جاني اتصــــــــــال !!

[ورد الدوحه]

السلام عليكم ورحمة الله وبركاته

الله يسلمكم جاني اتصال هالخميس من وحدة وقالت معانا الاخت .... وأذكرت اسمي :looking: ودار بينا الحوار التالي:
انتي مرشحة لدورة في فندق الهليتون اليوم الساعه 6 المغرب
انا : من اللي رشحني !!!
- احد الحضور بس ماكتب اسمه
انا: لازم أعرف عشان أحضر
- لين حضرتي بتعرفين حالياً ماقدر أقول :anger3:
وبعدها ارسلت المسج على جوالي:

العرض التدريبي لتطوير الذات اليوم الساعه 6 ونص في فندق الهيلتون الطابق الأول
قاعة سهى ، وبعد العرض راح تستلمين شهادة أمريكية معتمدة:eek2:

أبي اعرف اش يبون وليش قالت اسمي مستحيل تخمين لأنه قالت ام فلان
في احد اتصلوا فيه قبل!!
طبعاً انا ماصدقت ومستحيل أروح هالاماكن بس كنت ابي اعرف شالهدف من اتصالاتهم السخيفة....

لكم تحياتي

[ولد العرب]

يمكن يمكن من جهة عملك يبي يطورك :deal:

[الحياة الخالدة]

عليكم السلام ورحمة الله وبركاته
أعتقد إني عرفت الجهة المعنية .. وهاذي إحدى وسائل تصيد الزباين
بس انا صادوني عن طريق لقافتي ( للأسف ) في أحد الأكشاك في أحد المولات .. ورحت للعرض اللي قالوا لج عنه في فندق الهيلتون .. وكان المكان جداً مزعج بس يقعدون طول الوقت يستعرضون الدورات اللي يقدمونها .. في وسط موسيقى مزعجة .. كل اثنين أو ثلاثة يروحون لهم يجيهم شخص يقعد معاهم على طاولة ويقنع فيهم .. وفي النهاية يسألونج عن رايج واذا تحبين تشاركين في الدورات وتتفاجئين بالمبلغ ..
أنا وقعت في الفخ ودفعت 19 ألف ريال قيمة دورتين .. مع إن في ناس ما قدروا يقصون عليهم

وتطلعين من الدورات مدربة معتمدة

[فيصل99]

جان قلتلي لها عطيني اسمك الكامل ورقمك جوالك الشخصي وبرجع لك بعد شوي

[ولد العرب]

عليكم السلام ورحمة الله وبركاته
أعتقد إني عرفت الجهة المعنية .. وهاذي إحدى وسائل تصيد الزباين
بس انا صادوني عن طريق لقافتي ( للأسف ) في أحد الأكشاك في أحد المولات .. ورحت للعرض اللي قالوا لج عنه في فندق الهيلتون .. وكان المكان جداً مزعج بس يقعدون طول الوقت يستعرضون الدورات اللي يقدمونها .. في وسط موسيقى مزعجة .. كل اثنين أو ثلاثة يروحون لهم يجيهم شخص يقعد معاهم على طاولة ويقنع فيهم .. وفي النهاية يسألونج عن رايج واذا تحبين تشاركين في الدورات وتتفاجئين بالمبلغ ..
أنا وقعت في الفخ ودفعت 19 ألف ريال قيمة دورتين .. مع إن في ناس ما قدروا يقصون عليهم

وتطلعين من الدورات مدربة معتمدة
حياه الخالده عندي لك دوره رروعه لك عن العود وتنظيفه ومعرفه الغش ب 15 الف :thumbup:

[ورد الدوحه]

يمكن يمكن من جهة عملك يبي يطورك :deal:

لالالالااااااا شغلي ماعندهم موازنة ايطرشونا دورات:yawn:

[ورد الدوحه]

عليكم السلام ورحمة الله وبركاته
أعتقد إني عرفت الجهة المعنية .. وهاذي إحدى وسائل تصيد الزباين
بس انا صادوني عن طريق لقافتي ( للأسف ) في أحد الأكشاك في أحد المولات .. ورحت للعرض اللي قالوا لج عنه في فندق الهيلتون .. وكان المكان جداً مزعج بس يقعدون طول الوقت يستعرضون الدورات اللي يقدمونها .. في وسط موسيقى مزعجة .. كل اثنين أو ثلاثة يروحون لهم يجيهم شخص يقعد معاهم على طاولة ويقنع فيهم .. وفي النهاية يسألونج عن رايج واذا تحبين تشاركين في الدورات وتتفاجئين بالمبلغ ..
أنا وقعت في الفخ ودفعت 19 ألف ريال قيمة دورتين .. مع إن في ناس ما قدروا يقصون عليهم

وتطلعين من الدورات مدربة معتمدة

حسبي الله ونعم الوكيل انا حسيت انها كذابه من البداية
الله يعوضج خير يالحياة الخالدة ومرة ثانيه عن اللقافه هههههه حاسبي

[ورد الدوحه]

جان قلتلي لها عطيني اسمك الكامل ورقمك جوالك الشخصي وبرجع لك بعد شوي

قلت لها انتي من ؟؟؟؟ قالت معهد ديماكس
شالمعهد أول مرة أسمع فيه

[راجي الْعفو]

سحبي عليهم و انتهينا

الاسم و الرقم سهل الحصول عليه مع الأجهزة الحديثة

[وليف الشوق]

اذا ماكانت الدروات بطريقة رسمية مااعتقد تناسب بناتنا اللي كل من هب ودب يتصل فيهم وتعالوا الفنادق بالاضافة لامن عادتنا ولا من تقاليدنا البنت تروح في هالنوعيه من الاماكن بغير محرم او اخ او والد
ولتعرف اي جهة غير حكوميه او اي جهة ليس لها علاقة بأي وزارة ان ماتقومون به اخلال بعاداتنا وتقاليدنا التي تحتم علينا ارسال بناتنا لاي جهة لاتكون رسمية او تتبع اي وزارة او اي جهة خاضعة لقانون معين يجيز ارسال اي مواطن او مواطنه لتلك الدورات التي يكون في بدايتها اغراء وكذلك اتمنى ايجاز قانون يمنع الاتصال بأي شخص واستدراجه في دورة او محاضرة معينه واغراءه بوجود شهاة معتمدة .
الشكل الثاني والغير منطقي كيف لي الذهاب لتلك الدروة ( المجانيه على قولتهم وحصولي على شهادة معتمدة في يوم واحد فقط او بضع ساعات ؟!!!!!!!!!!! )

وانا لو منك اعطي الرقم اللي اتصل عليج احد اخوانك يحترر عن الموضوع ويجازيهم عن فعلتهم ومن اللي عطاهم بياناتك واسمك ورقمك الشخصي لين نشوف حقيقه الاتصال او الدورة

[ورد الدوحه]

بالصدفة ألحين عرفت انهم اتصلوا حق ثنتين من ربعي الأسبوع اللي طاف:looking:

ذكروني بشركة رينبو مالت الاجهزة متصلين لي في يوم الام
كل عام وانتي بخير ياماما :anger3: :anger3:

وين أقدر أشتكي عليهم ذيلا
أزعجونا الصراحة

:(

[ورد الدوحه]

سحبي عليهم و انتهينا

الاسم و الرقم سهل الحصول عليه مع الأجهزة الحديثة

لاحول ولاقوة الا بالله

[ورد الدوحه]

اذا ماكانت الدروات بطريقة رسمية مااعتقد تناسب بناتنا اللي كل من هب ودب يتصل فيهم وتعالوا الفنادق بالاضافة لامن عادتنا ولا من تقاليدنا البنت تروح في هالنوعيه من الاماكن بغير محرم او اخ او والد
ولتعرف اي جهة غير حكوميه او اي جهة ليس لها علاقة بأي وزارة ان ماتقومون به اخلال بعاداتنا وتقاليدنا التي تحتم علينا ارسال بناتنا لاي جهة لاتكون رسمية او تتبع اي وزارة او اي جهة خاضعة لقانون معين يجيز ارسال اي مواطن او مواطنه لتلك الدورات التي يكون في بدايتها اغراء وكذلك اتمنى ايجاز قانون يمنع الاتصال بأي شخص واستدراجه في دورة او محاضرة معينه واغراءه بوجود شهاة معتمدة .
الشكل الثاني والغير منطقي كيف لي الذهاب لتلك الدروة ( المجانيه على قولتهم وحصولي على شهادة معتمدة في يوم واحد فقط او بضع ساعات ؟!!!!!!!!!!! )

وانا لو منك اعطي الرقم اللي اتصل عليج احد اخوانك يحترر عن الموضوع ويجازيهم عن فعلتهم ومن اللي عطاهم بياناتك واسمك ورقمك الشخصي لين نشوف حقيقه الاتصال او الدورة

الله المستعان والله
و هاذيه اللي بيصير باعطي الرقم اخوي يتفاهم وياهم
اذا ماغيروا رقمهم لانه كرت هلا:looking:

[وليف الشوق]

احسنتي وبهالطريقة راح تفتكين من مشاكل كثيرة ومن ناس يعطون رقمك للعالم

[راجي الْعفو]

وسوو للأرقام الغريبه بلوك

[ورد الدوحه]

وسوو للأرقام الغريبه بلوك

جزاك الله خير
ولافوق المية رقم صاكتهم بلوك

[JN000N]

اتصلو حق رفيجتي
ورفيجتي ماقصرت فيهم هواش
هذي بالضبط نفس سالفة فزتي معانا بهديه وتنظيف سجاد مجاني من الشركه
او نفس سالفة رشحتج صديقتج فلانه لعمل تنظيف بشره والخ الخ

[Charisma]

مثل هالاساليب الدعائية والترويجيه غالبا مايكون مصدر المعلومات والأرقام هو :



الأصحاب او الاهل بترشيح اسمك ورقمك .

تسجيلك لرقمك واسمك ومعلوماتك الشخصيه في المحلات التجارية والمعارض ومواقع الانترنت الترويجيه ، حتى تتشكل قاعدة بيانات تباع وتشترى للتسويق .

التصيد العشوائي عن طريق الواتس اب ( ان كان الاسم ظاهر ) .






الحل :





عدم تسجيلك لمعلوماتك الشخصيه في أي مكان غير حكومي خصوصا وان كانت تحمل الرقم الشخصي .

عند الاتصال أرفض وبشكل قاطع أي محاولات لاعادة الاتصال والترويج لاي منتجات او دورات .

لاتخضع لمطالبهم بترشيح اسماء وارقام .

[Miss]

اي صارت لي انا بعد
على قولة جنون نفس اللي يتصلون ربحتي هديه ومادري شنو

[بوخالد911]

محد اتصلي لحد الان

مب احسن لهم لو اتصلوا

بيسمعون كلام ولا عمرهم اسمعووه

[السيف5]

هههههه ذبحني ردك بوخالد911

مثل هذه الاتصالات جاتني اكثر من مرة

ارفضها على طول ..أقولهم عطوني فلوس مقدما او مع السلامة

[لبيبة]

وعليكم السلام ورحمة الله وبركاته،

وحدة من مصر (اتحفظ عن ذكر اسمها) اتصلت لي من عدة سنوات للترويج عن بطاقة عضوية فنادق،

طبعا سألتها من علمج اسمي ومن عطاج رقمي لين اعترفت،

وقلت لها انا غير مهتمة بالعرض مالكم، لو سمحتي لا تتصلين فيني وامسحي رقمي،

لقيت اتصال منها السنة، نفس الموظفة،

اول ما سمعت صوتها وتعريفها باسمها عرفتها على طول،

قلت لها ما قلت لج لا عاد تتصلين؟

الموظفة تلعثمت وانصدمت، وانا انهيت المكالمة.

وقتي أثمن من اني اضيعه في الاستماع لشركات تسوي دعاية،

او اتجاوب معاهم بأي شكل،

لو ابي دعايات في قنوات "اطلبه الان" تارسة الرسيفر.

[qatarman8008]

اذا صادوا حد ومشى معاهم يعطونه عرض مقابل انه يجيب لهم ارقام ناس راهيين يعرفهم..
اي واحد منكم يجيه اتصال ويقولون له انت اسمك فلان الفلاني لازم يعرف ان حد داز الاسم لهم..

[توشيبا]

صادوني تقريبا نفس الطريقه بس للاسف نصبت عليهم بالفين ريال ورجعتها لهم وخليتهم يمسحون بيناتي كلها من عندهم

[CH Engineer]

الواضح من الموضوع انهم يتصيدون البنات اكثر لأنهم يستحون يقولون لا

انا جاني اتصال من اسبوعين
؟؟؟؟ : الو السلام عليكم
انا: وعليكم السلام اختي
؟؟؟؟؟: اخوي ممكن نسوي معاك استبيان
انا: من معاي
؟؟؟؟؟؟ : معاك ؟؟؟؟ من قطر فاونديشن وحابين نسوي معاك استبيان
انا: من وين لج رقمي
؟؟؟؟؟؟: من السستم أخذناه بشكل عشوائي
انا : تفضلي اختي قولي
؟؟؟؟؟؟: ممكن نسوي معاك استبيان عن !؛£؛£؛؟؛£،&
انا : لا
؟؟؟؟؟: ليش اخوي
انا : مب فاضي
؟؟؟؟؟: اوكيييه اسفين


انا اتصل عالمطعم ما يرد علي من المره الاولى من وين طلع هالاهتمام كله برأيي من قطر فاونديشن!!!
أساليب دعايه ،، عادي بعد الاستبيان اسمك ورقمك وايميلك ووظيفتك واهتماماتك تنباع مع لستة اسماء لشركات دعايه

[تاجر كشخة]

اكرهم كره العمى

[معماري قطري]

عليكم السلام ورحمة الله وبركاته
أعتقد إني عرفت الجهة المعنية .. وهاذي إحدى وسائل تصيد الزباين
بس انا صادوني عن طريق لقافتي ( للأسف ) في أحد الأكشاك في أحد المولات .. ورحت للعرض اللي قالوا لج عنه في فندق الهيلتون .. وكان المكان جداً مزعج بس يقعدون طول الوقت يستعرضون الدورات اللي يقدمونها .. في وسط موسيقى مزعجة .. كل اثنين أو ثلاثة يروحون لهم يجيهم شخص يقعد معاهم على طاولة ويقنع فيهم .. وفي النهاية يسألونج عن رايج واذا تحبين تشاركين في الدورات وتتفاجئين بالمبلغ ..
أنا وقعت في الفخ ودفعت 19 ألف ريال قيمة دورتين .. مع إن في ناس ما قدروا يقصون عليهم

وتطلعين من الدورات مدربة معتمدة


https://www.youtube.com/watch?v=16uo-UtMqdo

[معماري قطري]

اتصلوا بي يبون يعلموني انجليزي قلت لهم بادرس عندكم يعني باستوي معلم كم تعطوني على الحصة

[راجي الْعفو]

ع طاري الترويج

دق علي مره موظف من المصرف

يبيني اخذ من عندهم بطاقة الفيزا

المهم قعد يشرح لي يمكن ربع ساعه

في النهاية قلت له حاليا ما احتاجها

حسيت السبّه في بطن لسانه ^_^

[ورد الدوحه]

صادوني تقريبا نفس الطريقه بس للاسف نصبت عليهم بالفين ريال ورجعتها لهم وخليتهم يمسحون بيناتي كلها من عندهم

والله انك مب هيّـــن :no2:

[يمامـة]

كنت مع اختي في فيلاجيو.. الا الأخ قرب صوبنا وهو ماد يده وفيها كتيب من قرب قلت له شكرا
قال لنا طيب اسمعوني.. قلت له بكل احترام عفون اعذرنا مالنا حاجة في اللي بتعرضه..
قال لي طيب انتوا فهموا شنهو اللي بعرضه.. الا اختي الكبيرة قالت: صبري اشبلاج؟!!
اشوي والا يتكلم عن دورة في التنمية او تطوير الذات و صيد الفرص و .. و...
ابتسم حق اختي وقلت لها : ما قلت لج مالنا حاجة في هالموضوع؟
ترى لا تظنينه بيعطيج الدورة ببلاش.. فسئلته اختي بكم الدورة؟
قال لها انتي احضري واخذي فكرة وعقب بتتعرفين على الأسعار!!
عاد اختي الحنونة خذت الورقة وسجلت رقمها.. وانا تركتها لمصيرها معاهم..
بس ما راحت لهم لأني مقتنعة انها ما بتروح لهم..

[ورد الدوحه]

كنت مع اختي في فيلاجيو.. الا الأخ قرب صوبنا وهو ماد يده وفيها كتيب من قرب قلت له شكرا
قال لنا طيب اسمعوني.. قلت له بكل احترام عفون اعذرنا مالنا حاجة في اللي بتعرضه..
قال لي طيب انتوا فهموا شنهو اللي بعرضه.. الا اختي الكبيرة قالت: صبري اشبلاج؟!!
اشوي والا يتكلم عن دورة في التنمية او تطوير الذات و صيد الفرص و .. و...
ابتسم حق اختي وقلت لها : ما قلت لج مالنا حاجة في هالموضوع؟
ترى لا تظنينه بيعطيج الدورة ببلاش.. فسئلته اختي بكم الدورة؟
قال لها انتي احضري واخذي فكرة وعقب بتتعرفين على الأسعار!!
عاد اختي الحنونة خذت الورقة وسجلت رقمها.. وانا تركتها لمصيرها معاهم..
بس ما راحت لهم لأني مقتنعة انها ما بتروح لهم..
الحمدلله انها ماراحت جان دفعوها مبلغ وقدره .....!!!
الحرامية النصابين

[عاشق العديد]

انا مره حاولو فيني .. محورت السؤال تحب السيسي ولا حسني ..

والله التمو عليه المصرين وخلاني ومن يومها من يشوفني مايقرب مايكلمني حتى تهقون زعل .؟

والحياه الله يهداج تدفعين ع دوره 19 الف ..

تعالي بعطيج دورة سواقه هليكوبتر ب 10000

[ولد العرب]

كنت مع اختي في فيلاجيو.. الا الأخ قرب صوبنا وهو ماد يده وفيها كتيب من قرب قلت له شكرا
قال لنا طيب اسمعوني.. قلت له بكل احترام عفون اعذرنا مالنا حاجة في اللي بتعرضه..
قال لي طيب انتوا فهموا شنهو اللي بعرضه.. الا اختي الكبيرة قالت: صبري اشبلاج؟!!
اشوي والا يتكلم عن دورة في التنمية او تطوير الذات و صيد الفرص و .. و...
ابتسم حق اختي وقلت لها : ما قلت لج مالنا حاجة في هالموضوع؟
ترى لا تظنينه بيعطيج الدورة ببلاش.. فسئلته اختي بكم الدورة؟
قال لها انتي احضري واخذي فكرة وعقب بتتعرفين على الأسعار!!
عاد اختي الحنونة خذت الورقة وسجلت رقمها.. وانا تركتها لمصيرها معاهم..
بس ما راحت لهم لأني مقتنعة انها ما بتروح لهم..

باااااااااااااااااااااال شرسه ياليمامه خلك عطووفه شوي :weeping: شوري ياليمامه تنازلين عن عضويتك لاختك وخليها تدرعم عندي بالاستراحه وتحن علي وترد على مواضيعي كلها وتشاركني افراحي واحزاني
:weeping:

[ولد العرب]

انا مره حاولو فيني .. محورت السؤال تحب السيسي ولا حسني ..

والله التمو عليه المصرين وخلاني ومن يومها من يشوفني مايقرب مايكلمني حتى تهقون زعل .؟

والحياه الله يهداج تدفعين ع دوره 19 الف ..

تعالي بعطيج دورة سواقه هليكوبتر ب 10000
تدفع 190 الف للدوره ولا تروح ل موت محقق معك :nono:

[7llo]

عليكم السلام ورحمة الله وبركاته
أعتقد إني عرفت الجهة المعنية .. وهاذي إحدى وسائل تصيد الزباين
بس انا صادوني عن طريق لقافتي ( للأسف ) في أحد الأكشاك في أحد المولات .. ورحت للعرض اللي قالوا لج عنه في فندق الهيلتون .. وكان المكان جداً مزعج بس يقعدون طول الوقت يستعرضون الدورات اللي يقدمونها .. في وسط موسيقى مزعجة .. كل اثنين أو ثلاثة يروحون لهم يجيهم شخص يقعد معاهم على طاولة ويقنع فيهم .. وفي النهاية يسألونج عن رايج واذا تحبين تشاركين في الدورات وتتفاجئين بالمبلغ ..
أنا وقعت في الفخ ودفعت 19 ألف ريال قيمة دورتين .. مع إن في ناس ما قدروا يقصون عليهم

وتطلعين من الدورات مدربة معتمدة

شكثر يدقون علي ويطرشون لي ايميلات اقولهم ابي شي بلاش مب دافع لا ريال يقولون مافي بس بطريقه مهذبه اقولهم خلاص عيل مابي, ومره واحد قص علي قال تعال دوره بلاش وكانت في الهلتون بعد لما رحت قعدو معاي 2 ساعه ونص يبوني اخذ دوره قيمتها 8000 ريال , قلت لهم الشهاده بارميها وثاني شي انا ماقط فلوسي على دوره يا اني ادفعها حق جامعه ولا مادفع شي سحبت عليهم وحركت

[الماريّة]

مرحبتين اختي

اي انا اتصلوا فيني من اسبوع نفسهم دوره تطوير الذات
على طول من قالت دوره قلت لها اسمحي لي اختي
ولعاد تتصلين بي وعطيتها حظر


وشركه رينبو بعد شكثر يتصلون وهالمره متصلين لي
من رقم مميز كله خمسات جعل يخمس بهم جمس اسود:mad:


واخر مراحل النصب رساله على الواتس اب مركز القاده التعليمي
بس الرقم من برى وعلى طول حظر

هذي الرساله :-

http://store6.up-00.com/2017-03/149069111380311.png (http://www.up-00.com/)


ولاحظت اغلب اتصالات هالمزعجه للبنات بس

وانتبهوا اي رقم مب معروف عطوه حظر على طول

والله يحفظنا ويستر علينا جميعا

/
\

[يمامـة]

باااااااااااااااااااااال شرسه ياليمامه خلك عطووفه شوي :weeping: شوري ياليمامه تنازلين عن عضويتك لاختك وخليها تدرعم عندي بالاستراحه وتحن علي وترد على مواضيعي كلها وتشاركني افراحي واحزاني
:weeping:

ما تنفع الرحمة ولا ينفع العطف في مثل هالمواقف..
لأني مؤمنة ان مافي شي ببلاش.. وانهم يبون يربحون من وراي..
عاد انا مفلسة.. اعطف عليهم واحن واتسلف واربحهم والا اكشر لهم عن انيابي
واسد الباب من اوله؟!!

اما اختي تؤمن نوعا ما في مثل هالامور وانها ممكن تستفيد منهم..
عكسي اللي تلقاني ما اؤمن بكل شي ..

اذا عطيتها اشتراكي .. تراها بتدخل وبتقرى وما بتشارك..
فخل الاشتراك عندي اقلها أشارك في الحوار العام.. http://www.pic4ever.com/images/confetti.gif