التأمين الصحي [الأرشيف] - منتديات شبكة الأسهم القطرية

مخطط قطري

23-03-2017, 11:24 AM

سمو الامير حفظه الله ورعاه حريص كل الحرص على توفير حياه كريمه لجميع المواطنين لايتسع المقام لذكرها ولكن من بينها توفير الرعايه الصحيه الكامله للمواطن وقد تم ذلك ولكن مع تقاعس بعض المسؤلين ومماطلتهم طوال الفتره الماضيه ووعود كثيره واجتماعات عشان هالموضوع يرجع للمواطن اشوف الامر متوقف ،،، الي دعاني لكتابه هالموضوع اذا رحت اي مستشفى خاص الاحظ الاجانب فقط هم الموجودين وع حساب التامين وانا كمواطن ادفع مبالغ طائله في بلادي عشان اتعالج انا في خير ونعمه ومب خساره في صحتك كل هالمبالغ بس هل قطر ليش مايتعالجون حالهم حال الاجنبي ع حساب التأمين والسرقه والتلاعب الي صار في الماضي المواطن ماله ذنب فيهم حاسبوا العيادات الي تلاعبت بالفواتير الا بالعكس المواطن احرص منكم ع المال العام والدليل اذا جاه مسج من العياده وهو ماراح اتصل فيكم وقالكم ،،، بنقرب على السنه ونص والتامين مازال مجمد،،، وزيره الصحه نتمنى منج التوجيه للمسؤلين عندج بسرعه ارجاع التأمين الموضوع مب مستاهل كل هالفتره والانتظار

Rider

23-03-2017, 11:33 AM

ياخوي المشكلة اذا حطوا التأمين لي ننطره ماراح يغطي كل شي في النهاية بتدفع الفرق ومرات الفرق أكثر من قيمة التأمين نفس الكوبونات التعليمية عكس الاجانب الي التامين يغطي كل شي

رايق البال x

23-03-2017, 12:22 PM

بوخالد911

23-03-2017, 02:56 PM

لازم نقلب الطاولة

القطريين مجانا
والغير برسووم

سعود.

23-03-2017, 03:08 PM

sweet qatar

23-03-2017, 03:52 PM

اي والله

انا ماعندي مانع الأجانب يتعالجون في المستشفيات الحكومية

بس الصحه بليز نبي حل

يا تزيدون الطاقة الاستيعابية

يا تعطونا التأمين

من 6 لي 8 شهور عشان موعد !!

رُفق المجنّا

23-03-2017, 04:18 PM

لو ان حن مطايا ولا طيور كان قد خلّصونا من زمان

الحياة الخالدة

23-03-2017, 05:16 PM

لو ان حن مطايا ولا طيور كان قد خلّصونا من زمان

والا رياضيين :secret:

السفير العربي

23-03-2017, 10:40 PM

أتوقع أنه لن يخرج للعلن مرة أخرى مثله كمثل قانون التقاعد ..فلا ارى جدية في الموضوع ولأيام بل السنوات بيننا ، مجرد ذر الرماد في العيون ، إحساس صادق لايخيب ظني .

ساراام

24-03-2017, 03:56 AM

يقولون انه بالمرحله الاخيره

عاد مايندرى شكثر بننطر

معماري قطري

24-03-2017, 10:27 AM

يقولون انه بالمرحله الاخيره

عاد مايندرى شكثر بننطر

في العناية المركزة يلفظ أنفاسه الأخيرة

الحاقول

24-03-2017, 01:25 PM

شكل التأمين الصحي في ولادة متعسرة .. الله يهون عليه ويخرج بالسلامه

الجوكر90

26-03-2017, 06:28 AM

المحاميه

26-03-2017, 07:22 AM

ليش الاجانب يعطونهم تأمين؟!؟

moonبنتnight

26-03-2017, 07:33 AM

التأمين ما يغطي كل احتياجات الرعاية الصحية ...

مخطط قطري

26-03-2017, 08:02 AM

المحاميه

26-03-2017, 11:54 AM

ما قمنا نطب العام من كثر التحندي الي نسمعه ..

والخاص كل خطوه بفلوس ..

انا ادفع والاجنبي احذاي شاق الحلج وجاي يتعالج بلاش

:thumbdown:

يمامـة

26-03-2017, 03:00 PM

انا قطري وعندي تامين صحي اكسا واذا بتعالج فمكان خاص بعض الاشيا ادفع عليها
ومره سويت عمليه ودفعت 6000 لان في اشيا مايغطيها التامين
أتوقع اي شخص يقدر يطلع له تامين ب5000 او 6000 سنويا وماتوقع مبلغ كبير اذا الواحد محتاج لان التامين ينفع حق قطر ووايد دول ثانيه

بالمنطق..
الحين انت قطري.. والدولة موفرة لك علاج مجاني.. ليش تروح أتطلع لك تأمين صحي وتدفع عليه؟؟

في المقابل الأجنبي المقيم يستفيد من العلاج شبه المجاني( لان تكاليفه زهيدة جدا) وعلى حساب الدولة..

احنا ما نبي تأمين صحي.. بس نبي الدولة توفر لنا مواعيد في العيادات التخصصية..
المواعيد بعيدة واايد.. كله بكوم و الاسنان بكوم..

مدغشقر

26-03-2017, 03:40 PM

القطريين اقل عدداً من الاجانب..

او على الاقل خلوا لنا المستشفيات الحكومية لنا احنا القطريين وخلوا الاجانب مع التأمين في الخاص
يعني باختصار القطري لاهو ماخذ حقه من الخاص والتأمين ,, ولا الحكومي بعد

احنا شكلنا مستهدفين يا ناس :no:

انا موقطري وراتبي 7000ريال ادفع 4000 ريال ايجار ويبقى 3000 ريال من راتبي بنزين وتصليح سيارة وووو ماتبقى شي

والمرة تحط شوي اروح بعد ادفع تامين؟ شيبقالي بعد اتمنى من الاشخاص لا يفتحون هالباب علينا انا مو انكليزي بس اعتبر اجنبي بقطر

مدغشقر

26-03-2017, 03:42 PM

بالمنطق..
الحين انت قطري.. والدولة موفرة لك علاج مجاني.. ليش تروح أتطلع لك تأمين صحي وتدفع عليه؟؟

في المقابل الأجنبي المقيم يستفيد من العلاج شبه المجاني( لان تكاليفه زهيدة جدا) وعلى حساب الدولة..

احنا ما نبي تأمين صحي.. بس نبي الدولة توفر لنا مواعيد في العيادات التخصصية..
المواعيد بعيدة واايد.. كله بكوم و الاسنان بكوم..

ايجابيات
التامين الصحي يأمن لك الصحة والعلاج في جوده عالية لذلك أسمه تأمين صحي
سلبيات
تدفع اكثر شوي

مدغشقر

26-03-2017, 03:58 PM

اول شي نترك مسئلة اجنبي وقطري لان الموضوع مايقدم وياخر شي بالنهاية هو اجنبي والمواطن هو مواطن مانستفيد شي لو تكلمنا بهالموضوع من اليوم لبكرة .
انا من رايي المسئول عن المستشفى يكون الدكتور نفسه لو الدكتور مب موجود او مشغول يجب ان يتسائل لان ترك مريض في حالة صعبه بدون كشف او يعطيه تحويل في اقصى الظروف لدكتور ثاني موجود وفاضي والعقوبة ينسجن او يتحاكم او سحب رخصة او الغاء شهادة ان قام بتاجيل المريض لفترة اكثر من اسبوع لان هالموضوع هو الدكتور اللي يلعب بالموضوع كامل ومهمل في عمله. تحياتي لكم وانا احبكم واموت فيكم

لبيبة

26-03-2017, 04:31 PM

احنا نتكلم في جانب مهم الاجانب اكثر من هل قطر نفسهم ويتنعمون بالرعايه الصحيه كامله سواء مستشفيات حكوميه او خاصه وحنا ضغط على المستشفيات الحكوميه لدرجه قطري مريض مايحصل سرير يتعالج عليه احنا نطالب بس مساواه مع الاجنبي فقط حشا لله ماطلبنا شي اكثر,,, بعدين في امر هام اخر يوم الصحه تعطي ووعود للشعب 6 شهور وبعدين سنه والحين التامين صارله واقف سنه واربعه شهور
نبي نعرف وش كانو يسسون طول هالفتره

تبي تعرف شيسوون؟ رايحين جايين من وإلى كوريا الجنوبية، بهدف تطبيق نفس نظامهم للتأمين الصحي عندنا،

وللعلم نظامهم الصحي فيه تقسيم بطبقية للشعب، واترك تفسير العبارة لما يطلع نظامنا للنور ونشوفه.

مدغشقر

26-03-2017, 06:13 PM

تبي تعرف شيسوون؟ رايحين جايين من وإلى كوريا الجنوبية، بهدف تطبيق نفس نظامهم للتأمين الصحي عندنا،

وللعلم نظامهم الصحي فيه تقسيم بطبقية للشعب، واترك تفسير العبارة لما يطلع نظامنا للنور ونشوفه.

اي مو عيب خلهم يسون اللي يبونه ويدرسون الوضع انا اقول ان الموضوع بالنهاية لازم مايكون يخدم طبقة معينه ويخذل طبقة ثانية ابي يكون العلاج في المستشفيات الحكومية نفس العلاج بالمستشفيات الخاصة وبنفس التكاليف وبهالشكل نكون خدمنا الناس كلها ومانفكر بالعنصرية لان احنا هدفنا تطوير النظام الصحي وبلادنا الحمدلله فيها خير ونظامنا الصحي قريت عنه من كم يوم انه احسن نظام صحي
وشاللي يظمن لنا ان التامين يحل المشكلة ؟ يعني بس بندفع اكثر مقابل خدمة نفسه وهي كشف
المشكلة من رايي نمسك الاطباء بزاوية ونشدد عليهم الاجراءات انهم يكشفون اكثر قدر من المرضى عشان يستلمون الراتب كامل لان
الاطباء اغلبيتهم ذيابه وعندهم مشاريع خاصة واللي عنده مشروع خاص يهتم فيه اكثر لان المشروع معتمد على اجتهاده وذكائة واكيد اللي
يشتغل اكثر من شغلين يكون تعبان اكثر ومايكشف عدل على المرضى والناس مسكينة تقول الخطا من التامين وبصراحة الاطباء يستلمون رواتب عوايل يعني لازم نكرفهم شوي او يستاهلون الكرف ليش انجيب افكار تامين ونفتح لنا باب جديد احنا نبي المستشفيات والعلاج والاطباء بمستوى عالي اي بعد يوم لك يوم عليك
والتأمين يجي من نفسه لو الحكومة شافت ان الميزانية انقصت يعني يكون الدكتور موجود بالمستشفى 9 ساعات يوميا وفوقه مساعد الاستشاري وفوق المساعد المدير وكلهم يكونون مداومين ومراقبين الوضع ويحاولون يخلصون المرضى وشغل يكون نظيف

مدغشقر

26-03-2017, 06:21 PM

لازم نقلب الطاولة

القطريين مجانا
والغير برسووم

جزاك الله خير العنصرية ليست من ديننا

aloosh

26-03-2017, 07:03 PM

اذا فتحو التامين سوف تحصل في كل داعوس عياده
ولن تنتهي سرقات والضحك على المواطن

يوم بتسمع عياده ما فيها الى اربع موظفين كاتبه وصول البرفسور الفلاني من الدوله الافلانيه وعندما بحث عنه لا تجد له اي انجاز ولا تحصل اسمه بعد من وين طلع ها البرفسور ما تدري وقص على المرضى وراح بكم مليون

هيليوم

26-03-2017, 08:35 PM

راعي الكورفت

27-03-2017, 01:19 AM

تأمين صحي جديد قادم إلى الساحه في الأشهر القادمه مدعومه من الحكومه للمواطنين وهي شركة qlm ونظامها تدفع 25 ريال قبل ماتشوف الدكتور وباقي علاجك ببلاش

مدغشقر

27-03-2017, 11:31 AM

تأمين صحي جديد قادم إلى الساحه في الأشهر القادمه مدعومه من الحكومه للمواطنين وهي شركة qlm ونظامها تدفع 25 ريال قبل ماتشوف الدكتور وباقي علاجك ببلاش
والغير مواطنين شلون وضعهم هل التامين يشمل كل العيادات الحكومية والخاصة؟ ويعطيك العافيه
ترجمت هالكلمة Qlm
Qlm Qatar life and medical inscurance company
وموقعهم بالانترنت https://www.qlm.com.qa/

مدغشقر

27-03-2017, 11:35 AM

الـتأمين الصحي راح يكون على كل الأشخاص الموجودين في البلد مواطنين ومقيمين وزائرين بعد حسب علمي ، وبعد اللي صار في التأمين اللي وقفوه في المرحلة الثانية وقبل ما ينتقل للمرحلة الثالثة لازم يكون الشغل مضبوط وواضح لان الـتأمين راح يغطي ملايين الأشخاص
الصحة ياشباب مدعومه من الحكومة ومافي فرق بين المواطنين والمقيمين والزائرين اللهم على حسب المدة اللي انت بتجلس فيها لو مواطن بتاخذ على طول او المقيم يعطونه على حسب اقامته والشغالة والدريول كلهم مامنين والعمال بالصناعية والخور والوكرة كلهم مامنين. وبالتوفيق بالتأمين الجديد

يمامـة

28-03-2017, 01:19 PM

ايجابيات
التامين الصحي يأمن لك الصحة والعلاج في جوده عالية لذلك أسمه تأمين صحي
سلبيات
تدفع اكثر شوي

شوف..

عسست في حمد وعسست في باقي المستشفيات الخاصة.. لقيت تفوق الحكومي
وحمد على الخاص..

ما يميز الخاص سرعة الدخول على أي طبيب.. بس هذا اللي يجبرني اروح الخاص..

لذلك بما اني مواطنة أطالب اني استفيد من الحكومي لأنه يتوفر فيه افضل التجهيزات الطبية
والدولة تصرف عليه المليارات.. فليش اروح ادفع حق الخاص عن طريق التأمين المزعم منحه لنا..

بينما المقيم.. راح يدفع أقل مني في حمد !!

هالشي ماله خص بعنصرية او قطري او مقيم.. هذا حق للمواطن..

فأنت في بيتك ما اعتقد بتلبس أي ضيفة في بيتك نفس ملابس زوجتك..
ولا بتصرف على ولدها مثل ما تصرف على ولدك لأنك ما تبي تصير عنصري..

لذلك اسمح لي اني اخذ حقي بمطالبة منح العلاج المجاني للمواطنين سواء كان بتأمين
او من غير تأمين.. و توفير كل ما توفره الدولة في الحكومي للمواطن انه يتوفر للمواطن في حال
رجوع التأمين..

فما يصير الدولة عندها مستشفى للاسنان وببلاش للقطري.. فيقولون له روح استخدم التأمين
وادفع علشان تتعالج في بلادك.. بينما الحكومي تقدمه ببلاش.....> ليش ان شاء الله انكد على شركات التأمين واحنا ما ندري؟

يمامـة

28-03-2017, 01:22 PM

الصحة ياشباب مدعومه من الحكومة ومافي فرق بين المواطنين والمقيمين والزائرين اللهم على حسب المدة اللي انت بتجلس فيها لو مواطن بتاخذ على طول او المقيم يعطونه على حسب اقامته والشغالة والدريول كلهم مامنين والعمال بالصناعية والخور والوكرة كلهم مامنين. وبالتوفيق بالتأمين الجديد

الا في فرق..

المواطن له أولوية في العلاج في كل مراكز الدولة الصحية..
المواطن يتعالج مجاني .. المقيم يدفع نظير الخدمة وان كانت الرسوم رمزية قياسا مع نوع الخدمة ونوعية الادوية..

في ادوية وأجهزة طبية ما تنصرف الا للقطري.. وفي خدمات ما تقدم الا للقطري فقط..

لذلك يا اخوي مدغشقر.. انت في بلاد المواطن له أولوية من باب حقه في هذه الأرض..

بينما المقيم.. يتمتع ولله الحمد بخدمات علاجية قد لا يجدها في بلاده بنفس التكاليف..
فهذه ميزة تشكر عليها بلادنا لما توفرها للمقيمين..

فلا تصدق لما يقولون لك مافي فرق ما بين المواطنين و المقيمين..

مدغشقر

29-03-2017, 07:29 PM

الا في فرق..

المواطن له أولوية في العلاج في كل مراكز الدولة الصحية..
المواطن يتعالج مجاني .. المقيم يدفع نظير الخدمة وان كانت الرسوم رمزية قياسا مع نوع الخدمة ونوعية الادوية..

في ادوية وأجهزة طبية ما تنصرف الا للقطري.. وفي خدمات ما تقدم الا للقطري فقط..

لذلك يا اخوي مدغشقر.. انت في بلاد المواطن له أولوية من باب حقه في هذه الأرض..

بينما المقيم.. يتمتع ولله الحمد بخدمات علاجية قد لا يجدها في بلاده بنفس التكاليف..
فهذه ميزة تشكر عليها بلادنا لما توفرها للمقيمين..

فلا تصدق لما يقولون لك مافي فرق ما بين المواطنين و المقيمين..

أول حاجة انا اشكرج على مشاركتج وتفاعلج معانا بالموضوع

ماتوقع كلامج صحيح والاجهزة الطبية والادوية اذا كانت ماتنصرف الا للمواطنين فهذي من باب ذمة
وضمير الطبيب المعالج يعني انتي تحبين تروحين لدكتور ويقولج الدكتور يوبه انا ماعطيج
العلاج العلاج هاي بس متوفر لغيرج او لا سمح الله حد مريض وعلى فراش الموت بيقوله الطبيب
I cannot give you the medicine because you are not citizin

لاطبعا ماتوقع واتوقع ان اي شخص يقيم على الأرض مجرد اقامة لازم يتمتع بنفس الخدمات من صحة وعلاج وووووو
واذا كان كلامج صح عيب علي انا كفرد يعني لو علاج او دواء بمخباي واشوف ولد جيراني مريض اقول لا اخبي الدواء عنه بحجة
ان اهلي اولى لا طبعا يوبه خذ الدواء وربك الشافي وادعي له اخبي الدواء بمخباي يمكن تنتهي صلاحيته ولا حد دعالي هو احنا عايشين
للخير والمحبة ومانبي ننزل لمستوى نخبي ادوية على بعض والعلاج الحمدلله متوفر بشكل مجاني ليش نروح ندفع فلوس مينون مثلا

معماري قطري

29-03-2017, 08:41 PM

شوف..

عسست في حمد وعسست في باقي المستشفيات الخاصة.. لقيت تفوق الحكومي
وحمد على الخاص..

ما يميز الخاص سرعة الدخول على أي طبيب.. بس هذا اللي يجبرني اروح الخاص..

لذلك بما اني مواطنة أطالب اني استفيد من الحكومي لأنه يتوفر فيه افضل التجهيزات الطبية
والدولة تصرف عليه المليارات.. فليش اروح ادفع حق الخاص عن طريق التأمين المزعم منحه لنا..

بينما المقيم.. راح يدفع أقل مني في حمد !!

هالشي ماله خص بعنصرية او قطري او مقيم.. هذا حق للمواطن..

فأنت في بيتك ما اعتقد بتلبس أي ضيفة في بيتك نفس ملابس زوجتك..
ولا بتصرف على ولدها مثل ما تصرف على ولدك لأنك ما تبي تصير عنصري..

لذلك اسمح لي اني اخذ حقي بمطالبة منح العلاج المجاني للمواطنين سواء كان بتأمين
او من غير تأمين.. و توفير كل ما توفره الدولة في الحكومي للمواطن انه يتوفر للمواطن في حال
رجوع التأمين..

فما يصير الدولة عندها مستشفى للاسنان وببلاش للقطري.. فيقولون له روح استخدم التأمين
وادفع علشان تتعالج في بلادك.. بينما الحكومي تقدمه ببلاش.....> ليش ان شاء الله انكد على شركات التأمين واحنا ما ندري؟

صدقتي وعن تجربة مستشفى حمد فيه كل شيء بس عيبه الزحمة وتسلق الكثيرين من غير القطريين على سلم المواعيد والقطري ما يحصل موعد .. لو أعطوا نسبة للقطريين بنسبة تواجدهم بنفتك من التأخير في المواعيد

مدغشقر

29-03-2017, 09:11 PM

شوف..

عسست في حمد وعسست في باقي المستشفيات الخاصة.. لقيت تفوق الحكومي
وحمد على الخاص..

ما يميز الخاص سرعة الدخول على أي طبيب.. بس هذا اللي يجبرني اروح الخاص..

لذلك بما اني مواطنة أطالب اني استفيد من الحكومي لأنه يتوفر فيه افضل التجهيزات الطبية
والدولة تصرف عليه المليارات.. فليش اروح ادفع حق الخاص عن طريق التأمين المزعم منحه لنا..

بينما المقيم.. راح يدفع أقل مني في حمد !!

هالشي ماله خص بعنصرية او قطري او مقيم.. هذا حق للمواطن..

فأنت في بيتك ما اعتقد بتلبس أي ضيفة في بيتك نفس ملابس زوجتك..
ولا بتصرف على ولدها مثل ما تصرف على ولدك لأنك ما تبي تصير عنصري..

لذلك اسمح لي اني اخذ حقي بمطالبة منح العلاج المجاني للمواطنين سواء كان بتأمين
او من غير تأمين.. و توفير كل ما توفره الدولة في الحكومي للمواطن انه يتوفر للمواطن في حال
رجوع التأمين..

فما يصير الدولة عندها مستشفى للاسنان وببلاش للقطري.. فيقولون له روح استخدم التأمين
وادفع علشان تتعالج في بلادك.. بينما الحكومي تقدمه ببلاش.....> ليش ان شاء الله انكد على شركات التأمين واحنا ما ندري؟

مانحب انكون انانيين بالموضوع هاي انتي ماشاء الله على راتبج وتروحين الخاص وتخلصين علاجج وبالاخير تقولين ليش ادفع؟ والمقيم اللي راتبه على قده كل مايروح جهه حتى الصحة لازم يدفع بعد مب بس بالصحة ترى كل مكان لازم يدفع شي رمزي ليش وغيره متوفرله مجانا ترى رمزي فوق رمزي يطلع شوقي قصدي يطلع مبلغ يسوى والمبلغ اصلن مب محتاجته الدولة وفي غنى عنه والله شنو 25 ريال بس كل مكان فيه دفع

يمه خلاص انتي صادقه وانا الشرير والعاصي والمدمر والمخرب بعد هاللي تبين تقولينه خلاص ارفعوا الرسوم ليش مخلينها رمزيه ليش مخلين لهم مستشفيات يروحون بلادهم يتعالجون

مدغشقر

29-03-2017, 09:15 PM

صدقتي وعن تجربة مستشفى حمد فيه كل شيء بس عيبه الزحمة وتسلق الكثيرين من غير القطريين على سلم المواعيد والقطري ما يحصل موعد .. لو أعطوا نسبة للقطريين بنسبة تواجدهم بنفتك من التأخير في المواعيد

يوبه هاي مستشفى صحة مافيها مواطن ومقيم او من كان عييييييييييييييييب استح

معماري قطري

29-03-2017, 09:20 PM

يوبه هاي مستشفى صحة مافيها مواطن ومقيم او من كان عييييييييييييييييب استح

والله العيب طلع منك ياللي قلت عيب .. شايفني طفل من أطفالك تعلمني العيب أقول خلك في مدغشقر أفضل للنقاش حدود وانت استح

غصب اقتنع برايك يالله تت

JN000N

29-03-2017, 09:24 PM

يوبه هاي مستشفى صحة مافيها مواطن ومقيم او من كان عييييييييييييييييب استح

ياخي انت استح على ويهك
ياي وناشب ف مواضيع القطريين
ياغريب كون اديب تبي تعيش ف قطر على مطالب مواطنيها عيش وانت ساكت
ماتبي رد بلادك واسكت لاتقعد تسندرنا

JN000N

29-03-2017, 09:25 PM

حتى رواتب القطريين ما سلمت من عينك اعوذ بالله من الحسد

معماري قطري

29-03-2017, 09:27 PM

ياخي انت استح على ويهك
ياي وناشب ف مواضيع القطريين
ياغريب كون اديب تبي تعيش ف قطر على مطالب مواطنيها عيش وانت ساكت
ماتبي رد بلادك واسكت لاتقعد تسندرنا

والله نجس على وقاحته واطالب الادارة بحقي منه انا ما قلت له شيء حتى يقول لي يوبه يعني مستوي قطري

مدغشقر

29-03-2017, 09:28 PM

ياخي انت استح على ويهك
ياي وناشب ف مواضيع القطريين
ياغريب كون اديب تبي تعيش ف قطر على مطالب مواطنيها عيش وانت ساكت
ماتبي رد بلادك واسكت لاتقعد تسندرنا

ياخي انا مو ناشب بس اقولكم رايي وهاي المنتدى مفتوح للاراء والمناقشات
وماغلطت على اي احد وشكرا

معماري قطري

29-03-2017, 09:32 PM

مدغشقر

29-03-2017, 09:36 PM

حتى رواتب القطريين ما سلمت من عينك اعوذ بالله من الحسد

لا والله الحين صرت انا الحسود اصلن انا ماقلت شي فيه حسد وعارف نفسي الحمدلله لو انتي تستلمين معاش وقدرة ربي يهينج ويزيدج بعد بس انا اتكلم عن نفسي وعن غيري اني ماقدر اروح مستشفى خاص لان الفاتورة تطلع علي 1000 ريال وماقدر ادفعها وغيري يدفع

والله نجس على وقاحته واطالب الادارة بحقي منه انا ما قلت له شيء حتى يقول لي يوبه يعني مستوي قطري
انا ماغلطت عليك ولا سبيتك نفسك الحين ومابي الادارة تجيب حقي لان حقي اعرف اخذه يوم الاخره
الموضوع مفتوح للنقاش وانا تناقشت وجبت افكاري بهدف التطوير وتحسين وتخفيف الالام المعيشة على اللي امثالي وبس

مدغشقر

29-03-2017, 09:39 PM

انا شقلت قلت نسبة وتناسب نسبة القطريين 20% يخلون المواعيد 20% للقطريين كل يوم ولو زادت حاجة القطري القطري أولى لكن اروح واقعد بين 30 واحد ينتظرون دورهم وكلهم غير قطريين هذا معناه القطري ما يحصل موعد بسبب كثرة اللفو من خارج قطر .. لو من الثلاثين ستة قطريين بنقول شوي فيه عدالة في التوزيع

اي بس نسبتهم اكثر بالبلد وماتطلع الحسبه صح

JN000N

29-03-2017, 09:42 PM

ياخي انا مو ناشب بس اقولكم رايي وهاي المنتدى مفتوح للاراء والمناقشات
وماغلطت على اي احد وشكرا

لا سلامتك في حدود
حتى لو بتقول رايك بعد مالك حق تدخل ف امور داخليه يطالب بها المواطنين ناشب لهم نشبه
كيفهم خل يقولون الي ف خاطرهم شحارق قلبك انت
انت ماخليت بلادك وييت هني الا وانت جادم عاللي بتواجهه ف يا تواجهه وانت ساكت والا رد بلادك اكرم لك
وانتهى

نفسي عزيزه

29-03-2017, 09:46 PM

الله المستعان

JN000N

29-03-2017, 09:46 PM

انا شقلت قلت نسبة وتناسب نسبة القطريين 20% يخلون المواعيد 20% للقطريين كل يوم ولو زادت حاجة القطري القطري أولى لكن اروح واقعد بين 30 واحد ينتظرون دورهم وكلهم غير قطريين هذا معناه القطري ما يحصل موعد بسبب كثرة اللفو من خارج قطر .. لو من الثلاثين ستة قطريين بنقول شوي فيه عدالة في التوزيع

هاي غير اللي ايون بفيزة زياره وياخذون مواعيد ويدخلون قبلنا
معروفين كانو شكثر ايون حق اطفال الانابيب هني ما يكلفهم شي وفبلادهم يدفعون دم قلوبهم
غير اشيا ثانيه مانذكرت

ameeer3

29-03-2017, 09:48 PM

القافلة تسيير والكلاب تنبح

الله يكتب لنا الخير في بلادنا ويبعد عنا الحسااد

مدغشقر

29-03-2017, 09:52 PM

عموما انا مابي ازعل احد وما احب اكون من الناس اللي يقلبون الطاولات ويتشكون
عند الادارة ولا ابي يكون نقاش والحوار بهالمستوى
واحد يكتب نجس و الله ومستوي قطري المهم انا صاحب رسالة
وابي اطور ومو جاي اتزاعل افهموا ياناس كل الدول لها نظام معين بالصحة
يعني انت لو جيت وغيرك مريض يبي يتعالج هم سواء بالمعاملة والدفع
وما اجمل التاخي صعب تفهم وانا مقدر صعوبه مشكلة فهم رايي
اقرب مثال لو رحت انت اي دولة ما راح يقولون لك تدفع اكثر او غير عن المعمول به من هالناحية تطمن
والختام لازم يكون مسك وشي حلو
قالَ رسولُ اللهِ "صـلى اللهُ عليهِ و سلـم " : ( لا فرق بين عربي و لا أعجمي و لا أبيض ولا أسود إلا بالتقوى )
صدقَ رسول الله صلى الله عليه و سلم ...

ما أجمـــل التآخي

الحياة الخالدة

29-03-2017, 09:55 PM

https://e.top4top.net/p_453tbpsw0.png (https://up.top4top.net/)

مدغشقر

29-03-2017, 09:59 PM

القافلة تسيير والكلاب تنبح

الله يكتب لنا الخير في بلادنا ويبعد عنا الحسااد

صدقني اني اكثر منك احب الخير لهالبلد

ضوى

29-03-2017, 10:00 PM

يامال الضعفه الاجانب ماخذين حقهم ثالث ومثلث على قوله بعض العرب وعلييه عالقطري ناشبين له حتى بصحته لا والله نبي نتميز ببلدنا مب عنصريه كثر ماخي بلدنا ولنا حقه فيها ولها حق فينا بكرة هالاجانب اول ناس بتنسى وبتغدر واحنا اللي بنشيل هم بلادنا للمات

قال التأخي قال ، اشدخل التاخي انه يكون لنا تمييز ببلدنا !؟عندنا مركز واحد عندهم عشر مراكز عندنا طبيب واحد لاطفالنا عندهم خمس لين سبع اطباء لاطفالهم بعد اكثر من جذي انصاف شتبون

يمامـة

29-03-2017, 10:02 PM

أول حاجة انا اشكرج على مشاركتج وتفاعلج معانا بالموضوع

ماتوقع كلامج صحيح والاجهزة الطبية والادوية اذا كانت ماتنصرف الا للمواطنين فهذي من باب ذمة
وضمير الطبيب المعالج يعني انتي تحبين تروحين لدكتور ويقولج الدكتور يوبه انا ماعطيج
العلاج العلاج هاي بس متوفر لغيرج او لا سمح الله حد مريض وعلى فراش الموت بيقوله الطبيب
I cannot give you the medicine because you are not citizin

لاطبعا ماتوقع واتوقع ان اي شخص يقيم على الأرض مجرد اقامة لازم يتمتع بنفس الخدمات من صحة وعلاج وووووو
واذا كان كلامج صح عيب علي انا كفرد يعني لو علاج او دواء بمخباي واشوف ولد جيراني مريض اقول لا اخبي الدواء عنه بحجة
ان اهلي اولى لا طبعا يوبه خذ الدواء وربك الشافي وادعي له اخبي الدواء بمخباي يمكن تنتهي صلاحيته ولا حد دعالي هو احنا عايشين
للخير والمحبة ومانبي ننزل لمستوى نخبي ادوية على بعض والعلاج الحمدلله متوفر بشكل مجاني ليش نروح ندفع فلوس مينون مثلا

العفو يا اخوي مدغشقر..

اتلمس العذر لك لانك باين من كلامك انك مب مطلع بشكل كامل بحقوق القطري في العلاج في بلاده..

لذلك.. خلني أوضح لك بعض الأمور..
1- أجهزة الضغط والسكر لا تصرف الا للقطري وبالمجان..
2- كل ملحقات هالاجهزة تصرف بشكل دوري للقطري فقط وبالمجان.
3- في ادوية ما تحضرني اساميهم ما تنصرف الا للقطريين بس.. وكنت اشوف مقيمين الدكتور
يكون كاتب لهم هالنوع من الادوية والصيدلي كان يقول لهم ما تنصرف الا للقطري.. لأنه مكلف..

العلاج للخارج ما يسمح به الا للقطري..................> فهذه أمور غير متوفرة لغير القطريين او من يعاملون
معاملة القطري في المستشفيات الحكومية..
فهذه حقوق تمنحا الدولة للمواطن الطبيب المسكين ماله خص في الموضوع..

احنا ولله الحمد على هالارض الطيبة وكطبع اهل قطر ما كنا انانيين ولا جشعين ولا نتمنى الشر للمقيمين..
فلله الحمد ايادي الخير لاهل قطر تمددت لكل مكان والمقيمين في البلاد مستحيل الواحد منهم نرفض علاجه بحجة ان احنا
أولى منه في الادوية..
ولكن من غير المعقول ان المقيم يساوي راسه براس المواطن في كل شي.. فإذا احنا ولله الحمد في غنى ورخاء
فالاجيال القادمة من حقنا نحافظ على حقوقهم ونرفض مثل هالتساوي مع المقيم..
لأن المقيم البعض منهم.. وده يصير قطري من غير الجنسية ويتمتع بكل مميزات المواطن القطري.. بينما هو في بلاده
يدفع وهو يضحك ويشكرهم بعد ..

الحياة الخالدة

29-03-2017, 10:03 PM

انا موقطري وراتبي 7000ريال ادفع 4000 ريال ايجار ويبقى 3000 ريال من راتبي بنزين وتصليح سيارة وووو ماتبقى شي

والمرة تحط شوي اروح بعد ادفع تامين؟ شيبقالي بعد اتمنى من الاشخاص لا يفتحون هالباب علينا انا مو انكليزي بس اعتبر اجنبي بقطر

أول حاجة انا اشكرج على مشاركتج وتفاعلج معانا بالموضوع

ماتوقع كلامج صحيح والاجهزة الطبية والادوية اذا كانت ماتنصرف الا للمواطنين فهذي من باب ذمة
وضمير الطبيب المعالج يعني انتي تحبين تروحين لدكتور ويقولج الدكتور يوبه انا ماعطيج
العلاج العلاج هاي بس متوفر لغيرج او لا سمح الله حد مريض وعلى فراش الموت بيقوله الطبيب
I cannot give you the medicine because you are not citizin

لاطبعا ماتوقع واتوقع ان اي شخص يقيم على الأرض مجرد اقامة لازم يتمتع بنفس الخدمات من صحة وعلاج وووووو
واذا كان كلامج صح عيب علي انا كفرد يعني لو علاج او دواء بمخباي واشوف ولد جيراني مريض اقول لا اخبي الدواء عنه بحجة
ان اهلي اولى لا طبعا يوبه خذ الدواء وربك الشافي وادعي له اخبي الدواء بمخباي يمكن تنتهي صلاحيته ولا حد دعالي هو احنا عايشين
للخير والمحبة ومانبي ننزل لمستوى نخبي ادوية على بعض والعلاج الحمدلله متوفر بشكل مجاني ليش نروح ندفع فلوس مينون مثلا

يوبه هاي مستشفى صحة مافيها مواطن ومقيم او من كان عييييييييييييييييب استح

ياخي انا مو ناشب بس اقولكم رايي وهاي المنتدى مفتوح للاراء والمناقشات
وماغلطت على اي احد وشكرا

يوبه .. رايك قلته من أول يوم .. والله يعينك على اللي انت فيه
مشاركاتك وردودك في الموضوع اللي هو بالدرجة الأولى يخص أهل قطر .. أكثر من ردود راعي الموضوع نفسه
وكل من أحد تكلم نشبت له .. مافي فرق وما في فرق .. وشكراً لتفاعلج معانا في الموضوع ( يعني انت مستلم زمام الموضوع على أساس إنك موكل من راعيه مثلاً )
يا يوبه خلنا نعبر عن معاناتنا مع المواعيد والمستشفيات .. ومطالبتنا بإيجاد حلول تناسبنا
وإذا انت شايف إن الحل في باكستان .. الله يحفظك احجز تذكرة وروح عيش فيها
تعبر عن رايك .. بس مالك حق تغلط وتقول استحوا وعيب
احشم نفسك عشان الناس يحشمونك .. يوبه

يمامـة

29-03-2017, 10:06 PM

صدقتي وعن تجربة مستشفى حمد فيه كل شيء بس عيبه الزحمة وتسلق الكثيرين من غير القطريين على سلم المواعيد والقطري ما يحصل موعد .. لو أعطوا نسبة للقطريين بنسبة تواجدهم بنفتك من التأخير في المواعيد

أتمنى يوفرون يومين للقطريين و3 للأجانب.. وكل شي بينحل لنا ان شاء الله..

ameeer3

29-03-2017, 10:09 PM

صدقني اني اكثر منك احب الخير لهالبلد

يا يوووبه ... خلنا مع الموضوع الي يخصنا ..

يمامـة

29-03-2017, 10:12 PM

مانحب انكون انانيين بالموضوع هاي انتي ماشاء الله على راتبج وتروحين الخاص وتخلصين علاجج وبالاخير تقولين ليش ادفع؟ والمقيم اللي راتبه على قده كل مايروح جهه حتى الصحة لازم يدفع بعد مب بس بالصحة ترى كل مكان لازم يدفع شي رمزي ليش وغيره متوفرله مجانا ترى رمزي فوق رمزي يطلع شوقي قصدي يطلع مبلغ يسوى والمبلغ اصلن مب محتاجته الدولة وفي غنى عنه والله شنو 25 ريال بس كل مكان فيه دفع

يمه خلاص انتي صادقه وانا الشرير والعاصي والمدمر والمخرب بعد هاللي تبين تقولينه خلاص ارفعوا الرسوم ليش مخلينها رمزيه ليش مخلين لهم مستشفيات يروحون بلادهم يتعالجون

شوف .. أولا حضرتي ربة بيت..
قبل كان بوالعيال الله يجزاه كل خير يسلمني الراتب اخر الشهر في ظروف وافرح وانبسط واستااانس..http://www.pic4ever.com/images/confetti.gif
الحين صار يحوله لي على البنك اتم من نص الشهر اراقب مسج البنك متى بينزل الراتب http://www.pic4ever.com/images/146fs495919.gif

والخاص ما رحته لأن فلوسي وايدة.. رحته لأن ربي اكرمنا ببطاقات التأمين الصحي من جهة عمل بوالعيال وحاليا العيال نفسهم الله يبارك لنا فيهم
( زين جذيه كتبت لك قصة حياتي؟)http://www.pic4ever.com/images/interview.gif

اما بخصوص مبلغ 25 ريال...............> من قال هذي اللي نتكلم عنها؟

علاج الاسنان ما يغطيه التأمين بشكل كامل.. وادفع من جيبي لأن الحكومي مافيه مواعيد..
بينما المقيم محصل مواعيد فيها ويتعالج بأسعار رمزية..

لما ادفع 4000 حق زراعة ضرس من سعر 7000 مثلا.. المبلغ محرز صح؟
فيحق لي أطالب بالعلاج المجاني في الحكومي..

وحتى ال 25 ريال ليش ادفعها حق شركة التأمين وفي الحكومي ادخل ببلاش؟

فانت مب شرير ولا عاصي.. انت مب مقدر حق المواطن القطري في بلاده.. وتعتبر دفاعه عن حقه عنصرية..
بينما الدولة بشكل عام تقدم للمقيم خدمات شبه مجانية لا يلقاها في بلاده وبنفس السعر؟؟

مخطط قطري

29-03-2017, 10:35 PM

الله يمسيكم بالخير جميعا اذكرو الله وصلو على النبي والاختلاف في الاراء لايفسد للود قضيه كل واحد ادلى برايه في الموضوع ومشكورين جميعا ووضحت الفكره وطبعا القطري اولى واحق بالعلاج في وطنه في بلاده ومحد قال شي عن الاجنبي معزز ومكرم الا بالعكس ماخذ حقه من اقصها لين ادناها واحنا الحين في هالموضوع بذات نطالب الحكومه بمسواتنا بهم في جانب الرعايه الصحيه واتفق مع مداخله احد العضوات الكريمات في انه مستشفى حمد تكنولوجيا وتقنيا احدث منهم ومتطور ولكن طبيا عندي تحفظ على هذي النقطه لانهم يوظفون المترديه والنطيحه عندهم فخرب على الدكتور الجيد عندهم بعكس المستشفيات الخاصه والعيادات الخاصه كله بزنس وفلوس ومايبي يخسر سمعته وشغله وتجارته مع دكتور فاشل ،،،، لي عوده ان شاءالله للمووضوع بس قلت اصحح مسار الموضوع لانه انحرف قليلا وطمرتونا حصى ومدغشر يوبه لاطفى الليتات شغل الدينجر عشان فكرتك ورايك يكون واضح احنا هنيه نطرح الراي والراي الاخر وف الاخير انت في وطن يحترم الانسانيه ويقدرها والدليل واضح قدامك مايحتاج براهين

معماري قطري

29-03-2017, 10:47 PM

هاي غير اللي ايون بفيزة زياره وياخذون مواعيد ويدخلون قبلنا
معروفين كانو شكثر ايون حق اطفال الانابيب هني ما يكلفهم شي وفبلادهم يدفعون دم قلوبهم
غير اشيا ثانيه مانذكرت

والله بشوفة عيني عربي يشتكي بأن السكر متعبه ويبغي يدخل بدون موعد على الطبيب وانا بتحويل وبصعوبة موعدي طلع بعد 3 شهور .. أشوف حولي كل الموجودين غير قطريين ونفس الشيء في موعد سابق للعيون

صج لو يخلون يومين اسبوعياً للقطريين أفضل ويمكن حتى يوم بيفك أزمة المواعيد .. ولو يفتحون الدوام يوم السبت بعد أفضل وشفتات نحتاج أطباء أكثر أكيد

ساراام

30-03-2017, 03:12 AM

معماري قطري

30-03-2017, 11:18 AM

الاجانب ف المستشفيات اكثر من المواطنين

واحنا مساكين ينقعونا على كل شي

الاجانب من حقهم يتعالجون لان الكل يمرض

بس احنا لو كنا ببلادهم بيعاملونا نفس المعامله!! ماعتقد

الحل حطولنا مستشفى خاص بالقطريين

في مستشفيات عدة يقولون لي حسب الاتفاق مع حكومة قطر .. يعني حكومة قطر تدفع هناك لنا وبغالي أوقات ومحددين أشياء معينة لأني اروح في شغل وحسب الاتفاق الحكومي وتدفع هنيه للرعاية الطبية للكل وأكيد الأفضلية للقطري لكن نلاحظ استغلال الخدمات غالبيتها للأجانب والقطري عليه زحمة كبيرة لذلك يفترض يحصل مواعيده أسرع وله أسرة محجوزة فقط للقطري فلا يتنوم في غرفة مشتركة حوله كلهم أجانب ومسكنين عائلاتهم وربعهم معاهم في المستشفى

الدوحه1

30-03-2017, 11:40 AM

مره واحد من الربع يشتغل في جمارك المطار يقولي شكينا في شنطة احد المسافرين(الأجانب) ويوم فتحنا الشنطه حصلناها متروسه ادويه حكوميه وتبين انها من الادويه الغاليه؟؟؟؟؟

الحياة الخالدة

30-03-2017, 12:18 PM

مره واحد من الربع يشتغل في جمارك المطار يقولي شكينا في شنطة احد المسافرين(الأجانب) ويوم فتحنا الشنطه حصلناها متروسه ادويه حكوميه وتبين انها من الادويه الغاليه؟؟؟؟؟

ذكرتني بسالفة
الوالد الله يعطيه الصحة والعافية كبير في السن عنده ضغط وسكر ومرض القلب
المهم يراجع في المركز الصحي .. يقول كل مرة يكتب له الدكتور فيتامينات وأدوية اشكثر وهو يقول له أنا مابيهم لأن ما منهم فايدة
فالدكتور يقول له خلاص انا باخذهم حق زوجتي .. هي تعبانة ومريضة ومحتاجتهم .. وبالفعل ياخذهم
قلت خوش والله

JN000N

30-03-2017, 12:33 PM

مره واحد من الربع يشتغل في جمارك المطار يقولي شكينا في شنطة احد المسافرين(الأجانب) ويوم فتحنا الشنطه حصلناها متروسه ادويه حكوميه وتبين انها من الادويه الغاليه؟؟؟؟؟

اي دكتورنا فالجامعه جي مسوي كان ماتم دوا ماميره معاه

معماري قطري

30-03-2017, 01:33 PM

بوخالد911

30-03-2017, 02:01 PM

المقيميين كفاية عله ع جبودنا
بعد يايين ويزاحمونا في المستشفيات

ليش ما يتعالجون ببلادهم؟!؟!
ولا سفارتهم تفتح لهم مكان ويفكونا من غثاهم

بوخالد911

30-03-2017, 02:05 PM

حتى رواتب القطريين ما سلمت من عينك اعوذ بالله من الحسد

وبط في عيونهم
يعلهم السلال اللي ماله علااج

اميييين

السيف5

30-03-2017, 02:08 PM

أبشرّكم بعد انتظار 8 شهور
جا موعدي للاسنان بالرميلة:stop:

بوخالد911

30-03-2017, 02:20 PM

لازم وضع قيود ورقابة على صرف الدواء

تصدقون ( هذي حرة لبعض الناس اللي ما يحبون القطري ) حتى الحليب للأطفال حديثي الولادة يصرفونه لمدة سنة مجاناً مع مستلزمات الطفل وهذا وصلني على الوتس أب مب متأكد من صحته

هلا بك بش مهندس

هالخبر غير صحيح

والصحيح هو صرف بعض المعدات والمستلزمات الطبية لكبار السن وذوي الإعاقة.

][ Q6r ][

30-03-2017, 04:54 PM

هلا بك بش مهندس

هالخبر غير صحيح

والصحيح هو صرف بعض المعدات والمستلزمات الطبية لكبار السن وذوي الإعاقة.

صحيح يصرفون لهم .. وخاص اللي عندهم توائم
والقطرين مايقولون لهم انهم يصرفون لهم حليب وحفاضات بعد لمده سنه...
كن دافعين من جيبهم مايحبون الخير لنا

mohd essa

02-04-2017, 09:41 AM

وبط في عيونهم
يعلهم السلال اللي ماله علااج

اميييين

انا صرت امشي وأقرأ الموعذات لكثرت العيون الي طالع , حتى غطت على عيون القطاوه

يمامـة

03-04-2017, 01:07 PM

المقيميين كفاية عله ع جبودنا
بعد يايين ويزاحمونا في المستشفيات

ليش ما يتعالجون ببلادهم؟!؟!
ولا سفارتهم تفتح لهم مكان ويفكونا من غثاهم

اسمح لي اختلف معاك في نقطة حق المقيم في العلاج..

كل مقيم على هالارض له حق بالعلاج.. سواء بدعم الحكومة او بماله الخاص..
فالموضوع مب موضوع ليش الدولة توفر لهم العلاج..

الموضوع ان مع التزايد الكبير لاعداد المقيمين المواطن مب لاقي مواعيد ولا سراير ولا علاج يتناسب
مع اهتمام الدولة الكبير في الصحة..

مثل ما قال احد الاخوان.. افتحوا العيادات أيام العطل .. خصصوا أيام خاصة للقطريين..

نبي الكل يتعالج.. وفي القوت نفسه ما نبي المقيم يعترض على حق القطري في المطالبة بسرعة العلاج
في المستشفيات الحكومية..

هيليوم

04-04-2017, 10:18 AM

الصحة ياشباب مدعومه من الحكومة ومافي فرق بين المواطنين والمقيمين والزائرين اللهم على حسب المدة اللي انت بتجلس فيها لو مواطن بتاخذ على طول او المقيم يعطونه على حسب اقامته والشغالة والدريول كلهم مامنين والعمال بالصناعية والخور والوكرة كلهم مامنين. وبالتوفيق بالتأمين الجديد

الصحة مدعومة صحيح لكن في فرق ، التأمين حق المواطنين غير عن المقيمين غير عن الزوار وهذا شي طبيعي ، التأمين لما يتطبق بشكل جيد راح يكون في فرق واضح في سرعة الخدمات الطبية غير انه بينشط الحركة الاقتصادية في المجال الطبي بشكل مباشر والمجالات الغير طبية المرتبطة (الخدمات المساعدة ) بشكل غير مباشر وان شاء الله نتأمل خير