مع الخيل يا شقرا ،، سويت ليزر

[نايم سهران]

بسم الله الرحمن الرحيم ،،

طبعا العنوان واضح ،،

حبيت أنقل موضوعي اليوم ليكون عباره عن تجربه يستفيد منها الي حاب يجرب الليزر ،

طبعا اول شي كان خاطري احدد العارض والشنب بالليزر من تقريبا اكثر من 6 سنوات،

لان صراحه زهقت من الحلاق كل ما احلق الا بعد يومين الشعر طالع مره ثانيه ،

واتورط في نص الاسبوع اذا عندي اجتماع او معزوم وين الواحد يفضى وكل مره رايح الحلاق ،،

وماحبيت استعجل واسوي ليزر من زمان لان ماحب اجرب شي الا يوم أسمع عن طريق شخص مجرب ،

أكيد في بنات كثير يسوون ليزر ، لكن محد من ربعي قالي انه سوا ليزر او جرب ،

المهم واحد من الربع قالي بالصدفه انه سوا ليزر ذاك اليوم وحدد العارض والشنب ، المهم شفته وصراحه النتيجه كانت حلوه واخير شفت واحد مجرب :nice:

طبعا المكان الي هو سوا فيه عندهم أحدث تكنولوجيا لكن صراحه يوم أنا جربت فيه ألم غير طبيعي ، مادري يمكن يقصون علي يقولون هذه احدث تكنولوجيا ، لان في اماكن سمعت انه مافي ألم نهائياً ،

المهم الي يبغي الدح مايقول آآح . :thumbup:

طبعاً اول جلسه سويتها قلت حق الفلبينيه خلاص ماراح اسوي مره ثانيه لان الألم ذبحني ،، قالت يبغي لك من 8 - 10 جلسات علشان الشعر يختفي نهائيا .

النتيجه : صراحه ماتوقعت النتيجه نهائيا انه من أول جلسه راح يخف الشعر بهالطريقه ، اللهم لك الحمد صراحه كل ما اشوف ويهي ف المرايه اقول الحمدلله انه في تكنولوجيا بهالطريقه . :dance

وان شاءالله راح أكمل الجلسه الثانيه والثالثه ، واتوقع ما احتاج اكثر من 3 - 4 جلسات

وشكرا

[mr. abdulla]

طبعا انا ما أتكلم عن نفسي بس رفيجي يقولي ان المفروض ما تحس الم.. او الم بسيط... اذا رايح بعد ما تحلق تأكد انك تغسل وجهك بماي ثلج.. عشان تسكر مناسم الجلد و يخف الالم.. لازم تروح مره كل شهر لثلاث الى اربع جلسات .. و بعدين مره كل ثلاث شهور.. و تأكد تحط كريم اللي عندهم بعد الجلسة عشان يخفف من الاحمرار.. على ذمت رفيجي

[بانغ بانغ]

انا الحمدلله لا ليزر ولا شي

اشخطه بموس والامور طيبة

[Alm@n$ei]

بكره عندي حفل توقيع وعيزان احدد العارض ههههه
ننتظر تكمل لنا تجاربك

[Mishari]

https://www.youtube.com/watch?v=jyC7kkmgedo

هذا شرح كامل عن الليزر

[JN000N]

واو هههههه
بصراحة حسيت اني رجعت فالزمن لايام منتديات عروس قطر بس هالمره بدل ماتكون الي حاطه الموضوع بنت حاطه ريال
استمرو استمرو

[الكبير]

على الاقل ايسوي ليزر مب سامان تركيب

رموش تركيب
شعر باروكة
اظافر تركيب
حواجب رسم
براطم تنفيخ

[مختلف جداََ]

البنات جابو قول مشكوك في صحته

بس الشباب سجلوا هدف التعادل دبل كيك على طريقة ريفالدو




جوكم عجييييب
استمرووو

[mr. abdulla]

بكره عندي حفل توقيع وعيزان احدد العارض ههههه
ننتظر تكمل لنا تجاربك

توكل على الله و لا تنتظر.. فك نفسك من مشوار الحلاق مرتين كل أسبوع.. و لا أنسى تحدد شعر الرأس من الجوانب و الخلف... حتى عر الخشن يظربونه ��

[معماري قطري]

انا الحمدلله لا ليزر ولا شي

اشخطه بموس والامور طيبة

وانا كذلك وبدون موس مكاين حلاقة والعملية ما تاخذ وقت وبروحي في البيت

[JN000N]

هو ليزر هو زراعه شعر هو تنظيف بشره هو مساج هو حمام مغربي
هو حواجب محدده بكحل هي عيون مكحله (علثتكم السنه) هو شعر طويل هي صبغات قامو يصبغون
تم شي ماسووه الرياييل
حتى البديكير والمنكير سووه
ناقص بس تحطون لون ف اظافركم وتلبسون دراريع :)

[راجي الْعفو]

القصف مشتعل عالجهتين و ننتظر الفائز ^_^

اخشوشنوا

بس الحقيقة ان نظرة البنات للرجل الحين تغيرت
يبونه نعومي مثل المسلسلات التركية و الكورية

^_^

[Dana’1]

^^
الاتراك بالاغلب ولا حولهم النعومه :)




اجمع الرجال على انهم يحددون العارض ويرتبونه وهذا حال الاغلب اساسا!
اختلفو بس بالاداة! :)

[ذكي جدااا]

وانا كذلك وبدون موس مكاين حلاقة والعملية ما تاخذ وقت وبروحي في البيت
نفسي يا معماري. كنت اول اروح الحلاق عقب شفت انه مضيعه للوقت كل روحه للحلاق تضيع ساعتين عسى ماشر. مافي الا مكينة حلاقة بالبيت خمس دقايق وخلاص

[nooora]

البنات جابو قول مشكوك في صحته

بس الشباب سجلوا هدف التعادل دبل كيك على طريقة ريفالدو




جوكم عجييييب
استمرووو
ههههههههههههههههههه

[nooora]

اظن بالوجه مب زين سمعت من بنات بعد عملية الليزر ما تظهر ويهك لأشعة الشمس والله اعلم يمكن معلومه صح او غلط

[MirusS]

الليزر للشخص الي حالته صعبه من ناحيه كثافه الشعر
مب غلط الواحد يوسي بدل اللويه وكل يومين حلاق وحاله
واحد من الربع كان حالته ميؤوس منها ههههه من عقب الليزر ارتاح نفسيا :)

[الكبير]

يا جماعة انا ما اقصد اي حد بكلامي فلحد يزعل

عودة للموضوع المثير ، انا اعتقد ان لازم اتكون في شراكة بين جمعية جراحي التجميل والمأذونين الشرعيين .... عشان الواحد يقدر تكون عنده مرجعية للأصل الثابت من هيئة البنت او الولد

صحيح الواحد يتزوج ويتفاجأ ان حتى الاذن تركيب غير اللي ذكرته

والأمر ينطبق على الرجال ايضا بجميع الأطر ..

يعني ايجي واحد من الدلوعين اللي امنفخ ويهه او امسوي عميات تجميلية او .. ايحط له ميك اب مادري كريم اساس مادري شنو

نبي مصداقية يا ناس

اسمح لنا راعي الموضوع دخلنا عرض

[R 7 A L]

ك مسمى مستنكر
ك تقنيه حالها حال الموس

والمتعارف عليه انها للحريم

[nooora]

الليزر للشخص الي حالته صعبه من ناحيه كثافه الشعر
مب غلط الواحد يوسي بدل اللويه وكل يومين حلاق وحاله
واحد من الربع كان حالته ميؤوس منها ههههه من عقب الليزر ارتاح نفسيا :)

لحالات ميؤوس منها لا بأس بكره الشباب ما بيصدقون بيسوون بين الحواجب وتحت الاذن وعلى زوايا جبهه السالفه تصير مسخره

[بعيد النظر]

الحمدلله صارلي 3 سنين وشوي اظرب العارض ..
وفي كل مرة الألم نفسه ما يخفف ابدا" ! ولا تعود عليه ..

بس اللي يخليني ارجع اسويه كل شهرين او اقل .. نتيجته الحلوة ..
شكل العارض مرتب ومحدد لا حلاق .. ولا حرار ولا هم يحزنون ..




موفق ويعطيك العافية

[الماريّة]

خففوا الشارب اطلقوا اللحى
و ترتاحون من الموس والليزر والمكينه

[ممنوع اللمس]

واو هههههه
بصراحة حسيت اني رجعت فالزمن لايام منتديات عروس قطر بس هالمره بدل ماتكون الي حاطه الموضوع بنت حاطه ريال
استمرو استمرو
هههههههههههههههههههههههههههههههههههههههههههه

[وليف الشوق]

هو ليزر هو زراعه شعر هو تنظيف بشره هو مساج هو حمام مغربي
هو حواجب محدده بكحل هي عيون مكحله (علثتكم السنه) هو شعر طويل هي صبغات قامو يصبغون
تم شي ماسووه الرياييل
حتى البديكير والمنكير سووه
ناقص بس تحطون لون ف اظافركم وتلبسون دراريع :)

شفتي شلون ؟ لكن مااقول الا الله المستعان ولا حول ولاقوة الا بالله العلي العظيم
الله يرحم حال امتنا وشبابنا

[وليف الشوق]

أسْتَغْفِرُ اللهَ العَظِيمَ الَّذِي لاَ إلَهَ إلاَّ هُوَ، الحَيُّ القَيُّومُ، وَأتُوبُ إلَيهِ

اللهم ان في تدبيرك مايغني عن الحيل، وفي كرمك ماهو فوق الأمل، وفي حلمك ما يسد الخلل، وفي عفوك ما يمحو الزلل، اللهم فبقوة تدبيرك وعظيم عفوك وسعة حلمك وفيض كرمك أسألك أن تدبرني بأحسن التدابير، وتلطف بي، وتنجيني مما يخيفني ويهمني.اللهم لا أُضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولا قوة إلا بك

[khalid Qtr]

طيب، والليزر هل له أثر على الصحة على المدى القريب أو البعيد؟
الشي الثاني واحد من الردود يقول انه يسويه كل شهرين أو أقل، وأشوفها بصراحة فترة قصيرة.

[بعيد النظر]

طيب، والليزر هل له أثر على الصحة على المدى القريب أو البعيد؟
الشي الثاني واحد من الردود يقول انه يسويه كل شهرين أو أقل، وأشوفها بصراحة فترة قصيرة.


اللي شجعني واحد من الربع يسوي ليزر من الـ 2011 ..
وكنت دايما" اجوفه مرتب .. فـ شجعني اني اسوي .. والحمدلله امورنا طيبة .. ولا فينا الا الخير ..

بالنسبة للفترة تعتمد على الشخص .. وهرموناته .. ولون بشرته ..

انا شهرين .. غيري أسبوعين .. وغيرنا 4 شهور ..

وكل ما حافظت ع الجلسات .. كل ما طالت المدة ..
اهم شي التكنيك .. عقب جلسة الليزر .. ما تحلق يوم يطلع الشعر ..
بيطيح من نفسه خلال أسبوع ..



وبالتوفيق

[نايم سهران]

انا كتبت الموضوع لفايدة الرجال فقط الي زهق من الحلاق ويبغي يرتاح ،،

لكن صراحه اغلب ردود البنات سلبيه ،، يا خوات احنا ما نتكلم عن نفخ شفايف او بوتكس او عملية تجميل أنف ،،

اما الي تشوفونه من الرجال يسوي نفخ او تجميل او حف حواجب هذا لاتسمونه رجال وشيلوه من القائمة نهائيا .

انا موضوعي مختلف تماما ،، وبعدين تكلمت عن تحديد اللحيه والشنب ما قلت ليزر حق الجسم كامل ،، اتمنى انكم تفهمون المحتوى مش تقرون العنوان وخلاص .

وشكرا

[khalid Qtr]

انا كتبت الموضوع لفايدة الرجال فقط الي زهق من الحلاق ويبغي يرتاح ،،

لكن صراحه اغلب ردود البنات سلبيه ،، يا خوات احنا ما نتكلم عن نفخ شفايف او بوتكس او عملية تجميل أنف ،،

اما الي تشوفونه من الرجال يسوي نفخ او تجميل او حف حواجب هذا لاتسمونه رجال وشيلوه من القائمة نهائيا .

انا موضوعي مختلف تماما ،، وبعدين تكلمت عن تحديد اللحيه والشنب ما قلت ليزر حق الجسم كامل ،، اتمنى انكم تفهمون المحتوى مش تقرون العنوان وخلاص .

وشكرا



كلامك صحيح، وللعلم حتى إزالة شعر الجسم للرجل ما فيها مانع شرعي - مع مراعاة ستر العورة وفي حدود المقبول.

[nooora]

انا كتبت الموضوع لفايدة الرجال فقط الي زهق من الحلاق ويبغي يرتاح ،،

لكن صراحه اغلب ردود البنات سلبيه ،، يا خوات احنا ما نتكلم عن نفخ شفايف او بوتكس او عملية تجميل أنف ،،

اما الي تشوفونه من الرجال يسوي نفخ او تجميل او حف حواجب هذا لاتسمونه رجال وشيلوه من القائمة نهائيا .

انا موضوعي مختلف تماما ،، وبعدين تكلمت عن تحديد اللحيه والشنب ما قلت ليزر حق الجسم كامل ،، اتمنى انكم تفهمون المحتوى مش تقرون العنوان وخلاص .

وشكرا



ما تزعل اخوي نستغل الموضوع ف اضافة بعض نقاط. وطرحك واضح

[راجي الْعفو]

^^
الاتراك بالاغلب ولا حولهم النعومه :)




اجمع الرجال على انهم يحددون العارض ويرتبونه وهذا حال الاغلب اساسا!
اختلفو بس بالاداة! :)

نعومي شكلا او تعاملا ( وكله تمثيل بس للحين مصدقين انه صج الله يشفي العقول )

اما الاجماع فهو في الحقيقة مب متحقق
ولكن الأكثر : نعم

ولا عبرة بالاتفاق ان كان مخالف



تذكرت مقولة مشهورة :

سبحان من جمل الرجال باللحى
وسبحان من جمل النساء بالحيا

[nooora]

كلامك صحيح، وللعلم حتى إزالة شعر الجسم للرجل ما فيها مانع شرعي - مع مراعاة ستر العورة وفي حدود المقبول.

لا والله

[الدوحه1]

رجال "أمة محمد" ينافسون الحريم في البحث عن الجمال والجاذبيه!!!!

وتقولون ليش الله مسلط اعدائنا علينا؟؟؟؟

[khalid Qtr]

لا والله

مرفق دليل كلامي:
http://www.binbaz.org.sa/noor/9655

http://fatwa.islamweb.net/fatwa/index.php?page=showfatwa&Option=FatwaId&Id=1926

وكلام المشايخ فوق مأخوذ من كتب الفقهاء الجديدة والقديمة، الخلاصة: الشرع ما يمنع، فلا تخلطوا بينه وبين العرف، هذا إذا كان العرف يمنع أصلًا.
وأعتذر لصاحب الموضوع إذا كنت حرفت موضوعه عن مساره.

[بانغ بانغ]

الحين مال كمال الاجسام مساكين شيسوون يعني

راعي الموضوع توكل على الله وضبط الامور

[الحياة الخالدة]

الحين مال كمال الاجسام مساكين شيسوون يعني

راعي الموضوع توكل على الله وضبط الامور
إييي خنت حيلي واعليه عليهم
لازم يصيرون ملط تماماً ولا شعرة عشان عضلاتهم تبين
الله يعينهم على مصاريف العيادات .. لازم يعطونهم بدل ليزر

[بانغ بانغ]

إييي خنت حيلي واعليه عليهم
لازم يصيرون ملط تماماً ولا شعرة عشان عضلاتهم تبين
الله يعينهم على مصاريف العيادات .. لازم يعطونهم بدل ليزر

الله يعينهم .

طبعا انا مادانيهم بس طرحت المثال عشان الربع

المهم يازين القرعة اتلق لا ليزر ولا معدات

[يمامـة]

رجال "أمة محمد" ينافسون الحريم في البحث عن الجمال والجاذبيه!!!!

وتقولون ليش الله مسلط اعدائنا علينا؟؟؟؟


حاولت اعقب و اكتب وارد امسح.. وارجع اكتب و احط وارد امسح..

صحيح تحديد اللحية بالليزر حسب كلام مشايخ الدين امر ما فيه شي..

لكن الاهتمام الكبير من الرجال في ابراز جاذبيتهم و تعديل اشكالهم
أمر يستحق نتألم علشانه كما نتألم لوضع النساء في زماننا هذا بعد الانجرار الكبيير
في إضافات وتعديل وتحسين المنظر الخارجي لهن..

الله المستعان..

[Rider]

ودي اقول شي بس أخاف يزعلون الشباب الله يصلح الحال بس

[mr. abdulla]

حاولت اعقب و اكتب وارد امسح.. وارجع اكتب و احط وارد امسح..

صحيح تحديد اللحية بالليزر حسب كلام مشايخ الدين امر ما فيه شي..

لكن الاهتمام الكبير من الرجال في ابراز جاذبيتهم و تعديل اشكالهم
أمر يستحق نتألم علشانه كما نتألم لوضع النساء في زماننا هذا بعد الانجرار الكبيير
في إضافات وتعديل وتحسين المنظر الخارجي لهن..

الله المستعان..

عندي استفسار؟. خلافك في تحديد اللحية او العارض ؟ او التحديد بطريقة الموس او الليزر... انت تشرف غلط الرجال يدخل الحلاق و يحدد العارض او يحلق اللحية؟ و اذا الامر عادي شالفرق بين اللي يروح الحلاق مرتين او ثلاث في الأسبوع مع اللي يروح مره كل شهر او شهرين و يحدد بالليزر... ؟

و شدخل الموضوع بالجاذبية؟ ياخي صار اللي يحلق يعني يبي يطلع جذاب؟ في شباب ما يطلع لهم غير شعرتين في وجهم و في شباب ما شاء الله شعر الصدر شابك في اللحية شابك في شعر أذنه ...

عشان نقدر نتحاور ابي اعرف وين تشوف الغلط

بس

[mr. abdulla]

ودي اقول شي بس أخاف يزعلون الشباب الله يصلح الحال بس

بالعكس تكلم اخوي .. يمكن احنا فاهمين الموضوع غلط او انت فاهم الموضوع غلط... بس قبل ما تعلق.. انت تروح الحلاق كم مره في الأسبوع او الشهر ... و يوم تروح تحدد العارض بموس ؟ و شنو الفرق بين اللي يروح يحدد بموس و اللي يحدد بالليزر؟

[nooora]

هو مو غلط ان الريال يحافظ على وسامته ويكون مرتب ورياضي. واذا استعمل كريم ضد اشعة الشمس مب مشكله مثل المراة تتجمل للرجل وهو نفس الشي. لكن يمكن الموضوع جديد على مجتمعنا لكن الخوف من عمليات تجميل كبيرة من قبل البنات او الرجال. والي سمعنا من بعض ان يقول ايام خطوبه شي وبعد زواج شي ثاني

[nooora]

صاحب الموضوع نقول له يكمل جلساته الباقيه لا يستسلم ويستحمل شوي ههههه

[بـن عدوان]

استمر عالجلسات ياصاحب الموضوع

وماعليك من حد ياريال

وخصوصا البنات

تجي تنتقد هني وعقب تروح تشتكي في حساب فضفضة الريال ليش مايهتم في نفسه خخخخخ

وهم نفسهم اللي يطرشون عالواتس اب صور ورود مكتوب عليها صباح الخير

[السيف5]

رغم اني ماعمري استعملت ليزر
والله لايحوجني له ...لكن اللي اشوفه ان بعض الشباب من اللي يحلقون
وبهم كثافة بشعورهم ..شنو المانع من استعمالهم لليزر للتحديد

[aloosh]

مكينه نفس اللي عند الخلاق 75 ريال
وثلاث درجات فيها لا حلاق ولا غيره

[العقل المدمر]

انا مالفتني غير "الفلبينية"
اعرف ان وايد شباب يسوون ليزر
معقولة مافي ريال يسوي لهم ؟ :omg:

[معماري قطري]

انا مالفتني غير "الفلبينية"
اعرف ان وايد شباب يسوون ليزر
معقولة مافي ريال يسوي لهم ؟ :omg:

ههههههه يحي الفلبينية أوقات أرجل من الفلبيني

[R 7 A L]

انا الحمدلله لا ليزر ولا شي

اشخطه بموس والامور طيبة




وانا كذلك وبدون موس مكاين حلاقة والعملية ما تاخذ وقت وبروحي في البيت

انا اذا وصلت لنفس اعماركم تخفيف بمقص في البيت بدون تحديد

[بانغ بانغ]

انا اذا وصلت لنفس اعماركم تخفيف بمقص في البيت بدون تحديد

افا انا توي 22 سنة

[معماري قطري]

افا انا توي 22 سنة

انا 23

[MirusS]

لحالات ميؤوس منها لا بأس بكره الشباب ما بيصدقون بيسوون بين الحواجب وتحت الاذن وعلى زوايا جبهه السالفه تصير مسخره

ههههههه لاشدعوه ماظن حد بيسويها الا اذا هو مبتلش اصلا
قسيتي عليهم شوي :) شبابنا فيهم الخير والبركه ان شالله

[ذكي جدااا]

انا 23

انا 24

[معماري قطري]

انا 24

انا بايق رقم عمر ولدي ومتزوج قريب ال 30 يعني عمري 54 أصغركم

[ذكي جدااا]

انا بايق رقم عمر ولدي ومتزوج قريب ال 30 يعني عمري 54 أصغركم
ادري انك تمزح يابوعبدالله. ونا مثلك بعد امزح

[معماري قطري]

ادري انك تمزح يابوعبدالله. ونا مثلك بعد امزح

الله يحفظك ويعطيك طولة العمر

[R 7 A L]

الله يعطيكم الصحه يابوعبدالله وابو فيصل وابو صالح

لازم اي موضوع انشوفه من جميع الزوايا
مانتكلم عن الزاويه الي من صوبنا بس
اعمارنا غير عن اعمار الشباب الي جربو هالشي او يبون يجربونه
ف لو احنا في اعمارهم راح انشوف اشياء ما انشوفها واحنا في اعمارنا الحالية

[Alm@n$ei]

ليش هالهجمات اللي مالها داعي على الشباب . تدرون ان في وقت ما في قطر كان عيب الرجال يحط عطر وتدرون ان في وقت ما كان عيب يلبس بنطلون . ما المجتمع ينتقد اي شي جديد عليه وينتقد بغباء في بعض الاحيان . شكلي باسوي ليزر وانتوا خلكم

[PGR]

الليزر وايد مفيد من ناحية انه بعض الشباب اعرفهم دوم يطلع لهم حرار في اللحية فسووا ليزر واتخلصوا من هالمشكلة نهائيا وحتى لو ماعندهم مشكلة حرار بالعكس شي حلو الواحد دوم يكون شكله مرتب بدال مايكون شكله يبيله حلاقة

[معماري قطري]

الله يعطيكم الصحه يابوعبدالله وابو فيصل وابو صالح

لازم اي موضوع انشوفه من جميع الزوايا
مانتكلم عن الزاويه الي من صوبنا بس
اعمارنا غير عن اعمار الشباب الي جربو هالشي او يبون يجربونه
ف لو احنا في اعمارهم راح انشوف اشياء ما انشوفها واحنا في اعمارنا الحالية

الله يعافيك اخوي رحال

أوقات اشوف ولدي لابس بنطلون وناوي يطلع كنوع من التغيير واشجعه وولدي يمارس الرياضة واشجعه وواحد يحب المقناص واشجعه .. لدرجة إني نصحتهم يخففون من لبس الغترة الا في المناسبات لكن ما يقدرون المحيط حولهم يلزمهم بتقاليد اللبس

الحلاقة والزينة بحدود مطلوبة لكن بزيادة عن حدها مشكلة .. يجيك بكرة شاب حواجبه كبار يحددهم بليزر وكحل مأساة

[حليتان*]

الشيخ عطني اسم العياده ع الخاص

واي احد عنده عياده زينه مجربها يرسلي خاص

[بعيد النظر]

^

جيك الخاص يالذيب

[عاشق العديد]

انا من الأشخاص الي بعد الحلاقه يجيني حرقان وحبوب واحينا أكياس دهنيه بسبة الشعر

لانه يدخل عكس .. ( جربت ليزر خلود الهيل ) لكن مادري أتوقع تقنيتهم قديمه جدا لانه كان في الللم شديد لدرجه جهاز التبريد يخليك تعرق من الحرق

[nooora]

طلع اغلب شباب المنتدى مسوين ليزر هههههه
بيرفعون سعر اذا في رغبة وتخربون على البنات ههههه اتغشمر

[يمامـة]

عندي استفسار؟. خلافك في تحديد اللحية او العارض ؟ او التحديد بطريقة الموس او الليزر... انت تشرف غلط الرجال يدخل الحلاق و يحدد العارض او يحلق اللحية؟ و اذا الامر عادي شالفرق بين اللي يروح الحلاق مرتين او ثلاث في الأسبوع مع اللي يروح مره كل شهر او شهرين و يحدد بالليزر... ؟

و شدخل الموضوع بالجاذبية؟ ياخي صار اللي يحلق يعني يبي يطلع جذاب؟ في شباب ما يطلع لهم غير شعرتين في وجهم و في شباب ما شاء الله شعر الصدر شابك في اللحية شابك في شعر أذنه ...

عشان نقدر نتحاور ابي اعرف وين تشوف الغلط

بس

السلام عليكم ورحمة الله وبركاته

مساء الخير اخوي عبدالله.. ما عندي خلاف ابدا في تحديد اللحية دام هالامر ما فيه مخالفة شرعية..

ولكني كنت أتكلم بشكل عام من تغيرات طرأت على الرجال ما كانوا يهتمون فيها قبل واليوم يتسابقون عليها..
ويعتبرونها حقوقة كانت مسلوبة منهم واليوم يدافعون للحصول عليها..

تحديد اللحية بالليزر مب هو المعني في كلامي بالدرجة الأولى..

فاليوم الرجال صاروا يسوون تنظيف بشرة ويحطون ماسكات وكريمات وبدي كير
وما يمشون من غير واقي الشمس.. هذا غير التسدح تحت ايادي الفلبينيات في مراكز
الليزر علشان يقضي على شعر جسمه او حواجبه او اذنه..

هذا اللي كنت اقصده.. والسموحة لو اني تسببت في خربطة فهمك لمشاركتي..

[يمامـة]

ليش هالهجمات اللي مالها داعي على الشباب . تدرون ان في وقت ما في قطر كان عيب الرجال يحط عطر وتدرون ان في وقت ما كان عيب يلبس بنطلون . ما المجتمع ينتقد اي شي جديد عليه وينتقد بغباء في بعض الاحيان . شكلي باسوي ليزر وانتوا خلكم

بما اني من حقبة الديناصورات.. ما اخبر في زماني يوم كنت طفلة بريئة اهل قطر كانوا يعرفون شي اسمه عطورات
ناهيك يكون استخدامه عيب..!!!

أصلا مزيل العرق ما كانوا يعرفونه الناس فكيف لهم انهم يعرفون العطورات؟
الواحد منهم كان يمشي بضربة باطه القاضية ويعطر الممرات.. ويووم تطوروا العالم
صار يتعطر رغم اكتساح ضربة باطه القاضية( سوري على التشبيه بس هذا كان واقع الأغلبية)

فما قط مر علي ان العطر حرام او عيب.. اللهم ان ضيق الحال كان مانع لاقتناء العطر..
واللي ما عنده عطر كان يتطيب بالكلونيا ...............> خاصة في الاعراس يحطون الكلونيا حق عقب غسول اليدين
الاخوان كانوا يرشونه على ثيابهم محولين الدنيا ربيع http://www.pic4ever.com/images/springsmile.gif

تبي تسوي ليرز سو محدن مانعك.. بس مرات كثيرة الانتقاد ما يكون نابع من غباء كثر ما يكون نابع من تمسك في الدين..
على هذا الأمر الواحد لازم يقيس التغيير اللي متجه له..

[بعيد النظر]

السلام عليكم ورحمة الله وبركاته

مساء الخير اخوي عبدالله.. ما عندي خلاف ابدا في تحديد اللحية دام هالامر ما فيه مخالفة شرعية..

ولكني كنت أتكلم بشكل عام من تغيرات طرأت على الرجال ما كانوا يهتمون فيها قبل واليوم يتسابقون عليها..
ويعتبرونها حقوقة كانت مسلوبة منهم واليوم يدافعون للحصول عليها..

تحديد اللحية بالليزر مب هو المعني في كلامي بالدرجة الأولى..

فاليوم الرجال صاروا يسوون تنظيف بشرة ويحطون ماسكات وكريمات وبدي كير
وما يمشون من غير واقي الشمس.. هذا غير التسدح تحت ايادي الفلبينيات في مراكز
الليزر علشان يقضي على شعر جسمه او حواجبه او اذنه..

هذا اللي كنت اقصده.. والسموحة لو اني تسببت في خربطة فهمك لمشاركتي..


اختي ترا في رياييل يسوون ليزر !
مادري ليش ربطتي الليزر بالتسدح تحت ايادي الفلبينيات !

[عـ العبيدلي]

بل بل بل ..

شفيكم .. ترى الليزر حاله حال الحلاق ..

بس وايد احسن ..

1- مافي دم وحساسيه ..
2- الوقت أقل .. كل مره اروح الحلاق يمكن 45 دقيقة .. واحتاج احلق مره او مرتين فالاسبوع , جلسة الليزر أقل من عشر دقايق عن تجربة طبعا ..
3- الليرز بعد 6 او 7 جلسات ما تحتاج تروح الحلاق اله كل شهر او شهرين مره ( توفر فلوس ) .

انا بصراحه ابي افتك من الحلاق لانه صج ملل ..
تضييع وقت + فلوس + ألم + يوم الحلاق يضبط ويوم يخرب + دم وساعة لي يوقف الدم وكم مره وهقني ووصخ ثيابي ..

يعني فالنهاية الليزر حاله حال الحلاق .. بس بفعالية أكبر ..

ما ادري شدخل الرجوله فالموضوع .. بس يدورون أي سبة عشان يتسببون ..

وقبل ما حد يتفلسف ترى ( رجل - ذكر - ريال - شنب ) هو الي يسويلي الليزر ..

المهم الي عنده عيادات جربها ونتيجتها ممتازة يحط لنا اسمها ..

انا سويت 3 جلسات النتيجة جيدة بس مب المنتظرة قالولي احتاج 8 جلسات ..

[mr. abdulla]

السلام عليكم ورحمة الله وبركاته

مساء الخير اخوي عبدالله.. ما عندي خلاف ابدا في تحديد اللحية دام هالامر ما فيه مخالفة شرعية..

ولكني كنت أتكلم بشكل عام من تغيرات طرأت على الرجال ما كانوا يهتمون فيها قبل واليوم يتسابقون عليها..
ويعتبرونها حقوقة كانت مسلوبة منهم واليوم يدافعون للحصول عليها..

تحديد اللحية بالليزر مب هو المعني في كلامي بالدرجة الأولى..

فاليوم الرجال صاروا يسوون تنظيف بشرة ويحطون ماسكات وكريمات وبدي كير
وما يمشون من غير واقي الشمس.. هذا غير التسدح تحت ايادي الفلبينيات في مراكز
الليزر علشان يقضي على شعر جسمه او حواجبه او اذنه..

هذا اللي كنت اقصده.. والسموحة لو اني تسببت في خربطة فهمك لمشاركتي..

الموضوع عن الليزر .. شدخل كريمات وجهة و بدّي كير و تجميل و تسدح مع فلبينيات ... و على فكرة معظم العيادات الأخصائي يكون رجال...

[شبح الصمت]

سؤال هل الليزر مكتوب عليه

مخصص للنساء فقط

ترى الي ينتقدون الشباب ما اجرمو وما يصير نقلل من رجولة اي واحد يسوي ليزر في وجه

النظافة من الايمان ..

وفي ناس مساكين يحلق اليوم الظهر يقوم العصر مبوش

[يمامـة]

اختي ترا في رياييل يسوون ليزر !
مادري ليش ربطتي الليزر بالتسدح تحت ايادي الفلبينيات !

اعذرني اللي شفته في مراكز الليزر الخاصة في الحريم.. ان ما في ريايل يسوون ليزر..

واللي يدشون من الرجال الحريم يسوون لهم.. واعتقد ان ما خانتني الذاكرة كان لاحدى الاخوات
في المنتدى موضوع عن مراكز الليزر و وجود الفلبينيات في خدمة الجميع سواء رجال او نساء..
ومساوئ هالامر.. طبعا ما أتكلم عن تحديد اللحية..

فإذا انت يا اخوي تتكلم عن مراكز فيها رجال يسوون ليزر للرجال..
فاعذرني ما دخلت مثل هالمراكز.. وكلامي عن اللي شفته ( يعني ما أتكلم عن اللي شفته؟) :unsure:

[يمامـة]

الموضوع عن الليزر .. شدخل كريمات وجهة و بدّي كير و تجميل و تسدح مع فلبينيات ... و على فكرة معظم العيادات الأخصائي يكون رجال...

محد قال تسدح مع فلبينيات.. المذكور التسدح تحت ايادي الفلبينيات ( وهناك فرق كبير في المعنى)

اما بخصوص الكريمات واللازم منه.. اعتقد انك ما انتبهت اني كتبت لك

ولكني كنت أتكلم بشكل عام من تغيرات طرأت على الرجال ما كانوا يهتمون فيها قبل واليوم يتسابقون عليها..


هذا اللي كنت اقصده.. والسموحة لو اني تسببت في خربطة فهمك لمشاركتي..

المراكز اللي مريت عليها ولا واحد فيها .. جنس ذكر.. كلهم حريم ..
غير اللي سمعت عنهم ..

الا لو في مراكز خاصة للرجال فهذا شي ثاني.. لكن اللي نشوفهم رجال في مراكز للحريم..
حق الليزر.. فل بدي .. او نص او الله يستر على الجميع..