البطالة في قطر = صفر

[غريب الدّار]

صبحكم الله بالخير


من فترة دار نقاش بيني وبين مدير الموارد البشرية في احدى الجهات ، وذكر من ضمن النقاش ان لاتوجد بطالة في قطر

وان كل الطلبات اللي تورد او كانت تورد للتنمية عبارة عن ناس يبون يغيرون وظايفهم وليس ناس غير موظفين

طبعا هذا كلامه والعهدة عليه


يمكن كلامه صحيح او غير صحيح


سؤالي : هل توجد نسبة معلنة للبطالة في قطر ؟


هل كلامه صحيح ؟


ارجع وأقول : العهدة عليه ، وهو غير معصوم من الخطأ او النسيان ، وبالنسبة لي قد يكون كلامه صحيح او غير صحيح



والله ولي التوفيق

[لبيبة]

السلام عليكم ورحمة الله وبركاته،

البطالة موجودة، ولكن المشكلة ان المسؤولين لا يعرفون أنها حقيقية،

والوظائف اللي يستحقونها هالقطريين بمؤهلاتهم،

يشغلونها أجانب.

سجل عندك قطرية عاطلة عن العمل.

[العنيده]

لا في والله المستعان :yes:

[الحاقول]

مدير الموارد البشرية شكله مايستمع الى برنامج وطني الحبيب صباح الخير

[مختلف جداََ]

يا ريااااال

بالله عليكم قولو لي الكاونترات اللي في غرفة قطر تحت شنو يخلصون فيها المراجعين ؟؟!!!

[العنيده]

جريدة الشرق في الوسيط اليوم اعلان له خاص في الموضوع ( قطري يبحث عن عمل )
الله يرزقه من اوسع ابوابه ان شاء الله :yes:

[ساراام]

عن نفسي اعرف وايد ناس ف الفتره الاخيره توظفو عن طريق وزاره التنميه

لكن البعض مايعجبهم المكان،،والبعض الثاني حابين يغيرون وظيفتهم

والثانوي بيتوظف اسرع من الجامعي

[Miss]

السلام عليكم ورحمة الله وبركاته،

البطالة موجودة، ولكن المشكلة ان المسؤولين لا يعرفون أنها حقيقية،

والوظائف اللي يستحقونها هالقطريين بمؤهلاتئهم،

يشغلونها أجانب.

سجل عندك قطرية عاطلة عن العمل.
:thumbup1:

[راعي الكورفت]

صح كلامه 100%

لايوجد بطاله بين القطريين.

الذين يعانون من البطاله هم الذين يتشرطون قبل مايتوظفون وهذي النوعيه عمرها مابتلاقي وظيفه.

[العرابي]

انا عن نفسي عاطل عن العمل
وانا سعودي موب قطري لكن زوجتي قطريه
وشهادتي حلوه بكالوريوس دكتور صيدلي
لكن للاسف الشديد محارب من قبل الاجانب
ومن بعض القطريين
ماقول غير حسبي الله ونعم الوكيل
من ناحيه القطريين كثير حولي من الاهل عاطلين الله كريم
والي يقول وزاره التنميه توظف صحيح لكن في ناس تنطر سنه سنتين واكثر وفي النهايه يرسلونهم لوزاره الصحه!؟ يعني هذي الفتره كلها عشان وظيفه عاديه في وزاره
الصحه
والاجانب متربعين ومستانسين كل واحد جايب رزمه من اليهال
تحصل كل اسره اجنبيه عندهم عشره او اكثر عشان يصيرون مواليد قطر
ويتوظفون بسرعه بالجيش او لخويا وبقيه الاقسام
لكن لو كان سعودي هو مواليد قطر قالو له جيب ورقه عدم ممانعه من السعوديه
لكن بقيه الجنسيات تسهيلات ماقول غير حسبي الله ونعم الوكيل

[رُفق المجنّا]

غير صحيح

يوجد بطالة ووزارة التنمية لا تستقبل طلبات من هو ع راس العمل ويرغب في تغيير وظيفته

[BLING-QTR]

في بطاله

انا وغيري حفينا واحنا ندور وظايف لا تشرطنا ولاشي رضينا بكل شي رشحونا له وزارة التنميه صار لي فوق السنه من تخرجت من المدينه التعليميه وانا ادور شغل محد يبي يوظف اول اللي الناس ما ترد عالايميل الحين صاروا يردون بالرفض وغير الاميلات اللي توصلني شكرا على حضور المقابله اللي اصلا محد ناداني لها بس شنقول الشكوى لله

للاسف وزارة التنميه ما لهم اي سلطه بس يرشحون وهذا كلام آخر موظفه كلمتني للترشيح لوظيفه وآخر اتصال جاني منهم من فوق الست شهور

ما تشرطت لا انا ولا ربعي راضيين باي وظيفه وصلت فينا نترجاهم يدورون لنا وظيفه بالثانويه ولو في شاغر بالاعدادي بقبل فيها اهم شي راتب يمشي لي متى اهلنا يعلفون علينا بهالعمر خبره وموجوده شهاده وموجوده وإذا طلبوا نستغنى عن الشهاده والخبره ما عندي اي مانع

ارجع واقول في بطاله والوظيفه الحين بالتفق الواحد يحصلها زمن الشريطيه والدلع انتهى

[Al-Kuwari]

كلام فاضي
اختي متخرجه 9/2015 بكالريوس ادارة اعمال وتسويق من جامعة قطر بمعدل 2.93 وعندها ايلتز 6.5 ومع ذلك تمت تروح مقابلات وبعدها محد يرد وما رفضت اي وظيفة ما عدا وظائف البنوك الربوية فقط , وتوها بس الحين اول شهر 4 سوت مقابله وتقريبا امورها بتمشي وطيبة ان شاء الله , بس بعد سنه ونص من التخرج مع انها متميزة وعندها لغة ومعدلها عالي , فما بالك بالمساكين اللي معدلهم نازل شوي او ماعندهم لغة انجليزية او تخصصاتهم غير مرغوبة بسوق العمل ؟ كم بينطرون 3 , 4 , و5 سنين مثلاَ ؟

[بانغ بانغ]

شي غريب مواقف الشباب اللي اذكروها فوق

هالكلام ايصير في قطر ؟؟؟

الا في بطالة ونص وفي واسطات في اطار مرضي وفساد اداري في توزيع الوظايف

وبعدين يطلعون ناس فاضية تنتقد اللي يشتغل في بيئة مختلطة

ياخي هل قطر المفروض يتشرطون في اي وظيفة يبون كلنا كم نفر لش هالتعقيدات

حتى لو كان على راس عمله وحب ايغير كيفه هاي بلاده

[وحيد-الشوق]

شي غريب مواقف الشباب اللي اذكروها فوق

هالكلام ايصير في قطر ؟؟؟

الا في بطالة ونص وفي واسطات في اطار مرضي وفساد اداري في توزيع الوظايف

وبعدين يطلعون ناس فاضية تنتقد اللي يشتغل في بيئة مختلطة

ياخي هل قطر المفروض يتشرطون في اي وظيفة يبون كلنا كم نفر لش هالتعقيدات

حتى لو كان على راس عمله وحب ايغير كيفه هاي بلاده

والله القطري صار مسكين ويكسر الخاطر :)

شلي مودينا وراء غير الواسطات والمحسوبيات :(

[ka2ka2]

انا عن نفسي عاطل عن العمل
وانا سعودي موب قطري لكن زوجتي قطريه
وشهادتي حلوه بكالوريوس دكتور صيدلي
لكن للاسف الشديد محارب من قبل الاجانب
ومن بعض القطريين
ماقول غير حسبي الله ونعم الوكيل
من ناحيه القطريين كثير حولي من الاهل عاطلين الله كريم
والي يقول وزاره التنميه توظف صحيح لكن في ناس تنطر سنه سنتين واكثر وفي النهايه يرسلونهم لوزاره الصحه!؟ يعني هذي الفتره كلها عشان وظيفه عاديه في وزاره
الصحه
والاجانب متربعين ومستانسين كل واحد جايب رزمه من اليهال
تحصل كل اسره اجنبيه عندهم عشره او اكثر عشان يصيرون مواليد قطر
ويتوظفون بسرعه بالجيش او لخويا وبقيه الاقسام
لكن لو كان سعودي هو مواليد قطر قالو له جيب ورقه عدم ممانعه من السعوديه
لكن بقيه الجنسيات تسهيلات ماقول غير حسبي الله ونعم الوكيل

هذا قرار من وزارة الداخلية السعودية , قطر ما عندها اي مانع

[ka2ka2]

في الخليج عموماً لا يوجد بطالة
اهل الخليج يبون وظائف بس اما التجارة تاركينها للاجانب

[كاشف الغطاء]

كلام فاضي
اختي متخرجه 9/2015 بكالريوس ادارة اعمال وتسويق من جامعة قطر بمعدل 2.93 وعندها ايلتز 6.5 ومع ذلك تمت تروح مقابلات وبعدها محد يرد وما رفضت اي وظيفة ما عدا وظائف البنوك الربوية فقط , وتوها بس الحين اول شهر 4 سوت مقابله وتقريبا امورها بتمشي وطيبة ان شاء الله , بس بعد سنه ونص من التخرج مع انها متميزة وعندها لغة ومعدلها عالي , فما بالك بالمساكين اللي معدلهم نازل شوي او ماعندهم لغة انجليزية او تخصصاتهم غير مرغوبة بسوق العمل ؟ كم بينطرون 3 , 4 , و5 سنين مثلاَ ؟

انا نفس الوضع وصار لي 7 شهور أنتظر وعندي لغة ودبلوم بمرتبة الشرف وخبرة في جهة عمل سمعتها كبيرة

[بوNasser]

صح كلامه 100%

لايوجد بطاله بين القطريين.

الذين يعانون من البطاله هم الذين يتشرطون قبل مايتوظفون وهذي النوعيه عمرها مابتلاقي وظيفه.

السلام عليكم ورحمة الله و حيا الله راعي الكورفت

الشيخ مجرد سؤال:

بناء على ما ذكرت هل تعتبر الي ما يبغي يشتغل في بنوك ربوية مثلا شخص يتشرط؟؟ والا واحد حريص على دينه، ونفس الكلام ينطبق على من يرفض الاختلاط الصريح ( اقصد انثى والغالبية ذكور أو العكس) وليس الاختلاط في حدود المعقول (رغم اني افضل الفصل الكامل الا للضرورة كما في المطارات وغيرها)

[moonبنتnight]

بطالة موجودة ..
لكن الله يسامح المسؤولين عن التوظيف بعضهم ضميرهم معدوم والفئة مستهدفة في التوظيف الاجانب فقط لانها فئة تخصصيه ..
بالله خرجين جامعة في قائمة الانتظار ؟؟!!
متخرجين من سنين بعد !!
في جامعة قطر خرجين محاسبة من القطريين 71% وينهم عن قطاع الحكومي !! ليش ما تم توظيفهم ..
خرجين كلية المجتمع طلبات في قائمة الانتظار في وزارة التنمية ما أحد طلبهم وهم بعد تخصص !! ليش ما تم توظيفهم ..

عقده أن القطري ما ينتج ..

[طلعة الروح]

هناك بطاله سواءا بالمعنى الحرفي للبطاله او بالمعنى المجازي اي البطاله المقنعه... والنوعين فيهم ظلم كبير للافراد والمجتمعات ماديا ومعنويا .. بالنسبة لوزارة التنمية فهي لا تستقبل طلبات الموظفين من الاساس فمن اين اتت بالاحصائيات والمقارنات هذه ..

عن لو نفسي لو انتظرت دوري عن طريق الوزارة لترشيحي وتعييني او انتظرت يعطوني المنصب الفلاني كان عمري ماراح اتوظف وبصراحه انا قبلت وظيفة تتناسب مع خبراتي الوظيفية ولا تتناسب مع شهاداتي العلميه لان عارفة الوضع بقطر اذا ماعندك واسطه انسى ال position العدل وانسى تتوظف فالمكان الفلاني الا اذا تنازلت وخذت وظيفه عاديه اقل من مستواي والدليل ان مسؤوليني في الدوام خريجين الثانوية وانا خريجة ماستر.

[غيمة مطر]

في بطاله ، خريجه هندسة وخبره .. مااشترط وظيفه الا بمجال تخصصي بغض النظر عن الراتب..

بطاله لأني بدون واسطه

[الصغيره]

موجوده