2015 subaru wrx sti

[style]

السلام عليكم
هل السيارة اعتماديه ..صرف البترول شلون, حلوه 4 سلندر 2.5 ليتر تربو,, awd
المناعي مسويين عروض ب 140 ريال اصفار

عطوني الراي بالربع ,,هل تنفع ولا مشاكلها وايد باختصار يعني.
اذا حد عنده هالموتر يفيدني ويفيد المنتدى.
ابيها حق الولد سندرني عليها

شكرا

[أبورودي]

سوبارو سياره رائعه صناعه يابانيه 100% كل قطعها دون استثناء المكيف رائع جدا جدا
اقتصاديه فى البترول
قطع الغيار اسعارها معقوله وغير مبالغ فيها يمكن صياناتها فى اي جراج بدون تعقيد
فقط لو بتفكر تبيعا بتخسر فيها اما لو تحتفظ فيها رائعه جدا جدا

[النهار]

توكل على الله سياره من اروع السيارات اليابانيه
ماخذت حقها في السوق
الصرفيه صب وحرك ماتصرف صرفيتها نفس الهونداء قويه مريحه يابانيه 100%
عيبها يوم تبيعها ماتجيب لك سعر وقطع الغيار ماتحصلها برعه الا عند الوكيل اسعارها معقوله
مافهمت ياخوي 140 ريال في اليوم او شي ثاني

[style]

ههههه لا الشيخ..140 الف ريال قيمه السياره وضمان ثلاث سنوات لموديلات 2016

[style]

موديلات 2017 ب 160 الف ريال,,,مسووين عروض على 2016

[ya3coub]

ايه عليها خوش سياره بس خربو شكلها

الشكل الي يذبحني 2005 و طالع لين 2010 بعدين جابو العيد فيها سياره روعه و اذا بيعدلها خله يكلمني

تراها سياره قويه و جاهزه للراليات و التعديل فيها لابعد الحدود ما تخترب بسرعه بس اذا اختربت لازم تتصلح عدل

تجي حسب علمي بس قير عادي طالما سعرها حلو و انت موافق توكل على الله سياره قويه و نت السيارات القليله الي حافظو على الجوده و العمليه

و في لها منتديات فامريكا تقدر او الولد يسجل ببلاش ماله داعي الفلوس و فيها المشاكل و التعديلات و الاسعار و السيرفس و اشلون الواحد يشتغل عليها بنفسه

و الف مبروك مقدما

الموقع اذا تبي قطع اصليه من اليابان japanparts.com متعامل معاه كثير قبل الاسعار غاليه لان أصلية و من اليابان بالشحن و في فانريكا ارخص و صنع امريكي لهالسياره محبين و شركات

العيب الوحيد مثل ما اذكرو الاخوان سعرها يطيح و بحكم انها رخيصه جديده الكل يبي الجديد و يعدل بنفسه السعور وايد حلو توكل على الله اخوي

Sent from my LG-H990 using Tapatalk

[معماري قطري]

يا اخوي لتطيع الولد السيارة سريعة مثلها مثل المتسوبيشي السريعة نسيت اسمها

4 سلندر وفورويل درايف اعتقد بس حق السباق والاستعراض

ولدي يبي مرسدس يقول صغير طلع يبي السي 63 مكينته 8 سلندر وتيربو وسريع سريع .. سألته شتبي به في قطر وليش ما تاخذ ال 200 وانا مجرب 220 استيشن وديزل لكن سرعته جنونية .. أقنعته يصبر لين يخلص الثانوية ويمكن يطلع يدرس برا واخذ له سيارة مناسبة هناك

عيالنا ما يفكرون في الأخطار ولا يفكرون في قيمة السيارة المهم قوة وصوت .. زين في قطر حدود السرعة 120 وتقدر توصل 139 والشرطة منثرين حتى على الخطوط شكلهم صادوني الخميس دايس شوي فوق 140 بين رادار ورادار .. شفايدة عندي سيارة تسارعها من صفر لين 100 في 5 ثواني وانا باسوق في الغالب في زحمة شوارع الدوحة؟ وشفايدة سرعة 250 أو حولها وانا مجبور على سرعة 139 الا إذا باخالف وباقول نسيت وفرطت ريلي على الريس وشسوي سيارتي سريعة وايد .. هم الحزام عندهم عيب ويخرب الثوب وانا اشوف الأفضل يسوقون واقفين حتى ما يتعفس الثوب

[معماري قطري]

شوفها هنا في اليوتيوب واسمع صوتها وحش كاسر

الله يحفظ عيالنا جميع وعيال المسلمين انا قلبي عورني ودخلت مزاجي لأني ببساطة من محبين السرعة لكن الحمد لله سرعة بعقل


https://www.youtube.com/watch?v=Hx60Rqu-640

[معماري قطري]

وهذي سبع أسباب حتى ما تشتريها في الفيديو ذيه ويمكن السبب الأهم القير عادي وبيمل منها بسرعة ولدك في الزحمة


https://www.youtube.com/watch?v=NdvuJHQFFbU

[الهتمي-1988]

لا إله إلا الله محمد رسول الله