ياشباب ماهي أفضل شركة للشحن الجوي؟ ....

[ساعي الخير]

ياجماعة ماهي أفضل وأرخص شركة للشحن الجوي؟،،، أريد شحن عفش للخادمة إلى اندونيسيا.
شكرا للجميع.

[@north_star@]

أشحن بالبحر أرخص بكثييييير

[ساعي الخير]

لا.. البحر يطوّل عليها .

[Azizuk]

الرجال بطران ومطنوخ

عندك / فيدكس / ارمكس / دي آش ال / يو بي اس

هذول شركات عالمية :nice:

وفِي شركة بن يوسف للشحن

[ساعي الخير]

الرجال بطران ومطنوخ

عندك / فيدكس / ارمكس / دي آش ال / يو بي اس

هذول شركات عالمية :nice:

وفِي شركة بن يوسف للشحن

ياأخي لامطنوخ ولا حاجة هي اللي طالبة ومن حسابها،،،أقول لا! تشحن على كيفها.

[Azizuk]

ياأخي لامطنوخ ولا حاجة هي اللي طالبة ومن حسابها،،،أقول لا! تشحن على كيفها.

شفت السفير هايبر ماركت اللي في منطقة ميسمير وخلف شارع بروة التجاري ( خلف انصار غلري )

في شركة شحن داخل السفير جنب الحلاقين بيكون المحل على جنب في شركة شحن آسيوية

المحل بيكون اول ماتدخل من الباب الرئيسي الف يمين اخر شي الف يسار في حلاقين ومحلات تجارية صغير محل الشحن بيكون معاهم

وعندك بن يوسف لشحن بعد معروفين

[ya3coub]

أخوي ارخص شحن الي اهو عن طريق الشركات و يشحنون بشركات الطيران المعروفه بالشحن مو شركات الشحن

^^^ يمكن جملتي غير مفهومه

اشارات المطار القديم في مجمع اسمه السفير صوب دوحه روكس

بين دوحه روكس و بين السفير في شركه للشحن اتوقع علي بن علي يطرشون سيارات و اشياء بالهبل عن طريق الطيارات و يدورونلك ارخص الرحلات و خلال اسبوع او عشر ايام اتكون واصله هاي بالكثير بس لازم الخدامه تروح المطار تستلم الأغراض او على حسب الإتفاق بينك و بينهم يعطونك بوصله شحن و الخ العيب الوحيد و ما اعتقد يأثر عليك ما تقدر اتشوف تحسرك الشحنه عالنت نفس بعض الشركات للشحن بحيث تعرف وين اغراضك متعطله فاي بلد و الخ

القطرية فوق الــ100 كيلو يصير بعشره ريال قبل الحين ما اعرف حسبتهم اشلون و اذا تعرف احد شغال فالقطريه يطرشهم لها باسمه لهم خصم موظزفين القطرية يصير الكيلو بريال او سي من هالقبيل

[Rider]

شركة جودويل للشحن 33112400 او 66994401 او44626949 يجون لين البيت وياخذون اغراضها وانت مرتاح

[Azizuk]

يعتمد شنو نوع العفش

يعني ممكن قطعه طولها 3 متر وعرضها نص متر وزنها 5 كيلو سعهرها يختلف

وقطعه صغيرة أو شنطة سفر وزنها 50 كيلو

شركات الشحن يحسبون المساحة والوزن

لان قطعة أم 3 متر بتأخذ مساحه كبيرة ومايقدرون يحطون فوقها حاجه

بس الشنطة ممكن فوقها شنطة أو كرتون

شركات الشحن لهم حسبه وتعريفة لكل شي هذا اللي اعرفه

بعدين مع التخليص الجمركي أو بدون له سعر

التوصيل الى المنزل أو الاستلام من شركة الشحن نفسها كل شي له سعر

مع التامين أو بدون

يستحسن انك تتواصل معاهم وتتفق معاهم على كل شي