الأبواب الخشبية

[Almuraikhi]

السلام عليكم ورحمة الله وبركاته

استفسار بخصوص ألطريقه الانسب لتركيب للأبواب الخشبية الداخلية
هل اركب الفريمات قبل الأرضيات وبعدها الأبواب
او اركب الفريمات والابواب مره وحدة بعد التبليط
مع ذكر الأسباب للاستفادة وشكرا

[سعود.]

بعد التبليط أفضل
على اساس تفصل الفريم عن الدفان منعا لرطوبة والحشرات و ( النمل الابيض )
ويكون شكله افضل بدل مايجيك المبلط يقصقص حول فريم الباب ويحط بعدها ترويبة ويطلع الشكل بايخ .

راعي البلاستر لايطلع من البيت الى وهو مخلص استقامة بلاستر الابواب من 3 اتجاهات
ونفس الكلام ينطبق على النوافذ .

[معماري قطري]

سعود عطاك الزبدة

أحفظ للفريم والتثبيت خله من خلال مسامير طوال ( براغي ) وتدخل في الخرسانة اللي داخل الطابوق واللي المفروض المقاول ينفذها عند كل نهاية جدار وفتحة جدار .. يستحسن قبل البلاستر تركب فريم أساسي هذا يسمى Sub-frame وممكن يجي مارين بلايوود بجودة عالية لو حصلت هولندي فوق الزين .. وهو جيد حق وزنية البلاستر .. يجي بعرض 23 سم لو البلاستر الداخلي واحد ونص سم ويتركب ببراغي خاصة صغيرة والفريم لازم براغيه تكون وسطية وتوصل لعمق الخرسانة

هذي الطريقة تضمن لك طلب الأبواب مصبوغة وجاهزة في الورشة مع الفريم والبرواز وتركيبها بعد الانتهاء من كل شيء وقبل لتسكن حتى الأثاث ممكن تركبه قبل الأبواب .. وتضمن يرتبون لك الأبواب حسب ارتفاع السجاد ولا ينضرب الباب أو الفريم .. بس تحتاج منجرة جيدة واتفاقك يكون معاهم واضح والمتحدة للتجهيزات يسوون هالشيء يجيبون لك الأبواب بقراطيسها