خطة تقطير الوظائف في الدوائر والجهات الحكومية خلال 6 شهور

[moonبنتnight]

تشمل العلاقات العامة والترجمة والحاسب الآلي


وظائف جديدة على قوائم التوطين


الدوحة - الراية: 2/4/2017

علمت الراية أن وزارة التنمية الإدارية قد ضمت العديد من الوظائف المتخصصة إلى تلك التي ستشملها خطة تقطير الوظائف في الدوائر والجهات الحكومية على اختلافها.

وحسب المعلومات التي حصلت عليها الراية فقد شملت قائمة الوظائف التي سيتم توطينها خلال المرحلة المقبلة -إلى جانب الوظائف الإدارية- الوظائف التقنية المتعلقة بجميع أعمال الحاسب الآلي وكذلك الوظائف المالية والمحاسبية بمختلف تفرعاتها والترجمة والوظائف الخاصة بالعلاقات العامة والإعلام على اختلاف تخصصاتها وكذلك الوظائف القانونية.

وكانت [ قد انفردت بنشر خبر تقطير الوظائف الإدارية الحكومية خلال 6 أشهر حيث طالبت وزارة التنمية الإدارية والعمل والشؤون الاجتماعية الجهات الحكومية بضرورة الالتزام بعملية توطين الوظائف الحكومية ذات الطبيعة الإدارية والمكتبية وتوفير المزيد من الوظائف للمواطنين الذين لا يزالون على قوائم الانتظار، مع ضرورة تقديم كشوف لوزارة التنمية بالوظائف التي شملها التوطين، على أن يتمّ إخلاء هذه الوظائف من غير القطريين خلال فترة لا تتعدى 6 أشهر.

ومن المتوقع أن يتم البدء بإخطار الموظفين غير القطريين الذين سيتم إنهاء خدماتهم ضمن خطة "الإحلال والتوطين" اعتبارا من الشهر الجاري وذلك وفقا لبنود عقد كل موظف يتم إنهاء خدماته وهي فترة الإخطار المنصوص عليها حسب القانون الذي يمنح الموظف فترة إخطار يتم احتسابها وفقا لسنوات خدمته لدى جهة عمله.


جريدة الراية
http://www.raya.com/news/pages/62b574fc-d9b0-45e6-9889-76ae1ed1139d

[Rider]

هاي الاخبار الحلوه الي تفتح النفس على الصباح

[بوخميس]

بلفيت عندنا مترجمين قطريين بدون شغل

كلام جرايد

[العنيده]

يارب يارب يارب يارب يتنفذ القرار يارب .. بننتظر 6 شهور ماعندنا مشكله :thumbup1:

[غريب الدّار]

التقطير قادم لكل جهة


وباذن الله القطريين راح يكونون مؤهلين لشغل تلك الوظائف التي يشغلها الوافدين بكفاءة

التقطير حاصل حاصل

[ساراام]

مبرووك خوش خبرر

[مرتبش]

اتمنى الجريدة تتابع هالخبر بما انها اوردته.. ونشوف كم عدد اللي اخطروهم الشهر الجاري.
صج ابي اعرف شنو بيصير ..وشنو مختلف عن التقطير اللي سنين واحنا نسمع فيه ..
ولا عمري شفته.

[الدوحه1]

هل هالقرار يشمل شبكة الجزيره , بي ان سبورت , اسباير , ...؟؟؟؟؟

اعتقد من الحين بعض المسئولين راح يجهزون لستة الاستثناءات او إيجاد طريقه للالتفاف على القانون؟؟؟؟

[مضارب دوسري]

نقول يا رب

اصبح من غير المقبول ان نجد خريجين قطريين يبحثون شهور عن عمل
في حين ينعم الغير قطري بالوظيفه

المفروض يتم تقليل الاعتماد على الاجانب والمقيمين كل مازاد عدد القطريين الجاهزين للعمل

والمفترض اجبار المقيم او الاجنبي على تهيئة القطري لشغل منصبه خلال سنتين الى 5 سنوات حسب حساسية المنصب او المكان
ويتم تقييم هذا الاجنبي بشكل دوري واذا ثبت عدم جديته في نقل خبرته يتم انهاء التعاقد معه



اما الوظائف التي لا تحتاج الى تهيئة فمن المفترض تغطيتها فورا في حال تقدم قطري لشغل هذا المنصب

[بوخالد911]

الحمدلله.
وأتمنى تنفيذها بأسرع وقت.

[حمد 2002]

نبي فعل وليس كلام وتصريحات ..

تحياتي ..

[nooora]

خبر جميل بانتظار التطبيق... اغلب هذه الوظائف ممكن يقوم به المواطن خريجي الثانوية. لكن الواسطه مضيعهم. فما بالك بخريجي الجامعات ... الله المستعان

[الزعفراني]

هل هالقرار يشمل شبكة الجزيره , بي ان سبورت , اسباير , ...؟؟؟؟؟

اعتقد من الحين بعض المسئولين راح يجهزون لستة الاستثناءات او إيجاد طريقه للالتفاف على القانون؟؟؟؟




اسباير طالبين وظايف من كم يوم .. وحصرياً للقطريين

هل في حد قدم عليها ؟ وتم رفضه ؟

[اناهيد]

السلام عليكم ورحمة الله وبركاته

هذا الموضوع يحتاج للنقاش بصدر رحب

احلال القطري مكان الغير القطري قرار صائب ولكن .....خلال 6 أشهر؟؟؟؟؟

[JN000N]

نبي فعل وليس كلام وتصريحات ..

تحياتي ..

ليش حمد شدعوه!
محتاجينهم لنهضة البلاد اللي اهي اهم من مصلحة المواطن والتقطير الشو

[اناهيد]

راح اعطيكم صورة من الواقع

موظف فني غير قطري خبرته فوق 15 سنة مبدع وموفر على المؤسسة مبلغ وقدره ====> اكثر بكثير من تكلفة تعينه
جا قرار احلال القطري لوظيفته
القطري = خريج جديد ( دون خبره) .
باشر العمل ولكن ما يعرف يستخدم اي برنامج للقيام بمهام الغير قطري( يجب تدريبه وتطويره ، هذا واجب لانه ولد البلد -يمكن ولدي او بنتي، او لدك او بنتك)
القرار
ان يثبت القطري وتنهى خدمات الغير قطرخلال 6 شهور .....؟؟؟؟؟؟

النتيجة:-
تكلفة تعيين القطري + تكلفة الاستعانة بشركات للقيام بمهام الغير القطري المنهي خدماته ( يمكن لمدة سنتين الى ثلاث سنوات) من موازنة اصلا يتم قصفها للربع سنوياً

كيف راح يصب ذلك في مصلحة العمل؟

مب الافضل ان يتم تعيين القطريين وخلال 3 سنوات يتم انهاء خدمات الغير قطريين؟

على الاقل القطري يكتسب الخبرة ويتعلم من الغير قطري وياخذ منه المعلومة ويتدرب عليها ويتشربها ويحصل الوقت اللي يبدع فيها ويمكن يغطي على الغير قطري في ذلك

انا اتكلم عن الوظائف الفنية وليس الادارية

[اناهيد]

لاحد ياخذ راي بحساسية
انا قطرية وقلبي على بلادي حالي حالكم

ولكن
خلونا واقعيين

نعم للاحلال

ولكن

يجب اعادة النظر في المدة
مب معقولة القطري الخريج او الجديد في مجال العمل يقوم بمهام الغير القطري خلال 6 شهور ... مب معقولة

لا زلت اشير للوظائق الفنية

[JN000N]

^ لا يصير
يتهيأ في اقل من هالمده بعد
اما بالسنين يحطون اجنبي نفس الوضع الحالي لين الاجنبي يقمع القطري ويسوي نفسه هو الفاهم وبدونه الشغل مايمشي وان القطري مايداوم ومتسيب واخر شي هو يثبت والقطري يتم ضايع فالطوشه
لا يبه
خلنا على تدريب شهور وخله يقبض المكان
ومكه مانبنت ف يوم :) والاخطاء وارده حتى من الاجنبي الي الكل يحسبه ملاك

[غريب الدّار]

راح اعطيكم صورة من الواقع

موظف فني غير قطري خبرته فوق 15 سنة مبدع وموفر على المؤسسة مبلغ وقدره ====> اكثر بكثير من تكلفة تعينه
جا قرار احلال القطري لوظيفته
القطري = خريج جديد ( دون خبره) .
باشر العمل ولكن ما يعرف يستخدم اي برنامج للقيام بمهام الغير قطري( يجب تدريبه وتطويره ، هذا واجب لانه ولد البلد -يمكن ولدي او بنتي، او لدك او بنتك)
القرار
ان يثبت القطري وتنهى خدمات الغير قطرخلال 6 شهور .....؟؟؟؟؟؟

النتيجة:-
تكلفة تعيين القطري + تكلفة الاستعانة بشركات للقيام بمهام الغير القطري المنهي خدماته ( يمكن لمدة سنتين الى ثلاث سنوات) من موازنة اصلا يتم قصفها للربع سنوياً

كيف راح يصب ذلك في مصلحة العمل؟

مب الافضل ان يتم تعيين القطريين وخلال 3 سنوات يتم انهاء خدمات الغير قطريين؟

على الاقل القطري يكتسب الخبرة ويتعلم من الغير قطري وياخذ منه المعلومة ويتدرب عليها ويتشربها ويحصل الوقت اللي يبدع فيها ويمكن يغطي على الغير قطري في ذلك

انا اتكلم عن الوظائف الفنية وليس الادارية
بشكل عام الكلام صحيح

عن نفسي انادي باحلال القطريين مكان الأجانب عند اكتساب الخبرة المطلوبة بشغل الوظيفة فقط

انا مع هالشي طبعا وهذا شي منطقي أصلا


فمن غير المعقول ان يتم إحلال مواطن غير كفء مكان مقيم كفء


شي اكيد


اللي لازم يحصل هو تنمية قدرات المواطنين ، وتطويرهم ، ودعمهم للالمام بالقدرات الوظيفية ، ومافي مانع يكون مع الأجنبي وحتى تحت امرته ، لحين اكتساب الخبرة المطلوبة


كلام ماعليه غبار

طبعا فترة اكتساب الخبرة والاحقية بالمنصب تفرق من وظيفة الى وظيفة

وبصراحة ماادري أي وظيفة هاذي اللي يتطلب اكتساب الخبرة فيها ثلاث سنوات !!!! هاذي دراسة جامعية تقريبا

[بانغ بانغ]

سؤال

ليش البحث عن وظيفة صار اهم واول واسطة الواحد يبحث عنها لما يتعرف على ناس جدد او ذوو مناصب

هل معناها ان البلد امسكره او التوظيف محدود لناس معينيين

معقووله بلد الهم الأول فيها ان الواحد ايدور على وظيفة

حتى لو عنده وظيفة ويبي يتنقل لأخرى .... ايش المانع

بلادنا في عز وهل قطر يستاهلون

ليش الحسد او التضييق عالناس

[حمد بن سعد]

عندنا ماطبقو القرارا صح القطري الي تعين مكان الاجنبي والمفروض انه بعد سنه (احلال) وظفوهم في وظايف ثانيه طبعا التنميه مايدرون ياليت يوصلهم الكلام :waiting:

[غريب الدّار]

دايما يالربع في الحديث عن مثل هالمواضيع ، اللي يناقش أتمنى (وهاذي مجرد نصيحة) يتخيل ان عنده شركة خاصة

وان التقطير مفروض عليه

وش راح يسوي ؟؟؟؟

[اناهيد]

للاسف هذا صحيح
تدرون ليش؟
لان القطري اما ان تخصصه غير او انه ليس لديه خبره في مجال الاحلال او انه مب عاجبته الشغله ويشوف نفسه في مجال ثاني او المكان مب عاجبة ======> هذي حقيقة


عندنا ماطبقو القرارا صح القطري الي تعين مكان الاجنبي والمفروض انه بعد سنه (احلال) وظفوهم في وظايف ثانيه طبعا التنميه مايدرون ياليت يوصلهم الكلام :waiting:

[غير عنهم]

والله المفروض هالشي كل الوظائف الاداريه قطريين بس مافيه مصداقيه من بعض المسؤولين

[اناهيد]

اقترح اعادة نظر في هذا القرار
بان تكون فترة الاحلال اطول

يجب تعيين القطريين
ويجب احلالهم لغير القطرين
ولكن
فترة الاحلال تكون اطول على حسب طبيعة الوظيفة

هذا راح يكون حل عادل للطرفين

تحسباً لاي دعوة مظلوم

ترى دعوة المظلوم مستجابة

[JN000N]

عيزنا والله احنا اللي ندعي واحنا المظاليم
قطري دكتور مهندس ومب قايلة شنو بعد
يطلع من الشغل
لانهم ما يبون يحطونه مكان العربي الي ماسك المنصب
لان القطري الي فوقه خايف القطري ذي عقب مده ياخذ مكانه
جنهم بيتحنطون ف مناصبهم
يطلع قرار الشيخ عبدالله بن ناصر ان القطري مكان الاجنبي
ثاني يوم تعيين من في مكتبة قطر الوطنية؟ طبعا مب قطريه
ينشال قطري مدير ادارة موارد بشريه ينحط اجنبي مكانه
ليش قلو القطريين؟ مايعرفون حق الموارد البشريه
من الثمانينات وقبل والقطريين يدرسون برا ورجعو واشتغلو
القطريين الحين مستواهم التعليمي والثقافي اعلى بوايد من ايام التسعينات
الحين مب الهدف شهادة جامعيه الحين ماستر ودكتوراه وخبره عمل وكلن يطمح بالاكثر
يايين توكم تقولون خل الاجنبي يدرب القطري؟
ليش والاجنبي طول الفتره الي راحت شيسوي بالله؟ يلعب كيرم !
بقولكم شيسوي
كان يشتغل جنه المكان مكانه ويسكر على القطريين الي تحته كل المنافذ
حتى بزنز ترب او تريننغ برا يصكها ف ويوههم
يايين من صجكم احين تقولون الاجنبي يدرب قطري
صلو عالنبي بس

[غريب الدّار]

فترة الاحلال تكون اطول على حسب طبيعة الوظيفة


100%


لكن الفترة من اللي يحسبها ؟ من اللي يقرر ان الوظيفة الفلانية تحتاج لمدة كذا قبل الاحلال والوظيفة الفلانية تحتاج اكثر او اقل؟


بعدين اخوي ياليت اتوضح :
انت تتكلم من ناحية تقنية ولا من أي ناحية بالضبط؟

شدخل دعوة المظلوم اخوي في الموضوع؟ :confused:

ولا المسألة عندك : كلٍ يفر النار صوب قرصه (يمكن هالمثل صعب عليك شوي )

لانك لما ذكرت دعوة المطلوم كنك تقول : بغض النظر عن الوظيفة والخبرة والبطيخ ، اهم شي ان الأجنبي مايزعل !!!!! يعني كلامك ماله علاقة لا بوظيفة ولا بمدة خبرة ولا شي

هذا اللي فهمته وأتمنى تصحح لي اذا اني غلطان

وياليت اتوضح : وش علاقة دعوة المظلوم ؟

هذا سؤال محدد لك الحين : وش علاقة دعوة المطلوم ؟

[الدوحه1]

المشاريع الهندسيه في كل القنوات القطريه(المؤسسه القطريه للاعلام + شبكة الجزيره + بي ان سبورت + قناة الريان) تحت سيطرة الأجانب 100% مع ان عندنا المئات من المهندسين القطريين!!!!!
الأجانب هم اللي يحطون المواصفات وهم اللي يقييمون العروض وهم اللي يصدرون شهادة القبول النهائيه!!!!!
حتى ان هناك مهندس اجنبي في احدى القنوات قام يلغي بعض المناقصات لاسباب واهيه اذا تمت الترسيه على غير الشركه اللي في باله!!!!!!

[غريب الدّار]

المشاريع الهندسيه في كل القنوات القطريه(المؤسسه القطريه للاعلام + شبكة الجزيره + بي ان سبورت + قناة الريان) تحت سيطرة الأجانب 100% !!!!!!

ليش كم نسبة الأجانب في هالجهات ؟

وهل شاغلي الوظائف العليا والقيادية في هالجهات اجانب؟

[يمامـة]

ليش ما يكون في كل جهة عمل مركز للتدريب على المهام المطلوب من الموظف الالمام بها..

بمعني..

هالمركز يتبنى الخريجيين القطريين ويعمل على تهيئتهم لسوق العمل في نفس الجهة اللي بيتوظف فيها..
ومن ثم يجانب الأجنبي على نفس الطاولة( مب يتقاسمونها) ولكن يطلع على كل اعمال و خطوات هالاجنبي
كمبيوتر واحد مشترك يشوف شغله من غير ما تكون له صلاحية التوقيع او الارسال.
يحضر مع الأجنبي الدورات و الاجتماعات.. يقدم اقتراحاته.. يحاول يحل المشاكل..
وامور ثانية اللي يشتغلون اكيد افهم مني فيها..

وبالشكل هذا.. لما الأجنبي يطلع يكون القطري اكتسب خبرة كافية نوعا ما في تولي المهام..

بدل ما يتبعون سياسة خذوه فغلوه.. والمسكين ما يدري اشلون يتصرف واخرتها بيتم الذم فيه
قياسا مع الأجنبي اللي صاحب الخبرة..

[أسد الجزيرة]

للبعض فاتكم القطار :rolleyes:

الي زعلان على الاجانب يفتح له شركة و يطبطب عليهم :ok:

[يمامـة]

للبعض فاتكم القطار :rolleyes:

الي زعلان على الاجانب يفتح له شركة و يطبطب عليهم :ok:

ما اعتقد لو الواحد يحب مصلحة بلاده.. ومصلحة المواطن.. ما يفضل ان المواطن
يكتسب جزء من خبرة الأجنبي قبل تسريحه او انهاء خدماته..

اما اللي بيزعل على الأجنبي لأنه اجنبي سواء استفاد القطري من خبرته او ما استفاد..
عاد هذا الله يعينه على نفسه..

[أسد الجزيرة]

ما اعتقد لو الواحد يحب مصلحة بلاده.. ومصلحة المواطن.. يفضل ان المواطن
يكتسب جزء من خبرة الأجنبي قبل تسريحه او انهاء خدماته..

اما اللي بيزعل على الأجنبي لأنه اجنبي سواء استفاد القطري من خبرته او ما استفاد..
عاد هذا الله يعينه على نفسه..

قطر للبترول احلت القطريين مكان كثير من الاجانب و الامور من احسن ما يكون

فلا يمكن نحكم على الشئ بدون تجربة

[يمامـة]

قطر للبترول احلت القطريين مكان كثير من الاجانب و الامور من احسن ما يكون

فلا يمكن نحكم على الشئ بدون تجربة

وايد تجارب اثبتت ان الموظف الجديد يحتاج الى اكتساب خبرات من سبقوهم في مجال عملهم..

بالنسبة لي ما أقول القطري ما ينفع.. ولكن لو بيدي ما بخلي الموظف القطري اليديد يمسك مكان الأجنبي
قبل ما يعصر خبرته كلها في جيبه وعقب ينقال للاجنبي ..مشكور وما قصرت ..

[ابوالعبد]

نتمنى هذا ولكن مايندر غالبيه الوزارات الحكوميه مليانه اجانب كهرماء و وزاره البيئه والصحه كلها اجانب ومشكله وظايف عاديه ويقدر القطري يشتغل ومايبيلها شهادات كول سنتر او خدمه العملاء كلها وظايف يجب استغلال القطري فيها ليش الاجنبي يكون فيها ولا بالمحكمه ليش الجانب منتشرين فيها وين القطرين يجب تقطير وبقوه ببكل الاماكن الحكوميه الاجنبي يدور له في القطاع الخاص او مستشفيات دكاتره فقط واحد يستفيد منهم

[اناهيد]

100%


لكن الفترة من اللي يحسبها ؟ من اللي يقرر ان الوظيفة الفلانية تحتاج لمدة كذا قبل الاحلال والوظيفة الفلانية تحتاج اكثر او اقل؟


بعدين اخوي ياليت اتوضح :
انت تتكلم من ناحية تقنية ولا من أي ناحية بالضبط؟

شدخل دعوة المظلوم اخوي في الموضوع؟ :confused:

ولا المسألة عندك : كلٍ يفر النار صوب قرصه (يمكن هالمثل صعب عليك شوي )

لانك لما ذكرت دعوة المطلوم كنك تقول : بغض النظر عن الوظيفة والخبرة والبطيخ ، اهم شي ان الأجنبي مايزعل !!!!! يعني كلامك ماله علاقة لا بوظيفة ولا بمدة خبرة ولا شي

هذا اللي فهمته وأتمنى تصحح لي اذا اني غلطان

وياليت اتوضح : وش علاقة دعوة المظلوم ؟

هذا سؤال محدد لك الحين : وش علاقة دعوة المطلوم ؟

السلام عليكم اخوي
معاك ام سعود
ا
هذي وجهة نظري ولك الحرية انك تاخذها من جانب استهزائي او منطقي ، هذا شي راجع لك بدون شك
واذا تسمح برد على كل استفسار بروحه واكرر هذا وجهة نظري انا

- لكن الفترة من اللي يحسبها ؟ من اللي يقرر ان الوظيفة الفلانية تحتاج لمدة كذا قبل الاحلال والوظيفة الفلانية تحتاج اكثر او اقل؟
المنطق يقول لكم وظيفة طبيعتها فالاداري ممكن تستغني عنه في ثلاث شهور والفني التخصصي تحتاج فترة سنة اقل شي (اكرر اقل شي) عشان تقدر تستغني عنه
واللي يحدد هذي الفترات المفروض وزارة!!!! او جهة العمل اللي فيها الاحلال

-بعدين اخوي ياليت اتوضح : (اختي بعد اذنك أخوي)
انت تتكلم من ناحية تقنية ولا من أي ناحية بالضبط؟
انا اشغل منصب يحتم علي الحكم على طبيعة الموظفين اللي عندي وقدراتهم وامكانية احلالهم ( واسمح لي اضطريت اكتب هالجملة عشان ابرر وجهة نظري، طبيعتي اني ما اتطرق لمنصب والا لاي شي من هذا القبيل الا للضرورة)

- شدخل دعوة المظلوم اخوي في الموضوع؟

ولا المسألة عندك : كلٍ يفر النار صوب قرصه (يمكن هالمثل صعب عليك شوي ) ليش صعب؟؟؟؟ ممكن تذكر ايش الصعب فيه؟ انتظر اجابتك اخوي

- لانك لما ذكرت دعوة المطلوم كنك تقول : بغض النظر عن الوظيفة والخبرة والبطيخ ، اهم شي ان الأجنبي مايزعل !!!!! بالنسبة لي ما احب ازعل احد مني انا شخصيا سواء كان قطري او غير قطري ولكن في العمل كلهم واحد اللي يأدي مهامه اقول له مشكور واللي يقصر استفسر عن السبب وعلى اثره احدد اسلوب التفاهم ،
- يعني كلامك ماله علاقة لا بوظيفة ولا بمدة خبرة ولا شي - كل كلامي يصب في مجال الوظيفة ومدة الخبرة وكل شي يتعلق بالاحلال



هذا اللي فهمته وأتمنى تصحح لي اذا اني غلطان

وياليت اتوضح : وش علاقة دعوة المظلوم ؟

هذا سؤال محدد لك الحين : وش علاقة دعوة المطلوم ؟
انا ذكرت من الطرفين في الموضوع اعلاه
سواء غير قطري ومجبورين نستغني عن خدماته بطريقة تحرمه انه يرتب اموره وامور بيته وعياله و لا فيها شكر ولا تقدير على الخدمات اللي قدمها
او
قطري ( المقرر احلاله لغير القطري) وما عنده اي خلفية عن طبيعة المهام ومتطلباتها وانحكم عليه بعدم اهليته في فترة قصيرة حددتها جهة دون تقدير مناسب
ممكن هذا القطري ولدي او ولدك ماراح تحس بالقهر لما مدير يقيمه بانه ضعيف لانه ما ادى المهام المطلوبة منه لانه متخرج جديد؟
ما راح تحس بالقهر لما يدخل عليك ولدك ويقول لك المدير قيمني ضعيف ورجعني وزارة!!! لاني مب متدرب على الشغل المطلوب للاحلال ولا عطوني مدة كافة اتعلم هالشغلة واتدرب عليها ؟
قول لي اش \نب المدير اذا هو مطالب انه ينهي خدمات الغير قطري دون ما يعطينه الوقت الكافي لانه يرتب اموره وامور بيته وعياله؟
اش \نب المدير لما يقرر هذا القطري يصلح والا ما يصلح دون ما يعطيه الوقت الكافي انه يتدرب ويتعلم ويتشرب الشغلة؟
ما راح تكون فيها دعوة من مظلوم؟
ما راح تكون فيها دعوة على ظالم؟

بعدين اخوي
احنا مسلمين
دينا له حص في كل تفاصيل حياتنا سواء العملية والعلمية او الاجتماعية ، له خص في العمل، في السياسة، في اعمق الخصوصيات الحياة الاجتماعية
يعني الدعوات داخلة في كل شي

هذا ردي
اتنمى اني جوبت استفساراتك
واذا عندك اي استفسارات ثانية انا حاضرة

اختك
اناهيد ( ام سعود)

[اناهيد]

وايد تجارب اثبتت ان الموظف الجديد يحتاج الى اكتساب خبرات من سبقوهم في مجال عملهم..

بالنسبة لي ما أقول القطري ما ينفع.. ولكن لو بيدي ما بخلي الموظف القطري اليديد يمسك مكان الأجنبي
قبل ما يعصر خبرته كلها في جيبه وعقب ينقال للاجنبي ..مشكور وما قصرت ..

صح 100%

[أسد الجزيرة]

وايد تجارب اثبتت ان الموظف الجديد يحتاج الى اكتساب خبرات من سبقوهم في مجال عملهم..

بالنسبة لي ما أقول القطري ما ينفع.. ولكن لو بيدي ما بخلي الموظف القطري اليديد يمسك مكان الأجنبي
قبل ما يعصر خبرته كلها في جيبه وعقب ينقال للاجنبي ..مشكور وما قصرت ..

معظم الوظائف لا تحتاج الى خبرة كبيرة و الدليل من خل مكان الاجنبي في قطر للبترول كانوا من المهمشين و المحاربين من قبل المدراء القطريين قبل الاجانب

بعد اعطائهم الثقة اثبتوا انهم قد المسئولية

و نشكر الحكومة على خطوتها في احلال القطريين مكان الاجانب

و الحكومة ابخص

[الدوحه1]

ليش كم نسبة الأجانب في هالجهات ؟

وهل شاغلي الوظائف العليا والقيادية في هالجهات اجانب؟


اخوي انا أتكلم المشاريع الهندسيه تحت سيطرة الأجانب!! عدد المهندسين القطريين المختصين في مجال هندسة الاذاعه والتفزيون اللي يشتغلون في هالجهات اقل من 2% ,, مع ان متأكد ان هناك العشرات من المهندسين القطريين اللي ممكن تأهيلهم وتدريبهم للعمل في هالمجال؟؟؟؟؟

مثال: تلفزيون قطر صار له اكثر من 40 سنه وعدد المهندسين القطريين تقريبا صفر؟؟؟؟؟

السبب عدم مبالاة المسئولين في هالجهات بتشجيع المهندسين القطريين للعمل في هالمجال!!!!

حتى مركز الجزيره للتدريب متروس أجانب!!

[معماري قطري]

دخلت الجزيرة يا الدوحة 1 من فترة طويلة كان مديرهم محمد جاسم العلي .. صدقني خالية من القطريين واتوقع ما زالت

[معماري قطري]

ما اعتقد لو الواحد يحب مصلحة بلاده.. ومصلحة المواطن.. ما يفضل ان المواطن
يكتسب جزء من خبرة الأجنبي قبل تسريحه او انهاء خدماته..

اما اللي بيزعل على الأجنبي لأنه اجنبي سواء استفاد القطري من خبرته او ما استفاد..
عاد هذا الله يعينه على نفسه..

وأي خبرة اللي تتكلمين عنها أغلبهم طباعة يغلط مرات ومرات والقطري أفضل بمراحل .. في البنوك لو نبي شيء ندور القطري أو القطرية ويخلصونا صح وسرعة بس ما ادري ليش كم هالأجانب المهول

انا ما اصدق الكلام اللي يقال عن التقطير ولا اشوف اجراءات فعلية واضحة في هالمجال

[ابوالعبد]

صحيح اي خبره يمامه الاحنبي اكثز شهاداتهم ثانويه او دبلوم دون المستوى عشان ياخذ مكان القطري والقطري قاعد بالبيت الحل تسريح الاجانب الي شهاداته عاديه وماسك اماكن سهله والقطري قادر يمسكها

[ameeer3]

i hope that ...

[aloosh]

لو تدقق جميع شهادات الاجانب لا وجد 90% مزور او جامعات وهميه وصارت في قطر واكثر من جهه ترا ما ينشرون الاخبار عن الشهادات المزوره سكيتي اذا صادوهم ويا كثرهم

وطيب الى متى الاعتماد على الاجنبي وحنا نسمع قطر للبترول درب اكثره من ميه متدرب كل سنه اين يذهبون بعد التخرج واللي نشوفه كله اجانب اللي جاي بعقد حلاق واللي بعقد مدري ايش وبقدره قادر يكون مهندس

انا اشتغلت في قطر للبترول من 83 الى 98 والله العظيم ان الانجليز لا يفقهون ومرات يجي شارب مره مهندس مسؤل عن محطه جنوب ام باب وهو صار له فتره في العمل كله في المكتب يسال المحطه الفلانيه وين مكانه وهو المسؤل عنها ونهايه الدوام الهندي الفورمن يجيب له تقرير عن المحطه ويوقعه فقط
مر سالت هندي في قسم الانتاج وقاط الميانه معي قلت انت ايش كنت تشتغل في الهند ضحك قا انا كنت في مصنع تقطير خمور وجاي فورمان

هذي مشكله من يعطي الاجني اكبر من حقه وابن البلد يدور وظيفه هذا ما يحدث في مكان واحد فا ما بالك في المؤسسات الاخرى والوزارات وغيرها

انا عندي سؤل ليش فاتحين جامعات وابتعاث للخارج اليس لسد الوظائف المهم في البلد

واي مسؤل قطري في عمله اذا اشتكاء عليه لو موظف واحد او وضع عقبات في طريق تطوير القطرين يسحب للتحقيق واذا كان مقصر يعطى انذار نهائي واذا جات شكوى اخرى في تقصير تنها خدماته

يحب ان يكون فيه محاسبه او لن تتطور البلد الى بسواعد شبابها

قلت اللي في خاطري من القهر على سبابنا اللي يتخرج ويوضع في وظيفه اقل من شهادته ومسؤله اجنبي

[المزن الرياني]

مستحيل أصدق
تمجيد الأجنبي معشش بعقليات كثير من المدراء

[أسد الجزيرة]

لذلك اول شي فعلته قطر للبترول تغير العقلية القديمة لادارة قطر للبترول باحلال الكفاءات القطرية مكانهم من الخريجين و الخريجات

[غريب الدّار]

السلام عليكم اخوي
معاك ام سعود
ا
هذي وجهة نظري ولك الحرية انك تاخذها من جانب استهزائي او منطقي ، هذا شي راجع لك بدون شك
واذا تسمح برد على كل استفسار بروحه واكرر هذا وجهة نظري انا

- لكن الفترة من اللي يحسبها ؟ من اللي يقرر ان الوظيفة الفلانية تحتاج لمدة كذا قبل الاحلال والوظيفة الفلانية تحتاج اكثر او اقل؟
المنطق يقول لكم وظيفة طبيعتها فالاداري ممكن تستغني عنه في ثلاث شهور والفني التخصصي تحتاج فترة سنة اقل شي (اكرر اقل شي) عشان تقدر تستغني عنه
واللي يحدد هذي الفترات المفروض وزارة!!!! او جهة العمل اللي فيها الاحلال

-بعدين اخوي ياليت اتوضح : (اختي بعد اذنك أخوي)
انت تتكلم من ناحية تقنية ولا من أي ناحية بالضبط؟
انا اشغل منصب يحتم علي الحكم على طبيعة الموظفين اللي عندي وقدراتهم وامكانية احلالهم ( واسمح لي اضطريت اكتب هالجملة عشان ابرر وجهة نظري، طبيعتي اني ما اتطرق لمنصب والا لاي شي من هذا القبيل الا للضرورة)

- شدخل دعوة المظلوم اخوي في الموضوع؟

ولا المسألة عندك : كلٍ يفر النار صوب قرصه (يمكن هالمثل صعب عليك شوي ) ليش صعب؟؟؟؟ ممكن تذكر ايش الصعب فيه؟ انتظر اجابتك اخوي

- لانك لما ذكرت دعوة المطلوم كنك تقول : بغض النظر عن الوظيفة والخبرة والبطيخ ، اهم شي ان الأجنبي مايزعل !!!!! بالنسبة لي ما احب ازعل احد مني انا شخصيا سواء كان قطري او غير قطري ولكن في العمل كلهم واحد اللي يأدي مهامه اقول له مشكور واللي يقصر استفسر عن السبب وعلى اثره احدد اسلوب التفاهم ،
- يعني كلامك ماله علاقة لا بوظيفة ولا بمدة خبرة ولا شي - كل كلامي يصب في مجال الوظيفة ومدة الخبرة وكل شي يتعلق بالاحلال



هذا اللي فهمته وأتمنى تصحح لي اذا اني غلطان

وياليت اتوضح : وش علاقة دعوة المظلوم ؟

هذا سؤال محدد لك الحين : وش علاقة دعوة المطلوم ؟
انا ذكرت من الطرفين في الموضوع اعلاه
سواء غير قطري ومجبورين نستغني عن خدماته بطريقة تحرمه انه يرتب اموره وامور بيته وعياله و لا فيها شكر ولا تقدير على الخدمات اللي قدمها
او
قطري ( المقرر احلاله لغير القطري) وما عنده اي خلفية عن طبيعة المهام ومتطلباتها وانحكم عليه بعدم اهليته في فترة قصيرة حددتها جهة دون تقدير مناسب
ممكن هذا القطري ولدي او ولدك ماراح تحس بالقهر لما مدير يقيمه بانه ضعيف لانه ما ادى المهام المطلوبة منه لانه متخرج جديد؟
ما راح تحس بالقهر لما يدخل عليك ولدك ويقول لك المدير قيمني ضعيف ورجعني وزارة!!! لاني مب متدرب على الشغل المطلوب للاحلال ولا عطوني مدة كافة اتعلم هالشغلة واتدرب عليها ؟
قول لي اش \نب المدير اذا هو مطالب انه ينهي خدمات الغير قطري دون ما يعطينه الوقت الكافي لانه يرتب اموره وامور بيته وعياله؟
اش \نب المدير لما يقرر هذا القطري يصلح والا ما يصلح دون ما يعطيه الوقت الكافي انه يتدرب ويتعلم ويتشرب الشغلة؟
ما راح تكون فيها دعوة من مظلوم؟
ما راح تكون فيها دعوة على ظالم؟

بعدين اخوي
احنا مسلمين
دينا له حص في كل تفاصيل حياتنا سواء العملية والعلمية او الاجتماعية ، له خص في العمل، في السياسة، في اعمق الخصوصيات الحياة الاجتماعية
يعني الدعوات داخلة في كل شي

هذا ردي
اتنمى اني جوبت استفساراتك
واذا عندك اي استفسارات ثانية انا حاضرة

اختك
اناهيد ( ام سعود)

وأخيرا لقيت رد راح يخليني ارجع لردودي التفصيلية الجميلة :ok:

بسم الله نبدأ :


السلام عليكم اخوي

وعليكم السلام


معاك ام سعود
بصراحة هالنقطة ماتعنيني من قريب او بعيد :)

انا اناقش أفكار فقط بغض النظر عن المسميات
فام سعود ولا أبو سعود هذا موضوع مايعنيني بصراحة


هذي وجهة نظري ولك الحرية انك تاخذها من جانب استهزائي او منطقي ، هذا شي راجع لك بدون شك

طبعا
ولك او لج الحرية تقبلين وجهة نظري او ماتقبلينها شي راجع لج
واذا تشوفين اني رديت بجانب استهزائي على قولتج فهذا شانج وشي راجع لج


المنطق يقول لكم وظيفة طبيعتها فالاداري ممكن تستغني عنه في ثلاث شهور والفني التخصصي تحتاج فترة سنة اقل شي (اكرر اقل شي) عشان تقدر تستغني عنه
واللي يحدد هذي الفترات المفروض وزارة!!!! او جهة العمل اللي فيها الاحلال
المنطق؟
المنطق عند ناس غيرج يقول كلام ثاني بعد :)
والمنطق يقول ان وظايف كثييييييييييرة شاغلينها أجانب مايبي لها الا يمكن شهر واحد للاحلال ، وبعضها اقل
اما سالفة ثلاث سنين اللي ذكرتيها : فلازلت مب عارف أي وظيفة بالتحديد المقصودة اللي يبي لها ثلاث سنين
وحتى في حالة وجودها ، فاعتقد ان وظايف قليلة جدا جدا

فمافي داعي نحتج بها ونعيش الموظف القطري تحت الأجنبي لين يزهق بحجة والله ان القطري مااكتسب الخبرة

انا مع ان القطري يكتسب خبرة ، بس مب نقعد نملل المواطن لين مايزهق حياته :)


انا اشغل منصب يحتم علي الحكم على طبيعة الموظفين اللي عندي وقدراتهم وامكانية احلالهم ( واسمح لي اضطريت اكتب هالجملة عشان ابرر وجهة نظري، طبيعتي اني ما اتطرق لمنصب والا لاي شي من هذا القبيل الا للضرورة)

ارجع وأقول لج اختي المواضيع الشخصية ماتعنيني ابد
تشغلين منصب ولا ماتشغلين منصب هذا شي مايعنيني من قريب او بعيد ، النقاش في الأفكار فقط ، ابتعدي عن الشخصنة

وارجع وأقول :
بشكل عام لازم القطري يكتسب الخبرة المطلوبة قبل شغل أي منصب او وظيفة ، او على الأقل الحد الأدنى من متطلبات الوظيفة ، لكن مب لدرجة إطالة الفترة الى الله اعلم كم ، وان وجدت بعض الوظايف اللي تتطلب فترات طويلة لاكتساب الخبرة المطلوبة فهي قليلة
وبعدين أصلا مستحيل حد يكتسب خبرة عملية بدون مايمارس الوظيفة نفسها
يعني مهما الواحد اكتسب خبرة ، ومسك أي منصب ، راح تمر عليه شغلات بحكم المنصب يمكن اول مرة يشوفها
فالمفروض يأخذ فرصته ويتعامل معاها بناء على اللي اكتسبه


بالنسبة لي ما احب ازعل احد مني انا شخصيا سواء كان قطري او غير قطري ولكن في العمل كلهم واحد اللي يأدي مهامه اقول له مشكور واللي يقصر استفسر عن السبب وعلى اثره احدد اسلوب التفاهم ،
- يعني كلامك ماله علاقة لا بوظيفة ولا بمدة خبرة ولا شي - كل كلامي يصب في مجال الوظيفة ومدة الخبرة وكل شي يتعلق بالاحلال

تحبين اتزعلين ولا ماتحبين اتزعلين أيضا شي راجع لج ، لكن شدخل الزعل؟؟؟؟؟؟؟؟؟؟؟؟؟ شعلاقة الزعل في الموضوع؟؟؟؟؟؟؟؟؟؟

يعني علشان مانزعل الأجانب لازم نخليهم طول عمرهم في قطر ومانخلي عيال البلد يمكسون مكانهم ؟؟ ؟بيزعلون ؟؟؟

تطبيق القوانين والمصلحة العليا ماتراعي زعل فلان وعلان

على سبيل المثال : ضريبة القيمة المضافة راح تنفرض في دول الخليج مثل ماهو منتشر حاليا
هل دول الخليج بتقول : لا الناس بيزعلون خلاص ماراح نطبق!!!!


المصلحة العليا لها اعتبارات اسمى من هالشي
واذا يهمج الأجانب مايزعلون فهذا شي راجع لج
والاحترام للكل طبعا مواطن واجنبي لكن مصلحة البلاد فوق كل اعتبار

الزعل ماله علاقة في الموضوع ، والعواطف مالها مكان في هالنقاش أصلا


ليش صعب؟؟؟؟ ممكن تذكر ايش الصعب فيه؟ انتظر اجابتك اخوي
لانه صعب على ناس وايد خصوصا مع اندثار الكثير من الملامح التراثية :taunt: فقلت يمكن صعب (وبالضرورة يمكن سهل ) :ok:


انا ذكرت من الطرفين في الموضوع اعلاه
سواء غير قطري ومجبورين نستغني عن خدماته بطريقة تحرمه انه يرتب اموره وامور بيته وعياله و لا فيها شكر ولا تقدير على الخدمات اللي قدمها
او
قطري ( المقرر احلاله لغير القطري) وما عنده اي خلفية عن طبيعة المهام ومتطلباتها وانحكم عليه بعدم اهليته في فترة قصيرة حددتها جهة دون تقدير مناسب
ممكن هذا القطري ولدي او ولدك ماراح تحس بالقهر لما مدير يقيمه بانه ضعيف لانه ما ادى المهام المطلوبة منه لانه متخرج جديد؟
ما راح تحس بالقهر لما يدخل عليك ولدك ويقول لك المدير قيمني ضعيف ورجعني وزارة!!! لاني مب متدرب على الشغل المطلوب للاحلال ولا عطوني مدة كافة اتعلم هالشغلة واتدرب عليها ؟
قول لي اش \نب المدير اذا هو مطالب انه ينهي خدمات الغير قطري دون ما يعطينه الوقت الكافي لانه يرتب اموره وامور بيته وعياله؟
اش \نب المدير لما يقرر هذا القطري يصلح والا ما يصلح دون ما يعطيه الوقت الكافي انه يتدرب ويتعلم ويتشرب الشغلة؟
ما راح تكون فيها دعوة من مظلوم؟
ما راح تكون فيها دعوة على ظالم؟

بعدين اخوي
احنا مسلمين
دينا له حص في كل تفاصيل حياتنا سواء العملية والعلمية او الاجتماعية ، له خص في العمل، في السياسة، في اعمق الخصوصيات الحياة الاجتماعية
يعني الدعوات داخلة في كل شي
كلام انشائي طويل وفكرته وحدة

وجوابي عليه :
اول شي : المثل يقول : لو دامت لغيرك ماوصلت اليك (او مااتصلت اليك) ، فبالتالي محد راح يدوم في منصبه ، وشي طبيعي ان في ناس راح يزعلون
كلٍ ورايه ووجهة نظره

الحين لو اجي لشخص مثلا في منصب معين ، مضى عليه عشرين سنة في مكانه ، وأقول له راح اشيلك واجيب واحد خبرة وكفاءة ، احتمال كبير يزعل ، لكن هل لازم تتم مراعاة الزعل هذا ؟

انا مع إعطاء كل ذي حق حقه من ناحية تكريم او مستحقات او نهاية خدمة ، لكن مايجوز أقول فلان بيزعل لاتشيلونه !!!!


على جذيه الدولة راح توقف في مكانها ولا راح تتطور


اختي القاعدة العامة هي :
كل اجنبي في قطر جاي يترزق الله ويجمع له كمن بيزة ويروح (وهذا شي مشروع طول ماانه يشتغل بالحلال ويشد حيله)
فبالتالي اللي راح يظل هو ولد البلد

كان بتقولين تنقصهم الخبرة باقول لج اوكي ، مب مشكلة ، يجب يتم دعمهم على مايكتسبون الخبرة المطلوبة وعقب يحلون مكان غيرهم (طبعا غيرهم المقصود فيها الأجنبي عموما ، واي شخصي ممكن يتم الاستغناء عنه حتى لو مواطن ، وبالقانون )

وانا مع دعم المواطنين ، لكن بعد لازم نعرف ان التحصيل العلمي للمواطنين في ازدياد ولله الحمد

على سبيل المثال : كم عدد حملة الماجستير من عشرين سنة ، والحين ؟؟؟ ماعندي إحصائية دقيقة بس العدد في ازدياد بفضل الله

القطريين اقتحموا مجالات كثيرة
مااقول لج الكل مؤهل ، صحيح في شريحة غير مؤهلة ، لكن دور الدولة انها تؤهلهم ، وتدعمهم ، وهم دورهم بعد يشدون حيلهم ، يعني لحد يقول لاني مواطن لازم اخذ لي منصب ، لا ، الكفاءة تحكم


الخلاصة : انا مع ان القطري يكتسب الخبرة المطلوبة ، ومدة اكتساب الخبرة تختلف بحسب طبيعة الوظيفة نفسها ، لكن في النهاية القطريين هم اللي لازم يمكسون كل شي ، واذا في استثناءات (مثلا تخصص نادر الوجود في العالم كله فهذا موضوع ثاني ) وبشكل عام أصلا مافي دولة مافيها أجانب يشتغلون ، لكن تختلف النسبة من بلد الى بلد ، وهاذي استراتيجية في نظري ناجحة ماشية عليها الدولة ، وباذن الله تؤتي ثمارها في المستقبل القريب



والله الموفق

هذا ردي واي استفسار ثاني وثالث ورابع وخامس بعد انا حاضر :ok:

[moonبنتnight]

هم شي ما يكون حبر على ورق ..
ولي سمعته أن مسمى خبير واستشاري برع حسبه !!

[غريب الدّار]

طيب في سؤال مهم يااخوان ويااخوات :

حد يقدر يجيب نسبة القطريين في مختلف التخصصات سواء العاملين او غير العاملين ، وعدد الوظائف الشاغرة والمطلوبة في سوق العمل ؟

اعتقد الأرقام هاذي هي اللي بتحكم على الموضوع كله


على سبيل المثال : عدد خريجين وخريجات المحاسبة من المواطنين والمواطنات
وعدد الوظائف الشاغرة او المطلوبة بالنسبة لنفس التخصص

[يمامـة]

معظم الوظائف لا تحتاج الى خبرة كبيرة و الدليل من خل مكان الاجنبي في قطر للبترول كانوا من المهمشين و المحاربين من قبل المدراء القطريين قبل الاجانب

بعد اعطائهم الثقة اثبتوا انهم قد المسئولية

و نشكر الحكومة على خطوتها في احلال القطريين مكان الاجانب

و الحكومة ابخص

صباح قريب من مساء الخير..

اللي مب محتاجة الى خبرة.. مالنا كلام عليها.. لكن لو محتاج القطري انه يستعين بخبرة الأجنبي قبل تسريحه
من الأفضل انه يستفيد منه..

ونشكر الحكومة معاك على التقطير.. فالتقطير معناه ان عيالنا بيلقون وظايف..
لكن أتمنى لو عيالنا بيتوظفون مكان الأجانب اللي صار لهم سنين في مكانهم انهم يستفيدون من خبرتهم..

والله يوفق الجميع لصالح هالوطن.. اللهم امين..

[أسد الجزيرة]

صباح قريب من مساء الخير..

اللي مب محتاجة الى خبرة.. مالنا كلام عليها.. لكن لو محتاج القطري انه يستعين بخبرة الأجنبي قبل تسريحه
من الأفضل انه يستفيد منه..

ونشكر الحكومة معاك على التقطير.. فالتقطير معناه ان عيالنا بيلقون وظايف..
لكن أتمنى لو عيالنا بيتوظفون مكان الأجانب اللي صار لهم سنين في مكانهم انهم يستفيدون من خبرتهم..

والله يوفق الجميع لصالح هالوطن.. اللهم امين..

الوضع كان ان المسئول القطري يعتمد على مجموعة من الاجانب في تسير امور الشغل

و كان يهمش القطريين اما خوفا منهم او وشاية من الاجانب الي يعتمد عليهم

فأصبحوا بطالة مقنعة

احلال القطريين مكان الاجانب من صالح البلاد و القطري مصيره ينجبر على اداء عمله و تطوير قدراته

مساء الخير مقدماً :)

[يمامـة]

وأي خبرة اللي تتكلمين عنها أغلبهم طباعة يغلط مرات ومرات والقطري أفضل بمراحل .. في البنوك لو نبي شيء ندور القطري أو القطرية ويخلصونا صح وسرعة بس ما ادري ليش كم هالأجانب المهول

انا ما اصدق الكلام اللي يقال عن التقطير ولا اشوف اجراءات فعلية واضحة في هالمجال


صحيح اي خبره يمامه الاحنبي اكثز شهاداتهم ثانويه او دبلوم دون المستوى عشان ياخذ مكان القطري والقطري قاعد بالبيت الحل تسريح الاجانب الي شهاداته عاديه وماسك اماكن سهله والقطري قادر يمسكها

يا جماعت اللي خبرته عادية او يا دوب يطبع
او يرتب الأوراق.. احنا ما نتكلم عنه..
نتكلم عن اجنبي او مقيم ملم بكل تفاصيل العمل في ادارته من تخليص المعاملات او اصدار الرخص
الى ادخال البيانات الى حل المشاكل في وضع كيت وكات و كوت.. هذا لو استفادوا من خبرته وين المشكلة؟

اسمحوا لي اضرب لكم مثال في البيت عندي..
اللحين الخدامتين عندي في البيت اعرف وافهم منا كلنا في البيت عن أماكن الأغراض فيه..
واللي مسؤولة عن المطبخ اعرف منا كلنا عن أماكن تواجد سين وعين وصاد من المواعين..
واللي مسؤولة عن توزيع الملابس وصفها في الكباتة تعرف اكثر من الكل عن كل قطعة تحطها ومن له
هذي ومن له ذيك..

فلو بتسافر وحدة منهم .. اضطر اييب اليديدة قبل سفر القديمة اقل شي أسبوع.. تعلمها شغلها..

واخر مرة سافروا الثنتين وتميت شهر من غير خدم.. ولما ياووني.. وكانوا مشتغلين قبل..
الا اني لليوم ( لهم اكثر من سبع شهور )
ادخل المطبخ واشرف او اطبخ مع الخدامة طباخ الغدى علشان الخادمة تتعلم ذوقنا في الاكل..
والثانية تميت فترة ارد اخليها تجرد الملابس علشان افهمها الملابس من له واشلون تميزها..
بينما لما ياتني وحدة من 3 سنين وكانت خبرة في الطبخ وفنانة.. مجرد ما أقول لها سوي جذيه
او ضيفي جذيه كانت تطبخ لنا من الذ وما طاب من الأصناف المطلوبة.. ما كنت اطبخ الا لو عندي عزيمة
اضطر ادخل اساعدهم لأن الأصناف تكون وايدة..

فالاستفادة من الخبرة شي في صالح الجميع.. ومفيد لنا كلنا.. لكن الأمور البسيطة احنا ما نتكلم عنها
لأن الخدم الجدد
في المقابل ما علمتهم اشلون يغسلون الحوش او اشلون يسقون الزرع او اشلون يطفون الليتات
او اشلون يركبون السيارة.. لأنها أمور ما تحتاج تعليم..

والموظف نفس الشي.. اقعد مع ناس موظفين يتشكون من قلة معرفة الموظفين الجدد
سواء كانوا قطريين او أجانب.. والمتضرر في الحالة هذه الشغل نفسه وجهة العمل نفسها..

فاللي شغلته كاتب في العمل ممكن القطري يحل محله في كتابة الخطابات او الصيغ الثانية المطلوبة للعمل..
لكن في ترتيبات و أمور ثانية ما يضر القطري لو تعلمها من الأجنبي قبل تسريحه..

فالشي اللي بيتعلمه مع الأخطاء لأنه ما كان يعرفها وبياخذ وقت فيها.. راح يتعلمها من الأجنبي وهو قاعد جنبه
في فترة زمنية قصيرة جدا....

[يمامـة]

الوضع كان ان المسئول القطري يعتمد على مجموعة من الاجانب في تسير امور الشغل

و كان يهمش القطريين اما خوفا منهم او وشاية من الاجانب الي يعتمد عليهم

فأصبحوا بطالة مقنعة

احلال القطريين مكان الاجانب من صالح البلاد و القطري مصيره ينجبر على اداء عمله و تطوير قدراته

مساء الخير مقدماً :)

مساء الأنور..

الوضع السابق مع التقطير ولى وراح..

لكن مع التقطير.. القطري غصب طيب راح يحل مكان الأجنبي..
وقبل ما يروح الأجنبي .. يتعين القطري في وظيفة الأجنبي وهو مكانه...
يفهم طبيعة عمله والمهام اللي يقوم فيها.. ويتابعه في تكتيك شغله وانجازه لمهامه..

هذه وجهة نظري.. يعني لو كنت مديرة او مسؤولة طبيعة عملي تخول لي اني اوظف
راح اوظف القطري بجانب الأجنبي اللي راح ننهي خدماته.. يستفيد من خبرته قبل انتهاء فترة عمله..

[الدوحه1]

اسئله محتاجه اجابه:
1- هل هناك أليه من قبل الجهات المختصه (وزارة التنميه الاداريه) لمراقبة ان فعلا الأجنبي قام بتدريب وتأهيل القطري للوظيفه؟؟؟
(الجواب لا والدليل ان هناك المئات من الأجانب يستمرون في وظائفهم لعشرات السنين مع ان هناك من القطريين الجامعيين المؤهلين لنفس الوظيفه؟؟)

2- هل هناك أليه من قبل الجهات المختصه (وزارة التنميه الاداريه) لمعرفة الاحتياجات الفعليه من حيث عدد الموظفين لكل جهه حكوميه؟؟
لان بعض الجهات تبالغ في طلباتها وتطلب استحداث وظائف جديده مع كل ميزانيه؟؟

هل لدى وزارة التنميه الاداريه الخبراء المختصين في كل مجال لمعرفة هالاحتياجات؟
الجواب لا والدليل ان هناك تكدس وتضخم في عدد الموظفين في العديد من الجهات الحكوميه!


الحل في رأيي هو تشكيل لجنه تتكون من القطريين الجامعيين المختصين في كل الاختصاصات(الهندسه,الطب،المحاسبه,القانون,الاعلام, التجاره,الموارد البشريه,......)
وتقوم اللجنه بدراسة الاحتياجات الفعليه من عدد الموظفين لكل جهه حكوميه/شبه حكوميه.

[بوخالد911]

للأسف معظم مدراء ال hr غير قطريين
فكيف بينفذون هالشي ؟!؟!؟!؟

[بوخميس]

عندنا قطري عمره حول 20 سنة

معاه في نفس الشغلة 2 أجانب

طيب مب على أساس يعلمونه الشغل؟؟

تدرون الأخ يبصم ويروح يرقد في سيارته برا المبنى؟!

هذا شلون اعتمد عليه واشيل الأجانب اللي وياه!!

[JN000N]

عندنا قطري عمره حول 20 سنة

معاه في نفس الشغلة 2 أجانب

طيب مب على أساس يعلمونه الشغل؟؟

تدرون الأخ يبصم ويروح يرقد في سيارته برا المبنى؟!

هذا شلون اعتمد عليه واشيل الأجانب اللي وياه!!

لما تعطيه مهام ومسؤوليات ويحس انه مهم
مب مهمش

[معماري قطري]

يا جماعت اللي خبرته عادية او يا دوب يطبع
او يرتب الأوراق.. احنا ما نتكلم عنه..
نتكلم عن اجنبي او مقيم ملم بكل تفاصيل العمل في ادارته من تخليص المعاملات او اصدار الرخص
الى ادخال البيانات الى حل المشاكل في وضع كيت وكات و كوت.. هذا لو استفادوا من خبرته وين المشكلة؟

اسمحوا لي اضرب لكم مثال في البيت عندي..
اللحين الخدامتين عندي في البيت اعرف وافهم منا كلنا في البيت عن أماكن الأغراض فيه..
واللي مسؤولة عن المطبخ اعرف منا كلنا عن أماكن تواجد سين وعين وصاد من المواعين..
واللي مسؤولة عن توزيع الملابس وصفها في الكباتة تعرف اكثر من الكل عن كل قطعة تحطها ومن له
هذي ومن له ذيك..

فلو بتسافر وحدة منهم .. اضطر اييب اليديدة قبل سفر القديمة اقل شي أسبوع.. تعلمها شغلها..

واخر مرة سافروا الثنتين وتميت شهر من غير خدم.. ولما ياووني.. وكانوا مشتغلين قبل..
الا اني لليوم ( لهم اكثر من سبع شهور )
ادخل المطبخ واشرف او اطبخ مع الخدامة طباخ الغدى علشان الخادمة تتعلم ذوقنا في الاكل..
والثانية تميت فترة ارد اخليها تجرد الملابس علشان افهمها الملابس من له واشلون تميزها..
بينما لما ياتني وحدة من 3 سنين وكانت خبرة في الطبخ وفنانة.. مجرد ما أقول لها سوي جذيه
او ضيفي جذيه كانت تطبخ لنا من الذ وما طاب من الأصناف المطلوبة.. ما كنت اطبخ الا لو عندي عزيمة
اضطر ادخل اساعدهم لأن الأصناف تكون وايدة..

فالاستفادة من الخبرة شي في صالح الجميع.. ومفيد لنا كلنا.. لكن الأمور البسيطة احنا ما نتكلم عنها
لأن الخدم الجدد
في المقابل ما علمتهم اشلون يغسلون الحوش او اشلون يسقون الزرع او اشلون يطفون الليتات
او اشلون يركبون السيارة.. لأنها أمور ما تحتاج تعليم..

والموظف نفس الشي.. اقعد مع ناس موظفين يتشكون من قلة معرفة الموظفين الجدد
سواء كانوا قطريين او أجانب.. والمتضرر في الحالة هذه الشغل نفسه وجهة العمل نفسها..

فاللي شغلته كاتب في العمل ممكن القطري يحل محله في كتابة الخطابات او الصيغ الثانية المطلوبة للعمل..
لكن في ترتيبات و أمور ثانية ما يضر القطري لو تعلمها من الأجنبي قبل تسريحه..

فالشي اللي بيتعلمه مع الأخطاء لأنه ما كان يعرفها وبياخذ وقت فيها.. راح يتعلمها من الأجنبي وهو قاعد جنبه
في فترة زمنية قصيرة جدا....

الخبرات العالية قليلة جداً واللي نشوفه كثيرين خبرتهم ادارية عادية جداً وهذيلا أكثر الموظفين الأجانب .. أما مثلاً يجي دكتور زائر منتدب لازم البقية يستفيدون من خبرته في تخصصه .. أما الأعمال الإدارية نشوف الأجانب تارسين كل مكان ولا نشوف أثر للقطري ولا التقطير .. حتى شركات فاخرة غالبية أو أوقات كل موظفيها أجانب .. دخلت شركة تصرف رواتب حول 8 ملايين ريال كلها فلبينيين ومديرهم لبناني

العمال فئة ثانية ووضعهم غير وكذلك التخصصات العالية لازم نجيب أجانب يسدون النقص بس لازم نؤهل ونشجع القطري لهذي المجالات الصعبة مثل الطب والطيران والهندسة بمختلف تخصصاتها وتكنولوجيا الصناعة .. حتى الرياضة أبسط شيء رئيس الاتحاد وبعض المسؤولين قطريين لكن اللاعبين والموظفين غير قطريين وهذي مشكلة كبيرة وخلل في التركيبة السكانية والوظيفية

[معماري قطري]

عندنا قطري عمره حول 20 سنة

معاه في نفس الشغلة 2 أجانب

طيب مب على أساس يعلمونه الشغل؟؟

تدرون الأخ يبصم ويروح يرقد في سيارته برا المبنى؟!

هذا شلون اعتمد عليه واشيل الأجانب اللي وياه!!

بعضهم فاشلين سواء قطريين أو غير ومب مقياس .. لكن تشجيع القطري الراغب واللي عنده استعداد واجب ومسؤولين عنه مدراؤه

حتى المدراء الأجانب لازم عليهم توجيهات ومتابعة حتى يهتمون بالقطري فهذي بلاده .. أما نصدق الأجنبي ونكذب القطري فهذي كارثة وللأسف بعض المسؤولين غارقين فيها .. توجيهات سمو الأمير معروفة وما يقصر في عيال قطر ولهم أولوية في كل منصب وشغل .. تعال حق بعض المتسببين وشفت كثيرين منهم يحطون عراقيل جدام القطري وتسهيلات جدام الغير قطري

بعض الإدارات يسوون اعلانات في الخارج لوظائف تافهة ويختارون ناس يمكن مبالغ في تخصصاتهم لهذي الوظائف .. منها عبء أكبر على الميزانية وتسهيلات أكثر للشخص اللي بيجي من برا وتكلفته تطلع أكثر من القطري لو ضفت السكن والتعليم والتأمين الصحي

بعض المسؤولين يختارون شلة حولهم من ربعهم بغض النظر عن التخصص .. يسوون دائرة حولهم ويجيبون الباقي حشو من برا وذر رماد في العيون عدد قليل من المواطنين وهؤلاء محاربين للتقطير ويحتاجون هزة قوية

[غريب الدّار]

نقطة نظام يااخوان :


في أمور يجب توضيحها علشان النقاش يكون على أساس واضح وسليم :


1- في قطريين مايشتغلون للأسف ويؤمنون بنظرية : انا قطري استحق كل شي سواء اشتغلت ولا مااشتغلت !!!! هاذي النظرة غلط ، واي حد عنده هالنظرة المفروض يتم في مكانه طول عمره ومايتغير ولا يأخذ أي منصب ، لأن العبرة هي بخدمة البلاد على اكمل وجه ، الدولة ماقصرت فيجب ان يتم رد جزء من وقفة الدولة مع عيالها ، وابسط شي هو العمل بجد وإخلاص

2- مسألة ان الأجانب يهمشون القطريين : فبصراحة كلام عام جدا ، في أجانب يمكن يهمشون القطريين ، لكن اللي شفته في جهات عديدة ان كثير من الأجانب (وكلمة الحق تنقال) حريصين على تطوير القطري ، سواء بدافع شخصي ، سواء القوانين اجبرته على هالشي ، الحق ينقال : شفت بعيني كثيييييير من الأجانب ماعندهم ثقافة التهميش المزعومة اللي بصراحة صرت اشوفها شماعة لكل من يحب الربادة ولقاها حجة ، وهي غير صحيحة بالعموم ، وهذا ماينفي وجود البعض منهم بهالعقلية ، لكن اعتقد اللي يشد حيله راح يفرض نفسه غصب طيب ، والاستثناءات قليلة.

3- ارجع وأقول : كل قطري وقطرية لازم يشدون حيلهم ، التقطير حاصل حاصل ، فاللي يشد حيله باذن الله راح يمسك منصب ، ولايمكن أصلا بقاء الوافدين الى مالانهاية ، خصوصا في ظل التنمية البشرية اللي الدولة شغالة عليها والأنظمة والقوانين اللي تجبر على التقطير



والله الموفق

[ناسداك]

يا جماعت اللي خبرته عادية او يا دوب يطبع
او يرتب الأوراق.. احنا ما نتكلم عنه..
نتكلم عن اجنبي او مقيم ملم بكل تفاصيل العمل في ادارته من تخليص المعاملات او اصدار الرخص
الى ادخال البيانات الى حل المشاكل في وضع كيت وكات و كوت.. هذا لو استفادوا من خبرته وين المشكلة؟

اسمحوا لي اضرب لكم مثال في البيت عندي..
اللحين الخدامتين عندي في البيت اعرف وافهم منا كلنا في البيت عن أماكن الأغراض فيه..
واللي مسؤولة عن المطبخ اعرف منا كلنا عن أماكن تواجد سين وعين وصاد من المواعين..
واللي مسؤولة عن توزيع الملابس وصفها في الكباتة تعرف اكثر من الكل عن كل قطعة تحطها ومن له
هذي ومن له ذيك..

فلو بتسافر وحدة منهم .. اضطر اييب اليديدة قبل سفر القديمة اقل شي أسبوع.. تعلمها شغلها..

واخر مرة سافروا الثنتين وتميت شهر من غير خدم.. ولما ياووني.. وكانوا مشتغلين قبل..
الا اني لليوم ( لهم اكثر من سبع شهور )
ادخل المطبخ واشرف او اطبخ مع الخدامة طباخ الغدى علشان الخادمة تتعلم ذوقنا في الاكل..
والثانية تميت فترة ارد اخليها تجرد الملابس علشان افهمها الملابس من له واشلون تميزها..
بينما لما ياتني وحدة من 3 سنين وكانت خبرة في الطبخ وفنانة.. مجرد ما أقول لها سوي جذيه
او ضيفي جذيه كانت تطبخ لنا من الذ وما طاب من الأصناف المطلوبة.. ما كنت اطبخ الا لو عندي عزيمة
اضطر ادخل اساعدهم لأن الأصناف تكون وايدة..

فالاستفادة من الخبرة شي في صالح الجميع.. ومفيد لنا كلنا.. لكن الأمور البسيطة احنا ما نتكلم عنها
لأن الخدم الجدد
في المقابل ما علمتهم اشلون يغسلون الحوش او اشلون يسقون الزرع او اشلون يطفون الليتات
او اشلون يركبون السيارة.. لأنها أمور ما تحتاج تعليم..

والموظف نفس الشي.. اقعد مع ناس موظفين يتشكون من قلة معرفة الموظفين الجدد
سواء كانوا قطريين او أجانب.. والمتضرر في الحالة هذه الشغل نفسه وجهة العمل نفسها..

فاللي شغلته كاتب في العمل ممكن القطري يحل محله في كتابة الخطابات او الصيغ الثانية المطلوبة للعمل..
لكن في ترتيبات و أمور ثانية ما يضر القطري لو تعلمها من الأجنبي قبل تسريحه..

فالشي اللي بيتعلمه مع الأخطاء لأنه ما كان يعرفها وبياخذ وقت فيها.. راح يتعلمها من الأجنبي وهو قاعد جنبه
في فترة زمنية قصيرة جدا....

من واقع تجاربي محد يعلم احد بالعكس يا يخوفه من مشاكل الشغل حتى لو اداري بسيط او شغله بسيطه, و لا يعلمه بل يحاول يقلل من شأنه حتى يضمن مكانه و يتجنب الفنش
يمكن المسؤولين القطريين يحاولوا يشجعون القطريين و يدعمونهم و يضغطوا على الاجنبي و يحملونه اي مشكلة تصير في العمل

[كاشف الغطاء]

لما تعطيه مهام ومسؤوليات ويحس انه مهم
مب مهمش

صدقتي انا كنت القطري الوحيد في قسم كامل فيه 30 موظف في قناة معروفة جداً
وكنت في أسفل السلم الوظيفي واللي اقل مني في شهادته اعلى مني في الدرجة والحمدلله كنت اسوي شغلي وزود
وطلبت تعديل وضع أو تفرغ دراسي ماوافقوا لي .. وين تبون القطري يعطي ويجتهد اذا كان هذا الوضع

[كاشف الغطاء]

دخلت الجزيرة يا الدوحة 1 من فترة طويلة كان مديرهم محمد جاسم العلي .. صدقني خالية من القطريين واتوقع ما زالت

إدارة التحرير مافيها الا اثنين قطريين حالياً أنا كنت الثالث وقدمت استقالتي ولله الحمد

[كاشف الغطاء]

اخوي انا أتكلم المشاريع الهندسيه تحت سيطرة الأجانب!! عدد المهندسين القطريين المختصين في مجال هندسة الاذاعه والتفزيون اللي يشتغلون في هالجهات اقل من 2% ,, مع ان متأكد ان هناك العشرات من المهندسين القطريين اللي ممكن تأهيلهم وتدريبهم للعمل في هالمجال؟؟؟؟؟

مثال: تلفزيون قطر صار له اكثر من 40 سنه وعدد المهندسين القطريين تقريبا صفر؟؟؟؟؟

السبب عدم مبالاة المسئولين في هالجهات بتشجيع المهندسين القطريين للعمل في هالمجال!!!!

حتى مركز الجزيره للتدريب متروس أجانب!!


للأسف قناة الريان نفس المشكلة القطريين طالعين في الصورة بس أما في الإنتاج والإخراج والأمور هذي كلها أجانب
ولما رحت أقدم عندهم وعندي خبرة اللي خذ مني السي في سوداني ويقولي ماعندنا شواغر :unsure: الواحد شيقول بس

[معماري قطري]

إدارة التحرير مافيها الا اثنين قطريين حالياً أنا كنت الثالث وقدمت استقالتي ولله الحمد

فيها سفر وبدالات أولى بها الأجانب من وجهة نظرهم

[خالد31]

مطلوب عندي بالعمل مساعده فنية ( تكنشن ) تحتاج شهادة ثانوية وخبرة بسيطة أو شهادة جامعية في التخصصات الادبية المديرة قطرية ونتيجة للعلاقات الشخصية اصرت على احضار قريبة احد الموظفين من خارج قطر ( سكن وتذاكر وراتب ) مع انه موجود داخل قطر وممكن اي بنت تقوم بهذه الوظيفة

[معماري قطري]

مطلوب عندي بالعمل مساعده فنية ( تكنشن ) تحتاج شهادة ثانوية وخبرة بسيطة أو شهادة جامعية في التخصصات الادبية المديرة قطرية ونتيجة للعلاقات الشخصية اصرت على احضار قريبة احد الموظفين من خارج قطر ( سكن وتذاكر وراتب ) مع انه موجود داخل قطر وممكن اي بنت تقوم بهذه الوظيفة

يفترض لجنة الشفافية ومكافحة الفساد تستمع حق شكواك وتحاسب المديرة بعد التحقيق

[مواقف النجادة]

يفترض لجنة الشفافية ومكافحة الفساد تستمع حق شكواك وتحاسب المديرة بعد التحقيق

لجنة الشفافية من زود ماهي شفّافة ما حد شافها من يوم ما تأسست ..

[القلب المؤمن]

لجنة الشفافية من زود ماهي شفّافة ما حد شافها من يوم ما تأسست ..
هههههه حلوه

[الدوحه1]

جريدة الراية الخميس 09من أبريل2009م

قرار مجلس الوزراء بتقطير الوظائف

وافق مجلس الوزراء الموقر على اقتراح تقطير الوظائف في الدولة وفقا لما يلي:
إنهاء خدمات الموظفين غير القطريين الذين يشغلون الوظائف العمالية والوظائف غير التخصصية الكتابية والإدارية ممن تجاوزت أعمارهم سن الستين اعتباراً من 31-7-2007 م والذين لم يتم المد لهم مع إلزام جهات عملهم بإخطارهم بذلك وبالنسبة للوظائف العمالية يعاد تعيين بديل أما بالنسبة للوظائف غير التخصصية الأخرى فيتم تحويل الاعتمادات المالية لوظائفهم إلى درجات مالية لا يجوز التعيين علىها إلا لقطريين.
بالنسبة للموظفين غير القطريين في الوظائف الفنية والتخصصية الذين لم يتم المد لهم يجوز المد لهم لمدة سنة، وذلك في حالة طلب جهات عملهم التمديد لهم من السلطة المختصة خلال شهر من تاريخ تبليغ هذا القرار مع إلزام جهات عملهم بتوفير بديل قطري لهم أثناء هذه السنة ولا يتم التمديد بعد ذلك إلا عن طريق السلطات المختصة بالتمديد مع تدعيم طلب التمديد بما يفيد توافر اشتراطات الصالح العام ومقتضيات الضرورة مع إنهاء خدمات هؤلاء في حالة عدم طلب جهات عملهم المد لهم خلال المدة المشار إليها.
ضرورة طلب تمديد مدة خدمة الموظفين في الوظائف الفنية والتخصصية لدى الوزارات والأجهزة الحكومية الأخرى والهيئات والمؤسسات العامة والذين تجاوزت أعمارهم سن الستين من السلطة المختصة خلال شهر من تاريخ تبليغ هذا القرار وفي حالة عدم طلب التمديد من هذه الجهات خلال المدة المحددة يعتبر ذلك موافقة ضمنية على عدم حاجتها إليهم ويتعين في هذه الحالة إنهاء خدماتهم من تاريخ انتهاء المدة مع منحهم فترة الإخطار المحددة بعقودهم من تاريخ انتهاء المهلة.
العمل على تقطير الوظائف غير التخصصية على أن ينتهي إحلال القطريين في هذه الوظائف خلال سنتين اعتبارا من 20-6-2007م ويستثنى مما ذكر أعلاه الموافقات الأميرية على تمديد مدة الخدمة بالنسبة للوظائف غير التخصصية على ألا يطلب التمديد مستقبلا.
وتراعي الوزارات والأجهزة الحكومة الأخرى والهيئات والمؤسسات العامة الالتزام بهذه القواعد والإجراءات.

[أسد الجزيرة]

^ ^ ^

هذا الكلام قبل 8 سنوات

[معماري قطري]

لجنة الشفافية من زود ماهي شفّافة ما حد شافها من يوم ما تأسست ..

هي وديوان المحاسبة ما لهم حس الظاهر خذوا جرعة قات قوية

[يمامـة]

من واقع تجاربي محد يعلم احد بالعكس يا يخوفه من مشاكل الشغل حتى لو اداري بسيط او شغله بسيطه, و لا يعلمه بل يحاول يقلل من شأنه حتى يضمن مكانه و يتجنب الفنش
يمكن المسؤولين القطريين يحاولوا يشجعون القطريين و يدعمونهم و يضغطوا على الاجنبي و يحملونه اي مشكلة تصير في العمل

وايد نسمع مثل ما هو مذكور في ردك..

لكن احنا نقول شنهو المفروض اللي يصير.. لكن لما ما يصير ويكون القطري محارب حتى من القطري
فاهنيه الصح يصير مب صحيح..

[بوخالد911]

مطلبي من وزارة التنمية الإدارية : ممكن تزودونا باحصائية لعدد القطريين على قوائم الانتظار ؟؟؟

هالطلب اشكثر اطلبوه منهم في تويتر ولا يردووون !!!

يبدو ان القائمة طووووووووووووووووووووووووووويلة جدا !!!

[غيمة مطر]

اللي ينرفز معظم موظفين الhr اجانب .. واللي يضحك اكثر مدير التوظيف والتقطير اجنبي ؟
وين القطريين ؟ عشان ماعندنا واسطه قاعدين فالبيت ☺