هل اقدر استرجع فلوسي ؟

[خوي الدرب]

السلام عليكم
وسلمت لأحد مكاتب الاستقدام فيزة خادمة اندونيسية والمبلغ ونصف المبلغ
وبعد ما جاء بالخادمة سلمته باقي المبلغ أي اخذ حسابه بالكامل
وقال لي عندك ثلاث شهور تجربة وبعد ما جلست عندي الخادمة فترة
رجعتها للمكتب لأنها لم تصلح
وقال لي انه راح يجب خادمة ثانية من نفس الجنسية
ولكني خلاص ماعاد ودي اتعامل مع المكتب يعني ودي اجرب مكتب ثاني

هل في هذه الحالة سيرجع لي المبلغ أو أنه يقول لي ليس لك خيار إلا أن اجيب لك خادمة ثانية

[aloosh]

احصلت معي نفس المشكله بالضبط
بعد ما قعد يماطل رحت مركز الريان سحبوه وثاني يوم فلوسي عندي
انصحك تروح المركز لانه بيقعد يماطل معك اختصر الوقت

[حليتان*]

من حقك تاخذ فلوسك

[بصمة قطرية]

اي يرجع فلوسك كاملة ..
صارت معاي مرة و رجع لي المكتب فلوسي ..

[وليف الشوق]

مليون بـ 100 تاخذ فلوسك بالكامل لان معاك ضمان 3 شهور فقط ومن حقه مايعطيك فلوسك اذا انقضت مدة الضمان او قمت بتحويل او نقل الكفاله لك

[بعيد النظر]

أي نعم تقدر .. وصارت لي وماطلو شهر ..
جيتهم بالزين .. ومصخوها ..

لي رحت المكتب وطالبت بالفلوس في نفس الدقيقة ..
جاني وعطاني نصها .. وقال ما عندي بكرة ادبرلك الباقي ..


المهم اصريت استلم فلوسي كاملة ..
مثل ما سلمتهم فلوسهم !


والحمدلله ردها كاملة

[مستـريــح البـــال]

مثل ما تفضــلوا الأعضاء ،، ايه تقدر ،،

واذا ياخــوي ما حبيت تعــور راسك بزود معاهم ،، اتصــل على حماية المستهلك اذا ماطلوا . .

[خوي الدرب]

الله يبارك فيكم ويجزاكم خير

صراحة أنا كنت متخوف لاحد الآن ما كلمتهم لأني ما دري عن رأي القانون في هذا الأمر هل هو يعطيهم الحق أن يرفضوا ويجبروني على أن يبحثون لي عن خادمة أخرى

اهم شيء قانون الاستقدام ماذا موقفه عن مثل هذا الأمر

[بوخالد911]

نعم
تقدر تطالبك بفلوسك
والله يسهل عليك.

[بصمة قطرية]

الله يبارك فيكم ويجزاكم خير

صراحة أنا كنت متخوف لاحد الآن ما كلمتهم لأني ما دري عن رأي القانون في هذا الأمر هل هو يعطيهم الحق أن يرفضوا ويجبروني على أن يبحثون لي عن خادمة أخرى

اهم شيء قانون الاستقدام ماذا موقفه عن مثل هذا الأمر

إذا ما عندهم خادمة مطابقة لشروطك تروح عليك الفلوس ..!!!!
لا طبعاً
حقك تاخذه ما تبي من عندهم تاخذ فلوسك
محد يجبرك ..