شتحسون فيه يا بنات الحلال ؟؟!!

[الحياة الخالدة]

السلام عليكم ورحمة الله وبركاته
فئتين من البنات / الحريم كلما يمرون علي أستغرب وتختلط عندي المشاعر لرؤيتهم ( وأكيد أحمد ربي إني ما ابتليت مثلهم وادعي لهم بالهداية ) :

1- اللي ينفخون شفايفهم ( براطمهم ) : أشكال عجيبة وغريبة .. وبدرجات نفخ مختلفة .. وأحياناً ما تكون متساوية ( حسب احترافية اللي سوالهم عملية النفخ ) .. فتبين الشفايف مفترة على صوب
وغير جذي في كثير من الاحيان تكون منفوخة بشكل بوز السمكة .. وبصورة مبالغ فيها بحيث حتى ما تقدر الوحدة تسكر حلجها عدل
انزين لييييييييش .. شاللي حادكم ؟؟!! .. يعني وين وجه الجمال في هالشي .. طول الوقت الحلج مفتوح والشفايف متورمة كأنه حد ضاربها بوكس

2- اللي يلبسون شباصة ( مدري شيسمونها ) ضخمة ويلفون الشيلة .. ويمشون عاااااااااادي .. الراس صاير اشكبره .. يمكن حتى ما تقدر تدش من ويه الباب من كبره
وارجع واقول لييييييييييش ؟؟!! والله الشكل يفشل .. معقولة يكون شعورهم عادي وشايفينه حلو
أنا عبالي موضة وراحت لحال سبيلها .. لكن للأسف ما زالت موجودة .. وما زلنا نشوفها .. حتى في دواماتنا

أستميحكم عذراً يا بنات .. بس الصراحة مناظر تفشل

[ساراام]

يبون يلفتون النظر

مايدرون في ناس يضحكون عليهم اذا مروا صوبهم

عن نفسي افقع ضحك اذا شفت هالاشكال

فرق بينهم وبين البنات المحتشمين

[الحياة الخالدة]

يبون يلفتون النظر

مايدرون في ناس يضحكون عليهم اذا مروا صوبهم

عن نفسي افقع ضحك اذا شفت هالاشكال

فرق بينهم وبين البنات المحتشمين

الله يهدينا وياهم .. ويستر علينا وعلى بنات المسلمين
يلفتون النظر حق شنو .. على قولتك شي يضحك .. وصراحة يقص الويه
ويقول المثل : لين بغيت تذكر .. سو خير والا سو منكر

[شموخ دائم]

,

,


مرحبا


شكرا على الموضوع

بطبعي ماحب اعلق او ادخل مواضيع الحريم او البنات بشكل عام
لان الرد فيها ما بيغير او بيعدل شي للأسف
لان كل انسان له طبع وله ميول


ردي هنا فقط على الشفايف المنتفخه

بجد احس ان البنت ( مقروصه ) وانتفخت مكان القرصه وتشوهت
بجد ( يشوه ) ومافيها أي جمال او انوثه او رقه
لامن قريب ولا من بعيد

هذي نظره الرجل لهذا الوضع
اذا الرجل يشوف انه
تشويه

البنت تسويه لمن ؟

الله يشفي كل ( مقروصه )

:)


كل ما يكون الوجه اقرب للطبيعي وبسيط البساطه الي تعطي رقه
يكون اقرب للقلب

سبحان الله في جمال البساطه


,

,

[الحياة الخالدة]

,

,


مرحبا


شكرا على الموضوع

بطبعي ماحب اعلق او ادخل مواضيع الحريم او البنات بشكل عام
لان الرد فيها ما بيغير او بيعدل شي للأسف
لان كل انسان له طبع وله ميول


ردي هنا فقط على الشفايف المنتفخه

بجد احس ان البنت ( مقروصه ) وانتفخت مكان القرصه وتشوهت
بجد ( يشوه ) ومافيها أي جمال او انوثه او رقه
لامن قريب ولا من بعيد

هذي نظره الرجل لهذا الوضع
اذا الرجل يشوف انه
تشويه

البنت تسويه لمن ؟

الله يشفي كل ( مقروصه )

:)


,

,
والشكر موصول لك أخوي شموخ دائم
ولا أنا كنت أبي أنزل هالموضوع .. بس من كثر ماشوف هالمناظر صج صج أستغرب ليش
يمكن يكون فيها وجه جمال أنا مب مستوعبته

وكلامك صحيح .. القرصة لها نفس التأثير
الله يشفيهم .. اللهم آمين

[بانغ بانغ]

قالها احد الاعضاء ان البعض فيهم نقص خاصة الجيل الجديد

بخصوص البراطم .... يمكن ايسوون تيوب لس بعد فترة

نزلت موضوع من كم سنة عن عمليات التجميل وغالبيتهم ايقلدون امل العوضي الكويتية في التنفيخ والسمكرة وهالامور

الله لا يبلانا عندنا وحدة كل يوم بشكل اقولها خير اشفيك اتقول عندي جلسة ابرة ...

اشكره كاش وانا استحي والله

[الحياة الخالدة]

قالها احد الاعضاء ان البعض فيهم نقص خاصة الجيل الجديد

بخصوص البراطم .... يمكن ايسوون تيوب لس بعد فترة

نزلت موضوع من كم سنة عن عمليات التجميل وغالبيتهم ايقلدون امل العوضي الكويتية في التنفيخ والسمكرة وهالامور

الله لا يبلانا عندنا وحدة كل يوم بشكل اقولها خير اشفيك اتقول عندي جلسة ابرة ...

اشكره كاش وانا استحي والله

انتو استحيتوا وهم ما استحوا ولا تفشلوا
صارت السالفة عادية .. وأصلاً الوحدة ( أو الواحد أحياناً ) بس تدش في دوامة التجميل والشد والتنفيخ والتعديل .. ما تطلع منها
وبدال ما تعدل .. تخرب زيادة وزيادة وصدق الله العظيـــــم : ( إِنَّا كُلَّ شَيْءٍ خَلَقْنَاهُ بِقَدَرٍ )
لا حول ولا قوة إلا بالله ..

[Rider]

بأختصار لو هالبنات حصلوا حد يوجهم ماوصلو حق هالاشياء الي قاعدين نشوفها الأم في صور والاب كذلك والدعوه ضايعة

[يمامـة]

الرجال هم السبب..

نظرة عامة للتحول الكبير اللي حصل للمرأة.. نجد ان من بعد الشيطان يأتي الرجل في المقام الأول
فيما ذهبت اليه اذواق الجنس اللطيف..

التغييرات الكثيرة اللي بدت تحصل في اشكال و كلام وسلوك البنات والحريم سببه ذوق الرجال( للأسف)..

مواصفات الفل اوبشن.. او ابراز ما يلفت نظر الرجال و إضافة صبغات لفت الانتباه للرجال في أي منطقة في الجسد..
سببه الذوق العام للرجال.. كل ما تغيرت ثقافة الرجل تجاه الانثى كل ما تغيرت الانثى حتى ترضي ذوق الرجل...

فلما تجي ممثلة لاعبة في ويهها.. ومسوية اللي مسويته.. وتلقى هالكم الهااائل من الاعجاب لها من قبل الجنس الخشن
طبيعي جدا نلقى قوافل من المقلدين لها..

هيفاء ,, حليمة بولند.. نانسي عجرم.. وأمل العوضي..

نماذج بسيطة غيرت تاريخ ثقافة الاقتناع بما وهبنا الله دون تدخلات تجميلية تدخل في باب عمل الشيطان..

بنات صغار على 18 و 20 و 22.. يطلعون حاشيين يمين ويسار وشرق وغرب في اجسامهم من له؟
مب للثقافة اللي تروجت في كيفية إرضاء ذوق الرجل؟!!

المطالبات الغريبة الواجب توافرها في شريكة الحياة.. حتى تكون نسخة من كيم او نسخة من عن..
ونظرات الاعجاب و كلمات المديح لاشكالهم واجسادهم وأسلوب مياعتهم في الكلام.. برز التغيير الكبير
الحاصل في سلوك وذوق البنات بشكل عام..

فشي طبيعي يالحياة الخالدة تشوفين هالاشكال من المنفخين المجدد.. قد ما تكون تهدف للفت نظر الرجل
في قرارة نفسها.. لكنها في الأخير هي تواكب موضة إرضاء ذوق الرجال..

[الحياة الخالدة]

بأختصار لو هالبنات حصلوا حد يوجهم ماوصلو حق هالاشياء الي قاعدين نشوفها الأم في صور والاب كذلك والدعوه ضايعة

كلامك صحيح أخوي رايدر
لكن العلة لما تجيك الأم بكبرها تسوي هالسوالف .. شلون تتخيل بيكونون بناتها
الله المستعان

[الحياة الخالدة]

الرجال هم السبب..

نظرة عامة للتحول الكبير اللي حصل للمرأة.. نجد ان من بعد الشيطان يأتي الرجل في المقام الأول
فيما ذهبت اليه اذواق الجنس اللطيف..

التغييرات الكثيرة اللي بدت تحصل في اشكال و كلام وسلوك البنات والحريم سببه ذوق الرجال( للأسف)..

مواصفات الفل اوبشن.. او ابراز ما يلفت نظر الرجال و إضافة صبغات لفت الانتباه للرجال في أي منطقة في الجسد..
سببه الذوق العام للرجال.. كل ما تغيرت ثقافة الرجل تجاه الانثى كل ما تغيرت الانثى حتى ترضي ذوق الرجل...

فلما تجي ممثلة لاعبة في ويهها.. ومسوية اللي مسويته.. وتلقى هالكم الهااائل من الاعجاب لها من قبل الجنس الخشن
طبيعي جدا نلقى قوافل من المقلدين لها..

هيفاء ,, حليمة بولند.. نانسي عجرم.. وأمل العوضي..

نماذج بسيطة غيرت تاريخ ثقافة الاقتناع بما وهبنا الله دون تدخلات تجميلية تدخل في باب عمل الشيطان..

بنات صغار على 18 و 20 و 22.. يطلعون حاشيين يمين ويسار وشرق وغرب في اجسامهم من له؟
مب للثقافة اللي تروجت في كيفية إرضاء ذوق الرجل؟!!

المطالبات الغريبة الواجب توافرها في شريكة الحياة.. حتى تكون نسخة من كيم او نسخة من عن..
ونظرات الاعجاب و كلمات المديح لاشكالهم واجسادهم وأسلوب مياعتهم في الكلام.. برز التغيير الكبير
الحاصل في سلوك وذوق البنات بشكل عام..

فشي طبيعي يالحياة الخالدة تشوفين هالاشكال من المنفخين المجدد.. قد ما تكون تهدف للفت نظر الرجل
في قرارة نفسها.. لكنها في الأخير هي تواكب موضة إرضاء ذوق الرجال..

كلامج في مجمله صحيح أختي يمامة
واركز على السطرين الأخيرين .. إضافة إلى التقليد الأعمى للقدوات السيئة ( مثل بعض الأسماء اللي ذكرتيها )
لكن معقولة عقول خواتنا في الله انمسحت نهائياً .. وما عادو يميزون الصح من الخطأ .. والعدل من المايل ؟؟!!
يمكن صغيرات السن أو المراهقات نعطيهم عذر السفاهة والطيش .. لكن كبيرات السن وصغيرات العقل شنهو عذرهم ؟؟!!
الله لا يبلانا .. ويحسن خاتمتنا

[JN000N]

ويع
تذكرت وحده شفتها من يومين ف المطار
استغفر الله جنها من الي كانو منتشرين قبل يبيعون ف السوق الصيني ف دبي يتصيدون للشباب مع الراس الثاني الي فوق روسهم ههههه

الحين في حد ما نفخ بوزه؟
قمت اشك اني اوت ديتد من كثر البلاوي الي اشوفها
لا واكثر شي عجيب
وحده واشمه حبة خال فخدها
استغفر الله يعني الواحد شيقول ملعونه ومطروده من رحمة الله عشان نقطه!!!

صارو كلهم يتشابهون وعلى قولتج البوز جنهم سمج (برطامه) ههههه

ثقافة بنات الكويت داشه علينا بقوه بقوه
من كثر ما يتابعونهم ف انستقرام وسناب وكل مكان صارو يقلدونهم ويسوون مثلهم
والكبار قبل الصغار
الحين خلو البنات بنقول يهالو ومالقو حد يردهم
زين امهات كبار معيلين يدات صارو ماتم شد ونفخ وتفخ ومادري شنو ماسووه

[JN000N]

كان مفهوم الجمال قبل البنت تكون ناعمه صغيره بيضه شفتها صغار على قولتهم خاتم سليمان ملامحها هاديه شعرها مب يعد والخ الخ

الحين!
تغير لونها تستوي سوده يبلفيت تان وتكبر براطمها خاطرهم يهتزون ف ويهها من الثقل وتعجف الشعر نفس السمر وتقولج جمالي رباني
بعدين احين مب موضه العضاضه الكبيره
الحين تفرق الشعر من النص جنها هنديه وتقط الشيله على راسها تطلع فرق الموده يبلفيت كشخه

[طلعة الروح]

الاسباب للظواهر اللي تفضلتي وذكرتيها تكاد تكون للاسباب التاليه:
نقص في الثقة بالشكل الخارجي او تعاني من الفراغ وقلة الشغل وهم كلهم يشتركون في صفة واحدة مشتركة وهي صفة (المهايط اللي بدون سنع) في حياتهم الشخصية بشكل عام تلاقينهم على طول يبون يراوون الناس شي جديد ومميز (من وجهة نظرهم طبعا)
ويا ناس انتبهوا وشوفوني غصب... في المقابل ماعندهم مشكله يدفعون دم قلوبهم على هالمهايط والفشخره اللي مالها داعي فقط عشان مايكونون اقل من غيرهم بأي شي... والله الهادي والشافي.,

[أسد الجزيرة]

الرجال هم السبب..

نظرة عامة للتحول الكبير اللي حصل للمرأة.. نجد ان من بعد الشيطان يأتي الرجل في المقام الأول
فيما ذهبت اليه اذواق الجنس اللطيف..

التغييرات الكثيرة اللي بدت تحصل في اشكال و كلام وسلوك البنات والحريم سببه ذوق الرجال( للأسف)..

مواصفات الفل اوبشن.. او ابراز ما يلفت نظر الرجال و إضافة صبغات لفت الانتباه للرجال في أي منطقة في الجسد..
سببه الذوق العام للرجال.. كل ما تغيرت ثقافة الرجل تجاه الانثى كل ما تغيرت الانثى حتى ترضي ذوق الرجل...

فلما تجي ممثلة لاعبة في ويهها.. ومسوية اللي مسويته.. وتلقى هالكم الهااائل من الاعجاب لها من قبل الجنس الخشن
طبيعي جدا نلقى قوافل من المقلدين لها..

هيفاء ,, حليمة بولند.. نانسي عجرم.. وأمل العوضي..

نماذج بسيطة غيرت تاريخ ثقافة الاقتناع بما وهبنا الله دون تدخلات تجميلية تدخل في باب عمل الشيطان..

بنات صغار على 18 و 20 و 22.. يطلعون حاشيين يمين ويسار وشرق وغرب في اجسامهم من له؟
مب للثقافة اللي تروجت في كيفية إرضاء ذوق الرجل؟!!

المطالبات الغريبة الواجب توافرها في شريكة الحياة.. حتى تكون نسخة من كيم او نسخة من عن..
ونظرات الاعجاب و كلمات المديح لاشكالهم واجسادهم وأسلوب مياعتهم في الكلام.. برز التغيير الكبير
الحاصل في سلوك وذوق البنات بشكل عام..

فشي طبيعي يالحياة الخالدة تشوفين هالاشكال من المنفخين المجدد.. قد ما تكون تهدف للفت نظر الرجل
في قرارة نفسها.. لكنها في الأخير هي تواكب موضة إرضاء ذوق الرجال..

الرجل سبب ثقب الاوزون :)

[الحياة الخالدة]

ويع
تذكرت وحده شفتها من يومين ف المطار
استغفر الله جنها من الي كانو منتشرين قبل يبيعون ف السوق الصيني ف دبي يتصيدون للشباب مع الراس الثاني الي فوق روسهم ههههه

الحين في حد ما نفخ بوزه؟
قمت اشك اني اوت ديتد من كثر البلاوي الي اشوفها
لا واكثر شي عجيب
وحده واشمه حبة خال فخدها
استغفر الله يعني الواحد شيقول ملعونه ومطروده من رحمة الله عشان نقطه!!!

صارو كلهم يتشابهون وعلى قولتج البوز جنهم سمج (برطامه) ههههه

ثقافة بنات الكويت داشه علينا بقوه بقوه
من كثر ما يتابعونهم ف انستقرام وسناب وكل مكان صارو يقلدونهم ويسوون مثلهم
والكبار قبل الصغار
الحين خلو البنات بنقول يهالو ومالقو حد يردهم
زين امهات كبار معيلين يدات صارو ماتم شد ونفخ وتفخ ومادري شنو ماسووه


كان مفهوم الجمال قبل البنت تكون ناعمه صغيره بيضه شفتها صغار على قولتهم خاتم سليمان ملامحها هاديه شعرها مب يعد والخ الخ

الحين!
تغير لونها تستوي سوده يبلفيت تان وتكبر براطمها خاطرهم يهتزون ف ويهها من الثقل وتعجف الشعر نفس السمر وتقولج جمالي رباني
بعدين احين مب موضه العضاضه الكبيره
الحين تفرق الشعر من النص جنها هنديه وتقط الشيله على راسها تطلع فرق الموده يبلفيت كشخه

ههههههههه صج جنه طالع لها راس ثاني فوق الأصلي ( double shot ) .. يمكن هاذي اللي ينقال عنها كبر راسها
الله يرحم أيام مقاييس الجمال القديمة .. أخبر البراطم العودة ما كانت مستحبة أبداً .. أما الحين يدفعون فيها فلوس سبحان الله
والا التان اللي تقولين عنه .. جان زين التان العدل .. لا تييج رمادية مادري ملحة المهم إنه لون غريب وعجيب
وبخصوص موضة الفرق مادري عنها .. خبرج ما أواكب الموضة هههههههههه

[الحياة الخالدة]

الاسباب للظواهر اللي تفضلتي وذكرتيها تكاد تكون للاسباب التاليه:
نقص في الثقة بالشكل الخارجي او تعاني من الفراغ وقلة الشغل وهم كلهم يشتركون في صفة واحدة مشتركة وهي صفة (المهايط اللي بدون سنع) في حياتهم الشخصية بشكل عام تلاقينهم على طول يبون يراوون الناس شي جديد ومميز (من وجهة نظرهم طبعا)
ويا ناس انتبهوا وشوفوني غصب... في المقابل ماعندهم مشكله يدفعون دم قلوبهم على هالمهايط والفشخره اللي مالها داعي فقط عشان مايكونون اقل من غيرهم بأي شي... والله الهادي والشافي.,
تهقين يعني فراغة وقلة شغل !! والله بعضهم يفرغون نفسهم خصوصي ويتعنون حق هالسوالف
يمكن صح نفس ما قلتوا يحبون التميز عن غيرهم ولفت النظر .. حتى لو مب على سنع .. والا انهم فاهمين الجمال غلط .. ويرددون عبارة إن الله جميل يحب الجمال

[النهار]

الحجاب بونفخه وبراطام بونفخه
كل شي فيهم منفوخ
هههههههههههههههههههههه
كله من الفراعنه
شقت صور المطرب عمرو ذياب من مده قصيره ماكان كابس ويهه بوتكس تقولين عمره 70 سنه

http://www.up.7cc.com/uploads/1492436377771.jpg (http://www.up.7cc.com/)

http://www.up.7cc.com/uploads/1492436377822.jpg (http://www.up.7cc.com/)

الحين الكل قاعد ينفخ البنات والشباب والشياب
تعالي شوفي الشباب اكثر من البنات عند مراكز الليزر

[بانغ بانغ]

اي والله في شباب اخس

تنفيخ ومكياج يوم العرس او اشوية بهارات وووو

[السيف5]

من اشوف هالاشكال والبلاوي

اقول الحمد لله كثيرا والله لايبلينا

فعلا مناظر تعور القلب والله يهدى بناتنا يارب ويتركون هالاشياء

[R 7 A L]

الفراغ والفلوس الزايده هي السبب
بالاضافه الي عدم استنكار المجتمع
وسكوت الاب والام

[aloosh]

هي تعمل للي طالعين من من متن الى ضضعف حيث الدهون في البراطم تقل

[الحاقول]

حكم نفخ الشفاه البسيط، إذا كان لفترة مؤقتة

الإجابــة



الحمد لله، والصلاة والسلام على رسول الله، وعلى آله، وصحبه، أما بعد:

فإذا كان ذلك لمجرد طلب الحسن وزيادة الجمال، فلا يجوز فعله

لكونه من التغيير المحرم لخلق الله تعالى.

بخلاف ما كان لمعالجة عيب، أو إزالة ضرر، فإنه يجوز فعله


كما قال الشيخ سليمان الماجد :

ما دام أن المقصود من نفخ الشفاه هو التجمل فقط،

وليس إزالة أثر حرق أو جرح، أو رفع قبح ظاهر، فلا يجوز

بل هذه من أوامر إبليس التي قال الله تعالى فيها على لسانه: {ولآمرنهم فليغيرن خلق الله}

ولعن صلى الله عليه وسلم المتفلجات للحسن،

ثم قال: "المغيرات خلق الله" وعملهن دون ذلك.

مع ما فيه من تسخط القدر، وعدم الرضا بالقسمة في الخلق.

[العقل المدمر]

انا حبست عمري عشان ماشوف هالاشكال
اخرتها قمت اشوفهم في اهلي :eek5:
يا مقلب القلوب ثبت قلوبنا على دينك :sorry:

[العقل المدمر]

حكم نفخ الشفاه البسيط، إذا كان لفترة مؤقتة

الإجابــة



الحمد لله، والصلاة والسلام على رسول الله، وعلى آله، وصحبه، أما بعد:

فإذا كان ذلك لمجرد طلب الحسن وزيادة الجمال، فلا يجوز فعله

لكونه من التغيير المحرم لخلق الله تعالى.

بخلاف ما كان لمعالجة عيب، أو إزالة ضرر، فإنه يجوز فعله


كما قال الشيخ سليمان الماجد :

ما دام أن المقصود من نفخ الشفاه هو التجمل فقط،

وليس إزالة أثر حرق أو جرح، أو رفع قبح ظاهر، فلا يجوز

بل هذه من أوامر إبليس التي قال الله تعالى فيها على لسانه: {ولآمرنهم فليغيرن خلق الله}

ولعن صلى الله عليه وسلم المتفلجات للحسن،

ثم قال: "المغيرات خلق الله" وعملهن دون ذلك.

مع ما فيه من تسخط القدر، وعدم الرضا بالقسمة في الخلق.




اقول لهم حرام يقولون لا دام مؤقت حلال

[معماري قطري]

انا أوقات يجيني جرح في الشفة وانتفاخ بسيط صدقوني انحرج اتكلم والا اطلع من البيت شلون شاصي الشفة عوي .. ما شفت هالشيء على الطبيعة بس انتبهت لبعض الممثلات ما ادري أي بنجري مشتغل فيهم

[captin]

وحدة من الاسباب اللي ربما تخلي البنات او الحريم يسون
عمليات تجميل هي محاولة جذب الرجال في الاماكن العامة والجذب المقصود
فيه لفت الانتباه لان في البنت او الأنثى تزداد فخر و زهوا اذا
كانت محط انتباه و كان هناك سباق من الرجال على ملاحقتها والتحرش بها الخ
تحس انها لازالت بنت عندها الجاذبية ولازالت في اوج الجمال وما كبرت الى الان و مافاتها
قطار الزواج.

انا شخصيا انظر لمثل هذا الشكل نظرة دونية ,,, الجمال في طبيعة الشيء في بساطته
يعجبنى الستايل الاجنبي بدون مبالغات في المكياج واللباس ولاعمليات تجميل ولا غيره

[MirusS]

الله يهديهم
مع انه البعض من هالنوعيه فيهن خير بس تستغرب لما يسون هالحركات !
شباصه وتنفيخ براطم ونسيتي تقولين الكعب.. كلها وسائل تلفت الانظار

اعتقد السبب ان البنت بطبيعتها تحب الاناقه وتحب تكون احسن جمال من رفيجاتها
يعني مب دايما السبب الريايل مثل ماتقولون :secret:

[Rider]

وفي النهاية البعد عن الدين هو السبب الحقيقي للي قاعدين نشوفه من الجنسين كذلك غياب الرجل الحقيقي لي نشوفه الحين شكل رجال لكن في الحقيقة هو مجرد مسمى ذكر اذا جاز التعبير

[الماريّة]

مرحبتين يالحياه

الله يعطيج العافيه وصدقتي بكل شي قلتيه
الله يهديهن الشي زاد عن حده خصوصا هالبوتكس
الي يضربونه بكل مكان

وصاروا كلهن كوبي بيست من بعض ماتفرقينهم عن بعض
ااااالله يهديهن


اخبر قبل اهلنا لول لشافوا وحده شفايفها كبيره يتنطزون عليها
والحين العكس ينفخون

شوفي كل موضه لابد السنوات القادمه يجي عكسها
يعني الموضه اليايه بكون تصغير الشفه
بتشوفينهم سطر واحد بس هههههه

الله لاتبلانا يارب

وبخصوص الشعر والنفخه صحيح منظرها ملفت للانتباه
وكريه لكن بعضهن تكون شعورهن طويله وغصب تصير هالنقخه


والله يستر على الجميع يارب


/
/
/

[R 7 A L]

هل صحيح ان البوتكس له وقت محدد بعدها يروح مفعوله ؟
يقولون نفس التاير ينفش من غير الرائحه الكريهه

[الماريّة]

هل صحيح ان البوتكس له وقت محدد بعدها يروح مفعوله ؟
يقولون نفس التاير ينفش من غير الرائحه الكريهه

على الي نسمعه اظن اشهر
ثلاث شهور واكثر

[حمد 2002]

فيه قطريات يسون كذا ؟!

[القلب المؤمن]

الرجال هم السبب..

نظرة عامة للتحول الكبير اللي حصل للمرأة.. نجد ان من بعد الشيطان يأتي الرجل في المقام الأول
فيما ذهبت اليه اذواق الجنس اللطيف..

التغييرات الكثيرة اللي بدت تحصل في اشكال و كلام وسلوك البنات والحريم سببه ذوق الرجال( للأسف)..

مواصفات الفل اوبشن.. او ابراز ما يلفت نظر الرجال و إضافة صبغات لفت الانتباه للرجال في أي منطقة في الجسد..
سببه الذوق العام للرجال.. كل ما تغيرت ثقافة الرجل تجاه الانثى كل ما تغيرت الانثى حتى ترضي ذوق الرجل...

فلما تجي ممثلة لاعبة في ويهها.. ومسوية اللي مسويته.. وتلقى هالكم الهااائل من الاعجاب لها من قبل الجنس الخشن
طبيعي جدا نلقى قوافل من المقلدين لها..

هيفاء ,, حليمة بولند.. نانسي عجرم.. وأمل العوضي..

نماذج بسيطة غيرت تاريخ ثقافة الاقتناع بما وهبنا الله دون تدخلات تجميلية تدخل في باب عمل الشيطان..

بنات صغار على 18 و 20 و 22.. يطلعون حاشيين يمين ويسار وشرق وغرب في اجسامهم من له؟
مب للثقافة اللي تروجت في كيفية إرضاء ذوق الرجل؟!!

المطالبات الغريبة الواجب توافرها في شريكة الحياة.. حتى تكون نسخة من كيم او نسخة من عن..
ونظرات الاعجاب و كلمات المديح لاشكالهم واجسادهم وأسلوب مياعتهم في الكلام.. برز التغيير الكبير
الحاصل في سلوك وذوق البنات بشكل عام..

فشي طبيعي يالحياة الخالدة تشوفين هالاشكال من المنفخين المجدد.. قد ما تكون تهدف للفت نظر الرجل
في قرارة نفسها.. لكنها في الأخير هي تواكب موضة إرضاء ذوق الرجال..

هذي هي الحقيقة للاسف

[ضوى]

الحمد لله الذي عافنا مما ابتلى به كثيرا من خلقه وفضلنا عليهم تفضيلا كثيرا

[fooz55]

الرجال هم السبب..

نظرة عامة للتحول الكبير اللي حصل للمرأة.. نجد ان من بعد الشيطان يأتي الرجل في المقام الأول
فيما ذهبت اليه اذواق الجنس اللطيف..

التغييرات الكثيرة اللي بدت تحصل في اشكال و كلام وسلوك البنات والحريم سببه ذوق الرجال( للأسف)..

مواصفات الفل اوبشن.. او ابراز ما يلفت نظر الرجال و إضافة صبغات لفت الانتباه للرجال في أي منطقة في الجسد..
سببه الذوق العام للرجال.. كل ما تغيرت ثقافة الرجل تجاه الانثى كل ما تغيرت الانثى حتى ترضي ذوق الرجل...

فلما تجي ممثلة لاعبة في ويهها.. ومسوية اللي مسويته.. وتلقى هالكم الهااائل من الاعجاب لها من قبل الجنس الخشن
طبيعي جدا نلقى قوافل من المقلدين لها..

هيفاء ,, حليمة بولند.. نانسي عجرم.. وأمل العوضي..

نماذج بسيطة غيرت تاريخ ثقافة الاقتناع بما وهبنا الله دون تدخلات تجميلية تدخل في باب عمل الشيطان..

بنات صغار على 18 و 20 و 22.. يطلعون حاشيين يمين ويسار وشرق وغرب في اجسامهم من له؟
مب للثقافة اللي تروجت في كيفية إرضاء ذوق الرجل؟!!

المطالبات الغريبة الواجب توافرها في شريكة الحياة.. حتى تكون نسخة من كيم او نسخة من عن..
ونظرات الاعجاب و كلمات المديح لاشكالهم واجسادهم وأسلوب مياعتهم في الكلام.. برز التغيير الكبير
الحاصل في سلوك وذوق البنات بشكل عام..

فشي طبيعي يالحياة الخالدة تشوفين هالاشكال من المنفخين المجدد.. قد ما تكون تهدف للفت نظر الرجل
في قرارة نفسها.. لكنها في الأخير هي تواكب موضة إرضاء ذوق الرجال..
اتفق معاج بكل كلمه كلامج صحيح 100% كفيتي وفيتي اشكرج ....كل كلمه بخاطري كتبتيها ........

[سالم الزهران]

اتذكر مشهد من مسلسل لممثلة مصرية وهي تبكي وتنتحب في غرفتها وتقول " عملت وشي بالألون وحطيت لك اصفر و أحمر عشان تقدر تشوفني" وطبعاً هي تشتكي من زوجها (لا تروحون بعيد) فإذا كان شبابنا ما يسولفون الا في الممثلات والنجمات والبنات قاعدين يسمعون هالشيء؟ فاكيد بيقولون حنا مب اقل من فلانه و بنسوي وبنفعل ؟ و حنا يا ناس نقول ان الانسان جميل بشكله الطبيعي ( عدّل اسنانك اذا ودك أو لمسات بسيطه اما ضرب سيليكون وشد وطقتها) فنتايجها كارثية.

يؤسفني والله بنت معليها قاصر تروح تلعب في وجهها مع ان شكلها مقبول فليش تسوي تكبير وتصغير ومخاسير وفي النهاية لمن؟ يعني اللي بياخذك من نفس الديباجة

[JN000N]

اتذكر مشهد من مسلسل لممثلة مصرية وهي تبكي وتنتحب في غرفتها وتقول " عملت وشي بالألون وحطيت لك اصفر و أحمر عشان تقدر تشوفني" وطبعاً هي تشتكي من زوجها (لا تروحون بعيد) فإذا كان شبابنا ما يسولفون الا في الممثلات والنجمات والبنات قاعدين يسمعون هالشيء؟ فاكيد بيقولون حنا مب اقل من فلانه و بنسوي وبنفعل ؟ و حنا يا ناس نقول ان الانسان جميل بشكله الطبيعي ( عدّل اسنانك اذا ودك أو لمسات بسيطه اما ضرب سيليكون وشد وطقتها) فنتايجها كارثية.

يؤسفني والله بنت معليها قاصر تروح تلعب في وجهها مع ان شكلها مقبول فليش تسوي تكبير وتصغير ومخاسير وفي النهاية لمن؟ يعني اللي بياخذك من نفس الديباجة

اي والله سالم
اعرف بنات والله ما ينقصهم شي
مادري شصادهم الا بوتكس الا فلر الا قص جفن وخذ انت
وهم توهم بالعشرين
عيل لو صارو بالاربعين والخمسين شبيسوون
وصج كله حق هالتعيسين اللي عيونهم زايغه يطالع لي الممثله الفلانيه واردافها ويطالع لي المغنيه الفلانيه وجسمها والا ويه فلانه ومادري شنو
والمشكله غير البنات
قامو الشباب بعد يتاثرون بالمشاهير
وكل واحد يبي يعدل جسمه ويطلع فيها الواو باسرع وقت
ياليته يسوي رياضه منتظمه تخلي جسمه مرتب على طول
يروح ياخذ ابر هرمون وينفخ ف عمره يبلفيت معضل والا بعضهم اسهل طريقه يحط بوتكس
ويتمشى جنه قبقب ومصدق انه عنده عضل
يضرون نفسهم باسهل الطرق ما يفكرون حق عقب يفكرون الحين بس شلون يستانسون وشلون يطلعون حلوين

[JN000N]

ههههههههه صج جنه طالع لها راس ثاني فوق الأصلي ( double shot ) .. يمكن هاذي اللي ينقال عنها كبر راسها
الله يرحم أيام مقاييس الجمال القديمة .. أخبر البراطم العودة ما كانت مستحبة أبداً .. أما الحين يدفعون فيها فلوس سبحان الله
والا التان اللي تقولين عنه .. جان زين التان العدل .. لا تييج رمادية مادري ملحة المهم إنه لون غريب وعجيب
وبخصوص موضة الفرق مادري عنها .. خبرج ما أواكب الموضة هههههههههه

كانت صج مقاييس الجمال راهيه
اما الحين ناقص بس يقلبون اثيوبيات
اي والله وياليت التان يطلع عدل تطلع صج رماديه ههههههههههه
لا يبيلي اوديج المجمعات افرفر بج ارويج الموضه اليديده

[R 7 A L]

اي والله سالم
اعرف بنات والله ما ينقصهم شي
مادري شصادهم الا بوتكس الا فلر الا قص جفن وخذ انت
وهم توهم بالعشرين
عيل لو صارو بالاربعين والخمسين شبيسوون
وصج كله حق هالتعيسين اللي عيونهم زايغه يطالع لي الممثله الفلانيه واردافها ويطالع لي المغنيه الفلانيه وجسمها والا ويه فلانه ومادري شنو
والمشكله غير البنات
قامو الشباب بعد يتاثرون بالمشاهير
وكل واحد يبي يعدل جسمه ويطلع فيها الواو باسرع وقت
ياليته يسوي رياضه منتظمه تخلي جسمه مرتب على طول
يروح ياخذ ابر هرمون وينفخ ف عمره يبلفيت معضل والا بعضهم اسهل طريقه يحط بوتكس
ويتمشى جنه قبقب ومصدق انه عنده عضل
يضرون نفسهم باسهل الطرق ما يفكرون حق عقب يفكرون الحين بس شلون يستانسون وشلون يطلعون حلوين

تكلمتي عن المتزوجات الي يبون يرضون ازواجهم ويقلدون الممثلات
طيب الي موب متزوجات وش وضعهم ؟

[عاشق العديد]

.. التاثر

في السوشل ميديا ..

قلة الوازع الديني ..

التاثر بالغرب بشكل كبير .. واعتباره اهتمام بالذات والجسد والنفس ..

الاعجاب من الجنس الاخر ..

كلها عوامل اثرت في انتشار هالظاهره السلبيه ..

انا عن نفسي والله ماعرف اذا يسون او يحطون لاني ماعرف طريقته او شكله او اشوف احد ..
لكن الله يهديهم ونتمنى جهود بعض الموسسات في هالامور وتوعية الشباب والبنات لاني اسمع انه حتى شباب صارو يسون ..

فالله يعين والله يستر علينا

[JN000N]

تكلمتي عن المتزوجات الي يبون يرضون ازواجهم ويقلدون الممثلات
طيب الي موب متزوجات وش وضعهم ؟

مب بس متزوجات الي اقصدهم
حتى البنات
لانهم يشوفون ان الناس تركض ورا هالشي
ف كلهم قاعدين يحورفون ف اعمارهم كل وحده تبي ينقال عنها صاروخ وانها مرغوب فيها !!!

[Miss]

اي والله يا الحياه يلوعون الجبد
والله ما اقدر اطالعها
برطم هامور
وكل ما فش انفخته
الى اجل غير مسمى

اما سالفه الشعر انا ما عاد اشوف شيله اصلا
اشوف شعر وذراع :)

[معماري قطري]

خخخخخخ الشباب متولعين بالبوالين والبنات بوالينهم غير

[R 7 A L]

مب بس متزوجات الي اقصدهم
حتى البنات
لانهم يشوفون ان الناس تركض ورا هالشي
ف كلهم قاعدين يحورفون ف اعمارهم كل وحده تبي ينقال عنها صاروخ وانها مرغوب فيها !!!

الخطا منهم ليش نعلق خطاهم على غيرهم
دام الانسان عاقل وبالغ هو السبب ب الي يسوي وهو صاحب القرار

وانا اشوف ان هـ الامور فيها غش

[JN000N]

الخطا منهم ليش نعلق خطاهم على غيرهم
دام الانسان عاقل وبالغ هو السبب ب الي يسوي وهو صاحب القرار

وانا اشوف ان هـ الامور فيها غش

ليش الناس متى استسهلو هالشي؟
مب عقب ماصار منتشر جنه شي عادي؟
عمليات التجميل قبل كانت بس بسبب حادث او عيب خلقي
الحين صارت بهم وبلياهم وتغيير روتين ونيو ستايل
الحين اسال اي مراهقه وعشرينيه عن هالعمليات عادي تفتي لك انه مب حرام ومب تغيير لخلق الله وبترد بتقول ان الله جميل يحب الجمال ومافيها شي احنا نتزين ونتعدل
لان مفاهيم الجمال تغيرت وحتى الفلر والبوتكس فاهمينه غلط
احنا في وقتنا ولو ان احنا لحين صغار بس لحقنا على سالفة ان هالامور حرام اجماعا عشان جي مازال فينا المؤيد والرافض
لكن فهالوقت مع هالاستسهال والتهاون فهالامور وانتشاره الواسع الوحده تتشكك انه حرام ولايهتمون بعضهم حتى انهم يقرون فتاوي عنها

[بومحمد المطاوعه]

السلام عليكم ورحمة الله وبركاته
,,
الله يجزاج خير على الموضوع
والله يهدي هالنساء
ويردهم لطريق الحق





2- اللي يلبسون شباصة ( مدري شيسمونها ) ضخمة ويلفون الشيلة .. ويمشون عاااااااااادي .. الراس صاير اشكبره .. يمكن حتى ما تقدر تدش من ويه الباب من كبره




عن النبي -صلى الله عليه وسلم-: (صنفان من أهل النار لم أرهما: رجال بأيديهم سياط يضربون بها الناس يعني ظلماً كالشرطة الظالمين،
ونحو ذلك، ونساء كاسيات عاريات مائلات مميلات رؤوسهن مثل أسنمة البخت المائلة، لا يدخلن الجنة ولا يجدون ريحها)

https://scontent.cdninstagram.com/hphotos-xtf1/t51.2885-15/s320x320/e35/12338600_1494189210887542_1110748075_n.jpg

[بومحمد المطاوعه]

.. التاثر

في السوشل ميديا ..

قلة الوازع الديني ..

التاثر بالغرب بشكل كبير .. واعتباره اهتمام بالذات والجسد والنفس ..

الاعجاب من الجنس الاخر ..

كلها عوامل اثرت في انتشار هالظاهره السلبيه ..

انا عن نفسي والله ماعرف اذا يسون او يحطون لاني ماعرف طريقته او شكله او اشوف احد ..
لكن الله يهديهم ونتمنى جهود بعض الموسسات في هالامور وتوعية الشباب والبنات لاني اسمع انه حتى شباب صارو يسون ..

فالله يعين والله يستر علينا

بارك الله فيك
كلامك عين العقل

هذي كلها مؤثرات عن اي انسان غافل سواء بنت او ولد

بعيد الشر