دوحة فستيفال ستي... اول مول عدل في قطر ....................

[مستثمر رشيد]

توني راجع من دوحة فستيفال ستي.... صراحة اول مرة اشوف مول مرتب ومنظم على مستوى قطر .... خاصة من ناحية المداخل والمخارج .... دون وجود اي ازدحام مع توافر انسيابية في المرور....
هناك جسران واحد مخصص للدخول والاخر مخصص للخروج.....

المول بصورة عامة جميل وهناك مركات جديدة لاول مرة تفتح عندنا ولكن غالبية المحالات والسوبر ماركت الفرنسية لم تفتح الى الان .....

اتوقع سيكون منافس قوي لقطر مول وسيسحب البساط منه بسبب موقعه الإستراتيجي على شارع الشمال

[الحياة الخالدة]

ما شاء الله .. يعني المول فتح خلاص ؟؟

[مستثمر رشيد]

ما شاء الله .. يعني المول فتح خلاص ؟؟

نعم المول مفتوح ....

[رجل الجزيرة]

بتكلفة 6 مليارات..
"دوحة فستيفال سيتي" يفتح أبوابه أمام الجمهور اليوم

http://al-sharq.com/news/details/480992

[المجروح81]

المول مفتوح بس بعض المحلات للحين مافتحت

[غير البشر]

مول حلو وراقي بصراحه


احييهم :victory:

[مفكر قطري]

قطر مول سوو له حملة إعلانية كبيرة و روجوا للمحلات و المطاعم و الناس تهاتفت عليه قبل لا يفتتح رسميا في يوم الحفل.

اتوقع كدوحة فيستيفال سيتي ما في شي فيستيفال في إعلانهم للمكان حتى الان. و هالشي يخليني اتساءل اذاعندهم ميزانية للماركيتينج و الدعايات وين قاعدة تنصرف ؟
كان ممكن ان يكون الافتتاح فرصة كبيرة لترويج المول بشكل اكبر

[شيخ الديرة]

لا انصح احد يستعجل ويروح

المداخل والمخارج بدون علامات ارشادية، واللي موجودة غير واضحة وخاصة بالليل

امس رحت الى ايكيا وضيعت ساعة بالطريق لان كل مرة اطلع من مكان غلط وادخل مكان غلط

[Charisma]

رأي سريع ..


الأيجابيات :


المواقف متوفره بشكل كبير .
المجمع يحتوي على أغلب المحلات الكبيرة ، مع وجود محلات تفتح لأول مرة ( تقريبا 60 % من المحلات مفتوحه ).
ربط المجمع بجسور من طريق الشمال تساعد على أنسيابية الدخول والخروج .




السلبيات :



المجمع كبير جدا ويعيبة قلة وندرة تواجد كراسي للراحه ( الله يعين كبار السن ).
اللوحات الأرشادية للدخول والخروج غير منظمه ، ( لزوم تضيع اذا اول مره ) .
المواقف نوعا ما مضغوطه والمسارات بينها ضيقه .
المطاعم الموجوده قليلة ولاشيء مميز .

[بوخالد911]

كم أكره الافتتاح الجزئي :(

استعدوا عدل وزين ما زين وبعدين افتحووووووووووووووووووووه

[رُفق المجنّا]

Soft opening ولا نقدر نلومهم ع الدعاية لانه مش بشكل رسمي.

جميل انك تسمع آراء إيجابية عن المشاريع في قطر وشكرا ع المشاركة

[خوي الدرب]

توني راجع من دوحة فستيفال ستي.... صراحة اول مرة اشوف مول مرتب ومنظم على مستوى قطر .... خاصة من ناحية المداخل والمخارج .... دون وجود اي ازدحام مع توافر انسيابية في المرور....
هناك جسران واحد مخصص للدخول والاخر مخصص للخروج.....

المول بصورة عامة جميل وهناك مركات جديدة لاول مرة تفتح عندنا ولكن غالبية المحالات والسوبر ماركت الفرنسية لم تفتح الى الان .....

اتوقع سيكون منافس قوي لقطر مول وسيسحب البساط منه بسبب موقعه الإستراتيجي على شارع الشمال


أين موقع المول ؟

[Miss]

أين موقع المول ؟

عند ايكيا


ننطر الافتتاح بشكل كامل

[م/ عبدالله]

فعلا اول مول عدل في الدوحه ، مرتب من حيث المداخل والمخارج وعدد كبير من المواقف، وفعلا المول كبير لدرجة انك تتعب وانت تمشي فيه، هذا وهو للحين مافتح بالكامل، باقي فيه الاماكن الترفيهيه والسينما للحين مافتحوا، اتوقع انه راح يغطي على قطر مول بالراااحه، والله يرحم ايام الستي وفيلاجيو ��

[ناسداك]

فعلا اول مول عدل في الدوحه ، مرتب من حيث المداخل والمخارج وعدد كبير من المواقف، وفعلا المول كبير لدرجة انك تتعب وانت تمشي فيه، هذا وهو للحين مافتح بالكامل، باقي فيه الاماكن الترفيهيه والسينما للحين مافتحوا، اتوقع انه راح يغطي على قطر مول بالراااحه، والله يرحم ايام الستي وفيلاجيو ��

فيلاجيو ما في مواقف كرهته لما اروح ما ادري ليش الزحمة فيه و ضيق و تحس الناس بتدعم بعض بس احسن ان افتحوا مولات جديدة و خصوصا البعيدة من اماكن الزحمة بس اعتقد اكثرها مكرره خصوصا الماركات المشهورة

[م/ عبدالله]

فيلاجيو ما في مواقف كرهته لما اروح ما ادري ليش الزحمة فيه و ضيق و تحس الناس بتدعم بعض بس احسن ان افتحوا مولات جديدة و خصوصا البعيدة من اماكن الزحمة بس اعتقد اكثرها مكرره خصوصا الماركات المشهورة

فيلاجيو كنسلوا جزء من المواقف عشان يفتحون محلات اكثر .. من مقترح الفكره؟

[naklan]

المولات صارت كثيرة وبتخدم البلد والحمد لله
وهذا المول موقعه زين وبيخدم المناطق الي محاذيه له
وبيخفف الزحام عن نص البلد الي في الريان عندهم مول قطر
واهل المريخ والمرة والعزيزية عندهم فيلاجيو وهذا المول
للخريطيات والخيسة وأم العمد وأم صلال بعد
فترة بيفتح مول بوابة الشمال بعد
الخير جاي وتشتت البشر
بيخفف الزحام

تحياتي اخوي

[fhd4]

المولات اللي فيها مواقف ومطاعم وخدمات ترفيهية ممتازة هي اللي لها المستقبل … والله يعين البقية

[MirusS]

حلوه اول مول عدل فقطر عجبتني ذي :)
باجر بروحه ان شالله

[الحياة الخالدة]

شخبار مول الحزم

[naklan]

شخبار مول الحزم

بيفتحونه مع نهاية عاصفة الحزم
شفته من الشارع يُبين خالص لفيت ابي ادش
وإلا السكيورتي يردني يقول للحين ما فتح شكله صغير
وبيفشل بعد فتح المجمعات الضخمة راحت عليه

:omen2:

[معماري قطري]

بيفتحونه مع نهاية عاصفة الحزم
شفته من الشارع يُبين خالص لفيت ابي ادش
وإلا السكيورتي يردني يقول للحين ما فتح شكله صغير
وبيفشل بعد فتح المجمعات الضخمة راحت عليه

:omen2:

كل صغير يكبر يا نقلان

[معماري قطري]

أهم شيء ما فيه صخب وازعاج بيستوي مول الشباب الراكد وبيكون عليه اقبال

[naklan]

أهم شيء ما فيه صخب وازعاج بيستوي مول الشباب الراكد وبيكون عليه اقبال

ههههههههههههه انت يابوعبدالله ما تحب تروح للمول
ومول قطر للحين ما دشيته مول الحزم اذا مافيه قروسري بيسكر
في سنته الاولى الدوحة مليانه مجمعات على مستوى انت
روح مر على فستفال وعلى مول قطر ومر على الحزم
وعقب احكم حضه المقرود خلاه جنب الاند مارك
وبن طوار وبوابه الشمال وازدان
راح وطي من الحين

[ابوعلي]

ما شاء الله كثروا المولات ونضيع في اساميهم واماكنهم

[naklan]

ما شاء الله كثروا المولات ونضيع في اساميهم واماكنهم

ابوعلي علشان لا تضيع خذ صبغ رش وعلم على كل زاوية
لين توصل المول ههههههههه الحين يابوعلي بين كل مول ومول
يوجد مول منطقة الدحيل صارت واشنطن

تحياتي يابوعلي

[ابوعلي]

ابوعلي علشان لا تضيع خذ صبغ رش وعلم على كل زاوية
لين توصل المول ههههههههه الحين يابوعلي بين كل مول ومول
يوجد مول منطقة الدحيل صارت واشنطن
تحياتي يابوعلي

ههههههههههههه والله الشباب يقولون لي المول الفلاني واقولهم أي صوب او استعين بجوجل ماب حتى اعرف المكان مب للروحة :taunt:

[معماري قطري]

ههههههههههههه انت يابوعبدالله ما تحب تروح للمول
ومول قطر للحين ما دشيته مول الحزم اذا مافيه قروسري بيسكر
في سنته الاولى الدوحة مليانه مجمعات على مستوى انت
روح مر على فستفال وعلى مول قطر ومر على الحزم
وعقب احكم حضه المقرود خلاه جنب الاند مارك
وبن طوار وبوابه الشمال وازدان
راح وطي من الحين

عندك بعد نظر كثرة الملات قرب بعض تخلي الخيار للأفضل .. وأي مول من ينفتح تحصل الناس يجونه بكثرة بس بعد فترة يخف الضغط عليه وحتى محلات تسكر

[معماري قطري]

ابوعلي علشان لا تضيع خذ صبغ رش وعلم على كل زاوية
لين توصل المول ههههههههه الحين يابوعلي بين كل مول ومول
يوجد مول منطقة الدحيل صارت واشنطن

تحياتي يابوعلي

واشنطن ما شفت فيها الا مولين بس عندنا بكثرة من قلب

[الحياة الخالدة]

بيفتحونه مع نهاية عاصفة الحزم
شفته من الشارع يُبين خالص لفيت ابي ادش
وإلا السكيورتي يردني يقول للحين ما فتح شكله صغير
وبيفشل بعد فتح المجمعات الضخمة راحت عليه

:omen2:

هلا فيك أخوي نكلان .. عاصفة الحزم شخبارها

المهم .. أنا اللي أعرفه إن المول كبير وفخم
حسب التقرير اللي شفناه

https://www.youtube.com/watch?v=0WGEKIskFL0

عاد شسالفته .. الله أعلــــــم

[naklan]

هلا فيك أخوي نكلان .. عاصفة الحزم شخبارها

المهم .. أنا اللي أعرفه إن المول كبير وفخم
حسب التقرير اللي شفناه

https://www.youtube.com/watch?v=0WGEKIskFL0

عاد شسالفته .. الله أعلــــــم


مرحبا وياهلا يأختي الحياة

شوفي اخبار عاصفة الحزم يبيلها سنة بالكثير وتخلص
على اخر حوثي على قوله الحوثيين يروح للجنة ياكول توفاح

https://m.youtube.com/watch?v=Me_IzVin7Sw

الدعاية للمول حلوه باقي اخر خطوه لي فتح نزوره وبنشوف يستاهل ولا
بنشوف غيره

تحياتي اختي الحياة الخالدة

[وحيد-الشوق]

من شوي كنت فيه اسف يا جماعة لكن هذا اغبى مجمع اشوفه حالياً شنو هالترتيب والنظام امحق مداخل وامحق مخارج حتى مواقف لذوي الاحتياجات الخاصة عند البوابات مافي يقولي روح صف هناك وحاطين مواقف خاصة ب30 ريال فاليت والمحتاجين يصفون بعيد والمسافة بعيده من البوابتين الأمامية وشمس ومافي ظلال لا لا صج ماتوفقوا في التنظيم والمجمع من داخل اقل من عادي وفيه سنتر بوينت :)

[naklan]

من شوي كنت فيه اسف يا جماعة لكن هذا اغبى مجمع اشوفه حالياً شنو هالترتيب والنظام امحق مداخل وامحق مخارج حتى مواقف لذوي الاحتياجات الخاصة عند البوابات مافي يقولي روح صف هناك وحاطين مواقف خاصة ب30 ريال فاليت والمحتاجين يصفون بعيد والمسافة بعيده من البوابتين الأمامية وشمس ومافي ظلال لا لا صج ماتوفقوا في التنظيم والمجمع من داخل اقل من عادي وفيه سنتر بوينت :)

تقصد فستيفال مول اخوي وحيد الشوق

دشيت داخل المول وما اعجبك ولا بالنسبة للمواقف فقط

اعتقد بما انه مول جديد بيتم تعديل الأخطاء لاحقا وبيصلحون
اخطائهم وبيحطون مواقف للمعاقين

بس نبي نعرف وجهة نظر الي دش وتجول في المول شنهو
انطباعه من الزيارة وبما انه لم يفتتح كاملا اعتقد انه بيتغير تدريجي
بعد افتتاح جميع المحلات أكيد بيكون شكل ثاني

[وحيد-الشوق]

تقصد فستيفال مول اخوي وحيد الشوق

دشيت داخل المول وما اعجبك ولا بالنسبة للمواقف فقط

اعتقد بما انه مول جديد بيتم تعديل الأخطاء لاحقا وبيصلحون
اخطائهم وبيحطون مواقف للمعاقين

بس نبي نعرف وجهة نظر الي دش وتجول في المول شنهو
انطباعه من الزيارة وبما انه لم يفتتح كاملا اعتقد انه بيتغير تدريجي
بعد افتتاح جميع المحلات أكيد بيكون شكل ثاني

عتبي الكبير على المواقف اكثر شيء انا مريت صوب بوابتين ومافي اي مواقف لذوي الاحتياجات مب معقول هالفئة وكبار السن يمشون مسافة طويلة!!! انا متعود في مجمعات وايد القى مواقف عند الباب مثل اللاجونا مدخل كارفور 4 مواقف وغيره من البوابات الثانية واللاند وفيلاجيو وجلف مول نفس الشيء موفرين مواقف قدام البوابات الله يجزاهم خير بس هذا مادري شقول صراحة حتى المخرج والطريق عند البوابة مسار واحد عسى ماشر

شوفوا الصورة المرفقة عاليسار هذا مخرج اجباري وقدام تنزيل ركاب طيب في مسافة كبيره بين البوابة والمواقف لين تمشي بتفح من الحر ومن داخل مادري شقول اشوفه عادي وغير مميز جنه جلف مول بس اكبر وارقى بس للأمانة حبيت الوسع لما تمشي ننتظر ونشوف لين يفتحونه بالكامل

99862

[mr. abdulla]

عتبي الكبير على المواقف اكثر شيء انا مريت صوب بوابتين ومافي اي مواقف لذوي الاحتياجات مب معقول هالفئة وكبار السن يمشون مسافة طويلة!!! انا متعود في مجمعات وايد القى مواقف عند الباب مثل اللاجونا مدخل كارفور 4 مواقف وغيره من البوابات الثانية واللاند وفيلاجيو وجلف مول نفس الشيء موفرين مواقف قدام البوابات الله يجزاهم خير بس هذا مادري شقول صراحة حتى المخرج والطريق عند البوابة مسار واحد عسى ماشر

شوفوا الصورة المرفقة عاليسار هذا مخرج اجباري وقدام تنزيل ركاب طيب في مسافة كبيره بين البوابة والمواقف لين تمشي بتفح من الحر ومن داخل مادري شقول اشوفه عادي وغير مميز جنه جلف مول بس اكبر وارقى بس للأمانة حبيت الوسع لما تمشي ننتظر ونشوف لين يفتحونه بالكامل


99862

اخوي وحيد متاكد رايح نفس المجمع... ؟ يمكن داش من المواقف الأمامية ... روح للمجمع من المواقف الخلفية ... مواقف كثيرة و قريبة من الباب.. و حبيت المجمع لانه مفتوح على بعضة و صعب تضيع فيه... و دخلته و طلعته من الهاي وي سهل...

بعدين اشفيه سنتر بوينت ؟!؟! ��

[وحيد-الشوق]

اخوي وحيد متاكد رايح نفس المجمع... ؟ يمكن داش من المواقف الأمامية ... روح للمجمع من المواقف الخلفية ... مواقف كثيرة و قريبة من الباب.. و حبيت المجمع لانه مفتوح على بعضة و صعب تضيع فيه... و دخلته و طلعته من الهاي وي سهل...

بعدين اشفيه سنتر بوينت ؟!؟! ï؟½ï؟½

بعد ماطلعت حاولت اروح ورى المجمع ماعرفت واللوحات
ضيعتني بس زين اذا في مواقف في الخلف لأني انا بعد مستغرب من هالمواقف اقول اكيد في شيء غلط لكن هذي بوابات وشو الي انا داش منها وليش المواقف بعيده عنها ؟!

[كشمه]

بعد ماطلعت حاولت اروح ورى المجمع ماعرفت واللوحات
ضيعتني بس زين اذا في مواقف في الخلف لأني انا بعد مستغرب من هالمواقف اقول اكيد في شيء غلط لكن هذي بوابات وشو الي انا داش منها وليش المواقف بعيده عنها ؟!

في وايد بوابات في المواقف السفلية تقدر تصف سيارتك جنب الباب نفس نظام قطر مول
وفيه اخطاء ولافتات وارشادات لازم يوضحونها اكثر خصوصا المواقف الخلفية
المواقف السفلية كبيرة جدا جدا على مد البصر لكن يبيلك تدخلها من خلف ايكيا
ومثل ما فيه سنتر بوينت اخوي فيه " هارفي نيكلز " و " كيلز " و" لادوريه" و" مدينة الثلج " و " واهايبر ماركت الفرنسي"
التنوع مطلوب

[RE-Qatar]

للحين اكثر من النص للحين مافتح الايام الجاية بيفتحون واغلبها ماركات واسامي جديدة شي طيب من ادارة الموال انهم جايبين شركات جديدة
المول حلو وبيكون احلى لما يفتح كامل

[MirusS]

احيهم بصراحه موقع المول وايد ممتاز . امس رحت المول ونال استحساني :)
فعلا مول جميل وواسع مع انه للحين ماكتمل
بس هل فيه مولات ثانيه راح يفتحونها قريب ولا خلاص؟ نبي مول عالمي

[MirusS]

بالنسبه للمواقف
في وايد مواقف فالمول بس المشكه فالمداخل والمخارج شوي تخربط الواحد

[ابو عادل]

بصراحة المداخل والمخارج جدا سيئة كأنها متاهة !!
كنا بنروح ايكيا ودخلناه بالغلط وضيعنا واكتشفنا ان العالم كلها مضيعة معانا طلعنا من نفس البوابه

[naklan]

استخلص من كلامكم ان العيب في اللوحات الارشادية
اهم شي لوحة الاكست للخروج تكون واضحة والباقي يتدبر امره
اعتقد والله اعلم إنكم للحين ما تعودتم على المكان لانه جديد
شوي بعد كم زيارة بتصير الأمور طيبة وبتتعودون
على المكان وعلى الدخول والخروج بسهولة

[معماري قطري]

استخلص من كلامكم ان العيب في اللوحات الارشادية
اهم شي لوحة الاكست للخروج تكون واضحة والباقي يتدبر امره
اعتقد والله اعلم إنكم للحين ما تعودتم على المكان لانه جديد
شوي بعد كم زيارة بتصير الأمور طيبة وبتتعودون
على المكان وعلى الدخول والخروج بسهولة

المفروض كل شيء واضح وسهل من أول مرة هذا دليل تخبط كبير

[وحيد-الشوق]

‏
في وايد بوابات في المواقف السفلية تقدر تصف سيارتك جنب الباب نفس نظام قطر مول
وفيه اخطاء ولافتات وارشادات لازم يوضحونها اكثر خصوصا المواقف الخلفية
المواقف السفلية كبيرة جدا جدا على مد البصر لكن يبيلك تدخلها من خلف ايكيا
ومثل ما فيه سنتر بوينت اخوي فيه " هارفي نيكلز " و " كيلز " و" لادوريه" و" مدينة الثلج " و " واهايبر ماركت الفرنسي"
التنوع مطلوب

شكراً لك بعطيه فرصة وبروح اشوفه مره ثانية صحيح التنوع مطلوب لكن بعد التكرار ممل وسنتر بوينت موجود في جلف مول الي يبعد عن المجمع بمسافة قريبة

‏
احيهم بصراحه موقع المول وايد ممتاز . امس رحت المول ونال استحساني :)
فعلا مول جميل وواسع مع انه للحين ماكتمل
بس هل فيه مولات ثانيه راح يفتحونها قريب ولا خلاص؟ نبي مول عالمي

بأذن الله الحزم بيكون عالمي كتشطيب وفخامة الشغل والتصميم متعوب عليه رخام ايطالي ويوناني حجر فلسطيني من اجود الانواع ويقولون كل المحلات بتكون جديده وغير مكرره وعندك مول كتارا بلازا تقريباً قبل نهاية السنة وبيكون فيه جاليري لافاييت ومول بلاس فاندوم في لوسيل وغيره بعد احس من قدام بنكره الكجمعات والمولات :)

[ka2ka2]

المول نفس مساحة دبي مول او فلاجيو ؟

[JN000N]

بالنسبه لي اي مول يكون فيه سنتر بوينت يعني قريبا بيندمر
لا وبعد جنب ايكيا
بيقلب المول نيودلهي

[بوحارب]

امس الصبح كنت هناك

وبينما احتسي معشوقتي السمراء في احد المقاهي

دخل علينا وقت صلاة الظهر وخلص الوقت ولم اسمع صوت الأذان

لماذا يا فيستيفال؟...

[حمد 2002]

مايعجبني ولا مول بقطر ..

دبي غير :o

[حمد 2002]

رحت مول قطر ، كبير عالفاضي ومافيه مكاين صرافه وايد ..

رحت فيستفال سيتي اتدور واتدور وماتعرف شسالفه ..

ممممم

عندي الستي سنتر بالرغم من قدمه الا انه فيه كل شيء ومريح نفسيا ، بس اتمنى توسعتع قليلا وتنويع المحلات والمطاعم به والفعاليات ...

[بومحمد المطاوعه]

للحين مافتح بشكل رسمي


ماشاءالله شكثر مولات
عادي بكره فالفريج نشوف مول

[بومحمد المطاوعه]

بالنسبه لي اي مول يكون فيه سنتر بوينت يعني قريبا بيندمر
لا وبعد جنب ايكيا
بيقلب المول نيودلهي

هههههههههههه

ابشرج في حلقه وصل من ايكيا للمجمع

يعني بيصير وضعه مثل الستي

[بوحارب]

نصيحة يالربع حاسبوا من المواقف لان مسوين نفس الصبيات عشان اعمدة المظلات

يعني عادي يروح جمب الموتر بسبب غفله بسيطة

والصراحة صاحب الفكرة حق المظلات غبي غبي غبي

[بومحمد المطاوعه]

نصيحة يالربع حاسبوا من المواقف لان مسوين نفس الصبيات عشان اعمدة المظلات

يعني عادي يروح جمب الموتر بسبب غفله بسيطة

والصراحة صاحب الفكرة حق المظلات غبي غبي غبي

ههههههه
شكله حمد المهندس

[الحياة الخالدة]

بالنسبه لي اي مول يكون فيه سنتر بوينت يعني قريبا بيندمر
لا وبعد جنب ايكيا
بيقلب المول نيودلهي
انتي أكبر عنصرية
يعني تبينهم يموتون من الجوع ؟؟!!

[بومحمد المطاوعه]

انتي أكبر عنصرية
يعني تبينهم يموتون من الجوع ؟؟!!

اشدعوه مافي اكل الا فالموول

اشلووون جيييزييييه يووووووبا

[الحياة الخالدة]

اشدعوه مافي اكل الا فالموول

اشلووون جيييزييييه يووووووبا

يمكن الأكل اللي يحبونه مب موجود الا في هالمول
مب قاصرها إلا تطالب بمول خاص للقطريين

[مختلف جداََ]

بومحمد رااااااايق

الحياة تضرب من تحت الحزام :thumbup:

هههههههههه

[JN000N]

انتي أكبر عنصرية
يعني تبينهم يموتون من الجوع ؟؟!!

توج تدرين اني عنصريه

[JN000N]

اشدعوه مافي اكل الا فالموول

اشلووون جيييزييييه يووووووبا

امس رحت ايكيا
قدني رايحه من قبل فويكند وجفت الهوايل
عاد امس جفت نص الهوايل
تبطح عالسرير ويزخخون كل شي
وحتى الملاحف المعلقه سنبل ماسلمو
يلمونهم ويحكون ويوههم فيها
جني بها ريحة اغراض ايكيا دهن تاتا

[مختلف جداََ]

امس رحت ايكيا
قدني رايحه من قبل فويكند وجفت الهوايل
عاد امس جفت نص الهوايل
تبطح عالسرير ويزخخون كل شي
وحتى الملاحف المعلقه سنبل ماسلمو
يلمونهم ويحكون ويوههم فيها
جني بها ريحة اغراض ايكيا دهن تاتا

:eek2::eek2::eek2::eek2::eek2:

[بومحمد المطاوعه]

يمكن الأكل اللي يحبونه مب موجود الا في هالمول
مب قاصرها إلا تطالب بمول خاص للقطريين

خخخخ

خلوها تطلب
تستاهل

تهقين بيسوون فقط للقطرين
مافي امل

[بومحمد المطاوعه]

امس رحت ايكيا
قدني رايحه من قبل فويكند وجفت الهوايل
عاد امس جفت نص الهوايل
تبطح عالسرير ويزخخون كل شي
وحتى الملاحف المعلقه سنبل ماسلمو
يلمونهم ويحكون ويوههم فيها
جني بها ريحة اغراض ايكيا دهن تاتا


واااااااااااال

اي والله شفت انا بعيوني
لو بتاخذين شي وقالو لج اخر حبه تحملللللي
تاخذينه
حتى لو طاوله
بعد متسدحين عليها :eek2:

[وليف الشوق]

انا مريت المول وتعاملت مع المحلات من ناحية الاسعار لكن صراحة الاسعار مبالغ فيها واغلى من مول قطر

[mr. abdulla]

إنتوا شفيكم على سنتر بوينت... !! طاح المول من عينكم بسبت المحل؟

[وحيد-الشوق]

بالنسبه لي اي مول يكون فيه سنتر بوينت يعني قريبا بيندمر
لا وبعد جنب ايكيا
بيقلب المول نيودلهي

هههههههه هذا الي اقصده هالمحلات تسبب زحمة وخاصة وقت التنزيلات واجازة نهاية الاسبوع اليوم مريت عالمجمع ثاني مره قلت اروح اخذ لي من ستاربكس قريب من دوامي صراحه المجمع مايفتح النفس جنه سيتي سنتر على جلف مول التشطيب عادي وترتيب المحلات اقل من عادي مافيه تفاصيل حلوة ومميزة

[naklan]

رحت وشفت المول زين حق التمشي
مواقف مريحة ودخول وطلوع سلس المول
عادي مثل الاند مارك تقسيمة المحلات
ما شفت فيه كشخة مول دبي
او مول الامارات عادي

[naklan]

اي نسيت ابي اسئل حد راح مول الحزم
اشوفه مفتوح يعطينا أخباره وانطباعه
ويعزمني اذا امكن والحساب عليه

[الحياة الخالدة]

اي نسيت ابي اسئل حد راح مول الحزم
اشوفه مفتوح يعطينا أخباره وانطباعه
ويعزمني اذا امكن والحساب عليه
يعني المول فتح ؟؟

[naklan]

يعني المول فتح ؟؟

أمس مار عليه اشوف سيارات بالهبل
برا من كل صوب أكيد فتح مري وعطينا
انطباعج وشربي كوفي علشان
رمضن قراب ما فيه كوفي

[طلعة الروح]

اذا زرته بقولكم رايي لانه مب حولي واتوقع مجمعاتنا محلاتهم كوبي بيست فأفضل اروح مجمعات اقرب لي ماعدا الستي مسويتله استثناء

[معماري قطري]

نصيحة يالربع حاسبوا من المواقف لان مسوين نفس الصبيات عشان اعمدة المظلات

يعني عادي يروح جمب الموتر بسبب غفله بسيطة

والصراحة صاحب الفكرة حق المظلات غبي غبي غبي

أكيد القماشية يموتون عليها مع إنها تخترب سرعة

[معماري قطري]

امس رحت ايكيا
قدني رايحه من قبل فويكند وجفت الهوايل
عاد امس جفت نص الهوايل
تبطح عالسرير ويزخخون كل شي
وحتى الملاحف المعلقه سنبل ماسلمو
يلمونهم ويحكون ويوههم فيها
جني بها ريحة اغراض ايكيا دهن تاتا

ههههههه ذبحني وصفج

المفروض يحطون لهم لافتات مكتوب عليها ما يتبطحون على السرير

عاد لو وحدة دبة ولابسة ساري والبطن طالع أُف المنظر بيخلي اللي نفوسهم حساسة مثلي يهاجرون قطر

أذكر في مول كانوا عارضين أسرة sleepnumber وهذي ماركة جديدة تنضبط الحرارة حسب الرغبة .. سرير الكتروني والواحد يستأذن وحاطين سرير للتجربة يقولون للي يبي جرب انا جربت ما ودي اقوم

[راجي الْعفو]

أهم شيء ما فيه صخب وازعاج بيستوي مول الشباب الراكد وبيكون عليه اقبال

مول و للشباب هاي وين صارت ^_^
ضحكتني يا بو عبدالله

الخروج للاسواق صار للحريم

اما الشباب فهم قارين في مجالسهم اقصد في بيوتهم ^_^

[راجي الْعفو]

ههههههه ذبحني وصفج

المفروض يحطون لهم لافتات مكتوب عليها ما يتبطحون على السرير

عاد لو وحدة دبة ولابسة ساري والبطن طالع أُف المنظر بيخلي اللي نفوسهم حساسة مثلي يهاجرون قطر

أذكر في مول كانوا عارضين أسرة sleepnumber وهذي ماركة جديدة تنضبط الحرارة حسب الرغبة .. سرير الكتروني والواحد يستأذن وحاطين سرير للتجربة يقولون للي يبي جرب انا جربت ما ودي اقوم
بنزوجك هالدبة تونسك في سفرتك الدراسية الجاية ^_^

[بوعلاوي]

للحين ما شفته .. احاول بكره

[معماري قطري]

بنزوجك هالدبة تونسك في سفرتك الدراسية الجاية ^_^

انت مصر تورطني بالثانية

[معماري قطري]

مول و للشباب هاي وين صارت ^_^
ضحكتني يا بو عبدالله

الخروج للاسواق صار للحريم

اما الشباب فهم قارين في مجالسهم اقصد في بيوتهم ^_^

صدقت آخر مرة رحت مول قطر ما فيه الا حريم وأجانب وصج زيارتي سريعة ما طولت

[naklan]

مازال السؤال جاري حد راح مول حزم المرخية ؟؟؟
الي شافه يعطينا انطباعه عنه

[Qatar 2030]

رحت مول قطر ، كبير عالفاضي ومافيه مكاين صرافه وايد ..

رحت فيستفال سيتي اتدور واتدور وماتعرف شسالفه ..

ممممم

عندي الستي سنتر بالرغم من قدمه الا انه فيه كل شيء ومريح نفسيا ، بس اتمنى توسعتع قليلا وتنويع المحلات والمطاعم به والفعاليات ...

فعلا الستي سنتر بالنسبة لي اكثرهم راحة رغم قدمه

[وحيد-الشوق]

مازال السؤال جاري حد راح مول حزم المرخية ؟؟؟
الي شافه يعطينا انطباعه عنه

مافتح فيه غير الكافيهات الي برا والعالم جنهم ماشافوا خير طوابير في كافيه ليتو عشان ياكلون كيكة الحليب ويصورون

اصبروا شوي مب من يفتح مكان تخلونه هبه وكل ربعنا عنده والكل متصرقع*

[naklan]

مافتح فيه غير الكافيهات الي برا والعالم جنهم ماشافوا خير طوابير في كافيه ليتو عشان ياكلون كيكة الحليب ويصورون

اصبروا شوي مب من يفتح مكان تخلونه هبه وكل ربعنا عنده والكل متصرقع*


ههههههه الحمد لله والشكر
كل هالزحمة على كيكة حليب
عمره ما تبخر تبخر
واحترق

[معماري قطري]

ههههههه الحمد لله والشكر
كل هالزحمة على كيكة حليب
عمره ما تبخر تبخر
واحترق

تذكر أسكريم الحليب اللي تبيعه السيارات في الفرجان بنص ريال .. أحسن يمكن

[ممنوع اللمس]

ست مليار؟
يعني اغلى من الحزم

[المحاميه]

ماعندي تعليق
واشك انه عدل

[JN000N]

ههههههه الحمد لله والشكر
كل هالزحمة على كيكة حليب
عمره ما تبخر تبخر
واحترق

لا
كيكة الحليب سووها تاجرات ومادري من وانباعت على خفيف
بس عشان الكافيه ف لندن ف النايتسبردج
عرفت السالفه الحين؟
نفس حركات اللي مانشتري ورد الا من محل اونلي روز لانه براند وفي لندن مفتوح بعد نفس المنطقه
بالضبط هو عمره ماتبخر وتبخر واحترق ههههههه

[معماري قطري]

ست مليار؟
يعني اغلى من الحزم

إخوي في قطر كثير من المطورين ما يقولون الحقيقة .. بعضهم شركاتهم تبني لهم وهو يوقع العقد مع نفسه .. أو شركة لها مصلحة مع المالك وعلاقتهم مثل الشراكة .. تحصلهم يضربون أخماس في أسداس ويوصلون السعر فوق حتى الممول وفي الغالب بنك اسلامي يدفع .. كل ما كان السعر أعلى المردود للشراكة بين المقاول والمالك يكون أعلى

فرضاً كلف في الحقيقة 5 مليار وتم استلام 6 مليار المليار الزايد يتقاسمونه ويدخلون في مشروع مربح أكثر ويسددون فلوس البنك براحتهم

بعدين تستوي سمعة عندهم إن عقارهم مكلف أكثر يعني لتتوقعون تأجير برخيص

أعرف واحد الله يستر عليه كل أغراضه هو يستوردها وشركته اللي تبني له وباني عمارة عادية بس ملبسها كلها رخام ودعايتها على ذاك الوقت أكبر منها ويقول كلفت 45 مليون وانا اتوقع بالكثير 20 مليون .. هذا من حول 20 - 25 سنة

شيصير؟

تستوي هذي ظاهرة والكل يزايد بأنه دافع أكثر ونستوي ما نتخيل بنيان بسعر معقول مهما صغر ولا شارع بسعر معقول

[معماري قطري]

لا
كيكة الحليب سووها تاجرات ومادري من وانباعت على خفيف
بس عشان الكافيه ف لندن ف النايتسبردج
عرفت السالفه الحين؟
نفس حركات اللي مانشتري ورد الا من محل اونلي روز لانه براند وفي لندن مفتوح بعد نفس المنطقه
بالضبط هو عمره ماتبخر وتبخر واحترق ههههههه

لازم يكون فيه ذوق وعقل اشتري شيء بسعر معقول ويشبعني

هو كله أكل ونعمة

من أيام واصلني وتس أب عن مطعم يبيع بيتزا ب 2700 دولار .. ومكوناتها غالية كافيار وما ادري أي نوع من الطحين وقصة طويلة بس 2700 على بيتزا مبلغ مب بسيط حول 10000 ريال والله يحرم عبده من النعمة لو يصرفها على أكلة بسيطة بهذا المبلغ

[الحياة الخالدة]

رحت للفستيفال أخيراً الحمد لله
مادري شلون دشيت وشلون طلعت الصراحة ههههههههههه
بس المول شرح وواسع .. ارتحت له أكثر من قطر مول
لكنه يتعب في المشي والبوابات مالها أسماء محددة وإنما بالأحرف يعني تخربط شوي
محلات وايد للحين ما فتحت .. يعني يبي له وقت لحد ما تكتمل جميع المحلات
يحتاج له أكثر من زيارة للتعود عليه

[وسمي2016]

رحت للفستيفال أخيراً الحمد لله
مادري شلون دشيت وشلون طلعت الصراحة ههههههههههه
بس المول شرح وواسع .. ارتحت له أكثر من قطر مول
لكنه يتعب في المشي والبوابات مالها أسماء محددة وإنما بالأحرف يعني تخربط شوي
محلات وايد للحين ما فتحت .. يعني يبي له وقت لحد ما تكتمل جميع المحلات
يحتاج له أكثر من زيارة للتعود عليه


المشي زين,,,,,صحه ورياضه,,,,:nice:,,,,,,

انا واحد ما احب المولات نهائي,,,واذا صدف ودخلت لسبب ما

ما اصدق اللحظه اللي بطلع منه,,,,,,,,,,ههههههه

[المحاميه]

مانقدر نحكم عليه لانه مب مكتمل ..
بس حسيته ضيق
وممراته تخربط

[مرتبش]

مميزات المول مواقفه كثيرة جدا .. المداخل للمول من المواقف كثيرة يعني ماتوقف بعيد عن الباب...المدخل والمخرج من الطريق السريع مباشرة بدون اشارات ودوارات .. المول كبير وممتع للمشي في صيفنا الجميل .
مشاكل المول بسيطة وتنحل بسهولة ان شاء الله اولها عدم وجود اشارات واضحة من الطريق السريع للدخول للمول بسبب الانشاءات والله اعلم .. المشكلة الثانية في المواقف الخارجية في الطابق الثاني حيث اعمدة المظلات مثبتة على قواعد اسمنتية والسيارات الكبيرة صعب مرورها هناك.. الافضل الابتعاد عنها تماما واستخدام المواقف تحت الارض

[الحياة الخالدة]

المشي زين,,,,,صحه ورياضه,,,,:nice:,,,,,,

انا واحد ما احب المولات نهائي,,,واذا صدف ودخلت لسبب ما

ما اصدق اللحظه اللي بطلع منه,,,,,,,,,,ههههههه
صحيح المشي صحة .. بس الكبر شين وانا اختك
وانا رايحة اصلاً أدور لي على صندل أو غيره (الله يعزك) مريح للقدم ومناسب لمرضى السكر
يعني ما طلعت الا ريولي تعورني ههههههههههه

[الحياة الخالدة]

مميزات المول مواقفه كثيرة جدا .. المداخل للمول من المواقف كثيرة يعني ماتوقف بعيد عن الباب...المدخل والمخرج من الطريق السريع مباشرة بدون اشارات ودوارات .. المول كبير وممتع للمشي في صيفنا الجميل .
مشاكل المول بسيطة وتنحل بسهولة ان شاء الله اولها عدم وجود اشارات واضحة من الطريق السريع للدخول للمول بسبب الانشاءات والله اعلم .. المشكلة الثانية في المواقف الخارجية في الطابق الثاني حيث اعمدة المظلات مثبتة على قواعد اسمنتية والسيارات الكبيرة صعب مرورها هناك.. الافضل الابتعاد عنها تماما واستخدام المواقف تحت الارض

الحمد لله اني دشيت تلقائياً للمواقف تحت الأرضية والا چان توهقت وهقة عمري نفس ما صار لي يوم دشيت المواقف متعددة الطوابق اللي عند سوق الديرة والعسيري .. حسيت الصعدة للطابق الأول مثل الحياسة اللي مالها نهاية واللفات على قد السيارة بالضبط يعني كنت اسوق فيها بسرعة الحمسة من الخرعة .. رحمة ربنا محد كان وراي والا جان ندم على الساعة اللي فكر يدش فيها هالمواقف

[الزعفراني]

يشبه فيستفال القاهرة .. نفس التصميم ونفس المالك او المطوّر ( الفطيم ) .. بس اللي في القاهره اكبر بكثير وفيه ممشى خارجي ونافورة ومطاعم حولها .. نفس اللؤلؤة عندنا ..

احلى شي في مولنا انه قريب من بيتي يعني وداعاً للزحمه والمشاوير :)

[الزعفراني]

ايه نسيت اقولكم .. بيفتتحون الالعاب في شهر 8 ويقولون ان الالعاب هي الشي المميز في المول عن باقي المولات

وشكرا

[الدوحه1]

قريبا "مول الدوحه"..
(مقابل اكاديمية الجزيره)



https://www.gulf-up.com/do.php?img=318068 (https://www.gulf-up.com/)

[بوخالد911]

قريبا "مول الدوحه"..
(مقابل اكاديمية الجزيره)



https://www.gulf-up.com/do.php?img=318068 (https://www.gulf-up.com/)

يوميا أمر عليه
قريب من البيت

مستحيل يفتح قريبا

للحين يبيلهم شغل واااايد

[naklan]

رحت للفستيفال أخيراً الحمد لله
مادري شلون دشيت وشلون طلعت الصراحة ههههههههههه
بس المول شرح وواسع .. ارتحت له أكثر من قطر مول
لكنه يتعب في المشي والبوابات مالها أسماء محددة وإنما بالأحرف يعني تخربط شوي
محلات وايد للحين ما فتحت .. يعني يبي له وقت لحد ما تكتمل جميع المحلات
يحتاج له أكثر من زيارة للتعود عليه


ههههههههههه واخيرا انفكت العقدة وشفتي المول
لا وبعد ما تعرفين شلون دشيتي وشلون طلعتي
هههههههههههههه لأحد يضيع بس

[naklan]

وين موقع مول الدوحة بالضبط لا تقولون
أكاديمية الجزيرة بعد ما اعرف وين

[naklan]

اعتقد بعد كم سنه بيصير عندنا 40 مول
وعلشان تزورونها كلها يبيلكم جدول كل 15 يوم
في مول بتلفونها في سنتين الله يعطيكم
طولة العمر وتلفونهم كلهم :tooth:

[naklan]

تذكر أسكريم الحليب اللي تبيعه السيارات في الفرجان بنص ريال .. أحسن يمكن

هههههههههه تعال نشتري اثنين أسكريم ونقعد على الرصيف
نتذكر الماضي الجميل

[naklan]

لا
كيكة الحليب سووها تاجرات ومادري من وانباعت على خفيف
بس عشان الكافيه ف لندن ف النايتسبردج
عرفت السالفه الحين؟
نفس حركات اللي مانشتري ورد الا من محل اونلي روز لانه براند وفي لندن مفتوح بعد نفس المنطقه
بالضبط هو عمره ماتبخر وتبخر واحترق ههههههه

ذكرتيني بيتزا هارولدز ربعنا يا في البيتزا يا واقفين
شو احذا سياراتهم اختربت سفرتهم وهم مثل النواطير
حذا السيارة رحمتك يا رب ههههههههههه

[naklan]

لازم يكون فيه ذوق وعقل اشتري شيء بسعر معقول ويشبعني

هو كله أكل ونعمة

من أيام واصلني وتس أب عن مطعم يبيع بيتزا ب 2700 دولار .. ومكوناتها غالية كافيار وما ادري أي نوع من الطحين وقصة طويلة بس 2700 على بيتزا مبلغ مب بسيط حول 10000 ريال والله يحرم عبده من النعمة لو يصرفها على أكلة بسيطة بهذا المبلغ

تعال عازمك على كيمة عند حمود ب 16 ريال
ونطلع مثل الملك فاروق نتلفت هههههه

[الحياة الخالدة]

ههههههههههه واخيرا انفكت العقدة وشفتي المول
لا وبعد ما تعرفين شلون دشيتي وشلون طلعتي
هههههههههههههه لأحد يضيع بس

إلا والله ضعت في الطلعة وحست في شوارع الخيسة لين الله شاف لي
عقب ما وعيت إلا أنا على طريق الجامعة .. اللهم لك الحمد

[الحياة الخالدة]

وين موقع مول الدوحة بالضبط لا تقولون
أكاديمية الجزيرة بعد ما اعرف وين

الله يسلمك هذا حذا مركز شرطة مسيمير .. حوالينا قريب من محطة بوهامور
إن شاء الله تكون دلالتي صح :nice:

[معماري قطري]

هههههههههه تعال نشتري اثنين أسكريم ونقعد على الرصيف
نتذكر الماضي الجميل

الله يعطيك الصحة

انا من المستحيل عندي قعدة الأرض .. يمكن الرصيف لو مرتفع مثل الكرسي ينفع بس يبي لي سحب حتى اقدر اقوم

[معماري قطري]

تعال عازمك على كيمة عند حمود ب 16 ريال
ونطلع مثل الملك فاروق نتلفت هههههه

جربت كيمة سامكو؟

خلاص مقبولة عزيمتك بتكون عزيمة كيميائية

[بومحمد911]

كم أكره الافتتاح الجزئي :(

استعدوا عدل وزين ما زين وبعدين افتحووووووووووووووووووووه


اي والله صدقت

[مرتبش]

جربت كيمة سامكو؟

خلاص مقبولة عزيمتك بتكون عزيمة كيميائية

وينه سامكو .. صار صخر صخر
الا صج .. وين احلى كيمة

[شبح الصمت]

صراحة المجمع متنوع وحلوو في محلات جديدة مب موجودة في اي مجمع ثاني ...

صج كبير ويتعب في المشي بس الي لاحظته انه المطاعم وشفتهم مطاعم عادية واصلا ما قدرت اكمل المجمع كامل ..

[naklan]

إلا والله ضعت في الطلعة وحست في شوارع الخيسة لين الله شاف لي
عقب ما وعيت إلا أنا على طريق الجامعة .. اللهم لك الحمد

مت من الضحك على سالفتج وضيعتج
ابسط من الدخول والخروج ما فيه من الجسر مكتوب
الفستفال ومن المجمع الطلعة مكتوب للدوحة والعبيب
والشمال وكل مكان شلون تضيعون والله لو تقطيني
في بر بلا ارشادات ما اضيع اضيع في مبنى
طوله كيلو انا حتى المحل الي ابيه اوقف
تحته ويطلع صح اقرب مدخل

[naklan]

الله يسلمك هذا حذا مركز شرطة مسيمير .. حوالينا قريب من محطة بوهامور
إن شاء الله تكون دلالتي صح :nice:

انتي المشرفة لازم يطلع وصفج صح ههههه
زين صار مول حذا البيت علشان ماحدش يتوه
مغسي بكو مزمزيل

[naklan]

الله يعطيك الصحة

انا من المستحيل عندي قعدة الأرض .. يمكن الرصيف لو مرتفع مثل الكرسي ينفع بس يبي لي سحب حتى اقدر اقوم

ويعطيك الصحة والعافية اخوي معماري
انت قولي شلي خربان عندك اوفر لك القطعة في 5 ايام
انت تعال نأكل اسكريم ووقت القومة بنركب لك جيك
وبنرفع وبعد ما نأكل الأسكريم نتم نحلف على
بعظ من يدفع ونتهاوش وتأليتها نص ريال
ههههههههههههه

[naklan]

جربت كيمة سامكو؟

خلاص مقبولة عزيمتك بتكون عزيمة كيميائية

هههههه احلا عزيمة سامكو كلت فيه مرتين ثلاث
من زمان الحين ما طب ذاك الصوب

[معماري قطري]

هههههه احلا عزيمة سامكو كلت فيه مرتين ثلاث
من زمان الحين ما طب ذاك الصوب

هشكل عيل خلنا نرتب سفرة لميامي اراويك دهاليز المطاعم هناك

[الحياة الخالدة]

مت من الضحك على سالفتج وضيعتج
ابسط من الدخول والخروج ما فيه من الجسر مكتوب
الفستفال ومن المجمع الطلعة مكتوب للدوحة والعبيب
والشمال وكل مكان شلون تضيعون والله لو تقطيني
في بر بلا ارشادات ما اضيع اضيع في مبنى
طوله كيلو انا حتى المحل الي ابيه اوقف
تحته ويطلع صح اقرب مدخل
عاد انتو الرياييل غير

[naklan]

هشكل عيل خلنا نرتب سفرة لميامي اراويك دهاليز المطاعم هناك


الوعد في الكوكونت قروف
نأكل مارينارا على ربيان وسي فود ومرشوش
عليها شوية جبن ايباه

[معماري قطري]

الوعد في الكوكونت قروف
نأكل مارينارا على ربيان وسي فود ومرشوش
عليها شوية جبن ايباه

فيه قهوة على الزاوية نسيت اسمها كنت كله اقعد هناك .. يسوون سندويشات خفيفة وعصير بس شرط تحاول تصف قريب وتقعد فيها قريب الرصيف وشوف الحشرة أيام الويك اند ولا اللي يمرون منزلين سياراتهم تحك في الأرض وكلها ليتات تحت يذبحوني ضحك

[راجي الْعفو]

جربت كيمة سامكو؟

خلاص مقبولة عزيمتك بتكون عزيمة كيميائية

يا الله يا بوعبدالله وين طلعت هالاغبرة

الحين صار الايس كريم مع عصير المانجا غالي

الله يرحم ايام القصدير و قلاص البلاستك الصغير ^_^

[معماري قطري]

يا الله يا بوعبدالله وين طلعت هالاغبرة

الحين صار الايس كريم مع عصير المانجا غالي

الله يرحم ايام القصدير و قلاص البلاستك الصغير ^_^

ماضي قريب ما يننسى

ألحين الغلا في كل الدول العربية

مساكين المصريين وهم يتكلمون عن غلا بلادهم يكسرون الخاطر .. إحنا عندنا الوضع كثير أهون بس بعد مستوى التضخم في ارتفاع مستمر