استفسار عن علاج للصلع

[qtri2013]

انا مصلع من مقدمه الراس ع الجنبين والشعر الي فالنصف ضعيف . بدا من عمر 14 تقريبا

احسن انا عمري 50 للاسف يعني

يعني احنا 2017 كل العلاجات فيه بس للشعر مافي..!!:waiting:

[ذكي جدااا]

خله لين تصلع كامل وعقب سوي زراعة شعر. زراعة الشعر يكون من نفس شعر رأسك يؤخذ من مؤخرة الرأس ويزرعونه لك قدام. اما الأدوية مااتوقع تفيد كله دعايا عالفاضي

[Rider]

عندنا وعندك خير بس لازم تتعايش مع الواقع وصلعت وش بيصير عادي اهم شي الصحة

[..عاشق قطر..]

مافي غير زراعة الشعر ،، لاتحاول الادوية والكريم ماراح ينفع

انا سويت زراعه في تركيا من ثلاث سنين وباقي عملية اخيره الي هو تكثيف
بس ماسويت لكن بسوي اقرب وقت

وبالتوفيق

[why me]

نص المنتدى مسوين زراعة.

اتفق مع الاخوان الي فوق, مالك الا الزراعة, انا مسويها من سنه والامور طيبه.
ازرع والحق على شبابك واستانس فيه قبل لايروح.

[qtri2013]

انزين افضل عياده تزرع الشعر وشنو الفرق اذا زرعت برع او في الامارات

[MAZEN37]

الى تركيا درب السلامه

[..عاشق قطر..]

انزين افضل عياده تزرع الشعر وشنو الفرق اذا زرعت برع او في الامارات

وايد عيادات في تركيا ،،والفرق ان تركيا ارخص بكثير من دول الخليج ..

[aloosh]

انصحك تعايش معا الطلع عادي دامه معاك من عادك صغير
الكل مصلع:)

[why me]

اذا ماعندك مشكله فالمبلغ, انصحك بالصين, بتكلفك حول ال 6000 دولار, اضعاف تكلفة العملية في تركيا لكنهم افضل من تركيا بكثير.

[..عاشق قطر..]

اذا ماعندك مشكله فالمبلغ, انصحك بالصين, بتكلفك حول ال 6000 دولار, اضعاف تكلفة العملية في تركيا لكنهم افضل من تركيا بكثير.

تركيا بلد الزراعه وكل دول الخليج مطيحن هناك وفي الزين وفي الشين
ماعمري سمعت زراعه ف الصين !!

من ناحيتي تركيا الافضل وارخص لكن روح عياده ممتازه

[why me]

تركيا بلد الزراعه وكل دول الخليج مطيحن هناك وفي الزين وفي الشين
ماعمري سمعت زراعه ف الصين !!

من ناحيتي تركيا الافضل وارخص لكن روح عياده ممتازه

كنت اعتقد مثلك, لين شفت بعض التجارب فالصين, كثافه ودقة ممتازة جداً.
تركيا جيده طبعاً, ولكل شراي بضاعة وسوقي

[qtri2013]

الصين وايد غالي .. انا شفت تجارب يمدحون دكتور يتيكن باير في تركيا . ومحد اشتكى منه.


وخلاص مشكورين:thumbup:

[بوخالد911]

تركيا
ولا تفكر بغيرها

والله يهونها عليك.