استفسار عن دخلت الكراج

[PGR]

السلام عليكم ,, لما بنيت البيت الشارع كان مستواه عالي فسويت البيت ارفع من الشارع وعقب المقاول غير رايه ونزل الشوارع في الفريج , المهم دخلت الكراج صارت عالية وسيارات الصالون ماتدخل بسهوله,, جبت لي واحد يقول لو حطيت القار فوق القار اللي انت حاطه مايصير بيتفكك بعد فتره لازم اكسر واحط قار ثاني فشرايكم بالموضوع هل كلامه صح ؟؟

[النهار]

مالك الا الانتر لوك
انا بيتي مرتفع عن الشارع اكثر من 60 سم يوم اشتغلوا على البنيه التحتيه عندنا الشركه هي نفسها سوت لنا المدخل كل بيت حسب ارتفاعه عن الشارع
الموضوع له اكثر من 10 سنوات لاصار هبوط ولاتفكك والمواتر تدخل بكل سهوله
المهم اختيار النوعيه الجيده لان بعض انواع الانترلوك بعد فتره تحصله يحت ويتكسر

[معماري قطري]

ما ادري دخلة الكراج هل هي مواقف خارجية والمسافة قصيرة أو مدخل باب الحوش .. والثنتين لها حل وصج الارتفاع الزايد مزعج

لو المواقف خارجية تحتاج ازالة أرضيتها والحفر ويستحسن عمل قار على أرض مدكوكة وبسلوب بسيط شوي أرفع من الشارع بحدود 10 سم لو مضمون تصريف الشارع في اتجاه ثاني للمطر .. بعدين قد ما تقدر خل السلوب بحدود بسيطة جداً وغير محسوسة فقط لتصريف ماء الغسيل في مكان وقوف السيارة

يعني لنفترض مسافة المدخل مترين هذي نسويها 10 سم مرتفعة بسلوب وبعدها ست أمتار مسافة عمق موقف السيارة تكون بسلوب 1% أو 0.75% وهو للست أمتار = 4.5 سم وتقدر تسويه في جهة المقدمة وتخلي قطعة رصيف للتاير يوقف عندها وقرب قطعة الرصيف لو حاب تسوي قناة تصريف لماء الغسيل .. ميزة السلوب جدام يخلي السيارة توقف بسهولة ولا ترجع وراء والسلوب البسيط يخلي حركة السيارة سهلة

لمدخل البيت كذلك تحتاج الحفر وازالة شوي من الدفان وعمل طول ( الصعدة ) أو الرامب أكثر حتى يطلع السلوب أخف .. القار يمسك على القار وتقريباً على كل سطح لكن هو يقصد أكيد طبقة رقيقة لتعديل السلوب صعبة