يقولك بيسوون شبكة طرق تتحمل 10 ملايين نسمه

[مضارب دوسري]

http://gulf-up.com/do.php?img=295073 (http://gulf-up.com/)

[مضارب دوسري]

صاحب الفكره

https://m.youtube.com/watch?v=FLGynIAqsEI

[معماري قطري]

المرور يقول شيء وأشغال تقول شيء والمقاولين يقولون شيء وكبار المسؤولين والمواطنين يتمنون شيء

والله يوفق اللي نيته صافية وهم الفئة الأخيرة أما البقية فيهرولون عبث

ومسئلة 10 ملايين سنة لازم نشتغل عليها للدوحة وحواليها أو حتى نخليها 15 مليون ونفكر في مدن حولنا تستقطب أي زيادة عن هذا العدد

[معماري قطري]

صاحب الفكره

https://m.youtube.com/watch?v=FLGynIAqsEI

تهقى خذوا الفكرة من هالمسرحية؟

[مواقف النجادة]

99787

[مضارب دوسري]

تهقى خذوا الفكرة من هالمسرحية؟

والله ما يندرى بهم اخوي بو عبدالله

بالعقل
يقولون حدث العاقل

احنا الحين 2.6 مليون ومب لاقين شبكه تغطينا
والبنيه التحتيه شغالين فيها من 2006
وتوسعت الخطط 2011 يعني من 7 سنين

و2.6 مليون مرعوصين على بعض

هل يعقل في خلال 5 سنين جااايه بتصير شوارعنا تستحمل 10 ملايين نسمه

!!!!

لو 5 مليون بنعديها بس 10
ما يعادل 4 اضعاف السكان الحاليين بتسوي لهم شوارع في 5 سنين !!!!!

[مفكر قطري]

crazy

[معماري قطري]

وعلى الشغل اللي نشوفه حالياً وشفناه في السابق ما اظن الا لو استملكوا أراضي ووسعوا وعملوا حلول ما فيها مجاملات وجابوا شركات خارجية مسهلين لها كل شيء بكامل عدتها سواء تصميم واشراف وسواء بناء كل شيء بيصير

شركات الصين رخيصة ومستعدة بس يستحسن بدون وكيل عقد مباشر مع الحكومة وشركات الهند وشركات الامارات والسعودية من قريب .. الوكيل بياكل الخضر واليابس وبنصفي على شغل نص ونص

[الدوحه1]

"استعدادا لاستضافة كأس العالم 2022"

هالجمله صارت تتكرر مع كل تصريح او مشروع؟؟؟؟

[مضارب دوسري]

المرور يقول شيء وأشغال تقول شيء والمقاولين يقولون شيء وكبار المسؤولين والمواطنين يتمنون شيء

والله يوفق اللي نيته صافية وهم الفئة الأخيرة أما البقية فيهرولون عبث

ومسئلة 10 ملايين سنة لازم نشتغل عليها للدوحة وحواليها أو حتى نخليها 15 مليون ونفكر في مدن حولنا تستقطب أي زيادة عن هذا العدد

التوزيع واللامركزيه
قادرين على تخفيف الزحمه

اذا كانت معظم الوزارات والهيئات و الشركات و و و و
كلهم متمركزين في مكان واحد فمن الطبيعي ان يحدث اخلال وازدحام لا يطاق

الواحد ممكن يجي من الشمال الى الغرافه مثلا

في نفس توقيت الشخص اللي يطلع من الغرافه ورايح صوب الهلال

يجب تهيئة المناطق الخارجيه
وهذا تم فعلا عن طريق مراكز الخدمات

ف ليش اعتمد على منطقة الكورنيش بهذا الزخم

مادام مراكز الخدمات قادره على انهاء شغلها اذن ما يحتاج اتم معتمد على الكورنيش

الشركات البتروليه مكانهم خارج الدوحه
ليش كل شركه لها برج شطووول فالكورنيش
حق شنو !

يودونهم مناطق خارج الدوحه
ام صلال الخريطيات الخيسه

ماراح ينصلح الحال الا اذا كان هناك توزيع ولا مركزيه

او يخلون الكورنيش للوزارات والهيئات الحكوميه فقط

ويطلعون الشركات البتروليه من الكورنيش سواء يودونهم لوسيل او اي منطقه اخرى

[مضارب دوسري]

الموضوع يبيله اله حاسبه وتوزيع

يحسبون كم موظف فالكورنيش

وكيف يقللون من الضغط على الكورنيش في مراحل
الى ان يصل النصف

والنصف الثاني يتوزع في مناطق خارج الدوحه


مناطق مب منطقه
لان حاليا لوسيل والخوف ينقلون ضغط الكورنيش بالكامل الى لوسيل

[وحيد-الشوق]

الكلام ما في اسهل منه وعدونا بطريق الكورنيش والانسيابية واشارات المرور وهذا هو الزحمة اسوء من قبل

[Dana’1]

الظاهر تحمسوا عقب الكم نفق الي فتحوهم:)

[ساراام]

ههههه احنا الحين ماوصلنا 3 مليون والشوارع زحمه

وفوق هذا ماعتقد انه مستفيدين منهم كلهم

هالمره 10 ملايين هههههه بياكلونا الله يستر

[معماري قطري]

إحلم على أدك يا باشا

[ماجد]

بحثت في النت عن التعداد المتوقع عام 2022 لم اجد اي معلومة

هل هناك اي خطة لرفع التعداد ل 10 مليون نسمة قبيل موعد كاس العالم ؟؟

استضافة كاس العالم هل تتطلب عدد معين للسكان؟؟

[ماجد]

لقيت هالخبر مفادة ان التعداد سيكون 2.5 مليون نسمة في عام 2020 يعني على 2022 قول حدة ممكن يوصل 3 مليون

http://gulfnews.com/news/gulf/qatar/qatar-s-population-expected-to-reach-2-5-million-in-2020-1.699758

Qatar's total population could reach 2.1 million by 2018 and 2.5 million by 2020, official statistics indicate

[معماري قطري]

لقيت هالخبر مفادة ان التعداد سيكون 2.5 مليون نسمة في عام 2020 يعني على 2022 قول حدة ممكن يوصل 3 مليون

http://gulfnews.com/news/gulf/qatar/qatar-s-population-expected-to-reach-2-5-million-in-2020-1.699758

Qatar's total population could reach 2.1 million by 2018 and 2.5 million by 2020, official statistics indicate

الحين فوق ال 2.5 مليون بشوي

[بوخالد911]

الكلام سهل !!!!

[ماجد]

الحين فوق ال 2.5 مليون بشوي

ظنك ناوين نوصل 10 مليون

اذا فيه نية يعني العقار الحين مفروض يلمت اب :app:

[معماري قطري]

والخطة إذا تقول تستوعب مب معناها لازم 10 ملايين بس تكون جاهزة للعشر ملايين .. تخطيط الطرق والمدن بشكل عام والخدمات كله يعتمد على بيانات احصائية وعلى خطط الدولة للاستثمار والسياحة لسنوات طويلة جدام تصل ل 50 سنة و 100 سنة وأحياناً أكثر

ممكن خطة البنيان تاخذ وقت وعلى مراحل بس لازم لها بداية ونهاية وبعدين تبقى الصيانة والتطوير البسيط .. أما الوضع عندنا خطة تلغي الخطة السابقة

[معماري قطري]

ظنك ناوين نوصل 10 مليون

اذا فيه نية يعني العقار الحين مفروض يلمت اب :app:

العقار شغالة عليه الدولة حتى يكون ارتفاعه محدود بس للأسف الخطط العمرانية تحت المستوى .. نشوف توسع أُفقي كبير وشوارع مؤقتة ضيقة حتى الرئيسي منها والشبه رئيسي ضيق وما يستوعب الساكنين .. وما فيه تطوير للقوانين السكنية وللشوارع التجارية المؤسسة تجارية مب بعد ما تنبني نقول عنها تجارية

[معماري قطري]

الكلام سهل !!!!

Talk is Cheap

مثل أمريكي يا بو خالد

[khalid525]

يمكن قصده المطار يستحمل عشرة ملايين مسافر

[الوسيط العقاري]

متعودين من التصريحات الرنانة لبعض المسئولين في كافة القطاعات

[Sowaidi]

الشوارع راح تستحمل العشر ملايين على كاس العالم ان شاء الله
ولكن التخطيط التعبان للخليج الغربي وباقي الإمكان والشوارع التجاريه لن يخفف من الزحمه

يجب أن يكون هناك مباني مواقف للجمهور العام في مختلف الإمكان مش للموظفين فقط
ويجب توزيع شوارع تجاريه وعمل مول صغير في كل كم بلوك سكني بدل أسواق الفرحان ويفضل تكون جنب محطه المترو

ويجب على البلديه والاقتصاد وباقي الوزارت التسهيل والتقليل من القوانين الي ما لها داعي
وفتح السوق بضوابط لها أهداف تفيد المواطنين وليس لمزاج السيد المسؤول

[بوNasser]

موضوع مرتبط منفصل

طيب لو صدقنا ان شوارعنا بتستحمل، ماذا عن باقي الخدمات؟؟؟

ماذا عن الصحة والمستشفيات مثلا؟؟

هذا عنوان جريدة الشرق امس ،،،

http://www.ab2004.com/muntada/alsharq.png

لا تعليق

[الحياة الخالدة]

موضوع مرتبط منفصل

طيب لو صدقنا ان شوارعنا بتستحمل، ماذا عن باقي الخدمات؟؟؟

ماذا عن الصحة والمستشفيات مثلا؟؟

هذا عنوان جريدة الشرق امس ،،،

http://www.ab2004.com/muntada/alsharq.png

لا تعليق



إي والله صدقت يا بوناصر
على بالهم السالفة شوارع وبس

[حمد بن سعد]

يعني مب كذبة ابريل

[وحيد-الشوق]

يعني مب كذبة ابريل

انا اقول بعد يمكن كذبة ابريل :)

[حمد 2002]

ماشاء الله على دبي مليون سياره فيها ولا تحس بالزحمه ..

[JN000N]

ماشاء الله على دبي مليون سياره فيها ولا تحس بالزحمه ..

شكلك من زمان مارحت دبي

[حفيد الأنصار]

"استعدادا لاستضافة كأس العالم 2022"

هالجمله صارت تتكرر مع كل تصريح او مشروع؟؟؟؟





مثل رؤية 2030 عندنا
لو يسوون أي شي يحطون اللوجو حق 2030 ويكتبون ايمانا برؤية المملكة ....الخخ

[حمد 2002]

شكلك من زمان مارحت دبي

أقل من اسبوع رايح والله وماشاء الله على كثر السيارات ماتوقف كله الطريق سالك ومافيه زحمه ... :app:

[JN000N]

أقل من اسبوع رايح والله وماشاء الله على كثر السيارات ماتوقف كله الطريق سالك ومافيه زحمه ... :app:

عيارتك
ذاك الاسبوع انا هناك
والزحمه مول مول السيد ما يمشي ف الهاي وي
والي يسكن ف الفنادق الي عند دبي مول يطلع قبل ثلاث ساعات من موعد طيارته عشان بس من الفندق لين الشارع يوقف عشرين دقيقه
عاد اذا بنمدح بنمدح شي عدل مب خريط
والا انت ماتطلع العصر والمغرب هناك؟ حزة الكل يطلع من الدوامات :)

[حمد 2002]

عيارتك
ذاك الاسبوع انا هناك
والزحمه مول مول السيد ما يمشي ف الهاي وي
والي يسكن ف الفنادق الي عند دبي مول يطلع قبل ثلاث ساعات من موعد طيارته عشان بس من الفندق لين الشارع يوقف عشرين دقيقه
عاد اذا بنمدح بنمدح شي عدل مب خريط
والا انت ماتطلع العصر والمغرب هناك؟ حزة الكل يطلع من الدوامات :)

رحت بسياره لدبي وسكنت بفندق ذا ادرس بدبي مول ( العنوان ) والامور تساهيل وافتريت بكل ارجاء دبي مممم دبي مول بنفس الفندق ورحت مطعم لقمه والفنر ومطاعم الجي بي ار ورحت سوق نسيت اسمه شريت منه بخور شمسه المهيري مممم وتمشيت بالسوق التراثي الي عند النافوره الي جنب مول دبي ..

على الرغم من السيارات الكثيره والبشر الا انه الطريق سالك والامور تساهيل ..

[JN000N]

رحت بسياره لدبي وسكنت بفندق ذا ادرس بدبي مول ( العنوان ) والامور تساهيل وافتريت بكل ارجاء دبي مممم دبي مول بنفس الفندق ورحت مطعم لقمه والفنر ومطاعم الجي بي ار ورحت سوق نسيت اسمه شريت منه بخور شمسه المهيري مممم وتمشيت بالسوق التراثي الي عند النافوره الي جنب مول دبي ..

على الرغم من السيارات الكثيره والبشر الا انه الطريق سالك والامور تساهيل ..

انا قلت ساكن بالفندق فالمجمع وتنزل المجمع ف ماتدري بالدنيا برا
والا طلعت تكون طلعت اوقات الزحمه خفيفه
مب لمسيان ولا عقب المغرب

[بانغ بانغ]

خل ايضبطون الشوارع الداخلية اول شي

والله محد ضيعنا وضيع بلادنا الا الغرور والمفوشر وكله صايرين رقم واحد

واول مطرة ينكشفون وشغل ترقيع

[الماريّة]

يودونهم مناطق خارج الدوحه
ام صلال الخريطيات الخيسه




لاااااااااا واللي يرحم والديك
كفايه زحمه عندنا بعد تبيهم يحطون شركات

بنحبي :rolleyes2:

[JN000N]

يعني مب كذبة ابريل




انا اقول بعد يمكن كذبة ابريل :)

لا هذي كذبه بدون ريل
بتوقف مكانها

[لـبـيـه]

http://gulf-up.com/do.php?img=295073 (http://gulf-up.com/)

عيل لازم يحلون مشكلة السكن حزتها ومشكلة الصحه والمدارس وغيره وغيره

[يمامـة]

اعتقد الكلام يوافق الحقيقة.. 10 ملايين نسمة.. هذا لو بيتمشون في الشوارع من غير سيارات http://www.pic4ever.com/images/128fs318181.gif

فالطرق بتستوعبهم مع حركة ثقيلة و رزينة مافيها تسرع في الخطواط ولا تجاوز في الصفوف..

[غريب الدّار]

http://gulf-up.com/do.php?img=295073 (http://gulf-up.com/)

كفو


الله يوفقهم لما فيه خير البلاد والعباد

[يمامـة]

عيل لازم يحلون مشكلة السكن حزتها ومشكلة الصحه والمدارس وغيره وغيره


مشكلة السكن..

تعال بقول لك قصة..
فرجان قديمة او حديثة.. البيوت اللي فيها وطلعوا أهلها منها لأي سبب كان..
وكانوا يعيش فيها 30 واحد( نبالغ) قطري.. السايق يخدم 20 واحد.. + 10 سيارات المجموع
11 او 12 سيارة في البيت..

حاليا البيت تأجر من المالك القطري مباشرة.. او انباع الى مجرم إسكان عشوائي.. يأجر الفيلة على
20 عائلة بعد تقسيمها وتنتيفها و تشويه المنظر العام للفيلة..
في الأخير القطري او التاجر المجرم كلهم صاروا يسكنون المقيمين في بيوتهم بعد تقسيمها..

تعال شوف صراع على مواقف السيارات.. تطلع من بيتك تلقى سيارة حمرة سادة مدخل البيت والسيارات
اللي في البيت مب قادرة تطلع.. او تعال الساعة 11 ونص الليل تبي تصف جنب طوفة بيتك ما تلقى لك موقف..

تسهر طووول الليل وتنتظر أصحاب السيارات .. تشوف واحد ياي من قلعة وادرين صوب سيارة صافة
جنب باب بيتك.. تقول له : ليش موقف سيارتك اهنيه.. يقول لك : شنو سوي بابا.. نو باركينج ذير..
وذير هذي على بعد كيلو متر من بيتك.. تهدده لو صف سيارته بتفشش له توايره ... ويدق سلف ويروح..
ويطلع لك هندي من بيت امأجر لمليون مقيم.. تقول له ليش صاف سيارتك عند بيتنا.. يرد عليك هذيه مواقف عامة
ويطول لسانه.. ما توعى الا وانت سادحه علشان اتطممه وتعلمه يحترم نفسه لما تتكلم معاه.. واشوي والا العالم ملتمين حولك..
واخرتها يهددك بو هندوه.. ويصف سيارته مرة ثانية.. فيكون دواه تفشش توايره كل مرة.. او قلصها وسحبها في نص الشارع..

تخيييل عاد مع هالصراع اليومي بسبب قلة المواقف..

اشغااااااااااااااااااااااااااااااال..
تبعث المخربين لتخطيط الطرق.. ويدخلون السكك في هالفرجان القديمة
اللي المسافة ما بين بيت وبيت ما تتعدى 5 او 6 امتار.. وايونك اشغال ويرفعون لك رصيفين على جانبي الشارع
وكل رصيف عرضه متر تقريبا يعني مترين راحوا,, واتركوا مسافة 3 ا و4 اربع امتار لعبور سيااارة وحدة..

بالذمة اللي وافق على مثل هالتخطيط الجهنمي( هل بالفعل يفقه شي في علم المقاولة)
ويفقه شي في عشوائية السكن في هالفرجان.. ويفقه الف باء توفير مواقف لسيارات قاطني البيوت
اللي ارفعوا الأرصفة صوبها؟

بجد
بجد
بجد..

مصيبة ..

[معماري قطري]

انا افكر بس 10 ملايين كم كلب بيجيبون معاهم وكم كلب بيخلونهم في الحضانة اللي قربنا .. يبي لهم يسوون الكبينة ورا طبقات لازم ادارة الحضانة يشغلون مخهم بسرعة الخير يايهم

[وحيد-الشوق]

انا افكر بس 10 ملايين كم كلب بيجيبون معاهم وكم كلب بيخلونهم في الحضانة اللي قربنا .. يبي لهم يسوون الكبينة ورا طبقات لازم ادارة الحضانة يشغلون مخهم بسرعة الخير يايهم

كاسر خاطري يا معماري شكلك تعقدت من الكلاب :(

في اللؤلؤة كل يوم يمشونهم ويفسحونهم وبعد عندهم محل في قناة كارتيه مادري حضانة على حلاق

[النهار]

مشكلة السكن..

تعال بقول لك قصة..
فرجان قديمة او حديثة.. البيوت اللي فيها وطلعوا أهلها منها لأي سبب كان..
وكانوا يعيش فيها 30 واحد( نبالغ) قطري.. السايق يخدم 20 واحد.. + 10 سيارات المجموع
11 او 12 سيارة في البيت..

حاليا البيت تأجر من المالك القطري مباشرة.. او انباع الى مجرم إسكان عشوائي.. يأجر الفيلة على
20 عائلة بعد تقسيمها وتنتيفها و تشويه المنظر العام للفيلة..
في الأخير القطري او التاجر المجرم كلهم صاروا يسكنون المقيمين في بيوتهم بعد تقسيمها..

تعال شوف صراع على مواقف السيارات.. تطلع من بيتك تلقى سيارة حمرة سادة مدخل البيت والسيارات
اللي في البيت مب قادرة تطلع.. او تعال الساعة 11 ونص الليل تبي تصف جنب طوفة بيتك ما تلقى لك موقف..

تسهر طووول الليل وتنتظر أصحاب السيارات .. تشوف واحد ياي من قلعة وادرين صوب سيارة صافة
جنب باب بيتك.. تقول له : ليش موقف سيارتك اهنيه.. يقول لك : شنو سوي بابا.. نو باركينج ذير..
وذير هذي على بعد كيلو متر من بيتك.. تهدده لو صف سيارته بتفشش له توايره ... ويدق سلف ويروح..
ويطلع لك هندي من بيت امأجر لمليون مقيم.. تقول له ليش صاف سيارتك عند بيتنا.. يرد عليك هذيه مواقف عامة
ويطول لسانه.. ما توعى الا وانت سادحه علشان اتطممه وتعلمه يحترم نفسه لما تتكلم معاه.. واشوي والا العالم ملتمين حولك..
واخرتها يهددك بو هندوه.. ويصف سيارته مرة ثانية.. فيكون دواه تفشش توايره كل مرة.. او قلصها وسحبها في نص الشارع..

تخيييل عاد مع هالصراع اليومي بسبب قلة المواقف..

اشغااااااااااااااااااااااااااااااال..
تبعث المخربين لتخطيط الطرق.. ويدخلون السكك في هالفرجان القديمة
اللي المسافة ما بين بيت وبيت ما تتعدى 5 او 6 امتار.. وايونك اشغال ويرفعون لك رصيفين على جانبي الشارع
وكل رصيف عرضه متر تقريبا يعني مترين راحوا,, واتركوا مسافة 3 ا و4 اربع امتار لعبور سيااارة وحدة..

بالذمة اللي وافق على مثل هالتخطيط الجهنمي( هل بالفعل يفقه شي في علم المقاولة)
ويفقه شي في عشوائية السكن في هالفرجان.. ويفقه الف باء توفير مواقف لسيارات قاطني البيوت
اللي ارفعوا الأرصفة صوبها؟

بجد
بجد
بجد..

مصيبة ..

كأنك حسيتي بمعاناتي فشيت التواير مانفع بين فتره وفتره اجيب لهم الشرطه مانفع
قمت اتبع اسلوب جديد اسكر على مواترهم الصق الصدام بصدام من الامام والخلف واخليه يخيس ابي واحد منهم يدق الجرس
هههههههههههههههه
واحد صادني في المسجد من الي مسكر عليه يومين يعتذر وانه هاي اخر مره قلت له فشيت توايرك ماتبت رديت توقف مره ثانيه
روح اشتك علي واطلب الشرطه خلهم يطلعون لك الموتر بيتك يبعد 300 متر عن بيتي ايش الي يخليك توقف عندي عيل انا وين اوقف
منها ماحد يقرب صوب طوفة بيتي

[aloosh]

شعب غير متفائل:)

[ameeer3]

:eek5::eek5::eek5:

ودي أصــــدق

[المزن الرياني]

الواقع شي
والأمنيات شي

سؤال لإشغال ليش الاحتفالات والبهرجة الاعلاميه عند افتتاح اي مشروع
ترا نفس هالمشاريع تعتبر عاديه لدول بأفريقيا
تذكرت العرضه ونصب إعلام الدوله بالجسر الحديدي المؤقت الي تركب عند تقاطع السد قبل كم سنه
مابقى غير يطلقون 21 طلقه بمناسبة الافتتاح

[نمر بن عدوان]

الله يعطيهم العافيه والى الامام ياقطر

[aloosh]

وبعدين يا جماعه هذي بنيه تحتيه فيه دول تاخذ فيها سنين
وبعدين لازم البنيه تغير على مراحل اهم شي انها تنجز للجيل القادم

[بانغ بانغ]

انا اجلس مع وزراء لهم حقائب وزارية واستغرب لما انسولف اسمعهم ينتقدون مثلنا وملاحظاتهم نفس ملاحظاتنا عن الشوارع والشغل والبنية التحتية والعقود الكبيرة مع الشركات المنفذه وووووو وهم اصحاب قرار في البلد

شي غريب صراحة

اذا هم مش بيدهم ايغيرون الخارطة عجل بيد من

[م. عبدالعزيز]

خلال السنتين الجايتين اعتقد فيه مشاريع طرق وايد بتخلص ، وخصوصا الشوارع الجنوبية والشارع المداري والريل.

[معماري قطري]

خلال السنتين الجايتين اعتقد فيه مشاريع طرق وايد بتخلص ، وخصوصا الشوارع الجنوبية والشارع المداري والريل.

معروف هالشيء ومعروف حق من بس اللي يعانون من أهل البلاد يطالبون بعمل يكون لهم

الدوحة صدقني بتكون أجمل من كثير من الدول قبل 2022 حتى لو بشهر .. لكن هل بيدوم هذا الجمال وبتكون المرافق جاهزة على طول؟ حق 30 سنة بدون مشاكل كبيرة فقط الصيانة البسيطة

اللي نركز عليها دوم هو إن الشغل غالي كثير وبطيء كثير ومزعج كثير وبعد انتهائه يحتاج لتعديل جذري وبنكتشف أخطاء تصميميه مثل ما نتفاجأ من كل مشروع ياخذ وقت ويرهق المواطن والمقيم والدولة

كان ممكن عمل الكورنيش بدون توقف وجسور تحول السيارات لكل الجهات .. شخلاهم يسوونه هشكل؟

كان ممكن يوسعونه جهة البحر ويخلون الراغب في الوصول للأبراج يوصلها بدون توقف أو يتجه لجسور تغير مساره لجهات ثانية .. تعديل جذري مب تعدل فقري من كلمة فقر .. كلنا نحط خط أحمر لعام 2022 وحتى عنابي حتى تطلع بلادنا على قد الحدث .. بس بعد نتمنى التعديل ما يكون تجارب ومغامرات تاخذ وقت ويتم اقناع العامة بها بأنها الحل الشامل وبعدها نتفاجأ بأن الحل يحتاج لحلحله

[معماري قطري]

أكيد اللي يصير في لوسيل خارج تغطيتي وتغطية الكثيرين ونتمنى يكون بدون مشاكل تخطيطية ودواعيس بين أبراج .. ووقت تشغيل المشروع واكتماله بنعرف شصاير .. نفس الشيء الوضع للريل ولمحطاته .. بس الدوارات اللي تنشأ كل وقت بتتم حتى طريق روضة راشد أول مرحلة سووا فيه ست دوارات والأنفاق بتطلع مشاكلها وبتستوي انسدادات لفتحات الصرف الضيقة أصلاً وبتنملي ماي وقت المطر مب شرط بعد سنتين أو ثلاث لكن في المستقبل

الطرق الدائرية المنتشرة حتى في المناطق الجديدة بتبين مساؤها وبتبين نظرة التخطيط القاصرة .. والطرق الضيقة للفرجان بتنملي سيارات والمفروض الطريق شبه الرئيسي تكون فيه مقومات طريق شبه رئيسي والطريق الرئيسي كذلك والشارع التجاري كذلك .. اللي صاير صراحة تخبيط وتحبيط مب تخطيط

[معماري قطري]

انا اجلس مع وزراء لهم حقائب وزارية واستغرب لما انسولف اسمعهم ينتقدون مثلنا وملاحظاتهم نفس ملاحظاتنا عن الشوارع والشغل والبنية التحتية والعقود الكبيرة مع الشركات المنفذه وووووو وهم اصحاب قرار في البلد

شي غريب صراحة

اذا هم مش بيدهم ايغيرون الخارطة عجل بيد من

أأيد كلامك وكثير يتساءلون وغالبيتهم ثرى بعيدين عن القرار الهندسي الا عدد قليل مثل وزير البلدية والمواصلات وأكيد معالي رئيس مجلس الوزراء

الخطة تنشأ من ادارة التخطيط وادارة أشغال ويدخل فيها ممكن المرور وترفع للوزير المختص ومنه لمعالي رئيس الوزراء .. لكن من اللي درسها ومن اللي بين مميزاتها وتكلفتها استشاريين تابعين حق التخطيط وأشغال وما ننسى المكتب الخاص .. وكمية الشغل كبيرة لكن الغلط في إدارة هذي الكمية وترتيبها من البداية

انا واحد متابع من 2000 يعني صار لي 17 سنة للحين ومن بدوا يشتغلون حق أسياد 2006 .. شفنا شوارع قاصرة ومؤقتة وحطيت لها صور ولا زالت كما هي مع إن تضبيطها سهل .. المشكلة نشوف شغل في اتجاه يخربه شغل في اتجاه ثاني

[معماري قطري]

قطر صغيرة والله حباها بخير كثير وحل مشاكلها التخطيطية سهل لو تم بطريقة صحيحة وتسلسل صحيح .. التصميم المعقول بدون مبالغات وبدون تقتير كذلك وبتوازن شيء مطلوب .. وضبط الموازنات والمبالغ المالية وعمل المشروع بجودة وسعر مقارب لما يتم العمل به في العالم حولنا وحتى في العالم الصعب واللي طقسه غالب السنة غير صالح للبناء والأيدي العاملة غالية فيه وطبيعة الأرض صعبة

[ضوى]

ودي اقولهم احترمونا شوي احترموا عقولنا بسكم تصريحات مزخرفه ، واجهوا واقعكم اللي مب قادرين تحلون مشكله كم شارع وكم تقاطع مشكله ابتلينا بمسؤلين يدلسون الحقائق وعايشين في بروج عاجيه ويقولون الامن مستتب

[مضارب دوسري]

أأيد كلامك وكثير يتساءلون وغالبيتهم ثرى بعيدين عن القرار الهندسي الا عدد قليل مثل وزير البلدية والمواصلات وأكيد معالي رئيس مجلس الوزراء

الخطة تنشأ من ادارة التخطيط وادارة أشغال ويدخل فيها ممكن المرور وترفع للوزير المختص ومنه لمعالي رئيس الوزراء .. لكن من اللي درسها ومن اللي بين مميزاتها وتكلفتها استشاريين تابعين حق التخطيط وأشغال وما ننسى المكتب الخاص .. وكمية الشغل كبيرة لكن الغلط في إدارة هذي الكمية وترتيبها من البداية

انا واحد متابع من 2000 يعني صار لي 17 سنة للحين ومن بدوا يشتغلون حق أسياد 2006 .. شفنا شوارع قاصرة ومؤقتة وحطيت لها صور ولا زالت كما هي مع إن تضبيطها سهل .. المشكلة نشوف شغل في اتجاه يخربه شغل في اتجاه ثاني

خلها على اخوي معماري

طريق جديد
وبعد المطر صار مرقع

لان المطر سبحااان الله سوى حفر في هالطريق (الجديد)
ومن باب اشغال شادين حيلهم
جاو ورقعوا الحفر وصار مظهرها بارز وتحس بمطبه اذا انت سايق

هذا وهو طريق جديد للحين ما كملنا سنه منذ افتتاحه

[معماري قطري]

خلها على اخوي معماري

طريق جديد
وبعد المطر صار مرقع

لان المطر سبحااان الله سوى حفر في هالطريق (الجديد)
ومن باب اشغال شادين حيلهم
جاو ورقعوا الحفر وصار مظهرها بارز وتحس بمطبه اذا انت سايق

هذا وهو طريق جديد للحين ما كملنا سنه منذ افتتاحه

واليوم آمر في طريق فريجنا الضيق واحتد الف عن الحفر اللي استوت من المطر والمشكلة مقابليني سيارات .. يعني لا تخطيط الطريق صح ولا بنيته التحتية صح ويحتاج بنية تحتية جديدة .. وطريق مسوينه جديد صوب بيت الوالد أول ما الف تنزل السيارة بقوة ولو صالون كان يمكن ينكسر شيء في السيارة

شيء يقهر والله قالت إختي ضوى من شوي جالسين في أبراج عاجية ويبيعون كلام

[معماري قطري]

أتمنى من أحد المسؤولين يركب معاي واراويه شلون شوارع قطر سواء اللي يسمونها رئيسية أو شبه الرئيسية أو شوارع الفرجان

[MirusS]

اكيد فيه تخطيط من المسؤولين.. ومش كلام في الهوا :yes:
و حتى لو على كاس العالم مايستوعب كل هالعدد . اتوقع ان الريل بيساعد على تخفيف استخدام السيايير اصلا
وعموما كاس العالم هو شهر واحد وخلصنا

[معماري قطري]

اكيد فيه تخطيط من المسؤولين.. ومش كلام في الهوا :yes:
و حتى لو على كاس العالم مايستوعب كل هالعدد . اتوقع ان الريل بيساعد على تخفيف استخدام السيايير اصلا
وعموما كاس العالم هو شهر واحد وخلصنا

أحد الإخوان أرسل لي عن نفق جديد معمول في تركيا بعمق يزيد عن 100 متر وعاملينه ثلاث مستويات للسيارات وللقطارات وللخدمات .. ناس يعرفون شيسوون وبسعر 1.25 مليار دولار ونسيت المسافة وباحط فيديو عنه بإذن الله

كان الأجدر بنا عمل أنفاقنا للقطارات وكذلك الجسور بنفس النوعية .. بالعقل مب كلنا بنركب قطارات ولا سياراتنا بنبيعها ولا بتسكر وكالات السيارات