عيالكم غابوا والا تمدرسوا ؟؟

[الحياة الخالدة]

السلام عليكم ورحمة الله وبركاته

انتهت الامتحانات أمس على خير .. وبدأ النقاش :
الطلبة بيداومون بقية الاسبوع .. وياخذون الاجازة ابتداء من الأحد القادم ؟؟
والا بيغيبون من اليوم ويوصلونه بإجازة الاسبوع القادم ؟؟

الطلبة : أحب ما عليهم يبتدون من اليوم وبعضهم سافروا من أمس فور الانتهاء من آخر امتحان
الأهل : منقسمين .. ما بين اللي ما يبي عياله يداومون .. وبين اللي يبيهم يروحون المدرسة إما عشان ما يسندرونهم في البيت .. أو عشان ما تفوتهم الدروس
المدرسين / المدرسات : بعضهم يقولون للطلبة لا تيون ( بالخش ) عشان ما تصير عليهم مسؤولية .. منها يرتاحون منهم .. ومنها يتفرغون للتصحيح و رصد الدجات
لكن رسمياً طلعت قرارات أن الغياب بيكون محسوب والدوام إجباري

انتو شرايكم ؟؟ و ايش سويتوا مع عيالكم ؟؟

[ضوى]

موضوعج :waiting:

عن نفسي طرشت الصغيرة روضتها وباخليها لين اخر يوم ان شاء الله كفاية اسبوع بيقعدون البيت بنطلعهم ونلعبهم ونعيد نشاطهم ليش يغيبون وسط اسبوع دراسة ونشاطات خلهم يطلعون طاقتهم بالمدرسة ولا يجابلون الخدم بالبيت والا التلفزيون والا التبطح

[JN000N]

غابوا
والتناقض ف المدرسه نفسها
الابله تقولهم غيبو
والاداريه تقول تعالو ووقعو تعهد ليش تغيبون هاهاهاها
عموما غابو وسافرو ومحد بيوقع تعهد

[بانغ بانغ]

فخ ارقاد

بوديهم كرتيه اليوم

[Dana’1]

غابت طبعا
لان حتى لو راحت مافيه اي نشاط ولا غيره المعلمات مالهم خلق والبنات بعد
ولا يسجلونهم غياب لان هم يبغونهم يغيبون بس الاداره ما تقدر تقولها عالعلن فالمعلمات يقومون بالواجب!

[حمد بن سعد]

نعم قالو لهم الي يبي يجي والي مايبي كيفه وان عن نفسي وديتهم المدرسين يبون الفكه :waiting:

[الحياة الخالدة]

ضوى ، جنون ، بانغ بانغ ، ديور و حمد بن سعد
أشكركم على المشاركة وإبداء الرأي

هذا اللي صاير في كل بيت
حتى في اللي يتحلطم ويقول هالاجازة بكبرها مالها داعي
لو إنهم مستمرين في الدراسة احسن بدال ما يدامون ويمتحنون في رمضان وياخذون جزء كبير منه

[بوحارب]

غيااااااااب

بس غانم داوم في الحضانه خوفا عليه من اخوانه الشريرين :(

اللي قريب خريطيات يمر البيت يشوف العيال وش اخبارهم :(

ولو تكرم بعد ياخذ لهم غدا على الطريق :)

[الحياة الخالدة]

بوحارب : عيالك انت بالذات لا تغيبهم .. خل يتعلمون ويصيرون أشطر من أبوهم

[بوحارب]

بوحارب : عيالك انت بالذات لا تغيبهم .. خل يتعلمون ويصيرون أشطر من أبوهم

مافيه احد يطلع اشطر من ابوه:unsure:

[فريج النجادة]

مافيه احد يطلع اشطر من ابوه:unsure:

ههههههههههههههههه

[بوخالد911]

وديناهم
طلعوهم س 12

[@ بوفيصل@]

وديت ولدي الساعه 8 اتصلي المشرف قال تعال خذ ولدك محد داوم من الطلبه

[الحياة الخالدة]

وديناهم
طلعوهم س 12

وشلون كانت نسبة الحضور ؟؟
وشلون على باجر وعقبه .. بعد بتودونهم ؟؟

[الحياة الخالدة]

وديت ولدي الساعه 8 اتصلي المشرف قال تعال خذ ولدك محد داوم من الطلبه

وهذا اللي نقوله
وما اتوقع إن بيكون فيه دروس جديدة ( اعتقادي الشخصي ) .. ولا في دوام لا باجر ولا عقبه
هل اللي ما داوموا بينحسبون غياب ؟؟
الله أعلـــــــم

[Miss]

طبيعي اذا داوموا بيدخلون المدرسين يعطونهم دروس
انزين متى يصححون الامتحانات؟
الكل قالهم غيبوا

[السيف5]

محد داوم عندنا
ومن اشوي اسأل رضيعاتي ولاحد من اعيالهم داوم

[النهار]

انا قال لي يبا الابله قالت الي يبي يجي يجي والي مايبي على هواء
قلت له يالذيب خذ راحتك ان بغيت تروح انطر الباص وان مابغيت كمل رقاد
هههههههههههههههههههه
ماصدق كملها نوم

[MAZEN37]

الوزارة تحد الاهالي واولياء الامور والطلاب يخالفون ويتغيبون ليش الوزارة ما تعطي اجازة مباشرة بعد الامتحانات ايش هالعقليه

[ساعي الخير]

عيالنا ((تمترسوا)) في البيت.:taunt:

[النهار]

وشلون كانت نسبة الحضور ؟؟
وشلون على باجر وعقبه .. بعد بتودونهم ؟؟

اسأليني اليوم شفت باص ولدي وقف يهرن الباص مافيه الا اربعه مصطفى وربعه
مع العلم ولدي تقريبا من اواخر الطلاب الي يأخذهم

[مرتبش]

غياب.
مخلصين الامتحانات ومافي دراسة ليش يداومون.. تبون تحطون حرتكم في المعلمين والمعلمات ويداومون كيفكم ..هذي مشاكل داخلية مالنا شغل فيها

[حـ ن ـيـ ن]

أغلبية الطلاب غابوا

[PathFinder]

اليوم بعثتهم عالمدرسه اتصلو المدرسه على الجوال تعالو روحوهم الساعه ٨صباحا

Sent from my SM-N920C using Tapatalk

[الحياة الخالدة]

أشكر جميع من شارك
يعني اللي ما غيبوا عيالهم .. كلموهم من المدرسة يروحون ياخذونهم
وهالشي كان متوقع

[الحياة الخالدة]

اسأليني اليوم شفت باص ولدي وقف يهرن الباص مافيه الا اربعه مصطفى وربعه
مع العلم ولدي تقريبا من اواخر الطلاب الي يأخذهم

مصطفى وربعه هههههههههه
تهقى بيداومون باجر ؟؟

[بوخالد911]

وشلون كانت نسبة الحضور ؟؟
وشلون على باجر وعقبه .. بعد بتودونهم ؟؟

النسبة ضعيفة.

لا خلاص
اجازة

[معماري قطري]

بو الخلف راح مع امه يسوون حجامة في دبي يقولون ما فيه حجامة في قطر

[معماري قطري]

مصطفى وربعه هههههههههه
تهقى بيداومون باجر ؟؟


https://www.youtube.com/watch?v=Zsm6ZWcbAOY

[moonبنتnight]

كله من أعمارهم خلهم يعشون طفولتهم ..
يعني يومين بتفرق في تحصيل الدارسي للطلاب ؟
حتى المعلمين والمعلمات أفتكوا :whistling: