انتبهووووو يا اخوان حصل معاي انا هالشي

[دولة قطر.]

بسم الله الرحمن الرحيم

اليوم جاني مسج ان تم شراء ببطاقة الصراف بمبلغ معين استغربت دورت بطاقتي لقيتها عندي طيب من سحاب من بطاقتي اتصلت ع البنك قالو لي احنا وقفنا بطاقتك بان شكينا في العملية الشراء طلعت شركة نفط في العراق اشلون وكيف وصلو لحسابي بطاقتي هذي حساب توفير ساعات استخدمها في شراء بعض الاشياء قلت لهم طيب اشلون ينسحب هالمبلغ البنك مب امان قالو لي ماعليك مرنا بكرة ونطلع لك بطاقة ثانية وقدم طلب استرجاع المبلغ اللي انسحب من حسابك


انا اول مرة يصير معاي جذية الموضوع عندكم للنقاش وانتبهوووو يا اخوان

[حليتان*]

شي غريب صراحة*

الله يعوضك

[شيخ الديرة]

اي بنك هذا؟
غريب فعلاً، لان حالياً على الاقل يحتاجون الرقم اللي خلف البطاقة، وقبل شهر قامو يطلبون منك شفرة توصلك للموبايل لاتمام عملية الشراء

[حمد بن سعد]

اكيد المصرف مافي غيره افلامهم ماتخلص اعرف واحد سحبو فلوسه من بنغلادش وهو في الاردن

[الحياة الخالدة]

جزاك الله خير على التنبيه
انا ماعرف عن أي بنك تتكلم
بس وصلني أن بنك قطر الوطني أرسل هالتحذير حق عملائه

https://d.top4top.net/p_460or2na0.jpg (https://up.top4top.net/)

[سالم الزهران]

المفروض الشراء بالبطاقة وتحويل الأموال والسداد وغيرها ما تتم العملية الا بعد ادخال الكود السرّي اللي يجيك على جوالك .

في تطبيق البنك اللي حطيته على الايفون ,, عجبني انهم فعّلوا البصمة للدخول للتطبيق و فعلاً صرت ادخل بالبصمة ولكن يوم جيت ادخل على التحويلات المالية قفل التطبيق وطلع لي صفحة الدخول باستخدام اسم العميل والرقم السري و الرقم السري اللي عن طريق الجوال ؟؟ قلت الحمدلله دام انك محرّصين .

[ضوى]

صارت لي مع المصرف من ثلاث شهور تقريبا ً / انا بأمان الله بالبيت والا يجيني خصم بالف دولار وشوي من محل بأمريكا ، وعقبها بدقيقة اتصال من المصرف ترنا شكينا في العملية ووقفنا البطاقة تعالي سوينا لج اصدار جديد واطلبي استرجاع المبلغ ، رحت ثاني يوم وخلصت الموضوع ، وعقبها باعشر ايام نزل المبلغ بالحساب

[غريب الدّار]

بشكل عام : حتى اقوى البنوك ممكن تصير لها هالمشكلة
وهذا ماينفي وجود أنظمة قوية لكن لازم الكل يلاحظ ان بمجرد البنك مايطور انظمته ، الهاكرز يتطورون معاه

فأي نظام قوي اليوم اذا ماتم التحديث عليه وتطويره راح يكون عرضة للاختراق

اهم شي ان الشخص يأخذ احتياطاته : يعني مايروح أي موقع مشبوه ويحط رقم بطاقته
مايرسل بيانات البطاقة بالتلفون
مايكتب بيانات البطاقة في أي مكان
مايعطي بيانات البطاقة لاي شخص غير ثقة

وطبعا حتى مع كل هالاحتياطات قد يكون في اختراق لكن الحافظ الله سبحانه

[الماريّة]

الله يعنيك اخوووي والحمدالله ماضاع حق وراه مطالب

والله يجزيك على التنويه

بس استفسار شلون يرجعون المبلغ الي انسحب من دول برى قطر
شلون قدر البنك يرده ؟

[ضوى]

الله يعنيك اخوووي والحمدالله ماضاع حق وراه مطالب

والله يجزيك على التنويه

بس استفسار شلون يرجعون المبلغ الي انسحب من دول برى قطر
شلون قدر البنك يرده ؟

هذي سياسة البنك ويا الفيزا ، اي مبلغ يثبت صاحبه انه مب في البلد اللي انسحب منه المبلغ ولا قام باي عملية عالانترنت يتم استرجاعه ، يعني في اتفاقية مع الفيزا

[qatarman8008]

انا صار لي موقف مشابه قبل سنة تقريبا..
اتصل علي موظف البنك يقول لي صار في امر شراء من امريكا..
هل ات في اميركا..؟؟ قلت له لا طبعا انا في الدوحة حاليا ..
وراح وقف البطاقة وقال لي تعال الفرع عندنا استلم بطاقتك الجديدة..
..
هذا هو التصرف السليم من البنك..
يتم التعامل مع اي عملية مشبوهه قبل تنفيذها وليس بعد تنفيذها..
اللي صار مع اخونا صاحب الموضوع معناه ان موظفين بنكهم نايمين في العسل..

[شيخ الديرة]

صارت لي مع المصرف من ثلاث شهور تقريبا ً / انا بأمان الله بالبيت والا يجيني خصم بالف دولار وشوي من محل بأمريكا ، وعقبها بدقيقة اتصال من المصرف ترنا شكينا في العملية ووقفنا البطاقة تعالي سوينا لج اصدار جديد واطلبي استرجاع المبلغ ، رحت ثاني يوم وخلصت الموضوع ، وعقبها باعشر ايام نزل المبلغ بالحساب

ولهم عين يطلبون مني اروحلهم؟

غلطتهم هم بسبب عدم تحديث اجراءاتهم، هم يبعثون مندوبهم للمكان اللي انا اختاره واوقع على الاستمارة.

هذا اللي طلبته من مصرف قطر الوطني قبل كم شهر في حادثة مماثلة، قال خلص ابعثلك الاستمارة بالايميل، ورجعها لنا

[الحياة الخالدة]

طيب أنا مادري إذا هالشي له علاقة والا لا
بس في نفس السياق عندي استفسار
وصلني إيميل أنه تم تغيير إعدادات حسابي في ال pay pal
وانا اصلاً مالي حساب عندهم ولا عمري تعاملت معاهم
والمطلوب إني أرد عليهم بهالخصوص
حد يفهمني شالسالفة

[شيخ الديرة]

طيب أنا مادري إذا هالشي له علاقة والا لا
بس في نفس السياق عندي استفسار
وصلني إيميل أنه تم تغيير إعدادات حسابي في ال pay pal
وانا اصلاً مالي حساب عندهم ولا عمري تعاملت معاهم
والمطلوب إني أرد عليهم بهالخصوص
حد يفهمني شالسالفة

لا تردين والاهم انك لا تنقرين اي رابط. نقر الروابط في الايميلات مشكلة كبيرة، لان عندها يعرفون انك مرشحة لان تكوني ضحية لخداع اكبر

بشكل مختصر، ابعدي عن الفضول والتجربة في الايميلات.

اذا وصلك ايميل من بنك شيخ الديرة الدولي، ارفعي سماعة التلفون على الرقم الرسمي واسأليهم ماذا يطلبون بالضبط؟

[ضوى]

طيب أنا مادري إذا هالشي له علاقة والا لا
بس في نفس السياق عندي استفسار
وصلني إيميل أنه تم تغيير إعدادات حسابي في ال pay pal
وانا اصلاً مالي حساب عندهم ولا عمري تعاملت معاهم
والمطلوب إني أرد عليهم بهالخصوص
حد يفهمني شالسالفة

تحملي يقتلج فضولج عزيزتي :spider:

[الحياة الخالدة]

لا تردين والاهم انك لا تنقرين اي رابط. نقر الروابط في الايميلات مشكلة كبيرة، لان عندها يعرفون انك مرشحة لان تكوني ضحية لخداع اكبر

بشكل مختصر، ابعدي عن الفضول والتجربة في الايميلات.

اذا وصلك ايميل من بنك شيخ الديرة الدولي، ارفعي سماعة التلفون على الرقم الرسمي واسأليهم ماذا يطلبون بالضبط؟
جزاك الله خير على النصيحة
أحياناً لقافة وأحياناً جهل وغشامة
توني من شوي بس رديت قلت لهم ما عندي حساب pay pal :(

[الحياة الخالدة]

تحملي يقتلج فضولج عزيزتي :spider:

قتلني وخلص هههههههههههه
شنسوي يختي ما نخلي لقافتنا ويقول الشاعر : إلا اللقافة أعيت من يداويها

[nooora]

الله يعوضك.. صارت مع ناس ف الهند .. معقوله موظف البنك سرب المعلومات سؤال عام بعيد عن هذه الحادثة. سيستم ف امريكا ان لو تكلم موظف ومثلا شغاله تطلب منك تعطي رقم فيزة مع كلمة سر ما يكون عن طريق شخص تتحول على الكمبيوتر وتحط رقم حفاظا على المعلومات ...
شخصيا كنت استعمل فيزة pay and go في امريكا او مشتريات ف النت خصصت لها كرت معين

[المحاميه]

أكيد مهكرين على بطاقتك
من أي عملية قمت فيها
واعرفوا الرقم
والرقم الي وراها


الواحد شيقول من هالسوالف عاد ..

[دولة قطر.]

الله المستعان حبيت بس انبهكم انتبهووو لاتعطون البطاقة لحد حاول تغيرها من فترة بفترة الحادثة امس والبنك ماقصر قال تعال ثاني يوم وقدم ع بطاقة وبنرد لك فلوسك انتبهووو وحرصووو

[ناسداك]

كله للاسف انتشر من مواقع الشراء عبر الانترنت لانه اهم شيء الرقم و رقم صغير خلف البطاقة التكنولوجيا اتطورت الحين في ناس يدخلون البلد بفيزا سياحية او زيارة خصوصا الاسيويين و عندهم خبرة في الاشياء هذي و يسرقون وقد يكون اختراق من احد الموظفين في البنوك و عطاه تعليمات "مؤامرة"
انا قريت مره ان في حادثة صارت فيالكويت من سنين يجي واحد ياخذ بطاقة تعبئة الجوال و يسوي لها مسح ضوئي "سكانر" و يرده للبياع و يستخدم الرقم المتسلسل و يتكلم ببلاش .
استعمل بطاقات خاصة بالنت و يكون فيها مبلغ قليل .

[بوخالد911]

شكرا للتنبيه

واللي يشتري من مواقع النت
أنصحه يطلع بطاقات تسمى : pay & go
من معظم البنوك موجودة

ويحط فيها مثلا 4000 ريال

[معماري قطري]

وانا رافع اللمت حق الفيزا وشكلي باغير حتى التداول عبر الانترنت وقفته من شفت المشاكل من سنة مع بنك قطر الوطني

[النهار]

الحمد لله عندي فيزاء من مصرف الريان لها لمت معين عشرة الاف ريال كل مافضت حطيت فيها مبلغ

[Gentleman]

صارت معاي مرتين على بطاقة المصرف السوداء visa signature وفي الحالتين تم إلغاء البطاقة وإرجاع المبلغ في حسابي الجاري بعد حوالي 3 شهور من تاريخ طلب إرجاع المبلغ. السحب كان من أمريكا والصين

[معماري قطري]

صارت معاي مرتين على بطاقة المصرف السوداء visa signature وفي الحالتين تم إلغاء البطاقة وإرجاع المبلغ في حسابي الجاري بعد حوالي 3 شهور من تاريخ طلب إرجاع المبلغ. السحب كان من أمريكا والصين

اللي محتاج للمبلغ شيسوي وشذنبه ينتظر 3 شهور

من فوق الخمسة العشرين سنة أذكر دعايات في تلفزيون أمريكا لو تشتري بالأمريكان اكسبرس أي شيء ولا عجبك يحق لك ترده ولو انكسر أثناء نقلك له للبيت يحق لك تطلب استبدال .. مرة اسحبوا مني فندق وكنت حاجز وتأخرت وكلمتهم وكنسلت لكن سحبوا قدمت شكوى والفندق في لندن وكرتي كان من أمريكا وألغوا العملية خلال 3 أيام عمل والسحب يكون من حساب الأمريكان اكسبرس مب من حسابي بس انا مجبور اسدد لو راضي عن الخدمة

[جراسا]

صارت معي من سنة و نص او سنتين،جاني مسج خصم شراء تذاكر سينما في مانشستر،طوالي اتصلت بالمصرف و أوقفوا البطاقه،بعد 5 دقايق رجعوا اتصلوا و خبروني انه في محاولة شراء بقيمه 500 دولار بس ما تمت بسبب ايقاف البطاقة، وتم الذهاب للفرع و عمل مطالبة و تم استرداد المبلغ بعد40 يوم ،لمعلوماتكم مو كل المواقع فيها خاصيه الotp

[ساراام]

والله مشكله ينسحب منك وانت ماتدري

هالهاكرز ينخاف منهم كل ماتتطور الحمايه هم يتطورون بعد

[معماري قطري]

واللي ما يطالع المسجات الا كل اسبوع مرة مثلي شيكون موقفه

[الزجاجي]

قبل 3 سنين تقريبا صار لي خصم بالامارات بـ 5000 درهم بالفيزا وبنفسه البنك اتصل لي وقالي انت بالامارات وقلت له لا !
على طووول البنك اوقف البطاقة وطلب مني اقدم على استرداد .. المشكلة البنك تم يماطل معاي لين ما كمل الموضوع 3 شهور وبعدها قالي دبر نفسك .

اكتشفت ان لك 3 شهور كحد أقصى عشان تسترد المبلغ بعدها حتى المصرف المركزي ما يقدر يخدمك .. فنصيحة الي عنده أي عملية مشبوهه يقدم على استرداد من البنك وبعد 45 يوم اذا البنك ما رد المبلغ يقدم شكوى بالمصرف المركزي عشان يحميك ويرجع لك المبلغ