حق الملح

[الحياة الخالدة]

السلام عليكم ورحمة الله
وصبحكم الله بالخير والسعادة

-- حق الملح --

من العادات التونسية الجميلة في تكريم المرأة والاعتراف لها بالجميل صباح يوم عيد الفطر

وتتمثل عادة "حق الملح" في أن المرأة تستقبل زوجها عند عودته من صلاة العيد وهي في أبهى زينتها بعد أن تكون نظفت البيت ورتبته وبخرت زواياه .. وفي يدها طبق الحلويات وفنجان القهوة ...
ويشرب الزوج قهوته ..
لكنه لا يعيد لها الفنجان فارغاً .. بل فيه قطعة حلي من الذهب أو الفضة بحسب إمكاناته
وهذه الهدية تسمى "حق الملح".

و "حق الملح" تكريم لصاحبة البيت .. واعتراف لها بالجميل على صبرها وتعبها خلال شهر رمضان

ماجانا حق الملح ولا حق السكر ولا حق لواااهيب الفرن

[الحياة الخالدة]

الموضوع وصلني كنوع من الطرفة طبعاً
لكن حبيت أحطه للحديث عن التقدير
وليس المقصود به طبعاً تقدير الزوجة فقط .. وإنما تقدير الزوج كذلك
وقد نعمم لنشمل جميع من قد يقوم بعمل تجاهك سواء كواجب عليه أو من طيب نفس واستحباب

التقدير ولو حتى بالشكر أو كلمة : يعطيك العافية أو ما قصرت .. وما شابهها


تحياتي للجميع

[الحاقول]

يعني عيديه بالقطري

[الحياة الخالدة]

يعني عيديه بالقطري
إي صح أخوي

وما دامك يبت الطاري .. عندي تساؤل
هل كل الأزواج يعطون زوجاتهم عيادي ؟؟ يعني اقصد شي متعارف عليه

طبعاً السؤال للي يحب يجاوب عليه
حياك الله أخوي الحاقول

[مختلف جداََ]

الملح يرفع الضغط

الشعب يطالب بإغلاق الموضوع :o

[nooora]

موضوع طريف
الملح مفيد اذا خذتيه ف ملعقة صغيره وقريت عليه اية الكرسي ثم ترشه ف زوايا الغرفة على ارتفاع متر يشرد الشياطين من الغرفة.
هي مثل العيدية ويفضل هدية مثل ما تفضلتي حلي ذهب الماس عاد عند الاجانب وردة من كارفور :weeping:

[ولد العرب]

انا اعطيها وامي معهم واعطي الكل بالبيت والخدم
حنا افضل من فنجاله بمراحل عطيتنا جزله

[النهار]

لا احنا ماعندنا حق الملح ولا الشكر

[ولد العرب]

الملح يرفع الضغط

الشعب يطالب بإغلاق الموضوع :o
افاااا مختلف ماتعطيها عيديه :weeping:

[ولد العرب]

لا احنا ماعندنا حق الملح ولا الشكر

:eek5::eek5: بالله يالنهار صدق ماتسويها ام عيالك غاسله ثيابك كاويتهم وملبسه عيالك ومهتمه فيهم افاااااا

خلنا نشوف باقي الردود:sneaky:

[الماريّة]

انا اعايد هل بيتي كلهم
عيالي واخواني وخواتي وعيالهم والخدم وعيال الفريج الي يعايدون

[الماريّة]

المسمى ذكرني ب حق الليله عند هل الامارات

[ولد العرب]

انا اعايد هل بيتي كلهم
عيالي واخواني وخواتي وعيالهم والخدم وعيال الفريج الي يعايدون

يالماريه المقصد فنجالك فيه شي ولا بس فاضي
نتكلم عن سيد البيت والمدرارت الفضائيه

[الماريّة]

يالماريه المقصد فنجالك فيه شي ولا بس فاضي
نتكلم عن سيد البيت والمدرارت الفضائيه

فاضي للاسف :weeping:

[مختلف جداََ]

افاااا مختلف ماتعطيها عيديه :weeping:

انت مب عارف شالطبخة

خلك مع الكمبودي
و التونسي احنا نتفاهم وياه

هههههههههه

[ولد العرب]

افاااا الماريه :weeping:

مختلف شكلي بتمرد بالعيد الجاي اظني مخدوع منها احسب طريقي صح crazy

[naklan]

ما يحتاج حق الملح باشتري لها ملح وباحطه
داخل فنجان القهوة هههههههههه
انا عامل ميزانية مفتوحة وتقدر تشتري
مصنع الملح كله مَش بس في قلاص
حتى في بدّي تريلة :nice:

[الماريّة]

ياخي مانبي ملح

نبي مرتشعه والا مريه والا ومقلس ههههه

[naklan]

ياخي مانبي ملح

نبي مرتشعه والا مريه والا ومقلس ههههه


المارية الموضوع عن الملح لا تطلعين خارج الموضوع
قولي لي كم خيشة ملح تبين باروح لذرب
أجيبه ما تبين فلفل اسود معاه :nice:

[معماري قطري]

أمس اشوف ياهل حول سنتين ونص وفي يده فلوس ريالات وخمسات .. صاك عليها قوة ويلعب بسيكل صغير .. قلت له عطني ريال ساكت كررت كم مرة وألحيت قال بتنضرب .. قلت هالنتفة بعد يعرف الفلوس ويقدر يضرب .. زين عطته فلوس ما رضى ياخذها

والله أحلى شيء لو المره صبت القهوة وسلمت معاها مبلغ يفرح زوجها

[عاشق العديد]

تعلمو ياشباب يامتزوجين حق الملح كل واحد يأخذ سلفيه ..

عاد فالدوحه ماتوقع فنجال بيكفي لازم قلاص بيره يترسه ذهب

[سالم الزهران]

موضوع جميل ونا لازلت افكر في العنوان :court:

بس لازم نعرف قياسات الفنيال عشان ما حد يقص علينا

[عاشق العديد]

انا اعايد هل بيتي كلهم
عيالي واخواني وخواتي وعيالهم والخدم وعيال الفريج الي يعايدون

وين بيتكم ..

من زمان ادور الي يوزعون خمسات الحين كله ريالين

[عابر سبيل]

موضوع جميل ونا لازلت افكر في العنوان :court:

بس لازم نعرف قياسات الفنيال عشان ما حد يقص علينا

اذا وضعت فتحة (مش سكون) على اللام في العنوان..
يصير لك (مضبوط) الفنجان!؟
*
*
،،
عموما..
خلو يا(نسوان) الامور مستوره..
و لا الخدامات و "هريس الوالده" و المطابخ الشعبيه
و خبز الرقاق في الجمعيات..ولا اقصاها اللي يكارون
الخبز بالخيشات...

شنو بعد....نسيت شي و لا اسكت؟!


الله يرحم ذيك الايام اللي البيت يجتمع ف شعبان
حوالين ال"تاوه" ..راحت تلك الليالي
مع "حلوات" اللبن..

ولا بقصور من "بعض" المُستثنيات

[naklan]

اذا وضعت فتحة (مش سكون) على اللام في العنوان..
يصير لك (مضبوط) الفنجان!؟
*
*
،،
عموما..
خلو يا(نسوان) الامور مستوره..
و لا الخدامات و "هريس الوالده" و المطابخ الشعبيه
و خبز الرقاق في الجمعيات..ولا اقصاها اللي يكارون
الخبز بالخيشات...

شنو بعد....نسيت شي و لا اسكت؟!


الله يرحم ذيك الايام اللي البيت يجتمع ف شعبان
حوالين ال"تاوه" ..راحت تلك الليالي
مع "حلوات" اللبن..

ولا بقصور من "بعض" المُستثنيات


صدقت اخوي عابر سبيل الحين 90 % من الحريم
ما تحرك شي تاثرت الخدمات من الكسل بس مستحقاتها ما تتاثر
جيب لي أشتر لي ومن ضمنها فنجان القهوة وفِي البيت آه ياراسي آه يارجلي
بس ودها السوق تصير لمبرقيني 12 سلندر ما تردك
البيت الا اذا طاح لسانك هههههه

تحياتي يا أيها العابر

[نفسي عزيزه]

النساء ملح الحياه

امهاتنا زوجاتنا خواتنا خالاتنا عماتنا يازينهم يستاهلون كيلو ملح من مصنع ولد العرب الي في مغولينه

[الحياة الخالدة]

أشكر الجميع على المشاركة
بس يا جماعة انظروا للمعنى السامي وراء الموضوع
السالفة مب سالفة ملح ولا عيدية
حق الملح مجرد رمز .. والمقصود هو التقدير
ومثل ما قلت مب بس للزوجة .. حتى للزوج
وشكراً مرة أخرى

[سالم الزهران]

يالربع :sneaky:نحن نفكّر في شيء غير الذهب عشان ما ندش في موضوع الزكاة وهو ذهب ملبوس ولا

طيب انا بنشر وثائق ويكيلكس

بصراحة في الأعياد ما أقوم بالشيء ذا يوم العيد ,لكن نحدد هدايا العيد من بدري , كنا نسوي مفاجئات بس صارت مكشوفه يعني تعرف ماركة يحبونها تجيب لهم منها

زمان كنت اشتري بثقة عمياء لكن في الأخير قالوا لي ... حنا نحدد وش نبي وانت اشتر لنا عشان ما يصير فيه تكرار لهدايا من نفس الفكرة

وبعدها ( عرفت بحداقة المصريين ان ما عندي سالفة في الإختيارات)

في اشياء ما ادخلها ضمن الهدايا و احاول ابعدهم عنها وهي اجهزة الابل لان صاروا الناس يتغايرون فيها واستوت سالفة

من صوب الهدايا اللي تجيني: فعلاً اضحك لما يعطوني هدية خاصة الزوجة لأني انحرج بصراحة وشيء جميل انك تنسى نفسك في خضم الحياة و المشاغل واصلاً قاعد تصايح ومع ذلك كله تكتشف ان حنتك مسامحينك عليها و معطينك هدية بعد.. جزاهم الله خير ويهمني ان اكون في الترتيب بعد أبوها و أمها وخواتها ولو يعفوني من الهدية فجزاهم الله خير لان الحق لهم.

[aloosh]

تاكدي اذا لا يوجد خلاف والامور في البيت مستقره فا الزوج يقدم كل ماهو غالي لزوجته في اي بلد في العالم

[الماريّة]

المارية الموضوع عن الملح لا تطلعين خارج الموضوع
قولي لي كم خيشة ملح تبين باروح لذرب
أجيبه ما تبين فلفل اسود معاه :nice:

هههههههه لا الملح الواجد يرفع الضغط

[الماريّة]

الاخوان الي يقولون الحين المره ماتسوي شي كله على الخدم

اسمحوا لي مهب الكل الا الاغلبيه من حريم هالوقت هي الي تشتغل
وتتعب اعبر من الزوج

زود على وظيفتها في النهار وترجع تقابل مطبخها وعيالها
وواجبات جيرانها واهلها ( في المناسبات ) وفوق هذا كله ادرس عيالها
حتى الصبيان الي المفروض ابوهم يالاهم هي الي قايمه بهم

والزوج وين دوره في الحياه طبعا البعض
عياله يوصلهم لدريول لمدارسهم ولمواعيدهم
مجلسه وقهوته لضيوفه يسويها الصبي وين دوره هو

الله يرحم شيبانا لول عيب قهوته يقابلها الصبي يا هو او عياله

و زرع بيتكم الي يسقيه الزراع
سيارته الي يغسلها الدريول
وين دوره بس يروح لدوام والا مع ربعه

حتى طلعاته مع عياله نادره الا اذا بسافرون برى
عياله لو بغى يدرسهم جاب لهم مدرسين والا محفظين
وانت ليش مادرسهم شهاداتكم شالفايده منها وانتوا مادرسون عيالكم

ابانا لول متعلمين تعليم خفيف تعليم مطاوعه وحفظونا القران
بالتهجي. والبعض الحين منصبه وشهادته ماتسمح له يدرس ولده

اسمحوا لي يامعشر الرجال المره في زمننا الحين هي قايمه بدورها
ودور زوجها وهذا من الي الواقع الي نشوفه الا من رحم ربي

بس ماسكين علينا يالحريّم مانسوي شي حتى خبز التاوه
ونسى البعض. انه حتى ميره البيت. السايق الي يجيبها


واسمحي لي يالحياه تهيضت شوي وطلعت خارج الموضوع

/
\

[R 7 A L]

لكل مجتمع ثقافة ياليت مانتدخل في ثقافات الغير
وخلنا على ثقافتنا ابرك واحسن

[الحياة الخالدة]

الملح يرفع الضغط

الشعب يطالب بإغلاق الموضوع :o

الملح شي أساسي في الحياة
جرب تاكل الأكل ماصخ .. وبتعرف أهميته

محد طالب بالإغلاق غيرك :anger1:

[الحياة الخالدة]

موضوع طريف
الملح مفيد اذا خذتيه ف ملعقة صغيره وقريت عليه اية الكرسي ثم ترشه ف زوايا الغرفة على ارتفاع متر يشرد الشياطين من الغرفة.
هي مثل العيدية ويفضل هدية مثل ما تفضلتي حلي ذهب الماس عاد عند الاجانب وردة من كارفور :weeping:
بخصوص الملح أول مرة أسمع هالمعلومة
والله بعض الحريم قنوعات حتى الكلمة الطيبة تكفيهم
ومن ناحية الورد .. بعض رجالنا هالسالفة بالذات بتعجبهم في الأجانب .. يطخ لج وردة من وسط الدوار وهو راد من الدوام ويوديها حق مرته حبيبته :shy:

[الحياة الخالدة]

انا اعطيها وامي معهم واعطي الكل بالبيت والخدم
حنا افضل من فنجاله بمراحل عطيتنا جزله

كفو يا ولد العرب .. قول وفعل
وفوقهم نص كيلو عود من الزين

[الحياة الخالدة]

لا احنا ماعندنا حق الملح ولا الشكر

عيل شعندكم .. حق السمج ؟؟

[م/ عبدالله]

انا اعطيها عطر ولا سواره ،، والوالد والوالده بعد عطر ولا عود ،، اما خواتي والخدم اعطيهم فلوووس

[حمد 2002]

السلام عليكم ورحمة الله
وصبحكم الله بالخير والسعادة

-- حق الملح --

من العادات التونسية الجميلة في تكريم المرأة والاعتراف لها بالجميل صباح يوم عيد الفطر

وتتمثل عادة "حق الملح" في أن المرأة تستقبل زوجها عند عودته من صلاة العيد وهي في أبهى زينتها بعد أن تكون نظفت البيت ورتبته وبخرت زواياه .. وفي يدها طبق الحلويات وفنجان القهوة ...
ويشرب الزوج قهوته ..
لكنه لا يعيد لها الفنجان فارغاً .. بل فيه قطعة حلي من الذهب أو الفضة بحسب إمكاناته
وهذه الهدية تسمى "حق الملح".

و "حق الملح" تكريم لصاحبة البيت .. واعتراف لها بالجميل على صبرها وتعبها خلال شهر رمضان
ماجانا حق الملح ولا حق السكر ولا حق لواااهيب الفرن

عاده جميله اذا المرأه تدخل كل يوم المطبخ وتطبخ مالذ وطاب من اصناف الطعام ، ولكن اذا الخادمه هي التي تطبخ كل يوم او الطباخ او المطعم هنا نحتار من نعطي الزوجه ام الخادمه !!

وهنا انا لا انتقص من دور الززوجه او الام لا بل لانه الموضوع عن التقدير فهنا الواحد يجب ان يعطي من يستحق التقدير !!

وبعدين الزوجه او الام بمجتمعاتنا نقدرهم كل يوم ونعطيهم هدايا بدون مناسبات لانه لهم دور كبير وهم شريك اساسي بالمجتمع وتربيه الابناء ونهضته الامه بشكل عام .

تحياتي .

[ولد العرب]

عاده جميله اذا المرأه تدخل كل يوم المطبخ وتطبخ مالذ وطاب من اصناف الطعام ، ولكن اذا الخادمه هي التي تطبخ كل يوم او الطباخ او المطعم هنا نحتار من نعطي الزوجه ام الخادمه !!

وهنا انا لا انتقص من دور الززوجه او الام لا بل لانه الموضوع عن التقدير فهنا الواحد يجب ان يعطي من يستحق التقدير !!

وبعدين الزوجه او الام بمجتمعاتنا نقدرهم كل يوم ونعطيهم هدايا بدون مناسبات لانه لهم دور كبير وهم شريك اساسي بالمجتمع وتربيه الابناء ونهضته الامه بشكل عام .

تحياتي .
حمد الكلام اللي تقوله ماشفته في بيئتي لابيتي ولا بيوت اخواني
الزوجه هي من تقوم بالواجب
حتي لو موظفه تضبط الغداء وتسنع نص مستوي او مستوي كامل بالليل وتجهزه اول ماتوصل بيتها لزوجهاو عيالها
او
تطلب من الخادمه تكمل الشي البسيط

مش معقول ظلمك الشديد وتحملك عليهم ياحمد اتق الله فيه من يدعي عليك وراء شاشات
خاف الله يامعيض

[ولد العرب]

اعظم شي ياحمد انها تشيل عيالك في بطنها شهور وانت هنا تقطق على النسوان خير شفيك قول خير لهم ولا اصمت ماله داعي تنتقص لها

اكرر يكفي انها حملت عيالك عرضت نفسها للموت

[معماري قطري]

ما سمعتوا الشاعر العراقي اللي قال المِلِح والزاد لا غزر ولا فاد خلاني الحبيب ورجع بغداد

[حمد 2002]

حمد الكلام اللي تقوله ماشفته في بيئتي لابيتي ولا بيوت اخواني
الزوجه هي من تقوم بالواجب
حتي لو موظفه تضبط الغداء وتسنع نص مستوي او مستوي كامل بالليل وتجهزه اول ماتوصل بيتها لزوجهاو عيالها
او
تطلب من الخادمه تكمل الشي البسيط

مش معقول ظلمك الشديد وتحملك عليهم ياحمد اتق الله فيه من يدعي عليك وراء شاشات
خاف الله يامعيض

السلام عليكم ورحمه الله وبركاته يا اخي ولد العرب .

انا لم اقم ظد أحد ولم اعمم بردي السابق ، بل بالعكس امتدحت دور المرأه بالبيت والمجتمع بآخر سطر كتبته بردي السابق ، اتمنى انك ماتثير الرأي العام بالمنتدى ضدي وتصورني بصوره الشرير عدو النساء وانت بصوره البريء المدافع عنهم .

تحياتي .

[معماري قطري]

اعظم شي ياحمد انها تشيل عيالك في بطنها شهور وانت هنا تقطق على النسوان خير شفيك قول خير لهم ولا اصمت ماله داعي تنتقص لها

اكرر يكفي انها حملت عيالك عرضت نفسها للموت

ولد العرب الصورة صورة تير والا اسفور

[ولد العرب]

السلام عليكم ورحمه الله وبركاته يا اخي ولد العرب .

انا لم اقم ظد أحد ولم اعمم بردي السابق ، بل بالعكس امتدحت دور المرأه بالبيت والمجتمع بآخر سطر كتبته بردي السابق ، اتمنى انك ماتثير الرأي العام بالمنتدى ضدي وتصورني بصوره الشرير عدو النساء وانت بصوره البريء المدافع عنهم .


تحياتي .

الا ظالم وشوف عيني عينك والارشيف يشهد
بالحوار العام تحط من مستوى شقائق الرجال
وبالاستراحه تحط نكت عنهم ومانزال الله بها من سلطان
موقفي واضح وموقفك انت بعد واضح

[ولد العرب]

ولد العرب الصورة صورة تير والا اسفور

صوره فنجال ملح نفداك:con2:

[الحياة الخالدة]

السلام عليكم ورحمة الله
إخواني : حمد و ولد العرب .. اذكروا الله وادحروا الشيطان
حبو بعض ترا الدنيا ما تسوى
وشكراً لتفهمكم

[عابر سبيل]

الاخوان الي يقولون الحين المره ماتسوي شي كله على الخدم

اسمحوا لي مهب الكل الا الاغلبيه من حريم هالوقت هي الي تشتغل
وتتعب اعبر من الزوج

زود على وظيفتها في النهار وترجع تقابل مطبخها وعيالها
وواجبات جيرانها واهلها ( في المناسبات ) وفوق هذا كله ادرس عيالها
حتى الصبيان الي المفروض ابوهم يالاهم هي الي قايمه بهم

والزوج وين دوره في الحياه طبعا البعض
عياله يوصلهم لدريول لمدارسهم ولمواعيدهم
مجلسه وقهوته لضيوفه يسويها الصبي وين دوره هو

الله يرحم شيبانا لول عيب قهوته يقابلها الصبي يا هو او عياله

و زرع بيتكم الي يسقيه الزراع
سيارته الي يغسلها الدريول
وين دوره بس يروح لدوام والا مع ربعه

حتى طلعاته مع عياله نادره الا اذا بسافرون برى
عياله لو بغى يدرسهم جاب لهم مدرسين والا محفظين
وانت ليش مادرسهم شهاداتكم شالفايده منها وانتوا مادرسون عيالكم

ابانا لول متعلمين تعليم خفيف تعليم مطاوعه وحفظونا القران
بالتهجي. والبعض الحين منصبه وشهادته ماتسمح له يدرس ولده

اسمحوا لي يامعشر الرجال المره في زمننا الحين هي قايمه بدورها
ودور زوجها وهذا من الي الواقع الي نشوفه الا من رحم ربي

بس ماسكين علينا يالحريّم مانسوي شي حتى خبز التاوه
ونسى البعض. انه حتى ميره البيت. السايق الي يجيبها


واسمحي لي يالحياه تهيضت شوي وطلعت خارج الموضوع

/
\


دايما التعميم المطلق شين
و الاستثناء زين..

احنا متعادلين..
انا في كلامي استثنيت..
و كلن عارفه نفسها
ان كانت م العموم او الاستثناء..

و انتي تستثنين..و كلن يعرف عن نفسه.. ان كان من هؤلاء
او أولئك...
*
*
،،

خلونا الحين نركز مع رمضان و د.الحمادي(الوزير)
و حملة اخوانا السعوديين(مشكورين) عليه..بتويتر..

بيجدم لعيالنا الامتحانات..
بندور على بيته
و كلنا نودي له ماchـلة رمضان..
بملحها وهريسها و خبز ارقاق
و المهلبية و الجلي بعد:pic:

[الماريّة]

دايما التعميم المطلق شين
و الاستثناء زين..

احنا متعادلين..
انا في كلامي استثنيت..
و كلن عارفه نفسها
ان كانت م العموم او الاستثناء..

و انتي تستثنين..و كلن يعرف عن نفسه.. ان كان من هؤلاء
او أولئك...
*
*
،،

خلونا الحين نركز مع رمضان و د.الحمادي(الوزير)
و حملة اخوانا السعوديين(مشكورين) عليه..بتويتر..

بيجدم لعيالنا الامتحانات..
بندور على بيته
و كلنا نودي له ماchـلة رمضان..
بملحها وهريسها و خبز ارقاق
و المهلبية و الجلي بعد:pic:

شكرا لك اخوي عابر على تفهمك وتقبلك ردي
وبخصوص الحمله ماقصروا الفزعه السعوديين
يصوتون لصالح عيالنا ربي يجزيهم خير

شكرا لك مره اخرى

/
\