موظه الكوكيز تسرق الاضواء من شاي الكرك !!

[حمد 2002]

السلام عليكم ورحمه الله وبركاته

موظه الكوكيز

بعد نجاح بعض المحلات في بيع الكوكيز انتشر بشكل رهيب وتعددت المحلات واصبح الكل ايبيع كوكيز ، والكل ايصور معاه بالسناب شات وبمختلف وسائل التواصل الاجتماعي ، بعد ان كان الكل ايصور من قلاص شاي الكرك وياخذ معاه سيلفي وصوره شخصيه !! ،،

ماهو القادم ياترى !! ، وهل الناس بتصور معاه صور شخصيه ؟!

تحياتي ..

[راجي الْعفو]

وَعَلَيْكُم السّلام وَرَحْمَة اللهِ وَبَرَكَاتُه

يمكن ضبان

[nooora]

ههههههه فراغ قاتل
القادم
Hot Green tea latte with peppermint

[JN000N]

موظة عيل

[الحياة الخالدة]

والمشكلة خلصت عليهم الاسامي قاموا يسمون أي شي من كثرهم
كوكيز الجمل
كوكيز القرود
كوكيز بنز
كوكيز النمر
وغيرها وغيرها
ما بقى شي ما سموا باسمه

[بانغ بانغ]

موظة عيل

وانا بعد فكرتها بوظه

اطلعت كوكيز وعليه

[Rider]

وصلا وش الكوكيز

[Charisma]

وصلا وش الكوكيز

حركات الدلع هو بسكوت جلكوز حطو فيه نوتيلا وفستق وسموه كوكيز .

بالضبط نفس الكيك بونص ، حطوا عليه كريمه وسموه كب كيك وضرب السوق .


حسب التحليلات والمتابعه المستمره والحثيثه فأن المتوقع للقادم قد يكون : كوتون كاندي ، ماغيره شعر البنات اللي كنا نضرب ثقل ماناكله على بالنا للبنات بس .:yes:

[Charisma]

وزع عالشباب بوظظظه على حسابي ، يستاهلون.

[غير البشر]

الحاله كسيفه

هذا واحد اعجبه الكوكيز :(



https://www.youtube.com/watch?v=tpoHlT1y3jM

[وحيد-الشوق]

موظة عيل

ههههههههههه والغريب عنده شهادة جامعية :)

[يمامـة]

حركات الدلع هو بسكوت جلكوز حطو فيه نوتيلا وفستق وسموه كوكيز .

بالضبط نفس الكيك بونص ، حطوا عليه كريمه وسموه كب كيك وضرب السوق .


حسب التحليلات والمتابعه المستمره والحثيثه فأن المتوقع للقادم قد يكون : كوتون كاندي ، ماغيره شعر البنات اللي كنا نضرب ثقل ماناكله على بالنا للبنات بس .:yes:

واووو

فكرة حلوووة..

يبي لنا نغير في الوان شعر البنات مع شوية حركات في الشعر نفسه و بأشكال مختلفة..

تأمن لي كشك في حدى المجمعات ( خاطري في الحزم ) و لك 30% من صافي الأرباح
لأنك راعي الفكرة..

[بوخالد911]

والقادم أذهل

!!!

[R 7 A L]

اول ماعرفته 2010 في امريكا اول مارحت
كنت مفكره بسكوت منكب عليه ماي ههههههه

[Charisma]

واووو

فكرة حلوووة..

يبي لنا نغير في الوان شعر البنات مع شوية حركات في الشعر نفسه و بأشكال مختلفة..

تأمن لي كشك في حدى المجمعات ( خاطري في الحزم ) و لك 30% من صافي الأرباح
لأنك راعي الفكرة..

خليها 40% ونتوكل ،،

بنستعين في مدرسة رسم تصمم لنا لوقو حق المشروع ، وبنسوي افتتاحية نعزم عليها مشاهير السوشيال امثال عبود ابوجلمبو ورباب مودل ( سوالف تسويق ) ، واهم شي الحلفان انواع واشكال في وصف اللذه واللذاذه .

اليوم الثاني بتشوفين طوابير مدرسه عند الكشك ، ولان اقتراحاتي زادت ، نرفع النسبه لـ51% .


قادمون ايها الكوكويزيون والكركيون والكبكيون:strong2:

[الماريّة]

البسكوت وعجايزنا يسمونه بستوك هههه استوى كوكز

والقهر ماحطوا في منطقتنا الا كوكز لقرود على قولت الحياه

اعجبتني القرود ههههه

وخذ يعد حلاوه اخدود البنات الله يرحم سموها مارشميلو ويحرقونها بعد ههههه
قبل انغززها في خدودنا دفعه وحده ^_^

والبستك بستاشو

[يمامـة]

خليها 40% ونتوكل ،،

بنستعين في مدرسة رسم تصمم لنا لوقو حق المشروع ، وبنسوي افتتاحية نعزم عليها مشاهير السوشيال امثال عبود ابوجلمبو ورباب مودل ( سوالف تسويق ) ، واهم شي الحلفان انواع واشكال في وصف اللذه واللذاذه .

اليوم الثاني بتشوفين طوابير مدرسه عند الكشك ، ولان اقتراحاتي زادت ، نرفع النسبه لـ51% .


قادمون ايها الكوكويزيون والكركيون والكبكيون:strong2:

اصمم لك لوغو.. وانزل النسبة لين 35% .. خبيرة في فن الخداع ثلاثي الابعاد ( تسويق لا اكثر ولا اقل )
و الافتتاحية خلها علي.. بأجر لي وحدة تتمشى وتتهاوش عند مقر كوتونا الكاندي .. و نطلب منها تنشر الفيديو
( علشان لحد يحملنا مخالفة نشر الفيديو) والسيناريو بيكون علي..

نرجع للنسبة غيرت رايي .. لك 20% لأني بصمم اللوغو.. و فكرة الافتتاحية علي.. والسيناريو علي..
واي اعتراض منك راح يحرمك من أي ربح.. انصحك توافق.. http://www.pic4ever.com/images/128fs318181.gif

[يمامـة]

البسكوت وعجايزنا يسمونه بستوك هههه استوى كوكز

والقهر ماحطوا في منطقتنا الا كوكز لقرود على قولت الحياه

اعجبتني القرود ههههه

وخذ يعد حلاوه اخدود البنات الله يرحم سموها مارشميلو ويحرقونها بعد ههههه
قبل انغززها في خدودنا دفعه وحده ^_^

والبستك بستاشو

على طاري بسكوت وبستوك..

احنا من صغرنا نسميه بستوك.. وفي البيت عندي يستخدمون البس كوت
او بستوك.. لكن خوسيه صغيري الجميل( ما يعرف الا بستوك) ..
وبسبة هالكلمة تعرض للسخرية من البعض في احدى الزيارات.. ورجع زعلان
يقول لي احنا شنقول حق البستوك.. قلت له بستوك ( هاهاها) قال لي يعني بستوك غلط؟
قلت له لا مب غلط.. بلهجتنا القطرية كانت بستوك.. لكن تطورت الكلمة ورجعت لأصلها وصارت بسكوت..
فأنت لو قلت بستوك او بسكوت القطري بيفهمك. وخاصة من الجيل القديم.. ( طلعنا احنا العيايز عيل) http://www.pic4ever.com/images/129fs238648.gif

بس للأمانة مب أي كوكيز يسمى كوكيز.. من غير ما اسوق لأي نوع.. في أنواع تاكلها
وتتمنى تاكل منها مرات عديدة.. وفي أنواع الله يزيد النعمة ..

[الماريّة]

على طاري بسكوت وبستوك..

احنا من صغرنا نسميه بستوك.. وفي البيت عندي يستخدمون البس كوت
او بستوك.. لكن خوسيه صغيري الجميل( ما يعرف الا بستوك) ..
وبسبة هالكلمة تعرض للسخرية من البعض في احدى الزيارات.. ورجع زعلان
يقول لي احنا شنقول حق البستوك.. قلت له بستوك ( هاهاها) قال لي يعني بستوك غلط؟
قلت له لا مب غلط.. بلهجتنا القطرية كانت بستوك.. لكن تطورت الكلمة ورجعت لأصلها وصارت بسكوت..
فأنت لو قلت بستوك او بسكوت القطري بيفهمك. وخاصة من الجيل القديم.. ( طلعنا احنا العيايز عيل) http://www.pic4ever.com/images/129fs238648.gif

بس للأمانة مب أي كوكيز يسمى كوكيز.. من غير ما اسوق لأي نوع.. في أنواع تاكلها
وتتمنى تاكل منها مرات عديدة.. وفي أنواع الله يزيد النعمة ..

اي والله اختي اليمامه
مانعرف الا بستوك
الله يرحم بستوك سعاده ههه
وبالعكس خليه يتمسك في لهجته ولا تضيع مثل باقي شبابانا الله يصلحهم
نسوا كلام اهلهم من التطور الزايد
لين تكلمتي معه ماتدرين هو قطري والا اجنبي ههههه

واي والله طلعنا من جيل الطيبين بس مب عياييز تونا شباب ^_^
:shy:
/
\

[يمامـة]

اي والله اختي اليمامه
مانعرف الا بستوك
الله يرحم بستوك سعاده ههه
وبالعكس خليه يتمسك في لهجته ولا تضيع مثل باقي شبابانا الله يصلحهم
نسوا كلام اهلهم من التطور الزايد
لين تكلمتي معه ماتدرين هو قطري والا اجنبي ههههه

واي والله طلعنا من جيل الطيبين بس مب عياييز تونا شباب ^_^
:shy:
/
\

لربما انتي مب عيوز.. انا عيزت خلاص http://www.pic4ever.com/images/129fs238648.gif

الله يبارك لنا في اعمارنا يارب..

صدقتي في ان لو تكلمتي معاهم ما تدرين اذا هو قطري او لا
بسبة توجههم لاستخدام الكلمات الجديدة و الغربية في الكلام..

عيل عيال هاليومين ما يعرفون شنهو بستك.. لازم تقولين لهم بستاشو وما يعرفون وشو نفاخة!!
او تدخل عليج ام الزين وتقول: هاااي. تبا وشو هاااي .. ما في السلام عليكم؟!!

[Charisma]

اصمم لك لوغو.. وانزل النسبة لين 35% .. خبيرة في فن الخداع ثلاثي الابعاد ( تسويق لا اكثر ولا اقل )
و الافتتاحية خلها علي.. بأجر لي وحدة تتمشى وتتهاوش عند مقر كوتونا الكاندي .. و نطلب منها تنشر الفيديو
( علشان لحد يحملنا مخالفة نشر الفيديو) والسيناريو بيكون علي..

نرجع للنسبة غيرت رايي .. لك 20% لأني بصمم اللوغو.. و فكرة الافتتاحية علي.. والسيناريو علي..
واي اعتراض منك راح يحرمك من أي ربح.. انصحك توافق.. http://www.pic4ever.com/images/128fs318181.gif

http://31.media.tumblr.com/tumblr_lzlxvxiAnB1ql94czo1_250.gif

معليه تأخرنا شوي ، خلاص صممت الشعار وبهالمناسبة ممكن نرفع النسبة لـ 75 ظھ .

http://www.kidzmondo.com/Contentfiles/261Logo.png

[bohilal191]

شوف اخوي حمد أكثرية الناس عندنا ماشافت خير وبسرعة ينقص عليهم في سالفة الكوكيز وترى كلهم نفس الطعم بس اللهم الاسم يتغير وماشاء الله عندنا ناس يركضون على أي محل جديد يبيع كوكيز حتى لو نفس الباقي بس لأن فلان عمل دعاية وقال واو والقادم بيكون كوكيز البقر

[مرتبش]

نسيت موضة الكب كيك.. الوان وكريمة وانقز.
الكرك ايضا موضة

[JN000N]

على فكره حتى الرنقينه صارت لها موضه
بس ما قام حظها نفس الباقي
في رنقينة ع شكل ورد وفي رنقينه ف قفشه وفي رنقينه ف بلاستك وهكذا
فالاخير احلى رنقينه مالت حلويات طارق خخخخ

[الكبير]

ولاتنسوم العالم انجنوا ايام الماكرون

من لندن اكياس بالهبل في المطار

ناس اتموت من الجوع وتشريد وتقتيل وهذول يلعبون في النعمة

[JN000N]

وقرص العقيلي بعد صار لها عدة اشكال وموضه بس ما قام حظها وايد
عقب ما كان قرص عقيلي متوسط الحجم ورهيف شحلوه
صار احجام وبالسمسم وبدون وبانواع الحلوى وباشكال ضعيف متين متبتب ومدور ومادري شعداله

[الكبير]

على فكره حتى الرنقينه صارت لها موضه
بس ما قام حظها نفس الباقي
في رنقينة ع شكل ورد وفي رنقينه ف قفشه وفي رنقينه ف بلاستك وهكذا
فالاخير احلى رنقينه مالت حلويات طارق خخخخ

والله انك الصادقة ايام حلويات طارق والرنجينة مالته

[JN000N]

والحين ف الجيز كيك
غير الجيز كيك باليلاليط والرهش والحلوى
طايحين ف الجيز كيك الياباني


مايندرا شبيصير زياده بعد

[Dana’1]

ههههه
لا لا ،،مازال الكرك متصدر
رغم الكوكيز و الإتالياان صودا الي يخضخضونه بمانجو طلعت والاسماءالمكتوبه على أكواب ستاربكس اظنها اهم من القهوه نفسها ! :) وغيرها

بس مافيها شي خل العالم تنبسط و تسترزرق :)

[ساراام]

قاصين علينا وكل يوم بيطلع شي جديد مدام في ناس مشدخين بيشترون بس عشان التصوير خخخ

[يمامـة]

http://31.media.tumblr.com/tumblr_lzlxvxiAnB1ql94czo1_250.gif

معليه تأخرنا شوي ، خلاص صممت الشعار وبهالمناسبة ممكن نرفع النسبة لـ 75 ظھ .

http://www.kidzmondo.com/Contentfiles/261Logo.png

هاهاها
سويت لي checkmate
ما تركت لي منفس اتحرك منه..

أخاف اتذاكى عليك اطلع بديون اسددها لين نص قرن علشان احصل لي ما نسبته 5% من راس المال
بعد عمر طوويل هذيه لو ما طلعت " موظة" يديدة قطت نشاطنا في القاع..
خلاص موافقة من غير نقاش http://www.pic4ever.com/images/128fs318181.gif
لك 75% ولي 25 .. توكلنا على بركة الله..

[الحياة الخالدة]

والحين ف الجيز كيك
غير الجيز كيك باليلاليط والرهش والحلوى
طايحين ف الجيز كيك الياباني


مايندرا شبيصير زياده بعد
جيزكيك الساقو بعد نسيتيه
يختي قمنا نشوف أشياء عجيبة : أشياء صغيرة أصغر من عقلة الإصبع .. مصفوفة صف في الماعون والا طبق التقديم .. ما تدرين شنهي .. تاكلينها تطلع ورق عنب .. والا محشي كوسا .. والا فطيرة فلافل .. والا مجبوس لحم ( هاذي تأليف عاد ) ههههههههههههه
بس صج ذاك اليوم كلت أشياء جذي في بيت ناس رايحة لهم .. وما استوعبت طعمها من زود ماهي نتيفووووونة
تقولين مسوينها حق ياهل توه ياكل وخايفين عليه يغص .. لا تسمن ولا تغني من جوع .. وتلقينها غالية بعد مب سهلة
قلنا ميني بس مب جذي عااااااااد

[السيف5]

ومازال قدوعي المفضل الرهش والقهوة العربية :ok2:

[ممنوع اللمس]

احسن شي تايقر كوكيز
جربه

بعدين مادام شباب قطرين يفتحون هالمشاريع الله يوفقهم
سواء كوكيز و غيره او تصوير عادي يعني وش مضايقك

[راجي الْعفو]

جوعتونا
نبي تايقر كوكيز

[بوحارب]

انا ماعندي غير العيش واللحم بسسسسسسسسس


لاتقولي كوكيز مادري شيزكيك

كلها سوالف دلوعين ماتعجني

هل من شخص يرسلي غدا عيش ولحم واكون شاكر له

لايتنسى يسوي حساب العيال :)

[عاشق العديد]

هي هبه .. وتندثر ..

وانصح أصحاب هالمحلات لايكثرون لانه رايح تنقلب عليهم سلبيا

[Alm@n$ei]

وليش زعلان 😆

[نفسي عزيزه]

وَعَلَيْكُم السّلام وَرَحْمَة اللهِ وَبَرَكَاتُه

يمكن ضبان

هههههههههههههههههه

[حليتان*]

انا اخذ كوكيز من وحده فالانستقرام صج صج كوكيز يالربع

[حليتان*]

بعدين ترا هوليله ع الفاضي

خلو الناس تاكل الي تاكله وتصور الي تصوره
الي مايبي ياكل لا ياكل والي ما يبي يصور لا يصور

[MirusS]

الكرك محبوب الشعب الكوكيز فتره وتروح موضتها
المشكله الكوكيز طعمه مب حلو احس الناس ياكلونه و يجاملون بعض هههههه

[Dana’1]

جيزكيك الساقو بعد نسيتيه
يختي قمنا نشوف أشياء عجيبة : أشياء صغيرة أصغر من عقلة الإصبع .. مصفوفة صف في الماعون والا طبق التقديم .. ما تدرين شنهي .. تاكلينها تطلع ورق عنب .. والا محشي كوسا .. والا فطيرة فلافل .. والا مجبوس لحم ( هاذي تأليف عاد ) ههههههههههههه
بس صج ذاك اليوم كلت أشياء جذي في بيت ناس رايحة لهم .. وما استوعبت طعمها من زود ماهي نتيفووووونة
تقولين مسوينها حق ياهل توه ياكل وخايفين عليه يغص .. لا تسمن ولا تغني من جوع .. وتلقينها غالية بعد مب سهلة
قلنا ميني بس مب جذي عااااااااد

ههههههههههه ضحكتيني من جد الله يسعدس
صادقه حلاتها المحاشي بالذات حجمها المتعارف او عالاقل نص الاصبع مجكنمه شي بسيط

[حمد 2002]

وَعَلَيْكُم السّلام وَرَحْمَة اللهِ وَبَرَكَاتُه

يمكن ضبان

يمكن ضب كوكيز ..

ولا بوحارب كوكيز خخخ امزح ..

تحياتي ..

[حمد 2002]

ههههههه فراغ قاتل
القادم
Hot Green tea latte with peppermint

هههههههههههه

ضحكت ونا ماعرف شنو الترجمه ..

تحياتي ..

[حمد 2002]

موظة عيل

شكرا على التصحيح ..

تحياتي ..

[بومحمد المطاوعه]

والمشكلة خلصت عليهم الاسامي قاموا يسمون أي شي من كثرهم
كوكيز الجمل
كوكيز القرود
كوكيز بنز
كوكيز النمر
وغيرها وغيرها
ما بقى شي ما سموا باسمه

ابشرج في

برقع كوكيز
هههههههههه


عندي مشروع تشاركيني فيه


كوووووع كوكيز:eek2:

[بومحمد المطاوعه]

انا اخذ كوكيز من وحده فالانستقرام صج صج كوكيز يالربع

شسمه
ليكون
برقع كوكيز

[حمد 2002]

والمشكلة خلصت عليهم الاسامي قاموا يسمون أي شي من كثرهم
كوكيز الجمل
كوكيز القرود
كوكيز بنز
كوكيز النمر
وغيرها وغيرها
ما بقى شي ما سموا باسمه

اي مشروع ناجح بيحصل منافسه بمسميات مختلفه ..

نفس الكرك ..

ممممم الحين بعد بتعلمين اايحطون لوتس على كيك على مادري شنو على بستاشو ويعطونه للناس والناس اكل على طول ..

ممم انا مابرىء نفسي لاني اكل بعد احياننا لانه النفس اتهف على الاكل في احياننا كثيره ..

تحياتي ..

[حمد 2002]

وصلا وش الكوكيز

شيء يشبه الكيك داخله كافي او بستاشو او لوتس او كندر او بنكهه القهوه ..


تحياتي

[حمد 2002]

وانا بعد فكرتها بوظه

اطلعت كوكيز وعليه

هههههه نفس كونار ولد العرب

[حمد 2002]

حركات الدلع هو بسكوت جلكوز حطو فيه نوتيلا وفستق وسموه كوكيز .

بالضبط نفس الكيك بونص ، حطوا عليه كريمه وسموه كب كيك وضرب السوق .


حسب التحليلات والمتابعه المستمره والحثيثه فأن المتوقع للقادم قد يكون : كوتون كاندي ، ماغيره شعر البنات اللي كنا نضرب ثقل ماناكله على بالنا للبنات بس .:yes:

لاتحط افكار لانه في ناس تبوق الافكار على طول وتحولها لمشاريع على ارض الواقع ..

تحياتي ..

[JN000N]

شسمه
ليكون
برقع كوكيز

توني اكتشفت ان في بعد كوالا كوكيز :eek2:

[ولد العرب]

هههههه نفس كونار ولد العرب

:waiting:

[بومحمد المطاوعه]

توني اكتشفت ان في بعد كوالا كوكيز :eek2:

اي
ههههههههه
هذي قديم بعد

[حليتان*]

شسمه
ليكون
برقع كوكيز
والله مادري

البنيات اطلبو مره وحطوه مع الفاله فالميلس وياز لي
اذا ابي اكلم امي او حد من البنات يطلبون لي

[بومحمد المطاوعه]

والله مادري

البنيات اطلبو مره وحطوه مع الفاله فالميلس وياز لي
اذا ابي اكلم امي او حد من البنات يطلبون لي

بالعافيه ياخوي

وربي يحفظ الوالده لك ان شاءالله

[راجي الْعفو]

اما برقع كوكيز
من صجكم ^_^
يعني ممكن الوحدة تستغني عن برقعها اذا كلته ^_^

[بومحمد المطاوعه]

اما برقع كوكيز
من صجكم ^_^
يعني ممكن الوحدة تستغني عن برقعها اذا كلته ^_^

هههههههههه اي والله
لهم حساب فالانستقرام

[ضوى]

الحمد لله لا كرك ولا كوكييز الله يديم علينا نعمته

[راجي الْعفو]

هههههههههه اي والله
لهم حساب فالانستقرام

عيل بعد هالكلام
عبارة( ماهقيت ان البراقع يفتنني) بيتغير معناها
كوكيز^_^

[حمد 2002]

عيل بعد هالكلام
عبارة( ماهقيت ان البراقع يفتنني) بيتغير معناها
كوكيز^_^

شكلك تسمع اغاني ؟

الي اعرفه انه هذي اغنيه محمد عبده ..

تحياتي ..

[حمد 2002]

الحاله كسيفه

هذا واحد اعجبه الكوكيز :(



https://www.youtube.com/watch?v=tpoHlT1y3jM

هههههههه
خاف البياع خخخخ

[راجي الْعفو]

شكلك تسمع اغاني ؟

الي اعرفه انه هذي اغنيه محمد عبده ..

تحياتي ..

كلمات خالد الفيصل قبل ما تكون اغنية
وتوني ادري انها اغنية لمحمد عبده

[Dana’1]

والحين ف الجيز كيك
غير الجيز كيك باليلاليط والرهش والحلوى
طايحين ف الجيز كيك الياباني


مايندرا شبيصير زياده بعد


ذبحونا فيها كلن يمدح بالسوشال ميديا قلت خن اذوقها عاااديه مقارنه بالهوليله الي سووها مال كنتاكي الذ :)
اقرب مالها الكيكه الاسفنجيه ذكرتني بحقت مخابز كوريا حقت كويا الذ بعد بس هي بشوووووية كريمه بالنص تحسينها بالاكل والا ما تنشاف حتى شدعوه هههه

[الماريّة]

لو سمحتوا برقع كوكيز هاي بس للبدو
انتوا سوو لكم بطوله كوكيز ^_^

[مختلف جداََ]

الحين الكوكيز مب فيروس في الكمبيوتر :oops: