الى اي مدى يمكن قبول التغيير في المجتمع ؟

[غريب الدّار]

صبحكم الله بالخير :)

قبل فترة اعتقد تذكرون لما كان لبس البنت للبنطلون (والجنز بالتحديد) عيب !!!

وصارت نقاشات كثيرة في الموضوع ، يعني الناس هدت اشغالها وصار شغلهم الشاغل البنت اللي تلبس بنطلون او جنز

وكان منقود ، والناس ينظرون للبنت اللي تلبس انها متحررة!!

وقبلها قيادة السيارة : كان منقود في المجتمع ان المرة تسوق

حتى بالنسبة للدراسة في المجتمعات الخليجية ، دراسة الذكور في معظم (او يمكن كل) دول الخليج بدت قبل الاناث

(ماادري ليش التركيز ع المرأة بصراحة )
بس بعد لازم اذكر ان حتى لبس الكاجوال او الرياضة قبل بالنسبة للطلعات العادية للشباب كانت عليه بعض علامات الاستفهام !!!

لكن :
اللي صار بعدها ان تحولت هالمظاهر الى مظاهر عادية
مش لانها تكررت والناس تعودوا عليها ، لانها أصلا ماتخالف الدين (ارجع وأكرر أتكلم عن الأمور المحتشمة ) يعني لايجي حد يقول لي والله شفت وحدة لابسة بنطلون ضيق وفاتحة العباية !!! هاذي اسمها قلة حيا في نظري ، أتكلم عن لبس البنطلون بما لايخدش الحياء او بقصد الاثارة

يعني اللي تبي تلبس بنطلون تحت العباية عادي (مااتكلم عن المظاهر الخادشة للحياء )

واللي تبي تسوق عادي


سؤالي :
الى أي مدى يمكن للمجتمع تقبل مثل هالامور؟ قصدي ان الأمور المذكورة أعلاه ماكانت تخالف الشرع
لكن تخالف التقاليد


فهل المجتمع على استعداد لتقبل التغيرات التي لاتمس القيم الاسلامية؟ ام ان العادات والتقاليد اقوى في نظر الكثيرين؟ وقد تطغى أحيانا على المنظور الشرعي عند البعض؟



والله يوفقنا وياكم

[فريج النجادة]

كلامك ذهب يا الغالي

نعم مشكلتنا مع الحريم بالذات

ولا يزعلون مني الاخوات

تعال في لبسيهم ومكياجهم غالي الاثمان

تعال في احتفالاتهم من زواج او غير وشوف التبذير الذي ليس له حدود

تعال حتى في عزاهم شهر كامل من الناحية وازعاج اهل الميت

وكل يوم مع الاسف تتفاقهم وتزيد من تضخم هذة المشاكل

والفضل يعود لهم

تعالو نعالج هذة الظواهر السلبية التي كل يوم تزيد مع الاسف

وهم يقرون انهم سبب انتشار هذة المشكلة وتفاقمها !!!

[@north_star@]

صبحكم الله بالخير :)

قبل فترة اعتقد تذكرون لما كان لبس البنت للبنطلون (والجنز بالتحديد) عيب !!!

وصارت نقاشات كثيرة في الموضوع ، يعني الناس هدت اشغالها وصار شغلهم الشاغل البنت اللي تلبس بنطلون او جنز

وكان منقود ، والناس ينظرون للبنت اللي تلبس انها متحررة!!

وقبلها قيادة السيارة : كان منقود في المجتمع ان المرة تسوق

حتى بالنسبة للدراسة في المجتمعات الخليجية ، دراسة الذكور في معظم (او يمكن كل) دول الخليج بدت قبل الاناث

(ماادري ليش التركيز ع المرأة بصراحة )
بس بعد لازم اذكر ان حتى لبس الكاجوال او الرياضة قبل بالنسبة للطلعات العادية للشباب كانت عليه بعض علامات الاستفهام !!!

لكن :
اللي صار بعدها ان تحولت هالمظاهر الى مظاهر عادية
مش لانها تكررت والناس تعودوا عليها ، لانها أصلا ماتخالف الدين (ارجع وأكرر أتكلم عن الأمور المحتشمة ) يعني لايجي حد يقول لي والله شفت وحدة لابسة بنطلون ضيق وفاتحة العباية !!! هاذي اسمها قلة حيا في نظري ، أتكلم عن لبس البنطلون بما لايخدش الحياء او بقصد الاثارة

يعني اللي تبي تلبس بنطلون تحت العباية عادي (مااتكلم عن المظاهر الخادشة للحياء )

واللي تبي تسوق عادي


سؤالي :
الى أي مدى يمكن للمجتمع تقبل مثل هالامور؟ قصدي ان الأمور المذكورة أعلاه ماكانت تخالف الشرع
لكن تخالف التقاليد


فهل المجتمع على استعداد لتقبل التغيرات التي لاتمس القيم الاسلامية؟ ام ان العادات والتقاليد اقوى في نظر الكثيرين؟ وقد تطغى أحيانا على المنظور الشرعي عند البعض؟



والله يوفقنا وياكم

يعتمد على مدى تفكير الشخص وعقليته ..... للأسف الكثير من الناس عندهم موانع العادات والتقاليد أكثر من الموانع الدينية

[أسد الجزيرة]

الحاصل الان من اللبس مخالف للشرع لانه يجسم جسم المرأة و مناطق العفة فيها

و السبب الرئيسي انه القطريين اصبحوا اقلية في قطر

قريب من 10 % من التركيبة السكانية

[فيصل99]

كل فعل او عادة او ضابط تعدى حدود شرعنا الحنيف
وسواء تقبله الفرد والمجتمع او لا
ستنعكس اثاره السلبيه عليه كلما تمادا تمادت اثاره السلبيه

هذا جوابي بكل مختصر

[راجي الْعفو]

التغير مقبول اذا ما خالف الشرع اظن هذا محد يختلف عليه

وأوضح تغير نشوفه مخالف للشرع هو في الحريم


واكبر العوامل وراء ذلك بعد ضعف الدين


انقراض الرجل القطري الغيور شيئاً فشيئاً

[شبح الصمت]

الله يصبحك بالنور والسرور يا غريب ..

لا تروح بعيد من فترة في مكان عام كان في مجموعة بنات وحده منقبه بس مش النقاب الي اهو يستر اتوقع فهتمم قصدي
معها ثنتين صغار ولابسين عبي ووحده معاهم لا عبايه والا شيء جينز وقميص والوضع عاااادي والا كانه في شيء ..


وفي المقابل ربعنا روح اللولوة مر شوف الشباب اغلبهم الحين صرنا قسمين قسم ربعنا غتر وعقل والقسم الثاني كجول وحركات ويكونون مجموعات
ودش المجمعات شوف البزارين

انا ولدي جاني قالي ابي اشتري نفس هاللبسة قلت له يبه انت حالياً لازم ترتز الغتره والعقال اهي هيبه واحترام وتقدير من بعد شخصيتك وتقدير العالم لك والجنز له وقته ما اقول لا تلبسه والا اني رافض بس حاول قد ما تقدر انه الغتره والعقال والثوب اهم الاساس في اغلب الاماكن والمناسبات


الجيل الجديد جيل زاحف
وقمنا نشوف المكشفات الي كاشفين ومكياج فل قبل وين نشوف الحين الاغلبية والا مفتكرين في العالم

ودي اعرف سؤال هذولي عادي يطلعون من بيوتهم ومن بين آبائهم وآمهاتهم بهالطريقة !!!


لا حول ولا قوة الا بالله

[مفكر قطري]

الجهل يولد الخرافة :)
الحين الناس بدت تفكر و تتساءل و كلن صار عنده هويته الخاصة..
و ايضا دائماً لما نستقبل شي يديد ما كنّا نشوفه قبل من الطبيعي ان راح نفكر فيه و نطرح التساؤلات مثل (من، متى، و ليش) ..

بخصوص المرأة، تحديات المرأة اغلبها تحديات اجتماعية ثقافية و هي السبب في التمييز ضدها..
لأن مع التاريخ تكونت صورة ان المرأة لا تستطيع الاعتماد على نفسها و هالشي غير صحيح..

[راجي الْعفو]

تذكرت البيت اللي يقول:

اذا كان رب البيت بالدف ضاربا
فشيمة أهل البيت كلهم الرقص !

[nooora]

تذكرت البيت اللي يقول:

اذا كان رب البيت بالدف ضاربا
فشيمة أهل البيت كلهم الرقص !

هذا السبب الرئيسي للانحرافات كلكم راع وكلكم مسؤول عن رعيته خائن الامانه . ثم ضعف الوازع الديني عند البنت وتقليد اعمى . والشي الاهم مشايخنا الي كله محاضراتهم نكت ويخافون يتكلمون في قضايا مثل هذه وكل همهم يلطفون جو المحاضرات بالنكت الا من رحم ربي وهم قله

[العقل المدمر]

بعد ليش التركيز عالمرا
لان كل شي تسويه المرا فهالمجتمع عيب
والريال عيوبه مرتبطة بالحريم (مخلي حريمه كاشفات والا يسوقون والا يدرسون)
المرا بكبرها اصلا عيب وللحين الشباب يباركون حق المعاريس بـ "بكرك ولد" جاهلية وراثية ابدية ما شاء الله

[شموخ دائم]

,

,


مرحبا

شكرا على الموضوع

اختلاف ( الأجيال )
جيل الكبار المتمسكين بالعادات بكل صرامه ( ابائنا )
هذا الجيل ما بقى منهم حد عليهم رحمه الله الا القليل منهم

( جيل يرفض الاكل بالمطعم ويعتبره مو من سنعنا )

وجيل أبنائهم الي أعمارهم الان في 30 والأربعين ( جيلنا احنا )
اقل تمسك بالعادات والانفتاح على العالم الخارجي
وجيل عاصر التمسك الاجتماعي وعاصر التطور والنقله الكبيره بالبلد
فينا الي انفتح على استحيا وفينا الي اخذه التيار
وفينا من يحاول ( يوزن الأمور )
خير الأمور اوسطها

( يتقبل اكل المطاعم ويشوفه عادي من باب التغييروما يشوف داعي للتشدد فيه ) ويتحفظ على نوع المطعم والجلسه أحيانا


وجيل الجديد الي أعمارهم اليوم في ال 20 ( جيل أولادنا ) وهو الجيل المنفتح على السفر والتكنولوجيا
والسينمات والمولات والمطاعم والتصوير وبرامج التواصل
ما عاصر فتره التعصب
( يشوف الاكل في المطاعم من ضروريات الحياه وشي جميل ومتعه والطلعه مع الأصدقاء والتصوير )

( 3 ) أجيال متواجده الان بالمجتمع

وواضح النقله الى تصير

انا ضربت مثال على ( المطاعم )
وقيسها على الأمور الأخرى

مثال اخر

البنت ما تركب جنب السايق قدام عيب
البنت تركب بالخلف والسياره مخفي
البنت تركب قدام مع زوجها فقط
البنت تسوق السياره بنفسها
البنت تطلع مع صديقاتها
:)

المسئله مسئله اختلاف أجيال
اختلاف تفكير

اختلاف كل شي

سنه 1970
غيرعن
1980
غيرعن
1990
غيرعن
2000
غيرعن
2017

( بكل شي )

اذا احنا ما تقبلنا التغيير

أولادنا يتقبلونه ويرحبون فيه

العادات والتقاليد ( تخف ) مع الجيل الجديد تدريجيا


بالنسبه لي

( الرجل هو من يتحمل كل شي في بيته وهو من يضبط الأمور او يتركها )

حسب نسبه تدينه ونسبه قوامته


,

,

[راجي الْعفو]

هذا السبب الرئيسي للانحرافات كلكم راع وكلكم مسؤول عن رعيته خائن الامانه . ثم ضعف الوازع الديني عند البنت وتقليد اعمى . والشي الاهم مشايخنا الي كله محاضراتهم نكت ويخافون يتكلمون في قضايا مثل هذه وكل همهم يلطفون جو المحاضرات بالنكت الا من رحم ربي وهم قله

صحيح
ولكن ما يبرر لها فعل الغلط ابدا

ما نبي نقول ان أكثرهم من هالنوعية ضحك و نكت، ولكن ممكن نقول ان هناك من انتسب للدعوة وصاروا مشاهير و متصدرين الاعلام

ومن النوع اللي يحاول يكسب الحميع في شتى القضايا المطروحة و ما يبي يزعل احد كما يزعم

وهذا نتيجته انه ما بينكر اي غلط يصير

فتحصل الكوارث

[مدغشقر]

يعتمد على مدى تفكير الشخص وعقليته ..... للأسف الكثير من الناس عندهم موانع العادات والتقاليد أكثر من الموانع الدينية

موافقك الراي يتعقد الموضوع اكثر بالنسبة لعائلته ويشوف مثل هذه الامور انحراف وخروج عن اهل السنة والجماعه ويودي احيانا الى ارتكاب جرائم القتل

[aloosh]

صبحكم الله بالخير :)

قبل فترة اعتقد تذكرون لما كان لبس البنت للبنطلون (والجنز بالتحديد) عيب !!!

وصارت نقاشات كثيرة في الموضوع ، يعني الناس هدت اشغالها وصار شغلهم الشاغل البنت اللي تلبس بنطلون او جنز

وكان منقود ، والناس ينظرون للبنت اللي تلبس انها متحررة!!

وقبلها قيادة السيارة : كان منقود في المجتمع ان المرة تسوق

حتى بالنسبة للدراسة في المجتمعات الخليجية ، دراسة الذكور في معظم (او يمكن كل) دول الخليج بدت قبل الاناث

(ماادري ليش التركيز ع المرأة بصراحة )
بس بعد لازم اذكر ان حتى لبس الكاجوال او الرياضة قبل بالنسبة للطلعات العادية للشباب كانت عليه بعض علامات الاستفهام !!!

لكن :
اللي صار بعدها ان تحولت هالمظاهر الى مظاهر عادية
مش لانها تكررت والناس تعودوا عليها ، لانها أصلا ماتخالف الدين (ارجع وأكرر أتكلم عن الأمور المحتشمة ) يعني لايجي حد يقول لي والله شفت وحدة لابسة بنطلون ضيق وفاتحة العباية !!! هاذي اسمها قلة حيا في نظري ، أتكلم عن لبس البنطلون بما لايخدش الحياء او بقصد الاثارة

يعني اللي تبي تلبس بنطلون تحت العباية عادي (مااتكلم عن المظاهر الخادشة للحياء )

واللي تبي تسوق عادي


سؤالي :
الى أي مدى يمكن للمجتمع تقبل مثل هالامور؟ قصدي ان الأمور المذكورة أعلاه ماكانت تخالف الشرع
لكن تخالف التقاليد


فهل المجتمع على استعداد لتقبل التغيرات التي لاتمس القيم الاسلامية؟ ام ان العادات والتقاليد اقوى في نظر الكثيرين؟ وقد تطغى أحيانا على المنظور الشرعي عند البعض؟



والله يوفقنا وياكم

انا برد على المعلم بالاحمر
اذا البنطلون ضيق ولا يلبس من فوقه شي ويبرز الجسم اذا كان زوج فهو ديوث واذا كاب اب فهو كذلك هذى كلم اهل العلم وسامعه من شيخ
اهم شي تلبس شي من فوقه

[khalid525]

من خلق الله البشر وكل جيل يختلف عن الجيل اللي قبله بغض النظر عن مقدار الاختلاف

[غريب الدّار]

كلامك ذهب يا الغالي

نعم مشكلتنا مع الحريم بالذات

ولا يزعلون مني الاخوات

تعال في لبسيهم ومكياجهم غالي الاثمان

تعال في احتفالاتهم من زواج او غير وشوف التبذير الذي ليس له حدود

تعال حتى في عزاهم شهر كامل من الناحية وازعاج اهل الميت

وكل يوم مع الاسف تتفاقهم وتزيد من تضخم هذة المشاكل

والفضل يعود لهم

تعالو نعالج هذة الظواهر السلبية التي كل يوم تزيد مع الاسف

وهم يقرون انهم سبب انتشار هذة المشكلة وتفاقمها !!!

مرحبا اخوي الكريم فريج النجادة
تقصد ان التركيز ع الحريم كان بسبب الأمور اللي ذكرتها فقط؟

[يمامـة]

كل تغيير في اوله منقود وغير مقبول سواء كان سلبي او إيجابي..

لكن مع مرور الوقت يصبح عادة وممكن الكل يتقبله ويعمل عليه سواء كان سلبي او إيجابي..

[يمامـة]

بعد ليش التركيز عالمرا
لان كل شي تسويه المرا فهالمجتمع عيب
والريال عيوبه مرتبطة بالحريم (مخلي حريمه كاشفات والا يسوقون والا يدرسون)
المرا بكبرها اصلا عيب وللحين الشباب يباركون حق المعاريس بـ "بكرك ولد" جاهلية وراثية ابدية ما شاء الله

ياليت انتم في هالجاهلية ولا شفنا اللي نشوفه اليوم من تحرر للمرأة في كل شي..

ولكن لو حبينا نركز على الموضوع ما اعتقد المرأة بحد ذاتها معنية فيه علشان نكون حقانيين..

بعيد عن لبس المرأة وتخليها عن مسؤولياتها .. أمور كثيرة صارت عادي في المجتمع وقبل كانت عيب..
ومنها

النظرة الشرعية.. قبل كانوا يمنعونها واليوم يرحبون فيها..

جلوس الزوج مع زوجته قبل الدخول بها او الكلام معاها قبل كان عيب والحين عادي..

تطليع بنات والتمشي معاهم امام خلايق الله في الأماكن العامة كان عيب الحين عادي
للي يقوم بمثل هالامر..


فالموضوع مب محصور في المرأة كثر ما هو محصور في مدى تقبل الناس للتغيير هذا
في نفوسهم ومجى انتشاره فيما بعد..

[بانغ بانغ]

موضوع مميز اخوي غريب

لي عودة ان الله احيانا بكره

[MirusS]

التغير الايجابي والتطوير مقبول بكل اشكاله
الا مايخالف الدين والعادات .