الكهربا 50 a كم مكيف اقدر اشغل اسبيلت

[نفسي عزيزه]

كم مكيف اقدر اشغل لاني مسوي مجمعين للكهربا بالبيت غير الاصلي الي هو 50a

هذا الي جاي من شركة كهرماء سوؤالي : هل تتحمل مكيفات قري سبلت مابين طن ونص وطنيين 11 مكيف لذوي الخبره

وثلاث ثلاجات و6 صخانات ماء

وشكرا

[مرتبش]

المكيفات والسخانات مجموعهم تقريبا 50 امبير.. لذلك انتبه اذا كان المجمعين الثانيين متغذيين من نفس ال 50 امبير والا من خط ثاني

[نفسي عزيزه]

المجمعين الاثنين الجداد متغذين من الخمسين الي هو الاساس لكن المكيفات موزعه على هالثلاث مجمعات للكهربا مع السخانات

[مرتبش]

ماتتحمل الكهربا عندك كل هالاحمال .. لاتنسى بعد عندك الاضاءة والسوكتات ماحسبتهم

[نفسي عزيزه]

جابو المكيفات الله يستر باركبهم وعقب مايمدونهم بالكهربا باشغلهم وباعطيك اخر العلوم خلال هاليومين والله يستر


تسلم يالغالي عطتنا من وقتك ومنكم نستفيد

[مرتبش]

بالتوفيق وحياك الله

[حليتان*]

ان شاء الله مابه شر
امورك طيبه !

[ولد العرب]

بشر وش سويت الحين مع المكيفات

[qatarman8008]

على كل جهاز لازم يكون مكتوب مواصفاته..
ومن ضمنها كم امبير كهربا يسحب..
لازم تحسبهم بنفسك لان كل جهاز غير عن الثاني..
هذا اول شي..
الشي الثاني انه كفاءة موقر الطاقة ليس مئة بالمئة دائما وخصوصا بالصيف..
يعني لو كان عندك خمسين امبير لازم تسنخدم منهم خمس واربعين امبير كحد اقصى..

[نفسي عزيزه]

مكيف جري مكتوب 8.1 امبير

بكره ان شاء الله او الي بعده بنشغلهم كلهم وباعطيكم العلوم الله يستر

[نفسي عزيزه]

ان شاء الله مابه شر
امورك طيبه !

شكلي بامد لهم كهربا سياره ههههههه

[نفسي عزيزه]

بشر وش سويت الحين مع المكيفات

اتوقع مافي مشكله شغلنا مكيف قري طنيين بيستون مع 6 مكيفات يعني سبع والامور الحمدلله نشوف الباقي بكره ان شاء الله

اهم شي توزيع الكهربا والمكيف الجديد قري ماياخذ كهربا وايد لان الكمبريسر يشتغل شوي وعقب يريح فمن كذا يقل الضغط بس مابي استعجل خل نجرب ويمكن تطفى الكهربا وانا قاعد امدح فيهم ههههههههههه

كلمت كهرماء شغله اذا بتبدل واير فان شاء الله ماحتاج تبديل الكيبل لان الي بكهرماء قالي هذي كيابل قويه مالت اول انجليزيه اتوقع اتحمل ///> هاليومين سوالفي عن الكهربا تحملونا شوي :o

[naklan]

ماعندك مشكلة كيبل الحكومة ال 50 اقوى من ال 120 الي احنا نركبه
عندي بيت ماجره الكيبل 50 ومشغل 14 مكيف عادي
لا تحاتي اخوي نفسي عزيزة وبرد على نفسك
وانسى موضوع الكهربا

[النهار]

ياريال تعال شوف البيوت المقسمه عندنا بيوت شعبيه مفروض من 8 الي 9 مكيفات
البنقاليه مشعلين اكثر من 25 مكيف لهم سنين ماعمري شفت طفت عندهم الكهرباء ولا صار شي
توكل على الله لاتحاتي

[نفسي عزيزه]

ماعندك مشكلة كيبل الحكومة ال 50 اقوى من ال 120 الي احنا نركبه
عندي بيت ماجره الكيبل 50 ومشغل 14 مكيف عادي
لا تحاتي اخوي نفسي عزيزة وبرد على نفسك
وانسى موضوع الكهربا

الله يبرد قلبك بخبر سار قول امين

[نفسي عزيزه]

ياريال تعال شوف البيوت المقسمه عندنا بيوت شعبيه مفروض من 8 الي 9 مكيفات
البنقاليه مشعلين اكثر من 25 مكيف لهم سنين ماعمري شفت طفت عندهم الكهرباء ولا صار شي
توكل على الله لاتحاتي

كنت انطرك تشوف الموضوع وتدخل لاني اثق بكلامك


مشكورين وفعلا مالاحظت مشاكل الى الان وبوفر على نفسي جهد الحمدلله


تسلموووووووووون وتفظلو عندي تغدوا بالمجلس مكيف جرري جديد يبرد الغدى :shy:

[حمد 2002]

نصيحتي

لاتسمع كلام نكلان وولد العرب والنهار وخلك بالسليم والشيء القانوني ..

هم يوم يتكلمون عن التقسيم يالفلل من قبل الاجانب ، ماعليك من البنغال والاجانب تراهم يلعبون بالعداد الرئيسي وايسون حركه ايزودون قوته وطاقته بطريقه غير قانونيه وبدون علم كهرماء ، وبعدين اكثريتهم مكيفاتهم ويندو مب سبيلت ومعروف الويندو قوته اقل من السبيلت بالنسبه لأستهلاك الكهرباء ، فنصيحتي اتروح لكهرماء وتطلب زياده بقوت الكهرباء عندك و يمكن يخلونك تغير واير الكهرباء الرئيسي بالبيت و العداد و تالي ايك مفتش من كهرماء ، وكل هالامور خل يخلصها لك كهربائي عنده ليسن من كهرماء ومرخص وفاهم شغلك ..


تحيات لك .. واكرر النصيحه لاتسمع كلام الناس الي ماعندها خبره والي تفكيرهم قبل 50 سنه ..


خلك بالامان والسيفتي والامان ، لانه هذي كهرباء مب لعبه ..


تحياتي ..

[نفسي عزيزه]

مرحبا بالغالي حمد
اشكرك يالذيب لنصيحتك بيض الله وجهك ماقصرت
عندي كتيب من شركة المكيفات يقيس لك كم قوة المكيف بالامبير ان كان فيه غاز او زايد الغاز او قاصر او وصخ
وتبين ان السبلت اقل استهلاك للطاقه مع النظام الجديد بمكيفات قري طلع السبلت الجديد فقط 8 امبير قوته وجربت اشغل المكيفات والحمدلله ماطفت الكهربا لان السبلت الجديد اعتقد بكل الشركات اصبح اقل استهلاك للكهرباء بسبب قوانيين كهرماء انا جربت الجري للتكيف ماجربت غيرهم فلقيت ماسوو مشكله معاي والي ركب لي الكهربا شركة مقاولات وكهربا وعنده ليسن وكشفنا على الكهربا وقال هذا واير انجليزي قديم اقوى من الموجود حاليا .. وحاليا مشغل المكيفات كتجربه واشوف الوضع الحمدلله توفيق من الله فأعتقد ان نكلان والنهار لهم تجارب من جذي ابدوا برايهم وطلع صواب ان الكهربا تتحمل

واشكرك حمد لحرصك وانا احب تواجدك بمواضيعي بصراحه وابداء رايك

لك مني ورده تفضل ( ورده)

[ولد العرب]

نصيحتي

لاتسمع كلام نكلان وولد العرب والنهار وخلك بالسليم والشيء القانوني ..

هم يوم يتكلمون عن التقسيم يالفلل من قبل الاجانب ، ماعليك من البنغال والاجانب تراهم يلعبون بالعداد الرئيسي وايسون حركه ايزودون قوته وطاقته بطريقه غير قانونيه وبدون علم كهرماء ، وبعدين اكثريتهم مكيفاتهم ويندو مب سبيلت ومعروف الويندو قوته اقل من السبيلت بالنسبه لأستهلاك الكهرباء ، فنصيحتي اتروح لكهرماء وتطلب زياده بقوت الكهرباء عندك و يمكن يخلونك تغير واير الكهرباء الرئيسي بالبيت و العداد و تالي ايك مفتش من كهرماء ، وكل هالامور خل يخلصها لك كهربائي عنده ليسن من كهرماء ومرخص وفاهم شغلك ..


تحيات لك .. واكرر النصيحه لاتسمع كلام الناس الي ماعندها خبره والي تفكيرهم قبل 50 سنه ..


خلك بالامان والسيفتي والامان ، لانه هذي كهرباء مب لعبه ..


تحياتي ..

نفسي عزيزه خل معيض 2002 في الطشت الحمر يسبح ماعليك منه هو :anger1:
على الاقل بنيت بيتي والحمد الله ولا فيه شي
ارسل لوكيش يانفسي عزيزه يالبيه اهل شمال وبس :shy: اهم شي جنون بالوقره هههههههههههههههههههههههههههه

[نفسي عزيزه]

نفسي عزيزه خل معيض 2002 في الطشت الحمر يسبح ماعليك منه هو :anger1:
على الاقل بنيت بيتي والحمد الله ولا فيه شي
ارسل لوكيش يانفسي عزيزه يالبيه اهل شمال وبس :shy: اهم شي جنون بالوقره هههههههههههههههههههههههههههه

اررررررروح لك فدوه على قولة اخوانا العراقيين ههههههههههههههه

والله انك تنحب ياولد العرب

:shy:

[نفسي عزيزه]

الحمدلله تمت التجربه بنجاح شغلت المكيفات والليتات والتلفزيون ماصار شي
الواير القديم انجليزي ماشاء الله قوي

وغير هذا اساسا المكيفات الجديده ماعادت مثل قبل صارت اقل استهلاك للكهرباء انا خذت جرري خمس نجوم

الحمدلله وفروا علي تعب وشقاء

[حمد 2002]

كم طن وكم سعره

[النهار]

يامعيض مكيفات جري الجديده تستهلك الكهرباء بأقل 51% عن المكيفات القديمه ام بستن او الروتاري
نفسو لوشغل كل المكيفات والليتات وووو يكون عنده فائض في الكهرباء