مطابخ كيتشن استوديو

[شروووق]

أحد جرب مطابخ كيتشن استوديو بشارع سلوى
يعني تنصحونى فيه ولا لا تراني محتاره يسوى المطابخ بالسعودية ويظل شهرين لحد مايوصل ارجو مساعدتكم من بعد الله

[سالم الزهران]

أختي الكريمة اتمنى لكم التوفيق في البداية و من ناحية المطبخ فراح اقولك كلام عام يمكن ينفعك ويمكن لا (لكن)

أحذري ان يكون فرق السعر على حساب الجودة ...وبعدين ليش ياخذ شهرين (؟)

هذا لو قلتم له نعطيك نص المبلغ بعد التركيب يوافق ؟ طبعاً لا ! واصحاب المطابخ دايماً يعرضون مطابخ من احسن ما يكون بس اللي يفصلونها للناس بنص الجودة

( الزبده دام انه يبيكم تنتظرونه شهرين فلافضل تدرون غيره و شهرين يقدر الله فيها ما يشاء وعساكم تتوفقون )

[Dana’1]

اختي فصلت عندهم ممتاز

[معماري قطري]

أحد جرب مطابخ كيتشن استوديو بشارع سلوى
يعني تنصحونى فيه ولا لا تراني محتاره يسوى المطابخ بالسعودية ويظل شهرين لحد مايوصل ارجو مساعدتكم من بعد الله

شغل سمسرة صراحة وياخذون أضعاف .. خذي المقاسات بالضبط وهم ينقصون منها شوي ويركبون ويوازنون بخشب من الأطراف .. وتواصلي مع الشركات في السعودية اتفاق مباشر ممكن يطلع فرق وأرخص أو يرسلونه وأي نجار يركبه والكاونتر فصليه رخام عند أي معمل رخام وتركيب المغسلة سهل

شريت انا من مصنع تابع حق مصانع crabtree الانجليزية وكله خشب صلب مب كبس إثنين + خارجي ألمنيوم .. الخارجي تكسر أما الخشب للحين عايش وكلفوني الثلاثة 35000 بس عن طريق وكيل في قطر للأسف خسر وسكر .. طبعاً بدون الرخام والمغاسل والخلاطات وهذي كانت بسعر بسيط جداً

شركة الرميلة تتعامل مع ورش تصنيع كثيرة في السعودية وفي كل مجال تقدرين بعد تشوفينهم .. ما ادري وين مقرهم ألحين بس يبنون مقر لهم في آخر بنايات ناصر بن خالد وراء المتسوبيشي والمرسدس