يا فرحه ما تمت

[أبو سعود]

يوم أمس تم الأعلان عن أفتتاح الطريق

الدائري السابع

وقد أستبشر الكل بالخير لأن هذا الطريق سيكون

سالك وسيربط المناطق وسيختصر الوقت


( وبنفس الوقت ) تم الأعلان عن تحويله عند

أول دوار بمنطقه الوكره وستكون لمده أكثر من سنه

بسبب بعض الأعمال


ولكن هذه التحويله الجديده قد تسببت في

أزدحام مروري شديد في هذا الصباح بمنطقه

الوكره

مما جعل الكثير يتأخرون عن مشاويرهم



بأختصار :


يا فرحه ما تمت لأهل الوكره على تخلصهم

من المعاناه اليوميه من هذه الزحمه الشديده


يعني الزحمه ورأكم ورأكم يا

أهل الوكره

[JN000N]

ذبحه مب بس زحمه
لدرجة اني اليوم الصبح قاعده اتخيل شكل الذكي الي فكر بهالفكره العجيبه
لانه فعلا ذكي :)
خارق الذكاء ويعرف كم عدد سكان الوكره
ماشاءالله عليه

[مختلف جداََ]

أمس في الليل أكلت البكس بين عيوني

فعلا تفكير غريب
يا ناس يا عالم متأكدين اللي يصير طبيعي !!

[ضوى]

الله يعينكم اليوم كله شكاوي على هالسالفة لا ويقولون بيطبقون نظام الخصم على الحضور زوالتأخير اقول اكلوا هوا بس

[حمد بن سعد]

اكثر المشاريع الي اشوفها الحين تخدم الشاحنات اكثر

[مختلف جداََ]

أمس أنا راجع من الدوحة و رايح للوكرة

خط سلاح الجو مافي أحلى منه لين بدا يروح يمين فينا

اهني اكتشفت انه بيطلعنا على جسر حارتين فقط

يا ظالم حارتين بس

الناس اللي راجعة العصر من دواماتها للوكرة تعرف عددهم

تعرف الزحمة الكارثية اللي بتصير



بصراحة الله يعين رجال المرور على هالشوارع
بيلحقون ايش ولا إيش

[بومحمد المطاوعه]

هههههههههههه

هالمشكله
شوارع شحلاتها

تخطيط
مثل مربط الغنم

[أبو سعود]

هههههههههههه

هالمشكله
شوارع شحلاتها

تخطيط
مثل مربط الغنم

هذه من أحدى النتائج بالأعتماد على الخبراء الأجانب

وفي مجالات عديده لا تعد ولا تحصى

واللي همهم الأساسي هو حصولهم على

الرواتب العاليه والأمتيازات العديده

التي تقدم لهم

ونتائجهم السلبيه لا يهمهم

اللوم الأساسي المفروض يلقى على المسؤولين

اللي يعتمدون على الأجانب بكل شي

وما ينزلون على أرض الواقع

علشان يشوفوا السلبيات على الطبيعه

ليضعوا الحلول لها

[.قطر.]

الله يعين هل الوكره
اليوم ف وطني الحبيب كم واحد مشتكي على هالموضوع

[معماري قطري]

الله يعينكم اليوم كله شكاوي على هالسالفة لا ويقولون بيطبقون نظام الخصم على الحضور زوالتأخير اقول اكلوا هوا بس

ولا يخصمون على المقاول ول ول ول ول

[معماري قطري]

شحلوا المسؤولين وهم يفتتحون بفخر ولا يردون على صرخات العالم بقهر

[FCB 123]

من الي مقترح ؟ من الي وافق ؟ وهل صارت دراسة بهالشي ؟ اليوم تأخرت بالطريق ساعه من دوار الصدفة ل دوار عبدالغني ،
ورجعت عيالي البيت وماقدرت اوصلهم المدرسة في الثمامة
من المسؤول عن هالشي إذا كل يوم تأخير ؟
دوامي 8 لازم أطلع الساعه 6 من البيت ؟

الله المستعان

[معماري قطري]

ووسائل إعلامنا خامدة

المفروض تصوير من الجو وتحقيق واضح ومحايد مب كله بس مدح ومسح أحذية

[أبو سعود]

شحلوا المسؤولين وهم يفتتحون بفخر ولا يردون على صرخات العالم بقهر

هذا شي طبيعي عند تواجد بعض المسؤولين الكبار

وكاميرا وسائل الأعلام تكون حاضره

فهذه فرصه كبيره للمسؤولين الصغار أن يتواجدوا

لكي يتقربوا من المسؤولين ويثبتوا لهم بأنهم

على قد المسؤوليه


بينما عند ظهور أي أنتقاد نرى معظمهم يختفوا

ويتهربوا من تحمل المسؤوليه من هذه الأخطاء

والسلبيات

[مختلف جداََ]

انزين ليش ما أجلو افتتاح المشروع لين ما يخلص الشغل اللي بسببه حطو التحويله

ليش يا مدير تفرحني الصبح و تبكيني في الليل


عجبي !!!!

[أبو سعود]

الآن نحن وقت الظهر

وقت الحر الشديد

وقت الأستعداد لأنتهاء دوام الموظفين والطلبه


وللأسف زحمه السيارات لا زالت مستمره

وأشوف الناس متضايقون وبكل تأكيد كلهم

سيتأخرون عن مشاويرهم


وللأسف ( لم نرى لحد الآن )

أي بادره أمل لوضع الحلول من قبل المسؤولين

من هذه الزحمه الشديده

[معماري قطري]

لحد يلومني في حب أمريكا ونظامهم

سيارة بحمولة مرتفعة حركت عارضات جسر واستوى الوضع فيه خطورة .. سكروا 11 الصبح وسووا طرق بديلة .. وتواجد عدد كبير من الشرطة وكاميرات التلفزيون المحلي تصور وتبث طول فترة التصليح

شسووا؟ أزالوا الجسر بالكامل وجابوا عارضات جديدة طولها 18 متر بتريلات تسحبها والعارضتين يكونون مثل شاصي التريلا .. والمفروض تحرك التريلات في الليل بس لأهمية التقاطع خلوها مع موكب شرطة تتحرك ظهراً .. جابوها وركبوها وكانت نوعية حديثة مغلفة ببلاستيك سميك أبيض .. يعني ما تحتاج صبغ تغليفها مثل الروتومولد بس أنعم ولامع .. وركبوا العارضات وجددوا الشغل فوق وحطوا أسفلت جديد كل هذا والتلفزيون يتابع وكان المقاول المفروض يخلص الساعة 12 في الليل لكن خلص وحدة تقريباً وطلع يعتذر .. في 14 ساعة خلصوا جزء طوله 18 متر من الجسر .. صحيح الأعمدة ورؤوسها اللي تركب عليها العوارض موجودة لكن سووا شغل متكامل من ازالة وتركيب وتشطيب مع الحمايات الجانبية .. صحيح كل شيء جاهز ونقله كان سهل والمسافة مب كبيرة بس شعب منجز وبرخيص وفي وجود الاعلام والشرطة وتحرك على مستوى

عندنا يركبون سقالات لهم سنة تقريباً ويصبون العوارض صب في تقاطع الريان ( محطة بترول الجيدة سابقاً ) وكل اللي يحتاجونه كرينات وشغل بريكاست نظيف

[معماري قطري]

سوق البناء قوي مب عندنا ( حولنا ) لكن القوانين التنافسية والكفالات عندنا تصعب الشغل .. لو يجيبون هالمقاولين مثل الحبتور وبن لادن وغيرهم في الكويت والبحرين وعمان ويعطونهم حرية أكثر لنقل معداتهم وعمالهم .. وكذلك باتفاق حكومي بدون وسيط يلهف اليابس والخضر ويخلي تسعيرهم عالي وبدون فايدة كبيرة لهم .. أتوقع شغل المقاولات الكبرى عندنا بيستعدل وبيصطلبون مدراء الشركات اللي اسمها قطري لكن 90% فلوسها تطلع برا

نخليها 100% خارجية والفلوس تطلع برا لكن بطريقة صحيحة وسعر مب مبالغ فيه وجودة وتخطيط مثالي وكافي

[معماري قطري]

هذا شي طبيعي عند تواجد بعض المسؤولين الكبار

وكاميرا وسائل الأعلام تكون حاضره

فهذه فرصه كبيره للمسؤولين الصغار أن يتواجدوا

لكي يتقربوا من المسؤولين ويثبتوا لهم بأنهم

على قد المسؤوليه


بينما عند ظهور أي أنتقاد نرى معظمهم يختفوا

ويتهربوا من تحمل المسؤوليه من هذه الأخطاء

والسلبيات

قصدي المسؤولين بصفة عامة كبار وصغار وأكيد الصغار واللي برزوا الصورة الجيدة للمشروع هم الأساس لكن بعد كبار المسؤولين أعرفهم معرفة شخصية مؤهلاتهم بعيدة كل البعد عن الجسور والطرق والتخطيط وهم أساس الإختيار والتوجيه

[شيخ الديرة]

افتتاح شوارع غير جاهزة ولا تضمن سلامة الناس يجب ان لا تتكرر

فتحوا شارع بالريان يخلو تماماً من الاشارات الارشادية او الخطوط الارضية، ولازال العمال والمعدات الثقيلة تجوب الموقع

[JN000N]

أمس أنا راجع من الدوحة و رايح للوكرة

خط سلاح الجو مافي أحلى منه لين بدا يروح يمين فينا

اهني اكتشفت انه بيطلعنا على جسر حارتين فقط

يا ظالم حارتين بس

الناس اللي راجعة العصر من دواماتها للوكرة تعرف عددهم

تعرف الزحمة الكارثية اللي بتصير



بصراحة الله يعين رجال المرور على هالشوارع
بيلحقون ايش ولا إيش

بالضبط
نفس وضعي امس
رجعت من الدوحه وانصدمت من الشارع بوحارتين
زين الشارع لي يوديك صوب الكنيسه اربع حارات جنه من كثرهم الي بيروحون هناك يعني؟
والي شكثر زحمه عالوكره بس حارتين!!
اقولك ذكاء خارق للطبيعه

[معماري قطري]

النتيجة بيتم حل هذا الوضع وبيعتبرونه من قاموا عليه مؤقت ولازم يصير هالشيء .. وبينسى هذا الموضوع ويمكن ينتقل لبقعة أُخرى من أرض قطر وشوارع قطر

أمس في عين خالد نفس الوضع طرق ضيقة مسكرة ودوارات هجينة بدون إشارات وصغيرة مشوهة بكثرة الحواجز العشوائية .. والزحمة خيالية .. عين خالد غالبيتها مناطق حديثة وشوارع حديثة لكن بشغل كل سنتين جدد واحفر وسكر والشارع ضيق من الأساس وكان الأجدر تخطيط الرئيسي من ثلاث حارات أقل شيء لكل اتجاه والفرعي من حارتين

[naklan]

ما يقدرون يسوون مشروع وافي وخالص هذا حدهم
الشرهة على المسؤل الي متسمت في مكتبه واللجنة الي وافقت
على عمل مسارين هذولا يبيلهم شوت برا الشغل واحلال
عقول على مستوى ومسؤل على قد المسؤولية

[JN000N]

ما يقدرون يسوون مشروع وافي وخالص هذا حدهم
الشرهة على المسؤل الي متسمت في مكتبه واللجنة الي وافقت
على عمل مسارين هذولا يبيلهم شوت برا الشغل واحلال
عقول على مستوى ومسؤل على قد المسؤولية

لا ويقولك المشاريع الي يسوونها ف الشوارع بتكفي حق كم مليون بيون قطر

بيكفون (طـــل)
احين الوكره مادري كم عدد الي فيها ومب مكفيتهم الشوارع
شلون لو زادو السكان

[معماري قطري]

ذكريات طريق الوكرة نشوف نهايته وعليه سيارتين ثلاث ودوس والا دقيقتين انت في الدوار

[naklan]

لا ويقولك المشاريع الي يسوونها ف الشوارع بتكفي حق كم مليون بيون قطر

بيكفون (طـــل)
احين الوكره مادري كم عدد الي فيها ومب مكفيتهم الشوارع
شلون لو زادو السكان


ربعنا بياعين حجي احنا نتكلم بدون عمل موازي للكلام
وغيرنا يعمل بصمت في دبي لقيت انفاق وتقاطعات جاهزه
لمدينة لم يتم بنائاها بعد يعني الخدمات اولا وبمستوى

[معماري قطري]

كنا نروح حق مبارك الهاجري سواق الرالي .. هذا قبل ليسوق وكان واحد ياخذ سيارة البيت لا ليسن ولا شيء وعمره 15 مغامرين شكثر كنا

[معماري قطري]

ربعنا بياعين حجي احنا نتكلم بدون عمل موازي للكلام
وغيرنا يعمل بصمت في دبي لقيت انفاق وتقاطعات جاهزه
لمدينة لم يتم بنائاها بعد يعني الخدمات اولا وبمستوى

الخدمات لو سويتها قبل وسويتها صح وبتخطيط جيد افتكيت من وجع راس كبير ومن أسعار خيالية بعدين .. وهذا اللي يصير في كل مدن العالم المتطورة

يقول لي واحد شريت أرض زراعية في الريف الفرنسي بحدود 500 في 200 متر .. وبنى فيها بيت صغير من مواد بسيطة له وبشروط بلديتهم البسيطة ويقول استغرب إن الكهرب واصل وبالقوة اللي يبيها والماي العذب يقول من قوة الضغط يرتفع فوق .. وفوق هذا السعر سواء للأرض أو للبنيان والخدمات كثير رخيص

[مرتبش]

مهندس لاشغال في وطني الحبيب صباح الخير يسألونه ليش الشوارع الجديدة في الاحياء مثل اسلطة الجديدية والمطار ضيقة .. جاوبهم هذا للامن والسلامة! عشان الشارع ضيق مابتسرع السيارات فيه.
معقولة الحين الشارع صار ضيق بحيث لو اللي واقف في موقفه بشكل طبيعي لو فتح باب سيارته بياخذ نص الشارع.. لو سيكل يمشي يمك ماتقدر تطوف.. لو سيارة اكبر شوي من الحجم العادي مثل سيارة الغاز او الماي او تكرمون الزبالة تمشي في الشارع كل شي يوقف .
امن وسلامة بالمقلوب

[معماري قطري]

مهندس لاشغال في وطني الحبيب صباح الخير يسألونه ليش الشوارع الجديدة في الاحياء مثل اسلطة الجديدية والمطار ضيقة .. جاوبهم هذا للامن والسلامة! عشان الشارع ضيق مابتسرع السيارات فيه.
معقولة الحين الشارع صار ضيق بحيث لو اللي واقف في موقفه بشكل طبيعي لو فتح باب سيارته بياخذ نص الشارع.. لو سيكل يمشي يمك ماتقدر تطوف.. لو سيارة اكبر شوي من الحجم العادي مثل سيارة الغاز او الماي او تكرمون الزبالة تمشي في الشارع كل شي يوقف .
امن وسلامة بالمقلوب

للأمن والسلامة يسنون قوانين صارمة .. ويخططون الطرق والمواقف ويحطون كاميرات رقابة اللي يزيد السرعة شوي ينسحب .. بعضهم يتسابقون في الفرجان .. وواحد مطير سيارته 4 تواير في فريج .. وواحد شايل تايرين ويدور في المواقف

اوروبا تعودوا لو راحوها يشوفون الطرق القديمة ولا يروحون المدن المستحدثة يشوفون شلون تخطيطها أفضل .. وتخطيط أمريكا غير ويناسب بلادهم والمفروض تخطيط بلادنا يناسبها

[معماري قطري]

بعدين فيه شوارع داخلية معليش تكون مسار واحد مخطط لكل اتجاه ومواقف جانبية واسعة وواضحة ومخططة .. ولا فيه داعي للرصيف في بعض المناطق من طوفة لطوفة كله قار .. بعض المناطق الواسعة نحط رصيف معقول ونسوي زراعة ونسوي مواقف قرب البيوت ونسمح بتظليلها لو البيوت صغيرة وبحاجة لمواقف خارجية .. والسعة تكون شوي أوسع مب مسار وضيق

من نطلع لشارع شبه رئيسي لا لازم نتوسع لمسارين أقل شيء لكل اتجاه وخطوط أرضية واضحة وإنارة وكاميرات أمنية .. نطلع لشارع رئيسي وفيه كثير منهم يفترض يكونون رئيسيين في الفرجان يكون الشارع أوسع 3 أو 4 حارات وتقاطعات بإشارات والسرعة شوي أعلى وممنوع على البشر قطعها الا في مناطق التقاطعات المخصصة لهم .. وهذي الشوارع يفترض تكون فيها محلات خدمية تجارية ولها طريق خدمي خاص ومعزولة عن الفريج وراها

[R 7 A L]

مهندس لاشغال في وطني الحبيب صباح الخير يسألونه ليش الشوارع الجديدة في الاحياء مثل اسلطة الجديدية والمطار ضيقة .. جاوبهم هذا للامن والسلامة! عشان الشارع ضيق مابتسرع السيارات فيه.
معقولة الحين الشارع صار ضيق بحيث لو اللي واقف في موقفه بشكل طبيعي لو فتح باب سيارته بياخذ نص الشارع.. لو سيكل يمشي يمك ماتقدر تطوف.. لو سيارة اكبر شوي من الحجم العادي مثل سيارة الغاز او الماي او تكرمون الزبالة تمشي في الشارع كل شي يوقف .
امن وسلامة بالمقلوب

وانا اقول لك ليش مضيقين الشوارع الجديدة
وجهه نظر يالله ننتظر وانشوف بتقل الحوادث ولا لا
وهل الناس بتلتزم بالمسار ولا بيطلعون رنسيد
وهل باصات كروه العملاقه بتعرقل الحركة ولا لا

[شيخ الديرة]

مهندس لاشغال في وطني الحبيب صباح الخير يسألونه ليش الشوارع الجديدة في الاحياء مثل اسلطة الجديدية والمطار ضيقة .. جاوبهم هذا للامن والسلامة! عشان الشارع ضيق مابتسرع السيارات فيه.
معقولة الحين الشارع صار ضيق بحيث لو اللي واقف في موقفه بشكل طبيعي لو فتح باب سيارته بياخذ نص الشارع.. لو سيكل يمشي يمك ماتقدر تطوف.. لو سيارة اكبر شوي من الحجم العادي مثل سيارة الغاز او الماي او تكرمون الزبالة تمشي في الشارع كل شي يوقف .
امن وسلامة بالمقلوب

نسخة لراعية الفكسر السودة

[معماري قطري]

وانا اقول لك ليش مضيقين الشوارع الجديدة
وجهه نظر يالله ننتظر وانشوف بتقل الحوادث ولا لا
وهل الناس بتلتزم بالمسار ولا بيطلعون رنسيد
وهل باصات كروه العملاقه بتعرقل الحركة ولا لا

سووا هالشارع الضيق في فريجنا طويل .. قاطع الفريج من شارع الوعب لين طريق سلوى .. مسافة مب بسيطة .. أوقات تمشي ورا فلبيني طاري عليه يضغط على أعصابك ويمشي 30 .. وأوقات سيارة كبيرة تناتع بتطلع روحها .. وأوقات واحد متهور يمشي 100 ويشقح الجزيرة ويمشي عكس السير حتى يخلص نفسه من السلاحف والمطبات

إستوت حفرة لو نزل فيها تاير سيارة فورويل اختضت بقوة .. واضطروا الناس يلفون ياخذون نص المسار المقابل .. من بعد المطر لين ألحين ولا حد بيلتفت لها

[بومحمد المطاوعه]

هذه من أحدى النتائج بالأعتماد على الخبراء الأجانب

وفي مجالات عديده لا تعد ولا تحصى

واللي همهم الأساسي هو حصولهم على

الرواتب العاليه والأمتيازات العديده

التي تقدم لهم

ونتائجهم السلبيه لا يهمهم

اللوم الأساسي المفروض يلقى على المسؤولين

اللي يعتمدون على الأجانب بكل شي

وما ينزلون على أرض الواقع

علشان يشوفوا السلبيات على الطبيعه

ليضعوا الحلول لها

الله المستعان
دايمآ المواطن ساحبين عليه
ويخلون الأجنبي اعلى المناصب هني
وياخذ راتب دبل الدبل
وعقب يشل عليه

[مختلف جداََ]

يالربع أبشركم

خط سلاح الجو و التحويلة الجديدة سالكين بشكل لا يصدق

انسيابية في الحركة المرورية كأني في حلم

توني داش الوكرة
و الله شي عجيب



شكرا ياللي لقيت الحل




الإختبار الحقيقي بعد كم ساعه لما العالم ترد من دواماتها

[بوخالد911]

أزمة وبتنحل
ان شاء الله.

[طلعة الروح]

شوارعنا تجيب النكد خاصة الطرق الجديده والعريضه
غير اللوحات الغامضه واللي تتوه الواحد غصب عادي تحصل لوحة تشير الى منطقه الوكره وتتوه فيها نص ساعه تضطر تشغل gps عشان تعرف انت ف وين بالضبط ووين المفروض تتجه باختصار تتحسف تطلع من البيت وعادي مشوار بو 15 كيلو يتحول 45 كيلو لفك طلاسم الطرق.. شي يغث صراحه واتمنى للمنطقة وضع افضل لان الوضع والشوارع حالتها مأساويه خاصة صوب الوكير

[معماري قطري]

شوارعنا تجيب النكد خاصة الطرق الجديده والعريضه
غير اللوحات الغامضه واللي تتوه الواحد غصب عادي تحصل لوحة تشير الى منطقه الوكره وتتوه فيها نص ساعه تضطر تشغل gps عشان تعرف انت ف وين بالضبط ووين المفروض تتجه باختصار تتحسف تطلع من البيت وعادي مشوار بو 15 كيلو يتحول 45 كيلو لفك طلاسم الطرق.. شي يغث صراحه واتمنى للمنطقة وضع افضل لان الوضع والشوارع حالتها مأساويه خاصة صوب الوكير

الوكير بعد بيسوون لها النظام الدائري حق الدوخة

لاحظت خطأ غريب في اللافتات الزرق اللي عليها أسماء المناطق .. المفروض يبدون بالمنطقة الأقرب فالأبعد فالأبعد بحدود 3 مناطق بس كفاية .. عندنا بعض اللافتات صح وبعضها لا حاطين الأبعد قبل والأقرب بعدين وهذا يسبب لخبطة .. كذلك العربي غير والترجمة الانجليزية غير وفيها اختلاف

[بريق الحق]

غباء عند المهندسين
المفروض يقعدون مع اهل المنطقة قبل اي مشروع لانه مشاريعهم نفسهم رايحه فيها
الارصفة والزرع على جانب الطريق أوسع من الشارع

[عاشق الدمعة]

للأسف معظم شوارعنا تجيب الضيق والملل من سوء التخطيط والتصميم والتنفيذ والصيانة لدرجة إننا نتفاجأ بالمسارات تتحول من 3 إلى 2 إلى 1 وتتداخل السيارات على بعضها وقد تسبب حوادث ومشاكل، ومثل ما ذكرتوا وجود حفر في الشوارع تسبب تلف للسيارات أو حوادث في حالة تغيير المسار لتجنب هذه الحفر أو التوقف المفاجئ، وضرورة زيادة وضع اللافتات والارشادات والتبيهات للمطبات والحفر وتغيير المسارات، وأتمنى من المسؤولين الابتعاد عن الاعلام والتصوير والعمل بصمت أفضل خاصة في انجاز المشاريع، ونطبق شعار ... قطر تستحق الأفضل ... بمعناه الحقيقي، ونبغي أفعال مش أقوال

[معماري قطري]

المطبات والحفر وبعض اللفات الغلط وتوسعة بعض الشوارع والاحتياطات الأمنية كالكاميرات بدل المطبات واللي يسرع يتحاسب

هذي كلها أُمور سهلة وسهل توفيرها بسرعة لمناطقنا الداخلية .. الحفر وصيانة الطريق لازم فريق صيانة مختص أو عدة فرق دام شوارعنا هشة يجولون شوارعنا ويصينونها أول بأول .. بعض اللفات توسعتها سهلة وتخطيط الطرق سهل ولا يحتاج عمر وواجب أشغال التخطيط الدائم ووضع الإشارات

ضرورة عمل كسرات مرصوفة ليكون فيها تانكي القمامة حتى يكون ثابت ما يدخل الطريق مثل ما هو حاصل في كثير من المناطق ويسبب ربكة

شفيكم يا أشغال ما تشتغلون الا مشاريع جديدة وللشوارع الرئيسية ركزوا على كل قطر هذا واجبكم

[وليف الشوق]

هيئة الاشغال مشكورة او اي جهه مختصه مثل الامور هذي واللي يسوون تحويلات لمدد طويلة ولا جل غير مسمى اتمنى مراعاة السائقين والموظفين ويتم عمل شارع لدرجة انك ماتحس ان هالشارع مؤقت او تحويله
ولتنظر الجهه المختصه بحقوق السائقين والموظفين واللي الوقت يهمه عشان يروح ينهي معاملاته الخاصه واتمنى القضاء على موضوع التحويلات بمشروع او فكرة جديدة تسهل على مرتادي الطريق السير بسهوله دون عناء او مشقه او مشاكل

[طلعة الروح]

الله يعين هل الوكره
اليوم ف وطني الحبيب كم واحد مشتكي على هالموضوع

ياريت الواسطه تشتغل في أمور ايجابيه وتفيد المجتمع ومن ضمنها ضمان انسيابية الشوارع وخلوها من المتاهات والطرق الطويلة اللي صممت بدون مخارج مثل الناس، انا شايفه انه باقي لنا وايد عشان تتحسن اوصاع الطرق وتتخطط صح المشوار لازال طويل من وجهة نظري كمواطنه ماتفهم كثير في تخطيط الطرق لكن من كثر ماشفنا تحويلات وطرق مؤقته صرنا شبهstreetwise مع مرور السنوات.

[.قطر.]

ياريت الواسطه تشتغل في أمور ايجابيه وتفيد المجتمع ومن ضمنها ضمان انسيابية الشوارع وخلوها من المتاهات والطرق الطويلة اللي صممت بدون مخارج مثل الناس، انا شايفه انه باقي لنا وايد عشان تتحسن اوصاع الطرق وتتخطط صح المشوار لازال طويل من وجهة نظري كمواطنه ماتفهم كثير في تخطيط الطرق لكن من كثر ماشفنا تحويلات وطرق مؤقته صرنا شبهstreetwise مع مرور السنوات.
حتى انا اشوف الوضع نفس ماتشوفينه مادري متى بنصير نفس الناس نخطط عدل

[GENIUS]

الدائري السابع عطلنا وبهدلنا أكثر .

حتى الطريق البديل من الجهة الاخرى إلى الوكير ناحية مجمع الأديان تحويلات تفر الراس وتعقدك .

اللي مستغرب منه هو عدم فتح مدخل للطريق الجديد للقادم من الوكير مع أن السالفة كلها إزالة الحواجز فقط والطريق جاهز بدلا من الوضع الحالي اللي يجبرك تذهب الى الدائري السادس عن طريق مجمع الأديان والزحمة الخانقة هناك بسبب مسار واحد للدخول للدائري السادس ونفس الوضع مسار واحد عند جسر المطار الجديد للقادمين من الوكرة وميسيعيد ذهابا إلى باقي مناطق الدوحة غير الكورنيش .

[بوخالد911]

اللي يبط الجبد

ليش سكروا إشارة بروة؟؟؟

طولوها وهي قصيرة

[طلعة الروح]

اللي يبط الجبد

ليش سكروا إشارة بروة؟؟؟

طولوها وهي قصيرة

الحين في لفة على اليمين على طريق سلاح الجو توديك على الطريق السادس توديك دايركت ع (الثمامه والمطار) .. كل يوم يفتحون لنا طريق مفاجئ الواحد مايلحق يحفظ الطريق القبلي حتى يطلعله طريق ولغز جديد. . حد يقولي شارع نجمه اللي يوديك على قرية بروه من ورا شلون اجيه من المطار القديم ومن اي طريق يطلع لي هالشارع بالضبط ��

[معماري قطري]

الله يعينكم مأساة المرور هناك

ليش ربعنا يحبون اللفات وايد ومن دائري لدائري وليش ما يعتمدون الطرق المستقيمة الرئيسية وشبه الرئيسية والفرعية والمحلية وتقاطعات الرئيسية وشبه الرئيسية تكون بدون توقف والباقي إشارات ويبتعدون عن الدوارات نهائياً .. لازم ياخذون آخر ما وصلت له تكنولوجيا الطرق ما يركضون وراء جزئيات من كل مكان وينقلون فكر خاطيء بأن التضييق يفيد في تقليل السرعة والحوادث .. ما قلل السرعة الا الرادار

[مرتبش]

للاسف الدعاية المصاحبة لافتتاح الدائري السابع اكبر من الشارع الغير مكتمل واللي عبارة عن تحويلات من جسر تحت الانشاء الى شارع متهالك الى دوار صغير مؤقت.

[معماري قطري]

للاسف الدعاية المصاحبة لافتتاح الدائري السابع اكبر من الشارع الغير مكتمل واللي عبارة عن تحويلات من جسر تحت الانشاء الى شارع متهالك الى دوار صغير مؤقت.

مكلف 4 مريارات قلبي يعورني وانا اكتبها ما كتبتها صح

[معماري قطري]

جزء من تجميل القبيح إنهم يسوون احتفال للافتتاح وهو مشروع ناقص نقص كبير ومجربيه يعكسون نتيجته ويحكمون عليه

[أبو سعود]

مكلف 4 مريارات قلبي يعورني وانا اكتبها ما كتبتها صح


سلامه قلبك يا أخ معماري قطري


بس عندي سؤال ؛


متى بيعملوا صيانه على هذا الشارع الجديد ؟ ؟ ؟



وكم بيكلف من الأموال تقريبآ على هذه الصيانه ؟ ؟ ؟


لأن أحنا تعودنا نشوف ما أن ينتهي مشروع ما

الأ وفتره صغيره نشوف العيوب والسلبيات تظهر

على هذا المشروع الجديد


ومن ثم يتم ترقيع هذا المشروع


وما سمعنا عن محاسبه المقصريين على

هذا المشروع