اخيرا امازون في الخليج

[أسد الجزيرة]

امازون يستحوذ على سوق . كوم

http://arabic.cnn.com/business/2017/03/28/souq-amazon

[دايموند]

اشلون فالخليج؟

[أسد الجزيرة]

شرا سوق.كوم و بيحوله امازون مقرهم في الامارات

[الحاقول]

لهم مقر من زمان في مدينة الدمام في المملكه العربيه السعوديه

http://www.borderlinx.com/SA/ar/pages/buy-on-amazon-com-and-ship-to-saudi-arabia/

[أسد الجزيرة]

لهم مقر من زمان في مدينة الدمام في المملكه العربيه السعوديه

http://www.borderlinx.com/SA/ar/pages/buy-on-amazon-com-and-ship-to-saudi-arabia/

هذي شركة شحن توصل المشتريات من امازون

[7llo]

اكيد بيكون اغلى من السوق واكيد بضاعته بتكون مضروبه

[ya3coub]

لا حول الله

سوق من اروع المواقع و العروض و مؤخرا طاح سوقه بس شاري اشياء وايد و من خمس سنين اتعامل مع سوق و الي يقهر على كل الدول الي زادوهم مافي قطر

يلا الحين شرته امازون الله يستر ان شاء الله تتحسن و يسون لهم فرع بقطر بعد

خصوصا لو على الخليج الشحن و يتعاقدون مع كم شركه غير ارامكس

[معماري قطري]

صدقوني من قريت الخبر قلت بيستوي نهر مثل نهر الأمازون في الخليج .. من أيام شايف فلم زيارة ولد بن طوار للأمازون وعلق الاسم في ذاكرتي

[captin]

خطوة ممتازة لشركة امازون العملاقة

انا اتعامل معاهم واشتري منهم باستمرار من زمان من يوم كانوا يبيعون كتب فقط

ومرة من زمان تقريبا سنة 2007 طرشت لهم ايميل اقترح عليهم يفتحون موقع في دبي
ويحطون مخزن كبير ويشحنون البضائع للمستهلكين في الشرق الاوسط بنفس الطريقة اللي يسونها في امريكا وبريطانيا
وباقي المواقع اللي تشتغل منها امازون وحاليا عندهم اكبر سوق خارج امريكا هو سوق الهند.

والحمدلله فعلا تحقق هالشي هذا الموقع بيسوي شغل كبير للمستهلكين في منطقة الخليج
وبيغير مفهوم التسوق الالكتروني

[fhd4]

للأسف الرسوم المبالغ فيها وتعقيدات الشحن والاستيراد والاحتكار من أسباب
غلاء الاسعار في قطر وقلة تنوع البضائع أو عدم توفرها مثل الدول الثانية …
هذا اللي يبعد شركات مثل souq.com وغيرها الكثير عن السوق القطري

[معماري قطري]

ناس يطورون شغلهم اخوي كابتن بس جاء التطوير شوي متأخر واعتقد بسبب قوانينا

[captin]

ناس يطورون شغلهم اخوي كابتن بس جاء التطوير شوي متأخر واعتقد بسبب قوانينا




صحيح كلامك اخوي معماري قطري دولنا حديثة جدا في التجارة الالكترونية وتحتاج قوانين
ونظم وبنية تحتية قوية ومواصلات واهم شيء نظام بريدي للعناوين دقيق وواضح سالفة صندوق البريد
ما تمشي ونسبة الاخطاء فيها كبيرة والضياع ايضا .

مثلك عارف في امريكا او بريطانيا او غيرها من الدول اللي عندها نظام بريدي دقيق وواضح
توصلك اغراضك الى السكن او مكان العمل بدقة وسهولة وسرعة بدون عناء .

اعتقد دبي مهيئة تماما لاستيعاب مخازن شركة امازون ووجود شركات شحن كبيرة وسريعة متصله بباقي دول الخليج على مدار الساعة
راح تخلي مشروع التسوق الالكتروني من موقع امازون العربي ناجح جدا .

خصوصا لما تتكلم عن المواد الاستهلاكية وقطع غيار السيارات والملابس والالكترونيات الخ لما المواطن الخليجي في اي دولة يتسوق
من الموقع بكل سهولة وتوصله اغراضه خلال ثلاثة ايام مثلا مغلفة بشكل ممتاز وبسعر مناسب هذا الشي راح يسوي نقلة في المنطقة.

[سالم الزهران]

طالما بيفتحون فالموظفين اكيد عرب و ابشروا وافرحوا باللخبطة والخربطة وقلة السنع

[Riku3]

طالما بيفتحون فالموظفين اكيد عرب و ابشروا وافرحوا باللخبطة والخربطة وقلة السنع

هذي المشكلة والتعقيدات الي موجوده في سوقنا لمساعدة التجار على الاحتكار تبعد مثل هالشركات المحترمه من المنافسة ..

من 3 سنين طلبت كذا غرض من امازون وجات على دفعتين وما بلغوني .. من استلمتهم من ارامكس اتصلت حق امازون اشتكي ان هم ما خبروني بهالعملية وبسببها دفعت فلوس شحن مرتين لارامكس .. بس كان غرض واحد المفصول فما دفعت مبلغ كبير ..

مع انهم غير مسؤلين عن اعادة الشحن من امريكا الى قطر لاني شاحن الاغراض لحسابي الامريكي في ارامكس .. الموظفه علشان تراضيني حطتلي 20 دولار في حسابي :yes2: .. احترام للعميل ما تعودنا عليه هههههه .

[saeed2005]

أمازون موقع رائع وكنت أتمنى من تجارنا تطبيق فكرته في الخليج بدل أن تذهب أموالنا لأعداء الأمة فيزيد تسلطهم علينا لكن للأسف عقليات التجار ذهبت في العقارات فهي سبيل مضمون عندهم لشفط ما في الجيوب والله المستعان .