .. ذيك الساعة بتحصل اللي يشتغلون خبرات والشركات ما تغامر أما تسوي الشغل صح وبناس صح أو يسكرون أفضل لهم

بتزيد الأسعار شوي بس العملية بتكون منظمة وتطوير الأعمال هذي بيتبع أُسلوب التدريب والتحديث المستمر لخبرات اللي يشتغلون

[ita(10)lia]

كانت عندي نفس المشكلة
واخر شي طلع ان فيه فراغ بين الطوفة والبلاط وكل مرة ينغسل فيه الحمام يتسرب الماي للطابق الارضي

[سهم صعب]

بعضهم فيهم خبث وبعضهم ما يعرفون يسوون الشغل صح وعيبنا قوانينا التنظيمية لهذي الشغلات ركيكة والا المفروض ترخيص ومحاسبة لو حد سوى شغله غلط أو حد سوى شغل مب مختص فيه .. المفروض يسوي شغله عن طريق شركة ووضع قانوني وبفاتورة ضمان تنحفظ ولو رجعت المشكلة مجال طلبه وحل المشكلة يكون سهل أو الشكوى عليه وتوثيقها يكون سهل وتكون فيه آلية لو ثبتت المشكلة عليه تنخصم فلوس تأمين يكون حاطها للترخيص .. ذيك الساعة بتحصل اللي يشتغلون خبرات والشركات ما تغامر أما تسوي الشغل صح وبناس صح أو يسكرون أفضل لهم

بتزيد الأسعار شوي بس العملية بتكون منظمة وتطوير الأعمال هذي بيتبع أُسلوب التدريب والتحديث المستمر لخبرات اللي يشتغلون




والله ياريت ياخذون بمشورتك اخوي معماري اكبر المشكله تواجه البنيان في قطر ان العمليه مافيها تراخيص للعمال اي واحد يقولك انا سباك ولا صباغ ولا نجار وتعال عاااد تحمل خساير شغلهم التعبان
هل عندك علم اذا في شركات ممكن تسوي شغل للافراد صيانه حمامات او تمديدات صرف صحي
و بالنسبه للجهاز اللي يجيك على برشر الماي هل في جهاز اتوماتيكي ولا يدوي الموضوع

[معماري قطري]

والله ياريت ياخذون بمشورتك اخوي معماري اكبر المشكله تواجه البنيان في قطر ان العمليه مافيها تراخيص للعمال اي واحد يقولك انا سباك ولا صباغ ولا نجار وتعال عاااد تحمل خساير شغلهم التعبان
هل عندك علم اذا في شركات ممكن تسوي شغل للافراد صيانه حمامات او تمديدات صرف صحي
و بالنسبه للجهاز اللي يجيك على برشر الماي هل في جهاز اتوماتيكي ولا يدوي الموضوع


يا اخوي طول ما فيه تساهل في العملية وخسارة مليارات حتى الحكومة متضررة .. والتنافس بين الملاك في الربح بأقل التكاليف طول ما القوانين متراخية والرقابة شبه معدومة واجراءات التقاضي ما تدري وين بدايتها ولا نهايتها .. السبب بسيط وهو المتنفذين والإداريين الكبار ما ينقلون صورة واضحة لأصحاب القرار .. وهالشيء صار لي سنين انادي به .. حتى معاهد تدريب صغيرة ما لها وجود وهذي بتفيد في تطبيق معايير تنفيذ شغلات بطريقة حديثة أسهل وأسرع وأرخص

الجهاز في الغالب يستعملون الضاغط اليدوي مثل البمب يضغط الماي في البيب بعد ما يفتحونه من فوق ويحطون عليه ساعة تقرأ قوة الضغط لفترة 3 أيام كافية ولو نزل الضغط بحدود حول 10% معناها فيه تسريب قليل أكثر معناها أكثر .. ما اذكر بالضبط كم بار ضغط الجهاز لازم يكون بس تسئل المورد أفضل لأن لكل نوع ضغط مسموح وأكثر ممكن يخترب عندك السيستم

نلاحظ التسريب في العادة لو البرشر بمب يشتغل أكثر الوقت حتى لو محد يستعمل الماء وخصوصاً آخر الليل .. هذا للنوعيات الرخيصة واللي تطلع صوت لكن النوعيات الكبيرة والقوية تشتغل بدون صوت وبهدوء هذي صعبة شوي ولازم تسوي الفحص في المكان المشكوك فيه

[سعود.]

فيه اجهزة تكشف مكان التسريب مدري وصلتنا هذة التقنية ولا للحين ،،،

[معماري قطري]

فيه اجهزة تكشف مكان التسريب مدري وصلتنا هذة التقنية ولا للحين ،،،

وضح أكثر .. التصوير الحراري يكشف بس ما ادري عن وجوده وأحياناً البعض يشكون إنه تسرب ولا يكون تسرب .. أما تكون رطوبة من أثناء التنفيذ انبنى عليها وبقت ترتفع في الطابوق وتخرب الصبغ أو يكون الصبغ سيء أو يكون فيه مسرب للرطوبة من البلاط وفجوات توصل الماء من الحمام للطابوق والطابوق اسفنجي في تكوينه ويشفط أي رطوبة قريبة وتنتقل من جهة لجهة ومن تحت لفوق

[سعود.]

http://koamleak.blogspot.qa/?m=1

تويتر فيه حسابات محلات سعودية للكشف عن التسريب الكتروني .
وفيه مقاطع باليوتيوب عنه .

https://youtu.be/SuLJGj19Hkg

اتمنى لو موجود في الدوحه !!!

[معماري قطري]

جهاز حديث وفعال اتوقع يكشف المكان بالضبط .. بس يحتاج تفضي البايبات من الماء وتحقن غاز النتروجين بضغط والجهاز يسمع ذبذبات تسريب الغاز .. بعدها الحل التكسير في منطقة صغيرة والاصلاح

عن وجوده في الدوحة لازم تسأل المقاولين الكبار أو الاستشاريين أكيد بيعرف حد منهم عنه

[سعود.]

اتوقع موجود يحتاج بحث !!!

[معماري قطري]

اتوقع موجود يحتاج بحث !!!

نسوي شركة مختصة ونسوي لها دعاية للامكانيات اللي عندنا وكل هذي التجهيزات ولا شيء بنكسب دهب بعدين مثل ما يقول السيسي

[سعود.]

نسوي شركة مختصة ونسوي لها دعاية للامكانيات اللي عندنا وكل هذي التجهيزات ولا شيء بنكسب دهب بعدين مثل ما يقول السيسي

هههههههههههه

طرى علي جهاز ( الكفته )

[معماري قطري]

هههههههههههه

طرى علي جهاز ( الكفته )

ومالوه نعمل كفته كمان نعملها بنكهة الضب