كيف تعلم طفلك تحمل المسؤولية ؟

[بومحمد المطاوعه]

السلام عليكم ورحمة الله وبركاتة ,,

كيف تعلم طفلك تحمل المسؤولية؟



إن الإفراط في تدليل الآباء لأطفالهم من شأنه أن يجعلهم أشخاصاً غير ناجحين في المستقبل. على الآباء أن يوازنوا بين حماية أولادهم وتركهم يحاولون بأنفسهم. لا بد وأن كل أب يتذكر ذلك اليوم الذي حاول فيه ابنه أو ابنته أول مرة ركوب الدراجة. يقع الولد على الأرض،
ينفض الغبار عنه ثم يعاود المحاولة من جديد. والأب يقف ويراقب، كانت هذه مهمته. لم يحاول الأب أن يركب الدراجة عن ابنه بل كان فخوراً به حتى عندما وقع على الأرض. الأساليب التالية

تساعدنا على تعليم أطفالنا الاستقلالية وتحمل المسؤولية:
- كلف أطفالك ببعض المسؤوليات. أرهم كيف يقومون بها بشكل صحيح ثم قف جانباً ودعهم يكملونها بأنفسهم ولا تقلق حول النهاية أو النتيجة. فمثلاً اطلب من طفلك أن يلبس لوحده، في البداية سوف يمشي بخطى متثاقلة وسيستغرق لبسه وترتيب ثيابه في الخزانة 20 دقيقة، كن صبوراً وأخبره بأنك مسرور بما قام به. علمه كيف يفعل ذلك بشكل صحيح واطلب منه المحاولة غداً.
- كن المثل الأعلى لهم. إنهم ينظرون إليك كي يعرفوا كيف يتصرف البالغ المسؤول. اتخذ قرارت مسؤولة وحدثهم عن خيبات الأمل التي تعرضت لها، إنها أفضل طريقة كي يعرفوا الحياة على حقيقتها.
- علم طفلك كيف يحل مشاكله بنفسه بدلاً من الإسراع بحلها له. ناقشه واسأله: "كيف ستتعامل مع هذا الوضع؟".
- دع طفلك يفشل بين حين وآخر. نعم، إنه أمر صعب للغاية. ولكن يحتاج الطفل أن يختبر شعور الفشل ويعرف كيف يتعامل معه.
- عوّد الطفل على روتين يومي. فمثلاً حدد ساعة معينة للنوم وسترى كيف سيتدبر أموره وواجباته بنفسه كي ينام في تلك الساعة بدون أن تضطر كل يوم لإخباره.
- كن جاهزاً دائماً لتقديم الدعم الذي يحتاجه. يمكنك أن تقدم لطفلك المساعدة التي يحتاجها في الأوقات الصعبة وبنفس الوقت تمنحه الفرصة كي يتعلم الاستقلالية بأن تذكره دائماً بأنك تثق بأحكامه وإمكانياته.

إن مفاهيم مثل الاستقلالية وتحمل المسؤولية يجب أن نعلمها لأبنائنا بالتدريج وخلال فترة تمتد لسنوات عديدة. لا يحتاج الطفل إلى حماية مفرطة أو دلال زائد أو نقود تلبي جميع متطلباته. إنه يحتاج أن نعلمه أن الحياة فيها النجاح وفيها الفشل وعليه أن يكون قادراً على التعامل مع الإثنين. وكما يقول المثل: إن أعطيت رجلاً سمكة فأنت تعينه يوماً كاملاً. علمه كيف يصيد، تعينه مدى الحياة

[معماري قطري]

عليكم السلام ورحمة الله وبركاته

للأسف علمنا عيالنا الاعتماد على الخدم .. وحذرت قبل امهم مرات لكن لا حياة لمن تنادي .. ألحين يجي المدرس لين البيت ومدرس داخل ومدرس طالع ومن يوصل تبدأ الاستعدادات .. يكلمون الخدامة تفتح له وتدخله .. وخدامة ثانية تجهز الدفتر الفلاني والكتاب الفلاني .. أوقات يروح له ولدي متأخر ربع ساعة وبدون نفس .. حتى اللي في الجامعة ينطرون ربعهم يتجمعون .. إتكالية فاشلة لآخر درجة

على العكس أذكر جاري الأمريكي وولده ايفن ( وقال لي ايفن اسم يهودي لكن كان كثير طيب ) ولده يمكن 5 سنين يطلع الصبح مع ابوه شايل شنطه على ظهره .. وابوه يمسك طرف أصابعه ويمشي معاه ومخليه معتمد على نفسه .. واحنا نشيل عيالنا في هالسن ونشيل شناطهم

بعدين تربيتهم متواصلة في تنظيف الغرفة والمساعدة في أعمال البيت

[راجي الْعفو]

احذفه في البر كم يوم و بيصطلب ^_^

[بانغ بانغ]

صادق بومحمد

انا من فترة دخلت العيال تايكواندو وقلت للمدرب استلمهم عدل وخلهم يابسين

احس انه اشوي اشوي جاب نتيجة

لازم اتحملهم مسئولية سواء بتجارب او تدريبات



شيخ رجرج .... مب شرط تحذفه في البر ... عشان يتعلم

يمكن ينقلب ضب وعقب تتحسف

[ضوى]

عليكم السلام ورحمة الله وبركاته

للأسف علمنا عيالنا الاعتماد على الخدم .. وحذرت قبل امهم مرات لكن لا حياة لمن تنادي .. ألحين يجي المدرس لين البيت ومدرس داخل ومدرس طالع ومن يوصل تبدأ الاستعدادات .. يكلمون الخدامة تفتح له وتدخله .. وخدامة ثانية تجهز الدفتر الفلاني والكتاب الفلاني .. أوقات يروح له ولدي متأخر ربع ساعة وبدون نفس .. حتى اللي في الجامعة ينطرون ربعهم يتجمعون .. إتكالية فاشلة لآخر درجة

على العكس أذكر جاري الأمريكي وولده ايفن ( وقال لي ايفن اسم يهودي لكن كان كثير طيب ) ولده يمكن 5 سنين يطلع الصبح مع ابوه شايل شنطه على ظهره .. وابوه يمسك طرف أصابعه ويمشي معاه ومخليه معتمد على نفسه .. واحنا نشيل عيالنا في هالسن ونشيل شناطهم

بعدين تربيتهم متواصلة في تنظيف الغرفة والمساعدة في أعمال البيت

غريب انهم عيالك وماخذوا شي من طباعك وتحملك للمسؤولية

[راجي الْعفو]

صادق بومحمد

انا من فترة دخلت العيال تايكواندو وقلت للمدرب استلمهم عدل وخلهم يابسين

احس انه اشوي اشوي جاب نتيجة

لازم اتحملهم مسئولية سواء بتجارب او تدريبات



شيخ رجرج .... مب شرط تحذفه في البر ... عشان يتعلم

يمكن ينقلب ضب وعقب تتحسف

احنا نبيه ينقلب ضب ^_^
بس صج
عقب ما نقدر نخطب له ^_^

------

والله المسئولية انواع

وانا دايما انصح اللي حولي و اقول لهم لا تتركون عيالكم بطالين

متى ما شفته قادر يتحمل مسئولية من مسئوليات البيت و لو بسيطة كلفه بها


هذي فيها فوائد:


اولا تصنع من ابنك رجل بمعنى الكلمة و هو صغير توه
وايضا تشغل وقت فراغه ، والفراغ من أعظم البلاوي على الانسان
وتعوده علئ الجدية و عدم الكسل
وتخليه يهتم بالامور المهمة و يترك الكلام الفاضي و الخرابيط

وكل هذا يصب في صالحه

[بومحمد المطاوعه]

صادق بومحمد

انا من فترة دخلت العيال تايكواندو وقلت للمدرب استلمهم عدل وخلهم يابسين

احس انه اشوي اشوي جاب نتيجة

لازم اتحملهم مسئولية سواء بتجارب او تدريبات



شيخ رجرج .... مب شرط تحذفه في البر ... عشان يتعلم

يمكن ينقلب ضب وعقب تتحسف

كفوو

خله يتعلمون الدفاع عن النفس

انا ولدي محمد
اخوي يدربه فالبيت لأن اخوي ماشاءالله عليه مدرب في صاله الجم وحاصل على المركز الأول في كمال الاجسام
وماشاءالله عليه يدرب ولدي محمد وعاد تعال شوف حمودي يسطر خواته ويسطر اليهال فالمدرسه
هههههه
هني المشكله يحب يتعافر ويحب على اي هوشه بسيطه يبي يتصارع
فاهم غلط هههههههه

[بومحمد المطاوعه]

عليكم السلام ورحمة الله وبركاته

للأسف علمنا عيالنا الاعتماد على الخدم .. وحذرت قبل امهم مرات لكن لا حياة لمن تنادي .. ألحين يجي المدرس لين البيت ومدرس داخل ومدرس طالع ومن يوصل تبدأ الاستعدادات .. يكلمون الخدامة تفتح له وتدخله .. وخدامة ثانية تجهز الدفتر الفلاني والكتاب الفلاني .. أوقات يروح له ولدي متأخر ربع ساعة وبدون نفس .. حتى اللي في الجامعة ينطرون ربعهم يتجمعون .. إتكالية فاشلة لآخر درجة

على العكس أذكر جاري الأمريكي وولده ايفن ( وقال لي ايفن اسم يهودي لكن كان كثير طيب ) ولده يمكن 5 سنين يطلع الصبح مع ابوه شايل شنطه على ظهره .. وابوه يمسك طرف أصابعه ويمشي معاه ومخليه معتمد على نفسه .. واحنا نشيل عيالنا في هالسن ونشيل شناطهم

بعدين تربيتهم متواصلة في تنظيف الغرفة والمساعدة في أعمال البيت
الله يصلح الحال ياخوي
دعواتك لهم ان شاءالله تشوفهم بلي يرضيك وباحسن حال

[بومحمد المطاوعه]

احنا نبيه ينقلب ضب ^_^
بس صج
عقب ما نقدر نخطب له ^_^

------

والله المسئولية انواع

وانا دايما انصح اللي حولي و اقول لهم لا تتركون عيالكم بطالين

متى ما شفته قادر يتحمل مسئولية من مسئوليات البيت و لو بسيطة كلفه بها


هذي فيها فوائد:


اولا تصنع من ابنك رجل بمعنى الكلمة و هو صغير توه
وايضا تشغل وقت فراغه ، والفراغ من أعظم البلاوي على الانسان
وتعوده علئ الجدية و عدم الكسل
وتخليه يهتم بالامور المهمة و يترك الكلام الفاضي و الخرابيط

وكل هذا يصب في صالحه


صدقت بارك الله فيك
المفروض تشغله معاك

انا كارف ولدي والله مسكين
حزات اقول حرام ياخي صج مبهدله هههههههه
وحزات اقول لا خله يتعلم ويصمل ويشتغل

فالمواتر اخليه يشتغل معاي
الصناعيه اخذه معاي
النوادي اخذه معاي
البحر البر مجالس الشباب
اي مكان يسمح اخذه معاي
الحمدلله عمره 6 سنوات وهالعمر متعارف فيه ان الولد او البنت يعرفون يدخلون الحمام الله يعزكم بروحهم
ف مافي اي خوف ولا محاتاه

الواحد المفروض يعلم ولده ومايخليه فالبيت مع خواته او مع الخدم وايد

علشان مايطلع خيخه

[بانغ بانغ]

كفوو

خله يتعلمون الدفاع عن النفس

انا ولدي محمد
اخوي يدربه فالبيت لأن اخوي ماشاءالله عليه مدرب في صاله الجم وحاصل على المركز الأول في كمال الاجسام
وماشاءالله عليه يدرب ولدي محمد وعاد تعال شوف حمودي يسطر خواته ويسطر اليهال فالمدرسه
هههههه
هني المشكله يحب يتعافر ويحب على اي هوشه بسيطه يبي يتصارع
فاهم غلط هههههههه

ههههههههههههههههههههههههههههههههههههه

نفس الشي

يتدربون على اخوانهم الصغار

الله يحفظهم ان شاء الله ويكونون ذخر

[بومحمد المطاوعه]

احذفه في البر كم يوم و بيصطلب ^_^

خخخخخخخ
لالا مب حل

[راجي الْعفو]

عدل شغلك يا بومحمد
الله يوفقه و يحفظه لك وجميع عيال المسلمين

[nooora]

تتكلم عن المسؤوليه اول شي يعلمونه يسب الهندي ويرفع صوته على الخدم

[ضوى]

تتكلم عن المسؤوليه اول شي يعلمونه يسب الهندي ويرفع صوته على الخدم

من اللي يعلم عياله يسب الهندي ؟؟؟

[qatarman8008]

كل ما يبدا نقاش عن تربية الاطفال وتعليمهم وتقويم سلوكهم..
احاول اركز على نقطتين اساسيتين..
ماهو حجم الخبرة والوعي لدى المربي .. سواءا كان ابا او اما اوا مدرسا او حتى خدامة..
على فكرة بعض الخدامات مربيات وبعضهم خدامات هدامات..
النقطة الثانية هي كم من الوقت تجلس بصحبة ابنائك تراقب سلوكهم وتصرفاتهم..

[مختلف جداََ]

موضوعك ممتاز يا بومحمد

خذ مثلاً أمس رحت اخذ صالح ولدي من تدريب أكاديمية برشلونة اللي في المدرسة
جاني صلوح يقول في ولد طقني
قلت له شله جايني ، روح و خذ حقك

المهم تشجع و راح يدور الولد
بعد دقيقتين المدرب مالهم مر صوبي سلمت عليه و قلت له شدعوه في ولد طاق صلوح ولدي ، المدرب ضحك و نادى ولدي و قال له تعال قول لي انت كم واح طقيت اليوم ؟؟؟

هني ولدي سكت ولا عطى حرف ( هههههههه )

قال له تبيني أقول لأبوك ( بعد صلوح ساكت)

قال له المدرب جسوم و عبود و أحمد من طاقهم مب انت ؟


اهني بصراحة ضحكت ضحك


عجيب الولد
خخخخخخ

[بانغ بانغ]

موضوعك ممتاز يا بومحمد

خذ مثلاً أمس رحت اخذ صالح ولدي من تدريب أكاديمية برشلونة اللي في المدرسة
جاني صلوح يقول في ولد طقني
قلت له شله جايني ، روح و خذ حقك

المهم تشجع و راح يدور الولد
بعد دقيقتين المدرب مالهم مر صوبي سلمت عليه و قلت له شدعوه في ولد طاق صلوح ولدي ، المدرب ضحك و نادى ولدي و قال له تعال قول لي انت كم واح طقيت اليوم ؟؟؟

هني ولدي سكت ولا عطى حرف ( هههههههه )

قال له تبيني أقول لأبوك ( بعد صلوح ساكت)

قال له المدرب جسوم و عبود و أحمد من طاقهم مب انت ؟


اهني بصراحة ضحكت ضحك


عجيب الولد
خخخخخخ

ههههههههههههههههههههههههههههههههه رجال ابن رجال

كفو

[بومحمد المطاوعه]

تتكلم عن المسؤوليه اول شي يعلمونه يسب الهندي ويرفع صوته على الخدم

لا شك في بيوت تصير هذي الحالات ومانقول مافي
ولكن نادر وحالات قليله جدآ

الحمدلله مافي صوبنا ولا ف بيوتنا
اصلن لو شفنا ياهل يهاوش او يسب الخادمه في الالعاب ولا اي مكان
عن نفسي اكلم الياهل اقوله عيب

مره كلمت طفل وقلت له عيب
قالي جب
قلت له عيب وعاد قالي جب
قلت له عيب بنظره شرسه
سكت وحرك عني

بعض البيوت يخلون الخدم مثل البهيمه عندهم
ف شي طبيعي بتشوفين الاطفال يسبون الخدم

وعقب لو الخدامه قصت راس ولدهم ولا سوت لعيالهم شي

بنبعو في وطني الحبيب

[بومحمد المطاوعه]

عدل شغلك يا بومحمد
الله يوفقه و يحفظه لك وجميع عيال المسلمين

وياك يارب
اللهم امين
الله يجزاك خيرر

[بومحمد المطاوعه]

كل ما يبدا نقاش عن تربية الاطفال وتعليمهم وتقويم سلوكهم..
احاول اركز على نقطتين اساسيتين..
ماهو حجم الخبرة والوعي لدى المربي .. سواءا كان ابا او اما اوا مدرسا او حتى خدامة..
على فكرة بعض الخدامات مربيات وبعضهم خدامات هدامات..
النقطة الثانية هي كم من الوقت تجلس بصحبة ابنائك تراقب سلوكهم وتصرفاتهم..

المفروص بالاساس الأب والام
يفضون اوقاتهم لعيالهم
لان هذي امانه في اعناقهم

[بومحمد المطاوعه]

موضوعك ممتاز يا بومحمد

خذ مثلاً أمس رحت اخذ صالح ولدي من تدريب أكاديمية برشلونة اللي في المدرسة
جاني صلوح يقول في ولد طقني
قلت له شله جايني ، روح و خذ حقك

المهم تشجع و راح يدور الولد
بعد دقيقتين المدرب مالهم مر صوبي سلمت عليه و قلت له شدعوه في ولد طاق صلوح ولدي ، المدرب ضحك و نادى ولدي و قال له تعال قول لي انت كم واح طقيت اليوم ؟؟؟

هني ولدي سكت ولا عطى حرف ( هههههههه )

قال له تبيني أقول لأبوك ( بعد صلوح ساكت)

قال له المدرب جسوم و عبود و أحمد من طاقهم مب انت ؟


اهني بصراحة ضحكت ضحك


عجيب الولد
خخخخخخ

ههههههههههههههه الله يحفظه يارب
ويحفظ اخوانه

[ولد العرب]

صادق بومحمد

انا من فترة دخلت العيال تايكواندو وقلت للمدرب استلمهم عدل وخلهم يابسين

احس انه اشوي اشوي جاب نتيجة

لازم اتحملهم مسئولية سواء بتجارب او تدريبات



شيخ رجرج .... مب شرط تحذفه في البر ... عشان يتعلم

يمكن ينقلب ضب وعقب تتحسف

اخوي دخل عياله كراتيه وجابوا له العيد بالمدرسه والبااص والعزايم وكسروا اخضر يابس
crazy

[ولد العرب]

كفوو

خله يتعلمون الدفاع عن النفس

انا ولدي محمد
اخوي يدربه فالبيت لأن اخوي ماشاءالله عليه مدرب في صاله الجم وحاصل على المركز الأول في كمال الاجسام
وماشاءالله عليه يدرب ولدي محمد وعاد تعال شوف حمودي يسطر خواته ويسطر اليهال فالمدرسه
هههههه
هني المشكله يحب يتعافر ويحب على اي هوشه بسيطه يبي يتصارع
فاهم غلط هههههههه

ذي مصيبه جابوها لاخوي وانحرج المسكين جلدهم حبسهم

[ولد العرب]

انا دخلتهم بركه ومسبح نادي برزان 3 مرات بالاسبوع وانا معهم
واقسم بالله من يدخلون البيت هدوء وسكينه ههههه واحترام
ويحل واجباته واخذ الاول على صفه هو واخوه واحد صف رابع وثاني صف سادس

المسبح اثره عجيب عليهم

اثر الطاقه سلبيه تطيح بالماء :ok:

[بومحمد المطاوعه]

ذي مصيبه جابوها لاخوي وانحرج المسكين جلدهم حبسهم

ههههههههههه اي والله نفس الحاله

[بومحمد المطاوعه]

انا دخلتهم بركه ومسبح نادي برزان 3 مرات بالاسبوع وانا معهم
واقسم بالله من يدخلون البيت هدوء وسكينه ههههه واحترام
ويحل واجباته واخذ الاول على صفه هو واخوه واحد صف رابع وثاني صف سادس

المسبح اثره عجيب عليهم

اثر الطاقه سلبيه تطيح بالماء :ok:


اي الظاهر هالشي زين للاولاد
شكلي بدخل ولدي عيل
مسبح برزان

الساعه كم وفي رسوم ولا

[ولد العرب]

تقريبا 3 حصص لمده ثلاث اسابيع 200 ريال مع مدرب وهالمدرب ماعنده مزح هههههه يحذفهم بالعمق تعلم يعني تعلم سباحه غصب طيب

[معماري قطري]

صادق بومحمد

انا من فترة دخلت العيال تايكواندو وقلت للمدرب استلمهم عدل وخلهم يابسين

احس انه اشوي اشوي جاب نتيجة

لازم اتحملهم مسئولية سواء بتجارب او تدريبات



شيخ رجرج .... مب شرط تحذفه في البر ... عشان يتعلم

يمكن ينقلب ضب وعقب تتحسف

خخخ يمكن يشوف الضب ويتخيله ديناصور ويجيك ركيض

مرة صدت ضب وجبته معاي البيت صارت حالة استنفار

[معماري قطري]

غريب انهم عيالك وماخذوا شي من طباعك وتحملك للمسؤولية

والله يا اختي تدخلات خارجية ويد وحدة ما تصفق

ينزلون بيروحون المدرسة والخدامة تدور أغراضهم لا وامهم تهاوشها ليش ضيعتي الشيء الفلاني .. والشيء الفلاني ممكن يكون كتاب مادة معينة

[بانغ بانغ]

خخخ يمكن يشوف الضب ويتخيله ديناصور ويجيك ركيض

مرة صدت ضب وجبته معاي البيت صارت حالة استنفار

هههههه اي استنفار

لا يكون تبيهم ايسوون حفلة ويعطون الضب كيك

[مرتبش]

نقطة نظام
الياهل لما يطق ربعه يصير يعرف يعتمد على نفسه؟
هذا سلوك يحتاج مراجعة

[بومحمد المطاوعه]

نقطة نظام
الياهل لما يطق ربعه يصير يعرف يعتمد على نفسه؟
هذا سلوك يحتاج مراجعة

لالا طبعآ مب اعتماد عالنفس هذي ابد

[فيصل99]

المفروض عقب 10 سنين يتعامل ع انه رجل ومسؤول عن تصرفاته وقرارته
لكن تحت الرقابه

[شبح الصمت]

استضافة سوار شعيب

للولد ناصر الابهق

والبنت منيره الكليب

وسبحان الله شوفوا اللقاء وكلن يقارن التربية لها دور ودور الاباء والامهات مساكين عند البعض

يقدر يتحكم في عياله وفي امورهم الشخصية واشلون الثقة موجوده بين الاب وولده
وبعض الابناء ما يحبون حد يتحكم فيهم شوفو البنت اشلون لسانها طويل ..




https://www.youtube.com/watch?v=7zQh5CcDLds

[Dana’1]

اغلب المشاركات ذكرت طرق ملئ وقت الفراغ وتنميه المواهب من سباحه وفنون قتال إلى آخره.
وتحمل المسؤليه هي اعطاء الطفل مهام مختلفه وظيفه حسب عمره ابتداء من انه يلبس بنفسه ويرتب اغراضه واموره بنفسه
الين ياخذ وظيفه مسؤليته تجاه الاخوان والاهل إلين حتى مسؤليته تجاه الجيران والمجتمع الخ


أذكر مره بالحسا وبالعثيم مول*صارت حادثه عامه بالمجمع والوالده تعبت فخذتها لاقرب كرسي
جونا شباب 2 صغاااار بدو من لهجتهم بالمتوسطه وقال سلامات ياخاله اوديك العياده طبعا الوالده رفضت وكانو يعرضون خدماتهم بحراره وجديه واضحه ومسؤليه حتى الوالده قامت وبنفسها شكرتهم وتقول مافيني الا العافيه جعل ربي يحفظكم
وراحوا فعلا جعل ربي يحفظهم
مثل هالتصرف لما يجي من كبااار ما تستغرب .. لكن لما يجي من صغار باول متوسط تعرف انهم حتى بالبيت هم يتحملون مسؤلية أهلهم
طبعا احنا ولد اختي كان معنا بس نزلنا عند الباب عشانن الوالده وراح يصف السياره وتونا داخلين فصار ماصار والحمدلله

المثال الثاني بأحد قرى الجنوب بالسعوديه أطفال صغار يطلعو قرب الطرق الرئيسيه بالقريه وعلى طريق نهران تحديدا كانو يبيعون الخبز الجنوبي و شاي بالحبق شغل بيتهم
غير انهم يساعدون اهلهم بالمزرعه كلن حسب عمره
الي شرينا منه طفل بالابتدائي مايتعدى الثالث ابتددائ واخوه الاكبر منه هو الي يعلمه
ويصب ويحسب وكان بالمتوسطه

بالحسا بعد اطفال حساويه يطلعون ويبيعون ترى بعضهم اذا مو اغلبهم أهلهم ناس مقتدره واهل تجاره هذا بس شي ثانوي يخلون ولدهم يبيع ويعتمد على نفسه
وبعضهم حدتهم الظروف الله يكون بعونهم



مثال اخر باحد المزارع االخاصه بالخيل بإوربا المسؤلات بالمزرعه نساء
وكانو يجهزون الخيل فكانت معهم طفله تساعدهن وتجيب لهن وتحط
وحتى تتابع الخيول وخرروجها الخ كانها كبيره

لا صجه ولا لجه


وامثله اخرى عن صغار يمثلون الاب في غيابه اما بسفر او غيره بالمجالس سواء مجالسهم او حتى بتلبية الدعوه لمناسبه كبيره عند جمعاته او جيرانه

فشلون تخلي ولدك يتحمل المسؤليه ؟!

[mr. abdulla]

للأسف الموضوع في الكثير من الأوقات يكون كيف تعلم الآباء و الأمهات المسوؤلية .. بعدين نتطرق للأطفال... كل يوم نسمع قصص عن مدى وصول إهمال الأبويين في تربيت أطفالهم ... رجل فوق الأربعين يعيش سنين مراهقته من جديد و ام فوق الأربعين تحلم بأن تصبح نجمة سوسيل ميدا بين صديقاته .... التربية صارت عن طريق الواتس مع الأبناء و الخدمات و الكاميرات المنزلية.. اسألهم متى اخر مره اقعدوا مع عيالهم نص ساعة من دون تليفون او اي باد او تلفزيون... اسألهم عن علامات عيالهم في المدرسة... ياخي في اباء و الله العظيم ما يعرفون اي صف عيالهم فيه...
للأسف الحالات كثيرة و لاتنكرون... و لو لم تكن كثيرة كان مراكز الصحية في الدولة ما نزلت قرر يلزم ولي الامر الحضور مع الأبناء في حالة زيارتهم للمركز بدل الخدم و الدريولية...