السلام عليكم جميعااااا ,,,,,,,,,,,,,,,,,,,,,,,,,,,,,,,,,,,,,

[ولد المنصور]

سوال اذا تكرمتوا ...
ابي بلاط للحوش ؟؟
افضل مكان ؟؟
وافضل نوع ؟؟؟
وشكراااا للجميع .

[معماري قطري]

عليكم السلام ورحمة الله وبركاته

الأفضل الحجر البازلتي الرمادي الداكن والأفضل في رأيي النوع اللي يجي قطع كبيرة 60 في 30 أو 50 في 25 ويكون مقصوص باستقامة وسطحه خشن

المهم ننتبه للتركيب ولنقاط التصريف للمياه أو السلوب جهة الباب الخارجي والتركيب يكون على صبية خرسانية مب بلاستر

[معماري قطري]

بتحصله عند اللي يبيعون الحجر والرخام

وهذا الأفضل لكن لو تقصد الأفضل سعراً ويمشي الحال البلاط الرمادي الاماراتي أو السعودي

[ولد المنصور]

جزاك ربي كل خير ,,, ودوم سباااق للخير

[معماري قطري]

جزاك ربي كل خير ,,, ودوم سباااق للخير

والله يجزيك بما دعيت

أهم شيء الصبية تحت بحدود 10 سم سمك وبفواصل تمدد وكذلك التبليط فوقها بفواصل تمدد حتى ما يضرب البلاط في بعض ويتقشع من مكانه وقت تغييرات الحرارة .. فواصل تمدد الصبية 2 سم ماستك وحبل ماستك تحت حتى يمسك الماستك وفواصل تمدد البلاط 1 سم كفاية بنفس الطريقة ماستك وحبل ماستك وينفع ماستك بدون حبل

الفواصل لو عندك سمك 10 سم كل 10 متر في الاتجاهين ولو عندك 15 سم السمك كل 15 متر في الاتجاهين .. البلاط حاول تخلي فاصل التمدد على فاصل البلاط أو خله غير بالكامل وشوف أحسن تسأل شركة البلاط أو تشوف مواصفاته كل شكثر نسوي فاصل .. فيلاجيو حاطين قرانيت خارجي بدون فواصل كله متكسر وبعضه متقشع بسبب لتمدد

بعض الجهلة من الفورمنية والعمال يسوي لك فاصل تمدد لكن يركب لك شبك حديد متواصل بدون ما يفصله والمفروض فاصل التمدد يبدأ من تحت لفوق ممكن يكون من تحت مغطى ببلاستيك يسوي تواصل لكن الحديد المفروض مقطوع خلال الفاصل ومغطى بكمية كافية من الخرسانة .. ولو ما تسوي حديد وتركب خرسانة بخلطة فيبر أفضل لك وأرخص

[بوخالد911]

البلاط الاماراتي بو 3 سنتي
محل بيت الأحساء بشارع سلوى
قبل محطة عزيز
المتر ب 41 ريال

والأهم تسوي لك صبية بمكان وقوف المواتر.