مساحة للخط والرسم والخربشة

[سالم الزهران]

السلام عليكم ورحمة الله وبركاته

أسعد الله أوقاتكم جميعاً وجعل أيامكم عامرة بالخير والعمل الصالح.
لا يشكو المنتدى في الواقع من قلة الموضوعات، لكني أحببت أن يكون في هذا الموضوع مساحة لعرض صور الرسومات والخربشات بالقلم او المرسم و اية افكار أخرى. وما دفعني الى هذا هو ان ابنتي جود اصلحها الله وسائر ذراري المسلمين فاجأتني بكمية من الرسومات وكنت اظنها قد رسمتها باستخدام الورق الشفاف ، لكنها قالت انها استخدمت مواضيع رسم الشخصيات الكرتونية الموجودة على الانترنت وربما يكون في الموضوع فائدة لهواة الرسم او الخط وشكراً

[الحياة الخالدة]

عليكم السلام ورحمة الله وبركاته
موضوع جميل جداً
الله يحفظ لكم جود ويبلغكم فيها
وفي انتظار الرسومات والمشاركات

[الحياة الخالدة]

وبالفعل عندي عيال خواتي يرسمون باستخدام مواضيع رسم الشخصيات الكرتونية نفس بنتك الله يحفظها

[سالم الزهران]

جزاك الله خير اختي حياة ، لول كنت اعلم جود كيف تكتب وترسم ، الآن رسمي متواضع جداً جداً امام رسمها، انا من اول رسمي عادي مو ذاك الزود بس رسم بنتي الحين بالنسبة لي احترافي ،،، اشكر مرورك و اللي عنده شيء لا يبخل به فالموضوع اشتراكي بحت :) مافي حقوق ملكية ولا مؤاخذة الا ما يراه المشرفون وعسى تحصل الفايدة المرجوة

[سالم الزهران]

http://www.up.7cc.com/uploads/1490942327871.jpg

[بوخالد911]

موضوعك مميز.
يا ريت عندي موهبة الرسم.

[سالم الزهران]

حالي حالك يبو خالد
بس انا تفاجأت في البنت ان معلمها أ ب الرسم البسيط
وهي ورتني امس الصبح يمكن ثمان رسمات كلها احترافية ؟

لهذا السبب بو خالد قلت يمكن الاعضاء يستفيدون لو شافوا احد عيالهم عنده ميول يوجهونه للرسم وهالموضوع اثبات ان فيه وسائل مساعدة ( بنتي ما كانت تعرف ترسم قبل سنة واليوم أشوفها استاذه ؟)

لذلك لازم ندعم المواهب ويكفي انهم يبعدون عن سبيستون وعن الايباد .

نورت يبو خالد وتراني رسمتك وبحطها هنا هههههه

[سالم الزهران]

http://www.up.7cc.com/uploads/1491021512511.png

طبعاً الاوصاف عن طريق مخبر في المنتدى :). .

والصج اني كنت اخربش في الرسايل وطلع معي هالشكل (:

[سالم الزهران]

وهذي بعد

http://www.up.7cc.com/uploads/1491021645421.png

[سالم الزهران]

وهذي رسمات البنت وشف الفرق !

http://www.up.7cc.com/uploads/1491021394061.jpg

[Dana’1]

رسمها روعه على انها صغيره حسب ما فهمت الله يحفظها
جود وزيد حلوين:)

[نفسي عزيزه]

سالم الزهران انت مميز دائما بالمشاركات وبالمواضيع

موضوع جميل ويازينك ويازين بلادك واهلها الكرام استمر وانا من متابعينك

[معماري قطري]

الله يحفظ عيالك وخصوصاً البنت رسامة ما شاء الله

[معماري قطري]

أذكر رسمت رسمة على لوح خشب وبألوان مائية وكانت سهلة لإبريق قديم .. وكنت في الابتدائية وبقت في المرسم .. بعد حول 10 سنين أو أكثر ما اذكر بالضبط رحت لإخوي في مدرسة ثانية وما ادري شجذبني لرسمة معلقة على العمود يوم قربت اشوفها الا رسمتي القديمة

[معماري قطري]

خالي رسام محترف وفي جمعية الرسامين القطريين .. أشهر لوحاته أُم الحنايا ما اذكر كم وصل سعرها

[الحياة الخالدة]

ما شاء الله على جود .. تملك الموهبة الله يحفظها

[الحياة الخالدة]

https://e.top4top.net/p_4562apah0.jpg (https://up.top4top.net/)

[Dana’1]

https://e.top4top.net/p_4562apah0.jpg (https://up.top4top.net/)

فناان
ولا نسى دمنها ههههههه
الله يحفظه

[الحياة الخالدة]

فناان
ولا نسى دمنها ههههههه
الله يحفظه
شنهو الدمن ؟؟
ويحفظ لج كل غالي يارب
هذا الفنان خالد ولد اختي الله يحفظه
بس كاسر خاطري الجمل .. وجهه حزين

[Dana’1]

شنهو الدمن ؟؟
ويحفظ لج كل غالي يارب
هذا الفنان خالد ولد اختي الله يحفظه
بس كاسر خاطري الجمل .. وجهه حزين

الدمن يعني روثها وانتي بكرامه
بالعكس جابيها صح ترى اغلب خششهن بملامح الحزن لانهن مبرطمات هذا يشترك بمزاين يفوز هههههههههه

الله يحفظه ويصير رسام ئد الدنيا

[الحياة الخالدة]

الدمن يعني روثها وانتي بكرامه
بالعكس جابيها صح ترى اغلب خششهن بملامح الحزن لانهن مبرطمات هذا يشترك بمزاين يفوز هههههههههه

الله يحفظه ويصير رسام ئد الدنيا
ههههههههه إي والله مبرطمات
تسلمين حبيبتي

[سالم الزهران]

سالم الزهران انت مميز دائما بالمشاركات وبالمواضيع

موضوع جميل ويازينك ويازين بلادك واهلها الكرام استمر وانا من متابعينك

ما عليك زود يا نفسو ،، تشرفنا في اي وقت يا بيه :)


الله يحفظ عيالك وخصوصاً البنت رسامة ما شاء الله

ويخلي لك عيالك يبو عبدالله، وجزاك الله خير


أذكر رسمت رسمة على لوح خشب وبألوان مائية وكانت سهلة لإبريق قديم .. وكنت في الابتدائية وبقت في المرسم .. بعد حول 10 سنين أو أكثر ما اذكر بالضبط رحت لإخوي في مدرسة ثانية وما ادري شجذبني لرسمة معلقة على العمود يوم قربت اشوفها الا رسمتي القديمة

ياليت اقدر احصل شيء من المدرسة بس للاسف


خالي رسام محترف وفي جمعية الرسامين القطريين .. أشهر لوحاته أُم الحنايا ما اذكر كم وصل سعرها

بشوف لها في القوقل لان الاسم جذبني ( قطري بحت )


ما شاء الله على جود .. تملك الموهبة الله يحفظها

جزاك الله خير الحياة


شنهو الدمن ؟؟
ويحفظ لج كل غالي يارب
هذا الفنان خالد ولد اختي الله يحفظه
بس كاسر خاطري الجمل .. وجهه حزين

الله يطرح البركه في خالد و اهله ،، فعلاً اغلب صور الابل على النت مزاين على قولة ديور

[الماريّة]

الله يحفظ جووود وحلوو رسمها فديتها

عيل بصير تنافس بحط رسمات بنتي

تسلم اخوي سالم على المووضوع

[سالم الزهران]

الله يحفظ جووود وحلوو رسمها فديتها

عيل بصير تنافس بحط رسمات بنتي

تسلم اخوي سالم على المووضوع

حياك الله المارية ... اولادنا شغلتهم الاجهزة عن مواهبهم
واكرر ان جود ما كانت تعرف ترسم و كانت تنبهر اذا رسمت لها شيء ... واظن الاصرار هو اللي يخلي الانسان يتطور و اتمنى كل طفل يلقى له شيء غير الايباد وهذا الدافع اللي خلاني انزل الموضوع.. خلونا نشوف رسماتكم و اعمالكم الفنية او اي شيء سويتوه و على الاقل نقول للطفل نشرنا رسمتك في الموقع

[السكين]

وأخيراً لقينا موضوع عن الرسم ، متابع بكل جوارحي .

ما شاء الله كل الرسوم جميلة ورسمة جود الله يحفظها أبعادها تجيبها ما شاء الله .

أهم شي الرسم بدون ممارسة يتدهور المستوى والعكس صحيح .

[سالم الزهران]

وأخيراً لقينا موضوع عن الرسم ، متابع بكل جوارحي .

ما شاء الله كل الرسوم جميلة ورسمة جود الله يحفظها أبعادها تجيبها ما شاء الله .

أهم شي الرسم بدون ممارسة يتدهور المستوى والعكس صحيح .

حياالله الأخ العزيز السكين ,, طبعاً انت فناننا ومرجعنا وداخلي والله أمنيات ان اطفالنا يتعلمون شيء يفيدهم واكيد انك تتفق معي ان كل الاطفال يعتبرون مادة خصبة وعندهم مميزات حتى بين التوائم تحصل فروق هذا يحب الحفظ نعطيه شيء يحفظه وهذاك الثاني يحب التشكيل والرسم نعطيه شيء يرسم ( اهم شيء نكسر الحلقة اللي قفلت على العيال وصاروا كلهم قاعدين على الايباد والعابه )

وليكن هذا الموضوع مكرّس لهذا الغرض و اللي عنده تجربه فكل شخص حر في مشاركته وتعليقاته ما وضعنا الموضوع للمدح والثناء ,, بالعكس انا مؤتمن واقول واكرر والله مواهب الاطفال ممكن تتجاوز مقدراتنا حنا يالكبار و اظن اننا ما نقدر نجاريهم ... وحياك الله يا اخونا السكين تشرفنا في اي موضوع طال عمرك

[السكين]

حياالله الأخ العزيز السكين ,, طبعاً انت فناننا ومرجعنا وداخلي والله أمنيات ان اطفالنا يتعلمون شيء يفيدهم واكيد انك تتفق معي ان كل الاطفال يعتبرون مادة خصبة وعندهم مميزات حتى بين التوائم تحصل فروق هذا يحب الحفظ نعطيه شيء يحفظه وهذاك الثاني يحب التشكيل والرسم نعطيه شيء يرسم ( اهم شيء نكسر الحلقة اللي قفلت على العيال وصاروا كلهم قاعدين على الايباد والعابه )

وليكن هذا الموضوع مكرّس لهذا الغرض و اللي عنده تجربه فكل شخص حر في مشاركته وتعليقاته ما وضعنا الموضوع للمدح والثناء ,, بالعكس انا مؤتمن واقول واكرر والله مواهب الاطفال ممكن تتجاوز مقدراتنا حنا يالكبار و اظن اننا ما نقدر نجاريهم ... وحياك الله يا اخونا السكين تشرفنا في اي موضوع طال عمرك

الله يحفظك شكراً على لطفك، انا أتفق معك بخصوص كسر الحاجز التكنولوجي وأنا كلي ثقة أن بداخل كل طفل موهبة محتاجة صقل، عندي اولاد خواتي واخوي الكبير معظمهم رسامين وسابقين سنهم والاطفال اللي بسنهم بمراحل، كل ما اشوفهم اهديهم اقلام رسم واقلام فحم وجليتر ودفاتر مخصصة للرسم ومساطر فيها اشكال هندسية منوعة من جرير وكلها ادوات للرسم المتقدم على اساس يحاولوا يكتشفوا نفسهم أكثر، وكل جمعة في زيارات العائلة والنسايب اغلبهم يجيبوا لي رسومات مكتوب عليها اسمي او اهداءات وكلها احتفظ فيهم، وعندي رسوم لابن اختي من وهو طفل 3 سنوات وحالياً هو سنة ثانية جامعة، اهم شي التشجيع، عودهم ع الاستمرار.

مسألة الايبادات والهواتف الذكية وغيرها صدقني الاهل هم السبب، يسكتوا الطفل بالايباد ويتركوه معه طول اليوم ويقولك جيل اليوم صعب تربيته، المفترض تخصيص وقت محدد فقط ومتابعة هواياتهم، جرب تهدي بنتك من مكتبة جرير او كلر نوت ادوات رسم او الوان زجاج او رسم على الحرير لتحس باهتمامك وشوف النتيجة بعد فترة تحصلها اهتمت بموضوع الرسم عالزجاج الى ان تتقنه، هذا كمثال .

تحياتي لك

[Miss]

ماشاء الله
الرسم موهبه
اذا عندكم مراكز تطور هالفن لا تقصر معاهم
بيطورونهم وهم صغار
الله يحفظهم

[سالم الزهران]

الله يحفظك شكراً على لطفك، انا أتفق معك بخصوص كسر الحاجز التكنولوجي وأنا كلي ثقة أن بداخل كل طفل موهبة محتاجة صقل، عندي اولاد خواتي واخوي الكبير معظمهم رسامين وسابقين سنهم والاطفال اللي بسنهم بمراحل، كل ما اشوفهم اهديهم اقلام رسم واقلام فحم وجليتر ودفاتر مخصصة للرسم ومساطر فيها اشكال هندسية منوعة من جرير وكلها ادوات للرسم المتقدم على اساس يحاولوا يكتشفوا نفسهم أكثر، وكل جمعة في زيارات العائلة والنسايب اغلبهم يجيبوا لي رسومات مكتوب عليها اسمي او اهداءات وكلها احتفظ فيهم، وعندي رسوم لابن اختي من وهو طفل 3 سنوات وحالياً هو سنة ثانية جامعة، اهم شي التشجيع، عودهم ع الاستمرار.

مسألة الايبادات والهواتف الذكية وغيرها صدقني الاهل هم السبب، يسكتوا الطفل بالايباد ويتركوه معه طول اليوم ويقولك جيل اليوم صعب تربيته، المفترض تخصيص وقت محدد فقط ومتابعة هواياتهم، جرب تهدي بنتك من مكتبة جرير او كلر نوت ادوات رسم او الوان زجاج او رسم على الحرير لتحس باهتمامك وشوف النتيجة بعد فترة تحصلها اهتمت بموضوع الرسم عالزجاج الى ان تتقنه، هذا كمثال .

تحياتي لك

ما شاء الله عليك ,, كل الاشياء اللي تتعلق بالرسم والزجاج والقليتر ترى ما نعرفها و نبيك تحطها لنا هنا و نبذه عنها وفقك الله يا السكين ورفع قدرك

[سالم الزهران]

ماشاء الله
الرسم موهبه
اذا عندكم مراكز تطور هالفن لا تقصر معاهم
بيطورونهم وهم صغار
الله يحفظهم

نتمنى ذلك يا اخت Miss والله يوفقك واشكرك على المشاركة

[سالم الزهران]

http://www.up.7cc.com/uploads/1491277881361.jpg

[السكين]

ما شاء الله عليك ,, كل الاشياء اللي تتعلق بالرسم والزجاج والقليتر ترى ما نعرفها و نبيك تحطها لنا هنا و نبذه عنها وفقك الله يا السكين ورفع قدرك

ان شاء الله حاضرين بحطلك صور لبعض رسماتي القديمة على الزجاج واشرحلك طريقة الرسم ترى

من أبسط الشغلات.

[سالم الزهران]

ان شاء الله حاضرين بحطلك صور لبعض رسماتي القديمة على الزجاج واشرحلك طريقة الرسم ترى

من أبسط الشغلات.

يعطيك العافية ويبارك في عمرك و على يسرك وحسب استطاعتك وانا شخصياً لو بغيت انزل اشتري اشياء للرسم حق اليهال ما راح اعرف وش اللي يناسب وش اللي ما يناسب ولذلك نبي منك تعطينا فكرة عن الادوات اللي ممكن تساعد الاطفال و اذا كان فيه شيء نظيف ما يخرب البيت ...الخ

يعطيك العافية وجزاك الله خير الجزاء

[سالم الزهران]

رسمها روعه على انها صغيره حسب ما فهمت الله يحفظها
جود وزيد حلوين:)

حياك الله اختي ديور ولله توني انتبه لمشاركتك غرتني محادثتك مع الحياة عن الناقة اللي في الرسمه :)
تنورين الموضوع واعطينا مما اعطاكم الله

[ضوى]

ماشاء الله الله يحفظها حلو رسمها ، بس علمها ووجهها ماترسم ذوات الارواح ، واذا رسمتهم لا ترسم لهم ملامح حسب ماعرفت من اختي معلمة التربية الفنية انه رسم الارواح مايجوز

غير جذي ماشاء الله عليها فنانة الله يحفظها ويبارك فيها يارب

[راجي الْعفو]

تنبيـــــه الاخت ضوى في محله

جنبو عيالكم رسم ذوات الأرواح

موفقين

[@north_star@]

شخابيط بنتي .......

http://www8.0zz0.com/2017/04/04/08/694760340.jpg (https://www.0zz0.com)

[السكين]

يعطيك العافية ويبارك في عمرك و على يسرك وحسب استطاعتك وانا شخصياً لو بغيت انزل اشتري اشياء للرسم حق اليهال ما راح اعرف وش اللي يناسب وش اللي ما يناسب ولذلك نبي منك تعطينا فكرة عن الادوات اللي ممكن تساعد الاطفال و اذا كان فيه شيء نظيف ما يخرب البيت ...الخ

يعطيك العافية وجزاك الله خير الجزاء

الرسم على الزجاج ما يصلح للأطفال أقل من 12 سنة أعتقد لأنه الألوان المستخدمة جلوزي وتلصق بالزجاج وما تتأثر بالغسل ، فلو وصخت السجاد أو القماش صعب تنظيفه ، وممكن بعد يوصخوا أنفسهم.

حاول ترسم انت قدامها فيهم ( التغذية البصرية مهمة لأي فنان ) الأدوات تقدر تجيبها من جرير أو كلر نوت ، أنا أفضل كلر نوت لأنها متخصصة للرسم وعندهم الألوان والأصباغ اللي تناسب أي مشروع تريد تسويه ، وأعتقد صاحبها رسام ، اذا حابب ترسم على الزجاج لا تخضع للبائع لأنه هدفه يبيع وتروح وتشتري عدة كثيرة .. اكتفي فقط ( بالمحدد اللي على شكل مرهم الآلام واختار اللون الأسود فقط ) ، واختاربالنسبة للأصباغ اللون الأزرق والأصفر والأحمر فقط ( واختار الألوان الشفافة ) ومنهم تقدر تخلط أي لون تحبه ، وكذك التنر لتخفيف درجة اللون وغسل الريش في حال لونت بالريشة وتنظيف الزجاج من الأصباغ حول الرسمة .
اذا عرض عليك ريش كثيرة للتلوين أو محدد فضي وذهبي وبرونزي أو ملّون لا تاخذهم وبذكرلك الأسباب لاحقاً .

الأدوات :

1- قطعة زجاج شفاف يفضل تكون 3 -4 ملم لأنه لو أقل بتنكسر بسهولة ( متوفرة من أي محل زجاج وكذلك المكتبات المذكورة ) ، أو قطعة مراية من اي محل مثل رامز أو الرونق والبراويز تكون غالباً متوفرة بحجم a4 تكون ثمنها 15 ريال بالكثير .

2- ارسم على الزجاج الشفاف أحسن لأنه لو ما عندك مَلَكة الرسم تقدر تطبعها ( تشّفها ) ، أما المراية تقدر تجيب الرسمة المطلوبة على ورق وتحطها فوق المراية وتخلي بينها وبين سطح المراية ورقة ( كربون ) وتطبعها بتلاقيها مرسومة على واجهة المراية بعدها تقدر تستخدم المحدد بالرسم فوق الخطوط اللي طبعتها بالكربون).

3- تجيب المحدد والرسم فيه بسيط لو رسمت بحذر ، ترسم بمرونة ولا توقف بنص الخط واذا وقفت وكملت لا تتم داعس حتى ما تطلع نفخة بين الخطين حط فوهة المحدد على نهاية الخط وبعدين اضغط برفق وكمّل .

4- اذا انتهيت من تحديد الرسمة إتركها تجف لساعة تقريباً ولو فيه زوائد بعد ما تجف تقدر تزيلها بالموس المستخدم لقص الورق والخشب القليل السماكة ، بطريقة الكشط بحركة افقية متكررة .واذا نظفت الرسمة ييجي دور تلوينها .

5- الألوان منها أنواع ( شفاف او صدفي أو لامع جليترأو مثل الصبغ الزيتي غير شفاف ) أفضل اللون الشفاف لسببين الأول أنه يعطي تأثير جميل نفس النوافذ القديمة اللي تكشف ما وراها مت الجهتين والسبب الثاني اللون الشفاف لو جا على التحديد الأسود ما راح يأثر فيه بينما لو كان اللون غير شفاف بيغطي لون المحدد وبيشوه الرسمة في حال كان الشخص مبتديء بالتلوين . حط ورقة بيضاء تحا الزجاجة حتى تشوف الرسمة بوضوح واللون كذلك يبين بوضوح وانت تلون ، تبدأ التلوين بسكب جزء بسيط من اللون في علبة صغيرة أو غطاء العلبة من فوق مجوّف تقدر تحط فيه وتنظفه بالتنر بعد الاستخدام . استخدم الريشة لو حبيت في الصبغ ولو تخليها تلمس سطح الزجاج كثير ولا تروح وتيجي بالفرشاة حتى ما تسوي خطوط ممكن تظهر بعد ما تجف حاول تلون بطريقة التنقيط حتى ياخذ اللون مساره ويكون شفاف بدون بقع واذا ما وصل للاطراف تقدر تستخدم طرف مسمار او دبوس وتسحب اللون للتجويف المناسب ولحدود الرسم الضيقة ، وبعد التلوين اتركها لين تجف نهائي وتأخذ وقت عادة ساعات حتى تجف بالكامل .

لو حبيت تكوّن ألوان جديدة ( أزرق واصفر يعطيك أخضر ) ، (أزرق واصفر وأحمر وأصفر يعطيك بني ) ، (أزرق وأحمر يعطيك بنفسجي) .

بالنهاية شوف دروس اليوتيوب ولا تتقيد بكل الطرق لأنه الشروحات والأدوات يكونوا مبالغين فيها فخلك بسيط راس مالها قطعة زجاج وكم لون ومحدد أسود.

بحط لك بعض الرسوم اللي ممكن ترسمها على الزجاج لاحقاً والأدوات وماركاتها الجيدة .

[السكين]

أنا أستخدم هالألوان للمحدد والصبغ اسمها PEBEO VITRAIL نفس اللي بالصورة تحت .

http://thumbs1.ebaystatic.com/d/l225/m/myAxQxseX1OW0GJEb0eOr1w.jpg

http://i.ebayimg.com/images/i/172411196528-0-1/s-l1000.jpg

بالنسبة للتلوين تقدر تستخدم بدال الريشة شفت قطارة الأنف اللي تكون طويلة للشفط والتنقيط ، استخدمها احسن لأنها ما تترك تموجات مثل الريشة كبداية استخدمها احسن.

[السكين]

هذي بعض الرسومات احسن شي في البداية تختار هالنوعية مساحات صغيرة للتلوين وفيها مجال لتنوع الالوان مثل الببغاء او الورود أو زخارف حرة .

https://encrypted-tbn0.gstatic.com/images?q=tbn:ANd9GcTUS_Uef10x27rI-n8UG4Vqu7h6atWKUuBQtNlxMHT-MGQNUP5N

http://1papacaio.com.br/modules/Imprima_pinte/gallery/datas/natal/velas/vela_vitral001.gif

https://encrypted-tbn0.gstatic.com/images?q=tbn:ANd9GcQxWCRH3Xrs4Kb0ZHOt8MnDwcXnhDDSM Zmb2Rl1iOk3FMUODhO1


http://ep.yimg.com/ca/I/yhst-137970348157658_2466_106324684

[سالم الزهران]

كفيت ووفيت و الله يعطيك العافية على الشرح واول مرّة بالنسبة لي اطلع على التفاصيل هذي و هي مهمة لمن اراد تجربة الرسم على الزجاج و جزاك الله خير

[السكين]

العفو حاضرين ،، وهالرسومات قديمة يمكن ايام الثانوية أو قبل رسمتها المهم كنت أتعلم ، التلوين كان بألون لامعة وبدل ما أخلط اللون ببودرة الجليتر اللامع ، أخبرني فنان إيراني أن أشتريطلاء الأظافر الملون وألون فيه وكانت النتيجة روعة والألوان ما تروح حتى مع الغسل.

http://www.m5zn.com/newuploads/2017/04/04/jpg//1848e907cbd52dd.jpg (http://www.m5zn.com/out.php?code=16619989)

http://www.m5zn.com/newuploads/2017/04/04/jpg//55f65fea5e112ad.jpg (http://www.m5zn.com/out.php?code=16619988)

[سالم الزهران]

غياب الرسّام و التشكيلي أثر علينا وحنا في سن التعلّم والمدرسة و للأسف قاعدين نشوف الرسومات ونظن انها مطبوعة بالحاسوب وفعلاً ما شفنا احد يرسم ولا علمنا احد والحمد لله على كل حال ,, مب شرط الرسم بل هناك اشياء كثيرة فاتتنا واشكرك على اللوحات الجميلة اخوي السكين ابدعت فيها.

[السكين]

غياب الرسّام و التشكيلي أثر علينا وحنا في سن التعلّم والمدرسة و للأسف قاعدين نشوف الرسومات ونظن انها مطبوعة بالحاسوب وفعلاً ما شفنا احد يرسم ولا علمنا احد والحمد لله على كل حال ,, مب شرط الرسم بل هناك اشياء كثيرة فاتتنا واشكرك على اللوحات الجميلة اخوي السكين ابدعت فيها.

لأن الرسم والرياضة كان يعتبرونها مواد ثانوية لدرجة لو فيه دروس مكثفة لمواد ثانية كان يستأذنوا من مدرس الرسم ويأخذوا حصصه هو يرتاح وهم يرتاحوا والنتيجة طمس هذا الفن ، حتى مدرسين الرسم لما كنا نقعد بالمرسم يدخلوا طلعوا يا أولاد كراريس الرسم ارسموا كذا ويقعد بغرفته الداخلية اللي بالمرسم، مافي أستاذ علمنا أصول الرسم ولو كانت مبسطة مثل تخطيط الوجه أو رسم الإنسان أو حتى أبعاده أو الأشكال الهندسية وانعكاسات الضوء والظل والأخطاء الشائعة بالرسم مثل رسم الشمس بالزاوية والتلوين العشوائي أو السيارات المربعة وغيرها ! بس حالياً أشوف الجميع على مواقع التواصل مثل السناب والانستغرام والفيس بوك من كثر تبادل الخبرات والتجارب نجحوا حتى بابراز أنواع جديدة من الفن مثل الثري دي وادخال مواد غير الألوان باللوحات من معدن وأحجار وكريستال بالاضافة للرسم الالكتروني وتطبيقات الرسم الاحترافية إلخ لتكون أكثر واقعية.

[بوخالد911]

حالي حالك يبو خالد
بس انا تفاجأت في البنت ان معلمها أ ب الرسم البسيط
وهي ورتني امس الصبح يمكن ثمان رسمات كلها احترافية ؟

لهذا السبب بو خالد قلت يمكن الاعضاء يستفيدون لو شافوا احد عيالهم عنده ميول يوجهونه للرسم وهالموضوع اثبات ان فيه وسائل مساعدة ( بنتي ما كانت تعرف ترسم قبل سنة واليوم أشوفها استاذه ؟)

لذلك لازم ندعم المواهب ويكفي انهم يبعدون عن سبيستون وعن الايباد .

نورت يبو خالد وتراني رسمتك وبحطها هنا هههههه


http://www.up.7cc.com/uploads/1491021512511.png

طبعاً الاوصاف عن طريق مخبر في المنتدى :). .

والصج اني كنت اخربش في الرسايل وطلع معي هالشكل (:


وهذي بعد

http://www.up.7cc.com/uploads/1491021645421.png

ما تقصر اخوي سالم
عساك ع القوة

بس المخبر ذي شكله مغلط :)

لأني ما البس نظارة

تحياتي لك + وله.
:)

[سالم الزهران]

الرسم جميل بس حدودي كلها بعد واحد او بعدين في بعض اللمسات والحظ يلعب دور كبير ( في اشياء كثيرة تعلمنا بدون قواعد ) وصرنا نتحايل عشان نطلع الصورة اوضح واسهل وبعض تطبيقات الرسم احسها تسهل الرسم وتعطي على الاقل فكرة عن مزج الألون و انا حقيقة استفدت منها كثير وشغلى لا يتعدى خربشات انسان متملل واذا طلع شيء زين فهو صدفة :)

[سالم الزهران]

ما تقصر اخوي سالم
عساك ع القوة

بس المخبر ذي شكله مغلط :)

لأني ما البس نظارة

تحياتي لك + وله.
:)

ارحب يبو خالد ,, تهقى المخبر يبي زيادة بقشيش ,,, ما عليك منه شغله عندي :)

[بوخالد911]

حالي حالك يبو خالد
بس انا تفاجأت في البنت ان معلمها أ ب الرسم البسيط
وهي ورتني امس الصبح يمكن ثمان رسمات كلها احترافية ؟

لهذا السبب بو خالد قلت يمكن الاعضاء يستفيدون لو شافوا احد عيالهم عنده ميول يوجهونه للرسم وهالموضوع اثبات ان فيه وسائل مساعدة ( بنتي ما كانت تعرف ترسم قبل سنة واليوم أشوفها استاذه ؟)

لذلك لازم ندعم المواهب ويكفي انهم يبعدون عن سبيستون وعن الايباد .

نورت يبو خالد وتراني رسمتك وبحطها هنا هههههه


http://www.up.7cc.com/uploads/1491021512511.png

طبعاً الاوصاف عن طريق مخبر في المنتدى :). .

والصج اني كنت اخربش في الرسايل وطلع معي هالشكل (:


وهذي بعد

http://www.up.7cc.com/uploads/1491021645421.png


ارحب يبو خالد ,, تهقى المخبر يبي زيادة بقشيش ,,, ما عليك منه شغله عندي :)

يا مليون مررحب

أي
يبيله خيزران وجلد

:)

[سالم الزهران]

http://www.up.7cc.com/uploads/1491303365911.png

[سالم الزهران]

هذي الرسمه سويتها على الايباد و لا تستغربون الواحد يبي يرسم غزال ويستوي وحيد القرن ههههههه

اهم شيء اني على الورق ما اظن ارسمها بس تطبيقات الاجهزة الذكية ساعدتنا ،، اقل شيء تلغي الخطوة السابقة :)

[معماري قطري]

العفو حاضرين ،، وهالرسومات قديمة يمكن ايام الثانوية أو قبل رسمتها المهم كنت أتعلم ، التلوين كان بألون لامعة وبدل ما أخلط اللون ببودرة الجليتر اللامع ، أخبرني فنان إيراني أن أشتريطلاء الأظافر الملون وألون فيه وكانت النتيجة روعة والألوان ما تروح حتى مع الغسل.

http://www.m5zn.com/newuploads/2017/04/04/jpg//1848e907cbd52dd.jpg (http://www.m5zn.com/out.php?code=16619989)

http://www.m5zn.com/newuploads/2017/04/04/jpg//55f65fea5e112ad.jpg (http://www.m5zn.com/out.php?code=16619988)

السكين لا تحط رسمتي اللي رسمتني قبل .. بس حط باقي الأعضاء

ما شاء الله ابداع

[معماري قطري]

http://www.up.7cc.com/uploads/1491303365911.png

طلعت ترسم بعد

[سالم الزهران]

هذا الحاسوب يبو عبدالله لا تروح بعيد ,, لاحظ كل شغلي تلاقي فيه شيء غير مكتمل , واللي ما يضبط في الصورة نرسم عليه اشجرة ولا شيء يخفيه ههههه

[سالم الزهران]

السكين لا تحط رسمتي اللي رسمتني قبل .. بس حط باقي الأعضاء

ما شاء الله ابداع

فعلاً يبو عبدالله , انا لو شايف الصور ذي بمكان ثاني بقول هاي عتيقة واكيد لها قيمة تاريخية ,, تخيل بس تكون عندك في الديكور شي مب هيّن.

[السكين]

السكين لا تحط رسمتي اللي رسمتني قبل .. بس حط باقي الأعضاء

ما شاء الله ابداع

ههههههههه حاضرين يا بشمهندس ، رسمتك بالحفظ والصون ، أهم شي الكبسولة :app:

[السكين]

طلعت ترسم بعد

انت اول شي ارسم السما والأرض وبعدها وحيد القرن واخر شي الشجرة عشان تظهرألوان السما بين افرعها.

أي تطبيق تستخدم ؟؟

[معماري قطري]

ما عليك زود يا نفسو ،، تشرفنا في اي وقت يا بيه :)



ويخلي لك عيالك يبو عبدالله، وجزاك الله خير



ياليت اقدر احصل شيء من المدرسة بس للاسف



بشوف لها في القوقل لان الاسم جذبني ( قطري بحت )



جزاك الله خير الحياة


الله يطرح البركه في خالد و اهله ،، فعلاً اغلب صور الابل على النت مزاين على قولة ديور

دورتها قبلك ولا حصلتها قديمة قبل الانترنت .. هو حتى في تصميم الواجهات بالرسم بدون تخصص ناجح

[سالم الزهران]

دورتها قبلك ولا حصلتها قديمة قبل الانترنت .. هو حتى في تصميم الواجهات بالرسم بدون تخصص ناجح

صحيح انا ما لقيتها و لكن يوم طلع لي صورة جلبوت عرفت انها جلبوت مشهور

[سالم الزهران]

انت اول شي ارسم السما والأرض وبعدها وحيد القرن واخر شي الشجرة عشان تظهرألوان السما بين افرعها.

أي تطبيق تستخدم ؟؟

ما اذكر اسمه والايباد مقفل بالايكلاود جعلهم ما يربحون و اذا لقيت اسمه بحطه هنا

وكانت تطبيقين واحد للالوان الخشب و السكتش والثاني للزيتي

[معماري قطري]

هذا الحاسوب يبو عبدالله لا تروح بعيد ,, لاحظ كل شغلي تلاقي فيه شيء غير مكتمل , واللي ما يضبط في الصورة نرسم عليه اشجرة ولا شيء يخفيه ههههه

الرسم يبي له وقت وانسان متفرغ ويصبر ويحتاج مثابرة وموهبة .. انا وايد علي الرسم المعماري التقني على الكمبيوتر ويدوي اقدر بس اهتم بالجانب العملي عن الجانب الفني

شفت استشاري يسوي رسمات ثري دي للمباني بس بدون تلوين كله خطوط .. بعدين يرسم الشجر والظلال والبشر رسم يدوي ويلون واجهات المبنى ويطلع روعة وسهل .. الكمبيوتر يسوي أغلب الشغل الصعب مثل المنظور والمسافات وتغيرها حسب اتجاه النظر .. حاولت اسوي مثله ما تفرغت لأني لازم اطبعها على ورقة كبيرة واحتاج طاولة رسم يدوي

[السكين]

ما اذكر اسمه والايباد مقفل بالايكلاود جعلهم ما يربحون و اذا لقيت اسمه بحطه هنا

وكانت تطبيقين واحد للالوان الخشب و السكتش والثاني للزيتي

شوف أحسن برنامج احترافي بالنسبة لي sketch club فيه كل الأدوات وكل أنواع الرسم اللي تحبها وخياراته جداً كثيرة ..ويتعامل بطريقة اللايرات ( الطبقات ) يعني ترسم وحيد القرن بطبقة ومهما سويت تأثير عليه أو ما يأثر بطبقة السماء مثلاً ..

قيه بعد عدة برامج ًبصورلك شاشة الايفون واحطهم لك في المشاركة القادمة ، وفيه برامج تنفع لبنتك.

[سالم الزهران]

شوف أحسن برنامج احترافي بالنسبة لي sketch club فيه كل الأدوات وكل أنواع الرسم اللي تحبها وخياراته جداً كثيرة ..ويتعامل بطريقة اللايرات ( الطبقات ) يعني ترسم وحيد القرن بطبقة ومهما سويت تأثير عليه أو ما يأثر بطبقة السماء مثلاً ..

قيه بعد عدة برامج ًبصورلك شاشة الايفون واحطهم لك في المشاركة القادمة ، وفيه برامج تنفع لبنتك.

الله يرفع قدرك و ان شاء الله بنستفيد منها و وجودك في الموضوع هو اللي عليه الكلام ,, انا عندي مشاركات مثلي مثل غيري بس انت يا اخونا السكين عندك النظري والعملي والخبرة فلا تتردد في انك تتولى دفة الموضوع و ادارته و مثلما قلت في اول مشاركة ..ما فيه احتكار بالعكس اللي عنده تجربه يعطينا اياها وشكر شخصي لك ولكل من شارك و متابعين اضافاتك القيّمة يا الطيب .

[السكين]

الله يرفع قدرك و ان شاء الله بنستفيد منها و وجودك في الموضوع هو اللي عليه الكلام ,, انا عندي مشاركات مثلي مثل غيري بس انت يا اخونا السكين عندك النظري والعملي والخبرة فلا تتردد في انك تتولى دفة الموضوع و ادارته و مثلما قلت في اول مشاركة ..ما فيه احتكار بالعكس اللي عنده تجربه يعطينا اياها وشكر شخصي لك ولكل من شارك و متابعين اضافاتك القيّمة يا الطيب .

حاضرين لك بالعكس هالمواضيع تجذبني وسعيد انه قاعدين نتبادل التجارب.

تفضل التطبيقات :

http://www.m5zn.com/newuploads/2017/04/04/png//b2a33b79e4e963f.png (http://www.m5zn.com/out.php?code=16620081)


http://www.m5zn.com/newuploads/2017/04/04/png//34db34f3426c904.png (http://www.m5zn.com/out.php?code=16620080)


http://www.m5zn.com/newuploads/2017/04/04/png//9f7dee667b11c22.png (http://www.m5zn.com/out.php?code=16620079)

[سالم الزهران]

السكين .......ما قصرت والله يحضّر لك الخير ويبارك في جهودك

[Miss]

شخابيط بنتي .......

http://www8.0zz0.com/2017/04/04/08/694760340.jpg (https://www.0zz0.com)
ما شاء الله
الله يحفظها

[سالم الزهران]

ماشاء الله الله يحفظها حلو رسمها ، بس علمها ووجهها ماترسم ذوات الارواح ، واذا رسمتهم لا ترسم لهم ملامح حسب ماعرفت من اختي معلمة التربية الفنية انه رسم الارواح مايجوز

غير جذي ماشاء الله عليها فنانة الله يحفظها ويبارك فيها يارب

الله يجزاك خير اخت ضوى وكلامك في محلّه

[سالم الزهران]

تنبيـــــه الاخت ضوى في محله

جنبو عيالكم رسم ذوات الأرواح

موفقين

ايييه يا شيخ راجي ,, خلنا نتعلم واذا اتقنا بنروح نرسم شيء ثاني الله يهديك
ههههه حبيب يا شيخ راجي

[سالم الزهران]

شخابيط بنتي .......

http://www8.0zz0.com/2017/04/04/08/694760340.jpg (https://www.0zz0.com)

الله يحفظها ويبارك فيها ويبلغكم فيها يالنورثي

[@north_star@]

ما شاء الله
الله يحفظها

,ويحفظكم ويحفظ عيالكم ...

[@north_star@]

الله يحفظها ويبارك فيها ويبلغكم فيها يالنورثي

بارك الله فيك وبعيالك اخوي سالم

[السكين]

خربوشة بالدوام هههه

http://www.m5zn.com/newuploads/2017/04/16/jpg//36330718953268e.jpg (http://www.m5zn.com/out.php?code=16629432)

[سالم الزهران]

هههه الله يعطيك العافية ,,,,الحين بصك عليه اصبر شوي ادور خرابيشي وين حاطها

[سالم الزهران]

http://www.up.7cc.com/uploads/1492338450551.png

escape

خل نشل قبل لا يشوفنا معماري ويجي يهده هههههه

[السكين]

http://www.up.7cc.com/uploads/1492338450551.png

escape

خل نشل قبل لا يشوفنا معماري ويجي يهده هههههه

ههههه شكله معبد بوذي على بيت شعر على نقازية بالفعل ننتظر معماري لتصنيفه .

ترى امزح خطير بكرا ان شاء الله بحطلك مجموعة رسومات راسمها ببرنامج السناب

[السكين]

ع السريع الحين كتبتها


http://www.m5zn.com/newuploads/2017/04/16/png//271f556db7a50dc.png

[معماري قطري]

http://www.up.7cc.com/uploads/1492338450551.png

escape

خل نشل قبل لا يشوفنا معماري ويجي يهده هههههه

ههههه ذكرتني ببنتي تسوي تصاميم تضحك .. انا في الرسم اليدوي يمكن أسوأ منكم حدي رسم هندسي وبالكمبيوتر

[سالم الزهران]

ههههه شكله معبد بوذي على بيت شعر على نقازية بالفعل ننتظر معماري لتصنيفه .

ترى امزح خطير بكرا ان شاء الله بحطلك مجموعة رسومات راسمها ببرنامج السناب

ههههههه ياخي شوف الوقت حق الرسمة الساعة سبع عقب المغرب وش تتوقع لا شغلة لا رياضة لا مصلحة حتى ناس تسولف ما فيه و يمكن البيت يصلح عشة طيور نهديها لنفسي عزيزة .. هههههه


ع السريع الحين كتبتها

ما شاء الله عليك وايد عجبتني و بحفظ التصميم هذا .. الله يخليك يا سكين وبعد ذكرتني طالما انك لك في فن الحرف والكتابة بنزل صور واحد من زملانا في العمل الآن اتمنى تلقى في لوحاته شيء يفيدك و انا اقول الشيء ذيه لانك تتقاسم معه اشياء بين الرسم و الخط .. واشكرك على التصميم
مرة ثانية
http://www.m5zn.com/newuploads/2017/04/16/png//271f556db7a50dc.png




ههههه ذكرتني ببنتي تسوي تصاميم تضحك .. انا في الرسم اليدوي يمكن أسوأ منكم حدي رسم هندسي وبالكمبيوتر

ههههههه لك حق تضحك بو عبدالله ,, الحقيقة لولا برامج وتطبيقات ابل ستور ما بشخط بصبعي لكن البرامج ما شاء الله اكثر من ان تحصيها وشفها في المشاركات السابقة حقت خوينا ابو السكاكين.

[سالم الزهران]

http://www.up.7cc.com/uploads/1492402133581.jpg

هاي الرسمة للزميل المهندس يوسف ابراهيم وعنده كثير لوحات وفي ظني ان اعماله تعتمد على رسم الحروف ولا ادري اذا لها فرع معين في الفن التشكيلي . بس ماشاء الله لوحاته كلها روعة و الرسم ما فيه محاذير شرعية ولا ذوات ارواح ...الخ.
فاللي عنده وقت فراغ اتمنى انه يحاول يتعلم و ربما يوصل الى فنه الخاص في يوم من الأيام

[سالم الزهران]

http://www.up.7cc.com/uploads/1492402822351.png

هذي اعتقد حصلت على جائزة

[JN000N]

انا ماعرف ارسم
مرات الشكل ف بالي واو
ومن احط يدي عالورقه برسم يطلع عافور ف الصفحه
ومرات كلش ماعندي ابداع فكره ف الرسم
منكم نتعلم خنشوف تجاربكم
وعلمونا هههه

[السكين]

شكلك ما شفت إسمك لأنه رابط حطيتها صورة :pic:

http://www.m5zn.com/newuploads/2017/04/16/png//271f556db7a50dc.png

[سالم الزهران]

لا بالله شفته وشغال عليه ابي احطه ع البروفايل وحطيت اسمك على صورة البروفايل في الركن الإيمن بالاصفر لكن طلع صغير ما يوضح

ما قصرت يا سكين...ربنا يوفقك

[السكين]

http://www.up.7cc.com/uploads/1492402133581.jpg

هاي الرسمة للزميل المهندس يوسف ابراهيم وعنده كثير لوحات وفي ظني ان اعماله تعتمد على رسم الحروف ولا ادري اذا لها فرع معين في الفن التشكيلي . بس ماشاء الله لوحاته كلها روعة و الرسم ما فيه محاذير شرعية ولا ذوات ارواح ...الخ.
فاللي عنده وقت فراغ اتمنى انه يحاول يتعلم و ربما يوصل الى فنه الخاص في يوم من الأيام

صراحة إبداع وفن في الدمج والتناسق بالألوان ، أحلى شي لما يكون الفنان يتقن الخط والرسم معاً ، تكون موهبة نادرة جداً ..الرسام ممكن يرسم الكلمة يعني مش شرط يكون خطاط بس الخطاط صعب يرسم ، يعني لو اجتمعوا مع بعض تطلع أمثال هاللوحات .

[سالم الزهران]

انا ماعرف ارسم
مرات الشكل ف بالي واو
ومن احط يدي عالورقه برسم يطلع عافور ف الصفحه
ومرات كلش ماعندي ابداع فكره ف الرسم
منكم نتعلم خنشوف تجاربكم
وعلمونا هههه

تحصل يا جنون اشياء وايد اجي ارسم مزهرية تطلع أرنب صحيح ما اتغشمر ومن قال لك انا نرسم بفن او شيء ,, بس لاحظت فيه تحسن شوي و انا ما همني عمري بس اللي شفته وهو سبب تنزيل الموضوع ان الصغار يستفيدون جداً من الكمبيوتر و برامج الرسم

[سالم الزهران]

صراحة إبداع وفن في الدمج والتناسق بالألوان ، أحلى شي لما يكون الفنان يتقن الخط والرسم معاً ، تكون موهبة نادرة جداً ..الرسام ممكن يرسم الكلمة يعني مش شرط يكون خطاط بس الخطاط صعب يرسم ، يعني لو اجتمعوا مع بعض تطلع أمثال هاللوحات .

صدقت يا سكين .. تخيل انك بتدخل بيت العمر و انك يا سكين صممت البيت بحيث يكون في الأسياب و الممرات أماكن لتعليق صورك ولوحاتك .. بصراحة اقول لك ( هذا شيء عظيم مب اي واحد يسويه في وجهة نظري لاني احب الفنون و احب اللي يضع لمساته في المجالات اللي يتقنها )
بالنسبة لنا يا اللي ما نعرف نرسم بها المستوى .. يشرفني صراحة اعلق في بيتي لوحات لك يا اخ سكين و للأخ يوسف ولأي شخص نحب أعماله و هذا يعتبر اقل شيء ندعم فيه اهل الفن ذيه,, تشوف كيف حجزت لعمري لوحة من عندك ... :pic:

خل نبني البيت و لا نشتري بالأول و عقب الله يعينك باقولك ترسمني زي العمد المصريين لازم صورته في الميلس هههههههههه

[السكين]

تحصل يا جنون اشياء وايد اجي ارسم مزهرية تطلع أرنب صحيح ما اتغشمر ومن قال لك انا نرسم بفن او شيء ,, بس لاحظت فيه تحسن شوي و انا ما همني عمري بس اللي شفته وهو سبب تنزيل الموضوع ان الصغار يستفيدون جداً من الكمبيوتر و برامج الرسم

بالنسبة للصغار أهم شي الممارسة لأن الطفل لمّاح وسهل انك تطور مهاراته ، والانسان يظل طول عمره يتعلم ، شوف مثلاً على السناب فنانين يعطوا دروس ودورات ومازالوا يطمحون للأفضل وكل يوم جالسين يطوروا بنفسهم ويتعلموا ..

[معماري قطري]

حركات منئدرش عليها

[معماري قطري]

ههههههه ياخي شوف الوقت حق الرسمة الساعة سبع عقب المغرب وش تتوقع لا شغلة لا رياضة لا مصلحة حتى ناس تسولف ما فيه و يمكن البيت يصلح عشة طيور نهديها لنفسي عزيزة .. هههههه





ههههههه لك حق تضحك بو عبدالله ,, الحقيقة لولا برامج وتطبيقات ابل ستور ما بشخط بصبعي لكن البرامج ما شاء الله اكثر من ان تحصيها وشفها في المشاركات السابقة حقت خوينا ابو السكاكين.

مسكين السكين سميته بو السكاكين والحياة واحد مسميها الخياة

فيه برامج رسم يدوي لكن على الكمبيوتر .. وكلها تحتاج تفرغ ومواصلة واللي يواصل يبدع فيها

[معماري قطري]

شوف سالم مثلاً اسمك اللي حطيته في الصورة التعريفية طلع لوحة فنية حلوة

[الماريّة]

ماشاء الله حلوه رسماتكم
انا كل الي حوالي يرسمون بالرصاص وفنانيين

اثنين من اخواني. وبنات اخوووي وبنات اختي

بس انا كللش اقلدهم وتطلع خرابيط ^_^

وبخصوص الرسم ع الجزاز كنا قبل نشوفه واكثر شي

مع الطالبات الفلسطينيات والمصريات واقول ماشاء الله
عليهم شلون سووه ههههههه


ويعطيكم العافيه جميعا
:)

[السكين]

مسكين السكين سميته بو السكاكين والحياة واحد مسميها الخياة

فيه برامج رسم يدوي لكن على الكمبيوتر .. وكلها تحتاج تفرغ ومواصلة واللي يواصل يبدع فيها

ابو السكاكين ارحم من الخياة هههه، صحيح كلامك أصبحت البرامج والتابلتات المتخصصة تغني عن القلم والورقة حتى أصبحت أفضل من ناحية التعديل بسهولة على الرسوم.

بشمهندس خلنا نطلع على رسومك الهندسية اذا فيه مجال.

[السكين]

شوف سالم مثلاً اسمك اللي حطيته في الصورة التعريفية طلع لوحة فنية حلوة

هههه توني اشوفه حاططها رمزية، خلاص بسويله وحدة أضبط بكرا

[السكين]

ماشاء الله حلوه رسماتكم
انا كل الي حوالي يرسمون بالرصاص وفنانيين

اثنين من اخواني. وبنات اخوووي وبنات اختي

بس انا كللش اقلدهم وتطلع خرابيط ^_^

وبخصوص الرسم ع الجزاز كنا قبل نشوفه واكثر شي

مع الطالبات الفلسطينيات والمصريات واقول ماشاء الله
عليهم شلون سووه ههههههه


ويعطيكم العافيه جميعا
:)

صحيح كانت موضة خاصة بفترة من الفترات طالبونا فيها المدرسين،الرسم على الزجاج متتتعة وبسيط .

[سالم الزهران]

شوف سالم مثلاً اسمك اللي حطيته في الصورة التعريفية طلع لوحة فنية حلوة

هذا انت تشوف يبوعبدالله...برنامج بسيط ويشخط الاخو ابو السكاكين بصبعه ويطلع شغل صح بسيط لكن جميل .. وهاي كلها جماليات الواحد يميّز نفسه فيها ويتسلّى


ماشاء الله حلوه رسماتكم
انا كل الي حوالي يرسمون بالرصاص وفنانيين

اثنين من اخواني. وبنات اخوووي وبنات اختي

بس انا كللش اقلدهم وتطلع خرابيط ^_^

وبخصوص الرسم ع الجزاز كنا قبل نشوفه واكثر شي

مع الطالبات الفلسطينيات والمصريات واقول ماشاء الله
عليهم شلون سووه ههههههه


ويعطيكم العافيه جميعا
:)

هلا فيك يالمارية ,, حنا يالكبار مغير نتسلى ولكن انصحك تعطين الصغار اللي عندكم دفاتر رسومات و ادوات رسم والطفل لو شاف يوتيوب لواحد يرسم أرنب مثلاً راح يقلده على طول .. الهوايات هذي مهمة للأطفال بدال ما تروح عليه المرحلة ذي وهو ماتعلم شيء.. وبعدين اذا وصل الواحد لل10 سنين وال12سنة تصير هوايته مثل رفيجه افضل من ينشغل بالقروبات والبلايستيشن ولا مانع منها لكن اقل شيء يكون فيه نصيب لمهاراته.. في اشياء فاتتنا ولا تعلمناها وحنا صغار فليش نفوتها على عيالنا ؟ بالتوفيق

[الماريّة]

هذا انت تشوف يبوعبدالله...برنامج بسيط ويشخط الاخو ابو السكاكين بصبعه ويطلع شغل صح بسيط لكن جميل .. وهاي كلها جماليات الواحد يميّز نفسه فيها ويتسلّى



هلا فيك يالمارية ,, حنا يالكبار مغير نتسلى ولكن انصحك تعطين الصغار اللي عندكم دفاتر رسومات و ادوات رسم والطفل لو شاف يوتيوب لواحد يرسم أرنب مثلاً راح يقلده على طول .. الهوايات هذي مهمة للأطفال بدال ما تروح عليه المرحلة ذي وهو ماتعلم شيء.. وبعدين اذا وصل الواحد لل10 سنين وال12سنة تصير هوايته مثل رفيجه افضل من ينشغل بالقروبات والبلايستيشن ولا مانع منها لكن اقل شيء يكون فيه نصيب لمهاراته.. في اشياء فاتتنا ولا تعلمناها وحنا صغار فليش نفوتها على عيالنا ؟ بالتوفيق



عيالنا مب مال رسم الله يسلمك اذا عطيناهم الوان ودفاتر تلوين
نبي نقلد اخوانا العرب قاموا شخبطوا على الطوفه 🙈

[السكين]

عودة ، هذا بطريقة ثانية ;) بعد رسم بالسناب.

http://www.m5zn.com/newuploads/2017/04/25/jpg//79c635cfd176f2a.jpg (http://www.m5zn.com/out.php?code=16635729)

[سالم الزهران]

جزاك الله خير و فتح لك ابواب الرزق يا اخونا الحبيب ورسامنا المبدع السكين

لا عدمناك

[معماري قطري]

ابو السكاكين ارحم من الخياة هههه، صحيح كلامك أصبحت البرامج والتابلتات المتخصصة تغني عن القلم والورقة حتى أصبحت أفضل من ناحية التعديل بسهولة على الرسوم.

بشمهندس خلنا نطلع على رسومك الهندسية اذا فيه مجال.

مر على مراجعة المخططات الهندسية في البناء والديكور

قبل كنت اسوي ثري دي بس ياخذ وقت ومع تغير البرامج استوت تجي ناقصة ولازم تاخذ اضافات للمواد والاضاءة واستويت كسول صراحة .. سويت قبل مدرسة لغات مكونة من ثلاث مباني رئيسية مع مواقف وسور وبوابة .. الحلو في الثري دي تقدر تسوي تصوير للمبنى من أي جهة تحب .. لكن للأسف ما انبنى المشروع وضيعت وقتي عليه على الفاضي

[معماري قطري]

عودة ، هذا بطريقة ثانية ;) بعد رسم بالسناب.

http://www.m5zn.com/newuploads/2017/04/25/jpg//79c635cfd176f2a.jpg (http://www.m5zn.com/out.php?code=16635729)

لو الخلفية صفراء أو بيج ويبين عليها الظلال بتطلع أحلى

[السكين]

مر على مراجعة المخططات الهندسية في البناء والديكور

قبل كنت اسوي ثري دي بس ياخذ وقت ومع تغير البرامج استوت تجي ناقصة ولازم تاخذ اضافات للمواد والاضاءة واستويت كسول صراحة .. سويت قبل مدرسة لغات مكونة من ثلاث مباني رئيسية مع مواقف وسور وبوابة .. الحلو في الثري دي تقدر تسوي تصوير للمبنى من أي جهة تحب .. لكن للأسف ما انبنى المشروع وضيعت وقتي عليه على الفاضي

برامج الثري دي رائعة وتوفر وقت وجهد اشوف بعض المشاريع كأنها صورة فوتوغرافية بس طبعاً بدون الخيرة الهندسية يطلع المشروع فاشل.
ذكرتني أمس اشوف فيديو لشخص يصور درج ببيته المقاول قالب له الدرجات ومكمل الشغل للطابق الثاني ولا كأنه مسوي شي ههههه.

[السكين]

لو الخلفية صفراء أو بيج ويبين عليها الظلال بتطلع أحلى

بقرب لك المسألة، الرسم بالسناب مافيه اي أدوات مساعدة ومحدودة خواصه للغاية، مسوينه حتى ترسم او تشخبط على صورة والسلام ، بالضبط نفس برنامج الرسام بالكمبيوتر اذا قارنته بالفوتوشوب.

من كم اسبوع فقط السناب طور اداة الرسم وجعل بالامكان التحكم لحجم وسمك الخط، طبعاً هالخاصية لمستخدمي الاي او اس يعني ايفون ايباد ايبود، بالرغم انه مستخدمي الاندرويد لهم خواص كثيرة بالرسم ومن ضمنها تخفيف الالوان عن طريق اداة اللون الشفاف، فلو هالخاصية موجودة على الايفون بيكون سهل الرسم،

[الحياة الخالدة]

https://e.top4top.net/p_486ijzjq0.jpg (https://up.top4top.net/)

إبداعات خالد

[سالم الزهران]

https://e.top4top.net/p_486ijzjq0.jpg (https://up.top4top.net/)

إبداعات خالد

الله يبارك فيك يا خالد يا ولد ابو خالد ,, بين عليه ما شاء الله نشيط و مسوي لعبة مونوبولي ,, الصورة تو طلعت معي لان العمل مقفلين علينا الصور البيانات الخلوية حق الجوال ما تشتغل عدل من العوازل ... الله يهني الصغار بطفولتهم..شوفوا السجن شلون مسويه هههه

[السكين]

https://e.top4top.net/p_486ijzjq0.jpg (https://up.top4top.net/)

إبداعات خالد

الله يحفظه جميل جداً ،،

شجعتوني أحطلكم رسومات أولاد خواتي وأخوي ..مبدعين ههههه اذا صورتهم بحطهم ان شاء الله .

[السكين]

هاي رسمتين الأولى والثانية لي واللي تحت بنت أختي تحب تقلد رسمي عمرها 10 سنوات ، حتى كانت ترسم رسمتي وتقلّد توقيعي عليها يعني تنقل الرسمة مع توقيعي ههههه ، طبعاً الرسمة لشخصيات لعبة زومبي .


http://www.m5zn.com/newuploads/2017/05/07/jpg//e3e3a2a314e098a.jpg


http://www.m5zn.com/newuploads/2017/05/07/jpg//58a035220df22c2.jpg

اللي تحت لبنت أختي

http://www.m5zn.com/newuploads/2017/05/07/jpg//979a2af5959ee91.jpg

[سالم الزهران]

ارحب يا رسام المنتدى

يا اخي. رسوماتك جميلة و مبين انها تحتاج وقت ،، صراحة اقف عاجز قدام رسم الاصابع مثلاً وعموماً الشخصيات معرف ارسمها ،، بس الاشياء الطبيعية الجبال والاشجار ممكن تعطيني تقدير جيد مب اكثر :)

[السكين]

ارحب يا رسام المنتدى

يا اخي. رسوماتك جميلة و مبين انها تحتاج وقت ،، صراحة اقف عاجز قدام رسم الاصابع مثلاً وعموماً الشخصيات معرف ارسمها ،، بس الاشياء الطبيعية الجبال والاشجار ممكن تعطيني تقدير جيد مب اكثر :)

أشكرك، هذي مجرد محاولات لا أكثر شاكر لك ردك.

[سالم الزهران]

http://www.up.7cc.com/uploads/1495021292791.png

رسم تقريبي لمعماري قطري

[السكين]

http://www.up.7cc.com/uploads/1495021292791.png

رسم تقريبي لمعماري قطري

ههههههههه وين عيونه وين الخوذة طيب أخاف يلطشنا بالمسطرة ههههههه

رسمة جميلة تسلم الأنامل

[السكين]

وهذي بعد رسمتها ببرنامج السناب.

http://www.m5zn.com/newuploads/2017/05/18/jpg//8a7052c9b327ec6.jpg (http://www.m5zn.com/out.php?code=16651140)

[سالم الزهران]

^^
الله يسلمك ما بش عيون لان الريال كان راقد شفيك انت ههههه
وعقب يروح بعثة فانا متخيلة هللون

[الحياة الخالدة]

https://b.top4top.net/p_518rcrn40.jpg (https://up.top4top.net/)

[سالم الزهران]

https://b.top4top.net/p_518rcrn40.jpg (https://up.top4top.net/)

ماشاء الله عليه، رسمة حمود معبّرة و تعليقاته مدري شلون ههههههه

[معماري قطري]

شكلي بابوق مخططات بنتي حق مشاريعها وباحطها هنا

كل يوم طالعة بتصميم ومشروع ورسمها يضحك وتخشه عني كله تخاف اني ابوق فكرتها وانشرها

[سالم الزهران]

^
بنتك مثلك مثابرة . ان شاء الله تفرح بعيالك كلهم يا بشمهندس

[معماري قطري]

^
بنتك مثلك مثابرة . ان شاء الله تفرح بعيالك كلهم يا بشمهندس

آمين والله يبلغك بعيالك وتشوف عيال عيالهم

[السكين]

للرفع ، وين الفنانين ؟ :app2:

[مستر بن]

متابع بصمت . . . :swoon:

[سالم الزهران]

https://thumb.ibb.co/mt1Xp5/IMG_6345.jpg

[سالم الزهران]

http://www.up.7cc.com/uploads/1503065659571.jpg

[سالم الزهران]

السكين ومستر بن منورين

لاحظو ان اللي يبي يتعلم طبخ يقلد اشلون تتسوى الطبخة واللي يقلد صوت او حركة نعتبره موهوب

الرسم في نظري نفس الشيء، ثق في يدك وفي دقتها وقلد الرسمات حتى تنمي موهبتك

بالنسبة لي انا ما اعرف ارسم مثل البنية و تقدر تقول عرفت ان هذا حدي ههههه

جزاكم الله خير وننتظر رسمات جديدة من خونا النورثي و من الحياة الخالدة ،، وبقية الاعضاء الكرام

خلونا ننطلق نحو الفنون ... ههههه