نبارك لأدم كيرنس التعيين و منها لأعلى

[أسد الجزيرة]

أعلنت مصادر في مؤسسة حمد الطبية لـ "الشرق" عن الإعداد لافتتاح مدينة حمد الطبية خلال شهر سبتمبر المقبل،
والتي تضم مركز صحة المرأة والأبحاث ومستشفى الرعاية القصيرة ومعهد قطر للتأهيل ومركز الأمراض الانتقالية.


كما كشفت المؤسسة عن تعيين الدكتور آدم كيرنس الرئيس التنفيذي لمستشفى الوكرة،
في منصب الرئيس التنفيذي لمدينة حمد بن خليفة الطبية،

مشيرة إلى أن التعيين يعد بداية لتسكين الهياكل الإدارية والطبية الخاصة بالمدينة خلال الفترة القليلة المقبلة.


ويوفر مركز بحوث وصحة المرأة 190 سريراً، إضافة إلى 53 سريراً للأطفال الخدج،
وتبلغ المساحة الإجمالية لهذا المركز 72.000 متر مربع، وسيوفر قدرة استيعابية لحوالي 12.000 حالة ولادة سنوياً. ويوفر 21 غرفة ولادة،
و7 غرف عمليات، و4 غرف معالجة.


ويوفر المركز خدمات الولادة، وتشمل ما قبل الولادة وما بعدها، والخدمات النسائية وتشمل الطوارئ،
وخدمات الناتالوج، والأمراض النسائية والأورام، كذلك سيشمل نطاقاً كاملاً من الخدمات المساندة،
مما يتيح للنساء ومواليدهن تلقي أفضل الرعاية للاحتياجات المحددة.


معهد قطر للتأهيل


ويوفر مشروع معهد قطر للتأهيل، الذى يقام على مساحة إجمالية للمعهد تقدر بـ 38.000 متر مربع،
193 سريراً موزعا على 10 طوابق، وتشمل مرافق معالجة مائية، وكذلك سوف يوفر المعهد خدمات مرضى داخليين وخارجيين.
أما المعهد فسيكون المركز التخصصي لمجموعة من المراكز المساندة، وسيوفر خدمات تأهيل متكاملة وشاملة للكبار والأطفال، وسيوفر خدمات متطورة؛
تشمل: إصابات الدماغ، وإصابات النخاع الشوكي، والجلطات والإعاقة العصبية، والتعامل مع الآلام الهيكلية، والأطفال.
ويوفر المعهد الخدمات للمواطنين. ويضم 5 برك سباحة للعلاج الطبيعي.


â—„ الإقامة القصيرة


أما مركز الإقامة القصيرة فسوف يوفر 118 سريراً، ويقام المركز على مساحة إجمالية 33.400 متر مربع،
ويوفر خدمات عيادات المرضى الخارجيين، مع خدمات عيادات معالجة سريرية للمرضى البالغين، الذين لا يحتاجون الدخول كمرضى داخليين.
كما سيقدم المركز خدماته الطبية والجراحية لحالات ثانوية، لا تتطلب دخول المستشفى؛ وتشمل: المناظير، وأمراض الجهاز الهضمي، والجراحة العامة،
وجراحة الأعصاب، والعيون، وجراحة الأسنان والفكين، والعظام، والأنف والإذن والحنجرة، وطب القدم،
والجراحة التجميلية، والمسالك البولية. كما يوفر المركز الجديد 104عيادات، و80 غرفة تحضير وعناية، 64 سرير مرضى إقامة داخلية لمدة 23 ساعة، و19غرفة عمليات.

الشرق (http://www.al-sharq.com/news/details/480946)

[مضارب دوسري]

في مجال الطب عادي
خل يستفيدون من خبرات الاجانب

لان لو اي احد يصير فيه شي لا سمح الله تجده دايما يثق بكلام بو عيون زرق سواء في الدوحه ولا لندن ولا اي دوله اجنبيه



اما في المجالات الثانيه طبعا لا

[مضارب دوسري]

اما الدكاتره المواطنين فللاسف اقولها
تاخذ موعد وتجي على موعدك
تنصدم لا الدكتور مسافر دوره او اجتماع او او او
وهذا موعدك الجديد بعد شهر او اثنين

[وحيد-الشوق]

وهذا كم معاشه 100 الف نفس الي عينوه قبل ؟

[مضارب دوسري]

وهذا كم معاشه 100 الف نفس الي عينوه قبل ؟

100 ولا 200
في مجال الطب اشوفه عادي
لان الدوله تدفع مبالغ ضخمه للعلاج فالخارج
اذا جبت دكاتره اجانب معروووفين
تكون الدوله وفرت مبالغ ضخمه
حتى لو كان راتبه 200 الف

ونكون سلمنا من اختبارات الدكاتره العرب اللي (بعضهم) مب عارف كوعه من بوعه

[وحيد-الشوق]

100 ولا 200
في مجال الطب اشوفه عادي
لان الدوله تدفع مبالغ ضخمه للعلاج فالخارج
اذا جبت دكاتره اجانب معروووفين
تكون الدوله وفرت مبالغ ضخمه
حتى لو كان راتبه 200 الف

ونكون سلمنا من اختبارات الدكاتره العرب اللي (بعضهم) مب عارف كوعه من بوعه

السؤال المهم في بلاده ليش مايعطونه هالراتب يقولون البرفسور في المانيا ورئيس قسم راتبه 10,000 يورو طيب ليش انا اجيب واحد من برا ويتعين براتب ضخم جداً ومبالغ فيه ليش ما في قطري يمسك هذا المنصب ؟ والخبراء الي قبل ماغيروا شيء مواعيد طويلة نظام مخبط زحمة قوائم انتظار الدكتور يكتب لك تحويل لمستشفى حمد ويتصلون عليك طبعاً لازم تلفونك 24 ساعة شغال اذا راقد او تصلي او تاكل مشكلتك انتظر اتصال ثاني بعد 3 ايام او اسبوع وصارت معاي عدة مرات لين زهقت ورحت لهم وعطوني موعد

مع اشد احترامي لكن احنا نجيب بعض الاجانب بحجة انهم خبراء ولا هم تلقاهم فاشلين وشهاداتهم اي كلام بعدين الناجح مايترك بلاده

[Rider]

لا تعلق على مواضيع الصحة

[مضارب دوسري]

السؤال المهم في بلاده ليش مايعطونه هالراتب يقولون البرفسور في المانيا ورئيس قسم راتبه 10,000 يورو طيب ليش انا اجيب واحد من برا ويتعين براتب ضخم جداً ومبالغ فيه ليش ما في قطري يمسك هذا المنصب ؟ والخبراء الي قبل ماغيروا شيء مواعيد طويلة نظام مخبط زحمة قوائم انتظار الدكتور يكتب لك تحويل لمستشفى حمد ويتصلون عليك طبعاً لازم تلفونك 24 ساعة شغال اذا راقد او تصلي او تاكل مشكلتك انتظر اتصال ثاني بعد 3 ايام او اسبوع وصارت معاي عدة مرات لين زهقت ورحت لهم وعطوني موعد

مع اشد احترامي لكن احنا نجيب بعض الاجانب بحجة انهم خبراء ولا هم تلقاهم فاشلين وشهاداتهم اي كلام بعدين الناجح مايترك بلاده

اخوي احنا ما نتكلم عن منصب عادي
هذا طب مب رئيس قسم او مدير عام في شركه او وزارة خدميه او تعليميه

الدكاتره القطريين (البارزين) ينعدون على الاصابع

خله يجي حتى لو راتبه هناك 10 الاف يورو
حتى لو تعطيه 25000يورو
اوفر من العلاج بالخارج
انا مع ان الدوله تجيب الخبراء والاستشاريين المشاهير في العالم
وتعطيه راتب يفوق راتبه في بلاده حتى لو 200%

افضل
من اسلم الناس حق دكتور يسوي اختيارات واخطاء طبيه بعضها تؤدي الى الوفاه



الناجح ما يترك بلاده !!
صحيح
ما يتركها اذا عطيته راتب نفس راتب بلاده

بس اذا عطيته ضغف الراتب احتمال كبير يجيك
خصوصا no tax

[مضارب دوسري]

مستشفى حمد فيه اجهزه افضل يمراحل من مستشفيات عالميه
ولكن المشكله تكمن في التشخيص
وفي العلاج


في الاطباااء


انا مع جذب الدكاتره الممتازين باي سعر كان سواء تدبيل راتب او غيره
حتى وان كان بنظام التعاقد يجي كل شهر اسبوع بعد اوافق على هالشي
بمقابل راتب اسبوع

[مضارب دوسري]

اي شي فيه منفعه للناس افضل
ادفع في دكتور ولا ادفع في لاعب يراكض 90 دقيقه

ارجع واقول كلامي فقط في موضوع الطب

لو اي منصب اخر في مجال غير الطب بتلقاني اول المعترضين

[ya3coub]

ما قصرو و نفس ما ذكرت من سنتين حضرت كمهندس لمؤتمر المباني الطبيه و ما يشملها

و المؤتمر كان عالأغلب عن الطب عن الهندسه و الإنشائات و كان فيه التفاصيل الكثيره عن مدينه حمد الطبيه و الحديقه و الجامعه و كلشي بيسوونه و خطتهم

بس الي ذبحني عدم وجود اي عنصر قطري على كثره ما كان عاجبني الي اشوفه ممثلين حمد الطبيه و الجهات القطريه كلهم اجانب كان شي محزن جدا.

بس كافكار و كخطه و كزحمه ليلحين الي انشوفه بيتطور و بيصير اكبر و احسن و احلى و ارقى ايضا عساهم عالقوة و يارب الشركات التنفيذيه يمشون عالمطلوب و فقط لا اكثر ولا اقل لأنه على مستوى عالي جدا جدا

[معماري قطري]

نبي مدير زين والأهم يدير بتوجيهات وسياسة عليا ويتحاسب ما يجيب عيال فريجهم كلهم في بلاده صلوح بو ضرس وحسون بو راسين

القوانين تكون لازم من صالح القطري .. هذا هي دبي تشغل أجانب لخدمة المواطن

ما نبيه يطفش أي طبيب قطري بعد يستبدله بآخر ونبيه يعمل على تطوير الأطباء العرب والقطريين

[بانغ بانغ]

في مجال الطب عادي
خل يستفيدون من خبرات الاجانب

لان لو اي احد يصير فيه شي لا سمح الله تجده دايما يثق بكلام بو عيون زرق سواء في الدوحه ولا لندن ولا اي دوله اجنبيه



اما في المجالات الثانيه طبعا لا




اتفق معك جملة وتفصيلا

ا

[عنيــــد]

اتفق مع مضارب دوسري و ضروري جداً استقطاب افضل الاطباء على مستوى العالم و ان كلف ثلاث اضعاف رواتبهم ..

[أسد الجزيرة]

الأطباء لا ينفعون لادارة المستشفيات

هناك تخصص يسمى ادارة المستشفيات

[عابر سبيل]

الا مبروك لنا و علينا يا "هل قطر"الاعلان اخييييرا
عن موعد افتتاح هذا المشروع الذي يستحق
ان يدخل قائمة "جينيس"

لتحطيم الارقام القياسية

حيث ان الذاكرة الحية
تقول ان الموعد الابتدائي "المعلن"
لتدشين هذه المدينة الطبية
كان في
2007
اي بعد سنة من انتهاء آسياد
2006

اذا على القائمين لكتاب/قائمة جينيس
التحقق من اهلية هذه المدينة الطبية
لدخول قائمتهم كاطول مدة تاخذها مباني
مستشفيات جاهزة ..فقط لتجهيزها بالمعدات الطبية..

و ان تحقق ذلك.. فقطعا ان "كللللل" القائمين على تنفيذ هذالمشروع
و منذ ان كان مدينة الاسياد (و لم يسكن فيه احد في 2006)
الى هذه اللحظة بعد حوالي 15-20 سنة منذ وضع حجر الاساس له

فان كل المسؤولين عن هذا المشروع يستحقون ان يذكروا
فردا فردا في قائمتهم لكي يحتفظ التاريخ
(على الاقل)
باسماء من وقفوا خلف هذا الانجاز غيرر
المسـ ـبووووق... كح كح..احم احم
عذرا على الكحه لخبطت و قطعت الكلام:telephone:

[معماري قطري]

الا مبروك لنا و علينا يا "هل قطر"الاعلان اخييييرا
عن موعد افتتاح هذا المشروع الذي يستحق
ان يدخل قائمة "جينيس"

لتحطيم الارقام القياسية

حيث ان الذاكرة الحية
تقول ان الموعد الابتدائي "المعلن"
لتدشين هذه المدينة الطبية
كان في
2007
اي بعد سنة من انتهاء آسياد
2006

اذا على القائمين لكتاب/قائمة جينيس
التحقق من اهلية هذه المدينة الطبية
لدخول قائمتهم كاطول مدة تاخذها مباني
مستشفيات جاهزة ..فقط لتجهيزها بالمعدات الطبية..

و ان تحقق ذلك.. فقطعا ان "كللللل" القائمين على تنفيذ هذالمشروع
و منذ ان كان مدينة الاسياد (و لم يسكن فيه احد في 2006)
الى هذه اللحظة بعد حوالي 15-20 سنة منذ وضع حجر الاساس له

فان كل المسؤولين عن هذا المشروع يستحون ان يذكروا
فردا فردا في قائمتهم لكي يحتفظ التاريخ
(على الاقل)
باسماء من وقفوا خلف هذا الانجاز غيرر
المسـ ـبووووق... كح كح..احم احم
عذرا على الكحه لخبطت و قطعت الكلامï؟½ï؟½

في الصميم والناس تعاني سنوات وبتبقى تعاني لأن الافتتاح لكم عليه مثل ما سمعنا عن سدرة ولا شفنا شيء وغيرها

[شيخ الديرة]

السؤال المهم في بلاده ليش مايعطونه هالراتب يقولون البرفسور في المانيا ورئيس قسم راتبه 10,000 يورو طيب ليش انا اجيب واحد من برا ويتعين براتب ضخم جداً ومبالغ فيه ليش ما في قطري يمسك هذا المنصب ؟ والخبراء الي قبل ماغيروا شيء مواعيد طويلة نظام مخبط زحمة قوائم انتظار الدكتور يكتب لك تحويل لمستشفى حمد ويتصلون عليك طبعاً لازم تلفونك 24 ساعة شغال اذا راقد او تصلي او تاكل مشكلتك انتظر اتصال ثاني بعد 3 ايام او اسبوع وصارت معاي عدة مرات لين زهقت ورحت لهم وعطوني موعد

مع اشد احترامي لكن احنا نجيب بعض الاجانب بحجة انهم خبراء ولا هم تلقاهم فاشلين وشهاداتهم اي كلام بعدين الناجح مايترك بلاده

كيف وصلت الى استنتاج انه الناجح ما يترك بلاده؟

هل رأيك ينطبق على الامارات كذلك؟

[بوخالد911]

1000 مبروووك

!!!!!!!!!!!!!!!!!!!!!!!!!!

[بوخميس]

أعلنت شركة الميرة للمواد الاستهلاكية بأن مجلس الإدارة قد أصدر قرارًا بتعيين السيد/ جوهانيس جاكوبوس لومبارد رئيساً تنفيذياً للشركة بالإنابة.

تباركون حق آدم كيرنس وما تباركون لجوهانيس جاكوبوس

شهالعنصرية

[khalid525]

اهم شي نشوف تطور في الخدمات خل يعينون اللي يعينونه نبي الخدمات الصحية وتنوعها على مستوى المباني والاجهزة

[أسد الجزيرة]

أعلنت شركة الميرة للمواد الاستهلاكية بأن مجلس الإدارة قد أصدر قرارًا بتعيين السيد/ جوهانيس جاكوبوس لومبارد رئيساً تنفيذياً للشركة بالإنابة.

تباركون حق آدم كيرنس وما تباركون لجوهانيس جاكوبوس

شهالعنصرية

يستاهل بو جاكوبوس و منها لاعلى

[R 7 A L]

مؤيد لرد وتعليق الاخ مضارب دوسري
ترا منصب طبي حتى وان كان المسمى اداري
لا التوظيف عنده ولا الترقيات

[الحياة الخالدة]

لا والله لا منها للأعلى ولا شي
ما نتمنى أعلى المناصب إلا لأهل البلــــــــد
بس عسى يكون قد المنصب اللي خذه وما يطلع مثله مثل غيره

[الماريّة]

وانا كذلك ماايد يكون على هالمنصب حتى لو هو برفسور

عيالنا ابرك منه يكفيهم زود اولا دينهم وذمتهم وشهاداتهم

وماتتطور البلدان الا بعيالها

[JN000N]

اذا على كل منصب بنقول اي صح هذا مجال طبي يبيله اجنبي
وهذا هندسه يبيله اجنبي
وهذا بنوك يبيله اجنبي
وهذا مادري شنو يبيله اجنبي
فلحنا عيل :)

[ضوى]

لا والله مايستاهل والله يفكنا منهم قريب جدا ، القطري مدير مستشفى الوكرة ليش قدم استقالته ؟؟ حرب غير مبررة عالقطري من كل صوب ، حسبي الله ونعم الوكيل

[الحياة الخالدة]

لا والله مايستاهل والله يفكنا منهم قريب جدا ، القطري مدير مستشفى الوكرة ليش قدم استقالته ؟؟ حرب غير مبررة عالقطري من كل صوب ، حسبي الله ونعم الوكيل
صحيح .. حطوه بالوكالة مدة مب بسيطة وبذل فيها كل جهده ويوم طلب التثبيت رفضوا ويابو الاجنبي محله

[ضوى]

صحيح .. حطوه بالوكالة مدة مب بسيطة وبذل فيها كل جهده ويوم طلب التثبيت رفضوا ويابو الاجنبي محله

لانه طالب بحق مب حقه هالمناصب يثبت فيها الاجنبي بس ، والله قهر ، الله فوق

[حمد 2002]

ممكن اسم مدير مستفى الوكره السابق بالوكاله ؟

[راجي الْعفو]

متى بنستفيد من خبرات الاجنبي لتطوير القطري؟


اكثر من مره اقول ليش ما يستغل هالاجنبي بتعليم القطري و اعطائه الخبرات

وعقب اذا راح ، نكون مرتاحين


شالفايده اجيبه و يخلص أموري
وعقب اجيبه مره ثانيه
وثالثه
ورابعه
وخامسة .........

ولك ان تحسب الخسائر المادية و المعنوية

[مرتبش]

اذا على كل منصب بنقول اي صح هذا مجال طبي يبيله اجنبي
وهذا هندسه يبيله اجنبي
وهذا بنوك يبيله اجنبي
وهذا مادري شنو يبيله اجنبي
فلحنا عيل :)

كلام مضبوط 100%

[JN000N]

متى بنستفيد من خبرات الاجنبي لتطوير القطري؟


اكثر من مره اقول ليش ما يستغل هالاجنبي بتعليم القطري و اعطائه الخبرات

وعقب اذا راح ، نكون مرتاحين


شالفايده اجيبه و يخلص أموري
وعقب اجيبه مره ثانيه
وثالثه
ورابعه
وخامسة .........

ولك ان تحسب الخسائر المادية و المعنوية

الواجهة تقول يجون يعلمون القطري
بس هم ما يعلمونه
هم يهمشونه
وهذا من واقع فكل مكان يصير وحتى عندنا بزياده

[راجي الْعفو]

الواجهة تقول يجون يعلمون القطري
بس هم ما يعلمونه
هم يهمشونه
وهذا من واقع فكل مكان يصير وحتى عندنا بزياده

وهني المشكله ..

[معماري قطري]

متى بنستفيد من خبرات الاجنبي لتطوير القطري؟


اكثر من مره اقول ليش ما يستغل هالاجنبي بتعليم القطري و اعطائه الخبرات

وعقب اذا راح ، نكون مرتاحين


شالفايده اجيبه و يخلص أموري
وعقب اجيبه مره ثانيه
وثالثه
ورابعه
وخامسة .........

ولك ان تحسب الخسائر المادية و المعنوية

هذا عذر بس لتشغيل الأجنبي

المفروض تأهيل القطري علمياً وحتى اللي موجود بالمؤسسة ومتأهل عملياً من الأساس ياخذ كورس كم سنة ويجي يجلع الأجنبي لكن يكون الأجنبي هو الخيط والمخيط والقطو المدلل هنا المشكلة

[راجي الْعفو]

هذا عذر بس لتشغيل الأجنبي

المفروض تأهيل القطري علمياً وحتى اللي موجود بالمؤسسة ومتأهل عملياً من الأساس ياخذ كورس كم سنة ويجي يجلع الأجنبي لكن يكون الأجنبي هو الخيط والمخيط والقطو المدلل هنا المشكلة

اتوقع ان التطور اللي يعتمد على غير المواطن

تطور مؤقت

وهذا يمكن يسبب كارثة

[khaldoon]

100 ولا 200
في مجال الطب اشوفه عادي
لان الدوله تدفع مبالغ ضخمه للعلاج فالخارج
اذا جبت دكاتره اجانب معروووفين
تكون الدوله وفرت مبالغ ضخمه
حتى لو كان راتبه 200 الف

ونكون سلمنا من اختبارات الدكاتره العرب اللي (بعضهم) مب عارف كوعه من بوعه

تجيب دكاتره اوروبيين و برواتب خياليه يعني تجيب خبرات اوروبا لقطر شي جميل من باب توفير نفقات العلاج بالخارج مع كل توابعها المباشرة و غير المباشره مثل ما تم عمل المدية التعليميه و توفير التعليم بالخارج في الجامعات الامريكيه و اللي ترهق ميزانية الدوله و الا ايش الفايده من هالشي.....يصير صرف من الجهتين ما له داعي في ظل التشقف العام اللي تمر فيه دول العالم حاليا

[أسد الجزيرة]

المشكلة انه هذا الخبير الاوربي يشغل ربعه و جماعته و حتى عيال فريجه و من يعز عليهم بعقود ماتخرش الميه

صارت مؤسسة حمد عزبة للأنكليز و الأسترالين و اقل واحد فيهم مساعد مدير و راتب و ب تذاكر بزنس و بدلات 50 % من الراتب الاساسي

[الدوحه1]

راتب الأطباء في أمريكا!!
اقل طبيب راتبه مايقل عن 200 الف دولار يعني 730 الف ريال في السنه( 60 الف ريال في الشهر)


http://gulf-up.com/do.php?img=297439 (http://gulf-up.com/)

[الحياة الخالدة]

المشكلة انه هذا الخبير الاوربي يشغل ربعه و جماعته و حتى عيال فريجه و من يعز عليهم بعقود ماتخرش الميه

صارت مؤسسة حمد عزبة للأنكليز و الأسترالين و اقل واحد فيهم مساعد مدير و راتب و ب تذاكر بزنس و بدلات 50 % من الراتب الاساسي

عيل شترد على اللي يقول لك الاجنبي ماله خص في الوظايف ولا الترقيات ؟؟

[معماري قطري]

اتوقع ان التطور اللي يعتمد على غير المواطن

تطور مؤقت

وهذا يمكن يسبب كارثة

منتبهه لهالشيء الإدارة العليا في البلد لكن تعال للي تحت هم المخربين سواء أجانب وهم الأساس والا قطريين .. نحاسة يموتون ولا يتطور القطري ولا يروح دورة للدراسة

كنت اطالب بماجستير وطبيعي حطوا عراقيل وبعد واسطة قوية قالوا جيب لنا قبول واحسهم مب جادين .. معاي واحد مسكين سوى كل شيء ويباركون له وتمنيت له الخير تواصلت معاه وقفوا الموضوع قلت زين ما تعبت نفسي

التطوير المفروض يبدأ بالتأهيل العلمي وتطوير الموظف وبدال تطوير واحد لنفس المنصب يطورون 2 أو 3 حتى البديل يكون موجود .. عندنا نقص كبير وحاد في بعض الوظائف العادية مثل الشرطة والاسعاف وبدل استيراد ناس من برا ما ينفعون ولا يعرفون طبيعة البلاد وبعضهم ما يعرفون عربي الخليجيين حولنا محتاجين شغل وبينفعون أهلهم وبلادهم وبينفعونا لو ما فيه قطريين يسدون أو مواليد قطر أو حتى أبناء المقيمين .. والخطة لازم تكون استراتيجية طويلة المدى أما فجأة نقرر ونعلن ونقول ما حصلنا يالله نسافر نجيب من بلاد برا بنكون ترسنا قطر أجانب وخلينا ناس حولنا بدون شغل وعالة على أهاليهم وغامرنا بمشاكل تركيبة السكان وبمشاكل البشر اللي بنجيبهم ما يفهمون ولا ينفهم حق رطنتهم حتى لو يتكلمون عربي

[أسد الجزيرة]

راتب الأطباء في أمريكا!!
اقل طبيب راتبه مايقل عن 200 الف دولار يعني 730 الف ريال في السنه( 60 الف ريال في الشهر)


http://gulf-up.com/do.php?img=297439 (http://gulf-up.com/)

أقل راتب 156 الف دولار لطبيب الاسرة الى 314 الف لجراح القلب المتخصص من غير الضرائب

المصدر (http://time.com/4408807/surgeon-salary-how-much-doctors-make/)

منصب مدير مستشفى منصب اداري ليس له علاق بالطب

له علاقة بالمشتريات و الميزانية و التوظيف و التدريب و غيره من الامور الادارية

[معماري قطري]

راتب الأطباء في أمريكا!!
اقل طبيب راتبه مايقل عن 200 الف دولار يعني 730 الف ريال في السنه( 60 الف ريال في الشهر)


http://gulf-up.com/do.php?img=297439 (http://gulf-up.com/)

بس هذا الجدول للطبيب المختص والمنجز ومتدرب وجاهز .. وشوف بعضهم كم صرف لين وصل هذي المرحلة + القوانين القوية والاختبارات القوية اللي ممكن تضيع رخصة الطبيب .. إختباراتهم سنوية اعتقد وترخيصهم مب سهل .. الشهادة شيء والترخيص شيء ثاني والغاء الترخيص بسبب تافه بالنسبة لنا عندهم سهل

عملهم في منظومة وقوانين أما عندنا محمي من كل جانب فوق راتبه الخيالي و الضريبة 0 .. بعضهم يقضي عمره يدفع جزء كبير من راتبه للجهة اللي موفرة له البعثة

[ناسداك]

الإدارة الغربية و الامريكية هي الافضل على الاطلاق ترى ادارة الوزارات و الهيئات سواء كانت حكومية او خاصة مهم جدا انا مؤيد لهذا التعيين بس مب يكون لكل واحد اجنبي يعني لازم كفآءه في بلده اولا و مشهود له

[ناسداك]

منتبهه لهالشيء الإدارة العليا في البلد لكن تعال للي تحت هم المخربين سواء أجانب وهم الأساس والا قطريين .. نحاسة يموتون ولا يتطور القطري ولا يروح دورة للدراسة

كنت اطالب بماجستير وطبيعي حطوا عراقيل وبعد واسطة قوية قالوا جيب لنا قبول واحسهم مب جادين .. معاي واحد مسكين سوى كل شيء ويباركون له وتمنيت له الخير تواصلت معاه وقفوا الموضوع قلت زين ما تعبت نفسي

التطوير المفروض يبدأ بالتأهيل العلمي وتطوير الموظف وبدال تطوير واحد لنفس المنصب يطورون 2 أو 3 حتى البديل يكون موجود .. عندنا نقص كبير وحاد في بعض الوظائف العادية مثل الشرطة والاسعاف وبدل استيراد ناس من برا ما ينفعون ولا يعرفون طبيعة البلاد وبعضهم ما يعرفون عربي الخليجيين حولنا محتاجين شغل وبينفعون أهلهم وبلادهم وبينفعونا لو ما فيه قطريين يسدون أو مواليد قطر أو حتى أبناء المقيمين .. والخطة لازم تكون استراتيجية طويلة المدى أما فجأة نقرر ونعلن ونقول ما حصلنا يالله نسافر نجيب من بلاد برا بنكون ترسنا قطر أجانب وخلينا ناس حولنا بدون شغل وعالة على أهاليهم وغامرنا بمشاكل تركيبة السكان وبمشاكل البشر اللي بنجيبهم ما يفهمون ولا ينفهم حق رطنتهم حتى لو يتكلمون عربي

الاهم يكون خبير و سبق ان تولى منصب كبيرفي بلده مب اكثرهم يصيرون مدراء و في بلادهم تحصلهم خريج مدارس ثانوية و دبلومات , ترى اخوي دكتور و قالي ان المستشفيات الخاصة و خصوصا اللي عندهم سمعه في قطر من المواطنين و المقيمين يدخلون فلوس بمبالغ خرافية و شوف مستشفى العمادي زحمة الناس و الدولة يدفعون الملايين لشخص او اثنين خارج البلاد

[معماري قطري]

الاهم يكون خبير و سبق ان تولى منصب كبيرفي بلده مب اكثرهم يصيرون مدراء و في بلادهم تحصلهم خريج مدارس ثانوية و دبلومات , ترى اخوي دكتور و قالي ان المستشفيات الخاصة و خصوصا اللي عندهم سمعه في قطر من المواطنين و المقيمين يدخلون فلوس بمبالغ خرافية و شوف مستشفى العمادي زحمة الناس و الدولة يدفعون الملايين لشخص او اثنين خارج البلاد

صدقت فيه خبير حقيقي وخبير غش .. طلعت لجنة مهندسين من عندنا واعتبرهم مخضرمين ما يخطون وراحوا جابوا مهندسين من ضمنهم خبير تخطيط مدن مشتغل في عمان عشر سنين .. المشكلة تعامله معاي مباشر وطلبت منه شغلة تخطيط منطقة صغيرة ولا فلح فيها وسوى لي شخابيط ما لها واقع ولا فيها فكر هندسي صحيح .. بالإضافة الى تعاليه وتكبره بس الزين كان تحت التجربة لفترة سنة وسئلوني شرايك فيه قلت ما أنتج ولا شيء بالعكس عامل معرقل للشغل ولا منه فايدة وزين اعتمدوا كلامي ورجعوه بلاده وقبل ليرجع ثار واحتج وسوى قلقلة

[معماري قطري]

العجيب المنطقة قريبة مقترح يكون فيها مقبرة ومكان غسيل للموتى .. حتى المسجد وضعيته غلط زاويته ملتصقة بزاوية مبنى زاوية بزاوية نقطة التماس فقط لا يمكن فتح باب بين المبنى والمسجد .. قلت له إنت عاقل المسافة حول 25 كيلومتر وتقترح مقبرة وغسيل موتى ومصلى للعيد شكبر؟

ومرة اختبرت طابع عليه توصية عليا من الديوان .. والأخ عربي عادي شكله يعرف ناس هناك ووصوا عليه .. بندت الكمبيوتر وبندت الطابعة وبندت الشاشة وكان وقتها 1997 وورد 7 وسئلته قبل اشتغلت على وورد 7 قال آي .. قلت تفضل راوني شغلك .. قعد على الكرسي قال لي الكمبيوتر ما يشتغل .. قلت شغله ضغط زر الشاشة وتم ينتظر .. قام واحد من بلاده يبي يسهل له قلت له استريح ولا تتدخل خله يسوي شغله .. قعد ينطر الكمبيوتر يشتغل قلت له انت ما شغلت الكمبيوتر للحين .. قال لي كمبيوتري قبل من اضغط زر الشاشة يشتغل كله قمت شغلت له الكمبيوتر وحطيت ورقة مكتوب عليها ابي اشوفه شلون يطبع بدون ما يطالع الكيبورد وبسرعة معقولة

الأخ تم يركز يشوف الكلمة ويدور الحرف ولين صاد الحرف ضربه ضربة خلى الكيبورد يرتفع من مكانه .. خلص لي كلمة يمكن في 5 دقايق .. قلت له قوم يالله روح .. قال متى اراجع قلت له لتراجع انا رافضك وطباعتك غلط .. مسؤولي مسهل له وخايف قلت له يا اخوي لو قبلناه ورطنا نفسنا هذا يحتاج كيبورد حديد وبتنتظر وقت لين يطبع جملة مب كتاب كامل