تعبنا من شارع المطار القديم نبي حل

[بورصجي_جديد]

السلام عليكم والرحمه الله وبركاته هذا شارع خنقه وزحمه دايما بسبب المطاعم الي فيه وللاسف عدم احترام سيارات للغير يصف غلط ويعطل مصالح الناس اتمنى من البلديه يشوفون حل مع المرور اي شخص يوقف علي طول يخالفونه بدون نقاش واتمنى من البلديه منع توصيل شاي او الاكل الي سياره خل ناس تحرك رجولها ولا فوق راسهم ريشه البحرين و سعوديه مافي احد يطلع لك شاي ولا هرن له يطلع لك للبقاله انزل بنفسك وتسوق اتمنى يطبق هذا شي للتخفيف الزحمه والله ترى شي زاد عن حده شارع يرفع ظغط يامرور خالف خالف ونحن معكم قلبيا وروحيا. ناس ماتمشي الا لما تصكه مخالفه خمسميه ريال عشان يتوب لما يشتري شاي بريال او سندويشه ب خمس ريال وشكرا يالله يامرور اشتغلًا خصوصا وقت المغرب لين بليل

[الرايــق]

صوب التي تايم بشارع المطار التجاري........
لا تعليق الصراحة crazy

[Rider]

اخوي انا معاك وفي كل الاماكن الي فيها شاي ومطاعم لابد يتاخذ فيهم اجراء

[الرايــق]

التي تايم شارع النصر وظفوا سكيوريتي بس ينظم السير هناك :eek5:

[بورصجي_جديد]

مشكله لكا تغسل سيارتك يسكرون عليك وبكل قله ادب تهرن تهرن مايوخرون ولايعبرونك لا احترام ولا شي ملينا من هالحاله وين البلديه والمرور امنعوا بيع شاي وسندويشات علي سيارات الي يبي شاي ينزل من سياره يدور باركن هذا هو الحل ويكون في تحريات ودوويات بشكل مكثف اي واحد واقف صكه خمسميه ريال بدون ماتناقشه خل يولي عشان يحترم ناس

[راعي الكورفت]

لاحظت ان الزحمه 24 ساعه بس عند
وقت الشاي tea time واللوم مش عليه بل على الزبائن.


حتى الشرطه والدوريات توقف عنده عشان تأخذه منه كرك فاشلون بيخالفون الناس ؟ ؟ ؟ .:whistling:

مشروع تي تايم عباره عن منجم ذهب ! :court:




الله يزيده :)

[نفسي عزيزه]

بالظبط منجم ذهب الله يزيده

[بوخالد911]

والحين خذ الزحمة صوب شارع السوق المركزي تي تايم فتح من أيام.

بعض الناس يفتقرون للذوق العام.

[مرتبش]

وقت الشاي مسوي زحمة بس معقولة ووايد احسن من معيذر مثلا.
السبب ان بعض الناس ماتوسع الطريق لغيرها وفعلا بلا ذوق.
خذت كوب الشاي ليش واقف ليش ماتحرك.. مادري هي الكشخة والرزة ماتسمح الا بالشرب عند المحل!

[معماري قطري]

هذي مشكلة الكثير من شوارعنا التجارية واللي صارت فجأة تجارية وكانت من الأساس سكنية عادية وضيقة

المجاملات والمحسوبيات ما تفيد في التخطيط وتخطيط أي منطقة لازم يتضمن شارع أو شوارع تجارية بسعة جيدة وبطريق سالك جنبه طريق خدمات للمحلات يكون لاف حولها بحيث تدور السيارة لوراء المحلات .. ويكون الطريق الخلفي باتجاه واحد واللي أمام المحلات كذلك .. الطريق الخلفي فيه سعة ومواقف وكذلك الأمامي .. الطريق الخلفي يكون معزول عن الفريج ورا بسور ساتر ومداخل الخدمات مرتبة صح والنوافذ الخلفية تكون علوية فقط للانارة الطبيعية أو التهوئة بدون الاطلالة على البيوت وراء

الكتلة الاقتصادية من المباني ممكن تكون تجارية لدورين وسكنية لدور ومكتبية لدور وخطة التخطيط تستوجب توفير مواقف كافية ومساحات خضراء وليست خطة المكتب الاستشاري أو الشخص العادي .. لو سوينا مساحات كفاية حتى وكالات السيارات بتكون لها أفرع ثانية والمراكز التعليمية ممكن تكون في الدور المكتبي

للأسف تخطيطنا العمراني من زمان منتهية صلاحيته ومستحيل نوصل مواصيل دبي اللي ماشية صح في التخطيط العمراني وهذي الشوارع عشوائية وبتبقى عشوائية

[ساراام]

والحين خذ الزحمة صوب شارع السوق المركزي تي تايم فتح من أيام.

بعض الناس يفتقرون للذوق العام.

اي والله هالشارع يخوف

السيارات مرات تصف بالشارع ف السيد اليمين او فجأه يطلعون عليك

شرايكم كل واحد يحط معاه فالسياره دله كرك يسويها فالبيت

عاد شربو لين تقولون بس،،احسن وانظف

[بورصجي_جديد]

نبي حل والله يرزق جميع راعين المحلات الخطا مب منهم من البلديه سامحه بتوزيع شاي علي المركبات البلديه عليها تظبط هذا شي حتى قبل المرور دوريات ماتقدر تسوي الا تخالف لا اكثر لكن البلديه بيدها تمنع هزحمات من شوارع الحساسه تجاريه اختناق مب طبيعي علي البلديه اصدار قرار منع العاملين بجلب شاي الي اصحاب المركبات. وايظا ختى المطاعم والبقالات يجمع المنع الي يبي يتسوق يحرك رجوله وينزل يخف نت الكرشه افضل له مسوي حاله معزب ومايبي ينزل من سياره وشكرا

[mersal]

الحل الافضل ون ويه فقط

[معماري قطري]

الحل الافضل ون ويه فقط

ناس يدخلون لبيوتهم وناس يطلعون

ما ادري شبيسوون حق شارع المرقاب - منطقة النصر الشارع ضيق وعليه بناء مولات ومحلات كثيرة وبعضها بيفتح وللحين ما سووا شيء

[الرايــق]

نبي حل والله يرزق جميع راعين المحلات الخطا مب منهم من البلديه سامحه بتوزيع شاي علي المركبات البلديه عليها تظبط هذا شي حتى قبل المرور دوريات ماتقدر تسوي الا تخالف لا اكثر لكن البلديه بيدها تمنع هزحمات من شوارع الحساسه تجاريه اختناق مب طبيعي علي البلديه اصدار قرار منع العاملين بجلب شاي الي اصحاب المركبات. وايظا ختى المطاعم والبقالات يجمع المنع الي يبي يتسوق يحرك رجوله وينزل يخف نت الكرشه افضل له مسوي حاله معزب ومايبي ينزل من سياره وشكرا

..
100%

[عايش فرحان]

اقترح ان يمنع المرور المحلات التي يلاحظ انها تعطل السير من توصيل الطلبات الى السيارات .. بناء على ملاحظات الدوريات .. او شكوى المرتادين ..

[السكين]

أهم شي يسووا رصيف فاصل بالوسط لأن أي واحد يحب يلف بأي وقف ما يوقّفه رصيف وحتى شوفوا إتجاهات السيارات بالمواقف أكثرها عكسية ، والشغلة الثانية للأمانة أنا مبتلي بالتي تايم اللي بالمطار شغلي قريب عليه من أدخل الشارع التجاري لازم توقف هناك قدامه طلعه بس محد يوقف عليها خوفاً من الكل يسكر عليه ، والفرع الثاني جنب الفيلا والله حالة ليش الناس ما تنزل يا عالم وتطلب بنفسها ؟؟ والله شي يقهر حتى عند الحلاق يهرنون للحلاقين عشان يطلع لهم ويسألونه كم واحد باقي متى فاضي ويترك الزبون لعيون الأمير اللي بالسيارة !

اتحس إن التي تايم أصبح من ضمن التراث وتناوله أصبح ثقافة وطقوس !!

[مرتبش]

اصلا مافي مواقف عشان الواحد ينزل يطلب له كرك .. خلكم منطقيين.
القضية هي ذوق عام.. يعني لاتسكر الطريق.. حد بيطلع وسع له وخله يطلع . وصل الطلب حرك .

[بورصجي_جديد]

طيب اخوي نفترض مافي مجال ومواقف طيب البلديه او المسوؤلين علي شارع ليش مايسونه ون وي يعني طريق واحد ون وي ترى مب سالفه مواقف للاسف غالبيه ناس يفتقرون للذوق من كل الجنسيات امس في كرك البندر بالكورنيش معنى باركنات فاضيه عند الكرك تخيل مسكر علي واهرن له ومايوخر هذه مشكله ناس ماعندها ذره احساس