بغيت مساعدة لحل مشكلة الكراج اخوي معماري والشباب

[PGR]

السلام عليكم، عندي البيت مرتفع عن الشارع ودخلة البيت مب مضبطة فبغيت اعدل السلوب مال القار. لما اجيب شركة تعطيني اسعار خيالية حق اادخلة وتقول اذا تبي حل دائم لازم نشيل الموجود ونسويه مره ثانية عشان يعيش عندك لانه لو عدلنا السلوب على القار الموجود ممكن خلال سنه او سنتين يتكسر القار .بغيتكم تفيدوني في الموضوع اذا في حل او شركة تقدر تسويلي اياه ويعطيكم العافية مقدما

[معماري قطري]

لو مصور حتى تتضح المشكلة أفضل .. سبق ورديت على هذا الكلام ( ما ادري حلمان ) في موقع أو قسم ثاني في المنتدى

يعتمد على الارتفاع شكثر وحتى يسوي سلوب مريح وميلان تدريجي وبسيط لازم يحتاج يكسر ويحفر ويردم أو يسوي صبية أو يحط قار مرة ثانية .. لو حط قار على القار الموجود المفروض يكون متجانس ويلصق على بعض ما ادري ليش قال لك يتكسر ( يمكن لو طبقة رقيقة )

[معماري قطري]

دورت لك فيديو يوضح للقار بس ما حصلت لكن هذا يوضح لك شلون نسوي رامب خرسانة وشلون السلوب عاملينه متدرج ولازم سمك معقول حتى ما تنكسر الخرسانة ولازم فواصل تمدد


https://www.youtube.com/watch?v=6h1JmDqI5P4

[معماري قطري]

شرح عن تحديد الميلان


https://www.youtube.com/watch?v=osojZyJo7jQ

[معماري قطري]

حل ثاني حق تعديل السلوب


https://www.youtube.com/watch?v=Aui_CI8dZG8

[مرتبش]

سؤال ذي صلة
الارتفاع الجيد لحوش البيت من مستوى الشارع.. وارتفاع البيت من مستوى الحوش
وجزيتم خيرا

[PGR]

يعطيك العافية اخوي معماري، على كلامه انه طبقة القار الجديدة ما بتمسك مع القديمة ويعد سنه او سنتين بتتفكك، اذا عندك حد تتعامل معاه يجي يشوفلي الموضوع اكون شاكر لك

[معماري قطري]

سؤال ذي صلة
الارتفاع الجيد لحوش البيت من مستوى الشارع.. وارتفاع البيت من مستوى الحوش
وجزيتم خيرا

انا سويته حول 30 سم وجاي بسلوب بسيط بحدود 0.75% يعني أقل من سنتيمتر في المتر .. الرامب من أرضية الشارع لداخل البيت طوله 3 أمتار وارتفاعه 30 سم يعطينا سلوب 10% ولكل متر 10 سم بس باقي أرضية البيت حلاتها يكون سلوبها بين 0.5 إلى 0.75% .. سويت رامب ثاني حق مدخل الصالة بحدود بعد 30 سم وبارتفاع تدريجي من دوار .. بس اللي بيسوي دوار أحلى يخلي السلوب خفيف لتصريف الماي ويسوي عتبة صغيرة لدخول البيت بارتفاع 10 أو 12 سم

[معماري قطري]

يعطيك العافية اخوي معماري، على كلامه انه طبقة القار الجديدة ما بتمسك مع القديمة ويعد سنه او سنتين بتتفكك، اذا عندك حد تتعامل معاه يجي يشوفلي الموضوع اكون شاكر لك

بيوصلك خاص وقول له شتبي وان شاء الله ما يقصر

[خبير صيانة]

ممكن يتعمل حديد شتر 5 مم وتحل المشكله
لو حابب عندي اللي يعملها لك

[معماري قطري]

ممكن يتعمل حديد شتر 5 مم وتحل المشكله
لو حابب عندي اللي يعملها لك

انا حاب استفيد ممكن توضيح أكثر وشلون نركب حديد الشتر؟ وهل يوجد حديد شتر 5 مم؟ اللي أخبره 5 مم = نص سم وما يجي حديد شتر بهذا الوزن الثقيل ممكن نص ملم بس شدخله في قصة الرامب والسلوب؟

[معماري قطري]

انا حاب استفيد ممكن توضيح أكثر وشلون نركب حديد الشتر؟ وهل يوجد حديد شتر 5 مم؟ اللي أخبره 5 مم = نص سم وما يجي حديد شتر بهذا الوزن الثقيل ممكن نص ملم بس شدخله في قصة الرامب والسلوب؟

خبير صيانة كل اللي طلبته توضيح

[معماري قطري]

إخوي صاحب الموضوع بشر شصار معاك إن شاء الله تعدل الوضع عندك

[بوخالد911]

بانتظارك يا راعي الموضوع.

[PGR]

السلام عليكم, حصلت عامل قالي بشيلك السلوب كامل وبحط رمل مع الدك وفوقهم طبقة اسمنت وفوقه انترلوك وبيضبط الموضوع,, الحمدلله الموتر الحين يدخل بدون لا يحك والامور تمام,, في شركة قالت لي انه هاي حل مؤقت بس العامل قالي عقب ماسويلك هالشي ماراح يتغير المنسوب وبيظل نفس الشي ,, ان شاء الله يتم صارله شهر الحين والامور الحمدلله تمام

[معماري قطري]

حلك معقول وهو وسط بس لو سويت صبية بسمك جيد بين 10 - 15 سم بيكون أفضل والمفروض بداية الصبية ينحفر لها وتنعمل بجزء سميك تحت الأرض ما يسويها بلاستر ضعيف متصل بالشارع ويتكسر بسرعة