شبل قطر بكل عفوية: صرت مثقفاً وأطمح للعمل في الداخلية

[Abu Mahmoud]

في لقاء عفوي رسم البسمة على وجوه المشاهدين، قال الطفل القطري الشاعر ناصر بخيت الأبهق الملقب بـ"شبل قطر" في برنامج "تفاعلكم"، على "العربية" جملاً طريفة جعلت كل من تابعه يضحك وقد تكون الزميلة سارة الدندراوي أولهم، حيث كانت كلمات الطفل القطري مثل "صرت مثقفا"، "ويوم كنت عنصري" وأسلوبه الواثق والفكاهي سببا في ذلك.

في اللقاء، أوضح #شبل_قطر أن من يكتب له الأشعار عمه، وهو يحفظ الشعر.

وعما إذا كان يخاف الشهرة، قال: "لا أخاف، لذلك سموني شبل قطر".

وحول طموحاته المستقبلية، أكد أنها تكمن في "أرفع من شهرتي مستقبلاً، وأزيد من شعري، وأعمل في الداخلية".


http://www.alarabiya.net/ar/social-media/2017/04/12/شبل-قطر-بكل-عفوية-صرت-مثقف-وأطمح-للعمل-في-الداخلية.html

[معماري قطري]

الله يحفظه شفت المقطع وتس اب

بس نصيحه العين حق

[بوحارب]

هذي مشكلتنا نعطي الناس اكبر من حجمها

كل من صار مشهور في السناب ولا في هالبرامج التافهه

يطيلع لنا ثاني يوم يبي يكون صاحب منصب !
وان هو المثقف وفي الحقيقة ولا حد درى عنه

[كايد الوكره]

الله يحفظه ويستر عليه ..

بس ( شبل قطر ) في الاساس في المرحله الاعداديه ..
والاغلبيه معتبرينه بأنه طفل ..

[ولد العرب]

سوال كم عمره الحقيقي

علشان نحكم انه طفل ولا مراهق

[مفكر قطري]

هو في الأخير طفل و احس ان طفولته مسلوبة

[معماري قطري]

الله يحفظه ويستر عليه ..

بس ( شبل قطر ) في الاساس في المرحله الاعداديه ..
والاغلبيه معتبرينه بأنه طفل ..

يبين لي أصغر في ثالث أو رابع ابتدائي

[bohilal191]

هذي مشكلتنا نعطي الناس اكبر من حجمها

كل من صار مشهور في السناب ولا في هالبرامج التافهه

يطيلع لنا ثاني يوم يبي يكون صاحب منصب !
وان هو المثقف وفي الحقيقة ولا حد درى عنه

سؤال يسدح نفسه شنو يعني يطيلع يا بوحارب

[bohilal191]

في لقاء عفوي رسم البسمة على وجوه المشاهدين، قال الطفل القطري الشاعر ناصر بخيت الأبهق الملقب بـ"شبل قطر" في برنامج "تفاعلكم"، على "العربية" جملاً طريفة جعلت كل من تابعه يضحك وقد تكون الزميلة سارة الدندراوي أولهم، حيث كانت كلمات الطفل القطري مثل "صرت مثقفا"، "ويوم كنت عنصري" وأسلوبه الواثق والفكاهي سببا في ذلك.

في اللقاء، أوضح #شبل_قطر أن من يكتب له الأشعار عمه، وهو يحفظ الشعر.

وعما إذا كان يخاف الشهرة، قال: "لا أخاف، لذلك سموني شبل قطر".

وحول طموحاته المستقبلية، أكد أنها تكمن في "أرفع من شهرتي مستقبلاً، وأزيد من شعري، وأعمل في الداخلية".


http://www.alarabiya.net/ar/social-media/2017/04/12/شبل-قطر-بكل-عفوية-صرت-مثقف-وأطمح-للعمل-في-الداخلية.html

الله يحفظه

[Al-Kuwari]

الله يحفظه ويوفقه

لكن استوقفتني كلمة يطلق عليه لقب الشاعر لكن هو بنفسه يقول عمي يكتب وانا احفظ , فكيف يسمى شاعر وهو ما يكتب الشعر ومجرد حافظ ؟

واتفق مع الاخ اللي ذكر ان طفولته مسلوبه , الاطفال بهذا العمر من الافضل انهم يعيشون طفولتهم ومايكونون حبيسين الشهرة وكل تصرفاتهم مراقبه ومحسوبة , لنفرض سوا شي غلط والناس كثفت حمله في وسائل التواصل الاجتماعي ضده , كيف ممكن طفل بهالعمر يستحمل الضغط النفسي النابع عن الاضطهاد الالكتروني , ادري بتقولون طفل واللي بيسوي حمله فالانترنت مهب عاقل , لكن وارد حدوث مثل هذه الاشياء , مهب كل الناس عندهم وعي وعقل , في فئة تافهه تستمتع بالسخرية من الاخرين . في حاله حصل ذلك لا سمح الله كيف ممكن هالطفل المسكين يتحمل الضغوطات ؟

[khalid Qtr]

هو في الأخير طفل و احس ان طفولته مسلوبة

أتفق معك

[كايد الوكره]

يبين لي أصغر في ثالث أو رابع ابتدائي

الولد عمره 15 او 16 سنه ..
هو انولد وهو بشكل طفولي ..

الله يحفظه ويستر عليه ..

[معماري قطري]

الله يحفظه ويوفقه

لكن استوقفتني كلمة يطلق عليه لقب الشاعر لكن هو بنفسه يقول عمي يكتب وانا احفظ , فكيف يسمى شاعر وهو ما يكتب الشعر ومجرد حافظ ؟

واتفق مع الاخ اللي ذكر ان طفولته مسلوبه , الاطفال بهذا العمر من الافضل انهم يعيشون طفولتهم ومايكونون حبيسين الشهرة وكل تصرفاتهم مراقبه ومحسوبة , لنفرض سوا شي غلط والناس كثفت حمله في وسائل التواصل الاجتماعي ضده , كيف ممكن طفل بهالعمر يستحمل الضغط النفسي النابع عن الاضطهاد الالكتروني , ادري بتقولون طفل واللي بيسوي حمله فالانترنت مهب عاقل , لكن وارد حدوث مثل هذه الاشياء , مهب كل الناس عندهم وعي وعقل , في فئة تافهه تستمتع بالسخرية من الاخرين . في حاله حصل ذلك لا سمح الله كيف ممكن هالطفل المسكين يتحمل الضغوطات ؟

الله يسلمك هذي التربية الصحيحة احنا ما ذبحنا الا خلوه يعيش طفولته .. خله جريء ياخذ ويعطي ويحفظ ويلقي .. عندنا ولد نطقه متأخر ومختلف قال الوالد ودوه عند ناس من آل مره بيجيكم شاعر

[معماري قطري]

الولد عمره 15 او 16 سنه ..
هو انولد وهو بشكل طفولي ..

الله يحفظه ويستر عليه ..

هههههه عيل حسبته 9 أو 10 بالكثير هشكل لازم اعيد تفسيري لشخصيته

[وحيد-الشوق]

شاعر وشبل مابقى الا يقولون عنه بطل لاتعطون الناس اكبر من حجمها انا في نظري مجرد طفل ولا احب اتابع له شيء وفي نظري ولايستحق كل هذه الشهره

بسنا تفاهة :) الحين ابوجفين من رفعه وطيره فوق على وشو متابعينه 2 مليون صدقوني جايه من فراغ وقلة عقل وغير هالجيل الفاضي من الفاشينستات ولا بعد بعضهم شايفين روحهم على وشو مادري من الاشخاص الي احترمهم فعلاً غانم المفتاح هذا ممكن نقول عنه شبل او بطل شخص متواضع وخير سفير لذوي الاعاقة الله يحفظه

[Qt.1]

الولد عمره 15 او 16 سنه ..
هو انولد وهو بشكل طفولي ..

الله يحفظه ويستر عليه ..

16 طفل اصلا ملامحه وصوته ويبين انه مهب صغير ,,

[aloosh]

شاعر وشبل مابقى الا يقولون عنه بطل لاتعطون الناس اكبر من حجمها انا في نظري مجرد طفل ولا احب اتابع له شيء وفي نظري ولايستحق كل هذه الشهره

بسنا تفاهة :) الحين ابوجفين من رفعه وطيره فوق على وشو متابعينه 2 مليون صدقوني جايه من فراغ وقلة عقل وغير هالجيل الفاضي من الفاشينستات ولا بعد بعضهم شايفين روحهم على وشو مادري من الاشخاص الي احترمهم فعلاً غانم المفتاح هذا ممكن نقول عنه شبل او بطل شخص متواضع وخير سفير لذوي الاعاقة الله يحفظه

هذي مشكلتك لا تابعه
بس لا تنقصه منه على الاقل يتكلم وجرئي مو مثل غيره يوصل 16 سنه ما يعرف السنع
واذا تعتبر هذي تفاهه مشكلتك انت عمرك ما تابعته محد بجابر غيرك الاف يتابعونه

[بوفهيد]

ولا تزعل نفسك !! من عندي (علبتين سيريلاك) و (أبرة ضد الحصبة )

[معماري قطري]

16 طفل اصلا ملامحه وصوته ويبين انه مهب صغير ,,

طفل في عيون الغرب واحنا للأسف وراهم .. الرسول صلى الله عليه وسلم والعرب قبل يشتغلون صغار .. لتهتمون علموا عيالكم الخطابة والرياضة وعلوم الدين وعلوم الدنيا

[naklan]

الولد عمره 15 او 16 سنه ..
هو انولد وهو بشكل طفولي ..

الله يحفظه ويستر عليه ..


عجيب طفل وعمره 16
هذا رجل بالغ وبعدين على ايش كل شوي
رازينه والله أني شفت طفل اسيوي عمره سنتين
تتعجب من ذكائه ويساعد ابوه في الشغل
ويتكلم بذكاءتقول عمره 10 سنين

[الماريّة]

فصاحته ولباقته وجرائته
تدل على مجالسته لكبار السن والرجال امثالكم في المجالس

والمجالس مدارس يتعلم منها الصغير وتقوى شخصيته
وبعض القبايل معروفين بفصاحه ابنائهم بسبب تربيتهم على هذا النهج

والله يحفظه لهله ويستر عليه

:
:

[السكين]

الله يحفظه ، هو عفوي وردوده إرتجالية هذا ما يميزه بس أنا في شغلة ما أحبها في أي طفل أو صغار السن ، أكره أن يتعلم أنه أكبر من جيله سواءاً بالتصرفات أو الكلام مثل ما يظهر ماسك بيده عصا أو ظهورة كثير في مجالس الرجال ، لازم يعيش طفولته وسنه بين أبناء جيله ليثبت تميزه ، ولا نتمنى له أن يصل لما وصل له بو جفين ، إنشهر من ولا شيء اللهم كلمته ( توصون شي ولا شي في أمان الله ) !

[Alm@n$ei]

على الاقل هذا يشرف وما يفشل موب هذاك بوقحفية صغيرة فوق الكشة والثاني بوسحلية وغيرهم من النماذج التافهه اللي اشتهرت على اشياء مالها معنى . شبل قطر اشتهر بعفويته وشخصيته اللي تصلح تكون قدوة للاولاد اللي في مثل سنه

[الكبير]

مب ذي اللي طلب لكزس من سلمان عبدالغني وعطاه واحد بعد بيتين شعر

وين ياهل

والا انا غلطان

[يمامـة]

مب ذي اللي طلب لكزس من سلمان عبدالغني وعطاه واحد بعد بيتين شعر

وين ياهل

والا انا غلطان

ايه هو نفسه وطلب رقمه المميز فسلك له..
مب حلوة هالحركات من الطفل ..

بس بشكل عام الولد جريء في الكلام ولكن ابأدب و حبوب وسوالفه تضحك..
وكما قيل لي فهو عمره يمكن15 او 16 سنة..
فشكله ما يوحي بعمره الله يحفظه ويخلي لاهله..

[بوخالد911]

الله يحفظه من العين.

[Charisma]

هو متحدث ولبق ولاشك انه موهوب ، كذلك الحال مع غانم المفتاح ، ويفضل لمن في أعمارهم ان لايكون السعي وراء "الشهره" شغلهم الشاغل .


نتمنى لهم كل التوفيق .

[الكبير]

ايه هو نفسه وطلب رقمه المميز فسلك له..
مب حلوة هالحركات من الطفل ..

بس بشكل عام الولد جريء في الكلام ولكن ابأدب و حبوب وسوالفه تضحك..
وكما قيل لي فهو عمره يمكن15 او 16 سنة..
فشكله ما يوحي بعمره الله يحفظه ويخلي لاهله..

اها

مساكين هالفئة

يحترقون وهم صغار

[معماري قطري]

اها

مساكين هالفئة

يحترقون وهم صغار

كنا تحرقنا شمس قطر في عز الصيف في الميدان تدريب ولا قلنا صغار منا من هو 10 سنين و من هو 14 .. الله يغفر لكل من دربونا ولمن قرر تدريبنا ذاك الوقت

[R 7 A L]

اعرفه واعرف ابوه وعمانه
بس للامانه مايعجبني الطريق الي ماشي فيه
اوفر زيادة

[معماري قطري]

اعرفه واعرف ابوه وعمانه
بس للامانه مايعجبني الطريق الي ماشي فيه
اوفر زيادة

المبدأ صح وهو تربية الطفل حتى يكون رجال وإتقان الحديث وحفظ الشعر شيء زين .. بس الأهم هو العلم والاعتماد على النفس أكثر وأكثر

[وحيد-الشوق]

على الاقل هذا يشرف وما يفشل موب هذاك بوقحفية صغيرة فوق الكشة والثاني بوسحلية وغيرهم من النماذج التافهه اللي اشتهرت على اشياء مالها معنى . شبل قطر اشتهر بعفويته وشخصيته اللي تصلح تكون قدوة للاولاد اللي في مثل سنه

تبي الصراحة الاثنين عنبر اخو بلال وجداً تافهين


مب ذي اللي طلب لكزس من سلمان عبدالغني وعطاه واحد بعد بيتين شعر

وين ياهل

والا انا غلطان


ايه هو نفسه وطلب رقمه المميز فسلك له..
مب حلوة هالحركات من الطفل ..

بس بشكل عام الولد جريء في الكلام ولكن ابأدب و حبوب وسوالفه تضحك..
وكما قيل لي فهو عمره يمكن15 او 16 سنة..
فشكله ما يوحي بعمره الله يحفظه ويخلي لاهله..

اسلوب طرارة من باب الشيمة :)

[ولد الرياان]

ماحبيت لي ابوه قاعد يسويه فيه
العمر لي هو فيه لايطرى بطلب لكزس او رقم الا اذا كان محفظ ومدرب على ذلك

يمشي ويشحت فيه لكزس ورقم والجاي اعظم
طفل!!!؟ تجاوز مرحلة الطفولة 16 مراهق

في الاخير اقول حق ابوه عيب

[NeverLand]

طريقة كلامه وسوالفه بالنسبة لعمره موحشه!!!

مو عشان اعلم ولدي المرجله اروح اسلب منه احلى سنين عمره واكبره واخليه شيبه!!!

تبون نموذج فعلاً مشرف للطفل القطري؟!

نموذج صج يدعوا للفخر؟!

شوفوا غانم المفتاح الولد اللي يخليكم تحسون ان الدنيا فعلاً مازالت بخير

https://www.instagram.com/g_almuftah/

ابوه وامه المفروض يتكرمون بجائزة الاهل المثاليين على تربيتهم الحلوه والثقه اللي زرعوها بولدهم

صنعوا منه شي ملهم لكل الناس

مالقنوه كم بيت شعر وخلوه يشحت لكزس!!!