البنشري

[بوعلاوي]

عندي استفسار حول محلات البنشري لما اغير عندهم التاير ، العامل بالمحل يرفض ياخذ التاير القديم يقول لي يخاف من البلديه ..
يطلب مني احطه عند اي زباله ( الله يعزكم )
تكرر معاي اكثر من مره مع محلات ثانيه ، ما ادري شسالفتهم ليش هم ما يحطون في درام

على فكره عندي تاير قديم حاطه عند درام بيتنا من شهر ، وسيارة البلديه للحين ما شالوا

ابي اعرف ليش محلات البنشري يخافون هل عليهم مخالفه لو حطوا في درام الزباله ( الله يعزكم )

[نيساني]

اممم نفس المشكله معاي

تواير البقي تموا في الشارع شهرين ليش ما ادري الصراحه؟؟

حد يفيدنا ياشباب

وشكراً

[حمد 2002]

عندي استفسار حول محلات البنشري لما اغير عندهم التاير ، العامل بالمحل يرفض ياخذ التاير القديم يقول لي يخاف من البلديه ..
يطلب مني احطه عند اي زباله ( الله يعزكم )
تكرر معاي اكثر من مره مع محلات ثانيه ، ما ادري شسالفتهم ليش هم ما يحطون في درام

على فكره عندي تاير قديم حاطه عند درام بيتنا من شهر ، وسيارة البلديه للحين ما شالوا

ابي اعرف ليش محلات البنشري يخافون هل عليهم مخالفه لو حطوا في درام الزباله ( الله يعزكم )

البلديه غلطانه ، ياخذها البنشري احسن من تراكمها قدام بيوت الناس او بالشارع لانها ممكن تشتعل بأي لحظه او تدعمها السيارات وتسبب كارثه لاقدر الله ..

المهم مادري بعد يمكن البلديه ايجوفون شيء انا امجوفه او يمكن يخافون انه راعين الكراجات يسرقون التواير المستعمله وينصبون على اصحابها انها ماتصلح وهي تصلح وجديده ..


تحياتي ..

[Riku3]

من اقل شهر مبدل تواير سيارتين عند الدرويش .. خذوا التواير عادي ..

شكلهم مشددين على محلات الفقاره بس :/ .

[qatarman8008]

مرحبا اخوي..
توني مبدل تواير قبل اسبوعين تقريبا..
عند البنشرية اللي صوب فريج المرة..
وعطيته القديمين حطهم في تريلا صافة هناك..
سالته عنها قال هذي تريلا تاخذ التواير القديمة يسوون لها اعادة تصنيع..

[eXpert*]

البلدية تجبر محلات الاطارات بإرسال الاطارات المستعمله لإعادة التدوير/التصنيع ،، وهو بحد ذاته يعتبر كلفه / مصروف على المحل كتخزين او نقل .

[عاشق العديد]

الي اعرفه ياخذون التاير عادي ويرميه فالدنه الي صافه هناك ..

والمنع من البلديه لانه مثلن اجيك انا توايري فيها ربع نقشه وبدلت فياخذهم راعي المحل يبيعهم ع غيري .. فعشان كذا بعضهم يخاف وبعضهم يبيع ولاهمه ..

[aloosh]

وين تدوير اللي يقلون عنه للتواير المستعمله ولا كلام جرايد بس
الدول الثانيه دخل ثروه من التواير القديمه وغيرها

اجل مدري اي دوله اروبيه في برنامج الشقيري تشتري زباله وتعيد تدويرها ودخل ثروه للبلد

[MAZEN37]

التواير لهم مكب خاص بمسيعيد ولازم تصريح دخول
وسيارات الكشره اكرمكم الله ما تروح مخصوص علشان عشر تواير هم يحسبونها تكلفهم فلوس
والبلديه ممنوع تشلهم يمر هيلكس للبلديه كل فترة بين البيوت ويلقطهم

[بوعلاوي]

البلديه غلطانه ، ياخذها البنشري احسن من تراكمها قدام بيوت الناس او بالشارع لانها ممكن تشتعل بأي لحظه او تدعمها السيارات وتسبب كارثه لاقدر الله ..

المهم مادري بعد يمكن البلديه ايجوفون شيء انا امجوفه او يمكن يخافون انه راعين الكراجات يسرقون التواير المستعمله وينصبون على اصحابها انها ماتصلح وهي تصلح وجديده ..


تحياتي ..

الله يحييك اخوي اتفق معاك وجود التاير قدام البيوت خطر ممكن في الليل شخص ما ينتبه يدعم التاير
لازم توضيح من البلديه حول الموضوع

[بوعلاوي]

وين تدوير اللي يقلون عنه للتواير المستعمله ولا كلام جرايد بس
الدول الثانيه دخل ثروه من التواير القديمه وغيرها

اجل مدري اي دوله اروبيه في برنامج الشقيري تشتري زباله وتعيد تدويرها ودخل ثروه للبلد

في امريكا يجمعون القمامات من اوراق وبلاستيك وعلب واقمشه وملابس يستفيدون منه التجار لمصانعهم

[معماري قطري]

سؤال ليش التواير مدورة وسوداء

[بوعلاوي]

سؤال ليش التواير مدورة وسوداء

عاد هاي مب اختصاصي هههههههههه اكيد الي اخترع السياره اكيد له نظره مستقبليه

[ساراام]

المفروض يجمعونهم وتجي سياره البلديه تشيلهم بين فتره وفتره

يوم كنا صغار كنا نستخدمهم للمرجيحه ههههه

ترى في ناس ممكن يسوي من هالتواير اكثر من شي

ممكن يصبغه ويسوي زرع وحركات

[الشمالي111]

سؤال ليش التواير مدورة وسوداء






المطاط يعتبر المكون الرئيسي لإطارات السيارات ولكنه يتصف بالليونة واللزوجة

تمتاز إطارات السيارات باللون الأسود ويرجع ذلك إلى أن المطاط الذي يعتبر المكون الرئيسي لإطارات السيارات يتصف بالليونة واللزوجة, لذا تُضاف إليه مادة الكربون الأسود أثناء التصنيع لزيادة درجة صلابة الإطارات ومقاومتها للتآكل, ومن ثم فسواد لون الإطارات يعزى إلى هذه المادة كما أوضحته الهيئة الفنية الألمانية لمراقبة الجودة (TأœV Nord) بمدينة إيسن.



وتجدر الإشارة إلى أنه تم تطوير هذه الطريقة لتصنيع الإطارات عام 1839 على يد تشارلز غوديير في الولايات المتحدة، ولا تزال هذه الطريقة تثبت فعاليتها حتى الآن.

منقول

[JN000N]

ماعندنا ف الدوحة اعادة تدوير للتواير؟ واذا لا ليش لا
واذا اي وينهم