فزعتكم تكنسلت السفره ومكتب السفريات رافض يرجع لي فلوس الحجز

[ام روز]

احنا حاجزين الاسبوع الجاي لتركيا تذاكر وفندق
المهم زوجي تنوم بالمستشفى ورحت لهم بكنسل الحجز رجعو فلوس التذاكر ناقصه ٢٠٠٠ ورفضو يرجعون فلوس الفندق


شرايكم إيش اسوي اللي عنده خبره يفيدني

[nagano]

اذا كانت السفرة باقي لها وقت ترجع فلوس الفندق وإذا قريب يخصمون اول ليلة بس ويرجع الباقي

وانا نصيحتي للي يسافرون لاتحجزون عن طريق المكاتب اون لائن أو بوكنق أحسن ويضمن حقك

وتقدر تغير حجزك براحتك

[اخصائي]

اشتكي عليهم في حماية المستهلك

[ام روز]

اذا كانت السفرة باقي لها وقت ترجع فلوس الفندق وإذا قريب يخصمون اول ليلة بس ويرجع الباقي

وانا نصيحتي للي يسافرون لاتحجزون عن طريق المكاتب اون لائن أو بوكنق أحسن ويضمن حقك

وتقدر تغير حجزك براحتك


رفضو
ارجاع اي مبلغ

[وليف الشوق]

طيب جربتي تتصلين في حماية المستهلك ؟

[ذكي جدااا]

حسب نوع الحجز. اذا ممكن استرجاع المبلغ او غير ممكن. حتى لو بتحجز عن طريق النت مثل موقع بوكنج يعطيك سعرين لنفس الغرفه. مثلا سعر الغرفه بالف ريال بس المبلغ غير مسترجع. او يكون السعر الف وثلاث مية طبعا اغلى ويكتب لك ممكن استرجاعه. فلازم الواحد يكون حذّر مع المكاتب او حتى عن طريق الاونلاين يعرف شنو يبي بالظبط

[(عبدالله)]

يعتمد على سياسة التعديل والإلغاء

مشكلتنا احنا لما نتعامل مع مكاتب السفريات يكون أساس تعاملنا معاهم بناءاً على كلام ووعود فضفاضة بدون تحديد

والمفروض ان الواحد يطلب عند الحجز سياسة التعديل والإلغاء واضحة ومفصلة

مثال:

في حالة تعديل التذكرة: رسوم 100 دولار حتى قبل 48 ساعة من موعد الإقلاع، 150 دولار حتى آخر 3 ساعات من موعد الإقلاع، 200 دولار في حالة عدم السفر
في حالة الإلغاء في حجز الفندق: حتى 48 ساعة قبل تاريخ الدخول مجاني خلال 48 ساعة قبل تاريخ الدخول خصم قيمة الليلة الأولى، خصم قيمة الليلة الأولى في حالة عدم الوصول

طبعاً من مصلحة موظف مكتب السفريات إنه يستغفل العميل وما يعطيه هالتفاصيل حتى ما يعور راسه وفي نفس الوقت يقلل من فرص إلغاء العميل لأي حجز وبالتالي الموظف يخسر نسبته من المبيعات.

أنا شخصياً أحب أعمل حجوزاتي أونلاين لأن في الموقع نفسه يحدد سياسة التعديل والألغاء بالتفصيل الممل.. سواءاً تذاكر طيران أو فنادق


في حالة الشكوى عند حماية المستهلك .. أتوقع بيطالبون بالعقد اللي بينكم وبين المكتب

والله يكون بعونكم

[عاشق العديد]

ماتعرفين حقج الا عن طريق الشروط الي فحجز الفندق والتذكره ..

ولو مثلن ماعندج خبره صوري لنا الحجز والشباب بيشرحون لج .. يمكن ع ماقالو انه الفندق مافيه استرجاج في حالة انك كنسلت

[saeed2005]

مكاتب السفريات مالها أي داعي صار الحجز أونلاين أرخص وأسهل ويمكنك التعديل والإلغاء وبدون ما تدفع ريال بخصوص الفنادق وتدفع عندما تصل كما في بوكينج .
وممكن تضعي اسم الفندق في بوكينج وتشوفي سياسته في الإلغاء هل يقبل أو لا إن كان يقبل فاعلمي أن المكتب نصب عليك والله يعينك على المطالبة .

[CH Engineer]

اتصلي في حماية المستهلك قوليلهم
المكتب ما منع ولا وقعني على ورقة تمنعني من اني اكنسل الحجز
وحاليا مايبي يرجع فلوسي
اتصلي الحين فيهم واطلبي حل سريع لانج محتاجه المبلغ

[monatee]

قبل فتره طويله حجزنا من مكتب سفريات قبل لانبتدي نحجز بنفسنا اون لاين

واكدنا عليهم ان نبغي الحجز كله قابل للالغاء بدون رسوم

وحجزنا وخلصنا ، وصار ان السفره تكنسلت فرجعنا للسفريات وكنسلنا

وبلغونا انهم راح ياخذون نسبه 1% رسوم حجز على اجمالي المبلغ

الرسوم كان يبغيها المكتب لنفسه على اساس انه من قام بترتيب الحجوزات لنا ( شغل يده )

تهاوشنا معاهم واخذنا المبلغ كامل

تأكدي مبلغ ال 2000 الي اخذوها حق شنو بالضبط