سؤال بخصوص الحضانات والمدارس الخاصه

[Ms. London]

السلام عليكم ورحمة الله وبركاته

اخواني وخواتي .. موضوع الحضانات ورياض الأطفال والمدارس الخاصة موضوع متكرر لكنه متجدد وخاصة انه تم افتتاح عدد منها مؤخرا.. ولهالسبب طرحت الموضوع علشان تنقلون لنا تجاربكم..
عن نفسي دخلت ولدي حضانة العبقري الصغير والصراحه حضانه ماعليها كلام من جميع النواحي نظافه واهتمام وترتيب والمكان شرح والمدرسات بشوشات وكل الموظفات يتعاملون مع كل اليهال بلطافه بحكم انهم يجمعونهم الصبح ويسون لهم أنشطه قبل ما يروحون كلاساتهم.. انا لاحظت الفايده منها على ولدي صراحة بس للأسف صاحبة الحضانه بريطانيه وبترجع بلادها ومانعرف السبب وبتضطر تسكر الحضانه وحاليا يتفاوضون يبون حد يشتريها واذا محد خذها راح تتسكر.. وحاليا انا في رحلة البحث عن حضانه ثانيه وبالصدفه سمعت عن حضانة بايونير انترناشنال ورحت لهم اليوم ،، ياخذون الطالب من عمر 3 سنين ( kg1) يعني حسّيت في اهتمام في الطالب ومادة اللغة العربيه نفس منهج المجلس الأعلى واتوقع التربيه الاسلامية والعلوم والرياضيات،، اما الانجليزي فكتبهم غير ،، عجبتني تقول مديرتهم انه منهج أمريكي نفس الي يدرسونه في مدرسة الحكمه،، ويدرسون اللغه الفرنسيه،، دخلتني حدا الصفوف وكانت مدرستهم تعطيهم عربي وتدربهم عالكتابه،، على كلام المديرة ان الطالب يطلع من عندهم يعرف يكتب ويقرأ عربي وإنجليزي تمام لأنهم يهتمون في التأسيس،، غير هذا يعلمونهم الصلاه ويدربونهم عملي عليها،، بس الي ماحبيته مبناهم ضيق مب شرح مثل الحضانه الاولى..

ياليت كلن يقول لنا تجربته وبكون شاكره لكم..

[ضوى]

ومن قالج مدرسه الحكمه بيرفكت !؟؟

[Ms. London]

ومن قالج مدرسه الحكمه بيرفكت !؟؟

والله يا اختي على حد علمي ومن الي قريته عنها والي كنت اسمعه من الي حولي انها كانت ممتازه والكل كان يتمنى يدخل عياله ،، بس الحين اذا تغير مستواها ف الله أعلم...